|
دعواتكم لزميلنا المفكر د.الباقر العفيف بالشفاء العاجل
|
|
 Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
ود رملية فنانا.. وشايل عود كمان..
اذن انه الطوفان وسنامي جديد يحتاج الي قوات دولية لحماية البشرية
من هكذا تهور...
ماذا جري لك ياصديقي..
تمثيل وقلنا (معليش)..لعن الله السني
داير كمان تغني يا ودرملية...والله دي حكاية عايزة كلام كتير..
عموما الواحد مايسبق الحوادث..
كدي سمعنا اي حاجة كدة..وبعدين نشوف..
| |
 
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: بدر الدين الأمير)
|
سلامات
وعوافي
هذا ماتوقعته منك ياكيكي .. ستمارس تجاهي حقدك التاريخي المؤصل .. قد نزلت لك من خشبة المسرح ..لا لكرهي للمسرح ولكن لاني فنان متعدد المواهب .. فاثرت ان افسح لك المجال حتي لاتموت امنياتك في وجه اعصارنا الفني العاتي ...
وانا كفنان اخترت اهداءك اول الحاني :- همس الابواب ...
وهو لحن مركب .. بين موسيقي حزينة في البداية ومقطع فرايحي في النهاية .. وهو يتحدث عن اشواق العشاق .. وهم ينتظرون كل يوم قدوم عشيقاتهم .. لذا تسمرت ابصارهم علي الباب ..المهم ساترك اللحن يفصح عن نفسه .. المهم انا في (الفاينال طتش) ... اوكي سوف اسعي جاهدا لاخراجه بالصورة المثلي التي ترضي جماهير المعجبين..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
بدرالامير ...
Quote: نام الثعلب فى عرين الاسد
لكنه استيقظ فى اليوم الثانى ثعلب
ان تتصور باالعود هذا لا يعنى ان تتصور انك ممكن تكون فنان
ذبدة كلام: فى غياب كيكى يحق لك ان تتوهم لكن ليس من حقك ان توهم الآخرين
التوقيع : حامى ابداع فنان العصور البعصر ودرميلة مستر كيكى |
يارجل جهجهتني وشلهتني .. يازول انت لقيتني مسكين صاح ..
بدفنا ليك يابدرالامير ..
الموسيقار ودرملية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
الموسيقار الجديد ودرملية
شدني فعلا تابطك للعود وتلك القعدة التي تشابه كثيرا جلسة الفنانيين
فلك اجر الصورة...اما ان تتوهم بانك فنانا فهذا لعمري امرا كثير الجلل
واني امنحك فرصة اخيرة ان تراجع نفسك ..والا سيكون لي معك معركة اخري
اتمني ان تراجع هذا القرار اخي ودرملية ...
...
اما ملاسي فاتمني ان يكون حضورا في تلك الجلسة التي ستغني فيها انت
ثم يكون له الخيار. الي اي المعسكرات سينحاز
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
Quote: الموسيقار الجديد ودرملية
شدني فعلا تابطك للعود وتلك القعدة التي تشابه كثيرا جلسة الفنانيين
فلك اجر الصورة...اما ان تتوهم بانك فنانا فهذا لعمري امرا كثير الجلل
واني امنحك فرصة اخيرة ان تراجع نفسك ..والا سيكون لي معك معركة اخري
اتمني ان تراجع هذا القرار اخي ودرملية ... |
انه الامر الواقع ياكيكي ..فتقبله ... انا مسنود بقامات موسيقية مجيدة .. وقد بشرت بان اكون خليفة للرعيل الاول من الموسيقيين السودانيين امثال برعي احمد دفع الله وبشير عباس ..
اهو زي ما انت شايف الطريق الفني ممهد للغاية وانا ارجو الله في ان يوفقني وان اكون تحت حسن ظن معجبيً انشاءالله ..
تقبل حار تحياتي بعودتك الينا سالما ..
اما ملاسي ان كان انحيازه مرهون بالحاني فابشرك بخسرانك العظيم .. يارجل نحن نغني كما تغني اطيار السنونو ..والحانا تنزل علي مستمعين بردا وجمالا .. كصوت الكنار ...واناملنا بضة تداعب الاوتار كما الام ترضع طلفها الوليد ..برفق وحنية ..
شفتا كيف ..
امش جيب خليل وعثمان النعيم وخليل تمساح الذي نفض عن روحه غبار العزوبية بحضور زوجه الميمون ..
وسيري الذين كفروا الي اي منقلب سينقلبون
الموسيقار المبدع ذو الانامل الذهبية عبدالرحيم ودرملية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
| Quote: عند جهينة اليقين والاخبار والقرارات |
جهينة خليها انت الفيك اتعرفت ..صفنا سيظل جامدا وشامخا وعنيدا ..قف
نحن سرنا في الطريق ..ولن تعيق خطواتنا اصوات النعيق ..قف
نحن شيدنا المحبة باللحون ..وكفينا العشاق تعب الشجون ..قف
قف لامن تشبع وقوف ..
الموسيقار ودرملية في اوج ثورته وذروة انفعاله الفني ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
يا ودرملية ..
إزيّك ..
| Quote: يابدرالدين انت الفيك اتعرفت يا اخوي .. دردقتني في المزلقان |
هو إنت يا دوب عرفت الفيهو .. ده الفيهو معروفة من زمان ..
يا خ إنت راجل ( فنان ) ما تتعامل مع (كل الناس) بمثالية الفنانين دي لأنها (بتغطّس الحجر ) ..
وقد سبق لنا تحذير الجميع من الانسياق وراء المؤامرات التي يحيكها عمنا بدرالدين (بإحترافية) عالية ، ..
وكأننا نؤذن في مالطا الما قريبة ..
وهذه هي النتيجة .. خرب التي كانت (عامرة) بينك وبين حبيبنا الغائب (كيكي)..
إحذروه ، وفوتوّا عليه الفرصة ..
ألا هل بلغت ؟؟ فأشهدوا يا ناس ..
