والله قرعم كان بيشوت الكورة من القون للقون !!!! والله المحينة ده كان بيحاورك في كباية .. ياخ انتو ما حضرتو زمن كنا بنغلب الكاميرون ونيجيريا وغلبنا عمان15-صفر.. نحن زمان الواحد لمن يسجلوهوا بيدوهو جنيهين وكباية ليمون ... والله نحن زمان كنا بنلعب الكورة وفي روح تنافس ونجي من الشغل على التمرين وبعد الكورة تلقانا كلنا مع بعض اخوان اخوان .. الهلال والمريخ اصلاً كانوا فريق واحد في المسالمة وبعدها اتقسموا لي فريقين ..
11-12-2006, 05:29 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
والله زمان الغنا عفيف والواحد عشان يشوف البت يطلع إشاعة ويقول الحريقة الحريقة الحريقة ولمن البت تطلع يقول ليها الحريقة في قلبي!!!!
طبعاً كرومة وسرور كانوا عباقرة وبيلحنوا براهم والعجيب إنو عشان تعرف الناس دي كانت متسامحة كيف فكرومة كان ممكن عادي يغني اغاني سرور !!!
ناس الحقيبة ديل عشان تعرفهم متعلمين كيف شوفو قال سمحة وجمالها فريد وخلقوها زي ما تريد!!! وطبعا زمان في ملكة إسمها متريد والناس طبعا مفتكراهو قاصد على كيفها !!!
وطبعاً قهوة جورج مشرقي كانت ملتقى المثقفاتية وفيها كبار الشعراء..!!
ناس عبد الرحمن الريح وناس عتيق واسماعيل خورشيد .. واصلا ناس الحقيبة ديل اتبعوا بي تربية الخلاوي فكان من الطبيعي يطلعوا فنانين ..
11-12-2006, 05:31 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
والله نحن زمان لمن كنا صغار ويجيك الراحل ابراهيم عوض وينهرك ..طبعا ابراهيم عوض اكبر مننا ونحن كنا شفع صغار ولمن نجي ماشين بي الزقاق ويا حليل امردمان زمان ..
11-12-2006, 05:34 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: ناس الحقيبة ديل عشان تعرفهم متعلمين كيف شوفو قال سمحة وجمالها فريد وخلقوها زي ما تريد!!! وطبعا زمان في ملكة إسمها متريد والناس طبعا مفتكراهو قاصد على كيفها !!!
مَتْريد هي شقيقة الأمير ( مَيْريد )
ملاسي : زمان .. الزمن الجميل أيام إبراهيم ملاسي و حسن علي عبيدي و علي داود و طلسم .. كانوا بيرسلونا السوق بي ( ريال ) واحد نجيب منو العيش و الفول و الطعمية و الجبنة و ( نبرشت ) فريني .. و الفريني يعادل ( قرشين ) .. و الطرادة ( سيئة السمعة ) تعادل خمسة و عشرين قرش.
تعرف يا عمر .. قالوا في ست إنداية إسمها ( أم نفسين ) .. أها في واحد يجي كل يوم العصرية يسكر و يقيف سلك أو لط في رواية أخرى. يجوا إتنين من أولادو العتاولة يسندوهو من إيديهو و يجروهو للبيت لأنو من الوزن التقيل. يوم و هو جارينو للبيت كالمعتاد .. شاف جارهم أولادو الأربعة شايلنو في عنقريب من إنداية تانية و هو راقد ناشف من البقنية .. أخونا قال لي أولادو : هيييه .. ديل ال بكَّروا و جو بدري
مرة حكيت القصة دي للأخ ترهاقا زميلنا هنا .. فقال و هو يتْدشا بفعل فاعل :
الجماعة كان بيهتفوا اضرب اضرب يا ابو القاسم .. حاسم حاسم يا ابو القاسم؛ و بعدين – منو كدا ما عارف – تدخل و قال لناس ابو القاسم فوهات دباباتكم دي موجهة نحو معامل كلية العلوم؛ و المعامل دي فيها كيماويات لو انفجرت بتفجر معاها الشرق الأوسط!!
11-12-2006, 06:38 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: تعرف يا عمر .. قالوا في ست إنداية إسمها ( أم نفسين ) .. أها في واحد يجي كل يوم العصرية يسكر و يقيف سلك أو لط في رواية أخرى. يجوا إتنين من أولادو العتاولة يسندوهو من إيديهو و يجروهو للبيت لأنو من الوزن التقيل. يوم و هو جارينو للبيت كالمعتاد .. شاف جارهم أولادو الأربعة شايلنو في عنقريب من إنداية تانية و هو راقد ناشف من البقنية .. أخونا قال لي أولادو : هيييه .. ديل ال بكَّروا و جو بدري
ونستك سمحة خصوصاً لي ناس كده ..
11-13-2006, 00:41 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ونستك ما حبااااااااااابا أبداً .. يا سامي ياخ انت شكلك حضرت ايام الهلال والمريخ فريق واحد وايام ود الاشول بيشوتها بي اليمين .. تخريمة : صحي الهلال حا يلعب في الدوري النيجيري؟
11-14-2006, 04:35 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: والرغيفة قدر قمر 14 والجرجير تاكلو تقول شربت قزازة بيبسي
العضّة عندك (دي تورية طبعا) والموضوع ما عندو علاقة بي الحجم ويقول ليك ياخ والله عيش الفرن البلدي اسمح من عيش الفرن الالي يا ولد امشي جيب عيش من فرن الحطب الفي الموردة داك .. والبيبسي ده اسكت خليهو ساي ..والله زمان تشرب جغمة واحدة الا تقفل نخرينك واراسك ده يسوي زنننننننننننننننننننن انت قايل بيبسيكم الاسة ده بيبسي ؟؟؟ بالمناسبة قمر 14 زااااااااااتو ما بقا قمر 14 زمان قمر زمان كان حنيييييين لكن الاسة ده قاااااااااااسي (والكلام ليك يا المنطط عينيك ) تحياتي..
11-15-2006, 01:14 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
تعرف يا تيتاوي معناها السودانيين ديل كلهم اولاد عم قول لي كيف: حتة قاعة الصداقة دي بالتحديد كده اي زول بيقول ليك ادوها لي جدي واباها والبيحيرني الناس القالوا لي الكلام ده اي زول من بلد .. واحد دونقلاوي قال لي الحتة دي كانت حقت جدي بس باعا للحكومة .. وواحد تاني من المناقل قال لي جدي قال اخير ليهو الجزيرة من الحتة دي .. وواحد تالت محسي حلفاوي قال لي ياخ دي زمان جدي حنسوهو حنيس عشان يشيلا ورفض !!!! انا ما عارف الناس ما بتختار جنينة الحيوانات ليي بس ماسكين في حتة قاعة الصداقة دي !!! اها ما قلت لي جدك برضو ادوها ليهو ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
Hussein Mallasi
Bakhaf
ابو جهينة
بدرالدين شنا
garjah
معتصم دفع الله
محمد سنى دفع الله
عامر تيتاوى
عزيز
الخير محمد عوض
فيس بوك
تويتر
انستقرام
يوتيوب
بنتيريست