قالوا الإمام بيصلي بي الناس في صلاة العصر وفي اثناء الركوع قام الإمام جاهو رعاف شديد(دم كتير جداً من النخرة) .. أها قام الإمام لمن شعر إنو الدم ده أبطل ليهو صلاتو قام جرّ المأموم عشان يجي يواصل بي الجماعة صلاة العصر.. الإمام مشى الاحواض عشان يغسل نخرينو وفجأة كده لقى ليك المأموم واقف وراهو !!!! الإمام قال لي المأموم : يا زول انت الجابك وراي شنو ؟؟؟؟؟ المأموم رد عليهو وقال : والله انا قلت إمكن تكون عايزني في موضوع ...
11-19-2006, 05:57 AM
wadahmed wadahmed
تاريخ التسجيل: 09-04-2002
مجموع المشاركات: 280
واحد من أصدقائي كان بالصف الأخير جاء رجل ووقف مكوناصفا لوحده ، رجع صاحبنا للخلف لينضم لذلك الرجل الواقف لوحده ، ولكن لدهشة صاحبنا قام زولك دخل في محله بالصف وتركه واقفا لوحده .
11-19-2006, 06:18 AM
امير عوض الجمري امير عوض الجمري
تاريخ التسجيل: 04-25-2006
مجموع المشاركات: 2560
قصة حقيقية امام بيصلي المغرب ووراءه صف واحد فيه زي عشرة انفار، فيهم اربعة عجايز بيصلوا قاعدين في اطراف الصف ، واحد عجوز سكران جاء راكب حمار ولما شاف الناس القاعدة في الصلاة جاء وقف بالحمار قدام الامام وقال له:- يا زول انت بتصلي كيف وجنباتك كلها واقعة؟
11-20-2006, 11:21 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
تجار جوار محطة سكة حديد عاوزين يصلوا المغرب مالاقين يزول يأمهم شافوا ليهم واحد مسافر جوار المحطة دقنه كبيرة قالوا تعال صلى بينا .. أثناء سجدة الركعة الأولى القطر جاء قام صحبك الأمام ولحق القطر وخلاهم ساجدين .. الجماعة ظلوا ساجين زمن طويل ظنوا أنه الأمام من شدة تقاهو جاتوا حضرة ..وهكذا ظلوا ساجدين مدة طويلة إى أنهوا شافهم جارهم قبطى مسيحى فقام قال ليهم ( الله أكبر .. ) فقاموا الجماعة لقوا الأمام مافى ..
11-20-2006, 01:20 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
عندنا في حلتنا زاويه صغيره بنصلي فيها , قاموا ناس اللجنة بتاعت الزاويه فرضوا علي أي زول يجي يصلي العصر مبلغ 10 جنيهات لزوم يعملوا صيانه للزاويه , أها في واحد عمك كدا ناشف والكلام ما عجبوا , بقي يصلي العصر في البيت وساب ليك الزاويه دي خالص , الجماعه مشوا يفقدوهو قالوا يمكن عيان فمشوا لقوهو ليك نصيح يتلتل ولمن سألوهو ما بتجي صلاة العصر مالك يا زول قام قاليهم أجي تاني كيف اذا كان الركعه الواحده واقعه لي ب أتنين جنيه ونص.
هاكم دي من الفرن: الشيخ حسن نصرالله اوفد نانسي عجرم لتفاوض اسرائيل, فقضت فترة بتل ابيب وعادت وهي حامل, فقال لها الشيخ "شو عملتي يا فاجرة, ارسلك تفاوضي تجيلني حامل" فقالت نانسي "صبرك مولاي جبتلك اسير"
11-21-2006, 01:22 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
واحد غتيت جداً جداً جاي ماشي جمب البحر لقى زول بيغرق .. الزول البيغرق كورك للغتيت الحقني يا ابو مروووووووووووووووووووووة .. الغتيت قال ليهو : يا زول الحق ليك شنو خلاص يومك جا
11-21-2006, 01:23 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
واحد غتيت جداً جداً جاي ماشي جمب البحر لقى زول بيغرق .. الزول البيغرق كورك للغتيت الحقني يا ابو مروووووووووووووووووووووة .. الغتيت قال ليهو : يا زول الحق ليك شنو خلاص يومك جا
يا عمر وللسعوديين نكات في الصلاة لا تحصى، في يوم واقفين في صلاة التراويح قبل نحو ثلاثة سنوات، إذا بجوال السعودي الذي يقف إلى يميني يرن، صاحبنا طلّع الجوال من جيبو وعاين في الرقم، لقاهو زول عايزو على ما يبدو، عمل خطوة للخلف وفتح الموبايل وقال: (هلّــــــــلا) بتاعت السعوديين ديك وشتت ساب الصلاة ...