ناصح أمين ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: بدر الدين الأمير)
|
اووووووووووك صلاح عبدالله
ياخي سلامات وعوافي
Quote: هو إنت يا دوب عرفت الفيهو .. ده الفيهو معروفة من زمان ..
يا خ إنت راجل ( فنان ) ما تتعامل مع (كل الناس) بمثالية الفنانين دي لأنها (بتغطّس الحجر ) ..
وقد سبق لنا تحذير الجميع من الانسياق وراء المؤامرات التي يحيكها عمنا بدرالدين (بإحترافية) عالية ، ..
وكأننا نؤذن في مالطا الما قريبة ..
وهذه هي النتيجة .. خرب التي كانت (عامرة) بينك وبين حبيبنا الغائب (كيكي)..
إحذروه ، وفوتوّا عليه الفرصة ..
ألا هل بلغت ؟؟ فأشهدوا يا ناس .. |
امانة ما بلغت ياحبيب لكن زولك بطيرا ليهو في راسو يصبر لي بس ..
حرم ياود الامير مابتتحلا مني بالهينة ..
امانة ماوقع راجل ..
صلاح .. اخوك الفقر دا قول ليهو طلعنا من كرتونة الاصفار دي نفسنا اتكتم ياخي ..دا شنو دا دا الفقر دا ..
معزتي
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
اولا نستميحك عذرا يا ود رملية فى ان نستغل بوستك العامر ونهدى التحايا والسلامات لى كيكى والله الدوحه نورت وامانه الرحله ما بقى ليها طعمين (الطعم الاول طعم حلة ودرميله)
ثانيا وحيث اننى لم احظى بشرف الاستماع الى تلك الاصوات الرخيمه ولم تتح لنا الفرصة للاستماع للعندليب كيكى وصنوه ود رمليه او العندليب ود رمليه وصنوه كيكى (لزوم العدل)... فاننى اقترح ان تتاح لنا تلك الفرصه النادره الحدوث وتتطربونا بتقديم فقره غنائيه وعزف منفرد ليلة الرحله ويا حبذا ثم يا حبذا لو حدث ولاول مره فى التاريخ اجتماع التضاد (اغنيه على نظام ثنائى العاصمه) تجمع بين ودرمليه وكيكى ...
وامانه يا جماعة تشوفو لينا عود من مافى
ومن هسى حقو الناس تفرز كيمانا وتعرف نفسها بتشجع منو ... بس بالله اوعى من تشجيع المدرجات البريطانيه ... دايرين روح رياضيه ... وبفضل جمع كل الالات الحاده والمعدات ثقيلة الوزن اثناء المسابقه ....
نصيحه ليك يا ود رمليه ... من هنا لغاية يوم الرحلة ابعد من بدر الدين وما تشرب اى شى فى مكتبه
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: Randa Hatim)
|
سلامات
وعوافي
اعتزر علي تاخري في الرد عليكم وهذا كما تعلمون و(تألمون) انه من دواعي (التبريف) من (بورفة)
فانا قاب قوسين او ادني من اصدار البومي (سهر الجداد) والاغنية التي يحمل الالبوم اسمها هي من تأليف صديقي الشاعر والصحفي (راكوبة) .. المهم انهيت (النقرشة) الان عن (همس الابواب) وهي قصيدة من (لحم) قصائدي و(عظم) تجاربي ...
نجي لي (راندوك) ..
ياسيدتي الفاضلة انا ممتن لاذنك الموسيقية .. وحسك الفني العالي .. ومؤمنا بذوقك كانسانة مهمومة بقضايانا الفنية .. ولكن .. ركزي في لكن دي .. ولكن اوليس من الاجحاف في حقنا كونك تجعلينني اصعد الي المسرح لاداء اغنية برفقة (عدوي الوفي) كيكي .. طيلة مشواري الفني لم اتلقي تجريح مثل مافعلتي انت ياراندوك .. انا كيكي دا الا اتلما معاهو في سجن (الابعاد) مابديهو شرف يغني معاي اطلاقا .. هو انا هين ولا لين ..
مركبنا الفني فتح شراعه علي مصراعيه .. وابحر في خضم الاغنيات الجميلة .. ولن نالوا جهدا في (التجديف) قدما نحو القمة .. نحن خلقنا من اجل (القمة) وكيكي خلق من اجل (الغُمة) .. ولااطيل ..
اما الحلة فهي واحدة من الامثال التي نود ان نضربها بتواضعنا مع جماهير معجبينا ...
وهو فعل مجازي المراد منه دفع الروح المعنوية عند كافة خلق الله ..
كفنان وفنان عظيم ... سالبي رغبتكم في (الحلة) بالرغم من اني متعود علي السفسفة بـ(الباربي كيو) وكدا يعني غرقان في العز لي اضنيا (سجم خشم العز يايما)
وصدقيني متاكد جدا جدا انك ستكوني الي جوار الجمال الفني حيثما كان ... وهذا يعني انك في صفنا لاننا نحن نمثل الجمال الفني في ابهي وانضر صوره ..
ولك المودة
| |
|
|
|
|
|
|
|
|
 Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
الموسيقار المبدع ذو الانامل الذهبية عبدالرحيم ودرملية
بهذا ،،،،
نعلن عن تضامننا الكامل معكم ،،،،
قف .....
سحقا لكل المتشككين
هكذا قدر كبار الموسيقين فلا تكترث
_______________________________________________
احسنت اختيار قوائم الدعم هذة المرة لولا بعض الهفوات
موسيقارنا العظيم
لا تشغل بالك .....
وتفرغ فقط لتاليف الابداعات الموسيقية
وسنعمل لتنظيم الترتيبات الادارية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: معاوية الطيب)
|
وحلاوة العوده غنياناها فى موال..
