|
|
|
 Re: الرد على من اتهم لبنى بالسرقة الأدبية (Re: محمد ادم الحسن)
|
الحاجة التانية
بالمناسبة عشان الناس ما يختلط عليها الموضوع
انتقادي انا للبني جاء من قناعة شخصية
وليس لي اي دوافع ولا عداء شخصي بيني وبين لبني
ووصلتني كثير من المقالات التي كتبت تسئ للبني
ولم أوردها ولن أوردها في البوست
وبالمناسبة لبني سنيري في كلية الزراعة - جامعة الجزيرة
هي الدفعة 14 وأنا الدفعة 19
وانا لم اقابل لبني غير مرة واحدة عندما أشار لي أحد الاصدقاء
وقال لي تلك هي لبني أحمد حسن في أحدي زياراتها لجامعة الجزيرة
وكنا في مجموعة حنظله الأدبية التي انضمت اليها لبني في يوم من الأيام
وكنا جالسين في كافتريا تكنو - النشيشيبة
لكن كنت مداوم علي قراءة عمودها ومقالاتها..
هذا مالزم توضيحه
| |
 
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
لا حولا
Quote: ولكن عندما قررت لبني كتابة كتاب بعد الحادثة المشهورة
كانت حائرة مثل الدوق ( زاهرنغن ) في إختيار إسم جاذب تطلقه علي كتابها
وعندما رجعت الي بيتها حاولت البحث في خزانة كتبها (مستصحبة بعض من كلمات الواقعة) ووقع كتاب
العبد لله أمير في يدها
وحقق لها ما ارادت
هكذا كان تصوري للمشهد
وعلي هذا الأساس أوردت دفوعاتي ، ولم أجادل إطلاقاً بالنواحي القانونية ، وقلت
أن ذلك يصعب إثباته ودا الحبل الذي لعبت عليه لبني
وإفترضت في لبني سوء النية ، وإتهمتها بالاستفادة وإستغلال جاذبية إسم كتاب أمير
والترويج لنفسها بشكل دعائي كبير بعيدا عن مناهضة قانون الجلد نفسو
ولبني ما اتجلدت ، والبنات المعاها اتجلدوا
ليه لبني ماقامت بتوزيع كروت دعوة لللمواطنين لحضور محاكمة البنات الكانوا معاها؟
|
محمد آدم
أكاد لا اعرفك
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Hashim Badr Eldin)
|
تسلم يا كوماندر بدرالدين...
الناس الماعندها حياء دي حكموا عليها بالجلد والغرامة والسجن ...
ومنعوها من الحركة والسفر وضايقوها في عيشتها وحاولوا يطعنوا في حياتها الشخصية وما قدروا يلحقوا قدرها
كمان عاوزين يطلعوها حرامية!
يا عزيزي كل يوم بيمر وهم بيحاولوا معاها وكله بيرجع ليهم Back
يعني عاوزين يفضحوها... وربك بيفضح فيهم لأنهم فضيحة وحايمة
ناس سرقت نظام بلد بحاله وبكل خيراته ونهبوا ثرواته لمنفعتهم الشخصية
واحد قال ليا الناس ديل جاهزين بأموالهم للهرب والزوغة...
قلتا ليه... أمبارح في واحد في الكونغرس قال نفس كلامك ده
وأضاف عليهو: بس لي وين الهرب في عالم صاحي وشايف فيهم وعارف بكل سنت نهبوه...
وحايجي اليوم الحا يصرخ فيه كل حجر: ده كوز حرامي أمسكوه وحاسبوه وعاقبوه!
وشكـرا...
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
| Quote: بس موقفها تجاهم شنو؟؟ |
يا محمد آدم... إنتا أكيد عندك إجابة على سؤالك ده
جاوب عليه... وقول لينا زولة مظلومة ومحكومة بالجلد مفروض تعمل
لـ 43 ألف إمرأة مجلودة ظلما شنو أكتر من كده
يا أخوي الدعاية اللقتها للقضية دي في كل العالم - وأعني كل العالم - دي أحسن خدمة تقدمها
كتير من الناس مروا بظروف وثقوها في كتب ساهمت في تعديل قوانين ورفع الظلم عن الناس
يعني ده جزء من الحل... وهي عملت العليها
وأرجوك فهمني:
| Quote: انتقادي انا للبني جاء من قناعة شخصية |
قناعتك شنو الخلتك تنتقدها بالصورة دي وتتهما بسرقة عنوان لكتاب لسع ما قريته لحد الآن
يعني بتنتقد في كتابة لبنى ولا بتمسح بيها الأرض
وتسلم...
