دعواتكم لزميلنا المفكر د.الباقر العفيف بالشفاء العاجل
|
|
 عاد يا ناس المنبر مااا بسألكم..!!
|
والله البوستات الإتفتحت لي مايكل جاكسون اكتر من البوستات الإتفتحت لي عثمان حسين ..
البيخش المنبر يقول مايكل جاسكون ده ود خالة كرومة ..
المحيرني أكتر المنبر ده من ما بكري ألفو وفكر فيهو ما اظن اتكتب بوستين عن مايكل جاكسون ده !!
بالله مووتو كده تستلموهو ؟؟
البيعمل ليك فيها كان ودجيرانهم والبيعمل ليك فيها بيسمع فيهو من منتصف الثمانينات والبيعمل ليك فيها قرا معاهو في ثانوية هارفرد والبيقول ليك كنت ساكن معاهو في جادة داكوتا ..
المشكلة انا متأككككككككككككد نص الناس الهنا دي زول حافظ ليهو اغنية كاااملة كده ماف ..
ولو سألتهم عن الفترة ما بين ما اغنية وي ار زيورلد(الاغنية الوحيدة البعرفا) ولحددددي اسة مايكل الحاصل ليهو شنو انا متأكد ماف زول كان جايب خبرو غير في معلومتين لا ثالث لهما:
قالوا مايكل اسلم ..
قالوا مايكل في البحرين ..
اسة لو سالتكم اخر اغنية حقت مايكل شاعرا منو ؟؟؟
واخر عرس غنا فيهو مايكل كان عرس منو ؟
يا يمة مات عبد المنعم الخالدي ما اشتغلتو بيهو جنس ده !!!!!
تتشوبروا سااااااااااااااااي واستلمتو الشغلانة ضمن طقم الاستنارة والبكدج حق المثقفاتية ..
اسة بكرة مركز الخاتم عدلان يعمل ليهو حفل تأبين !!!
وبورداب الخرطوم يقولوا ليكم كونا وفد وحا نمشي نحضر الدفن ..
زول زي كوستاوي ده مفروض يكون بيسمع اولاد الموردة واولاد شمبات واولاد الكلب زاتو يجي يقول ليك مايكلم :)
ارخو الراجل الله يرضى عليكم وسيبوهو في حالو ..
وركزوا لينا مع مراحيم بلادي من الفنانين ..
تخريمة :
انا عملت لي عزا بي الانجليزي عشان اجاري صيحة الاستنارة ..وقريبا جدا انتظرا البوست المفاجأة :
مايكل جاكسون تركوزاي اللون ..و
|
|
 
|
|
|
|
|
|
|
|
Re: عاد يا ناس المنبر مااا بسألكم..!! (Re: حمور زيادة)
|
Quote: يا سيد انت ..
وفد البورداب اتكون و حنتحرك بكره بعد الفطور.
و ده واجب علينا كلنا.
و انا مستغرب ليه بكري ما سود المنبر لحدي هسه. |
ههههههههههههههههههههههههه
والله عليك جنس كلام يا حمور
إنت بتجيب الكلام ده من وين
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: محمد خليل ساني)
|
Quote: تخريمة :
انا عملت لي عزا بي الانجليزي عشان اجاري صيحة الاستنارة ..وقريبا جدا انتظرا البوست المفاجأة :
مايكل جاكسون تركوزاي اللون ..و |
هو الدهبي اللون داك كان ( بريطاني) ولا شنو ماياهو من مراحيم
بلادك القلت فككم من جاكسون وأبكوهم ديل ولا عشان ماكان بعرف يرقص سامبا ..صاح ولا ماغلط ؟!
ثم إنو جاكسون كان ( فوشي ) اللون !
