هل محمدية افضل عازف كمان في السودان ؟؟ أم هو العرف السائد وعلينا تقبله!!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-11-2018, 07:55 PM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
23-08-2006, 10:09 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


هل محمدية افضل عازف كمان في السودان ؟؟ أم هو العرف السائد وعلينا تقبله!!!

    من ما قمنا ناس التلفزيون والراديو وقدر ما يتكلموا عن الة الكمنجة تلقاهم بيتكلموا عن محمدية ..
    ومحمدية مرات كده يقوم يتواضع ويباصي لي عبد الله عربي ..
    ربما يكون لي الفنانين البيقعدوا مع محمدية رؤية وسماع اكتر من البنسمعوا نحن .
    محمدية ربما كان اسطورة زمانه ولكن هل عقرت حواء بعده ؟؟؟
    لفت انتباهي جيل من الشباب انامله تداعب الكمان قمة الروعة مع مزيج من العلمية في عزفهم ..
    جيل من الشباب حيوي ونشط ويود انيقدم شئ للموسيقى ..
    لا ننكر مجهودات محمدية ولا ننكر موهبته ولكن علينا الان ان نعي ان اساطير شبابية قادمة ..
    مجدي العاقب واحد من اروع العازفين والمعالجين لالة الكمان ..
    عثمان محي الدين شاب نشيط وانيق تداعب انامله الكمان كاروع ما يكون..
    الشافعي زول مجتهد ..
    جيل من شيوخ الشباب كالكردفاني واسماعيل عبد الجبار ...
    اقول كما قالها ربيع طه :
    الشعب وعى يا حبيييييييييييب..
    نواصل..
                   |Articles |News |مقالات |بيانات

23-08-2006, 10:26 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    كل الصولات الفي الاغاني يطلعا محمدية ...
    كل الاحاديث عن الة الكمان لمحمدية ..
    فكيف نصنع جيل جديد من العازفين ..!!!
                   |Articles |News |مقالات |بيانات

23-08-2006, 10:45 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    عزيزي عمر

    محمديه عندما كان في (الفورمه) لم يكن كمثله عازف كمان

    وبما انني خرجت من السودان مبكرا

    1991 وحتى ذلك الوقت فاعتقد ان الاساتذة محمد الحسن
    وميرغني الزين وأحمد باص يقفون على راس القائمة
    وقطعا في شباب إحساسهم جميل منهم مجدي العاقب في (الصولات) وعثمان محي الدين في (الجقلره)

    في عصر ماقبل محمديه كان عبد الله عربي وفي عصر مابعد محمديه

    ميرغني الزين قطعا ولاشك
                   |Articles |News |مقالات |بيانات

23-08-2006, 10:52 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاستاذ الموسيقار الموصلي:
    تعرف لي كل بوست ناسو وانت اكتر زول دايرنو في البوست ده ..
    احاول جاهداً ان افرد مساحة لمعرفة الموسيقيين من الجيل الجديد ..

    Quote: محمد الحسن
    وميرغني الزين وأحمد باص يقفون على راس القائمة

    تعرف ديل في الكورة بنسميهم العصر الذهبي وفعلاً التشكيلة دي خطيرة وكمان نضيف عليهم ععمر منصور شقيق زميلنا علاء تمبس وكذلك العازف الراقي عمر فتح الله العمرابي..
                   |Articles |News |مقالات |بيانات

23-08-2006, 11:06 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    بتفق معاك وميكائيل وعاصم

    بس ميرغني استثناء وحرام تتحرم منه الاجيال التالية

    والكويس انو أحمد باص بعمل في كاليفورنيا ماجستير
    في تعليم الموسيقى

    (عدل بواسطة Elmosley on 23-08-2006, 11:07 AM)

                   |Articles |News |مقالات |بيانات

23-08-2006, 10:57 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الايام دي في فرقة موسيقية كده فيها مجموعة من الشباب ومعاهم بت بتلعب كمنجة الفرقة دي بتضرب مزيكا حلوة ومتفاهمة لا ابعد الحدود وتشعر انهم اولاد مجتهدين ..ما عارف هل الفرقة دي عندها اسم ولا لأ ..
    شاهدتهم مع الفنان عمار السنوسي ومن قبل محمد التبيدي..
    ايضاً تحية خاااااصة للفنان الموسيقار المجتهد عادل مسلم فهذا الفنان في نظري من اكثر الفنانين اهتماماً بالتنظيم الموسيقي وتمارين العازفين ودوماً ما اجد في اعمله تنظيم وشغل جميل خصوصاً الكمنجات وبرضو مجموعة من الشباب والعواجيز الخبرة ..
                   |Articles |News |مقالات |بيانات

23-08-2006, 11:38 AM

الخير محمد عوض
<aالخير محمد عوض
تاريخ التسجيل: 25-10-2005
مجموع المشاركات: 3547

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    العـزيز عمـر لك التحـايا

    دائما ما تلفت انتباهـي خـيوطك المـجودة وارائك الجـريئة في تناول

    مـسـألة الموسـيقي والاغـاني السـودانية والتي اعتبرها خيوطا هامة

    وحيوية... تعـرف يا عمـر في زول اسـمه الرشـيد محمد الرشـيد اعتبره

    من اكثر مجـودي العزف على الة الكمنجة وهـو شـاب مجتهـد وعاشـق مجيد

    لها...كما لا يفوتني ان اذكـر المبدع عمـر خلف الله وهـو شـجي اخـر من

    بلادي يطـربني ايما طـرب باداءه التفـرد النغيم....الكـردفاني ممن الذين لا

    ينسـون ايضـا في هـذا المقام بجانب تفرده المعجـز في العزف على الة العـود

    والكثيرين يا عمـر....وقبل ان اعـود مـرة اخـرى ان اطال الله في الاجـال اترك

    لك بصمـمة اعجابي بهـذا الخيط .

    وودي.

    (عدل بواسطة الخير محمد عوض on 23-08-2006, 11:39 AM)

                   |Articles |News |مقالات |بيانات

23-08-2006, 11:45 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    نسيت زميلنا في البورد
    وليهو مده غائب بكري سمندلاوي
    بيد أنه محمدية جدير بالاحترام اللائق لما
    قدمه من جليل الخدمات للموسيقى السودانية لعازف الكمان السوداني
    كما أن حصولنا على عازف كمان على المستوى المطلوب يتطلب تعليمه ابتداء من سن الطفولة وهذه لم تحدث في السودان بعد
    نرجو ان تعمل الحكومة الآنية او القادمات على الانتباه لتعليم العزف في سن مبكرة خصوصا آلة الكمان والوتريات

    (عدل بواسطة Elmosley on 23-08-2006, 11:46 AM)

                   |Articles |News |مقالات |بيانات

23-08-2006, 11:22 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    Quote: وعاصم

    أوووووووووووووووو ..
    عاصم الطيب ده كمان حاجة تانية خالص..
    الزول ده بيزكرني بي لاعب اسمو بيركامب الهولندي ولاعب الارسنال ..
    بيركامب ده نال جائزة اكثر لاعب خيالو واسع ..يعني يلعب ليك باص خيالي بيجيب قون خيالي ..
    اها عاصم ده اكتر عازف خيالي..
    عندوشغل كده بيعرفو براهو شي كده رزمة من ابداع ..
    بالامس استمتعت بي لحن سوداني اداء وعزف عاصم ..
    تخريمة :
    سمعت ان واحدة من اشهر المطربات العربيات وصاحبة اشهر الاغاني انها اخذت لحن لأغنيتها المشهورة من عاصم الطيب والذي قام بتنفيذ هذا العمل وفي انتظار عاصم ليحكي لنا اكثر..
                   |Articles |News |مقالات |بيانات

23-08-2006, 11:30 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    وكان عندنا واحد اسمو صديق الطيب من اولاد عطبره
    كان حيكون الاخطر
    زهج من الكمان حول لي ترومبون وبعدين زهج من الموسيقى وجوها
    ومشاكلها وفتح مزرعة جداد وهسع ماشاء الله جيبو مليان

    (عدل بواسطة Elmosley on 23-08-2006, 11:31 AM)

                   |Articles |News |مقالات |بيانات

23-08-2006, 11:40 AM

Kostawi
<aKostawi
تاريخ التسجيل: 04-02-2002
مجموع المشاركات: 37234

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    Quote: مجدي العاقب واحد من اروع العازفين


    أول مرة تقول كلام بشبه كلام الناس البعرفوا المزازيك
                   |Articles |News |مقالات |بيانات

23-08-2006, 11:34 AM

مجدي عوض صديق
<aمجدي عوض صديق
تاريخ التسجيل: 12-08-2005
مجموع المشاركات: 65

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    يا عمر يا اخوي مالك انت
                   |Articles |News |مقالات |بيانات

23-08-2006, 11:40 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    مالي؟؟؟
                   |Articles |News |مقالات |بيانات

23-08-2006, 12:02 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    Quote: Quote: مجدي العاقب واحد من اروع العازفين



    أول مرة تقول كلام بشبه كلام الناس البعرفوا المزازيك


    كوستاوى دفعتى وصديقى..كيفك
    انت عارف الزول القال المابعرفك بجهلك ده زول صادق خلاص
    ياخى عمر ده قلت ليك عنه انه فنان ابن فنان ابن فنان وذو نسب فى
    التفانين عريق لكن مرات بحاول يتلايق ساكت..ومرات كتيرة والله كلامه
    ما بشبهه..فياخى الزول زولنا،،،
    اما السؤال عن محمدية لايمكن ان افتى والموصلى بالنت.
    بس ما تنسوا شيخ الدين اخوان الوافر والصادق ووليد محمود فى لندن
    وطارق ابوشنب واستاذ سراج وعثمان قرنق،،،
                   |Articles |News |مقالات |بيانات

23-08-2006, 12:06 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاخ الخير :
    Quote: تعـرف يا عمـر في زول اسـمه الرشـيد محمد الرشـيد اعتبره

    من اكثر مجـودي العزف على الة الكمنجة وهـو شـاب مجتهـد وعاشـق مجيد

    لها..

    تعرف حكاية الاجتهاد في المزيكا دي حاجة سمحة خلاص..
    واكتر ناس بتديهم المزيكا هم المجتهدين ..
    لكن للاسف نحن في السودان عندنا عصابة (لوبي) بتاعت عواجيز الموسيقى يضيقون الخناق على الشباب ويحاربونهم ايما محاربة وكأنهم اعداء وليسوا زملاء مهنة ..
    اتحاد الفنانين هو اكبر تجمع لمحاربة الشباب وانا هنا بصدد مناقشة هذه النقطة تحديداً ..

