دعواتكم لزميلنا المفكر د.الباقر العفيف بالشفاء العاجل
|
|
 عرسك كان مختلف ؟؟؟ ماااااااااااااااااااااا أظن ...
|
شريط زواجي يشبه للحد البعيد شريط ود جيرانا ويكاد يطابق شريط صحبي أما زواج خالي فهو صورة طبق الأصل من شريط زواج عمي ..
وشريط زواج زميلتنا في الجامعة هو نسخة بالكربون من شريط صاحب ود عمي !!!
المناظر هي زااااااااااااااااااتا .. والصور نفس المشاهد ..
قد يختلف الحضور والمعازيم لكن اللبس نفس اللبس..
قد يختلف الفنانون لكن الأغاني نفس الأغاني ..
قد تختلف الصالات لكن الكراسي نفس الكراسي..
قد تختلف صحون العشاء لكن المحتوى هو هو ..
ح أصور ليكم مشاهد كتابةً ولاحظوا لي أي عرس لو ما لقيتوا فيهو نفس المشاهد دي فيا بشراكم فزواجكم كان مختلف تماااااااااماً ...
المشهد الأول :
يجيبو ليك لقطة لي أم شايلا شافعها والشافع نايم بينما تدعي الأم عدم درايتها بالتصوير وتقنع نفسها بي إنها مندمجة مع الأغنية ..
دي في أشرطتكم في ولا ماف ؟
|
|
 
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
مشهد خامس :
مجموعة بنات قاعدات في طاولة واحدة أول ما تجي الكاميرا عليهم واحدة بتعمل فيها سرحانة هناااااااااااااااك وواحدة بتكون شايلة منديل ورق في يدها وبتصفق بيهو
وواحدة بتعمل فيها بتصلح في طرحتها بينما أخرى عاملة فيها ما عايزة تظهر في الشريط وبتكلم في التانية وبتقول ليها أها مشى ولا لسة ؟
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
انا غايتو حضرت حنتي بي رده
حيرت ليك الفنان زاتو
لمن جيت داخل الحفل
الناس كلها اتخلعت
ابو قال لي يا ولد حا تفضحنا
قلت ليه يا ابوي
انا في عرسك سالتك قال لي
قلت ليه العرس موش فرحة
قال لي اي
قلت ليه كده انا مبسوط
ضحك ومشي
لمن دخلت نص الدايرة وكانت اول غنية والبتغني كانت رشا بت المورده
ومافي زول في الدايرة برقص
وقفت في النص وقعدت ارقص براي
قطعت الرقيص وقعدت تضحك
اتحدي اي زول لو لقى حنة زي حنتي
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
ود الفاروق إزيك
كيفنك يا عزيز
عرسي كان بفرقة الصحوة
والنسوان بي جانب
الرجال على الجانب الآخر
والإضاءة ضعيفة " قدر ما تشوف بيها عمتك كان وقعت "
العشاء كان ساندوتشات
والدنيا كانت برد شديد " عشان كدة ما فيها شفع ولا عجائز "
....
عشان الأفلام المكررة دي جاتنا طرد وانتهى الموضوع ....
تعريجة " جديدة لنج دي وكامل الحقوق لي "
تابعت ترجمة الأفلام ... من منازلهم ...
بس لا في وقت لي رد ولا حتى قراية ..
...
الربوة كيف معاك ؟؟؟؟
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
والله يا عمر الفنانين كانو اكتر من المعازيم
كملو العشا كلو
الحفلة الكبير شريطين فديو
موش بي جمبة الشريط بكتبو اسم الفنان منو
اها الحته ديل ما شالتهم في الفنانين
ياخ كان في اربعة ترباس
ترباس الرسمي
و3 ترباس تقليد
البعيو الرسمي والبعيو تقليد
محمود على الحاج
المرحوم بادي
عوض الكريم عبد الله
حسين شندي
عبد الله محمد
ياخ كتااااار ما بقدر اتمهم ليك
غير الفنانات
حنان بلوبلو
زهري مان
سميرة دنيا
نجاة عطية
رشا بت المورده
ووحدات ما بعرفهم كده
طبعا العرس كان كلو شعبي
مافي رق كده ما جا اليوم داك
واخوك عاوز يرقص اسلو
انقر ما رقصت ليك اسلوا بالرق
هاهاهاهاهاهاهاهاهاهاهاهاها
حيرت ليك حنان الناس
قالوا العريس مسطول
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
Quote: مشهد خامس :
مجموعة بنات قاعدات في طاولة واحدة أول ما تجي الكاميرا عليهم واحدة بتعمل فيها سرحانة هناااااااااااااااك وواحدة بتكون شايلة منديل ورق في يدها وبتصفق بيهو وواحدة بتعمل فيها بتصلح في طرحتها بينما أخرى عاملة فيها ما عايزة تظهر في الشريط وبتكلم في التانية وبتقول ليها أها مشى ولا لسة ؟ |
دى بالغت فيها يا عمر ، لكن ألف عديل كده ...
