عصيان عصيان حتي نسقط الكيزان
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 10:35 AM الصفحة الرئيسية

مكتبة خالد عويس(خالد عويس)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

!!! أبوحــراز الحق تماضــر شيخ الديـــــن

05-27-2003, 03:45 PM

خالد عويس
<aخالد عويس
تاريخ التسجيل: 03-14-2002
مجموع المشاركات: 6332

للتواصل معنا

FaceBook
تويتر Twitter
YouTube

كيف احذف مداخلة من بوستى
!!! أبوحــراز الحق تماضــر شيخ الديـــــن

    السيد المحترم أبو "حراز" ، والله يبدو انى مصّر على تسميتك كده لحد ما الامريكان يجوا يسقطوا حجرك
    عموما ، البوست ده ما فتنة ولا حاجة ، وانا جني وجن الفتن انت جنك وجن شنو؟
    الحكاية يا سيدي انو انا قريت بوست لى تماضر بتقول فيهو ماشة اجازة
    وبي تحت تحت وبي علاقاتي الصحفية عرفت انو تماضر بدت تعمل زي نجوم امريكا
    يعني الصيف فى جزر الكناري او هاواي
    وقالوا حاجزة ليها جناح بعد مشاركتها فى مهرجان كان وحصولها على " السعفة الذهبية " ومليون دولار " انشاء الله يا رب ، فعلا يتحقق الحلم ده وتفوزي بجائزة عالمية وترفعي راسنا " المهم فى الموضوع يا ابو حراز ياخوي عشان ما اطول عليك انا عارفك مستعجل وشفقان ماشي تحصل فتة الفول فى البغدادية ، انا قلت لى تماضر عليك الله اكان ما سقتي معاكي ابوحراز بس عشان يشوف جزر هاواي دي ، ويجي يهوس البورد مدة سنة لى قدام بى سفرتو دى
    البت النصيبة دى حلفت بالتقطعها كراعك ما تبراها شبر
    اها انا قلت انقل ليك الكلام ده بدل ما تقضي الصيف فى جدة ، انا وانت نمشي مع تماضر
    انشاء الله توم آند جيري
    مش برضو نجوم سينما

    "مع الاعتذار للمبدعة شيري على الهترشة دي
    والتحية والمحبة للعزيزين تماضر وابو "حراز " ما قلتت ليك انا مصر؟
                   |Articles |News |مقالات |بيانات

05-27-2003, 07:01 PM

Ahmed satoor


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: خالد عويس)

    كدى يا خالد ابو حراز ده بالاول نعرس ليه والباقى هــــين.
                   |Articles |News |مقالات |بيانات

05-27-2003, 08:09 PM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: خالد عويس)

    الحبيب خالد
    سلام
    ابو حراز دة باقي ليهو شهر يلبس العقال
    إنت داير توديهو مع القديرة تماضر...إحتمال يروح او يحرن تاني ما يجي
    ...
    كدي اسألك سؤال سري
    هي تماضر دي ماشة هاواي ..ولا بهاما ؟





    ابو القدح بعرف محل بعضي اخو
                   |Articles |News |مقالات |بيانات

05-28-2003, 05:44 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: alfatih)

