|
دعواتكم لزميلنا المفكر د.الباقر العفيف بالشفاء العاجل
|
|
 Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: ملكة سبأ)
|
يالله وين .. ياربي وين
الملكة تتخرج متين
الملكة عادت كم فصول
عاست رماد بدل العجين
قالت ينضفوا للاضان
شوفوا العواسه الدون طحين
وتراهو زى ما الطيف يمر الليل ..اليوم يمر
والعـام يمـر
والملكة فى اخر فصل
لا تمبس المسكين نفع
لا خالد البشرح دوام
تعبان معاك فقد الامل
يا ملكة قالوا الناس زمان
ابرم حبال فتلك تمام
بعدين تعال لم الاهل
غايتو يا الملكة الناس اتلموا وراجنك
وبينى وبينك أنا متفاءل انو حول الليلى بنسمعا
| |
 
|
|
|
|
|
|
|
 Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: osly2)
|
Quote: يا ملكة قالوا الناس زمان
ابرم حبال فتلك تمام
بعدين تعال لم الاهل |
دى نجرتهـا هنـا
قـال زمـان قـال 
وبعديـن لو رجعـت الفصـل الأساتـذة لسـة ماخلصـو شـرح
وانا ناويـة اجـي ثانيـة الفصـل دا
شيـــل الصبـر .. عـارفة الأغنيـة شديـدة وغلبـك لكـن بـس خليـك قرّيب
وماتبقـي متفاءل كـدا
ولـو غلبـك شدييييد شـوف لينـا واسطـة فـي دروس التحـت تحـت وبعديـن دا أعلقهـا ليك
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: ملكة سبأ)
|
بلقيس
أول التبادى، شكرا عبيرا على الإهداء السمح
تعرفى زمان، وذات خرطوم بهية وحنينة، كنا نقعد أنا وصاحبى الرقيق "محمد جبارة" ونتونس ونجيب سيرة الغنا الطاعم السمح، ويزعل منى ساعة أقول ليهو
والله يا محمد النصيحة انا فنانى المفضل، النعام
يقول لى مبروك وبخيت عليك، وتانى اقول ليهو
والله غايتو يا محمد، غناك ده كله كوم، وبت البلد كوم
دى بس كانت مجرد "غلغلة" ليهو ساى، لكين ود جبارة غناهو كله طاعم والله، وبالتحديد أنا بريد الغنيوة البقول فيها، "يلا مرجحى لى عيونك، مرجحينا، نحن ما سواح عيونك فسحينا" وبرضه "الحنين"
قلت يا "حُمد" كان داير نصيحتى، ركز بس على محمد سعيد دفع الله، ومحمد سعيد والله نمرة تلاتة طوالى بعد حسونه، وحسن الدابى، يقول لى يا خوى محمد كرم الله ما مدينا فيهو طريقه،
وبعد ما يعرف القصد من سؤالى، يقوم ليك على، يا عربى اتا العرفك بى غنا الشايقية شنو، ومال ناس السر عثمان وعبد الله محمد خير وابراهيم ابنعوف ديل يبقو شنو
المهم يا ملكة أنا زى ما قاعد اقول للجماعة، زى ما فى ناس شايقية بالميلاد، أنا شايقى بالمحبة
فى آخر لقاء قلت ليهو يا زول اتا زمان ما قلت لى عازمك تمش معاى المقل، وينى عزمتك
وتضيع العزومة وسط الإجازة المشحودة اللئيمة، والضحكات العذبة، وأضيع أنا
وتانى شكرا يا ملكة على الإهداء البديع، وراجين السمع، لأنه النصرى ده زول فعلا مختلف وعنده أداء مميز براهو
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: THE RAIN)
|
| Quote: يلا مرجحى لى عيونك، مرجحينا، نحن ما سواح عيونك فسحينا |
ياااه يامطـر انت الخـلق دى قاعدة تجيـب الكـلام دا مـن ويـن ؟
والنـدِي محمد جبـارة(اندي من اللوبيا فـوق الجـروف) لازم يكـون صاحبـك ويكفي بس انه غنى (بحـر المودة)
والقلـوب عند بعضهـا ودار شايـق كلهـا تسعـد بيـك
وخت فـي برنامج زيارتـك (مروي شـرق) كمـان
حبابـك يامطـر وخلينا حدانـا في رجـا محمد النصـري صاحـب الأداء المتفـرد
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: ملكة سبأ)
|
إنتى الملكة فوق جيلا
بس ياكى البغنيلا
ونغنى معاك كمان
شفتى يا سبأية السمو، أهو ريحة الكلام الشهى جابت لينا خالد الحاج الحبيب مارق، قربنا نبرك الفقرا ليهو والله
محمد النصرى والله زول غناى جد جد، سمعته مره كانو متجمعين كلهم مع بعض فى التلفزيون، النصرى، خالد شقورى وخالد شاعر الأغنية دى برضه كان معاهم
ومنتظرنك نحن هسه قاعدين فوق قيفة بحر المودة الخضرا، ومعانا منتظر الطرب شان ينتشى وترقص اللحظات عرايس
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: Anwar Ahmed)
|
Quote: وآه يالبيوت .. آه يا البيوت.. آه يا بيوت
لا دق بــاب ..