الله يرحمو ويبشبش الطوبة التحت رأسو يارب
حمودي ولدك كيف بالله لسا ماعلمتو الرطانة حقت أهل أمو بتنا الاديناك ليها ؟( وش حلاتو)
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: حمور زيادة)
|
يا جيد إنت :
اجرتو هايس ولا ماشين بي امجاد؟
البكا حا يكون في بيت نسابتو ..فارشاهو مرتو عشان ما تطشو وتمشو بيت الاسرة ..
بيت نسابتو في اريزونا محطة سبعة بتلقا ليك مطعم ماكدونالدز تخليهو على يدك اليمين وتمشي طواااالي لحدي ما تلقا ليك ناس بيصلو العصر تخليهم على شمالك وتمشي طوالي بيلاقيك تقاطع اول بيت تخليهو تاني بيت تخليهو تالت بيت تخليهو رابع بيت على يمينك مضروب جير اصفر وبابو لبني ده بيتهم ..
وخلي النسوان يخشو بي الباب الصغير الناس ديل رفعو الليلة المغرب ومرتو دخلت الحبس ما بتلاقي الرجال عشان ما تتخففو جنس تخففكم البتعملوهو لي البوردابيات البيجن من بلاد برة ديل:)
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
Quote:
اسة يا ساني لو جبتو في عرسك ما كان اخير ليك؟
والله المرحوم جاكسون ده عندو اغاني سيرة ماااااااااااااااااالك ياخ ؟
السااااعة اليقول ليك :
عدييلة يا White
ويا Angles walk with me |
هههههههههههههههههههه
عليكم الله روّقوا شويه
الضحك شارطني
وأخوكم فى الدوام
وصوته عالي وبيقرقر كمان
أرحمونا شوية من كلامكم ده
سلامات يا جميل
واحشانا شوفتك
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
حنين انا في رأيي ما تمشي لأنو جانيت دافناها ليك عشان ما جيتي سماية بتها وممكن عااادي ما تعزيك وشكلك ببقا بايخ ..
وكفى اهو دي دينا خالد مشت موية ما ادوها ليها ويصرصروا ليها الوقت كلو ..
تخريمة :
بالله انتي من بنات برة ؟ وانا اقوووووووووووووول شايفك وين ؟
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
| Quote: حنين انا في رأيي ما تمشي لأنو جانيت دافناها ليك عشان ما جيتي سماية بتها وممكن عااادي ما تعزيك وشكلك ببقا بايخ .. |
يا عمر مادي المشكلة انه لو ما مشيت جانيت بتوريني ليها...بعد اللوم كان في الرجلين يبقى في الوش..انت ماعارف العلاقة البتربطني بي جانوتي دي قدر شنو...
* اها قول لي بس داير اثبات للعلاقة البيناتكم عشان اديك ليها بالادلة والبراهين...
الله يرحمك يا مايكل.
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
نادية بت عثمان :
ما هو عشااان من مراحيم بالدي عشان كده انا مبسوووط وقررت اسرق فكرتك مع اختلاف الالوان طبعا :)
وبيني وبينك المرحوم انتي عارفاهو كان خاتف لونين..
المشكلة الحاتواجهني إنو ناس جاكسون ديل الا الواحد يعمل ليهم طلايع تموز :)
وتموز انت ويدووووم خيرك :)
تخريمة :
حمودي حبااابو والله المية بوسة ارتفعت وبقينا نديهو مية وخمسين بوسة وواحدة على عجل وفي انتظارك بس تستضيفيهو في لالوب بلادي بعد نخلاتك ديل يكملن :)
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
.
.
Quote: والله المرحوم جاكسون ده عندو اغاني سيرة ماااااااااااااااااالك ياخ ؟
السااااعة اليقول ليك :
عدييلة يا White
ويا Angles walk with me |
ياعمر الفارق ياخي قاعد تبالغ !!
ده مايكل جاكسون ولا مايكل بت (على وزن حمادة بت)
.
.
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
Quote: يا سيد انت ..
وفد البورداب اتكون و حنتحرك بكره بعد الفطور.
و ده واجب علينا كلنا.
