|
دعواتكم لزميلنا المفكر د.الباقر العفيف بالشفاء العاجل
|
|
 Re: .. شــارع البــلدية . (Re: عصام عبد الحفيظ)
|
.
العزيز/عصام عبد الحفيظ
صاحب الصور الزكية
هو فعلاً شارع البلدية
عجيب بي معالمو و مبانيهو و وضعو الجغرافي
طبعاً في ناس كتار ما عارفين هو بيبدأ من وين
وبينتهي وين .
هو بيبدأ غرباً من شارع الغابة شمال جامعة السودان
ويمر بي دار إتحادها ومن ثم شمال كلية العلوم النيلين
و إشلاق البوليس و إدارة السجون حيث يقطع شارع الحرية
عند محلات سلا المشهورة وعمارة السياحة والفنادق
و عمنا عبد المنعم عطية .
و يتوقف عند ميدان ( الأمم المتحدة سابقاً ) والجامع الكبير
حيث يعاود المسار شمال ميدان أبو جنزير ويقطع شارع القصر
عند تقاطع رجل المرور بريش الشهير .
ويمر شمال نادي ناصر ( سابقاً ) جنوب قبب الأتراك .
ويقطع شارع المك نمر في صينية التاكسي التعاوني
و عمارة ستي بانك أو السودان الجديد ويمر شمال
بيت أشباح لجنة الإختيار و جنوب عمارة كوبتريد
أو جريدة الأيام سابقاً .
ويمر جنوب السفارة البريطانية و المحكمة الدستورية
و مباني ملحقات جامعة الخرطوم حيث يلتقي مرة أخري شرقاً
بشارع القيادة العامة أو ( إمتداد شارع الغابة ) .
بالجد هو شارع عجيب .
ودي
م.كرفس
| |
 
|
|
|
|
|
|
|
|
Re: .. شــارع البــلدية . (Re: عصام عبد الحفيظ)
|
كتر خيرك ياعصام وأنت تجعل من فسيخ الخرطوم
شربات عبر عدستك المجنونة .
ياعصام تمدد قليلاً فحكايا هذا الشارع لاتنتهي
وأظنها مواكبة لكل تاريخ سوداننا العجيب
الان علي جانب من هذا الشارع جنود ملثمون
يتبعون لحركة من حركات اليومين ديل فاجأؤني
قبل أيام بأن ياشاب .... أمش من هنا بعيد
فتزكرت بأن هذه البلاد لم تعد ملكأ كما الشوارع
الان ....
شكراً ياعصام
خضر
| |
|
|
|
|
|
|
|
|
|
Re: .. شــارع البــلدية . (Re: Zeinab)
|
زنوبة الحلوة
انا ما خليتك فى المك نمر
الجابك شنو فى البلدية
وانا غرامى الاول المك نمر
وانتى عارفة !!
ولا باس من غشوة لجدك المناضل
عتمان دقنة
اهو كلام شوارع وكده !!
| |
|
|
|
|
|
|
|
|
|
Re: .. شــارع البــلدية . (Re: Zeinab)
|
شارع يعتبر من أقدم الشوراع في وسط الخرطوم وأشهرها ..
كل الحركة التجارية توجد فيه ...
بس محتاااج صيانة تقيلة ... والزحمة فيه الساعة 2 لاتطاااااق ...
لابد للمحلية من حلول لصيانته بصورة تعيد إليه بريقه القديم ... 
| |
|
|
|
|
|
|
|
|
|
Re: .. شــارع البــلدية . (Re: عصام عبد الحفيظ)
|
عصام
شكرا للصوره مش شارع النيل وابوروف بس وامدرمان كلها زي ما كتبوا شعراء الحقيبه
في القلعه
العيون النوركن بجهره
غير جمالكن مين السهره
يا بدور(القلعه) وجوهره
ودنوباوي
في النسايم شاكي
لي (ودنوباوي) تروح
بي لطف تغشاكي
يا شريكه الروح
المورده
واقول حبيب عمل عزول
خلاني للاذي والردي
ما عندي مانع حتي لو
ضيعني ساكن (المورده)
المسالمه
يا ظبي (المسالمه) السارح عقلي غايب
سالب نوم عيوني وسايب قلبي ذايب
حي العرب
تلقي الدنيا باسمه والايام
والايام طرب هنا في (حي العرب)
وما خفيا اعظم
اها لقيت ام درمان كيف
زينب الشفيع
| |
|
|
|
|
|
|
|
|
|
Re: .. شــارع البــلدية . (Re: عصام عبد الحفيظ)
|
عصام
شكرا للصوره مش شارع النيل وابوروف بس وامدرمان كلها زي ما كتبوا شعراء الحقيبه
في القلعه
العيون النوركن بجهره
غير جمالكن مين السهره
يا بدور(القلعه) وجوهره
ودنوباوي
في النسايم شاكي
لي (ودنوباوي) تروح
بي لطف تغشاكي
يا شريكه الروح
المورده
واقول حبيب عمل عزول
خلاني للاذي والردي
ما عندي مانع حتي لو
ضيعني ساكن (المورده)
المسالمه
يا ظبي (المسالمه) السارح عقلي غايب
سالب نوم عيوني وسايب قلبي ذايب
حي العرب
تلقي الدنيا باسمه والايام
والايام طرب هنا في (حي العرب)
وما خفيا اعظم
اها لقيت ام درمان كيف
زينب الشفيع
| |
|
|
|
|
|
|
|
|
|
Re: .. شــارع البــلدية . (Re: Zeinab)
|
زنوبة
يعجبنى انفعالك
حين تضغطى على الكى بورد
وكما افعل احيانا
ام در تستحق ذلك واكثر
ولم يحضر زمن انفعالك هذا
الاديب مفتون ام در امان
على المك
وشكرا على
بعثك لكل ذاك الالق الجميل
...