لافات حيطنا العنكبوت
وانا لسة راقد في الرصيف
راجيك تقيف قدامي قبال ما اموت
الدنيا من بعدك يباس
انشرّ في الوديان سكوت
يالله وين .. ياربى وين
ياالله وين خاتم المنى |
الملكه غبتى وجبتى
كنت حايم فى البوست الجنبك
سمعت صوت الطنبور جيت جارى
قلت اكيد تمبس والا خالد الحاج
لحقوك بى بخره
الشئ المحيرنى الجماعه ديل
خرجوكم انت ورجاء من دون امنحان كيف؟
اما العمل الجميل القدموهو خالد الباشا والنصرى
بجيهو راجع
تحياتى
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: Anwar Ahmed)
|
الملكي
الواطة في خشم البعاد
احييك مرات ومرات
لكن بقول مع اخوي اوسلي
مبروك عليك الليلة يا فطومة (ملكة سبأ) انت ليه خرجوك ونحن ليه نطونا
لكن عين ناس اوسلي حارة حروريتن قفلت البوست
وبقولوليك برضو الحسادي كعبي ، وين كود الحفظ وان بقى ما عندك لاقيني على الماسنجر باقي طالبك "كورة دقيق"
Quote: وانا في الدريب الكنت بيه الم أتر قدمك واصُر
ارجى المسافرين وانشدن
هوى في المدن ماشفتو زول شايل بشاشات الفجر!
المح حبيبي من بعيد يهجم قليبي ويقطعو
حزن السنين الفينا ساد انا وانت سوا سوا نقلعو |
لك القومة
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: yasiko)
|
سلام يا ملكتنا
سلام يا بت خالي وسلام لي أخوالي كلهم الفي الطريف والفي شبة والفي عسوم وسلام لي كل المزيراب وسلام لي جامع المفاتي وسلام ردم ردم وبالكوم لأخوالي الياسيناب ولي كل شجرة في ساقة الياسيناب . ولي كل عاشق في ديارنا يردد :
وانا في الدريب الكنت بيه الم أتر قدمك واصُر
ارجى المسافرين وانشدن
هوى في المدن ماشفتو زول شايل بشاشات الفجر!