عارفك مكجني ختها على جنب كده وأضحك
11-21-2006, 02:32 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ياخ والله حرام عليك .. انا ما قاعد اكجن لي زول وما بلخبط الكيمان ولي كل حادثة حديث يعني في بوست ممكن تلقاني حاتيهو معاك قرض وفي بوست تاني اجي اسلم عليك عادي ده براهو وده براهو ..
بالمناسبة انا الايام دي اطلقت حملة زي حملة ناس ماكدنولادز " أنا أحبه " وعندي New Look بتاع زول طيب ومسكييييييييييييين والحملة دي حا تستمر لحدي نهاية السنة .. دي عروض الشتاء ويوجد خصومات تصل الى 50%..
سلامات وتحياتي لي حوتة وبالله خليهو يطلع زي محمود عبد العزيز ما زي محمود حقكم سمح ؟
Quote: سلامات وتحياتي لي حوتة وبالله خليهو يطلع زي محمود عبد العزيز ما زي محمود حقكم سمح ؟
يشيل من محمود حقنا كل صفاتو ومن محمود عبد العزيز احساسو ورقتو في الغنا، وكده حبايب يا مان. وبعدين بالمشاركة دي نكون قدمنا في عروض الشتاء بتاعت "أنا أحبه" ونأمل أن تستمر إلى ما بعد ما بعد نهاية العام ... كسرنا ليك تلج مع الصباح والدنيا برد ... شوف تجاذفهاكيف دي ...
11-21-2006, 05:27 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: كسرنا ليك تلج مع الصباح والدنيا برد ... شوف تجاذفهاكيف دي ...
يا زول نحن في الشتاء ده ناس مسوح سااااااااااااااااااااااااااااااااي.. والله الكرعين زي كرعين الدحش غببببببببببببش ومجلطينها بي النيفيا بعد ان تطورت المرحلة من زيت الفهد والسمسم وزيت عباد الشمس دحين يا زول تلجك ده لمّو عليك وما تكسروا بتحتاج ليهو في سماية الولد تختوا في البراميل عشان قزايز البيبسي .. ومن أسة انا بمسك ليكم مفتاح البيبسي عشان الجكس يجي يحنسني اديهو صندوق بيبسي للضيوف اها عليك الله شفتني زول ضانايا ومسكين كيف والغنماية تاكل عشاي (طبعاً الغنماية دي انا ما قاصدك انت ).. وخلاص يا زول عملنا ليك الخصم وعندك هدية تاخدها من الكاشير قسيمة تسوق لمدة 6 شهور في بوستاتي مجاااااااااااناً تقول فيها العايزو ..
Quote: يشيل من محمود حقنا كل صفاتو ومن محمود عبد العزيز احساسو ورقتو في الغنا،
غايتو لو كنت دقست وقلبت الدعا وقلت يشيل من محمود عبد العزيز كل صفاتو ولدك ده الشافو عقد على حنان بلو بلو ماااااااااا كضب
واحد مسطول واقف في شارع النيل وجوا ناس التلفزيون بعملوا إستطلاعات فسألوه :رأيك شنو في ظاهره الزواج المبكر ؟؟ عاين كده قام قالليهم: حوالي الساعه كم كده يعني
11-21-2006, 06:50 AM
Haytham Abdulaziz Haytham Abdulaziz
تاريخ التسجيل: 05-28-2006
مجموع المشاركات: 2899
أهــا هـاكـم دي حصـلت جد جد ... في الحلة الجديدة ..
