|
دعواتكم لزميلنا المفكر د.الباقر العفيف بالشفاء العاجل
|
|
 Re: وجعى و ارخى لى شرق !!! (Re: مراويد)
|
شكرا
للسؤال كلهم تمام بس وين انت وعامل شنو
ده السؤال الصعب على فى اللحظة دى
انا لسة بحاول امرق من ناس ديل وا اسفاى
لكن بصراحة بصراحة ما قادر
سلام
| |
 
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
آسف ارجع للموضوع الاول
جاءنا التالىمن وزارة الصحة الاتحادية عن ظهور اعراض مرض جديد
جارى البحث عن تحديد معالمه واعراضه ونتائجه على ابناء هذا
البلد الحبيب واللاجئين 000000ابقوا معنا سنوافيكم بالتفاصيل
اول باول 000000ضجت القهوه ولم ينفض السامر
بعد ساعة جا المذيع تانى وقطع الكورة والهلال كان غالب
2 صفر0
وقال على المواطنيين اتخاذ الحذر والتدابير اللازمةمع المرض الجديد
والذى سمى على اسم الدكتور مكتشفه (وجعى)والمرض يصيب اى انسان يرتفع راسه اكثر من ارتفاع متر0الاصابة قاتلةوحضانته لا تتجاوز ال90
دقيقة0 فنرجو من المواطنين الانحناء وعدم رفع الراس تهائيا للمحافظة
على ارواحهم وحفر الحفر للامور الدنيوية00 دمتم فى رعاية الله وحفظه
انتهى الخبر
الكلام اعلاه لي عصام ع.حفيظ
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
عزيزي عصام،
خالص تحياتي ومحبتي،
ياخي أنا رديت بالأصالة عن "نفسي" ونيابةًً عن النور، على ترحيبك الجميل في البوست بتاعنا. (في الصفحة التاسعة). وزودتك فيه بنصائح قيمة في خصوص الدخول لبوستات المنبر. وكانت "فرصه دهبية" على حد تعبير خالتي الحاجة بخيته بت حسن افندي، ألقى لي زول أتفلهم عليه في العلوم و"الأصحار" الكمبيوترية، التي حصلتُ فيها حتى الآن على درجة تعلمجي قد يُرجى منه. وحملتك في ردي عدة أمانات للأصدقاء والصديقات من أهل الصنائع الإبداعية مما جميعو.
تمش تشوف المداخلة دي (في الصفحة التاسعة من صفحات البوست مش صفحات المنبر).
أجمل مودتي. وتحياتي لإيزيس والوليدات والبنيات.
بـــولا
| |
|
|
|
|
|
|
|
|
|
Re: وجعى و ارخى لى شرق !!! (Re: عبد الله بولا)
|
يا أستاذنا و ملاذنا عبد الله بولا
من زمن كنت تجى شاقى شارع الخرطوم القديمة ماشى على الوزارة ونحن
والمرحوم على السيد الصديق و منتصر القدال لابسين الشارلستونات
و مضربين عن الدراسة تدينا حصة حصتين ما زال وجهك القديم مطابق لوجهك
الألكترونى
و يا عصام قلنا تبلغ سلامنا لموسى الخليفة و تانى منو كدة ما عارف ايوه
عاصم نجيلة ....ما عبرتنا
الملك
| |
|
|
|
|
|
|
|
|
|
Re: وجعى و ارخى لى شرق !!! (Re: gessan)
|
أستاذ عصام ..
ها أنا يا شاب : راخي شرق واسمع الحكايا .
يتراءى أمامي المشهد بقضه وقضيضه وضجيجه .
مالك تنقطع عن الحكي ؟
ليتك تصبر على القعده أكتر من كده وتقص علينا السيره بتمامها ..
فاطمه الكنغوليه زوجة الشهيد المصلوب (الواثق صباح الخير) . وحسين
الترزي (صاحب الباب المتاكى دائما) ..
..............
فى انتظارك , ينوبك ثواب ..
...