    تشكر يا حبيب..
                   |Articles |News |مقالات |بيانات

23-08-2006, 12:13 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاستاذ الموصلي:
    Quote: بيد أنه محمدية جدير بالاحترام اللائق لما
    قدمه من جليل الخدمات للموسيقى السودانية لعازف الكمان السوداني

    اختلف معك فيما قدمه محمدية للموسيقى من وجهة نظرالمتلقي وليس من وجهة نظل العالم ببواطن الامور..
    لم نسمع يوماً بتلحين لمحمدية ..
    من النادر ان نسمع عن عمل قام محمدية بتوزيعه..
    محمدية فرضته علينا وسائل الاعلام فرضاً وهي تثبته الافضل ..
    نعم لعربي الحان وللراحل ميرغني الزين وللراحل احمد المبارك ..ولكن اين محمدية منهم ..
    ورغماً عن ذلك يتربع محمدية على قمة الكمان ..
    لماذا لا ننفض غبار السنين عن فرقة التلفزيون وفرقة الازاعة والتي تعمل لاكثر من خمسين سنة بنفس الراتبة ونفس الوجوه ..؟؟؟
    نعم للخبرة دور ولكن لا للسيطرة وبسط النفوذ وغلق الابواب اما الجيل الصاعد..
                   |Articles |News |مقالات |بيانات

23-08-2006, 12:24 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    هل افهم من كلامك هذا ان العازف ليس فنان
    وأن الملحن هو الفنان
    لا ياعزيزي عمر لقد كان لمحمدية يد طولى في الارتجال لم تصل اليها يد عازف حتى الآن
    إن المؤلفين العظام يحترمون جدا عازف الكمان (الفيرتيسو) بقانيني لقدرة العجيبة في العزف والوصولهات كما أن مجدي العاقب والكثيرين متأثرين تماما باسلوب محمدية قلبا وقالبامحمديه ياعزيزي سمكر لفنانين اغنياتهم ولولاه لكانت هذه الاغنيات في سلة المهملات
    ولما قامت لهاقائمة

    وفيهم فنانين كبار جدا ونحن نسبح بحمدهم ليلا ونهارا
    وبجيك انت واصل

    (عدل بواسطة Elmosley on 23-08-2006, 12:25 PM)

                   |Articles |News |مقالات |بيانات

24-08-2006, 03:13 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    عمر الفاروق
    أها قمنا للزوغان!!!!
                   |Articles |News |مقالات |بيانات

23-08-2006, 12:20 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    Quote: أول مرة تقول كلام بشبه كلام الناس البعرفوا المزازيك

    واخر مرة ..
                   |Articles |News |مقالات |بيانات

23-08-2006, 12:37 PM

Abd-Elrhman sorkati
<aAbd-Elrhman sorkati
تاريخ التسجيل: 21-02-2003
مجموع المشاركات: 1576

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    أخونا عمر والمتداخلين
    لكم الود....
    طرقت ياعمر باب التقليدية في السودان .....
    محمدية يعتبر رائد ولا خلاف علي ذلك وانت معي في ذلك ولكن ( حواء والدة )
    بس مصيبتنا أننا عندنا بنمسك في الحاجات بطريقة عجيبة دون محاولة البحث خارج الدائرة المفروضة ... ودي مشكلتنا ..

    أذكرك والاخوة المتداخلين بعازفين مهرة علي الكمان .

    * محمد بشير صالح
    * عثمان مبارك
    * أسامةأحمد المبارك

    مع حبي
                   |Articles |News |مقالات |بيانات

23-08-2006, 12:38 PM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الأخ صديق الموج
    لك التحية

    Quote: لكن مرات بحاول يتلايق ساكت..ومرات كتيرة والله كلامه
    ما بشبهه..

    الملايقة، والكلام الما بيشبهه دا، هو أنه يتخطى حواجز التقديس التي نفرضها
    على من نحبهم من المبدعين، برؤية من الاتجاه الآخر، رؤية (بحدتها) تريد أن
    تقول أنهم (قابلين للنقد)..
    ولكننا لا نريد أن يمسهم أحد بسوء، نريد أن نجامل فقط..

    استغربت أن أنصار محمدية لم يملأوا هذا البوست ضجيجا وصخبا حتى الآن
    ولعل السبب هو دخول الأستاذ الموصلي في مطلع البوست وتسييره في الاتجاه (الطبيعي).

    أرجو أن نتقبل النقد مهما بلغت حِدته، فمبدعينا ليسوا بهذه الرخاوة
    كما أن النقد لا ينفي التقدير والاحترام

    (عدل بواسطة عبد الله عقيد on 23-08-2006, 12:43 PM)

                   |Articles |News |مقالات |بيانات

23-08-2006, 12:57 PM

احمد الامين احمد
<aاحمد الامين احمد
تاريخ التسجيل: 06-08-2006
مجموع المشاركات: 4782

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عبد الله عقيد)

    محمديه عزفه لايبارى وساعد على تحويله الى gleam ارتباطه الشديد باساطين من الغناء واغنيات مغروسه فى كل وجدان السودانيين تحديا كابلى ووردى اذ يتجلى هذا المخلوق كثير عندما يشتغل مع هذين الفرقدين اما عربى فحضور كمنجته طاغيا عندما يشتغل مع عثمان حسين وذكر وردى فى حوار قديم ان لعربى دور كبير جدا فى ترقيه وتعديل الكثير من الحان ابى عفان لذا يتجلى معه ومن جيل عربى هناك خواض رحمه الله اذ اذ ذكر عازف الاوتارالتاج مصطفى فى حوار اذاعى قديم انهم كانوا يسجلون لركن السودان بمصر اغنيات شارك بعزفها خواض فقال لهم احمد فؤاد حسن صاحب الفرقه الماسيه عندما راى انامل خواض وقوسه يداعبان الكمان " لم ارى عازفا بمهاره هذا الخواض" رحمه الله وذات الامر ذكره الشفيع فى سياق اخر...
    هناك هواه يلعبون على الكمنجه حسب المزاج اذكر منهم الاستاذ عبدالماجد محمد عبدالماجد المقيم بلندن وهذا الانسان عندما يلعب على هذه الاله ياتيك احساس ان قوسه يجرح قلبك من شده حضوره وتعامله مع هذه الاله اضف الى ذلك القسيس فيليب غبوش يعزف على هذه الاله بدرجه مدهشه ويبدو انه تعلمها اثناء تعليمه الكنسى بالفاتيكان كاله مصاحبه لبعض التراتيل الى جانب البيانو وشاهدته يعزف عيها الحان فلكوريه قديمه جدا

    (عدل بواسطة احمد الامين احمد on 23-08-2006, 01:02 PM)

                   |Articles |News |مقالات |بيانات

23-08-2006, 01:03 PM

برير اسماعيل يوسف
<aبرير اسماعيل يوسف
تاريخ التسجيل: 03-06-2004
مجموع المشاركات: 4443

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عبد الله عقيد)

    عمر الفاروق

    تعجبني مناوراتك و مداقشاتك و محاولاتك الجادة لطرق ابواب الرهبان و الكهنة و الائمة في السياسة و الموسيقي ...الخ.

    و الله عفيت منك.

    لأن احتكار الحاجات في السودان امر لم يسلم منه حتي أهل المغني و اهل الفن و اهل الدافوري اقصد الكورة... و الله لا يعترف اهل اي مهنة لا بالسابقين و لا بتابعي التابعين.

    يقول لك احدهم يا حليل زمن المكوجي فلان الفلان و الله مكوته كانت سيف؟ و يا حليل زمن الاسطي فلان الفلاني و الله كانت سريقته ما ترميها الصاعقة...الخ .

    فالشغلانية يا عمر و انت سيد العارفين تتجاوز عملية المساهمة في الحياة بقدر ما يعرف الانسان الي عملية من بعدي لا شيء و احيانا من قبلي لا شيء.

    اذكر في مرة من المرات شاهدت مقابلة مع (فنان افريقيا الاول) كيف حسبوها هذه لا اعرف... المهم قال ان الفنانيين في السودان لا يتجاوز عددهم اصابع اليد الواحدة!!

    و عندما حاول مقدم البرنامج قول كلام آخر ... قمعه شر قمعة ؟؟ اي و الله .
                   |Articles |News |مقالات |بيانات

23-08-2006, 01:14 PM

khaleel
<akhaleel
تاريخ التسجيل: 16-02-2002
مجموع المشاركات: 30134

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: برير اسماعيل يوسف)

    عمر فاروق

    نعم هناك عازفين مهرة

    ولكن يظل محمدية الزعيم علي الكمان

    ويظل برعي محمد دفع الله اعظم من عزف العود

    ولا ننكر محاولات امير العود حسن عطية ومحمد الامين وعركي كلهم جيدون ولكن ليس كبرعي

    نعم مثل ما عقمت حواء السودان ان تنجب مثل نصر الدين جكسا وماجد وصديق منزول

    وعقمت حواء السودان ان تنجب صوت كصوت عائشة الفلاتية

    حتي الان لم تنجب مثل محمدية
                   |Articles |News |مقالات |بيانات

23-08-2006, 01:24 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: برير اسماعيل يوسف)

    كهنه في الموسيقى
    يابرير
    والله الايام دي مابراك
    يعني محمديه في نظرك كاهن؟
    وطبعا الكاهن القبلوا معروف!!
    راي وقبلناه
    قطعا لاحاضر بلا ماض ولا مستقبل بلا حاضر
    فهي حلقة متصلة وللاجيال الحق في التواصل والتوارث
    ولكن الفنان لايتكرر
    هل يوجد (الكاشف الآن؟

    (عدل بواسطة Elmosley on 23-08-2006, 01:25 PM)
    (عدل بواسطة Elmosley on 23-08-2006, 01:26 PM)
    (عدل بواسطة Elmosley on 23-08-2006, 01:39 PM)
    (عدل بواسطة Elmosley on 23-08-2006, 01:40 PM)

                   |Articles |News |مقالات |بيانات

23-08-2006, 02:05 PM

Mutwakil Mahmoud
<aMutwakil Mahmoud
تاريخ التسجيل: 13-04-2002
مجموع المشاركات: 470

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    آخي العزيز عمر الفاروق
    لايفتي وموصلي في المدينه
    لكنني سوف أحاول أن أقول كلمة حق في بعض من هولاء الموسيقيين من واقع تجربة ذاتيه محضة هم مازالو أحياء ليشهدوا عليها

    المكان:إستديوهات هوليود لوس أنجيليس كالفورنيا
    الزمان: 1999
    المشروع و الحدث : توثيق أعمال الفنان العظيم محمد وردي