في زواية في نص الحلة .. عندي صاحبي جرى يحصـل صلاة العشاء .. و كان النور قاطع و كالعادة قال الله أكبر بس بصوت عالي شوية و كان في الركعة السرية الأولى ... طبعاً باقي الجماعة كلهم قامو ركعوا ... و الركعة طالت شوية .. قام النور جا فجأة .. صاحبنا دة لقى نفسو هو و الإمام بس الواقفين و الجماعة كلهم راكعين...
11-21-2006, 06:58 AM
منصوري منصوري
تاريخ التسجيل: 09-28-2003
مجموع المشاركات: 2504
عمر الفاروق معليش أقبل مني دي؟ طبعاً كجو ترويحي في المنبر لاباس.. مرة مرة كدة الترويح لكن بكل المقاييس انا بفتكر النكتة سمجة ولاتستحق الواحد يضحك فيها تلاتة يوم.. وإذا أنت ضحكت فيها تلاتة ايام.. دا تقصير من جانبك بالتأكيد في واجبات أخرى دينية وحياتية بالتأكيد.. كانت أهم بالرعاية هذه الواجبات الحياتيتة أو الدينية، كانت أجدر بأن يكون همك فيها وتفكيرك فيها وحلولك لها، وتمرغك على طلب الدعاء أو الخلاص من اي شي كبير كان أو صغير أهم من أن تضحك في نكتة سمجة تلاثة أيام حسوما.. ............. ثانياً.. دايما ألوم على الكتاب والإعلاميين الإيتاء باخبار نصف حقايق ومبتورة ومقلصة ومخلة.. على الأقل الجحود بإسهام الآخرين وعدم إرجاع الفضل الى أهله.. ......... وخير مثال على ذلك نكتتك التي ذكرتها أنت الآن؟ ......... هذه النكتة قيلت في حلقة تلفزيونية قبل ثلاثة أيام فقط كانت سهرة رائعة مع الفنان حسين شندي.. وأعيدت السهرة في الصباح؟ ....... سأله مقدم السهرة ياحسين إنت دمك خفيف وراجل بتاع نكتة كدي قول لينا نكته.. ومقدم السهرة كان طارق جويلي.. فحكى حسين نكتتين كانت هذه أولاهما.. ........ أما كان الأجدر بك أن تنسب الفضل الى أهله وتقول وفي ذلك يرجع الفضل الى حسين شندي.. ما بحب الناس تبتر حقوق الآخرين.. الأدبية والفكرية وإن قلت هذه الحقوق.. والمؤشر الصغير في ذلك دلالة على المؤشر الكبير.. والنقص في الصغائر يرمي بالإنسان في حظيرة الكبائر وأنت رجل اسمك عمر الفاروق وسمي بالفاروق لأنه فرق بين الحق والباطل وأنت ياسيدي لقد بدأت هذا العمل السمج وخليت الناس كلهم يمشوا وراك في نكات عن الصلاة وهو أمر يستحق التقديس من جميع أطرافه لا الهظار فيه باي شكل كان وباي نحو كان وباي صورة كانت.. والنكتة هي نكتة في الحقيقة ما افتكر أن هنالك مأموم من البلاهة بحيث يبدر منه مثل ذلك ودرجة المأموم في صف الصلاة دائما يراعى فيها أن يكون المأموم أكثرهم علماً بعد الإمام عشان إذا غلط في القرآن يصححه وإذا زود ينبهه وإذا قصر يدله وهكذا فعندي أنت رجل جاد ياعمر أولاً أنسب الحق لأهله.. وربك يعلم خائنة الأعين وما تخفي الصدور ثانيا أبعد عن الهزل في امر الصلاة وامور الدين عامة لأن وزرها متعدي ومستمر وحسابه سريع ثالثاً كيف نكتة تستحوذ على فكرك تضحك ثلاثة أيام هذا مؤشر خطير على نفسك يستحق المراجعة الفورية ولك مني السلام ياعمر ..