طلال
| |
|
|
|
|
|
|
|
|
|
Re: وجعى و ارخى لى شرق !!! (Re: طلال عفيفي)
|
هانذا
جئتك طلالا
فانت اردت الوجع يمشى بسيرته قادلا بينناواردت كمان بهدوء ان اكون فى البورد (مفضوح الاسارير ) ومكتوم العاطفة0
لك ما اردت ولكن خليها واحدة واحدة
فعلى اولا استئذان الراحل على المك وحسين شريف وفاطمة الكنفولية اذا تثنى لىلقاءها وحسن ابو عنجة وقاضى السجن والجلاد والمطرة النزلت يوم اعدام الواثق من خلاف وبس0
حاواصل بليل
سلام
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
خدر
اردت الاحتفاء بقدوم هذا المبهج عصام - والاسم سالم - لكن تحذيرك الذى تزامن مع ظهوره فى البورد جعلنى الجم خيول بهجتى، خاصه اننا قليلى او عديمى المناعه, تزايد عدد حاملى هذا الفيروس فى المنبر يبعث على القلق،انظر لهم : قيسان و المرضى و كبير اهل الغوايه والعصيان بولا و جاء المدعو عصام ليهد حيطان مناعتنا و يكسر سدود منع الحنين والذكريات ... فى داعى للبهدله دى يا جماعه
مرحب باهل الغوايه والعاصيين والعاصيات
بولا مدد رجلينك ... لقيت زولآ اكيش منك ... اتفسح فوقو فتلك الايام نداولها بين الناس
تحايا و موده للجميع
| |
|
|
|
|
|
|
|
|
 Re: وجعى و ارخى لى شرق !!! (Re: Ibrahim Algrefwi)
|
ازيك يا كوتش وين انت
والله خرمان لى ركوب فلكسواجن عاضه شمبر؟؟
قلت اقول ليك ازيك واتوكد ده انت والله واحدا اخر؟؟
واقول رمضان كريم تقوم تفننى بى سفنجه واطيه ليها؟؟؟؟؟
اصلو رمضان ده مشكلتو فى السودان خط الاستواء؟؟
مش زى رمضان ناس استاذ عبد الله بولا مس كول؟؟
وممحوق؟؟علا النصيحه ليك يا الله رمضان هنا جهاد عدييييييييييييل؟؟
الدنيا كلها ضدك؟؟ تقول لى الرينجر؟؟
تحياتى ليك
ولى عند احمد رحمه
واظنك سمعته بى عرس عمنا خالد كودى
وبلقاك وداير افتو معاك يا عصام
انور عبد الرحمن
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
عصام :
أما على المك,فقد حملته الغيمه .
"حسين شريف" في وحدته وسط دخان سجائره الألف .
"فاطمه الكنغوليه" ما زالت تنتظر "الواثق" على صهوة البرق كل خريف .
"حسن أب عنجه" :عشرون عاماُ مرت وهو ما زال يتساءل لماذا قطعوا
يداه ..
..........
أحكي يا عصام .. فحزن الناس لا تسجله التواريخ ولكن تحييه الحكايا.
الحكايه آخر ما تبقى من مجد على أرض هذي البلاد المالحه ..
..........
...
طلال
| |
|
|
|
|
|
|
|
|
|
Re: وجعى و ارخى لى شرق !!! (Re: طلال عفيفي)
|
اضف ردا
ما لقو كلمة غيرا فى البورد
لامن حملت الغيمة على المك كنا صفوفا خلف مستشفى الشرطة نقف وداعا
ولم اعرف الطريق لذاك المكان قط0
وبين ورقة زرقاء واحدة من سيناريو لم يكتمل ولم يصل حتى ليدى الاستاذة منى0
انها ورقة زرقاء كما كان يحب البروف وبقلم الحبر الاخضر السائل
انه على 0000المك
الفيلم يتحرك فى صمت الاستاذ الفنان حسين شريف
والذى اخاف عليه من كثر الدخان
والوحدانية التى يعيشها براضهو
وللواثق حديث قادم لاريب فيه
سلام
| |
|
|
|
|
|
|
|
|
 Re: وجعى و ارخى لى شرق !!! (Re: عصام عبد الحفيظ)
|
تقبل الله منا ومنك اميين
بمناسبة نادى الحنين معانا براكه؟؟؟ هنا
وصدرت ليهو رواييته الاولى عطر نسائى
اكان ما وقعت فى عينك؟ نرسلها ليك بالضرا؟؟؟
ونشتاقك اكثر وليت الشتاء لا يعود مسرعا لاننى بغير من ......؟
وكان الله مد فى العمر نحن معاكم نهايات العام ونسالمكم ونمد كرعينا فى طرف البحر وهاك يا همبريب.....؟
تحياتى لك ولنفسك
انور ود بتول الغناى؟
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
نحنا على مشارف الافطار
وليك خرمه؟
لاقيت منذ فتره كوجان؟؟ او تذكر؟؟
واسامه حسن خليفه وعبد الغنى وحادات وحادات....؟
يلا ما تنسى البطيخ ونص لوح تلج؟؟ اها واغشى المؤسسه جيب معاك 5 برنجى وجريدة قوون
وبتاع الرقشه الاسمو طارق بكش خليهو اجينى فى المنتزه السعاعه كم كده ما عارف؟؟
وليك الود
وجلاداب حتى النصر
انور ابو غيداء
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
عصام جونين.
