دعواتكم لزميلنا المفكر د.الباقر العفيف بالشفاء العاجل
|
|
 عندما سأل تمبس.. ما معنى السودان الجديد ؟؟
|
سؤال بسيط جداً وصغمبروتي خالص ..
كل يوم بنسمع بالمصطلح ده والظاهر إنو طالع موضة زيو وزي اسماء الموبايلات أو اسماء القمصان أو اخر التسريحات ..
اتوقع انو تسمية السودان الجديد هي موازية لتسمية امدرمان القديمة ..
ولكن الكل يعرف لماذا نسمي امدرمان بامدرمان القديمة فهل يعرف احد لماذا اطلق اسم السودان الجديد ؟؟
لا ترهق نفسك يا تمبس فلن تجد الإجابة إلا عندي ..
السودان الجديد مقصود بيها انو السودان يبقى كرت كرتونة ..
يبقا جديد لنج GL
يبقى سودان From The Paper (يعني من الورقة)..
طبعاً في إجابة نموذجية حايمة لمعنى السودان الجديد بتقول " هذا يعني ان السودان للجميع !!"
طيب ياخ الفرق شنو بين New Sudan وبين Sudan 4 All ؟؟
مش كان يسموهو سودان الجميع بدل تسمية السودان الجديد دي؟؟؟
لن تجد الإجابة يا تمبس ولو سألت أهلها في عقر دارهم ففي زمننا هذا اصبح من السهل جداً أن تفوز في أرض الخصم ففي كرة القدم إنتهت إشاعة عامليّ الأرض والجمهور ..
وحتى تحصل على الإجابة يا تمبس اوصيك بأن تعض بالنواجز على سودانك القديم فنحن قوم تعودنا أن كل ما عو قديم كان هو الأفضل والأجمل فهاهم يقولون ان غنائنا القديم كان أجمل وأن كورتنا القديمة كانت أجمل وأن طباعنا القديمة كانت أجمل وأن تعليمنا القديم كان أجمل وان عملتنا القديمة كانت اقوى ..
فلماذا لا يكون السودان القديم أفضل؟؟؟
تخريمة :
في خطاب لي جون قرنق لتنوير الجماهير عن معنى السودان الجديد هتف قرنق قائلاً :
" يلا يا شباب نبني السودان الجديد "
فما كان من احد الحضور إلا ان لكز صاحبه قائلاً :
" يا زول والله انا ما عندي مشكلة بس بيدونا يومية كم عشان نبني السودان الجديد ده؟" ..
|
|
 
|
|
|
|
|
|
|
|
Re: عندما سأل تمبس.. ما معنى السودان الجديد ؟؟ (Re: hatim)
|
الفاروق
هل تعرف ان اول من سمى عاصمة الهند هو محمد ابو القاسم الفاتح الاول اطلق عليها اسم دلهى ومعناها العتبة الاولى وبعد ما ذهبت دولة الاسلام.. سميت دلهى القديمة(old delhi) وعملو جنبها واحدة تانية اسمها (new delhi) وبقت دلهى القديمة اثرية وصارت حى من احياء دلهى الجديدة..دى بالنسبة لتغير العواصم.. اما تغير الدول يعمينى ما سمعت بيه..الا فى افريقيا..مثالا الفولتا العليا سموها فاركينا فاسو...تغير اسم
اما لو سالونى عن معنى السودان الجديد..فسوف ارد باننى قد نشاءت فيه وترعرعت فيه فانه هو مدينتى ابقوتة...لان سكانها من جميع مدن السودان..كواهلة .جعلينين..شوايقة..نوبامن الجبال ال99 , وهنالك حى يسمى حى الدناقلة...زغاوة ,فور, مساليت..دينكا , شكلك , نورير, محس , حلفاوين فى حى الزراعة...تامة, رزيقات..حلب , بقارة..كبابيش بجو فى موسم الحصاد..ومن ما ولدنا لا..فى التاريخ القديم او الحديث سمعنا بجريمة قتل الا مرة واحدة والقاتل كان نويراوى ..قتل واحد كاهلى من سكان المنطقة الاصليين وابوه شيخ حلة من ريفى ابوقوتة ,فجاء والد القتيل لوكيل النيابة وعفى عن النويراوى بحجة ان ولده صعلوك وغير محترم..وسبب له مشاكل واحراجات مع ناس كتار..واكيد بكون هو سبب المشكلة ..فالجنوبى برىء..وعلى طول اطلقو سراح المتهم..لكن اى مجموعة من الناس ديل لهم خصوصياتهم فى الزواج ..ولكن يلمهم الفرح والكره..واالرياضة والسوق والحواشات
دا السودان الجديد..ومعنى كلمة جديد...
| |
|
|
|
|
|
|
|
|
|
Re: عندما سأل تمبس.. ما معنى السودان الجديد ؟؟ (Re: عمر الفاروق)
|
ابقوتة :
تعرف السودان ده كلو ابقوتة وفي كل مكان التعايش ده موجود وفي كل بلد بتلقى فقط التقسيم للتسمية حي الدناقلة وحي الزغاوة وحي الجعليين ورغماً عن ذلك التعايش حاصل..
