الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 03:49 PM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

عمر "النقيّ"..لست "نقيّاً" فأرفع يدك عن الهلال

03-10-2007, 04:23 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
عمر "النقيّ"..لست "نقيّاً" فأرفع يدك عن الهلال

    عمر النقي مقدم برنامج عالم الرياضة الحالي بتلفزيون السودان خلفاً لكمال حامد ولاعب نادي الهلال السوداني السابق يبدو أنه يصفّي حسابات قديمة تجاه نادي الهلال العظيم (والعظمة لله)..
    وقبل أن نتكلم عن ملاحظاتنا تجاه عمر النقي لابد أن نذكره بشئ صغير ربما هو نفسه لم يفت عليه ..
    فالهلال يا عمر النقي هو من جعل منك شخصاً معروفاً وهو من جعل منك شخصية عامة يعرفها الجميع ولولا الهلال لكنت الان من النكرات الغير معروفة اللهم إلا في إطار عملك الخاص..
    ولابدّ قبل ذلك أن نشير لعمر النقي اللاعب أنه عندما جاء للهلال جاء حين غفلة من الزمان ولم يكن يومها لك مكاناً بين نجوم كبار وعمالقة أمثال طارق ومجدي والعوني واسامة الثغر وكندورة وحمد ووليد وغيرهم من العمالقة
    ولكنها سخرية القدر وحدها وحظوظ وربما دعاء والدين أستجيب فكنت بين عشية وضحاها لاعباً في فرقة الهلال الماسيّة ..
    نعم يا عمر النقي لم تكن لاعباً حريفاً ولم تكن لاعباً يشار إليه بالبنان ولم تكن حتى من الااعبين المؤثرين في التشكيلة ..
    نعم يا عمر النقي لم تكن إلا لاعباً يمتاز بالسرعة تدفر الكورة قدامك وتجري وتجري وتجري وبعد داك إنت وحظك يا في جريتك دي خشيت القون يا طلعت برة الملعب..
    نعم يا النقي اليوم الذي ظهرت فيه لتثبت نفسك كلاعب ظهرت في أوهن وأضعف بطولة في تاريخ الكرة العالمية وهي بطولة سيكافا واذكر أنك حينها كنت هدافاً لها في مجموعة الهلال في مدني ويا لعجبي كل اهدافك فيها كانت اهداف مقشرة وجاهزة وعلى طبق من ذهب يقدمها لك باقي اللاعبون..
    إذاٍ يا عمر النقي محصلة كل هذا الحديث هو تذكيرك بمستواك الفني كلاعب للكرة حتى لا يفوت عليك ذلك وحتى لا تحسب نفسك من عمالقة الكرة في بالدي وحتى لا تحاول ان تقحم نفسك في موسوعة هلال 87 ..
    أكتب هذا الحديث اليوم وبهذا الإنفعال كردة فعل طبيعية لتجاهل عمر النقي الواااااااااضح والصريح لفريق بقامة نادي الهلال ..
    أكتب اليوم لأذكّر عمر النقي باليد التي أمتد له وحملته وقدمته للناس فكان الجزاء أن عضّ عمر النقي على هذه اليد ..
    أكتب اليوم لأقول لعمر النقي ما هكذا تورد الإبل ولا هكذا يكون رد الجميل..
    أكتب اليوم لأقول لعمر النقي ليس هكذا يكون التشفّي ولا هكذا تعاقب جمهور الهلال بسبب الإنتخابات التي عرفت فيها قدرك وعدم الرغبة فيك وأن جمهور الهلال الذواق لا يعتبرك من العمالقة فكان أن أحرزت في الإنخابات الرئاسية للنادي نسبة لم تتجاوز ال3% من أصوات الناخبين ..
    ما يقوم به عمر النقي هي نظرية المؤامرة المكشوفة من إدارة التلفزيون القسم الرياضي بقيادة هذا النقيّ الذي وبكل أسف لم يكن "نقيّاً " تجاه الهلال وجمهوره ..
    كنت أترقب ومنذ فترة طريقة ولوج النقي للبرامج الرياضية وذلك عبر قناة النيل الأزرق ورويداً رويداً دخ تلفزيون السودان وازاح كمال حامد عن المنصب...
    وكل ذلك بسبب تغزله الواضح والصريح في فرقة المريخ وفي الأتحاد العام بينما يحاول بقدر الإمكان إضعاف الهلال كإدارة ولاعبين وجمهور !!!
