دعواتكم لزميلنا المفكر د.الباقر العفيف بالشفاء العاجل
|
|
 دعوة للتسامي فوق الجراح
|
كنت اعلم جيدا هشاشة المواقف والاراء...
كنت اعلم جيدا اننا مازلنا في برًك الجهل ...
كبيرنا يهان وصغيرنا يشد لجام الاهانة ويلقي الاعانة.. وابسط قواعد الحشمة تتهاوي في اول عثرات تعلم المشي المضبوط...ومااسهل الانحطاط في هذا المنبر الخرب التعيس (بفعل الفاعلون)...
بعض الزملاء في بواكير ايامي في هذا المنبر بعضهم تعرض للظلم والاهانة البينًة ووقفت وقفتي التي ترضي قناعاتي ومباديء واستغربت احجام معظم الزملاء عن قولة الحق اللهم الا من رحم ربي وهم لايتعدون اصابع اليد الواحدة ..يومها ايقنت ان هذا المنبر ليس سوي نادي مظلم تقام فيه المهرجانات والكرنفالات والناس تمارس رقصاتها خلف الستور فلاعينا رأت ولااذن سمعت ..ويشهد الله انها اقبح حالات موتات الضمير العفة الشرف والاحترام...
حزنت كثيرا لما يجري هنا ومازلت في حزني وسـ أظل عليه ان امدَ الله في ايامي...
.........................
ترن في اذني دائما كلمات عميقة سمعتها ايام كنا نسمع جيدا فحفظتها عن ظهر قلب وجعلتها نبراسي وهداي..
ماتبقي رقراق كون ياضل ياشموس..
ولكم مخذي منظر الرقراق اذا سادت الثقوب واستطالت واستفحلت واستكبرت ..ولكم جميلا ان يكون الظل حنينا حين يأوينا من هجير الحياة المريرة فنكون في حضنها كطفل غرير في حجر ام رؤوم..
ولكم جميلة ضياءآت الشموس حين تمنحنا الدفء العفيف اذا مااشتد زمهرير الشتاء فنكون في رحاباتها وتكون كالازاهار تمنح الناس العبير وهي المهددة بالذبول..
واصل الرقراق ضيق ضيق ...ولكنه بغيضا اذا تجاهلناه فيستشري في انحاءنا كالسم الزعاف..
بداية الرقراق لم نعالجها جيدا فاضحي جسدنا مليء بالقدود والرقراقات السخيفة..
فطوبي للحالمين الطيبين ..
وسحقا للخراب والظلام واندية السخف والجهل المتعلم...
طوبي للمدينة الفاضلة للقيم النبيلة للانسان..
وسحقا للتخاذل للسطحية للتنابذ والتعافر ..
......
ومهما طالت اقامتنا في هذا المكان فحتما عنه راحلون وعن الدنيا اكبر همنا ومبلغ علمنا ايضا راحلون..
اسالكم بالله العظيم الذي خلق من علق ان تسمو بارواحكم فوق الخلافات ..بالله عليكم تراجعوا قليلا تراجعوا ..تراجعوا ودعوا الفجور في الخصومة ..والحق لاينصر الا بالحق.. والحق لايسترد الا بالحق..والخير لايسود الا بفعل الخير ...حتما سنكون يوما ما كالضلوع حين تضحي هشيما في ارماسها..
فازرع طيبا تحصد طيبا..
وسلاما علي الحبيب المصطفي عليه افضل الصلاة والسلام...
وعليكم الرحمة والمغفرة...
...
زول الله
|
|
 
|
|
|
|
|
|
|
|
Re: دعوة للتسامي فوق الجراح (Re: ودرملية)
|
ود رملية..
طوبى لك ايها الجميل في الزمن العفن
آمل ان يجد نداْك اذان صاغية وسط طبول الفراغ
الم يقولوا..
ان كل اجوف ينتج صوتا اعلى
فلله درك يا هذا.. وكل ودي
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
Quote: ترن في اذني دائما كلمات عميقة سمعتها ايام كنا نسمع جيدا فحفظتها عن ظهر قلب وجعلتها نبراسي وهداي..