    خالد عويس
    قرأت حديثك وكنت أشاهد وقتها جائزة السعفة الذهبية وهي تمنح للفيلم الضخم الفيل 00 كنت اتلصص عليهم وأشاهد بشغف لأرى نيكول كيدمان 00 لكنها لم تأت 00 ولم يأت حتى ذكر لفيلم الساعات الذي صعدت على أكتافه لتتسلق على منصة كان 00 ولم تأت كينيت وينسليت الغارقة مع تايتانيك 00 ولكن فجأة قفزت بنت سمراء بوجه طفولي 00 انها سميرة مخلباف لتتسلم جائزة التحكيم عن فيلمها مابعد الخامسة عصراً 00 وكنت قد شاهدت نفس هذه اللحظات عندما صعدت هذه الشابة لتتسلم جائزة اللوح الأسود أو السبورة السوداء لتعطي طعماً رائعاً لتفاحتها التي كانت بداية افلامها 00 تذكرت حينها ان لدينا مخرجة بقامة سميرة مخلباف 00 انها تماضر شيخ الدين 00 ربما لو توفرت لها الإمكانات فلما لانجدها وقد تسلقت هذه المنصة 00 أليس الحبل الذي فاس في قرطاج ببعيد 00
    خلاص أكتفي بهذه الجدية ولنعود الىالرحلة التي ستأخذني معها فيها الى جزر الكناري أو هاواي لا ادري 00 قرأت انها قالت ابوحراز ماعاوزاه يباريني 00 لكنني عندما علمت انها ستزور هذه الجزر سبقتها الى هناك على طريقة سيك سيك معلق فيك 00 اعرف انها تقول ذلك لكنها لاتستطيع 00 ليس حباً في جضومي بل لأن قلبها يحمل كل السودانيين
    قلب بمساحة السودان وبقوة السنديان
    انها تقول لا في كثير من الأحيان
    ولكنها تأتي بكوبها لتسقي من تقول لهم لا
    تسقيهم ماء غير آسن ولبن لم يتغير طعمه
    وفوق هذا وذاك تسقيهم نخب هذا الحب
    ان أخذتني معها فسأذهب دون تردد وأحمل لها حقائبها
    وإن لم تأخذني معها
    سأسافر عبر كلماتها لأطوف كل العالم
    وهذا يكفي !!!!!
                   |Articles |News |مقالات |بيانات

05-28-2003, 12:34 PM

خالد عويس
<aخالد عويس
تاريخ التسجيل: 03-14-2002
مجموع المشاركات: 6332

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: ابوحراز)

    تسلم يا ابوحراز يا اصيل
    وتسلم لينا تماضر
    والله انا بحلم زيك كده
    بفيلم سوداني تتولاه تماضر
    ويترشح لى جوائز عالمية
    نحن عندنا حياة غنية جدا
    وتنوع مدهش
    واساطير
    وحكايات
    لكن ...!! عموما يمكن يجي اليوم ده
    لكن ما قلت لى انت كنت منتظر نيكول او وينسليت ليييييييييييييييييي؟؟؟
    انت يا شقي خطيبتك دى ما عارفة تلصصك ده ؟
    انا تابعت زيك سميرة مخلباف
    وكنت سعيد من اجلها
    وشفت جزء من فيلمها بس طبعا ما جابوهو كامل
                   |Articles |News |مقالات |بيانات

05-28-2003, 07:31 PM

Mutwakil Mahmoud
<aMutwakil Mahmoud
تاريخ التسجيل: 04-13-2002
مجموع المشاركات: 470

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: خالد عويس)

    ياخالد عويس ياصحفي ياقدير
    وصديقي العزيز أبو حراز أبوشلاضيم ليك وحشه يازول
    أها ياالحبان
    علي بالطلاق طماطم دي ماتسوقكم معاها لجزر هاواي المشي علي والحجل بالرجل بس علي شرط واحد ياخالد أنو أبو حراز ده يخلي شلاضيمو الذي لقيمات الصدقه ديل ذي ما بيقول زميلي وصديقي رحمه الله د.عوض دكام يخليهم جنب الكعبه المشرفه والا ما حيسمحو ليكم بالدخول هنا لمن تجوني في لوس أنجيليس مدينة الملائكه سامع يا أبو حراز يعني شواطين سودانيين وجايين من السعوديه لاحول ولاقوه تماضر تقع بيكم وين جرت منكم لآخر نقطه في أطلس الجغرافيا وبرضو عايزين تلحقوها أرحموها ياأخوانا عليكم الله واقعدوا جنب اللغوات حقنكم ديل
    وبالله ياساطور ماتنسي أخوك متوكل لمن تجي تعرس لأبو حراز نسيت أيامنا الخوالي في لوس أنجيليس والا أيه؟
    ودمتم وفي الأنتظار
    أخوكم د.متوكل
                   |Articles |News |مقالات |بيانات

05-28-2003, 09:17 PM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: Mutwakil Mahmoud)

    تعرف يادكتور متوكل
    بمناسبة شياطين السعودية
    واحد جانا من السودانالمرةالفاتت في بدايةرمضان
    وأنا استقبلتو في المطار
    اولماسلم علي
    قام قال لي هووووووي ياناس
    رمضان ماثبتوه عندكم
    طبعاًبكل براءة قلت ليه
    ياخوي ثبتوه ليه يومين
    قام قال لي
    لكن مالك حايم هنا
    مفروض يكتفوك مع الجماعة
                   |Articles |News |مقالات |بيانات