    نعم يا عمر النقي كنت تحاول إثارة الفتن في برنامجك وأنت تستضيف قادة الإتحاد عندما تكون لديهم مشاكل مع الهلال وكنت تقف دوماً في صف الاتحاد لتنتقم من هذا المجلس الذي فشلت في دخوله ..
    نعم يا عمر النقي فاحت الرائحة وانت تستضيف جمال الوالي في حلقة كاااااااااااملة ليحدثك عن إنجازات المريخ وسير خطة المريخ و واداء المريخ وإستعدادات المريخ بصورة متملقة ظااااااهرة وواضحة ..
    وبالأمس إستكملت يا عمر النقي مسلسل المهازل والترصد للهلال وأن تعرض مباراة المريخ والقطن والتي خسر فيها المريخ بصورة فاضحة ومخجلة ورغماً عن ذلك جعلت من المريخ بطلاً لا يقهر وفريقاً مظلوماً بل وذهبت لأبعد من ذلك فبشّرت جمهور المريخ بطول بقاء ..
    بينما بخّست إنتصار الهلال وصعّبت من مهمته وأختزلت إنتصاره الذي أفردت له كل وسائل الإعلام العربية مساحات أكبر من مساحتك بينما أكتفيت أنت فقط بتعليق لم يمتد لدقيقتين !!!!!!!
    المريخ اذي عرضت شريط مباراته وحاولت أن تقنع الناس أن ضربة الجزاء التي ارتكبها لاعبوه غير صحيحة كانت شيئ مخجل !!!
    فضربة الجزاء كانت أوضح من الشمس ولو كان النعام ادم حكماً لأحتسبها !!!!
    تسديدات المريخ التي حاولت أن توهمنا أنها كانت هجمات خطيرة وقذائف وصواريخ كانت واضحة تمااااااااماً انها تسديدات ضعيفة عشوائية طائشة ..
    صدقوني لا أنتقد فريق المريخ ولكن فعلاً هكذا بدت الأمور..
    بينما يا عمر النقيّ الذي لم يعد " نقيّاٍ " تحدثت عن إنتصار الهلال التاريخي بشئ من البرود بل وذهبت لأبعد من ذلك وتحدثت عن هجمات الزمالك الخطيرة أكثر من هجمات الهلال بل وذهبت للأبعد فتحدثت عن هدف القطن في المريخ وعن اسداء النصح لمدافعين المريخ بينما لم تعلق ولو لثانية عن هدف مهند الطاهر الروعة ولو بالإشادة ..
    وحتى لقطات الشوط الأول التي إخترتها لم تختار لنا اللقطات التي أضاع فيها رماة الهلال الأهداف وفقط عرضت لقطة الكرة التي اصطدمت بالعارضة ولم تعرضها حباً فينا ولكنك عرضتها فقط لتقول معلومة أن الكرة لم تكن هدفاً ولم تعبر الخط !!!!!
    أين لقطات ضربات الجزاء التي لم تحتسب للهلال ؟؟؟
    أين التسديدات التي جعلت من حارس الزمالك نجماً للمباراة غير تسديدة حمودة التي عرضتها !!!!
    والشئ المخجل يا عمر النقي أنك كنت يوما ما لاعباً لهذا الفريق فحقّ عليك أن تفرح للإنتصار وأن تفرد المساحة كاااااااااااااااااملة لهذا الفوز ..
    والشئ المخزي والمقرف حقاً هو أنك عرضت في بداية البرنامج أهدافاً من بطولة الأندية الأسيوية بين فريقين مغمورين يلعبان في ملعب كأنه هوكي الجليد بدلاً من أن تعرض أهداف الهلال في فريق الزمالك !!
    ولو كان المريخ فائزاً في مباراة القطن أو لو أحرز هدفاً لكانت هذه هي الإفتتاحية !!!
    فلتعلم يا عمر النقي أن جمهور الهلال لا يرحم ولا يفوت صغيرة ولا كبيرة وكما جعلك هذا الجمهور شخصية معروفة فنفس هذا الجمهور يمكن أن يجعلك في أسفل سافلين ويومها لن ينفعك جمال الوالي وأمواله ولا شداد ونظرياته وتعضّ انامل الندم !!!
    لا نريد منك جزاء ولا شكورا يا عمر النقي ولكن أترك الهلال وشأنه ولا تترصد له كل مرصد ....
    وتذكر بأن جمهور الهلال سيظل يراقب وبكل دقة ما يحدث من إستهداف له ولكيانه وسنظل هنا نترصد لكل ما تقدم حتّى تعود لصوابك وتجعل الأمور في نصابها وتترك ضلالك القديم ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 04:35 PM