ماتبقي رقراق كون ياضل ياشموس..
ولكم مخذي منظر الرقراق اذا سادت الثقوب واستطالت واستفحلت واستكبرت ..ولكم جميلا ان يكون الظل حنينا حين يأوينا من هجير الحياة المريرة فنكون في حضنها كطفل غرير في حجر ام رؤوم..
ولكم جميلة ضياءآت الشموس حين تمنحنا الدفء العفيف اذا مااشتد زمهرير الشتاء فنكون في رحاباتها وتكون كالازاهار تمنح الناس العبير وهي المهددة بالذبول..
واصل الرقراق ضيق ضيق ...ولكنه بغيضا اذا تجاهلناه فيستشري في انحاءنا كالسم الزعاف..
بداية الرقراق لم نعالجها جيدا فاضحي جسدنا مليء بالقدود والرقراقات السخيفة..
فطوبي للحالمين الطيبين ..
وسحقا للخراب والظلام واندية السخف والجهل المتعلم...
طوبي للمدينة الفاضلة للقيم النبيلة للانسان..
وسحقا للتخاذل للسطحية للتنابذ والتعافر ..
......
ومهما طالت اقامتنا في هذا المكان فحتما عنه راحلون وعن الدنيا اكبر همنا ومبلغ علمنا ايضا راحلون..
اسالكم بالله العظيم الذي خلق من علق ان تسمو بارواحكم فوق الخلافات ..بالله عليكم تراجعوا قليلا تراجعوا ..تراجعوا ودعوا الفجور في الخصومة ..والحق لاينصر الا بالحق.. والحق لايسترد الا بالحق..والخير لايسود الا بفعل الخير ...حتما سنكون يوما ما كالضلوع حين تضحي هشيما في ارماسها..
فازرع طيبا تحصد طيبا..
وسلاما علي الحبيب المصطفي عليه افضل الصلاة والسلام...
وعليكم الرحمة والمغفرة...
...
زول الله |
ولكم كلامك جميل يا ود رمليه
طوبى لنا بك وطوبى لهذا المنبر الذي عرفنا على امثالك
وسوف احفظ هذه الكلمات وسوف اجعلها نبراسي انا ايضاً
لك التحيه والاحترام
| |
|
|
|
|
|
|
|
|
|
Re: دعوة للتسامي فوق الجراح (Re: maha abdella)
|
سلامات
وعوافي
احباب الروح
طيفور ومها
اوليس حزينا هذا المنظر الذي طفت قباحته علي السطح فاضحي آسنا...
دائما نكون عدائيين في خلافاتنا او حتي في شكل اتفاتنا ...
انا لاادري ماالسر في هذه البشاعة التي تسربت لتطال اناس نحترمهم ونحبهم...
ولاادري ماهو الجوهر والمكنون الذي نبحث عنه او ننتظره لياتينا بعد هذا الاسفاف والقبح المحُلي بالالقاب...
والله يااحباب كنت اتمني ان اكون واحدا من المساهمين في هذا المنبر والرافدين له بالغالي والنفيس فماتت امنياتي في اول لحظات الطلق والشاهد الله..ومازلت اواصل بحثي عن كتابة ترضيني وتعود لي بماسرقته مني خيبة الامل حين تملكتني وحجزت كل ناصية تؤدي مني اليًُ..
تمنيت الحب ذي قبل وخرجت كالذي يغطي صدره وعورته تشحذ الكساء واوراق التوت...
تمنيت الصداقات النبيلة فعدت كالذي ضرب خيمته علي شفا جرف هار..
تمنيت التثاقف الصادق فعدت كالذي يبحث عن خاتم في فلاة قاحلة...
ولكني رغم تكاثف الخيبات واعتلال الاماني وشهوق الرمم لكنني رغم كل ذلك ساظل انادي بالحب والصداقة والتثاقف برغم خلو وفاضي الا من قلب اجتهد دائما واثابر واموت الف مرة كي اجعله نظيفا طاهرا...