    في غرفة صغيرة ضمت الهرم النوبي العظيم وبلبل السودان محمد وردي وشخصي الضعيف بخصوص توثيق أعماله
    سألته بالتحديدمن هم العازفين الذين تود أن يصطحبوك في هذا العمل الموسيقي الضخم مع الأمريكان
    أجتابني وبسرعة البرق وبلا تردد وهو سيد العارفين إحقاقا له وللاخر
    أول حاجه عاوز يوسف الموصلي
    سألته لماذا?
    أجابني أيضا بلا ترددـوأشهد الله علي ذلك لأنه أعلم وأحسن واحد بيعرف موسيقه سودانيه وعاوزه يحمي موسيقتي دي من الأمريكان بتاعنك ديل
    وكان ماتمني والصورة تجمعنا وهي في ذمة التاريخ وكان لقاء عملاقين أنا فخور به وسوف تسمعوا وتنتشوا باللقاء عما قريب بإذن الله
    بعدها سألته عن العازفين
    أيضا بسرعة برق عبادي أجابني أناعاوز 22 موسيقي
    قلت لنفسي هومحمد وردي لم ولن يجامل في موسيقاه ولعمري هذا ما يفرقه من الآخرين
    طيب كويس منو هم
    أولهم ميرغني الزين وللامانه وقتها ماكنت أعرف هذا الموسيقي العبقري لكنني الآن زالت دهشتي بينما أدهش ونال إحترام الأمريكان وأعرف قدر الرجل الآن وسوف أفرد له في يوم من الآيام ما يوفيه حقه
    ثانيا وأنا أكتب مجدي العاقب وأيضا ماكنت أعرف هذا الفذ الذي يتدفق ويقطر نغما وملكةخارقة في العزف مما حدا بوردي والكل يحبس أنفاسه أثناء التسجيل لنري من سيختار في وجود العباقرة الآخرين ليعزف صولو الطير المهاجر وكم هي عزيزة علي وردي فأذا بوردي يأخذني علي جنب ويطلعني ويطلع موصلي وRaul the arranger و Jeff the Record Engineer وDawn Elder the co peoducer with Moseley بأن مجدي سوف يعزف ويضع Track الصولو للطير المهاجر عندها أخذني ومجدي علي جانب وفي حضرتي قال له بالحرف الواحدـأنا قررت إنك حتعزف الصولوبتاعة الطير المهاجر وإنت عارف إنهابنتي ال بعتز بيها وكنت من زمن بتمني أسجلها التسجيل ده يكون فيه
    البيانو
    الشيلوز
    والفيولار
    وال Harp
    ونوع من ال Drums لإأدري إسمه
    وا Full Brass
    وصولو بمستوي معين وإهو يا مجدي متوكل بيحقق لينا الفرصه دي يلا يامجدي خش وأعزفها وسط ترقب كل الحاضرين من إخوته السودانيين والأمريكان
    ولعمري هذا حمل ثقيل تنوء عنه الجبال ناهيك عن وردي مجدي Felt the presure At the beginning عزفها كأروع ما يكون ولكن وردي لم يقبلها إستشعارا باللحظه مما حدي به أن يترك غرفة الكنترول وبها موصلي الذي هز راسه وقال والله بعد ده مجدي ده إلا يخش في الكمنجه دي وأيضا كان تعليق Raul وJeff اللذان آحبا مجدي ورأوا فيه وميرغني وباص وميكائيل وبكري مقدرة عاليه يجب أن تصان وهذا ما سعيت واسعي له مع أخي موصلي بإذن الله
    دخل وردي الغرفه ودار حديث بين والد وولده كل يعرف قدر الآخر لاندري ماذا قال له ولكن بحنكة القائد الممسك بدقائق اللحن والصوت ووردي ذو ملكةعالية ليس له مثيل كما قال Raul أنهي حديثه معه بحضنة إب عطوف ليهدءمن الضغط الذي حمله له ويحمل عن كاهله عظمة ورهبة اللحظه
    وكأنه يقول له أنا أعرف قدرك يامجدي لن أقبل منك هذا اليوم سوف أرفع قدرك هذا أوالموت الزؤام
    بعدها إستجمع ذلك الطفل العبقري كما يحلو لأخوته بمناداته إستجمع كل قواه وكل ماحباه به ربه من ملكة وقدرات وكل الثقةالتي وضعها فيه ذلكـ الهرم الشامخ والكل يحبس أنفاسه لاندري ماذا سوف يعمل مجدي العاقب
    غايتوأنا ماعارف حصلت كيف والا حصل شنو مجدي عزفها عزف مودع وذي مابقولو الأمريكان Do It or Die وفجأة إذا بممد وردي يقتحم الغرفه ويسلم علي مجدي في راسه عندها قطعت جهينة قول كل خطيب وسط دهشة الأمريكان حتي دهشة موصلي والذي لاتدهشه وتحركه إلا العاتبات من بتهوفن ولي فوق
    عمر وأخوتي صدقوني حينما تسمعوا هذا الصولو في هذا التسجيل للطير المهاجر سوف تتذكروا هذه الرواية عندها سوف ندرك لماذا وردي يقف وحيداشامخا في كوكب له وحده
    سوف أقف هنا لأن الثالث والرابع في اللسته كان عربي ومحمديه سوف أروي ماقاله عنهما هذا العبقري وحالت ظروف قاهره دون مشاركتهما في هذا العمل الموسيقي الضخم
    هذه شهادتي أودعها ذمة التاريخ ولي عودة ولنا لقاء قريبا بأذن الله

    أخوكم د.متوكل

    (عدل بواسطة Mutwakil Mahmoud on 23-08-2006, 02:11 PM)
    (عدل بواسطة Mutwakil Mahmoud on 23-08-2006, 02:16 PM)
    (عدل بواسطة Mutwakil Mahmoud on 23-08-2006, 02:20 PM)

                   |Articles |News |مقالات |بيانات

23-08-2006, 03:15 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Mutwakil Mahmoud)

    أنت شاهد عصر ونريد منك أن تبلغ الاخوة هنا كيف نظر عازفو الاوركسترات الامريكية لعازفينا وكيف استفادوا منهم وكيف افادوهم

    لك كل الحب
                   |Articles |News |مقالات |بيانات

23-08-2006, 02:19 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    Quote: محمديه عندما كان في (الفورمه) لم يكن كمثله عازف كمان

    وبما انني خرجت من السودان مبكرا

    1991 وحتى ذلك الوقت فاعتقد ان الاساتذة محمد الحسن
    وميرغني الزين وأحمد باص يقفون على راس القائمة
    وقطعا في شباب إحساسهم جميل منهم مجدي العاقب في (الصولات) وعثمان محي الدين في (الجقلره)



    Quote: من ما قمنا ناس التلفزيون والراديو وقدر ما يتكلموا عن الة الكمنجة تلقاهم بيتكلموا عن محمدية

    قال من ماقمنا قال؟؟
    انتا قمتا متين؟؟
    يعني ياعمر الفاروق
    طلعتا حتى في الموسيقى مابتفهم..
    قاشر بينا ساي..


    اسمعني
    العباسية وبيت المال انتهت كم كم ؟؟
                   |Articles |News |مقالات |بيانات

23-08-2006, 03:56 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    إليك ياعمر هذه الحكاية العجيبة عن الكمنجة السودانية وعازفيها

    بمجرد ان بدات البروفات لاجل الاستاذ وردي لاحظ أحد عازفي الكمان الامريكان
    واسمه جيري للاصوات
    العجيبة الخارجة من هذه الكمنجات ومعه كل العازفين الامريكان
    Quote: (ماتمشو بعيد )

    الملاحظة من حيث لون الصوت وليس من حيث صحة العزف وكانت المعرفة قد توثقت عراها بين العازفين من البلدين
    طلب منهم جميعا كمنجاتهم للنظر حول حالاتها وهو ليس عازف فحسب ولكنه أيضا يستطيع تصليح الكمنجات (المخستكه التعبانه) ويعيد إليها الصحة يعني دكتور أخصائي كمنجات
    فكشف عليهن جميعا فوجد أن بهن داء عضال أقلها سؤ
    Quote: (الكبري)
    أو إعوجاج ما ناهيك عن
    Quote: سؤ الاوتار والاقواس
    وما إليه واستغرب الرجل كيف يستطيع هؤلاء الشباب إخراج عزف صحيح في ظل كل هذه المشاكل.
    فاصبحت مهمته أن يصون لهم آلاتهم بدلا عن أن يمرنهم كي يعيدهم الى الفورمة فصانها
    ولي عودة

    (عدل بواسطة Elmosley on 23-08-2006, 03:59 PM)

                   |Articles |News |مقالات |بيانات

23-08-2006, 06:15 PM

hatim ibrahim

تاريخ التسجيل: 31-10-2005
مجموع المشاركات: 1296

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاخ عمر الفاروق
    سلامات


    وجهة نظري أن رأي استاذنا الموصلي بيقطع كل قول ، طبعا مش ( لمجرد) إنو موسيقار .. عازف .. مطرب ولكن لانو الحاجات دي كلها بالتأكيد سمحت ليهو انو يحتك بشكل مباشر مع الكثيرين من العازفين ..وبالتالي حكمو بيكون عن متابعة لصيقة من قبل فنان مختص ..يعني مش زينا كده مجرد مستمعين وين وين الواحد يلقط ليهو صولة لآلة معينة وحلك لغاية ما يسمعها بأداء عازف آخر عشان يقعد يقارن بين العازفين المختلفين ..

    بالنسبة لي غايتو في حياتي كلها حصل ان حظيت مرة واحدة فقط بالاستمتاع بعزف منفرد لآلة الكمان أداهو المبدع " ميكائيل الضو " .. الكلام ده كان في منتصف التسعينيات في القاهرة .. ولغاية الليلة انا مندهش ... حسيت انو الزول ده ببساطة شديدة ممكن يخليك تبكي وبعد شوية يخليك تضحك وانت تستمع لشغلو ..ومن كتر ما اسكرني عزفو قمت هجت لك فيهو - بدون سابق معرفة - وقلت ليهو حرام عليكم يا عازفي بلادي ما تعملوا لينا- نحن المتعطشون - تسجيلات لمقطوعات موسيقية بالآلات المختلفة ( كمان - عود - جيتار ) - وتتحفونا بروائع زي ما بيعمل الاستاذ حافظ عبد الرحمن بالفلوت ..ضحك شديد وقال لي الفكرة موجودة .....( اكيد قال الزول المسحلب ده احسن نهادنوا )
    بالنسبة للفنان للمخضرم محمدية اكيد ما بقدر كمستمع عادي اجاوب على سؤالك بنعم او لا ، ولكن بالتأكيد زي ما قال استاذنا الموصلي تبقى ليهو الافضلية لانو في وقت ما كان يصول في الساحة بشكل منفرد او يكاد ... عشان كده نحفظ ليهو هذا الحق .. مثله في ذلك مثل الراحل حسن عطية الذي كان يلقب بـ " أمير العود " لانو ببساطة وقتها لم يكن " عوض احمودي " مثلا في الساحة ..

    تحياتي ..
    .
                   |Articles |News |مقالات |بيانات

24-08-2006, 00:55 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: hatim ibrahim)

    Quote: الايام دي في فرقة موسيقية كده فيها مجموعة
    من الشباب ومعاهم بت بتلعب كمنجة

    دي الأستاذة رحاب المنصوري يا عمر.
                   |Articles |News |مقالات |بيانات

24-08-2006, 01:08 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Hussein Mallasi)

    ليت عادل عثمان يزين هذا البوست بصور الأساتذة
    مجدي العاقب
    ميرغني الزين
    وعثمان محي الدين
    حتى تعم الفائدة و يعرفهم من اعتاد على رؤيتهم دون معرفة أسمائهم؛
    و هو الذي اعتاد أن يزين بوستات العضوات و ربما الأعضاء بصور ربما
    كانت عديمة الفائدة!
                   |Articles |News |مقالات |بيانات

24-08-2006, 01:32 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Hussein Mallasi)

    Quote: و هو الذي اعتاد أن يزين بوستات العضوات و ربما الأعضاء بصور ربما
    كانت عديمة الفائدة!