مـزج الصباحات بالمغيب لـوّن خدودو من العصر
ويا سلام ياسلام يا سلام
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: بدرالدين شنا)
|
| Quote: يا جماعة فيها شنو لو سمينا المنبر دا سبأ لننعم بجمال وروعة هذه الملكة التي دائماً تأتي بالنفيس |
دا كلامـك يابدرالديـن
امـا التحـت خليـه .. دا كلامـي انـا دي
| Quote: تقديري وفخري وإعزازي |
Quote: ودخلت القى أصحابي كلهم راقدين متيمين مخدرين في حضن هذا الإبداع
|
ولقينـاك مصـدر انـس وزيـادة جمـال ومكمـن إبـداع
لـك المـودة والأمنيـات العذبـة
لـك التبجيـل والتقديـر
وعنـدي حاجة في كلامـك الأخيـر حارقانـي كدى خلينـي اعملهـا:
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: Nada Amin)
|
سـلام يا الملكه
اوسـلى هين كدى شوفى طريقه لى ياسيكو دأ
شايل كورة دقيقو وحاييم بين البوسـتات
قبيل اتاوقت فى بوسـت عوته قاجه
قالوا ليا قريبك ياسيكو شايل كورته
ويفتش فى الملكه
ياسيكو سـيب كورة الدقيق
احضن معاك قفة تمر
الملكه شارده من الديون
باتت تفتش فى الاجر
يا أخوى ارجع للفصل
زاكر تمام خت النذر
لازم تبكر فى الصباح
أحرص على درس العصر
باكر نشوف شغلك تمام
طنبور حنين موزون وتر
ما تبقى لى زى فلانه
من درجك البخرات تجر
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: Elmosley)
|
ونخـفس بساقـة القاضـي
الملكة كيف الكلام دا ، ساقت القاضي نحفس بها كدي ساكت ، ما لازم ندخل صالون عبد العزيز ود القاضي وأشم ريحة أم حنونه وأسلم على أمي منتهي بت عبد العزيز ود القاضي وخالاتي نورة والزهرة ودار سلام وعرفة بت الخضر. وسلام لي بت عبد العظيم وخالاتي بنات جدي ا لمكي ود حاج نور .
أماني قاعدة تقلبي ليك جنس مواجع ، غايتو الله يديك العافية يا ملكتنا .
| |
|
|
|
|
|
|
|
|
|
Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: ملكة سبأ)
|
والله يابنية......انت الملكى..وانت سبأ.......وانت الهدهد......وكان ما خايف نضم
ناسا شتر عن حكاية الموت والقبر،كان قلت ليك,وانت..............زاتو.....
ونحن شايقية بالولف وكان مكضبانى اسالى خالد الحاج او زى ما بقول الرائع حميد:
هزى سعن البينا كنك ..
فقد سافرتى بنا الى عوالم تانية..............وجزر بعيدة......
شمينا نوار اللوبى الاصفر.... وريحة القنقر اللخدر...وبرسيم مفروض يرارى ننتاوقلوا
تحت مدينيى مزروبي بى شوك كتر ومحروسي بببركة سيدى الحسن...وهسع ضمةلانى سامعكم
ولانى قادر ارجع.... وزى ما قالت فاطنى بتت خير:
انت بالعافية التخصك فى المصارين تبقالك هدم قرقاب ونعلين.
| |
|
|
|
|
|
|
|
|
 Re: ارقد على حضنـك انوم تملانـي ريـد واملاك غُنا *** بحـر الشعاع (نصري ياهو (Re: صديق الموج)
|
ايا مـوج البحـر تحديـد
سلامــات وعوافـي
عافيييين ليـك وانت نازل بينـا جـرف وطالـع بينـا قيـف .. ومـن عوافـى لـ مرحـب حبـاب .. لا خليـت مديـن لاقنقـر ..
لمـن غطستنـا فـي قلـب البلـد والحكايـات والطرائـف ..
ونفـس القصـة حاصلي فـي بلدنـا .. بيقولهـا عـن ناس ساقي معينـة واصفنهـم يمسكنـة زويلك زاتـو .. وقالـو ورثوهـا عن جدهـم الزرب برضـو القمريـة فـي راس التمـرة وقال ليهـا: ان بقيتـي مرة طيـري..
وطبعا الكلام دا بتـقال وقت الشكـل والمشاغـلات ..
تسلـم انت ياصديق
ودارى اقولك برضو (انت دا بالعافية التخصك في المصارين ، تبقالك هدم قرقاب ونعلين)
| |
|
|
|
|
|
|
| |
ملكة سبأ
Raja
osly2
yasiko
tmbis
nazar hussien
شتات
essam&amal
THE RAIN
JAD
( & 
ABU QUSAI
بدرالدين شنا
waleedi399
Osman Hamad
HAMZA SULIMAN
Elmosley
صديق الموج
فيس بوك
تويتر
انستقرام
يوتيوب
بنتيريست