المزيعة تطلب من الفنان اغنية .. الفنان يقول ليها حا أغني أغنية الفنان المرحوم فلان .. طوالي تنط المزيعة وتقول : ولا ننسى في هذه المساحة ان نتقدم لأسرة الفنان المرحوم فلان بالتحايا ونبارك لهم العيد ..
04-04-2007, 08:18 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
مقدم البرنامج يسأل الضيف: أحكي لينا موقف طريف مرّ بيك .. الضيف يرد ليهو : والله شوف ..طبعا المواقف كتييييييرة والواحد والله ما متزكر منها شي في اللحظة دي وانت فاجأتني بي سؤالك ده لكن انا حا أكي ليك موقف طريف جداً مرّ بي وانا في بريطانيا ..ويحكي الضيف الموقف الطريف جداً فلا يضحك إلا مقدم البرنامج والضيف للموقف ونكون نحن في إنتظار أن يتم الموقف بينما نكتشف ان الموقف انتهى !!!
04-04-2007, 08:21 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
( والله طبعاً القصة دي أصلاً ) ( والله حقيقة ) ( والله كان زول رائع) ( والله والله..) والله دي لازمة من لوازم أي برنامج من غير حليفة الله كتل الخليفة..
تسلم عمر.
04-04-2007, 09:02 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
اساسي القبل الكراسي: (إمكن) إنت ما قاعد تسمع كويس .. يعني (إمكن) إنو الناس ديل ما قاعدين يقولوا (إمكن) .. ولا (إمكن )قاعدين يقولوها .. بالمناسبة يا اساسي هل في فرق بين ممكن وإمكن؟
04-04-2007, 09:06 AM
اساسي اساسي
تاريخ التسجيل: 07-20-2002
مجموع المشاركات: 16468
اخونا تمبس: الله يديك ال(عافية) انت كمان والعافية زاااااااااتا بقت خشم بيوت في عافية زيوت وعافية فنانة وعافية صحة اها انت يا اللخو كان قالوا ليك عايز ياتو عافية بتشيل ياتا ؟
غايتو ناس هارموني البدوها بي الفيديو الفيهو قبيض الايدين ده ولبس المحزق والكت فنحن موعودون بقناة واعدة تخريمة : وطّي صوت التلفزيون ده عليك الله يا تمبس..
04-04-2007, 09:17 AM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
هاهاهاي تعرف يا عبد المنعم ذكرتني نكتة الحبوبة وحفيدتها الحفيدة (حنكوشة وكدا) داخلة ومارقة الحبوبة تعاين ليها ساي في النهاية الحبوبة سالت البت : مالك يا بتي الحفيدة: والله عندي (قلق) يا نانا..! النانا : سجمي..!!! ودا قام ليك وين ؟
04-04-2007, 09:42 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: الحفيدة (حنكوشة وكدا) داخلة ومارقة الحبوبة تعاين ليها ساي في النهاية الحبوبة سالت البت : مالك يا بتي الحفيدة: والله عندي (قلق) يا نانا..! النانا : سجمي..!!! ودا قام ليك وين ؟
: : : :
نسمع أغنية ...