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: maia)
|
| Quote: مشهد صف كم راجل كده ومعاهم مرتين وطفلين واقفين جنب العروس وتجي عليهم كاميرا الفيديو وتلقاهم بس بيعاينوا صامتين زي الصنم في حالة ابو الهولية كانه صورة فوتغرافية |
الأخت مايا :
خالص التحايا ..
ويجي يقطع الصورة واحد ماري جمب الكاميرا فيظهر ليك في الشاشة بنطلون بني وقميص كاروهات بي البيجي ..
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: وليد محمد المبارك)
|
عمر الفاروق
سلام
غايتو كاميرتك الديجتال رهيبة
Quote: المشهد التاني :
مجموعة من الشباب يدّعون إنهم فردك لمن غلط ملفوفين حولك واحد بيرقص معاك والتاني بيهمس ليك في أضانك والتالت بيبشر ليك .. |
تفتكر العريس بيكون بيسمع في الكلام المهموس في أضانو؟
في لقطة ما جبتهايا عمر :
جوكر الحفلات ال بيجي الحفلة من غير عزومة .. و أهل العريس فاكرنو من أهل العروس و هاك يا إحترام.
و أهل العروس فاكرنو من أهل العريس و هاك يا إهتمام
دمت
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
الريس ابو جهينة :
والله العريس لا بيكون سامع لا فارز ..
ياخ اقرب مثال العريس حديث العهد بالزواج صاحبنا مصعب أدوهو التلفون قالوا ليهو هاك كلم بت خالتك من هولندا بتبارك ليك ..
زولنا إتونس معاها بالتلفون إمكن عشرة دقايق أها بكرة من الصباح جا لي الوالدة يلوم في الناس وقال ليها إنتي يا أمي لي بت خالتي دي ما ضربت باركت لي ؟
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
وفى ظاهرة بقت منتشرة بكثرة وتكرر فى جميع المناسبات
بالذات للعرسان المغتربين بمجرد ما تصل يجيك ود ناس فلان
يقولو ليك دا متعهد حفلات وبجيب ليك الفنانة الفلانية الساكنة
الانقاذ ولا الازهرى ما عارف
وتثق فيهو وتديهو القروش يروح جايبها ليك ، بس بيكون ضربك
فى 200 او 300 ألف على الاقل
بعد داك الشباب يقولو ليك انت ما لقيت غير دا تديهو القروش
دا ما حرامى ، وهى الفنانة دى عاوزة ليها واسطة والله بحق العشاء كان بتجيك
بعد ماالرماد كال حماد
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
Quote: مشهد تلاتاشراوي:
جكسوية شديدة قاعدة تضرب ليها في كراع جدادة...أول ما تقرٌب الكاميرا تخُت الصحن و تعمل نفسها بتصلح في شعرها و خشمها يلمع ..التقول ماكلة لقيمات!
مشهد أربعتاشراوي:
العروس مغيوظة من شافعة عفصت فستانها و تعاين ليها و الشرر يتطاير من عيونها..أول ما تلمح الكاميرا تبتسم في دلال و تغروِد عيونها و تطبع قُبلة على خد الطفلة المذهولة! |
مشهد متفق عليه :
كل الجكس الصحانة بتاعتهم بيرجع منها البيض (الجناجداد زي ما بيقولوا) بينما صحانة الرجال يرجع منها فقط قشر البيض مع باقي سلطة الأسود..
مشهد مكرر في الأحياء البسيطة :
أخر الحفلة العشا بيبقا بس مخلل وبطاطس محمر وعيشة ولو محظوظ تجيك قطعة باسطة ..