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
Quote: لبني حبكت القصة وألفت أحداثها علي مايبدو من عنوان الكتاب ، وإختلست فكرة الاستاذ أمير
ونحن هنا نكتشف سخافة الاختلاس الذي يسمونه إقتباساً |
مرة اخرى يا أخ محمد ادم انت تجزم بأن لبنى حبكت القصة والفت احداثها وإختلست فكرة الاستاذ أمير!!
سؤالي لك: هل قرأت كتابها لتجزم بانها إختلست حتى فكرته من الاستاذ أمير؟
| Quote: وإحتالت علي شد إنتباه الناس الي ذاتها بحيل ثعلبية إنتهازية بما تشيعه عن نفسها بأجر في غالب الاحيان |
الكلمة يأخي مسؤولية... قلت في مداخلة سابقة بأن لا عداء شخصي بينكما، فلماذا إذاً كل هذه الاتهامات؟
| Quote: لذا يجب علي لبني ان لا تهزم هذه القضية مرة اخري |
هل تعتقد بأن الاستاذة لبنى تعمل الان ضد قضية مناهضة هذه القوانين الوحشية ضد المرأة بالسودان؟
كلامك فعلاً بحير!
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Ahmed Alim)
|
Quote: أشارك الاخ عادل عبدالعاطي في مطالبتك بالاعتذار للاستاذة لبنى ولنا قرأ البورد على هذا الاتهام المتعجل.
فالاعتذار فضيلة تزين صاحبه. |
الاخ محمد عالم
بشكرك جدا علي الموضوعية
وأنا أردد نفس الكلام القلتو في السابق
إذا لبني ردت وقالت ما إستفادت من عنوان كتاب أمير
ولا شافتو ولا سمعت بيه
إذن لكل حادثة حديث
وساعتها لا أصر علي الاستمرار في إتهامها.
ولك وافر الشكر والتقدير
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Mohamed Yassin Khalifa)
|
يا محمد آدم تحياتي
أولا في حاجتين مهمات بالحيل عاوزك تسمعهم مني:
* شكـرا ليك لأنك ختيتني في (بوكص) واحد مع صديقي أحمد عالم..
وده من حظي لأنو أحمد كلمني نهارا ورجعتا ليهو مساءا وإتونسنا شوية عن هموم نيوإنجلند
وعن حبيبنا نوباتيا اليرده الله لينا بالسلامة
** أنا إستغربتا من زول شاف ليه عنوان لكتاب وقعد يحلل في العنوان ده!
وكمان إتهم زولة مظلومة (وزميلة دراسة) بأنها حرامية سرقت العنوان الما عنده علاقة بكتاب أمير غير في كلمةجلدة...!
ورفض يسمع كلام كل الناس ويصر على كلمة سرقة.. سرقة... سرقة شنو يا أخي؟
أنا حسيت إنك بتقرأ سطر وتفط فقرة!
يا أخي قلتا ليك أنتظر لما يطلع الكتاب وأقعد أقراهو برواقة وبعد داك تعال أكتب رأيك فيهو
أما ذي كلامك ده عمري ما شفتو:
Quote: لا
لبني حبكت القصة وألفت أحداثها علي مايبدو من عنوان الكتاب ، وإختلست فكرة الاستاذ أمير
ونحن هنا نكتشف سخافة الاختلاس الذي يسمونه إقتباساً
وإحتالت علي شد إنتباه الناس الي ذاتها بحيل ثعلبية إنتهازية بما تشيعه عن نفسها بأجر في غالب الاحيان
سيدي أحمد لبني مثل كل الناس الذين نوجه لهم النقد لانها
تاكل ، وتشرب ، وتلبس ، وتنام ، وتستيقظ ، وتقرأ ، وتكتب ، وتنشر بأدوات ليست من صنعها
انها من صنع المجهولين الذين يسمونهم المجتمع
غذن عليها ان تدفع ضريبة هذا المجتمع |
والله إنت إما زول واصل وناقد لم يأتي مثله... يبني نقده على عنوان
أو إنتا عندك حاجة في راسك ما عاوز تقولها... وده من حقك بس إحنا ذنبنا شنو؟!