إدريس البدري
<aإدريس البدري
تاريخ التسجيل: 07-31-2006
مجموع المشاركات: 917

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    هييييع
    يا عمر زولك ده ما خليت ليهو صفحة ينوم عليها


    بس بيني وبينك هو سواها ظااااااااااهرة

    بي كلامك ده ذكرتني زمااان
    وووووب علي ..ضيعا النقي

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 04:52 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    إدريس البدري سمين
    تحياتي..
    نعم ضيعنا النقي يوم أن أضاع ضربة الجزاء ضد المريخ في بطولة سيكافا المتهاكلة والتي أقنع نفسه فيها بأنه هداف بطولة ..
    نعم طفح الكيل ورغم أن التاريخ يحفظ لنا كجمهر للهلال بأننا لا ننسى قدامى لاعبينا ونضعهم في حدقات العيون وحتى المنتقلون للمريخ يجدون الإحترام والتقدير
    ولكن إياك وإياك أن تعبث بالهلال وتتجاهله فيومها الجمهور لن يرحمك ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:03 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    يا ود الفاروق خلي عندك زمة عمر النقي عامل البرنامج لقدامي لاعبي الهلال وادارته ..قبل كم حلقة اتي بود البرير (الاتجرست فيهو انت داك) وحتي الامس القريب المستضاف كان (المهدية) والحلقات السابقة كلها كانت تدور حول مشاكل الهلال ... حتي نسينا ان للسودان بطلا اصيلا يسمي المريخ .
    زولكم دا عامل البرنامج قطاع هلال خاص ..
    اليوم الوحيد الاداكم فيهو النصيحة وقال ليكم الهلال الراجيهو في مصر ما شوية تكفروا الزول؟؟؟