بعد الساعة 9 لو راجعتوا صحانتكم حا تلقوا روحكم زي القاعدين في اعراس مختلفة لأنو اي زول صحنو بيكون مختلف من التاني تمااااااااماً ..
مشهد إستغلالي:
معظم الرجال في اليوم داك بيسلموا على النسوان بالأحضان كان قريبتك ولا ما قريبتك ..
مشهد حزين :
مجموعة شماشو بيلقطوا في باقي العشا ويجي واحد بي عكاز ساكيهم وتسمع ورررررررررررررر..
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
مشهد خمسمياوي
لازم يد فيها دهب تظهر براها كمشهد اساسي
واحدة لابسة غويشتين قدر الليلة وبكرة في يدها واول ما تجي الكاميرا تقوم تهز يدها منمدمجة مع الاغنية نظام شوفوا اليد والدهيبات
وتظهر اليد قاااااشرة قدام الكاميرا
مشهد ما عارفة كم
اتنين قعدين بيقطعوا قطيعة حااااارة لغاية ما متنبهين حتى لكشافات الكاميرا
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
مشهد جعان
بعض الجمجارات يحلفو ويقولو ما اتعشينا
برى برى من ناس فلانة الجعانين عزمونا وما عشونا
ولما تجى تتفرج الشريط تلقى فلانة دى قداما 3 صحانة عشاء
وسايقة معاها شفعا الخمسة
الصور كلها فى ماجستيك
ويوم الخميس بالصف وتلقى الناس واقفة عشان تشوف ياتو عروس السمحة
وياتو عريس الوجيه
والكوافير انتصار جحا ، التسريحة شبة مكررة
الفنانين بيصلو ما بين تسعة ونص وعشرة
دربك دربك الحفلة انتهت
العريس مذهول
فى صمت قروشى ؟؟؟؟
اهم مشهد
للمغترب الما شاف عروستو قبل كدا الا يوم الزفاف تلاقيهو كل مرة
يختلس النظر ويقعد يعاين للعروس بقعر عينو
ياربى سمحة ولا شينة وما قادر يجمع الا تجى واحدة وترفع معنوياتو
وتقول ليهو عروسك ما شرط لكيييين .
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عبد الدائم سيد أحمد)
|
والله يا عبد الدائم كلامك ده كلام زول يا عرس اكتر من مرة يا كمان بتباري علوب
Quote: الصور كلها فى ماجستيك
ويوم الخميس بالصف وتلقى الناس واقفة عشان تشوف ياتو عروس السمحة
وياتو عريس الوجيه |
والذ شي لمن تكون انت العريس وعمرك صغيييير وتلاقي العرسان المعاك ده عمرو 45 وده عمرو 50 وده وهن العظم منه وده اشتعل الراس شيبا
والله لمن تتكيف في حنان حنانك ..
| Quote: والكوافير انتصار جحا ، التسريحة شبة مكررة |
والحنة عند اماني تنس..
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عبد الدائم سيد أحمد)
|
لا يا عمر ..
أنا عرسي أول مرة كان مختلف خالص ..
مع العلم إني عرست مرة واحدة بس ..
أولاً بالتبادي يوم العقد أخوي الكبير صحاني زي الساعة خمسة صباحاً ..
مع أنو كنا مساهرين في بيت بت خالتي عاملة لينا زي حنة كدا لحدي الساعة أربعة صباحاً ..
جهزك .. جهزك .. طلعنا من البيت زي الساعة سبعة إلا ربع ..
وصلنا المحكمة الساعة تمانية إلا ..
الساعة تمانية و تلت كدا ..
دخلنا القفص ..
( بعد إجراءات طويلة و عويرة و مضحكة ) ..
في واحدة قريبتنا زغردت في المحكمة الناس الملاقيف قاموا جو جارين عايزين يعرفوا الحاصل شنو !!
القاضي ذاتو مرق من مكتبو مكشر وشو ..
الجماعة شرحوا ليهو الحاصل أبتسم و رجع ..
بعد داك طوالي على البيت ..
جيت البيت أتصلوا علي ناس الشغل ..
عملت مصهيَن ..
أتصلت على العروس ..
عملت تقيلة .. ردت على أختها ..
قالت لي الزولة دي نايمة ..