مع الأسف ما عندنا قدرتك على تحليل العناوين وإتهام الناس بالسرقة
وبالمرة... تفتكر عقوبة جريمتها الجديدة دي جلد كمان ولا قطع من خلاف؟
يا أخي خليني أقولها ليك بقلمي المبحوح ده وبأعلى صوت:
لبني وصلت بقضيتها العادلة لأعلى مستوى في العالم...
ووقفت مع رئيس وزراء فرنسا وصرخت: "لا لقهر النساء... لا للمادة 152 من قانون الخراب العام!"
وسمعها العالم (في أمريكا وحدها نقلت عنها أكتر من 7 ألف محطة قضيتها)
وهي الآن في فرنسا وشغالة في نفس القضية وكتابها ده ممكن يكون دستورها
وإنشاء الله تزورنا في أمريكا ونقدمها للرأي العام ومراكز القرار والمعاهد البحثية
يعني كل ده ما عجبك... عاوزها تعمل شنو كمان؟
يعني لو قرأت كتاب لأمير أو لتلستوي تفرق معاك أو معاها شنو؟
وبعدين شعورك شنو لو كان كتاب أمير أحد أهم مصادرها الموثقة في كتابها؟
أها... وكمان ذكرت كل ما أخدته منه - فرضا - بكل شفاهية لكاتب... تفتكر مصير إتهامك ليها حا يكون شنو؟
أرجوك ثم أرجوك راجع نفسك وكتابتك في البوست ده والقبلو وحكم رايك علي قشة أو صخرة
وإذا بتقرأ فرنسي أنا مستعد أرسل ليك نسخة من الكتاب ده بعنوانه لعنوانك
والسلام...
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Hashim Badr Eldin)
|
الأستاذ محمد آدم الحسن
فى فهمى البسيط أن الاتهام عادة يجب أن يبنى أساس قانونى، والمطالبة بالحقوق المنتهكة فى قضايا السرقات الأدبية تتم فى المحاكم، لذلك أخذ ردى الجانب القانونى فأوضحت لك أن عناوين الكتب والأسماء لا تسجل كملكية فكرية. ويمكن تسجيلها كماركات تجارية مثل كوكا كولا وميكى ماوس وجيمس بوند.
اذا أصدر شخص اليوم مجلة فى السودان باسم عمك تنقو فالأستاذ شرحبيل أحمد لا يستطيع منعه من ذلك ما لم يقم هو بتسجيل عمك تنقو كماركة تجارية.
اذا عشت فى بلاد العالم الأول وكنت ممن يترددون على المكتبات سوف تكتشف فى رف واحد بعض الأحيان عشرة كتب تحمل نفس الاسم . ذلك تجده أيضا فى كتب التراث الاسلامى.
سوف آتيك ببعض الأمثلة الحية. أما مناقشة الجوانب الأخرى فى قضية لبنى فقد فُتحت عشرات البوستات فى الشهور الماضية لمناقشتها, وأنا أيضا شاركت ببعض البوستات فى الموضوع.
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Ahmed Alim)
|
أستاذ هاشم بدر الدين
شكرا جدا لأنك أعطيت الموضوع نوع من الموضوعية والإلتزام الأدبي
وهو جزء من طبعك
لكن شكلو نحن وصلنا لمرحلة الجدل البيزنطي في موضوع لبني
وأنا بيني وبينك وبين كل الأخوة الأعزاء الذين أثروا النقاش...
قول لبني أحمد حسين ودلوها وردها علي إتهامي ليها ، وأكيد
هي متابعة
زي ما عرفت من بعض الأصدقاء
فنحن في إنتظار ردها.
ولكم جميعاً
كل الإحترام والتقدير
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
كوماندر هاشم
تحياتي
الأستاذ محمد الذي إفترع البوست لا يسمع غير نفسه، ولو جبت ليهو مليون دليل فسوف يظل يردد اسطوانته المشروخة.
القضية بتاعت الزول دا ما عندها علاقة بالحقوقز راجع كل كتاباتو وحيقع ليك الكلام
Quote: لكن شكلو نحن وصلنا لمرحلة الجدل البيزنطي في موضوع لبني
|
صاحبك محمد آدم دا النوع اللو قلت ليهو أنا إسمى هاشم بدر الدين حيقول ليك (على الحرام إسمك ما هاشم بدر الدين.