والحب لنا وللكادحين وللذين طالهم رشاش التفاهات اللعينة وللذين يراجعون المواقف القبيحة لا لذلة او مهانة ولكن لرفعة وهيبة واستقامة...
وطوبي للعاقلين الممسكون بنواصي الكلم الرصين الكادحين في سبيل العلم والمسهمون في خارطة المعرفة سودانيها وعالميها
طوبي للذي يتلقي الصدمات والكدمات بصدر الابطال وحلم الرجال
وتبا للتباغض والتحاسد والتكابر والتعالي ورذيل الصفات
وسحقا لكل قلم نابيء ضعيف سقيم رجيم
وطوبي لكل قلم نابه عفيف رنيم رحيم
............................
............................
العجيب حتي الذين يتصدون للمواقف المشينة ... يتصدون لها بنفس الشنة ...
شفتو كيف الدنيا حارة كواست الراحة فيها...
الله في
مع كثيف حبي للراشدين
زول الله
| |
|
|
|
|
|
|
|
|
|
Re: دعوة للتسامي فوق الجراح (Re: محمد النعمان)
|
سلامات
وعوافي
النعمان
مرحبا ياصديق ..صدقني دائما اجد نفسي حالما مشناقا والواقع كثيرا مايكسر مجاديفي ولكن عزائي ان الأرك غالبا لايطيل البقاء فاما قضي علي نفسه او قضيًَ عليه..
لك ودي احترامي
واقيفوا معي نشيل كتف الغنا الميل...
| |
|
|
|
|
|
|
|
|
|
Re: دعوة للتسامي فوق الجراح (Re: Rawia)
|
سلامات
وعوافي
راوية كيفنك..
نور اضحت قاسية الطباع فتارة تتجاهلنا واخري تسدر في غيابها لاتثنيها الرجاءآت ولا الدعوات..
عزائي انها بخير ونبل..
سلميلي عليها وقولي ليها ابقي واضحة وكتري طلاتك..
ولنا الوئام والمحبة وللاخرين حميم الاماني وشديد المودة..
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
صديقي الخاص ودرملية
سلام يحمل تسامح وتسامي
إنت ثمين شديد فأسال المولى أن يحفظك ثميناً ونفيساً ويلبسك رداء الصبر وأنت تصارع أوزارنا وعنفنا وشططنا وشيطاننا
وكل يوم وزنك بزيد في ميزاني
لك الود والشووووووووووووووووووق
سلام وعوافي (ماركة مسجلة)
| |
|
|
|
|
|
|
|
|
|
Re: دعوة للتسامي فوق الجراح (Re: بدرالدين شنا)
|
سلامات
وعوافي
بدر الدين ياصديقي الجميل واخي في الاحلام البريئة..كيفنك يازول وكيف الصحراء معاك وعيال اليانكيز علكن طيبين ..
يابدر اخوي والله تراني بفتش لي ضل هادي ورزين اغتغت بيه لفحات الهجير واشرب فيه فنجان قهوة فنجري واعزم عليه حباني وخلاني ...واريتك انت تبقي طيب انا البيَ كلو هين
حبي الشديد
| |
|
|
|
|
|
|
|
|
|
Re: دعوة للتسامي فوق الجراح (Re: مريم بنت الحسين)
|
سلامات
وعوافي
مريم
شكرا يارقيقة علي وجودك هنا وكوني معنا لنرمي ساس التسامي فوق الجراح فنشد اكتاف القيًم النبيلة ونضحي بعدها بهاليل وجبهاء لانغض الطرف عن الخطأ ولانستكين للقبح اللعين ..قوامون بين الناس بالمعروف والحق الشريف..
شكرا ياعزيزة
وبلغي صديقك الذي حملني وزر الكتابة بانه حملني ماتنوء بحمله عاتيات الحروف واشكريه لثقته فيني وان كنت دون وصفه الجميل..