    ملاسي عادل عثمان يوازي بصوره ورسوماته الجميلة التي ينشرها في هذا المنبر
    ابداعات محمدية فهو بحق موسيقار هذا المنبر وذاكرته الضوئية...
    فله كل الود...لعمر فاروق ايضا علي هذا البوست الذي سوف يثري نقاش العارفين..
    وليك انت تحية وسوال..(جاي الدوحة متين يا زول)
                   |Articles |News |مقالات |بيانات

24-08-2006, 01:36 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20314

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Hussein Mallasi)

    الأخ العزيز عمر الفاروق

    تحياتي

    موضوعك مادة دسمة جدا لندوة نطلبها من المخضرم صديق الموج.

    و لكنه حقيقة سؤال كبير جدا يطال كل نواحي الحياة في السودان.

    فمثلاً حسن عطية أمير العود .. و لا زال البعض يربطه بهذا الإسم .. و البعض يطلقه على ود الأمين .. و لكنني أرى شباب يجعلون العود يتكلم بكل لغات العالم و بألسنة كل النوتات الموسيقية و جُمَلِها. لا أتذكر إسم الشاب ( لعن الله الذاكرة الخربة ) و لكنه يلبس نضارات و يمسك بريشة العزف بطريقة متفردة و يداعب الأوتار بشكل يشبه ( الهبشة ) مش زينا زمان الواحد يخلي الريشة تسخن.
    العبد لله إمتحن معهد الموسيقى مع عجاج .. و كان وقتها ملك الأورغ .. و الآن هناك شباب مغمورين لهم أصابع ذهبية ، و أحي من هنا الديناصور ساطور.
    هناك ملك الإيقاع صديقي و جاري المرحوم إبن عطبرة البار ( حرقل ) .. و الأن الساحة تعج بشباب لهم مواهب قد تفوقه.

    خلاصة القول أن اللقب يرتبط بشخص ما في حقبة ما و يبقى اللقب مرتبطاً به ما دام مستمعي جيله و الجيل الذي بعده يحفظون له الجميل و يرقد إبداعه في قاع ذاكرتهم ..
    اللقب مجرد لقب يمكن أن نطلقه أو تطلقه فئة على أي مجتهد أو مبدع .. و لكن بالطبع عجلة الإبداع لا تتوقف تماما كدولاب الحياة... و يبقى اللقب كنوط جدارة معلق في أذهان الناس.

    نسيت أن أقول : التحية و التجلة لأستاذنا الكبير محمدية.

    تخريمة :
    درجتْ الساحة الفنية العربية على إطلاق مسميات فريدة على الفنانين و الممثلين و الممثلات :
    وحش الشاشة ، فتى الشاشة الأول ، العندليب ، الكروان ، سندريللا ، و هلم جرا
    و بما أن هذه الألقاب ليست حكرا على أحد إلا أن دبابات الإعلام تطلقها أحياناً بسبيل الترويج و لا للإبداع أي صلة باللقب.

    أرقد عافية
                   |Articles |News |مقالات |بيانات

24-08-2006, 01:56 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20314

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Hussein Mallasi)

    الأخ العزيز عمر الفاروق

    تحياتي

    موضوعك مادة دسمة جدا لندوة نطلبها من المخضرم صديق الموج.

    و لكنه حقيقة سؤال كبير جدا يطال كل نواحي الحياة في السودان.

    فمثلاً حسن عطية أمير العود .. و لا زال البعض يربطه بهذا الإسم .. و البعض يطلقه على ود الأمين .. و لكنني أرى شباب يجعلون العود يتكلم بكل لغات العالم و بألسنة كل النوتات الموسيقية و جُمَلِها. لا أتذكر إسم الشاب ( لعن الله الذاكرة الخربة ) و لكنه يلبس نضارات و يمسك بريشة العزف بطريقة متفردة و يداعب الأوتار بشكل يشبه ( الهبشة ) مش زينا زمان الواحد يخلي الريشة تسخن.
    العبد لله إمتحن معهد الموسيقى مع عجاج .. و كان وقتها ملك الأورغ .. و الآن هناك شباب مغمورين لهم أصابع ذهبية ، و أحي من هنا الديناصور ساطور.
    هناك ملك الإيقاع صديقي و جاري المرحوم إبن عطبرة البار ( حرقل ) .. و الأن الساحة تعج بشباب لهم مواهب قد تفوقه.

    خلاصة القول أن اللقب يرتبط بشخص ما في حقبة ما و يبقى اللقب مرتبطاً به ما دام مستمعي جيله و الجيل الذي بعده يحفظون له الجميل و يرقد إبداعه في قاع ذاكرتهم ..
    اللقب مجرد لقب يمكن أن نطلقه أو تطلقه فئة على أي مجتهد أو مبدع .. و لكن بالطبع عجلة الإبداع لا تتوقف تماما كدولاب الحياة... و يبقى اللقب كنوط جدارة معلق في أذهان الناس.

    نسيت أن أقول : التحية و التجلة لأستاذنا الكبير محمدية.

    تخريمة :
    درجتْ الساحة الفنية العربية على إطلاق مسميات فريدة على الفنانين و الممثلين و الممثلات :
    وحش الشاشة ، فتى الشاشة الأول ، العندليب ، الكروان ، سندريللا ، و هلم جرا
    و بما أن هذه الألقاب ليست حكرا على أحد إلا أن دبابات الإعلام تطلقها أحياناً بسبيل الترويج و لا للإبداع أي صلة باللقب.

    أرقد عافية
                   |Articles |News |مقالات |بيانات

24-08-2006, 02:04 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6454

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    أخي عمر الفاورق دخلت هنا وأنا لا أفهم في الموسيقى ولا أعرف النوته لا دو لا ري لكين عندي أضان فيل لمن المرحوم أبو داؤود يغني الليله ما جا وبرضو إفريم لمن يغني Aman Nesh- Woye دي تعرف طوالي تصل لغاية الركبة ، وطبعا الخرب على الشغلانه أكتر بجانب جهلي بالموسيقى هو أن هناك قامات وفطاحله بالبوست ، لكين برضو عندي كلمه وعاوز أقوله إن شاء الله تكون شتره:
    محمديه كعازف كمان يعتبر من أحسن العازفين وهو ما يعني ضمناً أنه ليس الأحسن وحده بل الأحسن من ضمن آخرين ، لكين بالضرورة محمدية هو قطعاً أشهر عازف كمان في السودان حتى وإن لم يكن الأحسن. يعني الفزورة حلها كلاتالي:
    محمدية أشهر عازف كمان في السودان
    محمدية من أحسن عازفي الكمان في السودان
    الله يديه الصحة والعافية
                   |Articles |News |مقالات |بيانات

24-08-2006, 05:33 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    يا عمي صديق :
    Quote: اما السؤال عن محمدية لايمكن ان افتى والموصلى بالنت.

    الفرق بينك وبين الموصلي انك شاهد على العصر يا عجوز
    في انتظارك كما قال الريس ابو جهينة انك تدينا رايك في منتدى البورداب قريباً إن شاء الله ..
    هو في مين وللا هو جرى ايه ولا هو في ايه ولا مين ولا حتى ايه اللي جاب مين ولا لمين ولا ايه ..
    العيال كبرت
                   |Articles |News |مقالات |بيانات

24-08-2006, 05:35 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    ماعارفة الناس ما بقولو الوافر شيخ الدين ليه؟
                   |Articles |News |مقالات |بيانات

24-08-2006, 08:47 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Tumadir)

    يابتنا الحديقه
    أطنك لم تقراي حيث صديقنا صديق الموج
    =======================================================
    بس ما تنسوا شيخ الدين اخوان الوافر والصادق ووليد محمود فى لندن
    وطارق ابوشنب واستاذ سراج وعثمان قرنق
    ===================================================
    ربما لشمولية الوافر لم يجئ في
    طاولة التخصصية
    ولكن للوافر جهود مقدرة ومحترمة جدا في التنظيم والتوزيع للموسيقى
    كما أنني (مغيوووووووووووووووووظ) من الصادق
    لانو عندو الكتير ومابدي
    أظن عاجباهو أغنية (العندي انا مابدي)
    محبتي

    (عدل بواسطة Elmosley on 24-08-2006, 08:49 AM)
    (عدل بواسطة Elmosley on 24-08-2006, 08:49 AM)
    (عدل بواسطة Elmosley on 24-08-2006, 05:09 PM)
    (عدل بواسطة Elmosley on 24-08-2006, 05:10 PM)
    (عدل بواسطة Elmosley on 24-08-2006, 05:11 PM)
    (عدل بواسطة Elmosley on 24-08-2006, 07:22 PM)

                   |Articles |News |مقالات |بيانات

24-08-2006, 11:09 AM

Kostawi
<aKostawi
تاريخ التسجيل: 04-02-2002
مجموع المشاركات: 37234

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

                   |Articles |News |مقالات |بيانات

24-08-2006, 02:21 PM

Rakoba
<aRakoba
تاريخ التسجيل: 05-02-2002
مجموع المشاركات: 5814

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Kostawi)

    ودالفاروق
    هاك اسمع


    مقطوعة "زيدني في هجراني" من كونسرت بقاعة الشارقة 1991م محمدية على الكمان ومستر جون من كوريا على البيانو، توزيع بروفيسر الفاتح الطاهر.
                   |Articles |News |مقالات |بيانات

24-08-2006, 04:20 PM

محمد عبد الله شريف

تاريخ التسجيل: 20-09-2005
مجموع المشاركات: 904

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Rakoba)

    عمر الفاروق ... تحياتي

    وشكرآ لفرصة الغوص في عالم الكمان ..


    Quote: æÏÇáÝÇÑæÞنعم لعربي الحان وللراحل ميرغني الزين وللراحل احمد المبارك
    åÇß ÇÓãÚ


    ãÞØæÚÉ "ÒíÏäí Ýí åÌÑÇäí" ãä ßæäÓÑÊ ÈÞÇÚÉ ÇáÔÇÑÞÉ 1991ã ãÍãÏíÉ Úáì ÇáßãÇä æãÓÊÑ Ìæä ãä ßæÑíÇ Úáì ÇáÈíÇäæ¡ ÊæÒíÚ ÈÑæÝíÓÑ ÇáÝÇÊÍ ÇáØÇåÑ.


    أظنك تقصد الراحل, علي ميرغني . فود الزين متعه الله

    بالعمر المديد لايزال يوزع فينا فرح الكمانات .