سلامات وحمدالله على السلامه عبد الكريم الامين احمد الاسم نفسه يوحى عن مدلول فنى ناهيك عن المضمون
والله ياكيكى اخوك الجماعه ظالمنو ظلم اسكت ساى النحكى ليك خصوصا شلة العراب بدرالدين والمدعى
الفن ودرمليه .. وطبعا جو ناس جدد والكيمان اتلخبطت ياكيكى ورندوك بقت رئيس وانحنا اتنسيناانا
بس كل عشمى كان فى حضورك وحضور الفنان الضخم السنى لانو ود رمليه افترى والبركه فى جية الموصلى
وعمر الشاعر الخلته يتصور معاهم وبى عود الاستاذ عمر الشاعر بالله شوف ليك جنس سلبطه وادعاء للفن
وهو الناس ديل قايلين الفن ده سلبطه وصور ياكيكى ولا شنو؟
اما صاحبك بدرالدين ده كمان كوم تانى ياكيكى ..انا بعد ده على وعلى أعدائى حا افت كل حاجه .
ياكيكى بدرالدين
طبعا تجاهل الشرق الاوسط واتجه للقرن الافريقى وشى راجمات صواريخ ودانات وعوووووووووووك وحاول يجرجر معاهو عمران لكن واجهته مقاومه شرسه جدا ووعيد وتهديد وعمران بقى فى التمرقه منهاويوم
قالو شافو ودرمليه بتحاوم بى هناك وبعدها جات عربة اسعاف مولوله والباقى كتييييييييييير..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: معاوية الطيب)
|
الحبيب عبدو ود رملية تحياتي وسلامي والشوق بحر يظهر عليك أنت ما بدور الناس عشان ما ختينا في بالك أظهر ولو مرة برضو مشتاقين لعيونك الحلوات (مش غزل) يااستاذ ياموسيقار
عرفنا المعجب بهدي للفنان ولكن الفنان يهدي لمعجب دي إلا تكون سابقة جديدة منك ياعبدو
مرة مسرحي وقاص ومرة فنان وموسيقار أنت الجماعة الهناك عارفين ولا ما عارفين أعمل حسابك
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: معاوية الطيب)
|
سلامات يا كيكي حمدا لله علي السلامة
معاوية الطيب ود رملية عليهو الحلة
ما تقوم تنفخ الزول ساكت يحرق لينا حلتنا
كمان يا ود رملية كان مصر تغي
حرر لينا الربة
قدام اصدقاء البئة
وغني دوير بي البلد دا واحرق االجزلين يا البابو جاز
خلاص كفاك
البنيان من طوبة
انت عاوز تبقي وردي طوالي
يا ضحية بدرالدين خليهو في حالو نحن الزول دا موفرنو
بالله عليك ما تهازر في المودددددددددددو دا
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عمران بابكر بدري)
|
سلامات
وعوافي
بوب يابوب ..
Quote: سلام يا ود رمليه
وحمدلله علي السلامه يا عبد الكريم
كنت اظن - وبعض الظن اثم- ان الموسيقار ود رمليه لن يشدو باي الحان حتي
يحقق امنيته الفنيه الاولي الا وهي
الذهاب بوالديه الي الحج
او هكذا قيل ان الفنان ابوعبيده حسن قال |
طبعا ولايخفي عليك اننا من قبيلة (الايتام) ولكن والله الشاهد (وجادي جدا جدا) انا نفسي احقق هذه الامنية كانسان ...
اشكر تواجدك معنا ... اها لكن ماقلت لي (معانا والا مع الخيانة) ..
منتظرك ردك ياهندسة ماتعمل (اضان الحامل طرشة) .. حدد موقفك بدون اي تحيز ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلامات
وعوافي
عمو معتصم الطاهر
Quote:
والله لكن ياهو
تشهدو ملاسى
انتو أزيار ولا حافلات
ملاسى لسه واقف فى قدم الخير؟ |
هنا فقط انا مستعد لي اذن ملاسي ... كيف لا وانا في تجربتي اسطصحبت القديم .. واضفت الجديد ..يعني زول تقدمي فيما يخص الاداء واللحن والكلمة ..وانت كواحد من قبيلتنا(المبدعين) بفتكر انو رايك بيهمني جدا جدا ..وكشاعر بما يكون بيننا تعامل في مستقبل الايام خاصة تلك التي علمتك الكلام الاباجد ..
كن الي جوارنا تكون في (ألبر الأمن)..
الموسيقار الفنان ودرملية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
Quote: الموسيقار المبدع ذو الانامل الذهبية عبدالرحيم ودرملية
بهذا ،،،،
نعلن عن تضامننا الكامل معكم ،،،،
قف .....
سحقا لكل المتشككين
هكذا قدر كبار الموسيقين فلا تكترث
_______________________________________________
احسنت اختيار قوائم الدعم هذة المرة لولا بعض الهفوات
موسيقارنا العظيم
لا تشغل بالك .....
وتفرغ فقط لتاليف الابداعات الموسيقية
وسنعمل لتنظيم الترتيبات الادارية
|
العزيز معاوية الطيب .. لن استغرب وقوفك الي جانب الجمال فكل جميل لايشتهي في نفسه سوي الجميل ..
قوائمنا ياسيدي هي قوائم عفوية لم نلجا الي اسلوب المداهنات ولكن فقط تركناهم لذوقهم الرفيع وها هم قد كسبوا المعركة من غير شمارات ..
نحن خلقنا من اجل الجمال وسنعيش لاجله ابدا
المهم انت جضم لينا الشغل الاداري باعتبار انك زول ذو دربة وخبرة وتجارب حقيقية في العمل الاداري وكما تعلم مشروعنا مشروع ضخم يحتاج لوقود كافي حتي يصل الي ابهي صور الجمال والكلمة المغناة ..
قف..
(نحن شيدنا الملاحن بالفرح النبيل ونحن جيشنا القصائد بالنغم الاصيل)
الموسيقار عبدالرحيم ودرملية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
عدي بينا عدي بينا ياريس
ياريس المركب خلي الشباب يركب
ياريس ..
عدي بينا ...
الريس ضحية ..