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
هذا هو الجمال الذي يغالب القبح الطافح
امثالك اخي ودرملية من يقيم المعوج و يعيد
التوازن حين تختل القيم و تتعكر النفوس
يديك العافية و يكثر من امثالك و امثال الاخوة و الاخوات الذين استظلوا بغيمتك هذه و بذروا علي وعدها بذور الخير
| |
|
|
|
|
|
|
|
|
 Re: دعوة للتسامي فوق الجراح (Re: نصار)
|
العزيز ود رمليه
كدى انت خليها نور انت زاتك وين
وربنا يهون
فى مرات جروح بتاخد وقت وتانيه صعب تندمل
ومابين دى ودى تاكد انه القلب عامر بحب الناس
| |
|
|
|
|
|
|
|
|
|
Re: دعوة للتسامي فوق الجراح (Re: نصار)
|
سلامات
وعوافي
نصار الحاج
يارجل انت احد بشريات التسامي اذ حضرت ...وادعونا معك لننظم الصفوف والوقوف الواضح فاما نكون اخوة عدل وصدق او لانكون ..واشكرك كثيرا يانصار فانت احد المنبريين القدام الذين اعتز بانني زاملتهم هنا وتعلمت منهم الكثير المفيد وليت ايام زمان عادت يانصار ..
والمحبة نيلين وحنين
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
سلامات
وعوافي
راوية
مااجمل حب الناس حين نتفاني فيه وصدقيني كل جرحا غائر لاشفاء له الا الحب ..
ونحن ناس بنعيش حياتنا الغالية بالنية السليمة..
الود
والله اتمني عودة المنبر كما كان عليه الحال الاول يوم ان كنَ نتصبب عرقا لمجرد ان ننوي الكتابة فيه لوجود زملاء شرفاء لهم القدح المعلي في نقلنا الف عتبة الي الامام...
| |
|
|
|
|
|
|
|
|
|
Re: دعوة للتسامي فوق الجراح (Re: Hozy)
|
ود رملة
تحياتى
ياجميل
والله لى اكثر من يومين اقلب فى صفحات هذا البورد لم اجد شىء يسرنى...غير بوستك هذا...وجائى اليوم اقدم اسقالتى بدون اى سبب...وناوى الا ادخل مرة ثانية لكن وجدت خبر آلمنى هو موت قريبة اخونا هشام وهو من الناس الجميلين فى هذا المنبر فقلت اواسيه واشاطره الاحزان...وطفت البورد..فلمحت بصيص نور فوجدته بوست المعاه قزاز لاخونا بدر السمح..ومن شدة افراطى فى حبى لهذه الرجل القمرى ..قلت ادخل عليه لكن كثرة احباطى جعلنى اراه قبحا لانه زهرة وسط مزابل...وحين لمحة اسمك ودعوتك توسمت الخير قلت عسى ان اجد
مع ود رملة ...
شىء يفرح النملة..
فوجت فرح بالجملة...
وشباب قائدين الحملة..
ضد الافكار الثملة...
ونعرات تشترى بالعملة...
نحن عرب مش هملة...
ونوبة الشمال عملة..
وجعلين ودينكا
ونوير وكواهلة..
ياود رملة...
ولقدام
| |
|
|
|
|
|
|
|
|
|
Re: دعوة للتسامي فوق الجراح (Re: abuguta)
|
أسافر نحوك
في مطارات الحروف العصية
التي لا يرتمي فيها اليراع
أفتش وجهك القمري في السماء
في الدروب التي لا ينتمي فيها الخداع
أدخل كهوفك والنهايات البعيدة تلصصاً ، مثلما يأتي الشعاع
أتحسست البدايات الصغيرة
وأدغدغ الاسرار
وأمتشق الرؤى في مطارات الوداع
-----------------------------
حقولٌ يملؤها الرحيق في هذا الشرفة ، ولكن من يستطيع أن يقنع كل فراش العالم المتهافت بكل حماس على لهب النيران ( أوقفوا تلك البوستات حتى لا يحترق الفراش وتذبل الزهور)
| |
|
|
|
|
|
|
|
|
|
Re: دعوة للتسامي فوق الجراح (Re: Sidig Rahama Elnour)
|
سلامات
وعوافي
اشكر رقتك ياصديقي رحمة ومثلك نرتل الدعاء لفعل الكتابة الناجز كما سماه الزميل زمرواي
وتخريمة سغيرونة علي شاكلة تخريمات بنات العباسي
الف مرحب بيك منبريا بيننا يارحمة وننتظر منك الكثير لكن اولا ليتك شددت معنا الحبل كي يستقيم الصف وبعد داك انكت ماخبأته في جراب الذاكرة الحاوي
سلمت
| |
|
|
|
|
|
|
|
|
|
Re: دعوة للتسامي فوق الجراح (Re: abuguta)
|
سلامات
وعوافي
ابوقوتة...