طيب ده مش السودان القديم ؟؟؟
المشكلة وين ؟؟؟
انا لو مكانك اقدم لي قوى الإستنارة ديل مقترح يسمو فيهو السودان الجديد بي أبقوتة .
تحياتي..
| |
|
|
|
|
|
|
|
|
|
Re: عندما سأل تمبس.. ما معنى السودان الجديد ؟؟ (Re: عمر الفاروق)
|
Quote: السودان الجديد لو عاوز تعرف معناهو أقرأ موضوعاتو المطروحة..
وحتعرف |
..
ايوااااااااااااااااااااااااااااااااااااااا..
ديل ناس القص واللصق والكوبي بيست ولا ناس تانيين؟؟؟
يا زول اللي نسى قديمو تاه ..
ولو السودان الجديد عايزين تبنوهو بي النقة والكلام والتنظير فهذه مونة واسمنت منتهية الصلاحية ..
| |
|
|
|
|
|
|
|
|
|
Re: عندما سأل تمبس.. ما معنى السودان الجديد ؟؟ (Re: عمر الفاروق)
|
حلالالالالالاتو يا ناس الله....
شفت البورد دا بدأ يغير فيك كيف
وتتذكر زمان لمن قلنا ليك حننفض عنك ثقافة الخيران.
أها شايفك خليت الكتابة عن ناس حمادة يت وحواء كرشوم وفايزة أم جضوم وبقيت تكتب في غير مجالك داك.
ولد دا
موضوعين ما عن جماعة الخيران في أقل من أسبوع؟؟؟؟
علي اليمين دي هيكل ما يعملا.
يللا خليك كدا.
وأوعك ترتد عشان أجر بكري ما يضيع (والله ياخي أنا خايف لأنو العرجة لي مراحا)
معليش هو كلامك دراب دراب لكن برضو أحسن من الكلام عن ناس حمادة يت. والعافية درجات.
والله تواصل كدا الغين بتاعة الفاروغ دي الجماعة يقلبوها ليك قاف في شهر واحد.
وبعد شوية علي اليمين تكتب اسمك
عمر الفاروق
مفكر ومحلل استرتيجي
| |
|
|
|
|
|
|
|
|
 Re: عندما سأل تمبس.. ما معنى السودان الجديد ؟؟ (Re: JOK BIONG)
|
عمر .. والأخوة الحضور
سلامات
بالرغم من توقفي عن الكتابة بسودانيزاونلاين لظروف عملية وظروف أخرى خاصة .. لمحت البوست هذا .. وهو امتداد لي بوست سبق طرحته في بورد السودان الجديد .. أو كما يزعمون.
احييك .. واشكرك في عودتي المؤقتة جدا ..
مفردة السودان الجديد حسب الأطروحات التي يبشرنــا بها معظم رواد ومؤسسي المنبر المجاور ومن ناصرهم .. عبارة اصبحت هزيلة زيهــا وزي اي عبارة بتتقال والسلام .. حتى اختلطت مع الهواء بسبب تناقلهــا من غير وعي أو إدراك أو تفشي قبلي ، أو طرح عنصري .. وما وجدته هناك هذه المرة استعملت مثل الجلابية ( جنــاح أم جكــو ) محلات ما تمسك تلبس ـ لا احب ان اناقش فكرة ذاك البورد لكن حبيت بعد دخولي إليه بدعوة من بعض الأصدقاء أن أطرح وجهة نظر مغايرة أتت بمفهوم مختلف حتى في المسمى .. فمفرده ( سودان قديم ) تلقفهــا بعضهم وعملوا منهــا ( شربات ) وتم ( رجمي ) بعدد مهول من النسخ واللذق من القصيدة المشهورة ووصمي بالكوزنة .. ولربما إذا اشرق علي صباح اليوم لنفاني بعضهم خارج الشبكة العنكبوتية .. هذا لا يمنع أن بعض الأخوة الكرام تقبولني بالترحاب .. فكانت تجربة اثبات ( أن الديمقراطية ) يصعب تطبيقهــا من دعاتهـــا ..
أما مفردة السودان الجديد يبدو لي انها ستظل عالقة في الاسفل ويصعب إجابتهــا ممن قصدتهم تحديدا وحددتهم ( بوطاويط السودان الجديد ) وهم كذلك .. فوجدتهم يتحاومون حول البوست ولا أدري سبب واضح هل هو عدم ترحيب بالرأي الآخر .. أم هم ( مكجنني ) خلقة وأخلاق ..