اقدر تمام انفعالك الذي (فوق دا) .. ولاني فنان مرهف احس تماما بما تحسه انت في هذه اللحظة من مرارة لاغرو وانك قد شوهت ملامحنا الفنية بهذه الصورة البشعة فقط لنصرة صديقك كيكي ..
لااحمل عليك بغضا لا والله .. بل الحب .. حب لامن زيتك يطلع ..
وستظل انت ريسنا وقائدنا وان اختلفت المشارب انت شارب وانا شارب ..
ولايهمك يا ابومحمد سندك جحافل القبح المشين التي يتصدر موكبها الفج عبدالكريم الامين ..
قف ..
نحن لن نرضي المهانة .. نحن اسياد المكانة ..
ناس بتتعب في الإبانة .. وناس تطقطق في اللبانة
كيكي فنان في (الحضانة) وانا فنان كبير مكانة
ليه بتترك مستوانا.. وتمشي بي كورعيك للاهانة
اوعا دتقس وحاول اعرف الفرق بين البصل والبرتكانة
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: بدر الدين الأمير)
|
الحبيب
ابراهيم ابوالحاج ..
كيفنك ابوي ..
والله ياابراهيم اخوك اليومين دي ماشي كداري .. وهي واحدة من مشاريعي للبحث عن القضايا الشعرية المستمدة من معاناة الشارع العام .. لازم الواحد (الفنان طبعا) يعيش تجارب الاخرين ويترجم تلك المعاناة في فنو وتجاربو في الشعر والشعر المقفي ..
بعدين ياابراهيم الجماعة عارفني زول شليق وفالت لسان واكيد عارفين اي شي .. معقول انا لو عاوز البس قميص وبنطلون بضرب ليهم يوروني ياتو لون البسوا .. اخوك مابيلعب في الشغل دا ..
المهم انت هسي ماوريتنا في ياتو كوم ... اكيد ح تدعم ودعمتك ودي مافيها شك واهو نخرص الالسن النابحة في وجه الجمال...
تخريمة:-
الجماعة ديل اتصلوا بيك والا لسة.. بخصوص الرحلة ياابراهيم يعني رحلة البورداب لازم تجي وهي يوم الجمعة القادم اتمني حضورك ياابراهيم لازم واهو تتعرف علي بورداب الدوحة الجديدين ...
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلامات
وعوافي
عمران ..
ياصديقي الوريف ... سعيد جدا بي تمترسك في خندقنا (خندق الجمال) لندك حصون المارقين كييري ساااي من عالمنا الفني واقصد المدعو كيكي ..
ولانك انسان فنان ورقيق ومرهف (وهذا واضح من شكلك الانيق) اثرت ان احتفي بك كبوردابي (جميل) وقفت في صف الفن والفنانين كيف لا وانت فنان مجيد .. فقط اتمني ان لاتلتفت الي المؤثرات الخارجية من حارقي بخور الفتنة والعوز الفني .. وخلي دليلك اذنك الموسيقية .. صدقني لن نخيب ظنك ..
قف...
نحن ننشد الكلمات سحرا واتساقا
نحن نعزف الالحان سفرا واندلاقا
نحن نبني الاحلام برجا يزحم الافاقا
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: بدر الدين الأمير)
|
سلامات
وعوافي
اعتزر علي تاخري في الرد عليكم وهذا كما تعلمون و(تألمون) انه من دواعي (التبريف) من (بورفة)
فانا قاب قوسين او ادني من اصدار البومي (سهر الجداد) والاغنية التي يحمل الالبوم اسمها هي من تأليف صديقي الشاعر والصحفي (راكوبة) .. المهم انهيت (النقرشة) الان عن (همس الابواب) وهي قصيدة من (لحم) قصائدي و(عظم) تجاربي ...
نجي لي (راندوك) ..
ياسيدتي الفاضلة انا ممتن لاذنك الموسيقية .. وحسك الفني العالي .. ومؤمنا بذوقك كانسانة مهمومة بقضايانا الفنية .. ولكن .. ركزي في لكن دي .. ولكن اوليس من الاجحاف في حقنا كونك تجعلينني اصعد الي المسرح لاداء اغنية برفقة (عدوي الوفي) كيكي .. طيلة مشواري الفني لم اتلقي تجريح مثل مافعلتي انت ياراندوك .. انا كيكي دا الا اتلما معاهو في سجن (الابعاد) مابديهو شرف يغني معاي اطلاقا .. هو انا هين ولا لين ..
مركبنا الفني فتح شراعه علي مصراعيه .. وابحر في خضم الاغنيات الجميلة .. ولن نالوا جهدا في (التجديف) قدما نحو القمة .. نحن خلقنا من اجل (القمة) وكيكي خلق من اجل (الغُمة) .. ولااطيل ..
اما الحلة فهي واحدة من الامثال التي نود ان نضربها بتواضعنا مع جماهير معجبينا ...
وهو فعل مجازي المراد منه دفع الروح المعنوية عند كافة خلق الله ..
كفنان وفنان عظيم ... سالبي رغبتكم في (الحلة) بالرغم من اني متعود علي السفسفة بـ(الباربي كيو) وكدا يعني غرقان في العز لي اضنيا (سجم خشم العز يايما)
وصدقيني متاكد جدا جدا انك ستكوني الي جوار الجمال الفني حيثما كان ... وهذا يعني انك في صفنا لاننا نحن نمثل الجمال الفني في ابهي وانضر صوره ..
ولك المودة
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
هو خلاص ترك المسرح (يعني انا خليت ليهو المسرح والتمثيل جاي لاحقني في الغنا والتلحين؟؟!!)
يعني كيكي دا انا اخلي ليهو الدوحة دي والا كيف ..
وانت يابدرالامير وقعتا معاي ... بختها ليك ..
وخلي قوبي الهرشوك بيهو دا يحلك مني ..
امانة ماوقعتا معاي ياود الامير .. هو كيكي بي هناك شغال ليك شغل القرف وبرضو محتضنو ..