    ولجميع مبدعينا ....مزيد من العطاء
                   |Articles |News |مقالات |بيانات

24-08-2006, 05:13 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    فوق
                   |Articles |News |مقالات |بيانات

24-08-2006, 05:20 PM

mohamed osman bakry

تاريخ التسجيل: 02-12-2003
مجموع المشاركات: 1539

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    .
                   |Articles |News |مقالات |بيانات

24-08-2006, 03:58 PM

Foetus
<aFoetus
تاريخ التسجيل: 30-09-2002
مجموع المشاركات: 123

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الشاب الفي الصورة مع محمدية الثاني علي الشمال عازف ماهر اسمه وليد الجاك من ابناء الابيض له التحية
                   |Articles |News |مقالات |بيانات

25-08-2006, 00:12 AM

Elmuez

تاريخ التسجيل: 18-06-2005
مجموع المشاركات: 3488

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الفاروق و الموصلي والشباب,
    سلام..

    مسألة الأفضلية و التمكن عندي تعني " نوع الإحساس "
    و الأحاسيس كتيرة و متنوعة , عازفين و مستمعين و ذوق و أجيال..

    محمدية قدم الكتير ومنذ أزمنة كان "المختلف" فيها نادر, بصماته كانت مميزة و واضحة..محمدية دخل القلوب في زمن كان فيه الناس (و لا يزلوا) لا يعيرون إنتباه للعازفين و إنما للمغني وحده, قد نجد 100% من القراء هنا يعرفون من هو محمدية و يميزون طعم كمنجته, لكن نسبة أقل بكتير تعرف ميرغني و مجدي و باص و ميكائيل ربما( بالشكل ) فقط أو من خلال صولوهات مسموعة( بتتعلم من الأيام مثلا) لميرغني الزين في الأشرطة الحديثة نسبيا!

    ميرغني الزين صاحب كمنجة رزينة و فلسفة مهذبة للإبداع المعلمن..

    مجدي العاقب حنين .. حنين .. حنين !

    -------------------------------------------------

    عندنا جارنا " خالد " و من أولاد الحصاحيصا [ تربة سعد الطيب ] لا يوصف !!!


    ميرغني الزين

    (عدل بواسطة Elmuez on 25-08-2006, 00:58 AM)
    (عدل بواسطة Elmuez on 25-08-2006, 01:07 AM)

                   |Articles |News |مقالات |بيانات

25-08-2006, 04:59 AM

برير اسماعيل يوسف
<aبرير اسماعيل يوسف
تاريخ التسجيل: 03-06-2004
مجموع المشاركات: 4443

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmuez)

    Quote: كهنه في الموسيقى
    يابرير
    والله الايام دي مابراك
    يعني محمديه في نظرك كاهن؟
    وطبعا الكاهن القبلوا معروف!!
    راي وقبلناه
    قطعا لاحاضر بلا ماض ولا مستقبل بلا حاضر
    فهي حلقة متصلة وللاجيال الحق في التواصل والتوارث
    ولكن الفنان لايتكرر
    هل يوجد (الكاشف الآن؟


    العزيز/ الموصلي

    سلام

    نعم كهنة في الموسيقي !! و ما المسئول عنها بأعلم من السائل!!

    حكاية لا حاضر بلا ماض دي ... يساء استخدامها في السودان... فهي لا تخرج عن عملية الكنكشة في اي شيء الي ان يأخذ صاحب الامانة امانته.

    حكاية حلقة متصلة دي احسن تسكت تخليها .

    اما حكاية توارث الاجيال و تواصلها دي فهي لا تتجاوز كلام الجرايد ... فالناس ديل من المهد الي اللحد.

    و لماذا يتكرر الفنان؟ و من الذي طالب بذلك؟ و لماذا يوجد الكاشف او غيره من قدموا للناس كل جميل؟

    شايفك يا الموصلي نطيت حكاية فنان افريقيا الاول دي؟ طيب و انت زول ما ساهل هل تعترف بحكاية فنان افريقيا الاول دي؟ اما انها حكاية لا تتجاوز نفخ الذات في السودان...

    فالناس في السودان بتقول عن نفسها هي معلمة الشعوب و الاول في كل شيء؟ ربنا ستر الاوربيين من حكاية فنان افريقيا الاول دي!!
                   |Articles |News |مقالات |بيانات

25-08-2006, 08:40 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: برير اسماعيل يوسف)

    العزيز برير
    تحياتي أولا أعترف لك بان هنالك من يقفون حجر عثرة أمام الناشئة
    ولاشك وقد حدث هذا لاوركسترا السمندل في بداياتها بنادي الفنانين
    ولكن بالعمل والجد والاجتهاد أثبتت الايام أن السمندل أحسن فرقة موسيقه مرت بالسودان
    لقد سمعت كثير من التسجيلات الاخيره للشباب ودعني أكون صريح معاك هنالك مشكلة وتريات حقيقة في السودان ومن يجيدون العزف على هذه الآلة يعدون على أصابع اليد وهم مجتهدين الى الحد البعيد ولكن دون سند\ تدريبي مؤصل
    فمهما فعلت كلية الموسيقي أو الاجتهادات الشخصية فلن يكون لنا عازفي كمان بالمستويى المطلوب عالمياأو قل عربيالأن تدريب الكمان لايبدأ منذ الصغر وأي عازف كمان مجتهد وجيد في نظرنا يعرف هذه الحقيقة جيدا يعرف أنه لم يجد التدريب الكافي لذا فمعادلتي هذه أعلم انها غير عادلة وأشكر هؤلاء على عظيم جهدهم.
    المواهب السودانية الكثير منها خارق ومبشر ولكن بلا عناية من دولة فهمها الاساسي أن الفن هو ترف حضاري.

    Quote: حكاية لا حاضر بلا ماض دي ... يساء استخدامها في السودان... فهي لا تخرج عن عملية الكنكشة في اي شيء الي ان يأخذ صاحب الامانة امانته.

    حكاية حلقة متصلة دي احسن تسكت تخليها .

    لا مابخليه ومابسكت ياصديقي لأنني أعلم أن هنالك سبب للفجوة الحالية فلقد شرد النطام الحالي الكفاءات التي كان ينبغي لها أن تسلم الراية للجيل الجديد ففي ضربة واحدة فقدت البلاد الدم الذي كان يجري في عروق الموسيقى فيها في ذلك الوقت بسبب تعسف النظام فظهرت الهلامايات ومطبلات النظام ثم ظهرت مواهب عظيمة ولكن بلا سند لجيل مجاور فظلت تحرث في البحر ثم أخيرا تسيطر اغنية راجل المره على الساحة
    اذا فلنضع النقاط فوق الحروف وبرغم ذلك فان بطني غريقه يابرير والله لونضمت بالفيها
    بفجر عروقكم.

    برير
    أنت تعلم أن لي خلافات عميقة مع وردي لذا فرأيي إما أن يصنف (حانقا) في حالة القدح أو
    (متمسحا) في حالة المدح.
    ولكن أمري لله وإليك برأيي
    أولا من منظور الموقف السياسي أعتقد أن وردي الذي تعلمنا منه نضال الفنان فان الاجيال الحالية تشهد منه موقفا مغايرا الى الحد البعيد وهذه قطعا نكسه كبيرة للفنانين ذوي الفكر النضالي المنحاز لحريات الشعوب.
    نجي لوردي الفنان
    شوف يابرير أنا خايف يمر زمن طويل جدا جدا لغاية مايجينا زول يعمل مثل أكتوبريات وردي وربما عاطفياته كمان لانه حتي الظروف الموضوعية التي انتجت ذلك الفن ربما لن تعود في ظل تراخي (أولياء امور الديموقراطية مع الدكتاتوريات) فهاهم أولياء الديموقراطية يتسامرون مع من وأد إبنتهم بليل فدفنها وهي حية ترزق وياملون فيه ان يعيدها الى الحياة .
    وردي وكل فناني السودان المجيدين مشكلتهم وأقولها للأسف أنهم سودانيين وفي بلد شعبها يعشقهم ويقدرهم ولكنه يشكو لطوب الارض ويعاني من الضنك وقسوة الحياة أما حكوماته فلا تري في فنانيها الا مُطبِلين أو مضَلْلَينْ أو مُضِلِلين.
    فوردي لو كان مصري لاصبح من أعظم الفنانين في العالم (قارن بينه وبين محمد منير) مع الاحترام لمحمد منير. ومايسير على وردي يسير على عركي وعثمان حسين على سبيل المثال لا الحصر بل ومحمود عبد العزيز والبعض من مجايليه.
    الله يكون في عون الموسيقين والفنانين في السودان في ظل حكومات جائرة وشعب مغلوب على امره وراس مال هو أجبن مايكون الجبن.

    محبتي

    (عدل بواسطة Elmosley on 25-08-2006, 08:51 AM)
    (عدل بواسطة Elmosley on 25-08-2006, 08:54 AM)
    (عدل بواسطة Elmosley on 25-08-2006, 09:12 AM)

                   |Articles |News |مقالات |بيانات

26-08-2006, 01:50 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    كل بلاد الدنيا تحتفي بعباقرتها من الفنانين العظماء ، تطلق على شوارعها أسمائهم وتزين قاعات وصالات الفنون بصورهم، وعلى قبورهم يضعون ياقات الورد ويترحمون عليهم .في بلادنا نطلق على الفنانين لقب الأستاذ ، ولكن لا تعيرهم الدولة اهتماما .نستكثر عليهم رفع أجورهم وهم لامعاش لديهم ولا تأمين صحي ينقذهم من أمراض الكهولة لذا يموتون وهم في عز الشباب ، الفنان يقاس عمره الحقيقي بما قدم لشعبه ووطنه .
    محمدية فنان الكمان الأول ؟؟ نعم .. إذا لم يكن الأول ، فمن يأتي بعده ليحوز على هذه الشهادة؟؟؟ من ؟
    لابد من رواد وأوائل في كل نشاط إنساني . وعندما نقول محمدية فنحن نتكلم عن جيل كامل من الرواد تركوا ملامح واضحة وأسلوب وانطباع راسخ ، وأثر سار على دربه كثيرون ، ليتجاوزه .. محمدية وعربي ،وخواض ، وبدر التهامي ، والماحي إسماعيل ، ويونان ميخائيل، وبقية العقد الفريد ، ظهروا في وقت كان الفن فيه يحبوا وجدوا أنفسهم أمام حركة ليس بها رواد ولا مؤثرات ولا دليل يهديهم كيف يبتكرون ، تعلموا ودرسوا
    وخلقوا حركة تجاوزت مثيلاتها ...
    نعم محمديه فنان الكمان البديع ، وإذا لم يكن هناك أمثاله لما ظهر لنا ميرغنىالزين وأحمد باص ومجدي العاقب
    وبقية الكوكبة المبدعة التي كونت العديد من الفرق الموسيقية..ومحمديه له تجربة في توزيع أغاني الفنانين الكبار مع الإذاعة السودانية ، أعاد وضع موسيقى منظمة وبفرقة كبيرة وبأصواتهم النضرة ، لكن هل هذا هو دور محمدية .. يجب أن يكون هناك عازفين محترفين فقط . مثل ما يجب ان يكون هناك ممثلون محترفون دورهم الحقيقي الأداء ..لادخل لهم في الديكور ولا الإخراج ..
    فناني الكمان الأول) روادا كانوا أم معاصرين يدينون بالعرفان لجيل محمدية ويتشرفون به في أي مرتبة كانت
    يكفي الألقاب التى يطلقها الشعب عليهم فهم أساتذة الأجيال ..
    نحن نعتز بكل فنان حقيقي ولانذهب بعيدا (( الموصلي )) هو الفنان المبدع الحقيقي الذي نقل الغناء السوداني نقلة نوعية وبإنكار ذات ترك كل أعماله وقدم للساحة الغنائية الغناء السوداني في توزيع قشيب وجعل الغناء يتحول من الجغلرة الى التوزيع السودانوي البهيج وأصبح السمع العادي ينتقل الى المقامات البهية دون ان يستعرض جهده المقدر في العلم أجمع ..
    علينا ان نحتفي بمبدعينا وان نضعهم في مكانهم الحقيقي فهم فنانو الشعب وهذا اللقب يناسبهم ويوازي مكانتهم الحقيقية... فهل فعلنا
    محمدية فنان الشعب
    وكل أبناء جيله يستحقون هذا اللقب ....[/
    purple]
                   |Articles |News |مقالات |بيانات