يالذيذ الف بعد الشر عليك ياحبيب وانشاء الله ماتشوف شين يارب وتمشي وين انت تخلي خيانك وحبانك..
شكرا للقصيدة وان كان اسمي هو ودرملية وليست ودرملة ولكن قبلتها لك من باب الغرض الشعري ياطيب..
اما بدرالدين شنا فهذا حبيبي الذي تمناه انسان عيني وليتني التقيته عيانا بيانا عشان اعضيه ليك في بوخ النشا الفوق رويسو دا الراجل التقول حبوبتو قطنة طويلة التيلة...عليك الله الكزو لي خلي يجي يفشنا شوية من التبويزات دي...
سلمت ياودود
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
يا صاحبي الذي أشتاق
يا أيها الولد الذي لا اسبير له
يا نديم المحبة الصفاء
قلّبت قولك ذات البطين وذات الأذين
وجدتك كما كنت
قلت سعداً ومرحباً ..
صاحبي ما زال ممسكاً بالبرق في عينيه يشير للمطر باتجاه الأرض اليباب
هذا إذن أنت يا صاحبي
شمسك أوسع من سماء الصديق
وحديثك (تاسوعة) العيد
حج إلى القلب واسعَ
صح .. واجهر.. وقل
حكمة القول في تمام المعني وسطوة الإشراق
ويتمه في غبن المجاوزة صمماً وعيّاً
بعضهم ما زال يقلّب حزننا مما يجرى هنا
تماماً(كما يقلّب سيل المجلات الرخيصة في صوالين الحلاقة)
لا عليك..
حبيب إلى قلبي أن علّقت هذه اللافتة
هل ثمة مساحة لـ(بصمة) الرضا مني فيها
إن أتممت حزنك هنا ..
فارحل هناك في (ابحثوا..)
فالأحباب قد وضعوا لك زهرة وكوب ماء
أراك (هناك)
| |
|
|
|
|
|
|
|
|
|
Re: دعوة للتسامي فوق الجراح (Re: الطيب برير يوسف)
|
سلامات
وعوافي
برير...
ياضي النجيمات البعيدة ...يدهش الناظرين ويرهق الدياجر ... جعلتني بومضاتك اتمني كل ايامي مساءآت نبيلة جباهنا فيها شمُ اذ نرتقب الضياء وايدينا تشحذ البشارات مشيرة الي ارضا غطتها عتمة العتامير القبيحة عل بقايا من فواح الضوء وسطوع العبير تشق حجب الليل البهيم فتحيل العسعس زهرة من عباد شمس لايرهقه المغيب فيضحي حينئذا عبادا من نوع اخر .. نوعك..
كثافتك تقص حلقوم كل الكلام ياالطيب وسروجك تتمناها كل خيول القصائد ...آسف بعزك شديد..
و للضمان كدا لك كل الحب وماتبقي سأرسله لك علي بريد السريرة ففي حالتي الصمت اصدق انباءا من الكلم ...
سالتك بالمحبة ماتطول الغيبة جيتك تفرح الحزنان وتفش المغبون ..
وتعال معانا نطمس القبح الطفح في وش نيلنا السمح وحنين ...
محبتي
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
سلامات
وعوافي
وحباب القلبو كبير وحباب الجدع شال المحنة ولفح جلابية الود المقيم
حباب الطرد النبذ القبيح وجرجر كريعات الخصام لي ورا وبحت قدامو فحًيطات التبري منهن
وانتو يالدغالة وياالتحاسد والتباغض والتنابذ شكيتن علي ابيدن قوية ...
| |
|
|
|
|
|
|
|
|
|
Re: دعوة للتسامي فوق الجراح (Re: ايهاب)
|
سلامات
وعوافي
هوباود السني
يارجل اشتهينا شوفتك
واشكرك علي القلادة الشفيفة
وتعال معانا نوزن اوتار التسامي علنا نستفيق علي ترنيمة فاضلة...