و انا مستغرب ليه بكري ما سود المنبر لحدي هسه. |
Quote: اسة يا ساني لو جبتو في عرسك ما كان اخير ليك؟
والله المرحوم جاكسون ده عندو اغاني سيرة ماااااااااااااااااالك ياخ ؟
السااااعة اليقول ليك :
عدييلة يا White
ويا Angles walk with me |
____
Angles walk with me دي إتقطعته فيها يا عُمر..
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: حنين للبلد)
|
يا اللخو نحن مرتبين امورنا
حنمشي بعربية العوض و احتمال نتقسم كمان في عربية الملك.
و انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت.
بالنسبة للوصف فانا معاي تلفون الغسال الفي راس الشارع.
لما نقرب بنضرب ليو.
انت اقعد هضرب هنا لامن تتلوم و ما تلحق الدافنه.
تودي وشك وين تاني من استيف وندر ؟
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: حمور زيادة)
|
Quote: يا اللخو نحن مرتبين امورنا
حنمشي بعربية العوض و احتمال نتقسم كمان في عربية الملك.
و انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت.
بالنسبة للوصف فانا معاي تلفون الغسال الفي راس الشارع.
لما نقرب بنضرب ليو. |
الحمد لله مشينا وجينا ,,,
انشاء الله ما نعزيكم في فنان لديكم ..,,
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
المحيرني انو انت يا عمر الفاروق بقيت تكتب في البورد
بعد الساعة تمنية مسا ... هي واحدة من الاتنين
يا الكهربا دخلت الحي عندكم
يا انت اشتريت لاب توب ...
يا انت ما انت ...
___________
البوست القادم: إلى الذي يكتب لعمر الفاروق
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عزاز شامي)
|
انا غايتو معرووووفة بي كعوبيتي..
جني وجن مبارات البكيات..والبكا البدون دموع..
مايكل جاكسون ومات؟؟
نعزي منو...
وعشان ما تتجهجهو ساي النكلمكم الزول دة(ربنا يرحمو) علاقتو مش ولا بد مع اهلو ..يعني غالبا الفراش يكون ما معروف وين..
للضمان رسلو بكري يجيب ليكم الاكيدة..
غايتو انا بعزي بي مسج..وكدة ما اكون مضطرة اعصر لي كم دمعة كدة
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: فيصل نوبي)
|
نوبي يا (قلق )
Quote: القناة دي جديدة ؟
عمران (footballk) فكت |
سحس ما عمل فينا خير كلو كلو ... 
(الفكـَ كتير يا نوبي بس ربكـ ساتر ....
بعدين ياخي عمر الفاروغ ده إنجليزيتو (خارم بارم) ما كان حا ينتبه ليها الشمار ليكـ شنو
كرهتونا (الغين) ( والقاف) ............
| |
|
|
|
|
|
|
|
|
 Re: عاد يا ناس المنبر مااا بسألكم..!! (Re: عزاز شامي)
|
| Quote: و انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت. |
انا غايتو من محبي بوب مارلي ..
كنت بظبط ليك رقصة الجمايكا دي كيف !! ومعاها بنطلون كردرايت بني كمان ..
وطوالي شايلة الجائزة الاولى في مسابقة الجمايكا
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: انعام حيمورة)
|
انت كان شفت ياعمر كوستاوى محزم فى الدافنه تدى ربك العجب
غايتو جانيت ما شايله الحفه...
لانو انعام حيمورة مشت بلا كحل..جانيت شوف عينى مكحله
وقطع شك جات من الكوفير
وعمك جاكسون يدخن فى السيجار ساكت الظاهر ما موجعو
غايتو حفر الصيوان بقبق ايدينا
واطاتم قويه خلاص الامريكان ديل..
الله لاجعل لك فيها تربه ياعمر
بلا يخمك لوووول،،،
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: صديق الموج)
|
| Quote: انعام حيمورة لمت الشير من كل البورداب عشان حنشيل معانا خمسة شوالات سكر و دقيق سيقا و كريمات لجانيت. |
النديكم النصيحة..