26-08-2006, 08:06 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: محمد سنى دفع الله)

    نعم .. إذا لم يكن الأول ، فمن يأتي بعده ليحوز على هذه الشهادة؟؟؟ من ؟

    الله يديك العافيه

    نعم التلميذ يمكن آن يتفوق علي الاستاذ

    والحوار ممكن يغلب شيخوولكن يبقي الاستاذ استاذ ويبقي الشيخ شيخ

    تسلم يافنان ياكبير

    الله يحفظك
                   |Articles |News |مقالات |بيانات

26-08-2006, 00:56 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    سحس يا ملاسي:
    Quote: دي الأستاذة رحاب المنصوري يا عمر.

    اذا قاصد بنات المنصوري اخوات حواء فلا اعتقد تلك من اقصدها فبنات المنصوري انا بعرفهم كللهم (اللهم الا اذا دي متخفية) أو يكون اسم مطابق..
    كدي جيب خبرا يا ملاسي البت دي بالجد خطيرة ..
                   |Articles |News |مقالات |بيانات

26-08-2006, 01:03 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    استاذنا الموصلي:
    Quote: عمر الفاروق
    أها قمنا للزوغان!!!!


    ياخ والله عندي انترنت عووووووووووع منو ما بقدر اكتب اكتر من سطرين تلاتة والكلام لسة كتييير..
    متابع ومتصفح جيد لكني ما بقطف زهورك بس بعاين..
    بجيكم ان شاء الله
                   |Articles |News |مقالات |بيانات

26-08-2006, 07:57 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    ياخوي الفصاحه العندك دي دايره كومبيوتر بي ذاكره كاربه وجديد كمان

    ماتشحتف روحنا ساكت انت ماعارف آنا لابد ليك ؟؟؟
                   |Articles |News |مقالات |بيانات

26-08-2006, 08:03 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    بنجي بي مهله

    (عدل بواسطة Elmosley on 26-08-2006, 08:05 AM)

                   |Articles |News |مقالات |بيانات

26-08-2006, 11:22 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاستاذ الموصلي:
    Quote: هل افهم من كلامك هذا ان العازف ليس فنان
    وأن الملحن هو الفنان

    اكيييد لا ..
    الفن وعاء كبير بيشيل مختلف الضروب ..
    العازف فنان والملحن فنان والمغني فنان والرسام فنان و و و و و ..
    انا ذكرت الجزء ده تحديداً للمحاولة مقارنة عربي ومحمدية وبالرغم من ان الجميع وربما محمدية نفسه ينصب عربي كملك للكمان الا ان وسائل الاعلام رسخت فينا محمدية ..
    نعم ربما لم يتأتى هذا من فراغ ولكن الان يا موصلي حان الوقت لسحب البساط من هؤلاء..
    لن ننسى تاريخهم ولن نمحوه ولكن عليه ان يعترفوا بانهم اخذوا زمانهم وزمان غيرهم ..
    صراحة ينتابني احساس ان محمدية تعلم النوتة كبيرا وهذا ليس عيباً ( غير متأكد من المعلومة وهو مجرد احساس) وجائني هذا الاحساس من خلال اصرار الدكتور الفاتح حسين تنصيب محمدية قائداً في الفرقة القومية في حين انني ارى ان هذه الفرقة كان فيها من هو جاهزاً لاستلام هذه المهمة من حيث الموهبة والعلمية معاً ..
    انا استاذي ربما لا تكون الموسيقى مثل البرمجة ولكني ساضرب مثالاً فهو على الاقل في مجالي..
    قديماً يوجد اشخاص كانوا عباقرة في البرمجة بلغات قديمة (البرولوق والLIsp والكوبول مثلاً) والان هذه اللغات نجدها انقرضت وظهر الفيجوال بيسك والجافا والدلفي فهل نصر على ان يقوم بعمل هذه البرامج القدامى ام نتيح الفرصة لمن هم اكثر دراية بها ..
    نعم يمكن ان يطور القديم نفسه ويواكب اللغة الحديثة ولكن عليه افساح المجال للاخرين لاثبات ذاتهم ..
    صراحة يا استاذ انا اشعر بان مجتمع الموسيقى وتحديداً اتحاد الفنانين هو عبارة عن (لوبي) تتكسر تحت اقدامه ابداعات الجيل الجديد وطموحاته ..
                   |Articles |News |مقالات |بيانات

26-08-2006, 12:23 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    قديماً يوجد اشخاص كانوا عباقرة في البرمجة بلغات قديمة (البرولوق والLIsp والكوبول مثلاً) والان هذه اللغات نجدها
    انقرضت وظهر الفيجوال بيسك والجافا والدلفي فهل نصر على ان يقوم بعمل هذه البرامج القدامى ام نتيح الفرصة لمن هم اكثر دراية بها ..
    نعم يمكن ان يطور القديم نفسه ويواكب اللغة الحديثة ولكن عليه افساح المجال للاخرين لاثبات ذاتهم


    ====================================================
    طيب لمن جيتنا بي سكة الحداثة مالك مكنكش في البنقز والطبله ولا حلال علي وحزام علي ابن عمي

    عموما مادام جابت الحداثه لغاية هنا بقول وبكل ثقة آن كل المرشحين الذين تريدهم ليس فيهم من يعزف الكمان الحديث
    Contemporary Violin
    وآجزم آنه ليس بينهم من هو آسرع من محمديه في العزف الوهلي للنوتة الموسيقية
    Sight Reading

    وبجيك بالراحه يوم الاتنين للشرح بالتفصيل عشان الشباب مع احترامنا ليهم ولي جهدهم مايزعلوا

    (عدل بواسطة Elmosley on 26-08-2006, 12:24 PM)
    (عدل بواسطة Elmosley on 26-08-2006, 12:25 PM)

                   |Articles |News |مقالات |بيانات

26-08-2006, 11:41 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاخ عبد الرحمن سوركتي:
    Quote: بس مصيبتنا أننا عندنا بنمسك في الحاجات بطريقة عجيبة دون محاولة البحث خارج الدائرة المفروضة ... ودي مشكلتنا ..

    المختصر المفيد وزي ما بيقولوا اولاد بمبة :
    " جبت الديب من ديلو .." ..
                   |Articles |News |مقالات |بيانات

27-08-2006, 08:02 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    ولان الصديق عمر الفاروق من آنصار الحداثة سآعود غدا للحديث عن الكمان المعاصر

    وآكتفي بما يقوله الجميل محمد السني الان


    وهو

    ======================================
    ====================================
    كل بلاد الدنيا تحتفي بعباقرتها من الفنانين العظماء ، تطلق على شوارعها أسمائهم وتزين قاعات وصالات الفنون بصورهم، وعلى قبورهم يضعون ياقات الورد ويترحمون عليهم .في بلادنا نطلق على الفنانين لقب الأستاذ ، ولكن لا تعيرهم الدولة اهتماما .نستكثر عليهم رفع أجورهم وهم لامعاش لديهم ولا تأمين صحي ينقذهم من أمراض الكهولة لذا يموتون وهم في عز الشباب ، الفنان يقاس عمره الحقيقي بما قدم لشعبه ووطنه .
    محمدية فنان الكمان الأول ؟؟ نعم .. إذا لم يكن الأول ، فمن يأتي بعده ليحوز على هذه الشهادة؟؟؟ من ؟
    لابد من رواد وأوائل في كل نشاط إنساني . وعندما نقول محمدية فنحن نتكلم عن جيل كامل من الرواد تركوا ملامح واضحة وأسلوب وانطباع راسخ ، وأثر سار على دربه كثيرون ، ليتجاوزه .. محمدية وعربي ،وخواض ، وبدر التهامي ، والماحي إسماعيل ، ويونان ميخائيل، وبقية العقد الفريد ، ظهروا في وقت كان الفن فيه يحبوا وجدوا أنفسهم أمام حركة ليس بها رواد ولا مؤثرات ولا دليل يهديهم كيف يبتكرون ، تعلموا ودرسوا
    وخلقوا حركة تجاوزت مثيلاتها ...
    نعم محمديه فنان الكمان البديع ، وإذا لم يكن هناك أمثاله لما ظهر لنا ميرغنىالزين وأحمد باص ومجدي العاقب
    وبقية الكوكبة المبدعة التي كونت العديد من الفرق الموسيقية..ومحمديه له تجربة في توزيع أغاني الفنانين الكبار مع الإذاعة السودانية ، أعاد وضع موسيقى منظمة وبفرقة كبيرة وبأصواتهم النضرة ، لكن هل هذا هو دور محمدية .. يجب أن يكون هناك عازفين محترفين فقط . مثل ما يجب ان يكون هناك ممثلون محترفون دورهم الحقيقي الأداء ..لادخل لهم في الديكور ولا الإخراج ..
    فناني الكمان الأول) روادا كانوا أم معاصرين يدينون بالعرفان لجيل محمدية ويتشرفون به في أي مرتبة كانت
    يكفي الألقاب التى يطلقها الشعب عليهم فهم أساتذة الأجيال ..