تحياتي للاسرة الكريمة
وكثير ودي
| |
|
|
|
|
|
|
|
|
|
Re: دعوة للتسامي فوق الجراح (Re: ايهاب)
|
صديقى ودرملية(عم عبدالرحيم)...
كتب الاستاذ عبدالمنعم عمر:-
سن لنا فى اعالى الكنيسة
صليبا طالعا
ملطخا ببهيات لا تورئ لونها
خوف ان يزبحها شنق المسبحة
عند زاوية الانتظار
هو الانهيار ياصديق
ان تتكل على الكلمات
تتاجر فى الزيت الطالع
كل ما اعيتك زاوية الدكان...
وهذا انت ياود رملية وسط التوهان تسن لناطريق لنعبر به حزننا (وتضارف علينا)لنعود بقلوب النقاء الانسانى من جديد، يا لهفى عليك عبدالرحيم الا الان انت ذاتك ذاتك لم تتبدل ولن !!!!!
شكرا لك على جميلك علينا...
وكل الاصدقاء يبلغوك التحايا...
عمو عبدالرحيم،ودضؤالبيت،عجبين، جمعية،التومة
لك حبى
سفيان
| |
|
|
|
|
|
|
|
|
|
Re: دعوة للتسامي فوق الجراح (Re: سفيان بشير نابرى)
|
سلامات
وعوافي
هوبا قلت لي بن محمود الله يجازي محنك..
لكن برضو هو واحدة من اماكن البحث عن السمو الروحي علي قول المسقفاتية..والحديث عن السمو يطول ياصديقي...
توقع اتصالي غدا بمشيئة الله
مع ودادي
| |
|
|
|
|
|
|
|
|
|
Re: دعوة للتسامي فوق الجراح (Re: سفيان بشير نابرى)
|
سلامات
وعوافي
فدر ...نابري
ياشقي ..ياحنين
بالله اجعلني ابتديء يومي بهكذا اسماء
| Quote: عمو عبدالرحيم،ودضؤالبيت،عجبين، جمعية،التومة |
هل فعلا بلغتهم عني السلام وبلغوك اليُ السلام...
ياسلام يافدر والله ريحتني بي ريحة الناس الطيبة دي..
وعبدالمنعم عمر نفذ الي حقيقة الوجع ياسفيان
واريتك ماتغيب ياجميل..
بي المناسبة انت شكلك كدا لسة بتلهط في الكتابات الحلوة ورزينة لحدي ماحسدتك عديل كدا..
وبعدين المركز اخبارو شنو شغال والا العسكر عملو معسكر..
تحياتي لكل الشرفاء المستقلين
وياشباب يلا نتسامي...
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
سلامات
وعوافي
بي مناسبة تسامينا دي ياشباب مافي زول عندو اغنية العميري (لواعيش زول ليهو قيمة اسعد الناس بي وجودي) يفرهد بيها الجو المكهرب دا
ياريت
ياعمك تنقو وياراكوبة وياخواض وياتمبس وياراوية تلحقونا وتنجدونا...
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
طوال اللحظات الماضية كنت افكر بين لحظة واخري ان اتيك من مكان قريب ان ابعث فيني رجاءات كامنه ان التقيك لمرة واموت
كنت ود رمليه الذي لا يغباني ابدا
كيف اخبارك يا جميل صدقني كنت اريد فقط ان اجهز لك ما تستحق فبحثت وبحثت وما زلت ابحث
ليكن الوقت القادم هو الذي يفصل فيما قصدت
صديقي ارجو ان اجدك باستمرار فلي معك حديثا لم يكتمل حتي الان
عارف
| |
|
|
|
|
|
|
|
|
|
Re: دعوة للتسامي فوق الجراح (Re: tmbis)
|
سلامات
وعوافي
عارف الصاوي... انت عارف انا بحبك وبحلفك والا ماعارف...!!!