قلت ليها ما بتنوم مالها ؟؟
أنا ذاتي قمت نمت ..
صحاني أتصال من العروس ..
عاينت للرقم قلت أتعزز شوية ؟؟
ما قدرت ..
لما رديت لقيت أخوها ..
لما نطيت ..
قال لي ياخي ناس الفندق ديل أتصلوا ..
عشان يأكدوا حجز الصالة يوم الخميس ..
قلت ليه أكد ليهم ..
و نمت تاني ..
حأواصل ..
لو حصلت على التصاريح اللازمة ..
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
Quote:
المشهد التاني :
مجموعة من الشباب يدّعون إنهم فردك لمن غلط ملفوفين حولك واحد بيرقص معاك ووالتاني بيهمس ليك في التاني بيهمس ليك في أضانك والتالت بيبشر ليك .. |
عندما شاهدت شريط زفافى .. فى واحد من اصحابى كل مره يجى بيهمس لي في أضانى ... الجماعه قالوا
لى صاحبك ده كان بيقول ليك شنو ؟
صدقونى لى هسه انا ما عارف ..
والاغرب هو نفسو ما عارف ....
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
المشهد الجغلومية :
واحد يجي يمسك المايك وبعد الليل اللحدي أسة بيحبي يقوم يقول:
ياشباااااااااااااااااب بالله وسعوا الساحة ..والله نحن سعيدين بي مشاركتكم لكن عشان الحفلة تستمر..
الرقصة الجاية للعريس والعروس يا شباااااااااااااااااب..
وما أن تبدا الأغنية ويطلع زولك ده زي البيأذن في مالطا..
| |
|
|
|
|
|
|
|
|
|
Re: عرسك كان مختلف ؟؟؟ ماااااااااااااااااااااا أظن ... (Re: عمر الفاروق)
|
وكأن بيوت العرس (كوبي آند بيست)
أهم شي في أي بيت عرس (ظل العروس)و هن ال(كم شافعة) البفتكرو العروس كائن أسطوري و يرافقنها ك(ظلها) محل ما تقبل لامن يجيها (خراج روح)!
من هذا النوع ربنا ابتلاني ب4 يوم عرسي
واحدة فيهم تخصصت في (نتف) الخرز و الشغل العلى فستان الزفاف و طبعاً أنا تم تحذيري مسبقاً (لنا مافي عصبية ولا في راي واضح ولا صراحة ولا سخرية ولا إكسبرشنز اليوم دة ..مفهووووم؟) و طبعاً (مفهووووم) ووعد ناجز كمان!!
المهم كل ما أجي أنهر الشافعة اتذكر تحذير أمي و صاحباتها ف (أصم خشمي ) و لكن السيل (بلغ الزبى) لمن الحذاء من ورم الرجلين و الإرهاق ضاق فبراحة تخلصت منه و أزحته (خلسة) إلى ما تحت مقعد الكوشة
أها لمن جو يسوقوني و جيت نازلة السلم بتاع المسرح أصرت واحدة من الطفلات المعجزات (ظلي) أن ترفع لي ذيل الفستان [عثان ما تتعتري يا خالتو(طبعاً من يومها إترقيت مباشرة لخالتو)]!!
وأنا أشيل و أقول ليها (لا يا ماما ما مشكلة )و هي تشيل و تصر ترفع طرف الفستان قليلاً عشان خالتو( اليوما أبيض )ما تتعتر
وطبعاً خالتو (العروس)(الأسطورة) حفيانة!
المهم ما عرفت أعمل شنو قمت (حمّرت) للبنية (خلسة برضو)-ما وعدتا ما أحمّر- ففاجأتني بأن أطلقت صرخة و كأنها تحتضر جاءت على اثرها والدتها جارية لا تلوي على شيء
وبينما تسألها أمها مالك؟) و قبل أن ترد وجدتني ببراءة الدنيا أسألها:مالك يا ماما؟
ومن ديك و (ظلي) بقو 3 بس
| |
|
|
|
|
|
|
| |
عمر الفاروق
Hani Arabi Mohamed
وليد محمد المبارك
عمران حسن صالح
محمد فرح
ابو جهينة
عبد الدائم سيد أحمد
mamkouna
Abd-Elrhman sorkati
lana mahdi
فيس بوك
تويتر
انستقرام
يوتيوب
بنتيريست