الشير دة اولى بيه اولاد مايكل التلاتة..المساكين ابوهم مات ما خلي ليهم التكتح..
العيال اليتما ديل اولي من جانيت..شوالات السكر دي شوف عيني تمشي جانيت تبيعهم في السوق وبي حقهم تمشي تعمل عمليات تجميل..
اللهم هل بلغت..
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: Yassir Tayfour)
|
بوست لذيذ ياخ ..عمر الفاروق دا امانة مامعاكس ..
انا اول مره اشوف الزول دا بغنى امبارح فى
ام بى سى..او امكن شفتو بس مامتذكر .... لكن
من زمان سمعت انو بحاول يغير شكلو ودا الشيء
الممكن خلانى مااركز معاهو ..كمان نحن برضو
(شنافين) ...
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: حبيب نورة)
|
Quote: وتمشي طواااالي لحدي ما تلقا ليك ناس بيصلو العصر تخليهم على شمالك وتمشي طوالي بيلاقيك تقاطع اول بيت تخليهو تاني بيت تخليهو تالت بيت تخليهو رابع بيت على يمينك مضروب جير اصفر وبابو لبني ده بيتهم ..
وخلي النسوان يخشو بي الباب الصغير الناس ديل رفعو الليلة المغرب ومرتو دخلت الحبس ما بتلاقي الرجال عشان ما تتخففو جنس تخففكم البتعملوهو لي البوردابيات البيجن من بلاد برة ديل:) |
يا ياسر طيفور أنا مستعد أحلف الزول ده مع من لف حولهم .... اللهم لا تخوزقنا ولا تعولقنا ....
يا شباب الدوري ح يبدأ متييييين ؟ وريتشارد وقع للمريخ ولاّ لسه ؟ إنفضوا يرحمنا ويرحمكم الله ...
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: Yassir Tayfour)
|
وصلني الإيميل ادناه من أسرة جاكسون :
Quote: Dear Omer:
اولاً لا اراكم الله مكروهاً في عزيز لديكم. وبصراحة كل أسرة جاكسون متابعة للموضوع بتاعك ده بي شدة وتشكر كل المعزيين والمشاطرين ليهم الاحزان ولكل من أبرق معزياً أو اتصل مهاتفاً أو تكبد عناء السفر .فقط لدينا ملاحظة على ما تكتبه العضو سارة علي بخصوص إبنتنا جانيت ونحن بصدد رفع دعوة قضائية فجانيت لم تبيع السكر ولكن اديناها الكشف بي صرتو .بالنسبة للسكر فنحن حتى الان لم نستلم اي شئ من بورداب الخرطوم ويبدو اخي عمر ان حملة وليد جاكسون ستكون نسخة مكررة من حملة وليد دارفور .
نرجو من البورداب ترك مايكل يرقد في سلام ..دعوه وحاله فقط ادعو له بالرحمة والمغفرة .
بالمناسبة مايكل كان من المتابعين لسودانيز اون لاين ومعجب جدا بي كتابات ود الباوقة وعبد الرازق الطالب وبت قضيم وقبل وفاته باسابيع كان بصدد طلب عضوية من الأخ بكري .
لا حول ولا قوة إلا بالله ..
Ooooooooooooooooooooooh My God!!!!!
Pls Omer Keeb In touch.
Regards..
Jackson Family
عنهم ..جانيت |
| |
|
|
|
|
|
|
|
|
 Re: عاد يا ناس المنبر مااا بسألكم..!! (Re: عمر الفاروق)
|
عمر الفاروغ ...
Quote: Ooooooooooooooooooooooh My God!!!!!
Pls Omer Keeb In touch.
Regards..