هل أتى على الفنان صومٌ عن اللون؟..وكأنك ياصديقي تحبو جاهدا كي تحشر نفسك تحت الجيب الذي بهدلتَ به الكاميراتاونبيلهم منعم رحمة الله في محاولة لإكساب الجيب ملمحاً تشردياً يليق بهم-أي الكاميراتا- والله زمان ياعصام. كان آخر عهدي بك يا أبا يس وأنا أتحفز لدخول سديم الخليج- خليج السديم؟- ومن بعدها لم نلتق ولو على التلفون ليتني أحظى بتلفونك أو عنوان بريدك الإلكتروني. المساحة هنا لاتحتمل الإطناب في الخصوصيات لذا لك الود ولإيزيس ويس ..من هنالك بعد يس؟ تحياتي
محمد مدني
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
يبدو انو عصام (سيد البوست ما أنا) شغال الردود ورديات ليل ... دى ما مشكله،كلنا "موردين" ليل
لكن قصة الفط دى شنو؟؟؟
يعنى عشان لا رسامين لا غنايين و لا شعارين كمان!!!!
يا عزيزى مراحب وفط زى ما عاوز انحنا لاقين
عصام
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
الأخوه الحضور .
السيدات , الآنسات والساده ..
نأسف لهذا العطل الفني ..
وعملا بمبدأ الشفافيه (بتاع الجوه بشوف البره والبره يشوف الجوه),
فان الأخ "الاستاذ/عصام عبد الحفيظ" في شغل شاغل هذه الأيام ..
فهو يمارس صلاحياته الفنيه في الاشراف على مناشط (ليليه ؟؟!!) بنادي
الهلال بأمدرمان ..
...
والشكر موصول للأخ أنور (abu gaidaa ) على إهتمامه بفتح البوست
وتهويته ومن ثم رفعه ..
والعاقبه عندكم في المسرات ..
...
طلال
| |
|
|
|
|
|
|
|
|
|
Re: وجعى و ارخى لى شرق !!! (Re: khider)
|
ازيك يا طلال
كتر خيرك ونحن ما زعلانين وبالنا طويل والفوره مليون..
واسال خدر؟؟؟
هو عصام ده لو ما داير اليوست ده انا ممكن اطرحه للايجار؟؟
من غير علم الضرائب
زى عداده مع نادى الهلال ده ده ؟
ويا ربى عصام صداره والله اها........؟
هو فنان قومى؟؟؟
مع تحياتى وعدم قلقى؟؟
انور
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
اهلا اهلا اهلااهلااهلااهلااهلااهلااهلا
وآســــــــــــــــــف للغياب
يا احباب الله
وشكرا للمرور الكثيف حبا
يا انور والله سوسو بتسال عنك وعن
روايةبراكةوهل نادية موجودة فى الرواية؟
عصام جبر الله سلام ومشتاقين كثير
دثرونى دثرونى فالكلام البكر جاْْء
سقط اللحظة اطفا ايماض عيونى
ومعدن اللحظة يحوى كل اعضاء جنونى
الابيات المجيدة اعلاه للشاعر محمد مدنى
وكم وكم تدثرنا بها فى ليالى الخرطوم حينا من الدهر
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
مرحبا بالأستاذ المبدع عصام عبد الحفيظ.