05-28-2003, 10:12 PM

HOPELESS

تاريخ التسجيل: 04-22-2003
مجموع المشاركات: 2465

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: ابوحراز)

    احم احم

    يا ابوحراز الكلام دا كيييف..؟
    صحي الكلام القالو لي اخوي خالد دا..؟

    انا صراحه الشمار كتلني قلت لازم اسألك
    انت صحي تماضر ساقتك تمسك ليها الشفع في البيت عشان هي حتكون مشغوله بالمهرجان وكدا..؟

    لكن والله خدمه جليله منك وبرضو اسمه خدمه وطنيه...بس طبعا ما الزاميه... مش اختنا تماضر بتمثل الوطن برضو..؟

    قال مشى يتمشى قال
                   |Articles |News |مقالات |بيانات

05-29-2003, 02:13 AM

emadblake
<aemadblake
تاريخ التسجيل: 05-26-2003
مجموع المشاركات: 791

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: خالد عويس)

    هل تصدق ياخالد أن حلمي عندما كنت عجوزا أن أصبح مخرجا سينمائيا وعندما صرت طفلا ضاع عني الحلم وكنت احلم أن أخرج فيلم كبير عن الحضارة النوبية القديمة بطله الملك أركاماني أو تهراقا أو ليس مهما فجأة تجد أن الدنيا تسوقك لدربها وأنت لا تدري مثل ما قال الطيب ود صالح في بندر شاه ما ندري بكره البكا على ايه على الراح ولا على اللجاي أنا أقول أنو البكا سيكون على اللجاي فالراح راح
    عموما لو أردات تماضر أن تدخل في موضوع كان أعني مهرجان كان فأنا مستعد لأن أعيد التفكير في حلم الطفولة وأحاول أجدع كل الحاجات وأتفرغ سنتين لدراسة الإخراج السينمائي وأبوحراز لن يقصر في تقديم نصائحه للجميع

    نحن مشكلتنا سينما وسياسة واقتصاد وووو لا نعرف من أين نبدأ واين ننتهي ويبدو أن صوفيتنا الضاربة في جذور ذواتنا الخجولة هي المشكلة
                   |Articles |News |مقالات |بيانات

05-29-2003, 07:28 AM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: emadblake)

    سلام مربع


    كوكو كو: اجر السلكه وادخل
    ياناس البيت ..
    هذه عادتي ولست بشاراياها ولاحاجة .. من يهترش غيري
    ما ان اجد مساحة للهترشه تمدد امامي الا ونطيت فيها عستها شبرا شبرا
    تعرف يا خالد نحن ينقصنا فعلا ان نعيد ترميم _المزيرات القديمات على طريقة الازاير المرصوصة جمب جامعة القاهرة وراء كلية التجارة يعين جنب اسلاك السجون
    واشلاق البوليص
    تعجبني جدا هذه اللوحة كنت ولا زلت اعتبر هذه اللوحة على الاطلاق من اجمل اللوحات التي شاهدتها في كل مدن العالم التي زرتها بصحبة والدي
    هل تدري انهم حينما علموا ولعي بالازيار واكشاك الحاجة الباردة ماذا فعلوا
    اصدقائي اعني .. جاءتني ام مازن تهرول
    يا بت الحقي الحقي والله في مزيرة في شارع الوادي
    قبل شارع الدومه
    وعرفت ان هذا المنزل من اشهر بيوتات امدرمان
    وتاريخه ناصع جدا
    انه منزل الطهار اسماعيل
    هكذا سمعتهم يسمونه
    نحن تنقصنا ان نعيد سيرة هذه الازيار
    في كل شوارع الخرطوم وبحري وامدرمان
    لا ادري ماعلاقة سعفة كان وكيدمان
    ومخلباف ومابعد الخامسة عصرا
    وسفر ابو حراز الذي اره يبكي ويتنخج محنسا ومجعرا ومرعدا
    ومتباكي عسى ان تحن عليه البت الحديقة تماضر
    وتسوقه معاها الى جزر الكاريبي
    التي اصلا لا اعرف كيف يصلوها
    خاصة ابوحراز . خاصة مع هذه الطائرات التي تخطف كل ثانية والثانيه
    ولا اعرف لما اصلا انا هنا .
    قد تكون رايحه لي هترشه وقد اكون لم اشرب شاي العاشره صباحا بعد
    وقد يكون هذا كله من نقصان معدل الجزر في دمي
    اذ للهترشه في اوقات كثيرة علاقة ما بين ما احسه من دبرسه
    وبين ما احسه من حالات الفقد الكموني لفارق التهميش الذي تمارسه
    حروفي مع احاسيسي
    فاقول ما لا اعني واكتب ما يجوس في
    وشكلي كده ح البخ
    وسلمت كلكم
    حتى الحلوه
    نانسي بت عجرم
    شكيتا على الله
                   |Articles |News |مقالات |بيانات