أرجــو أن يتواصل بحثكم هنـــا من المهتمين عن هذه العبارة التي اعتقد أن هناك من هم يحملون الوعي الكامل الذي حتما سيقودنــا إلى ماهية هذه العبارة.. أتمنى إذا عدت مرة أخرى قريباً أن أجد ما أبحث عنــه .. شكرا لك وللجميع ..
| Quote: تمبس ده زاتو من السودان الجديد.. |
خــالد الـ Adsmin ..
طبعا المحل ده ما تصفية حسابات .. وشايفك عايز تتزاكي .. ونزلت الرابط بتاع الموقع هنــا بعد علمك ان بكري قام بحذف البوست الدعائي بتاعك كما أشار أحد الأخوة في بوست آخر.. لا تعتقد ان بإدراجك لهــذا الرابط سوف يتم ترحيل البوست إلى سلة المهملات .. كما تعلم وفي آخر مداخلة مع طبيبكم المتخصص بوصم المختلفين معه في وجهة النظر بالكوزنة والعمالة كما تعلم خرجت من البورد الذي تروج له هنــا بعد ما وضحته لك وهو حذفك لمداخلتي وترك مداخلة صديقك الإداري .. من ناحية .. والملل الذي تسرب إلى نفسي من مداخلات الدكتور المزعجة الفارغة المحتوى التي لا تجد أي معامله تليق بها من قبل إدارتك وأنت على رأسها.
عليه يا خـــالد..
اقولهــا لك كما قلتها بالفم المليان طالما أن السودان الجديد تبشر به أنت .. ود. مصطفى .. وغيرك من الوطاويط .. تجدني سودان قديم جدا .. وتجدني من اشرس من تواجهون في حياتكم النضالية المزعومة .. أنت وغيرك ، ستتم تعريتكم بالرغم من عريكم الواضح وما اثبتوه عمليــاً في سودانكم الجديد السايبيري ..
لا أحمل ضغينه على أحد كما تتصورون .. لكن كل طرح فطير منكم .. سيجد عندي ما لا تشتهونه ، ولا تعتقد أن هذه حرب اعلنهــا عليكم من سودانيز أونلاين .. حتى لا تتسارعوا وتخلقوا بها ( كيته ) تضخمون بها مساحتكم على الشبكة .. فأنتم سقطم في أول اختبار للياقة البدنية .. كنت بينكم وما وجدت منك غير الحذف الأعمى .. وترك ( الفيــل وضلــو )..
..
تحلى بنوع من الوعي .. وأحذف الرابط الذي ادرجته بغرض ما وضحته لك أعــلاه .. فسودانك الجديد إذا قام على اسس ثابتة وكيان مستقل لا يحتاج منك إلى هذا الكم الهائل من الذكــاء وزرع الروابط لجلب العضوية ومن ثم ( فلترتهم ) كل حسب ميوله .. إذا كانت لكم فكرة تعتقدون ان اساسها ثابت لاتحتاجون إلى هذا الترويج .. ولا تحتاجون إلى نقل محتويات هذا الموقع الذي علمكم الكثير وخلق من معظمكم اسمـــاء تتبجح الآن في أعلى المنابر ورسالتي لك وأنت المشرف العام على موقعكم .. أن اهتموا بتطوير انفسكم .. فما بنى على اكتاف الغير لن يصمد طويلاً .. بطرفك الكثير من الأمثلة لكثير من المواقع الألكتورنية التي هي عبارة فقط عن ايقونات ومسميات .. لكن في الأصل .. صراع تشفي واضح..
طالما دخلت هنــا أرجو أن توصل رسالتي ( للوطاويط ) أما الواعيين من البعض منهم فلهم التحية .. وحتما لو اتبعتوهم سوف تصلون أولاً لمعني السودان الجديد لفظــاً .. ثم السودان الجديد ( قيمة معنوية ) ثم السودان الجديد فكر يترجم على الواقع..
| |
|
|
|
|
|
|
|
|
|
Re: عندما سأل تمبس.. ما معنى السودان الجديد ؟؟ (Re: tmbis)
|
أجمل حاجة إنو المنبر الجديد دخلتوا من الخور رعم
إنو الدعاية كانت قدامي هنا لفترة و لمن دخلت
إذا بي أفاجأ بتمبس هناك و عند رؤيتي لعنوان
البوست "السودان القديم" لم اتمالك نفسي بصراحة
ف لووووووول..
و يا تمبس أخوي وفر زمنك..محتاجنك هنا..
و سودان (البذاءة) الجديد دع (الشرفاء)
يهنئوا به!
| |
|
|
|
|
|
|
| |
عمر الفاروق
hatim
abuguta
Bakhaf
JOK BIONG
tmbis
saadeldin abdelrahman
humida
فيس بوك
تويتر
انستقرام
يوتيوب
بنتيريست