وشكراً على المعلومات القيمة حول الملكية الفكرية.
الصادق
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: الصادق اسماعيل)
|
شكـرا يا أستاذ هاشـم على الرأى السديــد.
كان الأديب والشاعـر الألمانى غوتـة أول من بدأ العصر الرومانسى منهيا العصـر الكلاسيكى فى كتابة الرواية..
ولعل كتابه "ألام فارتر (Schmerz des Vaters)، كان طلقـة البداية فى ذلك العصر الجديد.
وقبل غوتة كانت القصـة الكلاسيكية دائما تنتهى بزواج الحبيبين بعد معناة كثيرة (البطل ما يموت)، ليعيشا
سعيدين الى الأبد.
ولكن مأسـاة فارتر إنتهت بإنتحاره بعد أن تزوجت حبيبته شخصـا أخر.. وكانت هـذه النهاية صدمة كبيرة فى
أوروبا، إنتحر الكثير من الشباب أمثال (فارتر) ممن قرأ الرواية وكانت لهم تجارب مماثلة على الواقع.. ووجد غوتة معارضة
شرسـة من فقهاء الكلاسيكيـة، بل أن واحدا منهم أستغل سفـر غوتة الى فرنسـا، فكتب رواية عنوانها:
(أفراح فارتر)، أى أنه أبقى على إسـم فارتر وهو شخصيـة غوتة، وتنتهى الرواية بالنهاية الكلاسيكية.
وبالرغم من ذلك لم يكن كتابه ضد قواعد وقوانين النشـر.
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Abureesh)
|
محمد عثمان أبو الريش
سلامات يا حبيب
بقينا ماعارفنك فى الصين ولا أمريكا
أسلوب التحايل على قوانين النشر موجود ولن ينتهى, و له فنون . واحدة من أشهر عمليات التحايل على حقوق النشر مارستها بعض الصحف البريطانية عندما قام صاحب مركز رياضى كانت تتمرن فيه الأميرة الراحلة ديانا بتصويرها بكميرات خفية وباع صور ديانا شبه العارية لصحيفة الصن والتى نشرتها طبعا. فقامت بقية الصحف بإعادة نشر الصور فى اليوم التالى تحت عناوين ناقدة للصن مثل يا للعار كيف تنشر مثل هذه الصور وطبعا الصور كانت أوضح وأكبر مما فى الصن.
.
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: الصادق اسماعيل)
|
الصادق ود إسماعيل سلامات،
| Quote: صاحبك محمد آدم دا النوع اللو قلت ليهو أنا إسمى هاشم بدر الدين حيقول ليك (على الحرام إسمك ما هاشم بدر الدين. |
ده نوع من الإصرار اللذج، شوف الزول ده كتب كم مداخلة يتهم لبنى بالسرقة، وأخذ الفكرة، والراجل حتى الآن لم يطلع على كتاب لبنى، وزول مقدِم ليهو عريضة إتهام وظل يطفق بها حتى بعد أن أعطاه هاشم نماذج مصورة لكتب تحمل عنوان واحد، بضبانته، وأمثال هذا المحمد، كثيرون، جاءوا جماعات وأفراد للنيل من لبنى من باب "الحسد"، وأقول الحسد، لأنهم هم من المفترض أن يكونوا في صف لبني، لأنهم ضحايا مثلها، ولكنهم وقفوا مع زمرة أعدائها، من أهل النظام، والمشرعين لتلك القوانين الليئمة، والجهلاء الذين يأيدونها، كل الذين وقفوا ضد لبني وظلوا يترصدون أخطاءها من المحسوبين على معارضة هذا النطام، تحركوا من مواقع الحسد، لأنهم لم يأتوا بسببٍ واحدٍ، منطقي، يبرِر ترصدهم للبنى، ومحمد هذا أسطّّع مثال لهولاء الحساد..
____
سلامات يا كوماندر والمعاك..