يارجل بحجم اشتهاء الحنين وبقدر جلال المشاهد النبيلة..
حين اشتهيك يكون المزاج عندي صافيا كصفاء امسية حالمة تحتشد فيها مشاعري بغية مني في الحب الاخوي العفيف ...وسااظل اشتهي ايامنا الماضية في رحاب الاهلية الجميلة ...الجامعة الوطن..
حتما ياعزيزي سنلتقي ...
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
سلامات
وعوافي
تمبس
ازيك يارايع ياشايل روح الغنوة الحلوة وخاتف نسمة دغش حنينة تبشر بالريد والفال الطيب..
مشتاقين..وكيف الحال..وكل سنة وانت طيب ..والله اكرم..
اسمعني ماعندك رائعة العميري لو اعيش زول ليهو قيمة اسعد الناس بي وجودي؟؟
ياريت والله ياتمبس ولو مافي الكز لي معاك راكوبة والا تنقو والا الخواض وليك اجر الاستماع
محبتي..
| |
|
|
|
|
|
|
|
|
|
Re: دعوة للتسامي فوق الجراح (Re: Safa Fagiri)
|
سلامات
وعوافي
ذات حمامتين واصيل ودفق سماوي من رطب الاحاسيس مارسنا فعل التسامي فكان علينا ودا وصفاء ..
فاليك عني بيت شعر شفاف وابريق عطر خريفي هو مزجة من دعاش دغشية ونسمة تشق ثوب الهجير في خجل..
شكرا صفاء ..
وتعالي الينا دائما تجدي بين ارواحنا قصائدا من مودة..
| |
|
|
|
|
|
|
|
|
|
Re: دعوة للتسامي فوق الجراح (Re: abdalla BABIKER)
|
ود رملية رمضان كريم
ولا يهمك يا ود رملية اهلنا بقولو ا عشان عين نكرم 100عين ، وفي هذا البورد ناس تستاهل كل خير وانت منهم يا ودرمليه ، ولا يهمك حتماواكيد سينهزم الشر والظلام ما دام في ناس واعيين وبحملو ا الجمال في داخلهم .
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
سلامات
وعوافي
استاذ عثمان محمد صالح
يارجل بحجم الصباحات الندية..الف بشري بحضورك والف اغنية ونشيد..ادهشني وجودك واسعدتني متابعتك لما اكتب هنا رقم قلت ذلك..
ياريت ترتب معانا دعوتنا للتسامي فوق الجراح..
واكيد حنكون ياضل ياشموس
مودتي الكثيفة..
| |
|
|
|
|
|
|
|
|
|
Re: دعوة للتسامي فوق الجراح (Re: maha abdella)
|
سلامات
وعوافي
.
.
وكل عام وانتي رفيقة النجيمات الوضيئة يامها..
وانتي بروح القصائد ..
وانتي زهرة فائحة العبير في وطن لاتسود فيه سوي الازاهر..
وانتي مصدرا للحب للجمال وللانسانية..
وكل عام ...يايي بليدنا وكلنا اخوان سودان بليدنا يايي ..
ولنعش للتسامي النبيل..
| |
|
|
|
|
|
|
|
|
|
Re: دعوة للتسامي فوق الجراح (Re: Rawia)
|
الاخ ود رملية رمضان كريم
دعوة كريمة وسمحة الا يا اخي جرح الكلمة غائر لايضمد بسهولة ويظل باغ لدهور عدة.املي ان يكف الجميع هنا عن الاذي بالكلمات
لك تحياتي
| |
|
|
|
|
|
|
|
|
|
Re: دعوة للتسامي فوق الجراح (Re: Agab Alfaya)
|
سلامات
وعوافي
احباب الروح
راوية
سيف
عبدالمنعم
شكرا احبابي وكل سنة وانتو طيبين ونسال الله ان ينزل بركاته علينا فتعم المودة والرحمة والمحبة الصادقة بيننا ماحيينا..
لكم كل مودتي وماتبقي من اشواق..