Quote:
المسالمه
يا ظبي (المسالمه) السارح عقلي غايب
سالب نوم عيوني وسايب قلبي ذايب
|
ويا سلام عليك يا سلام
| |
|
|
|
|
|
|
|
|
|
Re: .. شــارع البــلدية . (Re: عصام عبد الحفيظ)
|
هدية لزينب وعصام.. كبرى شمبات وبيت المال والموية وشارع البحر والملازمين من الجو..
كلما ارى صور عصام فى شارع البلدية اتذكر اغنية وردى (النهيد الما رضّع جنى).. ولله فى خلقه شئون..
| |
|
|
|
|
|
|
|
|
|
Re: .. شــارع البــلدية . (Re: طارق جبريل)
|
عصام
سلام يا فنان
شارع البلدية: الطفولة والشباب
كنت أسكن حتى العام 2005 به
من الجهة الغربية منه، قبالة رئاسة سجون الخرطوم وبنك أمدرمان الوطنى مؤخرا
وللذين لا يعلمون.. شارع البلدية يبدأ من القيادة وشارع الجيش شرقا
ويمتد حتى يصل شارع الغابة غربا
يخترثق فى طريقه جامع الخرطوم الكبير وميدان عباس(الأمم المتحدة والتى حولهارامبو بقدرة قادر إلى القبة الخضراء)
ويواصل مسيرته إلى ما وصفت سابقا مرورا بالمقرن والخرطوم غرب فى طريقه للغابة(بالمناسبة الغابة دى كانت اخر طلقة عشان نتمرد احنا أولاد الخرطوم لكن قلعها المتعافى_كشف المخطط بدرى وقرر التخلص منها)
ولسه.......
| |
|
|
|
|
|
|
|
|
|
Re: .. شــارع البــلدية . (Re: AmroKamal)
|
الحبيب البارع والمصور الفذ تحياتي وسلامي وشكري العميق على هذه الصورة المعبرة، مع تمنياتي بالمزيد من التفوق والنجاح
ولكن أخي العزيز هذه هي روحنا السودانية دوماً نمتاز بالطيبة والعفوية المبالغ فيها أحياناً ومرد حديثي هذا هو أن مثل هذا العمل المميز والمنشور هنا ربما تتلهفه بعض المصوراتية ومدعي التصوير أن يقوموا بنسب هذا العمل لديهم لماذا لا يحمل هذا العمل المميز توقيعكم واسمكم بداخل الصور حتى ولو نسخ لموقع آخر أو طبع يكون الدليل هو أن اسمكم وعملكم ليس عرضة للسرقة
وأتمنى من الحبيب بكري أن ينشي قسم خاص لقسم الصور كما هو معمول في عدة مواقع هنالك قسم خاص بالصور والالبومات الخاصة بنشاطات الأعضاء وهي مسموح بها للأعضاء فقط الدخول إليها
لدي طلب صغير جداً وهو تصوير عمارة التبلدي الهندسية في شارع البلدية قبالة دار التوزيع سابقاً ولو بالمرة مكتبة البركة لصاحبها نور الدين وأخوانه لأن هذه العمارة عملت فيها سنوات من أجمل السنين بعد التخرج ولنا فيها ذكريات جميلة وممتعة ليت تعود بنا تلك الأيام بعد تفرق بنا السبل منهم من هاجر للصين وأمريكا وسوريا وكندا والسعودية واستراليا يعني بقنا امم متحدة متحركة ومنهم من ترك العاصمة ومنهم من انزوى بعيداً ومنهم ومنهم ومنهم
مرة أخرى شكري وتقديري وعظيم حبي لك
| |
|
|
|
|
|
|
| |
عصام عبد الحفيظ
عوض حمزة
معاوية كرفس
ايوب عبدالرحيم
عبد المنعم سليمان
عاصم ابوبكر حامد
ابوعبيدة حسن محمد
خضر حسين خليل
ملكة سبأ
Zeinab
نادر محمد الراضي
Adil Osman
إسماعيل التاج
طارق جبريل
AmroKamal
ebrahim_ali
فيس بوك
تويتر
انستقرام
يوتيوب
بنتيريست