والله يابدر الزول دا القاهو يتلبد بي عند مضاربكم .. يكون لي معاك شان اخر ..
قف ...
قف تأمل ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: بدر الدين الأمير)
|
بدرالدين
بعد كل هذا التاريخ الانيق الذي تحتفي به صفحات ايامك ويرويه جدران بيتك .. ابعد كل هذه الالفة الطويلة ,,, لجات الي معاقل القبح محتميا من الفن ..
يا لبؤس الطريقة والطريق ..
انت الخاسر الاوحد ياصديقي ..
ولن تجدني صامتا .. بل استعد لحرب ضروس من اتجاهنا ..نملك كل مقوماتها .. ونحس ببشاير نصرها تلوح في الافاق ..
قف ..
شلتا اصبعك طبظتا بيهو عينك ..
قف ..
نحن سرنا في موكب الجمال وانت ربنا يعينك
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
الاخ ودرملية..
ومنذ ان عدت ورايتك متابط (عودا)..وانت تمشي بين الاسفير مرحا وفرحا
ومبشرا بقدوم فنان جديد..
عرفت ان امامي معركة وعراك رهيب من اجل حماية الفنون من كل انواعها
من (الهلوكست الجدد) (هلوكست الفن)...
في السودان هناك اغنية تخلد (راجل المرة) رايت بام عيني فنانا شابا يجلد امامي
حينما غناها في (حفل زواج)..لركاكة كلماتهم وتدني موسيقتها..
فعرفت ان هذا الشعب لاخوف عليه فانه يحمي اذنه الموسيقية بنفسه..وبعضلاته اذا
دعت الضرورة..
لذا كونت لجنة علي عجل من الذين اثق في شفافة اذنهم الموسيقية
بقيادة صديقي خليل..
وانت مدعو لاداء احدي اغانيك امام لجنة ابو خليل
وبعدين (البقولو خليل انا موافق عليهو)...
اتفقنا..يا (رملي هوفن)
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
سلامات
وعوافي
اول شي خليل دا انا بطعن في اهليتو لتولي المسالة .. لسببين
واحد :- انك عيشتو في حالة استلاب مستدرا بذلك عاطفته تجاهك كزميل دراسة ..
اتنين:- خليل فاتح لي من يوم لاقيتو في بيتكم يوم سفرك يعني ماعبرني بي تلفون وهذا في معاييرنا يعني انه بالتاكيد سيقف في صفك .. فكيف به يحكم يارجل..
بعدين ياخليل انا مادايرك راس يعني الوهم كيكي دا مابيخش بيناتنا..
والبومي الجديد (سهر الجداد) محتاج لي نقد بناء بالمعني الذي مكنني من تفادي الاخطا في مستقبلي الفني ..
اما ياكيكي الفنان بتاع (راجل المرا) دا انا عندي راي واضح جدا كفنان فيهو .. في الغنا من حيث هو .. وعلي هذه الشاكلة البغيضة.. نحن نغني بحثا عن الجمال في نفوسنا وفي نفوس المتلقي ليس الا ..
واينما يكون الجمال نكون نحن جالسون في حضرته..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
يوسف مايا..
ياخي مليون مراحب بيك ..
وبعدك الفريق اصبح خلا ..
والله مشتاق ليك وزي ماشايف صاحبك كيكي بيستخدم كل اسلحتو لهدم قلعتنا الفنية ..
ونحن كدابنا لن نعيره ذرة اهتمام حيث انني شرعنا في الانطلاق نحو القمة .. ولامناص من النصر ..
المهم والله ياريتك لو حضرتا رحلة الجمعة الجاية دي .. كدي حاولوا جازفو انت وخالك دا وتعالو سريع ..
بعدين قول لي السني ودرملية قال ليك .. لانك توسمت فينا الموهبة لن نخيب ظنك فمن ابوالفنون توجهنا صوب مدائن الغناء والتلحين ولنا في ذلك شان عظيما ..
المهم بلغوا عن البومنا الجديد (سهر الجداد) ولما يجي بيلقاني انهيت اللمسات الاخيرة عليهو ..
ودمت صديقا وريفا نستظل بحضرته كلما اشتدت علينا (لهايب) الدنيا العجيبة ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
فناني والصوت الجديد ..ودرملية..
قف..
خليل ولجنته اصدرت خارطة الطريق للمعاينة المرتقبة..واختارت
ثلاث الحان يجب عليك اداءها..ولو قدروا يقعدوا لحدي ما تنتهي
بخلوك (تغني ) لحنك الجديد بتاع(سهر الجداد)..(اقترح ان تغيره الي نوم الديك في الحبل)..
تغني لحن الحياة..
والمصير..
ولك حق اختيار اي لحن تاني لكن شرط يكون من كلمات (الجاغريو)..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
الى مدعى الفن ودرمليه
رسالتك وصلت ..وانت حدد اتجاهك انا ممكن التمس ليك العذر فى التخبط الذى تعيشه مامكن تكون
فاقد حنان وعطف وحاجااااااااااااااااات كده كتيره خليها ساى وتجى تدعى انك مع الجمال والفن
كما ارجوك وانا عارفك انك طيب ومرات بتسمع النصيحه وماتركب جوادك الاعرج ..انك ماتسمع كلام
(الحكامات) ناس معاويه الطيب ديل ومايقول ليك انو الموسيقار (يانى) اتصل بيهو وكده..
بعدين معاويه ده سره عندى..
والله ياودرمليه رغم اختلافى الفنى معاك وعدم اقتناعى بى حتة انك فنان دى لكن برضو بحبك..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ضحيه ابراهيم)
|
سلامات
وعوافي
شكرا يامعاوية الطيب رن جرس هاتفي الجوال قبل ساعة من الان وعندما اجبت علي الاتصال كان في الطرف الاخر صديقي الموسيقار العالمي (ياني) ..
المهم تناقشنا في قضايا الموسيقي العالمية واشكالاتها المزمنة وكيفية خلق جيل موسيقي يسد الفقرة بين الانسان وهمومه واحزانه بلون جميل يجعله يتصالح مع نفسه ومع كافة قضاياه ..