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
صديقى ودرملية00
اخيرا استطعت ان اتغلب على جزؤ من خجلى نحوك فقد كنت اتابع من بعيد 00
ووحاتك لايسع قلبى الا الجميع00
ياشفيف00
فانت الجرح نفسه00
ويااااااااااااااااااااه ودرملية00
حلم العالم ناس تتسالم 00
والبنى ادم صافى النيه00
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
صديقى ودرملية00
اخيرا استطعت ان اتغلب على جزؤ من خجلى نحوك فقد كنت اتابع من بعيد 00
ووحاتك لايسع قلبى الا الجميع00
ياشفيف00
فانت الجرح نفسه00
ويااااااااااااااااااااه ودرملية00
حلم العالم ناس تتسالم 00
والبنى ادم صافى النيه00
| |
|
|
|
|
|
|
|
|
|
Re: دعوة للتسامي فوق الجراح (Re: معتز تروتسكى)
|
سلامات
وعوافي
تروتسكي
ياعزيزي الحنين..
قلبك قبلة العاشقين وميقات الفرح الاصيل
قول امين..
ولك شوقي ومحبتي ..
كل سنة وانت طيب وكل ايامك عيد وحبور ..يارب
تقبل ودي واحترامي..
ليتني التقيك..هل ممكن لامنية ان تسقط من خاطر كائن فتجد رغم قسوة الواقع ,,تجد مساحة ان تكون
حقيقة؟؟
ليتها فعلت الامنيات ..
| |
|
|
|
|
|
|
|
|
|
Re: دعوة للتسامي فوق الجراح (Re: ودرملية)
|
ود رملية
سلامات
وعوافي
وخليك معانا في الحلوة والمرة
النعمان
يااااااااااااااااااااااااااااااه
أين أنت
أمن أم أوفى دمنة لم تكلم
بحوامة النعمان صمتا لا يتكلم
عودو لنا إن كنا أطلالا فطلوا
ترابنا يهوى الدموع الكلم
| |
|
|
|
|
|
|
|
|
|
Re: دعوة للتسامي فوق الجراح (Re: المسافر)
|
سلامات
وعوافي
وكل سنة وانت طيب يالمسافر..
ولكل صادق الامنيات
النعمان..
هذا الجميل
اظن اغبرة البورد اصابته بزكام الكتابة..
عبر هذا البوست احيي كل المنبريين في مشارق الارض ومغاربها واتمني لهم عيدا سعيدا
واساله سبحانه وتعالي ان نكون في محبة ووئام ماحيينا وان نكون عنوان فخر لارضنا الحبيبة في مهاجرنا ومنافينا ..
وكل عام والوطن ينعم بالسلام..
ودي وحبي
| |
|
|
|
|
|
|
|
|
 Re: دعوة للتسامي فوق الجراح (Re: ودرملية)
|
صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 ودرملية
00
| |
|
|
|
|
|
|
|
|
|
Re: دعوة للتسامي فوق الجراح (Re: Raja)
|
سلامات
وعوافي
عزيزتي العزيزة
رجاء
لك بهاء الازاهر ونضرة الحقول
وكل سنة وانتي طيبة بي توقيت القاهرة
وكل سنة وانتي تنشرين عبير الفرح وتنشدين قصائد الوطن تنمقين وترتبين بؤس الامسيات بقلم وورقة
وخبر يقين علي صدر جريدة يومية..
وبلغي رايوة علي قول عصام عبدالحفيظ بتحياتي وتهنئاتي بالعيد
وحديثها اني شديد السؤال عن نور الشقية
| |
|
|
|
|
|
|
| |
ودرملية
طيفور
Safa Fagiri
Rawia
محمد النعمان
بدرالدين شنا
مريم بنت الحسين
نصار
abuguta
Sidig Rahama Elnour
الطيب برير يوسف
ايهاب
في بني محمود
سفيان بشير نابرى
tmbis
عشة بت فاطنة
Osman M Salih
saif massad ali
Agab Alfaya
kamalabas
معتز تروتسكى
المسافر
Raja
فيس بوك
تويتر
انستقرام
يوتيوب
بنتيريست