    ـــــــــــ
    ادريس البدري كفارة وسلامات بس موضوع جوالك القلته ليك داك ..بس تاني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:31 PM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    احسنــت يا عمر
    إنت قايلني ما ملاحظ للزول الغريب ده ..؟ أمس داهمني النعاس قبلما يبتدى برنامج عالم الرياضة .. وكنت متوقع كل السيناريو ده والتبخيس لفرقة الهلال الماسية ..
    لكن لأمثال النقي وغير النقي سيصمد الهلال العظيم .. ويتقازم الأقزام وكل من ينال من الهلال..
    السؤال المحير .. إلى متى يظل الوضع والتصفيات .. لخدمة المصالح الذاتية والركض والتمسح من خلف اصحاب الجيوب الكبيرة ..؟ إن لم يكن هناك ولاء أو جميل قديم .. فعلى الأقل مراعاة المصلحة العامة .. وإسم السودان..
    عمر النقي الأشتر لن يستطع بتحامله الواضح أن يوقف عزم ابناء الهلال ، ولا هدير جماهير الهلال ، ولا حنكة المدرب القدير الذي اصبحت بصامتو تتضح مع كل لمسة كورة من لعيبة الهلال .. فليستمر النقي واتباعه وكل المأجورين على الهلال .. يستمروا في الصحف الرياضية الموجهة يكتبون ضد الهلال ، في التلفزيون يحاولون تسريب اليأس وتبخيس الإنتصارات المتتالية - سنلعب ضدهم جميعا وسنتصر .. وزي ما قال محمد حامد الجزولي لما المورده ضربت الزمالك في الخرطوم:
    أفريقيا نخشها بي مصر ، الزمالك نقلب وننتصر ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:13 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    أساسي القبل الكراسي (إيييييييييييك يا سلام ياخ على الزمن الجميل):
    أول شي إن كان من محمدة في كلامك ده فهو إستضافة الرشيد المهدية فالرجل فعلاً مفخرة وواجهة إعلامية حديث منمق وواعي ومعظمه يصب في المصلحة العامة ..
    طبعاً يا " جنينة" إنت عشان ما عندك كبير غرض بالكورة فما يثيره النقي عند إستضافة البرير فهو بغرض التشفي وتوريط الهلال..
    ومعظم ما يطرحه النقي يكون في شكل توريطة للهلال..
    وحتى الضيوف الذين يستضيفهم لمشاكل الهلال يكونون ضعفاء من حيث المنطق " البرير مثالاً " ..
    نحن ما زعلانين عشان الراجل قال الهلال ينتظهر مصير صعب في القاهرة فهذه حقيقة والكل يعرفها وما دايرة درس عصر..
    لكن التجاهل الذي يمارسه النقي يشبه للحد البعيد ما يقدمه شوبير في قناة دريم وهو يناصر الأهلي بينما يتعمد الإطاحة لازمالك ..
    تخريمة :
    عاش من شافك وين ايامك ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:22 PM

خالد المحرب
<aخالد المحرب
تاريخ التسجيل: 01-14-2007
مجموع المشاركات: 5712

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    عمر اخوى كيف حالك اولا ابارك النصر
    اتنين انا معزوم فى القاهره بتمشى معاى
    تلاته بتجى حفل الخميس بتاع البورداب
    رابعا انا داير اشوفك يااخى وبعدين باخل على
    بالتلفون مالك 0
    خامسا الله يكضب الشينه 0
    سادسا بس خلاس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:19 PM

حمزاوي
<aحمزاوي
تاريخ التسجيل: 10-10-2002
مجموع المشاركات: 11529

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    عمر الفاروق اخوي
    مسكاقمي
    حسع انت زعلان من مين من المريخ ولا من البرنامج ولا من عمر النقي
    يا الاخو التلفزيون دا حق السودان والسودانيين وفرق السودان
    ومن حق جمال الوالي يجي التلفزيون ويتكلم ويقعد مش رئيس اعظم نادي سوداني الزعيم المريخ
    ثانياً انت حاشر المريخ في موضوعك لي شنو
    داير تنتقد النقي ولا متولي انتقده بدون ما تذكر الزعيم المريخ
    انتو عندكم كارشوه من المريخ ولا شنو
    يا الاخو
    البرنامج في التلفزيون ليها ثلاث مقومات
    1 ـ المعد ( معد مادة البرنامج )
    2 ـ المخرج ( الذي يقوم بإخراج البرنامج )
    3 ـ المذيع ( يقوم بتقديم ما أعده المعد حسب توجيهات المخرج )
    أها يا الاخو
    النقي عمر دا ما ليه ذنب مجرد قدم مادة موجودة ومعد سلفاً من إدارة القسم الرياضي بالتلفزيون
    قلت