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Yassir Tayfour)
|
تحياتى
هاشم اتيت كعادتك بما يقنع كل متحدث عن سرقة الاسم وانتهى .ارجو من لبنى
عدم الرد بتاتا لان المسالة ليست شخصية
المهاجمين للبنى حامين لقانون النظام العام والقانون الجنائى المادة 152
حتى لو ادعو غير ذلك
الكتاب ليس مسالة شخصية الا اذا نظر له من ذاوية ضيقة
وكل كتاب له تكنيكه الذى يعتقد صاحبةانة يشكل جاذبية للقراءة
ودى تختلف من زول لاخر لكن ان يكتب كتاب يوثق للحدث هذا يعنى
ان تظل الصفحة السوداء لنظام الانقاذ مفتوحة
وان يتناول العالم وخاصة الاسلامى ما يمكن ان يحدث له ان حكمة الاسلاميين
اما السؤال المهم ماذا فعلت لبنى للنساء والطفلات المجلودات
الكثير اثارة القضية وتشجيع الاخريات على الفضح وكسر حاجز الخوف
وتقوية النساء بالمواجه وعدم الخوف من فضيحة الاخذ باسم قانون النظام العام
والكثيرات بدان فى توثيق حالاتهن من جلدن ومن غرمن
لبنى هى من تابعت قضيية المهندستين واتصلت بالمبادرات من مبادرة لا لقهر النساء
ليتجمعن بمحكمة القسم الشرقى لحماية الشابتين
هى من اتصلت بوسائل الاعلام وبأهل الشابتين كى يتشجعوا وينشروا القضية
المسالة ما خاصة بلبنى بل هى قضية عامة لبنى جزء منها
وللعلم لبنى لم تكتب الكتاب دون استشارة عددكبير من النساء
وقد قدم لها عرض اكبر بكثير ماديا رفضتة عندما اختلفت حولة الناشطات
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: زينب بدر الدين)
|
الأخ هاشم بدر الدين
والأخ ابو الريش
وياسر طيفور
والأخت زينب بدر الدين
تحياتي وسلامي
بالمناسبة أنا اتصلت علي الأستاذة لبني من يومين
في القاهرة وعرفتها إنو أنا كتبت بوست في مقارنة بين عنوان كتاب الأستاذ أمير
وكتابها وطلبت منها اذا ماعندها مانع اطرح عليها بعض الأسئلة
قالت : نمرة واحد هي قرت البوست.
سألتها ورايك فيه شنو؟؟ قالت مادايره أعلق علي الموضوع.
طيب سألتها هل إنت قريتي كتاب أمير قبال كدا ولا سمعتي عنو حاجة.
ردت وقالت لي أنا مادايره أعلق علي الموضوع كلو
وأضافت إنو أي زول من حقو يسمي حاجاتو بالطريقة الهو شايفها ، وقالت لي لو أنا
فاضيه أعلق علي أي كلام بتكتب عني ما كان لقيت وكت وألفت كتاب.
سألتها تاني يعني انت ما شفت كتاب أمير بعينك؟؟ وكررت نفس الإجابه أنا لا أريد عن أعلق
علي الموضوع.
وشكرتها وقلت ليها دا من حقك.
وإنتهت المكالمة.
وهذا للأمانة ؟؟
والداير يتأكد ممكن أنا أديه تلفون الأستاذه لبني في الماسنجر.
ولكم تحياتي.
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Yassir Tayfour)
|
الرفيق ياسر طيفور
سلامات يا حكومة وشكراً على مساهمتك فى هذا الحوار
ربما لا يعلم بقية الأعضاء أن ياسر طيفور والصادق إسماعيل وشخصى الضعيف لنا رفقة طويلة بدأت بالنضال فى الجبهة الشرقية وامتدت للعمل معاً فى بروود ويى نيويورك برفقة أخونا عضو البورد أيضا عثمان عبدالرحيم Osman Musa
بعد خروجنا من العمل كانت قبلتنا دائما مكتبة بارنز آند نوبل فى يونين إسكوير، حيث كنا نمارس عادتنا فى التطفل على موائد الأدب والأدباء، فنيويورك عاصمة الأدب والصحافة دون منازع، فيها أغلب المؤسسات الاعلامية الأمريكية وأكبر دورالنشر فى العالم. وهى البقعة التى ينشدها الطامحون فى الكتابة والنشر من كل الولايات.
سأحاول أن أكتب بإيجاز عن النشر فى أمريكا وتعامل دور النشر مع الكاتب، عسى أن يكون فى ذك فائدة لمن ألقى السمع وهو شهيد.
أما فى إتهام لبنى بالسرقة الأدبية فليس لدى ما أضيفه، وكما يقول المحامون فى الغرب عند إكمال مرافعاتهم (إحتراماً لذكاء هيئة المحلفين)
I rest my case
.