Jackson Family
عنهم ..جانيت |
هسه عنهم دي ما لقيت ليها طريقة بالسجم أعجمي ده ؟ 
معليش يا عمر كنت عايز أنزل وجه ضاحك لكن نظراً لمتابعة أسرة جاكسون للبوست آثرت ان أنزله باكياً كنوع من المواساة لآل جاكسون ... فتقبلوا آحر تعازينا ... وتعازي بورداب الرياض .
on behalf of / عماد محمود
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: Yassir Tayfour)
|
عاطف يا عمر :
ياخ انت قاعد في بيت البكا ما تتكلم عن الغنا ..وبعدين غير نغمة جوالك دي شنو الناس بتشيل في الفاتحة وانت ليك في المسالمة غزال عاملة لينا نغمة :)
يادوب شوفتها والله اصلا انت عارفني برمي الدراب وبعمل يع تاني الا في الشاشة الغشاشة ..
تخريمة :
اها واجبت ال جاكسون ديل ولا ضربت امرقيقة دي وشتت؟
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: Yassir Tayfour)
|
حمور يا زيادة :
| Quote: حنمشي بعربية العوض |
وشايلين معاكم عسلكم ؟
يعني ال جاكسون حايقولوا اهل العوض جو ؟
عزاز ال شامي:
Quote: بعد الساعة تمنية مسا ... هي واحدة من الاتنين
1-يا الكهربا دخلت الحي عندكم
2-يا انت اشتريت لاب توب ...
3-يا انت ما انت ... |
دي ياها زااااااااااااااااتا تلاتة سريرين .
اها يا عزاز خلينا في الجد حا تمشي معانا البكا ده ولا لسة متشاكلة مع بريتني سبيرز ؟
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: Yassir Tayfour)
|
سارة علي:
ليي يعني كده ؟ إنتي مايكل ده ما واجعك ؟ ولا ما واجعك؟
بعدين جانيت زااتا ما قاعدة تبكي بتشيل الفاتحة بس وشغالة تصبر في الناس ساااااي شوف عيني ماسكة بيونسي وبتقول ليها يا بيونسي إنتي ما مؤمنة ولا شنو ؟ الموت حق ومايكل بين يدي غفور رحيم اتصبري يا بيونسي اتصبري ..
النصيييحة البكتو بي الجد ويتني هيوستن صوتا مارق لي صيوان الرجال وتشيل وتمنح :
And I always Love Youuuuuuuuuuuuuuu and I I I I I I I always Love youuuuuuu..
بالمناسبة المسج حقتك ما وصلت انا اسة جاي من بيت البكا والناس ديل فاقدنك وفارزييين الجو من الما جو حتى ام مايكل سمعتها بتتكلم مع بت اختها الصغيرة مارغريت وبتقول ليها انتي وييين بت علي ما شايفاها ..
بالمناسبة مارغريت غطت ليك كويس وقالت ليها يا خالتو سارة ماسكة الشاي قاعدة بهناك من الساعة 12 ..
لكن بالجد أشر ومعاهو استيف ووندر علقوا على الشاي صحي سويتيهو انتي ياسارة ؟
تخريمة :
بتاع الركشة واقف برة قال ما حاسبتيهو
| |
|
|
|
|
|
|
|
|
 Re: عاد يا ناس المنبر مااا بسألكم..!! (Re: عزاز شامي)
|
Quote: هي واحدة من الاتنين
1 ) يا الكهربا دخلت الحي عندكم
2 ) يا انت اشتريت لاب توب ...
3 ) يا انت ما انت ... |
عزاز .. سلامات ...