أكيد مشاركاتك هنا ستشكل إضافة نوعية للإسهامات الفنية الجادة، القيمة.
أود أيضاً أن أشكرك على لوحتك التي ازدان بها غلاف روايتي الصادرة عن مركز عبد الكريم ميرغني، أحوال المحارب القديم. لم أستطع الحصول على عنوانك الإلكتروني ولا تلفونك لأشكرك بطريقة أكثر خصوصية وحرارة, فالمعذرة.
خالص المودة وأهلا بك.
| |
|
|
|
|
|
|
|
|
|
Re: وجعى و ارخى لى شرق !!! (Re: sharnobi)
|
شرنوبى
سلام
عوض احمد طه بخير
وهو نائب امين عام نادى الهلال
واستاذ بمعهد شمبات(سابقا)وجامعة السودان حاليا
وطبعا انت عارف انو ابن خالى
سلامك حيصل او قول وصل
| |
|
|
|
|
|
|
|
|
|
Re: وجعى و ارخى لى شرق !!! (Re: sharnobi)
|
الاخ عصام
تحياتى الطيبات مدة طويلة لم نلتقى ونحن دفعة واحدة فى الخرطوم الجديدة ..اذكرك شوية بتلك الفترة كنت تجلس خلفى فى اولى ه وبجانبك ابوبكر غزالى وانا وعبد الدافع امامكما ..خمن وفكر وسوف تتذكرنى والى اللقاء وربنا يجمع شملنا فى السودان الجديد ان شاءالله
| |
|
|
|
|
|
|
|
|
|
Re: وجعى و ارخى لى شرق !!! (Re: الكيك)
|
وربنا يجمع شملنا فى السودان الجديد ان شاءالله
آمـــــــــــــــــــــــــــــــين
ودى حلوة وقويةجدا
وياحليل الخرطوم الجديدة ومظاهرات السّكر 00واتحادنا الذى
تم حله فى اول شهر من تكوينه
ايام لها صبابة 00 ادينى اخبارك
سلام
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
الف مرحبا بك
عصام عبد الحفيظ
هذا المهاجم بالفريق الذى اسسه مع ابنى عمى
عوض وعثمان حسين ..بالميدان الصغير..بالقسم الجنوبى
وصباحا يحمل لوحاته ذات الالوان الزاهية..وهو بالمرحلة الابتدائية
يا لزمن جميل..
اليس هو عصام نفسه.
وتحياتى عبرك للصديق..الفنان
احمد الشريف ..الفنان الذى رفع رأسنا عالية
بفوزه بتلك الجائزة العالمية بفرنسا
السودان بكم سيظل جميلا..وسنراه اجمل
مودتى
| |
|
|
|
|
|
|
|
|
|
Re: وجعى و ارخى لى شرق !!! (Re: عبد المنعم سيد احمد)
|
العزيز عبد المنعم
ازبك وده زمن طويل ايام كنا مهاجمين والان تجدنا ملوك الدفاع
شتان ما بين زمن وزمن0
وتاخرت فى الرد عليك فاعذرنى
(سوْء فهم البعض للبعض فى البورد0 يدخلنا فى اختفااءت وحزن مابداوى بهين0)
وبرضو معليش والكلام بين القوسين محاولة منى للفضفضة لصدبق قديم
اعزه واستظل تحت ردى اليه0
سلام وشوق شديد ليكم لعثمان وعوض حسين
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
عصام إزيك .. أيها التشكيلي الغارق في صناعته .
نأتي إلى الخرطوم ولا نراك .. كأنك منذ رسمت ( نار الزغاريد ) ..في طبعتها ( المجوبكة ) وأنت تؤثر التواري .. مرحبا بك في هذا المتنفس الجميل ، ولو أنك أتيت متأخرا .