11-21-2006, 07:08 AM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
الأخ منصوري: تحياتي .. واهلنا زمان قالوا اسمع كلام البيبكيك ما تسمع كلام البيضحكك .. كلامك في مجمله صحيح وان اختلفنا في بعض التعابير لتوصيل الفكرة .. طبعاً بالنسبة لموضوع نسب النكتة فالمعروف انو النكات في الغالب لا تنسب لشخص معين وهي من الاشياء المتداولة وهي بكل تأكيد تم تناقلها قبل حسين شندي وبنفس الطريقة حكاها حسين شندي نفسه ولا اعتقد انك سمعت حسين شندي عندما حكاها قد اشار لشخص قبله!!!!! فبالتالي النكتة بصورة عامة الناس ما بتطولها وبتخش فيها طوالي.. وبالمناسبة انا اتحكت لي نكات الحلقة قبل ما احضرها في التلفزيون عن طريق خالي وشاءت الصدف انو احضر الإعادة بعد داك !!!!! وبالمناسبة (دي ما عندها علاقة ) لكن الخلاني اتابع الحلقة لأنو الخال قال لي حسين شندي جا لابس البدلة بي القطعة البتتثبت في البدلة في المحلات التجارية ومفروض كان البائع يقلعها وزولك حسين شندي جاي قاشر بيها قايلها حركة ..
عموماً نرجع للموضوع الاساسي .. انت في معرض حديثك تعرضت لي المأموم ومواصفته وبما انك اديت الموضوع جانب الجدية فيا منصوري مفروض تكون من اعلم الناس كيف يتم اختيار المأموم في السودان تحديداً .. معظم لمأمومين في السودان عندنا من كبار السن الغير متعلمين ولا متفقهين في امور الدين ومعظمهم بياخد الشغلانة بي نظام الاقدمية أو القرب من الجامع ومعظمهم لا يحفظ القرأن ولا فقه السنة ولا التوحيد ولا العبادات حتى .. وفي دي يا ريت توافقني لأني والحمد لله كنت من مرتادي المساجد في السودان واعرف كيف تدار المساجد عندنا في السودان .. نعم لا يجوز الاستهتار والتندر بالصلاة لكن يا منصوري صدقني عندنا المأمومين في السودان تحصل منهم اكبر من الكلام ده ومعظمهم ما بيعرف يعالج الامور دي .. وانا شخصياً صاحب تجربة في صلاة جمعة شهيرة جداً في جامع الثورة الحارة 14 لحدي اسة الناس ما عارفاها مقبولة ولا لأ لما جرى فيها من جهل بأمور الدين سواء من الإمام أو المأموم والقصة طويلة لا مجال لذكرها الان ..
يبقى يا منصوري اتفقنا في نقطة وهي عدم الضحك في امور الدين واختلفنا في نقطتين هما نسب النكتة وموضوع المأموم .. وبالمناسبة ما حصل انا نسبت لي كلام حق زول وقلت ده حقي وكل المحتاج لي توضيح يتم توضيحه لكن صدقني يا منصوري لو الزول حا ينسب النكتة لي شخص معين فستكون السلسلة طويلة جدا ...
تحياتي ..
