يابلدي ... يابلدي ... يااابلدي في الخاطر قريب يابلدي انا عشت في ضلك زمن عشقك يوديني ويجيب الشوق يحف كل المبادي وقت مرق والريح تحت صفقك مع الافراح ورق النيل مطول بالو والبال انسرق ونشرب هواك رضا ونصيب
Quote: أطفالك الجايين يغنوا مع الرزاز وفصل الخريف يرجع يصافيهو الحراز تفتح مشارف لهفتك وتبقالنا أحضانك ملاذ والكتمة تنداح همبريب
يا سلاااااااااااام يا ملكة يا سلام ياخ منتهى الروعة ... وحات الله الكلام مشى فيني زي مشي المويات في الجسم مغرب سبعطاشر رمضان.. وانتكيت وبكيت وشميت ريحة الطوب والطين في الحيطة الرشاها مطر خفيف .. والله حاجة سمحة بالحيل ... الشوايقة غناهم حنيييين يا ملكة ودا الخلانا نتلعبس فيهم ونعرس منهم والله بنريد المحنة والحنان وفي حضرة المعشوق الوطن حنانا تاني كمان .. احداث كتيييرة تنطط قدام عينين الواحد ويجتر فيها ذكريات وتخنقك عبرة وكرعيك يرجفن وتلفحك نسمة هواء سااااقطة واصابعيك يكنكشن وتطلع زفرة طوييييييييييييلة وتتمتم : الله يجازي الكان السبب .... الغربة استباحت دواخلنا وسلبت من جوانا كل حاجة حلوة ومسحت الغبار عن المرارات وخلتها قاااعدة في محلها ... شفتي الغربة دي مضرة كيفن يعني ما كفاها شالت الحلو ،، كمان رجّت المر ... الله عليك يا محمد يا عبد الرحمن يا (ماك مطرطش) عزمتني عزومة شحمااانة بالحيل .....
دخول وتحية وانحناءة لـ ملكة سبأ ومحمد عبد الرحمن والنصري ..
شككككككككككككككككككككككككككككككككككككككككككككككككككككككرا ليكم يا حلوين .
التاني يمكن [لاهو ظهر لاهو عين] اللي هوا جنا جبرينا الذي بالمغرب!
_ إدريس؛ حافض علي الباقيلك من رقيبتك وما تباريلي [الهراسمينت] و[الاستفزازات البتسوي فيهن [المليكي] دي!
بالجنبه: لاحظت [نقريطة] الطنبور قبل [دخول] الغنيه؟
آآآآآمنت بالله!
_ممكن حد يصحي [طارق جبرين]؟
محمد أخوي أصلك ما بتعرف الستره ياخ ......أخوك (مهرود) وصابر ...
ود النصري ده أصلو التقول مخلوق لعذابنا بس .... أما أخوك الذي في المغرب ... فالزول ده خليهو ساهي آلمطرطش .. الزول دابو راجع من إجازي .. بتدور تفطسو مالك يا الشقي ؟!!!!
يا نسمة كيف اخبار أهلنا وحينا احكيلي عاد باقي طولوا مننا زي ما دوام طارنهم طارننا زي ما بنشيلهم في القلوب شايلننا حتى البعاد فتق جروحن زينا يا نسمة ما تدسي المكتم عننا تمرتنا كيف يا نسمة عرجونها انتنى شيلن تقيل فوقه الدباس رسل غنا لملم عويشه مع الصباح للعش بنا حضن الجنا
الساقي كيف.. جدولنا كيف.. البوغة كيف.. آآآنسمة ما شفتي المتر سايقنه صيف عربا بعاد يا نسمة كيف ما قالوا ليك بيوضة رشاها الخريف يا نسمة لم غسيتي ما شميتي زيف
يا نسمة قولي بدون بكى المنقة كيف.. والبرتكان صِح شال وانتكى آآنسمة مالك ساكتي ما قلبي اشتكى
يا نسمة قولي فتر أنا أحكيلي عن ناس حينا شيلي السلام يا نسمة بالكوم مننا وديهو ليهم في الشمال من عندنا ان شاء الله توصلي بالسلامة بدون عنا
الملكة وحات الملح والملاح كان فوتينى شى متل ده.. فطيتينا فى الاهداء ومشيناها ليك.. بس الكلام السمح البشبه حميد ده حق منو؟ البركه فى المطرطش... وفعلا يضع سره فى اضعف مطرطشينو،،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ملكة سبأ
محمد عبدالرحمن محمد
توما
ابو جهينة
يوسف السماني يوسف
بله محمد الفاضل
لؤى
إدريس محمد إبراهيم
عبداللطيف خليل محمد على
طارق ميرغني
ندى عثمان حسن
امير عوض الجمري
طارق جبريل
معاوية عبيد الصائم
omer osman
صديق الموج
حبيب نورة
عمر قسم السيد
إسماعيل حميم
خدر
انستقرام
يوتيوب
بنتيريست