04-04-2007, 09:42 AM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
برنامج بتع مسابقات او اهداءات المهم نوع البرامج البتعتمد على نقة التلفونات تتصل واحدة بالمذيع او المذيعة وبصوت نعسان : ممكن اشارك!!! اكيد ممكن تشاركي ( يعني واحدة تكبدت مشاق التلفون والاتصال عشان تشارك ، اكيد حتشارك طبعا اها لو المذيعة قالت ليها لأ !! حتمشي وين؟؟؟ )
مذيعة هبلة: نهدي الاغنية للاهل بكاب الجداد .. والخالة فاطمة والخال سيداحمد بالسعودية ( نظام لازم يكون في خال او عم في السعودية ) .. والعمات والاخوات برجل الفولة ... وناس عوضية بالثورة الحارة العشرين ...و..و... والواحد يكون نام لغاية ما مسلسل الاهداءات ينتهي
أخي عمر الفاروق الله يديك الصحة والعافية حقيقةً ، ودي برضو من عبارات البرامج ، في حاجات في الفضائية السودانية تخجل أن تسمعها أو تراها حتى وإنت براك ما معاك ولا زول تقعد تتلفت ناهيك عن أنها فضائية بشوفوها الناس حول العالم ، وأتمنى من الله بمناسبة المولد النبوي الشريف الذي لم آكل فيه فته مع القوم أو أشتري فيهو حصان أو عروسه أن يتم تشفير الفضائية السودانية ولو دي صعبه يتم تهكيرها بالقدر الذي تصبح معه الما فضائية سودانية. ناس الكورة شايفهم طالعين في حكاية الطرف الشمال ، ولعبه كعبيه أى بالكعب بحسب ما فهمت ، إرتداد في وسط الملعب ، مخاشنه ، الغريبة في الوصف المذيع دائماً ما يذكرني بصوت رجل آلي كورة بينيه طويله ماشي .... إرتداد هجوم عكسي عمر الفاروق تشتري مني التلفزيون والراديو وصورة وليم جلـبرت مكتشف الكهرباء
حبيبنا ود الفاروق أحبائنا المشاهـــدين .. مرة قاعد أسمع لي في لقاء في التلفزيون ... المذيع داير يثنى على كلام الضيف .. قال ليهو : والله ده كلام مركــــــــــــــوز . المرة سألتني : مركـــــــــــوز يعني شنو ؟ قلته ليها : والله يكون المزيع ده إتذكر المركــــــوب بتاعه الوداهو لي النبلتي يخيتو . شكراً على هذا البوست المركــــــــــــــوز تحياتي ، الأرباب
04-04-2007, 12:59 PM
almulaomar almulaomar
تاريخ التسجيل: 07-08-2002
مجموع المشاركات: 6485
عبد اللطيف بكري أحمد والله قربت تبالغ زاتو ، وبصراحة أسامه الخليفه القرب يبالغ ودي لحظات لا تنسي وخلاص كان بيني وبين عضة المركوب حاجه بسيطه ولمن قلت الله يلعنك يا إبليس ، إبليس قال لي أنا ناقص ما تلعن الكان السبب ومن يومها إعتزلت المعاينة والمتواقة للتلفزيون
04-04-2007, 03:19 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخت مايا .. أيوة سامعنك .. الو .. الو ..الو الو مرحبا بيكم معاكم مايا .. المذيع يكون من نوع ناس حمزة عوض الله وعايز يتظارف : مايا نصري ؟؟ هأ هأ هأ .. أيوة يا مايا إتفضلي ممكن تهدي .. ترد مايا : ماعندكم مسابقة ؟ وبمناسبة المسابقات شاهدت حلقة أول أمس في القناة المفضلة للملّا عمر الفضائية السودانية كانت الجائزة فيها لأخت من ماليزيا جاوبت إجابة شافية وضافية وكاملة عن سيرة المصطفى عليه أفضل الصلاة وأتم التسليم سمّاعة هيتفون !!! اي والله سماعة هيتفون .. واللذيذة إنو المزيعة عايزة تخليها ظريفة شوية وقالت ليها : مبروووووووك كسبتي سمّاعة إنترنت .. والله فضحتونا مع الضيوف كان اخير لينا برنامج محمد سليمان داك لمن كان بيهدي موز وشعيرية ..
04-04-2007, 03:20 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
والله مافي شئ واجع لي قلبي غير معاي منو البشيلو ويقدونا بيها والإبداع أرفع صوتك ما سامعك والغريبة في كل مكالمة بقولوا الكلام ده ومالك انت على الولد الشفت وليد زاكي الدين عامل فيها مذيع مشاهدي كل الجمال بقولها في الحلقة 50مرة أو أكتر بنفس الطريقة طلع زيتنا
04-04-2007, 07:20 PM
خضر الطيب خضر الطيب
تاريخ التسجيل: 06-24-2004
مجموع المشاركات: 9014
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
اساسي
tmbis
عبد المنعم سليمان
ودا قام ليك وين ؟
almulaomar
Khalid Saeed
نهال الطيب
خضر الطيب
غادة عبدالعزيز خالد
Alsa7afa_30
فيس بوك
تويتر
انستقرام
يوتيوب
بنتيريست