    (عدل بواسطة Elmosley on 27-08-2006, 08:03 AM)

                   |Articles |News |مقالات |بيانات

27-08-2006, 11:07 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    Quote: طيب لمن جيتنا بي سكة الحداثة مالك مكنكش في البنقز والطبله ولا حلال علي وحزام علي ابن عمي

    لا يا استاذ ما تنسى كمان إنو ما كل لغة جديدة معناها سمحة ..
    يعني في لغات برمجة قديمة افضل من اللغات الجديدة وعلى ذلك فقس..
    فليس كل جديد مقبول وليس كل قديم منبوذ..
    في انتظار المحاضرة المجانية عن الة الكمان في الحداثة عشان نعرف عازفينا ديل كانوا خامننا ساي ولا شنو ؟
                   |Articles |News |مقالات |بيانات

27-08-2006, 02:01 PM

محمد الأمين موسى
<aمحمد الأمين موسى
تاريخ التسجيل: 30-10-2005
مجموع المشاركات: 3673

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    أخي الفاضل عمر الفاروق أشكرك على إثارة هذا الموضوع الذي يرتبط ارتباطا وثيقا بطبيعة الإبداع الفني بصفة عامة وعزف الموسيقى بصفة خاصة.
    أجدني اختلف معك اختلافا جوهريا في تقييمك للفنان محمدية.. وأتمنى أن تتفق معي على قدرات محمدية ومهاراته في مداعبة الكمان كما وكيفا.. وأتمنى أن تفسر حضوره الطاغي كمؤشر جودة وليس تهافتا.
    محمدية يضع أمام جيل الشباب من عازفي الكمان تحديا كذاك الذي وضعاه فريد الأطرش ومنير بشير أمام العبقري الحقيقي نصير شمة الذي برهن على نظرية تفوق التلميذ على أساتذته.. ولكن كما قال فناننا المبدع الموصلي يبقى الأستاذ أستاذا.. واعتقد أن الإبداع لا يقبل التراتبية.. ووجود محمدية لا ينفي حضور الآخرين.. ولا يمكن أن ننسب عبقرية الفن الغنائي السوداني لعازف واحد مهما كانت موهبته.. فهو قطعا لم ولن يتواجد في كل الأعمال..
    محمدية وهج من الموهبة والاجتهاد والمثابرة عبر السنين.. أراه فأرى الحفناوي.. وأراهما معا يحرضان الأوتار على البوح الجميل..
    وما على الآخرين إلا أن يقبلوا التحدي الذي فرضه عليهم محمدية أطال الله في عمره وخضر ضراعو.
                   |Articles |News |مقالات |بيانات

28-08-2006, 05:18 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: محمد الأمين موسى)

    شكرا يامحمد آهو ده المختصر المفيد

    ===============
    عمر الساعة الان الرابعة صباحا (يوسف السقيد)

    بعد ساعات بكون في المكتب وهاك يا

    الكمان الحديث
                   |Articles |News |مقالات |بيانات

28-08-2006, 08:58 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    Quote: لا يا استاذ ما تنسى كمان إنو ما كل لغة جديدة معناها سمحة ..
    يعني في لغات برمجة قديمة افضل من اللغات الجديدة وعلى ذلك فقس..
    فليس كل جديد مقبول وليس كل قديم منبوذ..
    في انتظار المحاضرة المجانية عن الة الكمان في الحداثة عشان نعرف عازفينا ديل كانوا خامننا ساي ولا شنو ؟

    لا ياعمر هم ماخامننا لكن نحن خامنهم
    نحن كدوله وكمجتمع
    بينما نتحدث نحن في مجالسنا وصحفنا عن نجوم في العزف لا ندري بان هؤلاء النجوم وبرغم جهودهم المقدرة إلا أنهم مظلومين لعدم حصولهم على تدريب كاف يجعلهم منافسين حقيقيين لأقرانهم ليس في العالم فحسب ولكن في كثير من الدول العربية.
    يعني على قدر الاديناهم ليهو هم أفضل لو أن الآخرين متساوين معهم فيما اخذوه ولكن الآخرين أخذو أكثر ولكنهم أي أن ناسنا أخذوا أقل كثيرا مما أخذه الآخرين من حيث التدريب والعناية والتأصيل الدراسي بحيث يبدأون في سن مبكرة وفوق ذلك فان اهتمامهم بالعزف لا يأتي في مقدمة إهتماماتهم الحياتية لإنها لاتسد حاجاتهم الحياتية من أجل الاستمرار والعيش الكريم
    وسأعود للحديث عن آلة الكمان ومشاكلها من بينها (الحداثة)
                   |Articles |News |مقالات |بيانات

28-08-2006, 09:17 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    http://www.garritan.com/mp3/CSI.mp3

    نموذج للتاليف الحديث الذي تؤدي فيه الوتريات وآلات الكمان بطريقة مغايرة

    ====================================
    إن ما تمتلكه آلة الكمان من امكانات صوتية ترجع في المقام الأساسي إلى طبيعة تكوينها كآلة جبلت على أن تستخدم في جميع أشكال التعبير الموسيقي اللحني والإيقاعي بكل الألوان الصوتية المتاحة وجميع التعبيرات الممكنة.
    وفوق ذلك نجد أنه وبعد ان تغيرت أساليب التأليف في العالم لم تعد آلة الكمان هي تلك الآلة نفسها من حيث أسلوب العزف بل أصبحت تعزف بطرق جديدة تتواءم مع أساليب التأليف الجديدة فقد استحدثت ميوتات (كاتمات صوت)جديدة وأصبح العازفين يعزفون بظهر القوس للتعبير عن موقف معين أو خلف الكوبري أما ما يسمي بالهارمونك ساوندس فقد استحدثت فيها تكنيكات حديثة علما بان القديم منها لم يتم استخدامه مطلقا في موسيقانا هذا على سبيل المثال لا الحصر.
    وقد ظلت آلة الكمان تستخدم في السودان بطريقة أقل من تقليدية وهذا إنما يرجع ليس للعازفين فحسب ولكن الملحنين والمغنيين ففي الغالب الأعم وبطريقة كاسحة لا تتم الكتابة لآلة الكمان بالطريقة الصحيحة ويترك الأمر فيها للعازف الذي يعبر عن اللحن وفق ما آتاه الله من موهبة وما آتته الدولة من تدريب وهنا يأتي العيب وتأتي المعضلة الكبرى , فالتدريب الذي أعطته بلادنا لعازفي الوتريات والكمان بصفة خاصة لا يسد الرمق للعازف ولا الاوركسترا السودانية والدليل على ما أقول هو أن المعهد والذي تحول إلى كلية الموسيقى لم يقدم عرضا يحتوي على اوركسترا ذات تكوين سيمفوني منذ أمد بعيد حيث تم ذلك في وجود الكوريين ولكنه حينها كان تكوينا ناقصا وفيه خلل من حيث الناتج الصوتي نسبة لأنها اوركسترا طلابي لمؤسسة كانت في بداياتها.
                   |Articles |News |مقالات |بيانات

28-08-2006, 09:41 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    نحن عزيزي عمر بنعرض خارج الساحه يعني نحن في وادي والعالم كلو في وادي تاني
    ومادام راجل المره حلو ولا (شين) ماعارف حنظل نحن نقيس كل مسائلنا وفقا لما تعلماه
    من اذاعتنا الامدرمانية التي لم تقصر فقد كانت هي السلوى وكانت هي الملاذ حينما كان العالم مغلق بالنسبة لنا.
    لقد ظل مفهوم العزف لدينا مرتبط الى حد كبير بالشدة القوة الى درجة تقطيع الاوتار (وتمعيط) قوس الكمان وكان الذي يفعل ذلك يقاس بانه (عب كبير) ومعلم لا يشق له غبار
    صدقني ياعزيزي عمر على هؤلاء الشباب الذين تتحدث عنهم ونتحدث نحن عنهم أن يبحثوا عن وسيلة للحاق بقطر ليس الحداثة فحسب بل الكلاسيكية التقليدية الممعنة في قدمها.
    كفانا ان نتعامى عن الواقع المرير

    http://www.garritan.com/mp3/TheBigRace.mp3
                   |Articles |News |مقالات |بيانات

28-08-2006, 10:25 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاستاذ الموصلي:
    زي ما السميعة فئتين هابط وراقي كمان العازفين فئتين بالتالي ما كل الناس ناس راجل المرا حلو حلا وكمان ما تنسى إنو ما كلو نرميهو على الدولة فالموسيقى تحديداً اساسها الرغبة والموهبة ..
    اتعجب جداً من الخليجيين وهم يعزفون الكمان " زي ما الله خلقو" وبستمتع جداً بي عزفهم البي تحت تحت بينما يظل عازف الكمان لدينا يعزف اللحن الدائري..
    بجيك إن شاء الله لسة النت فيهو مشكلة
                   |Articles |News |مقالات |بيانات

28-08-2006, 11:27 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    صدقني أولادنا مظلومين ظلم الحسن والحسين
    القصه دي حكومات عدييييييييييييييل ومافيها كلام
    صحيح الرغبة مهمة وهي موجودة عند شبابنا
    طيب عشان يكون هنالك حل عملي ينبغي ان يحدث الآتي
    1-ادخال تعليم الموسيقى الى المدارس بدا من المرحلة الابتدائية
    وتكوين فرق صغيرة في المدارس مكونة من المواهب العزفية والغنائية.
    2-تكوين اوركسترات تتناسب وتقدم طلاب مرحلتي العام والعالي وفق
    البرنامج السابق في الابتدائي.
    وعند الانتهاء من المرحلتين يتم استيعاب البارزين من الذين لديهم الرغبة في كلية الموسيقي التي يجب ان تستعين بخبراء أجانب في مجال العزف تحديدا وهذا ليس بعيب فلازال كونسيرفتوار القاهرة الذي يتقدمنا كثيرا ومعه دار الاوبرا يستقدمان الخبراء الاجانب.

    وعلى فكره العازفين البتسمعهم في الخليجي ديل 99 وتسعه من عشره في الميه منهم إما
    مصريين أوسوريين أو عراقيين وعلاقتهم بالخليج مثل علاقة كل المهن الاخرى به فالمال متوفر والفن أصبح صناعه ولم يعد الكلام المعسول العاطفي بيودي لي اي سكه.
    يعني ناسنا براءة خصوصا أن 99 بالمائة من ملحنينا يكتبون أو يلحنون الموسيقى وحيدة الصوت الخالية من أي ثنائية أو خلفية.
    فعازفينا ليست مهمتهم أن يعزفوا خلفية لم تؤلف اصلا.