| |
|
|
|
|
|
|
|
|
|
Re: وجعى و ارخى لى شرق !!! (Re: khider)
|
وشنو حكاية تشكيلى دى؟؟
انت عصام عبد الحفيظ "الليلنا"؟
الصممت لى ديكور وازياء حفلة على الخازوق؟؟
انت التشكيلى يا عصام؟؟
يا سلاااام
والله دنيا جميلة ...حتى بى احزانها
شفت ردودك الحميمة ولاحظت لمة الناس الجميلين فيك لكن اصلو ما قايلاك ده انت
وا خجلتى منك
المهم ...انه طلعت ده انت
وهاك شحنة "فلكسواجن عاضة شمبر" يا عملات انور اللذيذ...سلام ملون ومشنكل تشكيلا جميلا...والف مرحب كان فى البورد وكان فى ارخى لى شرق "عليك الله ده اسم ده؟"
غايتو السودان ببالغ
ود المهدى قال الزول يكون راقد تحت شجرة الدوم الدومة تقع فى راسو كع وتضربو ولمن دمو يسيل...برضو ما يكتشف قانون الجاذبية...
شفت ليك قانون جاذبية بيكتشفوه بى دوم؟؟
| |
|
|
|
|
|
|
|
|
|
Re: وجعى و ارخى لى شرق !!! (Re: Tumadir)
|
الاعزاء الحضور:
الراخين شرق ..
مشتاقين ثم مشتاقين ..
عصام الأيام دي في شغل شاغل ..
شايل الكاميرا وحايم ..
شي نادي الهلال , شي المك نمر , شي المطار .
وغايتو , ربنا بس يديهو الصحه والعافيه ..
...
تنويه :
الفولكس العاضه شمبر أصبحت كريسيده لونا زي البزيانوس .
المرسم : في الصافيه ( لوحات , ألوان زيت , صوره لقدال وحميد ,
بوستر حفل مصطفى سيداحمد الأخير في قاعةالصداقه,مكتبه,موسيقى ,
كمبيوتر,عنقريب وووالخ مما يكون في المراسم ..) .
...
سنعود بعد الفاصل .
...
طلال
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
يبدو أن الذكريات اشتبكت والسنانير غمزت .
يعني أنا أمشي ولا شنو ..
أستاذ عصام وخدر وانور : يا تحكوا بالمكشوف عشان نكون
معكم في الصوره يا تكملوا لينا البوست بتاع سيناريو
اليابسه وقصص المعهد .
...
طلال
_____________________________________
تشكيل : عصام عبد الحفيظ (زيت على قماش)
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
اهداء لانور عبدالرحمن
من عشقى الازلى (رامة والتنين) 00ادوارد الخراط
(عندم صعد آخر السلالم الضيقة,وفتحت له باب غرفتها, وجد نفسه فجأة
معها,وحدهما0
بعد ان وضع حقيبته على الارض , وقفت امامه,بكل مجد حضورها0كانت تنظر اليه بعينين فيهما حب استطلاع,وابتسامة صغيرة لا يكاد يراها,
تنتظر0 كان فى جسمه وروحه حس متوتر من الارهاق الحاد المتيقظ,وقلق الفرح العصبى0 قال لها:رامة 00رامة000لا استطيع ان اصدق0
ومد يديه يحتضن وجهها بين راحتيه0كانت عيناها ما تزالان تنتظران0
اندفع اليها وكانت بين ذراعيه فى لحظة واحدة0
واحس ظهرها المستدير وصدرها كله ملء ذراعيه, ووجهها تحت شفتيه0 لم يكن العذاب قد غادر جسمه الذى بدأت تسرى فيه عصارة ثقيلةجديدة من الراحة, تهبط الى منطقة معتمة0
رامة000رامة لا استطيع ان اصدق0)
| |
|
|
|
|
|
|
|
|
|
Re: وجعى و ارخى لى شرق !!! (Re: Raja)
|
شكرا رجاء سلام وحا اواصل الليلة بكثافة عشانك
وهذا النص
من احمد معلا التشكيلى السورى ايام مجلة (ألف)
مقطع من نص أسمه
باريس سرير وثير
(اننىأنحنى فى أمان للخمروكسل البطالة0السكر يعتلينى ملكا ,والكوبرا المتعة ترتقى جوفىوجعا, فمها جمرة وقلبى قطن0