ركزي أمي ركزي ... عمر ده ما يزازي بيك ... أمبارح ضارب ليهو أيس كريم كاااارب من اليورمارشية ولي هسه بيلحس في اصابعيه عشان كده مزاجه راااااايق وريقه مبلبل .... ما ينشف ريقك ساااكت !! سمح أمي؟
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: محمد عبد الماجد الصايم)
|
حبيبنا عمر الفاروق
الفن ماليهو وطن ولا ليهو حدود
حتى وان عرف الجميع اعمال مايكل بعد وفاته تظل اعماله مميزة كالحب من اول نظرة
ومن اول نظرة رشقتني عيونو وبقيت مجنونو ياخي العالم كلو بيعرف غناهو انت البشمرقة دي المسجل زاتووو مابشتغل فيها ولا شنو لوووووووووووول يكه
كدي خلينا من اي حاجة عليك دينك الفنانين بتاعين بلدك سمعت يوم عملوا كورال لي مساعدة الجوعى والمرضى ياخي الشحده زاته شحدوها ليك تاني عايز اكتر من كده شنو
بعدين يامعلم خلينا من فنانينا حركاتو البيعملها دي لو جابو ناس الفريق القومي من اول اغنية لياقتهم تنتهي
طيب لو شفته ود حلتنا لمن بوب مارلي مات قعد يبكي بي طول حسو تعمل شنو والزمن داك كنا صغيرونين كده ومستغربين علاقة الزول ده بي بوب مارلي شنو
تحياتي
زاتوووو
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: قيقراوي)
|
Quote: يا حنين حيرتيني في حناني ذاتو !!
ليه كدا ؟! |
قيقا ؟؟؟؟
مالك ابوي...المحيرك شنو؟؟؟ والله انتوا الزول يغيب منكم يومين يجي يبتدي التعارف من اول...تطير عيشتي انا...سويت شنو...
ااي نسيت....ازيك ياخي
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: حمور زيادة)
|
| Quote: البيعمل ليك فيها كان ودجيرانهم والبيعمل ليك فيها بيسمع فيهو من منتصف الثمانينات والبيعمل ليك فيها قرا معاهو في ثانوية هارفرد والبيقول ليك كنت ساكن معاهو في جادة داكوتا .. |
يا عمر الفاروق،
إذا كان دة المقياس،
معنى كدة الناس (المستهبلين) ديل كللللهم يمرقوا برة،
و يخلونى انا (براى) للعزاء،،
شفت شرايط الفيديو القال عليها حمور ديك،
كانت بتجينا من لندن أول بأول،
عز أيام مجدو،
(بيت إت) و (بيلى جين) تابعناهم فى التشارتس من ما دخلوا لغاية ما أتسدروا،،
و غيرهم و غيرهم،،،
انا صحى ما بكيتو (لغاية حسه)،
لكن مايكل جاكسون يستاهل يتبكى،،
كفاية بيذكرنا بزمن جميل إستحالة يرجع تانى،،
تصدق إنو من التسعينات و لغاية الان،
انا شخصيا، ما كنت أقدر أعاين لشكلو،
و اقول أعوذ بالله لو ذكر إسمو،،
مع إنو كنت أستمتع تماما بموسيقاهو،،
و الان بعد وفاته،،
اتأكدت إنو (فنان) ما ممكن يتعوض،
ولا ح يتكرر على المستوى العالمى،،،
It is the END of an ERA!!!!!
الما وصل يعزى منو؟؟
فى عربية تانية مارقة...............
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
عمر ؟
Quote: هوووي يا نسوان هووووي..
أدخلن إنسايد وسييبن البتسوون فيهو ده .. |
إنت الإستعلاء الذكوري عليك شنو كمان في بيت البكاء ؟!
مايكل ده ببقى ليك براك ؟!
أها أنا مابدخل إنسايد ولا شئ بدخل بباب الرجال عديل بس
ثم إنو مايكل ده كان نصير النساء وليس الرجال صاح ولا ماغلط ؟!
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عمر الفاروق)
|
Quote: في تلاتة نسوان سماااان جو داخلات ..
ديل معاك إنتي يا شبكة ؟
|
اي معاي
لقيناهن طاشات من البيت
اها ركبناهن معانا
| Quote: ومالك راسمة بي الاكسجين يا شبكة كان تخجلي شوية وتقمعي اصابعينك بس.. |
الموت جا فجاة
المرحوم ما كان عيان عشان نستعد
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: Ooooooooooooooooooooooh My God!!!!!