    (عدل بواسطة Elmosley on 28-08-2006, 11:30 AM)

                   |Articles |News |مقالات |بيانات

28-08-2006, 12:20 PM

ناصر الحاج
<aناصر الحاج
تاريخ التسجيل: 07-11-2005
مجموع المشاركات: 326

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: Elmosley)

    العزيز استاذ موصلي
    ردك الاخير استوقفني لمداخلة ؟
    هل من الضروري ان يكون هنالك شكل محدد للاوركسرا (السودانية) ؟..كما هوالحال عند سماعنا للموسيقي العربية ؟.. بنشوف مجموعة (كمان) و (قانون) و (كي بورد) و (بيز) وووو.. او مثال اخر عند سماعنا للموسيقي الغربية (بيز)،(جيتار)،(كي بورد)،(درمز)
    ما هو الشكل الامثل لتنفيذ الموسيقي السودانية .. ام هو شي خاضع للرؤية الموسيقية للموزع او المؤلف للعمل
    و ما هي الات الانسب ؟
    خالص الود
                   |Articles |News |مقالات |بيانات

28-08-2006, 01:36 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: ناصر الحاج)

    طبعا عزيزي ناصر الاوركسترا والموسيقى الغربية شيئ مختلف حتي في الشراء البيع

    يعني لو دخلت محل لبيع السي ديهات
    حتلقي قسم للبوب وآخر للجاز وآخر للكنتري وآخر للبلوز وآخر للهبهوب وآخر للروك وآخر
    للميتال وهلم جرا ولكل نوع فيما ذكرناه تكوين لجموعة عزفية مختلفة

    أما العربية
    ففيها الشعبي من الذين يتغنون بالسمسمية والتيزا وغيره
    وهنالك ميسمي بالموسيقى العربية حيث تجد التخت الشرقي أو الاروركسترا الحديثة
    في السودان لدينا
    1-الغناء الشعبي ذلك الفن مجهول المؤلف وينتقل بين الناس سماعا
    ويتغير من شخص الى آخر
    2- الغناء الشعبي حق المدينه (رق وبنقز وطبله ودومبا وفنان وكورس)
    3-مانسميه نحن بفرق الجاز السودانية جيتار بيز درمز أورغ وآلات نفخ
    4-الغناء الحديث ويشمل أيضا في نظري حقيبة الفن (أسمع الاكورديون والبيانو في بعض الاغنيات) يا أم جبين بدري و(دمعة الشوق) وتطورت هذه الاوركسترا لتبدا بالكمنجات والايقاعات فدخل الاكورديون ثم آالات النفخ الخشبية والنحاسية
    الجيتار والبيز الاورغ واستمرت هكذا.
                   |Articles |News |مقالات |بيانات

28-08-2006, 05:57 PM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


رسالة حب الى استاذي محمديه (Re: Elmosley)

    أحب هنا قبل عوده الصديق عمر الفاروق

    لحواره

    أن أحيي استاذي محمديه وربما هذه هي المرة الأولي يسمعها مني هو ولكن
    كل تلامذتي من خريجي الكمان بالمعهد أخص منهم ميرغني الزين احمد باص ميكائيل مجدي العاقب وعثمان مبارك وعمر منصور وبكري سمندلاوي كلهم يعلمون تماما هذه الحقيقة وهذا الشعور تجاه هذا الرجل الذي قدم للموسيقى السودانية الكثير والكثير جدا فلنستمع الى التجويد في بخاف فلنستمع الى التجويد في غناء البلابل فلنستمع ولنستمع لنجد محمديه
    موجودا بحسه الذواق الذي أنتج لنا فنانين مثل الذين ذكرتهم.
    أما الاستاذ الكبير عبد الله عربي فلي عنه حديث آخر ذلك البديع في زمانه
                   |Articles |News |مقالات |بيانات

29-08-2006, 00:40 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    الاستاذ الموصلي والاخوة المتداخلون :
    عاطر التحايا والشكر على اثراء البوست ..
    Quote: فعازفينا ليست مهمتهم أن يعزفوا خلفية لم تؤلف اصلا.

    الكلام ده كبييييير يا استاذ وجميييل بس الخطورة فيهو انها حا تختكم في قفص الاتهام وترمي المسئولية على عاتقكم انتم قوم المؤلفون والموزعون ..
    لمن اسمع عادل مسلم بقول موسيقانا بي الف خير ولكن حتى كبار الفنانين مع عظمة اغانيهم فهم لا يهتمون بتوزيعها ..
    تخريمة :
    اتعجب جداً من عدم اهتمام الاستاذ الكبير محمد وردي بالجانب التوزيعي في حفلاته بالرغم من قوة الحانه!!
                   |Articles |News |مقالات |بيانات

29-08-2006, 08:10 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    يا أبو عمير عادل مسلمي محق في جانب وغير محق في جانب آخر

    معروف في العالم أن هنالك مدارس فنية مختلفه يعني الاساتذه الذين سبقونا وندين لهم بالفضل الكبير موسيقيا واجتماعيا مثل عثمان حسين الكاشف احمد المصطفى وردي وابراهيم عوض الجابري وغيرهم
    هذه مدرسة لها اسلوبها الذي يجب ان نحترمه وأن نأخذه بانه رؤية موسيقية خاصة بجيل محدد بكل ظروفه السياسية الاجتماعية
    ثم جاءت مدارس مثل ابو الامين وعركي وعمر الشاعر وغيرهم وهذه مدارس لها رؤيه خاصة أيضا
    باعتماد الميلودي المطعم بانصاف الابعاد كأساس للاغنية والتفكير الموسيقي الجديدثم تمرد عنها ابو عركي ليقود وينضم الى مدرسة التعددية الصوتية التي تعتمد على التوزيع الموسيقي وتحويل اللحن الى درجة البناء (ٍStructure) وهذه المدرسة حتى الآن لم تتبلور رؤيتها نهائياللوصول الى صيغة متفق عليها مع استقلالية الفنان والمدارس السابقة كانت أكثر توفيقا في ذلك عشان كده يا أبو عمير بتلقي آخر مدارس الاغنيات بالغرب الهب هوب
    بالغرب هو ذاتو أصبح مدارس في إحتوائه لاسلوب الراب.

    أما عن الاستاذ محمد وردي
    فهو فنان تقوم موهبته الفنية على الارتجال الوهلي يعني في كل مره بيطلع المسرح بيودي بطريقة مختلفة وأذكر في حفلاتي معه في لندن وكنت كتبت النوت الموسيقية لاربعة عازفين انجليز ليشاركونا فقد كانو معجبين جدا لصوت وردي الذي لاشك أنه فريد ولكن تمرد وردي الارتجالي يجعله يغير مسار الاداء فجأة على خشبة المسرح لذا فالعازفين الخواجات اتحيروا برغم اعجابهم بينما السودانيين تفهمو طريقته بمصاحبته اينما ذهب فالجملة الموسيقية عنده غير ثابتة نسبة لعشقه لاسلوب التنويع الادائي بينما التوزيع يحتاج من الفنان الى ان يبدع داخل الاطار الموضوع له فقط.

    (عدل بواسطة Elmosley on 29-08-2006, 08:11 AM)
    (عدل بواسطة Elmosley on 29-08-2006, 08:13 AM)

                   |Articles |News |مقالات |بيانات

29-08-2006, 00:54 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    بما انو الموضوع جاب سيرة الموسيقى بصورة عامة ياخ انا عندي سؤال مجنني:
    نحن موسيقتنا دي بتتكتب زي باقي الناس في العالم ؟؟؟
    ولا نحن الحاننا دي صعبة للدرجة البتخلينا ما نكتبها ولا حتى زول يعرفها ؟؟
    بتديني احساس إنها زي اللغة النوبية والرطانة عشان كده ناس برة ما بيفهموها وحتى لمن يجو يعزفوها بيتعبوا ليي ما عارف؟؟
    نعم كان لمحمود تجربة وسمعنا الاطفال الاردنيون يغنون بدري صحيت من نومي لكني اشعر إنو العازفين زيتهم طالع وتعبانييين من العزف !!!!
    طيب لو موسيقانا بتتكتب ليه عازفينا ما بيلتزموا بي النوتة وكل زول بيعتمد على موهبته في العزف؟؟ وليه الفنان ما يطلع وكل اغانيه منووتة ومبرفة مسبقاً؟؟؟
    عازفينا مبدعين ويحفظون الاف الاحان لكل الفنانين لذلك تجدهم بكل سهولة يعزفون مع كل فنان ولكن حتماً تنعدم جودة الاداء !!!!
    بالمناسبة يا موصلي الدول العربية لا تهتم بالموسيقى سواء حكومات او مدارس سنية ورغماً عن ذلك النوتة متطورة والاداء عالي وممتع ويكفي انك تحدثت عن العراقيين الذين يملكون حكوما اسواء بكثير من السودان !!!
                   |Articles |News |مقالات |بيانات

29-08-2006, 08:42 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: هل محمدية افضل عازف كمان في السودان ؟؟ أم هو العرف السائد وعلينا تقبله!!! (Re: عمر الفاروق)

    Quote: بما انو الموضوع جاب سيرة الموسيقى بصورة عامة ياخ انا عندي سؤال مجنني:
    نحن موسيقتنا دي بتتكتب زي باقي الناس في العالم ؟؟؟ ولا نحن الحاننا دي صعبة للدرجة البتخلينا ما نكتبها ولا حتى زول يعرفها ؟؟
    بتديني احساس إنها زي اللغة النوبية والرطانة عشان كده ناس برة ما بيفهموها وحتى لمن يجو يعزفوها بيتعبوا ليي ما عارف؟؟


    موسيقانا بتتكتب وعزفها ساهل بس بتبقى المشكله منو البكتب وهل الكتابة صحيحه ولا لا

    Quote: طيب لو موسيقانا بتتكتب ليه عازفينا ما بيلتزموا بي النوتة وكل زول بيعتمد على موهبته في العزف؟؟ وليه الفنان ما يطلع وكل اغانيه منووتة ومبرفة مسبقاً؟؟؟


    99 في الميه من فنانينا مابكتبوا موسيقاهم وبيعتمدوا على التحفيظ وده بخلي الاغنيه غير المنوته تاخذ أكثر من عشره اضعاف زمن الاغنية المنوته في التنفيذ كما أن الفنانين غير المنوتين بيعتمدوا على العازفين في عملية السمكرة والبوهية لهذه الاعمال وعلى فكره محمديه له دور كبير في هذه السمكرة.
    Quote: عازفينا مبدعين ويحفظون الاف الاحان لكل الفنانين لذلك تجدهم بكل سهولة يعزفون مع كل فنان ولكن حتماً تنعدم جودة الاداء !!!!

    هم ماشاء الله عليهم موهبتهم في الحفظ عاليه ولكن نسبة لعدم الكتابة بيكون التكنيك غير موحد أقواس طالعه وأقواس نازله وهكذا.
    Quote: بالمناسبة يا موصلي الدول العربية لا تهتم بالموسيقى سواء حكومات او مدارس سنية ورغماً عن ذلك النوتة متطورة والاداء عالي وممتع ويكفي انك تحدثت عن العراقيين الذين يملكون حكوما اسواء بكثير من السودان !!!


    لأ الدول التي ذكرتها لك عندها هذا النظام مثلا أنا درست النوته في المدرسة الانجلية المصرية بالخرطوم وبطريقة منتظمة جدا . كما أن الموسيقار مصطفي كامل البتسمع آلة القانون بتاعتو في أغنياتنا القديمة وسمكر أغنيات للعديد من الفنانين (فتنت بيه للكاشف كمثال) هو كان أصلا استاذ مبتعث من مصر ليدرس الموسيقي في السودان في مدارس البعثة التعليمية

    أما عن هذه الدكتاتوريات فهم أكثر وعيا من دكتاتورياتنا بل من ديموقراطياتنا
    في الاهتمام بالفن والاعلام بغرض اسعاد الشعب وشغله بقضيه هامه ثقافية
    نميري كان شاطر في دي بي مهرجاناتو وإسماعيل الازهري والديموقراطية كانت أشطر بتأسيس المعهد العالي للموسيقى والمسرح والانقاذ كانت (أشتر) بإغلاقها له لمدة عامين ونصف وبطرد الخبراء الكوريين.

    (عدل بواسطة Elmosley on 29-08-2006, 08:47 AM)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de