مدى رمل عمرى0
ان تشائى اركضى فيه 0افرطى فى طبع خطوك 0
سأملآ آثارك بدمى0 انثرى زهرفستانك فى فلاتي0
أموت كحجر كريم وألتف خاتما فى فى اصبعك0
كم انا مبتذل0اقول لهاما خبأت لابنتى0)
مهداة لكل هالات الضو والجنون فى حياتى
| |
|
|
|
|
|
|
|
|
|
Re: وجعى و ارخى لى شرق !!! (Re: طلال عفيفي)
|
قال ليك انتي يا الفولكسواجن كرب ابركي في اخر شارع النيل .. قريب من مخازن يوسف ع الفتاح ( يا سابل الستر يا الله )
معناتا الليله لا الجريف لا اللوبيا حا نلحقم
الميكانيكي .. الكوكاكولا ,, الكونترات الجديده
بتاع الامن التافه في المطار قال لي محظور
اححححححححححححه
قال محضور قال
انا و الاملاك في بعدك بقينا اكتر من حبايب
عصام
تم لينا ارخ لي شرق قبل ما نرسل للكوبريات (علي وزن الخمريات يا انور ) مايكفي للاطاحه باحلامك و قفل روما ذاتها قدامك
وتاني
يا حليلك يا التوم طن
يا عجان لقمه القاضي
يا البتدقش مولانا القاضي
| |
|
|
|
|
|
|
|
|
|
Re: وجعى و ارخى لى شرق !!! (Re: طلال عفيفي)
|
شايفكم قصقصتو الدنيا ورق مليان صور وحاجات سمحة
الكتاحة وين .. فى الاسكلة ولا جروف النعناع الدغش بدرى .. يا حليل ابوروف وبنات حى المال جنوب سكنن جوه القلب ورتعن وخلنى شارد زى ضوء عند المغيرب سارب .. انا ما عندى ذكريات مع ناس كتار لكن عندى مستقبل مع ناس جايين .. ياللوحشة وطولة البال الممتدة .. يا للهف الساكينى من قبل الجية وقبل الطلة وقبل المزلقان الخلا اتجهاتى شاردة وحردانة وضاجة ولابدة ومنكبة
شاك البراهو
| |
|
|
|
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
يا عصام كل ده ؟؟
يا اخى انا كما قال الحلاج
رجل من غمار الموالى فقير الارومة والمنبت
فلانسبى ينتمى الى السماء ولا رفعتنى اليها ثروتى؟
ولكن تظل راما ونحن نمد الالف تيمنا فى طول العمر؟
دفق من معانى كثيره يشفع لها انها اهدتنى غيداء وياسين ويحيى ولا زالت تناضل معى ولها قدره على استحمال كل عذاباتى
لها ولك الود
لكن انا رفعت البوست ده ومشيت الشغل عشان اقول ليك الليله بى
ردك لى تماضر انا ركبت بكاسى الصحافه شرق؟
بكاسى زمان ولا امجاد الليله؟
ومعهد 57 59 و61 حيث داخلية الطالبات
ودكان عمك طلسم وعرب شبشه؟
ونادى العمارات
وامتحانات الدبلوم
وناس الموسيقى المطنقعين؟؟ بتاعين العدادات؟؟ خسوسا؟؟
اه وتخريج الفنون وحفلات شرحبيل وهذه المهرجانات الشعبيه
ومشاريع اولاد فنون المجنونه ؟ الخرطوم مدينه نظيفه؟
ويا حليل زمان وسنين زمان
انور
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
العزيز انور (وأنا ياأستاذ )
وووووووب من زما ن وأيام زمان00000 وكان بودى ارخى شوية غرب لكن انت عارف غرب اليومين ذى (واو نار) كاركتير ود أبو فى صحيفة الميدان بعد ما يسمى بالانتفاضة0000 الفرقتنا لحدى الليلة وصباحى عندك ليل وفى امريكا بعد الفطور وانت شغال وهى نائمة000
هو الوجع بل هوادة
اشراقة بنعرف بعض ودى مؤكدة
والنقر مع خادم الحرمين
سلام
| |
|
|
|
|
|
|
|
|
|
Re: وجعى و ارخى لى شرق !!! (Re: منعمشوف)
|
الشماته ما مطريه
دى من ايام الزبير
000000000000
كفاية كدة وبلاش وجع ومناحات الزمن الجائر