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: الصادق اسماعيل)
|
| Quote: القضية بتاعت الزول دا ما عندها علاقة بالحقوقز راجع كل كتاباتو وحيقع ليك الكلام |
الأخ إسماعيل الصادق
كتاباتي ياتا؟؟
ثم ثانياً يالصادق أنا داير أوضح ليك حاجة بسيطة
وسيبك من آلاف الكتب اللي تفضل بإيرادها الأخ المهذب بدر الدين
لبني أحمد حسين إستفادت من عنوان كتاب أمير ولا لا؟؟
وبأمانه ؟
ياخ دا السؤال اللي إتبني عليه بقية الجدل
ولبني أنا ضربت ليها وسألتها ولم تجيب.
طيب كيف نصل إلي الحقيقة؟؟
مع كامل إحترامي
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
شكراً الأخ هاشم بدرالدين على هذه المعلومات القيمة التى تفضلت بها على قراء " البوست ".و فى تقديرى أنها "مخدومة" ، و جاءت بطريقة موضوعية كان من الممكن أن تنهى تنهى النزاع . أما الإصرار على ملاحقة الأستاذة لبنى، و محاولة إستنطاقها و بالطريقة التى صيغت بها الأسئلة ، فأعتقد إنهامحاولة ليست موفقة .فالأوفق أن ينتظر الأستاذآدم و يقرأ الكتاب ، ثم يحكم عليه ، بدلاً عن إطلاق الأحكام المتعجلة.
و شكراً للأستاذة زينب بدرالدين، على الإفادات التى تفضلت بها، و الإضاءات التى سلطتها على القضية من زوايا قريبة ومتابعة .
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Hashim Badr Eldin)
|
Quote: بالمناسبة أنا اتصلت علي الأستاذة لبني من يومين
في القاهرة وعرفتها إنو أنا كتبت بوست في مقارنة بين عنوان كتاب الأستاذ أمير
وكتابها وطلبت منها اذا ماعندها مانع اطرح عليها بعض الأسئلة
قالت : نمرة واحد هي قرت البوست.
سألتها ورايك فيه شنو؟؟ قالت مادايره أعلق علي الموضوع.
طيب سألتها هل إنت قريتي كتاب أمير قبال كدا ولا سمعتي عنو حاجة.
ردت وقالت لي أنا مادايره أعلق علي الموضوع كلو
وأضافت إنو أي زول من حقو يسمي حاجاتو بالطريقة الهو شايفها ، وقالت لي لو أنا
فاضيه أعلق علي أي كلام بتكتب عني ما كان لقيت وكت وألفت كتاب. |
عزيزي محمد آدم سلامات
تعرف كنت أكون سعيد برأيك (الأنا مخالفه) لو كنت إتصلت بالسيدة لبني قبل ما تكتب بوستك الإتهامي داك...
كان ممكن تتصل بيها وتقول ليها أنا عندي إعتقاد إنك إستوحيتي (موش سرقتي) العنوان من كتاب أمير
وأعتقد إنهاكان ممكن ترد عليك حينها بما هو أفضل
أما إنك تتهما بسرقة عنوان... وتنشر إتهامك ده وبعدين تطالبها بأجابات على أشياء من وحي خيالك فده غير منطقي!
وإصرارك ده غريب جد... رغم حقك في المعرفة حق طبيعي ومحفوظ
بس يا أخوي إنت زودتها حبتين... وبلا مبرر!
ومفروض إنك تعرف إننا كلنا ممكن ندعمك لو كان عندك حجة أو دليل... بس طريقتك دي مرفوضة لأنها ما جميلة في حقك
أرجوك ثم أرجوك إنك تصبر لغاية ما الكتاب يخرج وتعال أكتب ما بدا لك
مع جزيل مودتي....
_____________________
ياريت لو إتكرمت عليا بهاتف السيدة لبنى لغرض عاجل
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
Quote: تاكل ، وتشرب ، وتلبس ، وتنام ، وتستيقظ ، وتقرأ ، وتكتب ، وتنشر بأدوات ليست من صنعها
انها من صنع المجهولين الذين يسمونهم المجتمع
غذن عليها ان تدفع ضريبة هذا المجتمع |
انه مجتمع العارفين اللزين يصنعون لبني
في اوج عنفوانها...مناضله.مشاكسه..معارضه
وانه مجتمع العارفين الزين يرمون لبني وما شابهها بكل انواع القزارات.
