عذرا للغيبة غير المقصودة عن البورد وقد اشتقت لحروفكم جدا ظروف مرضية المت بالوالدة العزيزة واستدعت سفرى العاجل الى السودان وبرغم الظروف _ وقد تماثلت الوالدة للشفاء بحمد الله _ الا ان تواجدى بالسودان هذه الايام جعلنى استرد روحى واشعر بعافيتى انا فقد اكتشفت اننى كنت مريضا ايضا _ ببعدى عن هذا الوطن _ ولكم ان تتخيلوا متعة اعيشها هذه الايام لا توفيها الحروف حقها ، وللغرابة فانها المرة الاولى فى حياتى اقف عاجزا عن الكتابة جراء المتعة اللانهائية التى اعيشها للتواصل مع بورداب الخرطوم موبايل 012297322
01-19-2003, 09:40 PM
ود شاموق ود شاموق
تاريخ التسجيل: 11-17-2002
مجموع المشاركات: 3605
الاستاذ خالد عويس الحمد لله طمنتنا عليك و كفارة على الوالدة و عليك و البلمك فى بورداب الخرطوم هم بامسيكا او الصحفية دريمز و اذا ما عترت عليهم الشاعر هاشم صديق او القدال بلمك فيهم..و عليك الله ما تنسى تناقشوا لينا موضوع قيام المهرجان فى الخرطوم و اطلاعنا على كل الظروف السياسية و الافتصادية و الثقافية بالخرطوم الجميلة
العزيز خالد عويس حمد الله علي سلامه الوالده وربنا يطمنك عليها كمان وكمان ويخليها ليك واجمل التحيا لبورداب الخرطوم الحلوين وبي نظرتك لي السودان فصل لينا الحاله وطمنا لو بالقليل عن الاهل والبلد
الأطفال ياعويس قبل سن الفطام يرضعون الكثير من امهاتهم وانت محظوظ ياسيدي لأنك ترضع الآن من السودان ترضع من حبه وبساطته وكرمه وشموخه جميل ان تكون الآن في هذا الوطن الوطن الشامخ شموخ السنديان والأرز والجبل الأشم الوطن الذي لاتهزه الريح الوطن الذي لايترنح انه وطن بقامة العالم وطن بقلب كبير ونيل كبير وهم كبير لكنه صامد رجاله صامدون ونساؤه صامدات وهو فوق هذا وذاك وطن من معدن لايصدأ ارجوك ياسيدي ارجوك وارجوك وأرجوك بقدر قامة وطني وبقدر مساحة قلبه الكبير ارجوك أن تملأ كرشك من ماء النيل من الأزرق او الأبيض من السوباط من التاكا من القاش من توتيل من الرهد وعطبرة ومن بحر الجبل لايهم 00 من كل مكان ما يهم انه ماء سوداني ولاتنسي ان تبلغ تحياتي لكل أهل العوض واهل العمارات والذين يسكنون القطاطي والذين يلتحفون السماء كبير هذا السودان 00 وعظيم هذا السودان باي ابوحراز
يا استاذ يا فنان اولا الف سلامة الوالدة و حمدلله على سلامتك و الله مين زيك سلم لينا على كل ذرة رمل في السودان و لك الف تحية غايتو ما بتعرفني جيت البورد بي وراك لكن لقيت جدارية للوطن و مجموعة حاجات بتقول انك زوق سلام
الاخ المفضال خالد عويس حمدا لله على سلامة والدتنا ونسأل الله أن يمتعها بالصحة والعافية ونتمنى لك متعة طيبة بالوطن الاب وعليك الله شربة جغمة من النيل الازرق اصلى عطشان من سنين ولم ترونى مياه الراين سلام للاهل والصحاب والاحباب
01-20-2003, 10:11 AM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
يابختك بالاتنين ياخالد عويس بلوغ الوالده للعافيه وربنا يديمها عليها ان شاء الله ورجوعك للبلد وللنيل والاهل تمتع بوجودك بجوار الوالده وفي ربوع الوطن الحنين وماتنسي تسلم لينا علي بورداب السودان واهلنا الحنان متعك الله بالصحه والعافيه
الاخ خالد عويس السلام عليكم ورحمة الله وبركاته اخي سلامة والدتك ولم اعرف هذا هو سبب سفرك للسودان معا اني جارك في المملكة العربية السعودية ونتمني لها دوام الصحة والعافية ولك التحية وانت في ارض الوطن الغالي
مسافر عكس الموجة والتيار انا مسافر رقم صعوبة المشوار انا مسافر
01-20-2003, 08:36 PM
willeim andrea willeim andrea
تاريخ التسجيل: 05-01-2002
مجموع المشاركات: 3814
سلامة الوالده يا اخوي خالد وربنا يشفيها وتقوم بالسلامه وما اوصيك تتمتع بكل نسمة هواء ترفرف علي شارع قارب نيلي وشجر الليمون والنيم وكل الحلوين في بلدنا الحلوه وناسه الحنان ودمتمه ايها الحبيب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ود شاموق
بكرى ابوبكر
منوت
اسامة الخاتم
3asoola
abas
ابوحراز
عزيز
Abdel Aati
bint algazeira
almohndis
انور عمر
willeim andrea
فيس بوك
تويتر
انستقرام
يوتيوب
بنتيريست