والله ادخل عليك هسه بنص جائر وفائر
مثلا
(قلت لها سأخلع أخطاء حذائى واتزوج الفكرة الأميرة
قالت الأبواب مقلقة0والصمت يملأ المكان 00والسوارى وصل
قلت سأفتح الابواب 00بحبى لك 00وبعدها نرسم الحصين عند الفجر
قالت الحب والحنين والقبلات لا تكفى 00فالسور عال
قلت كفى
قالت ارفع صوتك فانى لاارى
قلت سارفع قبلات الشوق الحنين لك 00وكفى
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
عصام عبدالحفيظ
{دى من ايام الزبير
000000000000
كفاية كدة وبلاش وجع ومناحات الزمن الجائر
والله ادخل عليك هسه بنص جائر وفائر}
الاتعلم ياصديق حينما عجنوا طينتى عجنوا معاها الوجع؟
وهل ستفارقنى المناحات.. ام انها تسارر عمرى بفرح ما سيأتى... موقنة انا من ذلك
اذن لاتهدد ياصديقى وادخل على بنصوصك الجائرة وفائرة
انا قبلت التحدى؟
هل تقدر؟
| |
|
|
|
|
|
|
|
|
|
Re: وجعى و ارخى لى شرق !!! (Re: Ishraga Mustafa)
|
اشراقة بقدر ونص وعشان كده انا وراك فى البورد دائما
وهاكى (نشيد آخر مساْء)
انى اموت فى الجرح
فانقذينى بالكى
00000000
كل الجراح تموت
وهذا الجرح فى روحى حى0
0000000000000
حين يأتى المساء00
أعانق الهم والخسارة00
وأنام فى خمارة00
000000000000000000000000000000000000000
أسمعها00 ولا اراها000 هى بداخلى000تملأ الفراغ 0
النص للشاعر المغربى احمد المجاطى
| |
|
|
|
|
|
|
|
|
|
Re: وجعى و ارخى لى شرق !!! (Re: Ishraga Mustafa)
|
اها كيف امسيتو؟
ارخى ساعده
واستند الى جذع الشجره
ارتجف قليلا
اوشك ان ينهار
تصبب عرقاوعرفت ان الحمى
تسكن جسد الشيخ
بكى
قلت له والاشفاق يجيش بروحى
هل اجهدك الترحال؟
اى عاصفة تهتز بوجدانك؟
فى ضوء يغرب ناحية الشرق
قلت له ما كنت عهدتك ال بستانيا
تملا اغصان الامل
بازهار الغد
لك الود ايها الشفيف
وتحيات لسوسو؟
انور
| |
|
|
|
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
انور الحبيب
الان فى تلفزيون السودان
يغنى
الاستاذ خليل اسماعيل
فى اغنية (سلمي لى علىالحبيب والمهم تلقيه طيب)
وانشاء تكون لى ووليداتك وست الناس طيبين
ونحن فى السبع الاواخر
اعاده الله على الجميع هناو يكونو طيبين وتامين ولامين0000
وبالامس مساء جميل بمركز عبد الكريم ميرغنى ,
قدم عركى وشمت اعمالا جميلة 00للاسف وحسن الحظ كنا
مع كواتو ورشا شيخ الدين000لكن اليوم صباحا(وهذا يلغى الاسف) اتانى الشريط ,
من صديق حميم اهتم باهتمامى, فسمعنا وطلال عفيفى شمت يقدم
يابامع السلامة00من سماع الشريط احسسنا انهاليلة من ليالى الخرطوم
الحميمة, اليومين ديل وتمنى شمت حضوركم مع جمهور المركز الجميل00
بالطريقة يا أنور بيسحروك فأشحد لى شيوخك توب الغطا والمغفرة0
وموضوع كواتو000وتجريب لنا فيه حديث من عذوبته يطول
سلام
| |
|
|
|
|
|
|
| |
عصام عبد الحفيظ
khider
عبد الله بولا
Tagelsir Elmelik
gessan
طلال عفيفي
إيمان أحمد
Ibrahim Algrefwi
Rawia
Mahmed Madni
mohammed alfadla
مريم الطيب
bayan
sharnobi
الكيك
عبد المنعم سيد احمد
Ishraga Mustafa
Tumadir
Raja
منعمشوف
nada ali
فيس بوك
تويتر
انستقرام
يوتيوب
بنتيريست