Pls Omer Keeb In touch.
Regards..
Jackson Family
عنهم ..جانيت |
| Quote: عمران (footballk) فكت |
عاد يا ناس ( نوبي ) مااا بسألكم .. سويتوها ظاهرة ..
تخافوا من ناس ( عنهم / جانيت ) وتمسكوا في كورة ناس عمران؟
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
Quote: بسبي
بسيسي
بسبسي سيسي
امــــين |
ههههههههههههههههههههه
والله خليتيني اضحك لمن دموعي جرن وانا في بيت البكى ووب علي النضاري الضحك دا الشي لابسة لي توب
كلو اتملا (مخاطة) ..
كدي يا شبكة كان طرف توبك فيهو حتة نضيفة ناوليني ليهو
هههههههههه
اقطعك يادي
_______________
الذ شي مرت اخوي السورية بتقول للتوب استعمالات عديدة من ضمنها يستعمل محارم (مناديل) اثناء اللبس
ههههههههههههههههههه
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: انعام حيمورة)
|
Quote: والله خليتيني اضحك لمن دموعي جرن وانا في بيت البكى ووب علي النضاري الضحك دا الشي لابسة لي توب
|
\
هي يا انعام بالغتي في الضحك دا
الجنازة لسة ما شالوهاوانتي تضحكي
جانيت ما بتقبل الكلام دا
Quote: كلو اتملا (مخاطة) ..
كدي يا شبكة كان طرف توبك فيهو حتة نضيفة ناوليني ليهو
|
هي ها زحي من توبي المطرز دا
ما بمشي بيهو اي بكا
بكيات معينة البلبسو فيها
الله يقطع المحن السويتيها فينا بضحكك دا قدام مرة المرحوم
Quote:
الذ شي مرت اخوي السورية بتقول للتوب استعمالات عديدة من ضمنها يستعمل محارم (مناديل) اثناء اللبس
|
هي مرةالسوري دي نخرينها مواسير
كيف يعني توب طوله اربعة متر ونص تستخدمو كمحارم
غايتو جنس فهم على نسوان بلاد برة دي(مصمصة ملح في اللحظة دي ومعاها لفة راس يعني الحال ما بعجب)
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: محمد عبدالرحمن)
|
عمر الفاروق...
بطل قتاتة ووريني الشاي عجب المعزين ولا لا..
علي حسب اجابتك انا بوريك عملتو ولا ما عملتو...
ثم انتا ذااااااتك مفروض تعمل معاي الواجب ..يعني كان سمح طووالي بدون ما تتلفت تقول دي سارة علي...ولا شنفو طوالي تقول عملتو شبكة..
خلينا نحرر سوقنا..ومصائب قوم عند قوم فوائد..
ـــــــــــــــــــــــــــ
مشي بتاع الامجاد وحاسبو..
الحساب يوم الحساب...
جني وجن الراجل الجباااااااااااااااار والبيذل في القروش
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
شبكة،
ماشاء الله عليكى،
زولة واجب و أكتر،،،
إنعام،،
إحنا وصف ما بنوصف،
لكن كان فى نحاس (دقو)،
الزول كان أذنه موسيقية برضو،،،،
يا عمر الفاروق،
نسوان سمان كيف يعنى،
ما فهمت،،،،
إنت ياداب ما أتلومت،،،
بعدين نخش إنسايد (لى شنو)،
هو المرحوم كان هين و لا هين؟؟؟
أنا جنى و جن الرجل البقهر النسوان (المظاليم) ديل،،،،
سارة على،
عليكى الله سيرموس النسكافه لازم يطلع معاهوmugs شكل واحد،،
ناس جانيت ديل شنافين و ما بعجبهم العجب،،،
يقوموا يقولوا البورداب ما خدموا فى بكا مايكل بنفس راضية،،،
يا جماعة دايرين نتستر،،،
أها الليلة ضرورى نمشى بدرى ،
عشان نخت معاهم الغداء،،،
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: SHIBKA)
|
| Quote: ومالك راسمة بي الاكسجين يا شبكة كان تخجلي شوية وتقمعي اصابعينك بس.. |
يسعلني الله أول مرة أعرف بأنها برسموها بالأوكسيجين !!!! غايتو جنس صياعتك يا ود الفاروق ما لاقتني ولا في ود الصائم !!!