وفي معرض حديثه عن الموسيقا الافريقية والسودانية طرح علي فكرة خلق (هِجنة) موسيقية تزاوج بين الالات الموسيقية السائد استخدامها في العالم الغربي وبين الالات الموسيقية السائد استخدامها في السودان كـ(الشتم) والـ(الدلوكة)...والحمد الله ان لدي نص شعري من تاليفي كنت اود عبره كسر اللحن التقليدي بادخال بعض الالات غير المعروفة في السودان .. قرات النص علي صديقي (ياني) ونال اعجابه وقررنا ان نلتقي في الشهر القادم انشاء الله في كافتريا (امواج) ..
وعليه اود تذكريكم بان اذا كان اي زميل لديه اي تعليق او اشارة لها صلة بالموضوع ارجو ان يتصل بي علي هاتفي (الثريا) والرقم موجود في البروفايل..
ودمتم وقودا لمسيرتنا الفنية
الموسيقار عبدالرحيم ودرملية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلامات
وعوافي
الريس ضحية
| Quote: والله ياودرمليه رغم اختلافى الفنى معاك وعدم اقتناعى بى حتة انك فنان دى لكن برضو بحبك.. |
هذا وحده يكفيني ان مركز فكرة مشروعي الفني هو نشر الحب بين الناس .. لنختلف ولكن فليكن اختلافنا وسيما وانيقا يليق بانسانيتنا ويليق بنا كمبدعين ..
علي العموم زعلان جدا من انحرافك عن طريق الجمال والفن النبيل .. وصدقني وجدت لك العزر .. فكيكي يلعب بكروت الصداقة القديمة ويحاول ان يثير الغبار حول موكبنا ومافتا يبذل جهودها لإ شانة سمعتنا الفنية واسقاطها من عالي مكانتها الي دركه الفني الاسفل ..نحن لن نستسلم اطلاقا لمثل هكذا ترهات ... سرنا بلا خوف .. ولن نلتفت الي الوراء انما بصرنا (مكنكش) يلمح الافق بالامل والجهد والمثابرة والفن الشريف ..
وانت عديلة عليك مشاويرك محل ماتمشي امشي
* ودرملية في يوتوبياه الفاضلة .. يجلس والازاهر تنشر العبير في فضاء المكان .. يمسك بآلة العود ويدندن بلحنه الخالد (همس الابواب) وعلي المنضدة يرقد دفتر اشعاره الرقيق .. تنام علي صفحاته ذكريات حنينة .. تمرح في سطوره ملامح حبيبة رزينة رتبت دورة دم احساسه بالعشق والحب النظيف .. وامامه مرآيا يرمقها بين الفينة والفينة حتي يتاكد من انه (شايننق) وهوممسك بالعود ..ويقول في سره ساعزف يا اصدقاء وسا اغني لكم اطيب الالحان ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلامات
وعوافي
ياكيكي كلمتك قلتا ليك اتفاقيتك انت (وخليلديفيد) دي مامغتيه معاي .. خليل قلتا ليك قاطعوا معاي ناشف ح يحكم بالعدل كيف بس وريني ..
خليل سينحاز لجانبك .. وهذا مرفوض من جانبنا..
ولكن ان اردت ان تحكم فليكن عثمان النعيم .. رجل اثق في نزاهته الفنية .. واثق في مقدرته علي اصدار حكم عادل باعتبار انه لن ينساق وراء عواطف الزمالة وذلك لانه رجل صارم تجاه القضايا المحورية الحساسة ..
وهذا اخر ماعندي .. ان شئت اتفقنا وان ابيت اختلفنا ..
الموسيقار ودرملية
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: معتصم دفع الله)
|
شكرا الاخ معتصم دفع الله علي التحية فلك من التحايا كوما واكوام
من المودة والاحترام..
واما امر صديقي ودرملية فنان..
اري انه اقترح الاخ الفنان عثمان النعيم الجعلي حكما..
انا اعترف تماما بالموسيقار وصاحب الاذن الموسيقية والناقد الفني
الذي لايحب الاضواء (عثمان النعيم) ابو عفان..
ولي معه اسهامات نقدية في نقد وتحليل نماذج من الموسيقي الافريقية
وبعض الحان الطنبور...واني اثق ان ابو عفان لا وقت لديه للنظر في مثل هكذا(الحان)
اما سهر الجداد فيبدو انه وابشر الجميع بانه سيكون لحنا متاثرا (بانفلونزا الطيور)
وقد يكون يعاني من (سمير)...لذا فالنبحث عن احد الاخوة البياطرة لفك هذه المعضلة
الودرملية....
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
الاخ ودالامير
السلام علي من اتبع الهدي..
رصدت غرفة عملياتنا المختصة برصد اعصار (كاترينا ود رملية)
رصدت تحركات وتلفونات فيها (لولوة) واستقطاب سري يصب في تبني ودرملية والتبشير
السري لمشروعه الغنائي المريب..
لذا نفيدكم علما بان (قوبي) علي اتصال معنا وتلفونه مفتوح في اي لحظة
وبيننا (خط مباشر)..
وايضا نفيدكم ان قوبي ارغي وازبد وتوعد حينما علم بهذا الشرشرة..
لذا نحن نمهل مهلة حتي يوم غدا للاعتذار وتبرير الموامرة...
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
سلامات
وعوافي
معتصم دفع الله الزول السمح بالحيل ..
وللذين لايعرفون الموسيقار معتصم دفع الله اود تذكريركم فقط بانني التقيت به حينما عملنا سويا في سيمفوينة(نوم الخزاز) وقد فازت بثلاثة جوائز اكاديمية .. وهي تحكي عن تجربة (الزوول) السوداني في الخليج العربي .. ومتلازمة الخوف من التفنيش تلازمه في كل حالاته حتي في يوم الاجازة ... لذلك السوداني يحب ان يعمل في كل الايام من غير اجازة (زي حلاتنا) .. وحفل تدشين السيمفونية كان في (سوق الناقة) وحضره لفيف من اهل الموسيقا ...