    Quote: ظهرت في أوهن وأضعف بطولة في تاريخ الكرة العالمية وهي بطولة سيكافا

    قالوا المايطول العنب بيقول عليه حامض
    يا الاخو
    انتو ما جبتوا كاس من الكلاكلة حتى . . وتقول لي سيكافا أوهن وأضعف
    هاك السيكافا دا
    ولا اقول ليك هاك جوبا دي
    وختاماً
    نهنئكم بالفوز على الزمالك في ام درمان
    ونتمنى لكم الفوز في مباراة الرد ان شاء الله
    لك ودي

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:37 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26185

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: حمزاوي)

    عشان تعرفوا كمال حامد – الكان ما عاجبكم - عظيم كيف!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:42 PM

على محمد على بشير
<aعلى محمد على بشير
تاريخ التسجيل: 08-07-2005
مجموع المشاركات: 8946

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: حمزاوي)








                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:52 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    Quote: قال محمد حامد الجزولي لما المورده ضربت الزمالك في الخرطوم:
    أفريقيا نخشها بي مصر ، الزمالك نقلب وننتصر




    الكلام ده يا تامبا كان سنة 1989 في دور ال32 لكأس الأندية
    الإفريقية. مباراة القاهرة انتهت بخسارة الموردة 1-2 وأحرز
    هدف الموردة بريش بصاروخ أرضي من خارج خـط ال18.
    في السودان فازت الموردة 1-0 بهدف لمهاجمها النور إسماعيل بعد
    حكاية بتاعة " جلغمية " باص كده!

    في دور ال16 التقت الموردة بالفهود الكيني وهزمته بمجموع
    المباراتين 3-0. لكن مسيرة الموردة تفوقت في محطة دور ال8 عندما
    فازت على مولودية وهران الجزائري بهدف بريش في السودان وخسرت
    0-4 بالجزائر.

    نجوم الهلب في تلك الحقبة الذهبية كانوا:
    عوض دوكة-الجقر-مجدي الزومة-محجوب عبد الجبار-ياسر خضر-حسن حامد-
    عصمت الامتداد-عصام عباس-مغربي-بريش والنور إسماعيل.

    "المورداب" ما عندنا معاهم مشكلة بس مرات بيكونوا "سبب العذاب"
    يا تامبا! وبزعل منهم لما يغلبوا الهلال ويغنوا : يا الله يا رحمان...
    الهلال مالو زعلان
    ! ولما يغنوا: حيوا الموردة اللي على الدوام منصورة...
    هي العلمت ناس الهلال الكورة
    !!
    ____________________________________
    معليش للمشاترة يا فاروق.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 05:58 PM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    الأخ عمر
    عمر النقي عندو خلافات شخصية مع صلاح ادريس يحاول تصفيتها من خلال النيل من الهلال
    الخلاف بدأ أيام الانتخابات ثم بعد ذلك حكاية قدامى اللاعبين التي كان يتزعمها النقي وطالب بسبة 5%
    من دخل مباريات الهلال ( يعني مثلا باخدو 15 مليون من دخل هلال زمالك الاخيرة)
    صلاح ادريس طرح الموضوع في لقاء تفاكري مع جماهير الهلال و فامت شكلة بين الاتنين و من يومها وهو
    يحاول التقليل من شأن الهلال
    شفتا اللقطات بتاعت القطن... كلها هجمات للمريخ
    يعني لو كان ده سير المبارة حقيقة كان المريخ يكون فئز 6 -2
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 06:01 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    الأعزاء عمر الفاروق وعمر النقي

    المريخاب هم وحدهم المستفيدون من صراعكم هذا. رجاءا توفقا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 06:18 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26185

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: Ahmed Alrayah)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 06:31 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    حبيبنا تمبسكو :
    يا سلاااااااااام على ود الجزولي ونحن الهلالاب لمن نمشي نقعد في سايدهم عشان نبتهج ونردد الأهازيج ..
    موردة حضارة موووووووووردة ..
    موردة جساااااااارة موردة ..
    والزعلان كلمو عصمت الفنان كلمو ..
    والشماتن كلمو بريشنا في الميدان كلمو ..
    والمابي الغلب يبقا عاااااااااشق هلب يا ناس..