فهي محترمه في الوقت الزي يريدونه فيه محترمه.وهي غير الاحترام لانها لست جديره به...
انه مجتمع العجب...في زمن العجب....عجبي
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: محمد ادم الحسن)
|
الأستاذ محمد آدم
سلام وتحية
بعيدا عن قلب موضوعك عن لبنى، من باب "سرقت" و"حرفت" و"اقتبست" وما إليه، لدي تعليق بسيط يخص لغة خطابك. قلت:
| Quote: مشكلتنا نحن ما بنقول للأعور إنت أعور في عينو |
يعني يا محمد، في مسار تعريضك بلبنى، الأعور ده نصيبته شنو ينوبو من السيء نصيب؟؟؟؟!!
لمتين يتم سب الناس بي عاهاتهم الجسدية ويكون ده مافيه مشكلة ومجرد مثال؟!!
يا أخي ده غير مقبول وأرجو أن تراجع أمثال هذا الفهم الراسخ الذي يحتاج للمراجعة.
مع احترامي لك ولجميع المتداخلين
إيمان
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: إيمان أحمد)
|
Quote: لمتين يتم سب الناس بي عاهاتهم الجسدية ويكون ده مافيه مشكلة ومجرد مثال؟!!
يا أخي ده غير مقبول وأرجو أن تراجع أمثال هذا الفهم الراسخ الذي يحتاج للمراجعة.
|
د.إيمان تحياتي وشكراً للمرور
وشد إنتباهنا إلي بعض من همجية ثقافتنا.
قواميسنا التقليدية فيها كثير من الموروثات الخاطئة المتداولة والتي بالفعل تحتاج إلي مراجعة
وأنا معك خلينا نحذف مثل هذه الأمثال من لغتنا ولنؤسس لكتابة بطعم أصيل.
ودمت
________________________________
*كسرة - سوف أستبدل المثل السابق بهذا.
(مشكلتنا إننا بنمسح فوق للصوف )
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: سيف اليزل الماحي)
|
مائة عام من العزلة
هو عنوان رواية الروائي العالمي غابرييل خوسيه غارسيا ماركيز Gabriel José García Márquez)
الروائي والصحافي والناشط السياسي الكولمبي الاصل المولود في 6 مارس 1928
غارسيا هو رائد هذ النوع من العناوين (التي تحمل مدلولات رقمية) في الرواية والفكر
العالمي المعاصر. وبسبب الشهرة التي اكتسبتها رواية مائة عام من العزلة، فقد
انتشر هذ النوع من العناوين لمئات الروايات والكتب وحتى أفلام السينما(Hundred rifle and woman)
وطبيعي أن يتأثر بعض العرب بهذا المدلول الرقمي إما مباشرة من الراوية
او بتأثير غير مباشر من كتابات من تأثروا بها .. وليس في هذا ما يقدح في
جدارة الاعمال التي تأثرت بهذا المدلول عالميا .. أو حتى في أضيق المستويات المحلية ..!
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: سالم أحمد سالم)
|
الاخ محمد الحسن
تحياتي مع كثير احتراماتي
لا أحبذ طريقة الاقباسات المبتسرة لانها قد تخرج الموضوع عن سياق الفكرة ولكن مداخلاتك اجبرتني على تعاطى المكروه عمدا لتناقض المداخلات وعدم تماسكها مع الفكرة التي تريد توصيلها حيث لا حظت انك تأتي بالفكرة ونقيضها في نفس السطر
Quote: وزعمت فيه أن لبني قامت بسرقة أو إستنساخ أو تصحيف أو تحريف
عنوان كتاب واحدة وثلاثون جلدة علي مؤخرة رجل |
| Quote: هكذا كان تصوري للمشهد |
| Quote: وإفترضت في لبني سوء النية ، وإتهمتها بالاستفادة وإستغلال جاذبية إسم كتاب أمير |
| Quote: لبني حبكت القصة وألفت أحداثها علي مايبدو من عنوان الكتاب ، وإختلست فكرة الاستاذ أمير |
في الاقتياسات أعلاه انك دائما ما تبدا الجملة مستندا علي زعم, تصور او افتراض (بالاخضر) ولكن قبل ان نمشي بعيدا مع مثل هذه البدايات التي تستند علي كلمات عدم التيقن والجزم نجدك تقفز سريعا لكلمات غليظة جازمة من شاكلة قامت بالسرقة واتهمتها وأنها اختلست
والفرق كبير بين المدخلين
الكلمات من شاكلة (اعتقد واتصور وعلى ما يبدو) تؤسس لأرضية حوار مبشر لشخص يبحث عن الحقيقة.