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: عماد محمود علي)
|
| Quote: يسعلني الله أول مرة أعرف بأنها برسموها بالأوكسيجين !!!! غايتو جنس صياعتك يا ود الفاروق ما لاقتني ولا في ود الصائم !!! |
هي ذاتها صياعة ملفوحة ياعماد ياخوي،
الشئ بيرسموها بالـ (بيجن)، ويختو ليها الأكسجين عشان تشيل،
كدي يارجال بطلوا الفارغة،
أمشوا السوق لحقونا الخضار،
وشهلوا الجزارين ديل يوضبوا الضبايح دي،
باقي الفراش تقيل..
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: أميرة فاروق عبد العال)
|
Quote: شبكة،
قربي علي جاي، جيبي أضانك،
البتاعات الختاهن الملك،
البتنططن ديل معناهن شنو ياختي؟
مايقوموا يسوونا في صواطات في البكا ده!!
وبيكورك لي (أومر) كمان.. |
اميرة
شفتي الشلة البهناك دي اصلها غير الصواطة ما عندها شغلة
بس ما يتلمو مع بعض
تعالي نمشي الحوش الورا نقعد بهناك
والملك قال في ناس جايين يعزوا عشان كدا بكورك ل (أومر)
| |
|
|
|
|
|
|
|
|
|
Re: عاد يا ناس المنبر مااا بسألكم..!! (Re: شول اشوانق دينق)
|
اها جبتو لينا الكلام مع ال جاكسون ..
لقيت امهم تطنطن ساااي ورافعة المراتب في الحيطة ومدياها الشمس قالت شفع البورداب عملوها !!!
والخرايط ما تديك الدرب ..
يا جماعة انتو في كرت العزاء ما قريتو تحت ممنوع اصطحاب الاطفال؟
والله يا شبكة جانيت تشكر فيك الليل كلللو ماشاء الله عليها شبكة واقفة في النساوين وغدتم ..وسمع اضاني دي يا شبكة في مرا مدغلبة كده اظنها اوبرا تشيل تسأل في الجمبها انتي الزولة الواقفة في بكا مايكل شديد دي منو ؟ شكلها مرا رايقة ومستتة وزولة واجب ..
لكن النصيييحة شنفو سارة على شناف السنين شوف عيني ماريا الخير بتتكلم مع نعومي قالت ليها انتي يا اختي البت الشايفا روحا دي منو ؟ ياكافي البلا معلقة ما رفعتا ودمعة واااحدة ما نزلتا اليوم كلو طابقا صابونة الفير في يدها وتشيل وتغسل في وشها ..
تخريمة :
اها مرت مايكل بدت الحبس ولا لسة ؟
| |
|
|
|
|
|
|
| |
عمر الفاروق
حمور زيادة
محمد خليل ساني
ALazhary2
Yassir Tayfour
عاطف عمر
الملك
العوض المسلمي
سارة علي
عمران حسن صالح
فيصل نوبي
انعام حيمورة
صديق الموج
محمد عبدالرحمن
حبيب نورة
عبدالله كع
walid taha
علاء الدين يوسف علي محمد
alsngaq
فدياس نجم الدين
محمد عبد الماجد الصايم
ALZOLZATOO
ismeil abbas
قيقراوي
SHIBKA
Hassan Makkawi
abuguta
شول اشوانق دينق
Maawya Hussein
فيس بوك
تويتر
انستقرام
يوتيوب
بنتيريست