علي العموم اشكرك يامعتصم علي تواضعك بطلبك لشريط موقع من شخصي .. وهذا ينم عن ذوقك وعلو اخلاقك وسموك الفني والروحي ..ولو تركتني لارسلت لك الشريط فقط حتي احصل علي رايك علي العمل ..
علي العموم سمعت من بعض الزملاء الموسيقيين بانك بصدد اصدار البوم موسيقي يحمل اسم (الوغد دكين الشين) ...
علي العموم في انتظار دعوتك لحضور البروفة الاولي ..
ثم تخريمة:-
لاتلتفت الي ابواق الحاقدين .. فنحن شهدنا التألف والتلاحن والغناء ثم انفعلنا
مودتي العالية يامعتصم وخليك معانا بي جاي كويس ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلامات
وعوافي
عبدالكريم ..
اتمني ان لا تعتمد علي مداهنتك للفنان والموسيقار (عثمان النعيم) ..
وللذين لايعرفون (عثمان النعيم) هو موسيقار سوداني له اسهامات موسيقية بالغة ساعدت بشكل كبير في انتشار الاغنية والموسيقا السودانية في القارات السبع .. له من السيمفوينات علي سبيل المثال لا الحصر (جيب سفة) - (عيش الصباح) -(صف الرغيف) -(الزامية)-(صحن فتة) _ وكل هذه المقطوعات الموسيقية لها علاقة بالوضع الذي يعيشه الانسان السوداني .. خصوصا وانها بتعبر عن ثلاثة مراحل مفصلية في تاريخ الشارع السوداني العام .. مايو - الانتفاضة- الانقاذ- وقد قدم معالجات لحنية كثيفة في هذا الاطار ..
المهم في الامر ان عثمان النعيم رجل لايعتمد في تقييماته للمشاريع الفنية علي المؤثرات الخارجية هو يعتمد في الاساس علي حسه الفني وعلي شكل العمل اجمالا...
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلام يا فن ودرملية
غدا اذا انه يوم رحلة بورداب الدوحة..والقوم سياتي زرافات ووحدانا
في سبيل روية وسماع نتيجة تلك الدعاية المحمومة التي ارسلتها الي مساحات الباند ودث
اذن انه يوم الامتحان فهل انت مستعد...
عموما خليل سيكون هناك ايضا للعلم...
كلام من التاريخ
انت عارف يا ودرملية وانا في الابتدائي كنت فنان المدرسة الاول ..والاغنية التي
اديتها في مسابقات الدورة المدرسية صارت شعارا لبرنامج الدورة المدرسية..
لكن معليش ما بتدي حريف...
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
سلامات
وعوافي
انه الويل لك ياخليل .. فلن اعتقك من سؤالاتي وانفعالاتي ..
كيكي:-
وهل تعلم انني لحنت في سنة رابعة ابتدائي قصيدة :-
لاتلمني في هواها ليس يرضيني سواها..
نسيت اسم القصيدة ولكن ما اذكره ان اللحن اصبح لحن للقصيدة في كافة بقاع الوطن الحبيب..
هذا فقط للتذكير وليس للدعاية والاعلان فحقنا الفني مهضوم لفترة طويلة واثرنا علي انفسنا ان لانجعل هذا الهضم يطولنا كرة اخري ..
اها المهم عثمان النعيم جايي والا لا .. مايمشي يقول ليك الجمعة دي اليوم الوحيد البقعد فيهو في البيت .. يعني هو اليومين دي عزابي وكعادتكما انت وخليل فاتحين ليهو الراجل يجضم في فتة الفول وحلة القطر قام والدكوة المستوردة يجضم فيهم علي مضض ..
عثمان النعيم تعال نكون سدا منيعا في وجه كيكي وخليل وزمرتهم ومن لف لفهم ..
* الموسيقار ودرملية في حالة هيجان وثورة تجاه كل المقرضين العاملين علي بث القبح في عوالمنا الاثيرية ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
لا حولاااااااااااااااا ..
أمانة ما اتلومو فيك يا عبدالرحيم يا ود عمتي رملية ..
كيكي بارى ديك العدة .. آآآ ؟؟؟ .. طيب .
و البيباري الجداد , بيوديهو وين يا حلويييييييييين ؟؟؟
بيوديهو الـ .........
( الديك في الأصل جدادة لأنه يبيض في العمر بيضة واحدة و تسمى بيضة الديك )
دحين آ عبد الرحيم آخوي إنت عارف حلفي القديم مع كيكي ..
قبل من ينسخط و ينزلق في مهالك الكاهن الأعظم ديك العدة .. قاتل الله شيطانه .
وأصبح يفري فريه , و يمني النفس بالأماني ( سليلة أمهرا ) بعد أن دردقه الديك الشيطاني و زين له الفسيخ شربات .. ( وفي رواية أخرى تركين و ملوحة كمان ) .
عليه , لا أجد هنا بدا من الوقوف معك , و تغيير كل خارطة تحالفاتنا السابقة مع الفئة الضالة ( كيكي و ديكي ) .. و الشد من أزرك و معاضدتك حتى تقف بإرادة الجماهير على خشبات مسارح برودواي و الميتروبوليتان , و تعزف خلفك أوركسترا لندن السيمفونية .
آآآآآآآآآآمين يارب العالمين .
و رغم إنو صوتك نهيقي من طبقة الثور-برانو , وهو والله العظيم صوت كويس خلاص , وفي الحيرة شغال .. ما كعب .
( أوعدك ان جمعية معجبيك ستتكفل بتكاليف عملية شفط صوتك الكعب , و حقن صوت من الفصيلة النانسية في عروقك الصوتية التيلية .. علي الحرام ما تقول ولا كلمة , ده ما الواجب ياخ ) .
إحححححمممم ..