    لأ يا احمد يا ريح هي ليست مشاترة ولكنه شريط ذكريات جميل ويم أن فازت الموردة على الزمالك ويم أن هاج وماج " إبراهيم يوسف " إن لم تخني الزاكرة ويوم أن حاول المصرييون افتعال الشغب..
    الموردة عكليتة معانا ولكن كنا ندوايهم بالتي هي الداء فوليد علي طاشين كان من يكويهم وأذكر جيداً يوم أن جاء عم وليد وجمهور الموردة لمنزل وليد طلباً للثأر بعدما أتهموه بفعل حركات غير أخلاقية " الجماعة حرقهم القون ساي" ..

    نعم يا تمبس الهلال له بصمات واضحة الان في مجال التدريب ..
    والهلال ماضي في مسيرته ..
    والهلال الهلّ يا ود عبد الله عليك رحمة الله ..

    تخريمة :
    يا زول انت بريش ده مش كان ود حلتكم وبيتهم في زاوية ميدان أبو عنجة ؟؟
    طيب الخلاك تبقا هلالابي شنو ؟؟؟ عالم متحججة بشكل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 06:44 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    عمنا حمزاوي :
    تحياتي ..
    يا أخوي كدي قبل أي شي ( وفي رواية أيو شي) القطن أخبارو معاكم شنو ؟؟
    دودة الغز معاكم كيف ؟؟؟
    وطويل التيلة وقصير التيلة ...
    يا اخوي مريخ شنو وزعيم بتاع مين ؟؟؟
    بالمناسبة في شماااااااااااار خطيييييييييييييييييييير طلع الليلة والبلد مقلوبة والشغلانة فيها المدرب ولاعب من المريخ !!!
    والكلام ده جابوهو لي أسسسسسسسسة دي ..
    كدي لحدي ما نتأكد منو بعد داك نشوف أرد ليك ولا لأ !!!!

    خليك متابع عشان أديك الشمار..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 06:57 PM

حمزاوي
<aحمزاوي
تاريخ التسجيل: 10-10-2002
مجموع المشاركات: 11529

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    اخوي عمر
    مسكاقمي
    يا اخوي كدي رد على ود المحرب
    وانا حقي هين

    Quote: خليك متابع عشان أديك الشمار..

    انا ما عايز شمار
    أنا عايز عشرة بلدي
    ورقصني يا جدع

    كدي خلينا من الكورة
    انت مختفي ليه
    مشتاقين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 07:16 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    Quote: الموردة عكليتة معانا

    4 مباريات في الذاكرة للهلال مع الموردة يا عمر :

    سنة 91 "على ما أذكر" انتهت 3-2 للهلال. تقدمت الموردة بهدفي
    بريش وعماد كرة ثم عادل للهلال الريح كاريكا وخالد الزومة
    واختتم الثلاثية الساحر ويلي "وليد طاشين" قبل ربع ساعة من
    نهاية المباراة.

    سنة 92 انتهت 1-0 للموردة: محمود المستقبل في الدقيقة 88 تحت
    أقدام سليمان بمبي.

    سنة 95 انتهت بهدفين للهلال نالهما الراحل والي الدين. أجمل لقطات
    المباراة "كوكاكولا" من والي الدين مع هيثم شوشة!