11-21-2006, 02:06 PM
منصوري منصوري
تاريخ التسجيل: 09-28-2003
مجموع المشاركات: 2504
عندنا واحد في حلتنا معلق مفتاح قزايز البيبسي في سلسلة مفاتيحو. و لا بيستأذن ناس العرس ولا شي. قبال البيبسي يبرد تلقاهو مارق المفتاح زى كرت حكم الكورة الأحمر.. يتبسم للجكس .. و يزمجر لأبان شنبات
11-22-2006, 06:13 AM
toona toona
تاريخ التسجيل: 01-09-2003
مجموع المشاركات: 326
ابكر عرس لبنانية شرط قاطعة وهو كان متزوج قبليها بـ حفصة
اها ابكر جا لي حفصة وقال ليها ، يا حفصة بما انو العرس حلال ، وبما انك الزوجة الاولى ، فانا بقترح انو نقسم الايام بيناتكم انت يوم في الاسبوع وبتنا اللبنانية 6 يوم
حفصة ردت وقال ليه : كو ( كو بمعنى لا )
قال ليها خلاص هي 3 يوم وانت يوم
حفصة ردت وقال ليه : كو
قال ليها خلاص اخر شي : انت يوم وهي يوم
حفصة ردت وقال ليه : كو
قال ليها حيرتينا يا حفصة انت عاوزه شنو ؟
ردت حفصة وقالت ليه :
انت يوم وانا يوم
11-22-2006, 09:03 AM
محمد زمراوي عبدالعزيز محمد زمراوي عبدالعزيز
تاريخ التسجيل: 07-19-2006
مجموع المشاركات: 404
كنا في الكلاكلة القلعة نلعب كوشتينة في بيت واحد صاحبنا وعند المغرب قمنا نصلي جماعة طبعا اكتر من ناس المسجد الملاصق للبيت وطبعا مستعجلين عشان القيم وكدا وامامنا شطة بس.
طبعا احنا فايتين المسجد في الصلاة وبقينا في الركعة السرية الاخيرة وصانين كدا فاذا باما المسجد يقول ولا الضالين بصوت الميكرفون طوال والحد من الواقفين معانا في الصلاة آآآآآآآآآمين وبصوت جهوري للدلالة على متابعته للقراة الجهرية... فضحكنا ضحك طفلين معا وسمونا... وعد الصلاة طبعا.
انتو ما طالبيني حليفة لكن والله حصلت
11-22-2006, 10:59 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: طبعا احنا فايتين المسجد في الصلاة وبقينا في الركعة السرية الاخيرة وصانين كدا فاذا باما المسجد يقول ولا الضالين بصوت الميكرفون طوال والحد من الواقفين معانا في الصلاة آآآآآآآآآمين وبصوت جهوري للدلالة على متابعته للقراة الجهرية... فضحكنا ضحك طفلين معا وسمونا... وعد الصلاة طبعا.
مبااااااااااااااااااااااااااااااااااااااالغة ..
تخريمة : يا ابو جهينة ياخ زولك ده والله منقة بس ..ما تعرفني بيهو ياخ
11-22-2006, 02:19 PM
hatim hatim
تاريخ التسجيل: 03-06-2003
مجموع المشاركات: 743
واحد صاحبنا أتوفي في الحي والجماعة جهزوا الجنازة وعايزين يدفنوها وما لقوا حد يصلي على الجنازة..واحد أخونا عمرو ما زول آخرة..طلبو منو يصلي فاتقدم للصلاة.. وقف مسافة كده والجماعة وراه...وفجأة ركع .. وهو راكع سمع همهة كده وبسرعة قام من الركوع.. وقال: أب سوري يا جماعة نعيدها تاني....
( قالو واحد غتيت عرس ليهو واحدة غتيتة ، جابو ليهم ولد أبو الغتاتة زاتو ، اتغاتت عليهم عمل فيها ميت ، قامو اتغاتتوا عليهو دفنوه !)
إتنين أصحاب واحد فيهم حاقر بالتاني شديد و بيخوفو باستمرار مرة ماشين مع بعض في الشارع الخواف قعد يكورك: هي شريكي ريال التاني قال ليه هاتو هنا ده ريالي الخواف رفع العملة لقاها شلن ما ريال ناول الشلن لي صحبه و قال ليه: هاك تكون داير مني شلن !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
wadahmed
امير عوض الجمري
محمد عمر الفكي
Moawia Mohammed
أبو ساندرا
محمد فرح
Haytham Abdulaziz
منصوري
عاصم ابوبكر حامد
ابو جهينة
toona
Bakhaf
محمد زمراوي عبدالعزيز
hatim
فيس بوك
تويتر
انستقرام
يوتيوب
بنتيريست