أها .. و كيتا تكوي الأعداء في صنقورهم فأنت فنان شامل .. شامل .
شملك المولى بعنايته و غتاك ..
و شاحد الله يعليك يا ودعمتي فوق المابيك .
عاش نضال ودرملية
و الخزي و العار لكيكي و ديكي
ولا نامت أعين الجبناء .
الله أكبر و لله الحمد
الله أكبر و لله الحمد
ملحوظة سغيييييييرة ..
: ( قلت لي الحلة ما القطر قام ؟ .. و لحمتها ضاني ؟ .. أكيد ؟) ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: Emad Abdulla)
|
عماد..شنو يا فردة الهواء قلب ولا شنو..
ياخ كدي اقراء الكلام ده وبعدين ادفن لي دقن..
Quote: الاخ ودالامير
السلام علي من اتبع الهدي..
رصدت غرفة عملياتنا المختصة برصد اعصار (كاترينا ود رملية)
رصدت تحركات وتلفونات فيها (لولوة) واستقطاب سري يصب في تبني ودرملية والتبشير
السري لمشروعه الغنائي المريب..
لذا نفيدكم علما بان (قوبي) علي اتصال معنا وتلفونه مفتوح في اي لحظة
وبيننا (خط مباشر)..
وايضا نفيدكم ان قوبي ارغي وازبد وتوعد حينما علم بهذا الشرشرة..
لذا نحن نمهل مهلة حتي يوم غدا للاعتذار وتبرير الموامرة... |
وبعدين الجلك ده ان زاحيهو بعيد ولاعب ود رملية راس..وحسي قربت اقعنوا ليك
يخت العود ويفرتك من الشغلة دي...فعليك الله اقيف بعيد واعمل شخيط..
وما تبوظ لاخوك الشغل..(يعني بالعربي كده اعمل حميل)
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
سلامات
وعوافي
عزيزي عمدة
لانك فنان .. والفنان يتحسس الاعمال بروحه لابعينيه ولا مبلغ حواسه .. املي فيك كبير ياودامي ..
لذا وبعد اذا تجدني الان مفعم بالحيوية (جراء ردك العاتي) .. وبالرغم من صوتنا(الثوري) وهي نسبة الي ثورك(قاتله الله في البرية والحواشي الغجرية) لايحتاج الي امصال وقطع اوصال .. نحن نغني ياسيدي مثل نداء الطفل حين يصدر صرخته الاولي (التي تعلن للكون ان سكان الكرة الارضية زادو واحد هسي) .. عليه ياسيدي لا عليك انا مذ ولدت والي الان اصدح باصوات العصافير البريئة .. لاتشوه صوتي ولاتشوبه شائبة ..
وعزاءنا في ذلك تاريخنا وجمهورنا العريض ..
وعودتك الي (قبيلتنا) نحن المبدعين هي عودة الروح للجسد .. فكم افتقدتك في المعارك الماضية ..غير اني كنت لهم كالفارس (الوحواح) وصديت كل غارة اساسها القبح والزندقة وهدم قيم الجمال (عالية المباني والمعاني)..
ياسيدي كن قمر رشيقا يطوف الاضواء علي مضارب بوادينا (الممراحة)
اما
Quote: عاش نضال ودرملية
و الخزي و العار لكيكي و ديكي
ولا نامت أعين الجبناء . |
فهذا هو الموقف الذي ننتظر وهذا هو الامل الذي نرتجي
ولك بهرجة الصباح ...
| |
|
|
|
|
|
|
|
|
 Re: الي عبدالكريم الامين (كيكي) هدية مقدمة من (فنان) الي( معجب) (Re: عبدالكريم الامين احمد)
|
العزيز عبدالكريم ..
تحياتي ..
بمأ أن تجربة الفنان ودرملية خاضعة للدراسة والتمحيص ..
"طبعاً في دي عايزين تفتفتو فتفيت يعني عايزين تشوفوا فيهو يوم" ..
وأن شريطه الفلتة "نوم الجداد" ولا سهرنا نحن ..
خلينا ندعو كل الباحثين والنقاد في مرض الجداد "سمير" ..
لكيلاء تمر التجربة "ساي" كعادة الأغنيات السودانية ..
وما كل من إشترى ليهو "عود" نقول ليهو "طق" ..
وبما أن هناك نفر كريم من محبي ومعجبي هذا الفنان ..
فلندعو لجلسة إستماع ..
وبعدها يأتي الحكم ..
خليكم بخير ..
| |
|
|
|
|
|
|
|
|
|
Re: الي عبدالكريم الامين (كيكي) هدية مقدمة من (فنان) الي( معجب) (Re: ودرملية)
|
سلامات
وعوافي
معتصم دفع الله ياهذا الرفيق الذي في دربي ...
افتكرتك معاي .. الا فكري هو سبب اذايا
اتوسمت فيك الصداقة ..الا انت ماك واقف معايا
انا بعزف لحون اوتارا من سحر انفاس الصبايا
ارهف من طرف النسيم واوسم من تفاصيل الحكايا
.....
يامعتصم دفع الله ياخي انا قلت انك انت رفيقي في درب الموسيقي .. تجي تضربني (شنكل) من الخلف ..
يازول مافي مشكلة خط الرجعة شارتو خدرا .. دحين مسالة الاختبار دي اعفيني منها .. لست (كبكبة) ولكن لخوفي عليكم من صدي موسيقااااااي..
مستنيك بي خط الرجعة وكدا ياحبة ...
| |
|
|
|
|
|
|
| |
ودرملية
عبدالكريم الامين احمد
بدر الدين الأمير
حبيب نورة
Siddig A. Omer
Omar Bob
معتصم الطاهر
-1.jpg)
معاوية الطيب
ضحيه ابراهيم
ebrahim_ali
عمران بابكر بدري
يوسف سعد
محمد أبوعاقلة الطريفي
معتصم دفع الله
Emad Abdulla
فيس بوك
تويتر
انستقرام
يوتيوب
بنتيريست