05-29-2003, 04:36 PM

خالد عويس
<aخالد عويس
تاريخ التسجيل: 03-14-2002
مجموع المشاركات: 6332

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: shiry)

    حبيبي احمد ساطور
    عرس ابو حراز ده
    نحيا ونشووووف عرس يحيي
    غايتو انا شاكي انو اصلا ابو حراز ده يكون خاطب من اساسو
    مجنونة منو دى البتقبل بيهو ؟
    حبيبي الفاتح
    ابو حراز
    وعقال فوق راسو الغليد ده ؟
    كده قولي يلقو ليهو عقال قدر راسو ده وين
    وكان لقوهو ، البتاعة السوداء الفوق العقال دى بيسموها شنو ، يلقو واحدة قدر راسو كيف
    الا يجيبوا لستك عربية "هوندا" ولا "كوريلا " ويختوهو فوق العقال
    د. متوكل ، صديقي الجميل
    انتوا رايكم شنو نرسل ليكم ابو حراز ده امريكا
    نعمل ليهو فك تسجيلات من السعودية يجي يوريكم شبهكم فى امريكا
    غايتو انت والموصلي ما كان حيفضل فى راسكم شعرة واحدة
    ده مجننا هنا جن ما تتخيلو كلو كلو
    كلما نقول خلاص راق
    ينط بى موضوع جديد يدخلنا فى الجهجهة
    هوبليس الحبيب
    هو بلا الخدمة الالزامية المطفشنا انا وابو حراز من السودان شنو ؟
    بعيدن زى جنيات تماضر ديل بيتمسكوا باقيلك ؟
    عماد الرائع
    رايك شنو تعمل فيلم يكون بطله ابو حراز
    بس بى شرط
    بطلة الفيلم تكون نيكول كيدمان
    شيري
    بس ما هترشنا شوية يا اختي الا جيتينا ناطة بى جنس شقاوتك دى ؟
    بعدين الشلاقة العليك شنو ، هسع افرضي ابو حراز نط ليكي فى الموضوع ، البيحلك منو منو تاني ؟
    والله يفرج عليكي الله وخلايقو
    ؟
    انتى رايك شنو بالمناسبة تجي معانا الرحلة دى ؟؟
    انا وابو حراز وانتى وتماضر؟
    نهترش لما ناس الكاريبي كلهم يقتنعوا بالجن الما شافوهو قبال كدى
    طبعا ما حننافسك ابدا
    الا ابو حراز حيشتاق للفتة
    بتعرفوا تسووها انتى وتماضر
    غايتو انا من هسع علىّ سواة القهوة وغسيل العدة
    وابو حراز قال حاجز يكون ديك العدة

    اصدقائي جميعا
    لكم التحايا جميعا ومعليش لو بدرت مني كلمة غلط جاى ولا جاى
                   |Articles |News |مقالات |بيانات

05-30-2003, 03:31 AM

emadblake
<aemadblake
تاريخ التسجيل: 05-26-2003
مجموع المشاركات: 791

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: !!! أبوحــراز الحق تماضــر شيخ الديـــــن (Re: خالد عويس)

    الأخ خالد

    ما في مشكلة بس أبوحراز يوافق

    بالنسبة لنيكول كيدمان ما حيكون عندها مشكلة اصلو علاقتها قوية جدا مع شيري وممكن تقنعها
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de