الكلمات من شاكلة (اتهمها وانها قامت بالسرقة واختلست) تقتل الحوار في مهده وتؤسس لجدل عقيم
.......
Quote: إذا لبني ردت وقالت ما إستفادت من عنوان كتاب أمير
ولا شافتو ولا سمعت بيه |
Quote: لبني أحمد حسين إستفادت من عنوان كتاب أمير ولا لا؟؟
وبأمانه ؟
ياخ دا السؤال اللي إتبني عليه بقية الجدل |
الجزء الثاني من الأقتباسات أوقفني حائرا حين تحول الأمر من تهمة الاختلاس والسرقة لـ (تهمة الاستفادة)
مع تقديري
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: سالم أحمد سالم)
|
الأستاذ سالم أحمد سالم
السلام عليكم
شكرا على مشاركتك
وقد ذكرتنى إقتباسات مشهورة
منها كتاب هنرى كسنجر مدير السى آى أيه ووزير خارجية أمريكا الأسبق كتب فى السبعينات كتابه الشهير سنوات البيت الأبيض وجاءت مارغريت تاتشر بعده بأكثر من عقد وسمت كتابها سنوات داوننغ ستريت
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: سيف اليزل الماحي)
|
الأستاذ سيف اليزل الماحي
سلامات يا حبيب
Quote: أحياناً أرى أن من "يناهضون" قضية لبنى، يتدافعون بالعداء لها من فرط شعور ذاتي مرير
بالهزيمة والعجز، لكأن عقوبة الجلد التي أستعيض عنها بدفع الغرامة قد ألهبت ظهورهم
وكلما تقدمت خطوة أو صرحت بكلمة، لكأنها تستهدفهم واحداً تلو الآخر .. فيتبارون في
تسفيه موضوعها وموقفها وترصد أخطائها، بالحساب العسير كأنهم يخاطبون مؤسسة أو حزب سياسي
أو منظمة .. إن الخروج من قهر الإحساس بالخزي والهزيمة والهوان على المستوى الوطني العام لن يكون بالإنتصار على لبنى! كما أن الذين تستفزهم المواقف الجريئة لا يعدمون شماعه يعلقون عليها تراجعهم بمشاجب الإحباط، ولن يعدمو حائطا مائلا للبكاء بلا رحمة.
قلت قبلاً :
موقف لبنى حسين من قانون جلد النساء هو أفضل ما أنجزنا منذ الإستقلال.
|
قلت فأوفيت ولن يهنأ هؤلاء الطغاة فى بلد فيه أمثالك
.
| |
|
|
|
|
|
|
|
|
|
Re: الرد على من اتهم لبنى بالسرقة الأدبية (Re: Hashim Badr Eldin)
|
سؤال...
هل عادت لبني الي السودان...
وما المعني من مقابلتها لوزير الهجرة الفرنسي؟؟؟
ما الرابط بين قضايا المرأة وبين وزارة الهجرة؟؟
قرأت في احد المواقع ان لبني قد لا ترجع الي السودان..
وانها تفضل ان تحرك قضية الدفاع عن حقوق المرأة السودانية من الخارج!!
لا انفي او اؤكد ما قرأت ولكن..
ان صدق هذا الخبر..
ما تعليقكم عليه؟
ــــــــــــــــــــــــــــــــــــــــــ
يا جماعة خليكم واقعيين..اي نعم لبني دافعت وحركت ساكن..
بس عني انا شخصيا...
خذلتني...
| |
|
|
|
|
|
|
| |
Hashim Badr Eldin
محمد ادم الحسن
Abdel Aati
Mohamed Yassin Khalifa
Ahmed Alim
زينب بدر الدين
الصادق اسماعيل
Abureesh
Yassir Tayfour
إيمان أحمد
سالم أحمد سالم
Shams eldin Alsanosi
Afraa Sanad
سارة علي
Dr Salah Al Bander
فيس بوك
تويتر
انستقرام
يوتيوب
بنتيريست