    سنة 98 انتهت 4-1 للموردة!! هدفين خالد برشم وهدف لنميري
    سكر وهدف لعبدالرحيم برشم وللهلال جعفر الأمين. المباراة تلت
    فوز الهلال على الزمالك بهدف أبوشامة الشهير.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 07:37 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    أحبيبنا ود المحرب:
    يا زول والله لو الواحد بيلقا طريقة في جوازو كان مشى معاك القاهرة تب ..
    لقاء الخميس لو ربنا هوون وبقينا قاعدين في الرياض بنجيهو لكن حا تتخلع لو لاقيتني وحا تقول لي والله انت ما محتاج للكف انت صرة ساي بتجيب اخرك

    تحياتي ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 07:50 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    عكلتة الموردة في دورة فلسطين والكورة انتهت 2-2 والموردو اتقدمت في اول عشرة دقايق 2-صفر ..
    وكالعادة كان عصمت الإمتداد مسجلاً لهدف..
    تعادل الهلال بعدها وكان وليد هو محرز الاهداف ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-10-2007, 11:15 PM

مهدى الصادق السيد
<aمهدى الصادق السيد
تاريخ التسجيل: 05-11-2005
مجموع المشاركات: 2255

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    ????????????????????????????????
    ????????????????????????????
    ????????????????????????
    ??????????????????????
    ??????????????????
    ???????????????
    ?????????????
    ???
    ??
    ?
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2007, 01:21 AM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: عمر "النقيّ"..لست "نقيّاً" فأرفع يدك عن الهلال (Re: عمر الفاروق)

    يا فاروق ..
    قالوا من الحب ما قتل ..
    خليني أختلف معاك شوية ..
    حبك للهلال ما يخليك تهاجم عمر النقي ..
    يعني هجومك عليه لن يمسح تاريخه في الهلال ..
    وما قام به النقي على حد قولك تجاه الهلال لن يمسح تاريخ الهلال العظيم ..
    نعم الهلال فاز ومن حقنا أن نفرح بفوزه كيفما نشاء ..
    ولكن لا نطلب من الناس أن تفرح مثلنا ..
    في مباراة الهلال والتي لم يتمكن التلفزيون من نقل شوطها الأول كان النقي يستضيف الرشيد المهدية طوال زمنه وهو ساعة كاملة وهذا ما لم يتح لغيره وفي مثل هذه الحالات يحول البرنامج لبرنامج جديد ولكن حوار النقي مع الرشيد أعطى بعد آخر للمباراة وتابعناها من خلال تحليلهم عن الهلال وكيفية إمكانية تخطي الزمالك ..
    إذا كان هناك من شي جميل في كورتنا فهو في الحوارات التي يديرها النقي والأخت التي تقدم برنامج الرياضة في النيل الأزرق للأسف لا أتذكر إسمها وسعيهما لتجويد الأداء وتقديم برنامج يرضي الجميع ..
    ومن ظن بأن مباراة الهلال قد إنتهت فهو واهم ولا يعرف الكرة المصرية جيداً نعم فاز الهلال ولكن المباراة لم تنتهي نحن معك نريد أن يفوز الهلال ويصعد للمباراة النهائية وينال كأس البطولة ولكن دا ما بالتمني بل بالعمل من أجل ذلك ..
    قبل المباراة كان الخلاف في الهلال على أوجه وليس هذا الأول طوال فترة رئاسة صلاح إدريس أدمنا الخلافات والرجل لم يفعل شي للهلال وحتى المنشأت التي بشرنا بها لم يتمكن من رصف طوبة واحدة لها عكس رئيس المريخ جمال الوالي الذي يعمل في صمت ولك أن ترى نادي وإستاد المريخ والتطور الذي حدث فيه وشخصياً أعجبني حواره مع النقي وكانت الحلقة جميلة ..
    وإذا كان هناك في الهلال من جمال فهو في لاعبيه ومدربهم كل شي على ما هو عليه منذ زمن بعيد نادي مثله مثل بقية الأندية ..
    يا عمر النقد البناء يفيد كثيراً ووضع الحلول للمشكلة هي الخطوة الاولى لحلها لذلك الهجوم لا مبرر له نتمنى مثلك أن نرى الكرة السودانية فوق وكل أنديتنا وخصوصاً الهلال الذي نعشقه ..

    كن بخير ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de