دي كييييف دي يا فان باستن ؟؟

Quote: هيييييه يا حليل ناس موسى الزومة

انـا طبعا ما حضرت الكورة .. حضرت كورة الافتتاح بس ..
لكن للضمان كدا ناس هولندا ديل مش ياهم (البرتقالي) الزمان ديلاك ..؟ واللا جابو ليهم (فنايل) جديدة ..؟

Quote: جملة تدريبية واااااضحة ..

..

Quote: امبارح فان باست لاعب بي فان بيرسي وروبن كأجنحة صريييحة .. الغريب وعجيب إنو فان بيرسي صاحب قدم يسرى وروبن صاحب قدم يسرى .. يا حليل فهمنا التقليدي بتاع الشمال شمال واليمين يمين ...

والله يا عمر حيرتنـا بي كلام عالم الرياضة دا .. ما فاضل ليك إلا تتلكم لينا عن دخل المباراة كم .. والرياح شنو بالضبط .. وبعداك تكتل لينا الكورة زي علي الحسن مالك ..
الملعب بيسع لي خمسة وعشرين الف متفرج .. وشنو كدا ما عارف هي المدينة التانية وعملة البلد هي البيزو وفجأة في نص الكلام يقول ليك الهدف الخامس .. الهدف الخامس

Quote: الخواجات ديل قون القضاء والقدر..ما عندهم ..

العجيب و غريب قون شنايدر

ياخ دا لفى صينية و ( جلب ) ما تسالنى جلب دى شنو

Quote: لكن للضمان كدا ناس هولندا ديل مش ياهم (البرتقالي) الزمان ديلاك ..؟

Quote: طيب يافردة ما تتغزل فى قون تيرى العامل زى الشولة,,,

ياخ قون فيهو ريحة الزومة الزومة ..
الكاس إن شاء الله الماني ..

Quote: ياخ قون فيهو ريحة الزومة الزومة

حرك عيونك كويس


ونظريه فان باستن دي بتقول لازم اللاعب يتمتع باللعب بالجميع اليسرى واليمنى والراس وغيرو.....

وهذه ليس الا في اللاعبين العباقره ومثالا لذلك الفنان الاسطورة فيصل العجب الذي احرز اهداف في اليمنى واليسرى والراس في الوصيف يعني بعد داماباقي ليه الا ينصقر فيها ويدخل بيها المرمى

لذلك اقترح العمل بالنظريه العجيبه في تعليم اللاعبين الصغار اصول الكره

ونظرياتكم دي طبقوها بعيدا عن اسيادالبلد يامان

رايك شنو اتصل ليك على عمر النقي يستضيفك في برنامجوالمهبب (وياحليلك ياعلي الريح)

وتقدم لينا فاصل من النظريات الهلاليه دي يمكن تجيب ليكم كاس خارجي

الزومه قال .....

ابومصطفى

Quote: إنو فان باستن لعب بي الطريقة دي وخلّى فان بيرسي يكون بي الجهة اليمين عشان يخلّي قدم فان بيرسي الشمال تكون هي اللي داخل الملعب لأنو بيرسي يمتاز بالتسديد القوي بالشمال بينما ترك روبن في الجهة الشمال عشان رجلو تكون لي برة فروبن يجيد العكسيات والمرواغة والتمرير ..

Quote: العجيب و غريب قون شنايدر ياخ دا لفى صينية

Quote: ( جلب ) ما تسالنى جلب دى شنو

يا زول عاااااارف معناها ..لأنو مرة عندنا ود في الحلة بتاع مغارز قال ليك لي ولد صاحبنا تاني كده منبوذ من الجكس فقال ليهو لو عايز البت تجري وراك بس اي بت تشوفا في الشارع أمشي عليها وأديها قرصة كده وقول ليها (جلب) وبكرة براها بتجي تدق ليك باب بيتكم ..
الزول ده لحدي أسة زي ماخد ليهو 742 كف و816 شلوت و935 بونية ووالباب ده لا كوكو ولا كرو كرو ما دق ..

جلب..

Quote: مرة سألت المدرب الألماني وينفرد شايفر لما عمل حاجة زي القتلو فوق دا وقلت ليهو قاصد شنو يعني ..؟

Quote: وهذه ليس الا في اللاعبين العباقره ومثالا لذلك الفنان الاسطورة فيصل العجب الذي احرز اهداف في اليمنى واليسرى

بالمناسبة الزومة بعد جاب قونو في الهلال جرى النص

Quote: مرة سألت المدرب الألماني وينفرد شايفر لما عمل حاجة زي القتلو فوق دا وقلت ليهو قاصد شنو يعني ..؟ قال لي قاصد ارباك الخصم ( معني الكلام ) .. وقال انو عملية زي دي تعتبر مجازفات محرمة خاصة في المباريات الحاسمة يعني البكون فيها نظام خروج المغلوب أو ما شابه ..

Quote: لأنو طالما عندك اتنين وينق ( تخصص شمال + يمين ) عليك كمدرب ذكي أن تستفيد أقصي فائدة من ميزاتم في فتح اللعب بالاطراف لإتاحة المساحة والزمن للاعبي العمق في التوغل لمنطقة الخصم وفتح الثغرات المطلوبة , وكذلك رفع الكرة أمام المرمي من الشمال واليمين علي شرط أنو لو كانت الكورة مرفوعة من الشمال مثلا لازم يكون الجناح اليمين ماخد زاوية خط تمنتاشر العلي جهتو عشان يستني اية كورة مرتدة في المنطقة دي ويمحطا في القون او يمررا علي حسب الظرف .. او : فائدة تانية أنو يرجع الكورة بي دربا اذا تخطت الجميع ووصلتو في الجهة اليمين والعكس في حالة تكون الكورة مرفوعة من اليمين .. شايفر قال دي خطة تقليدية وقديمة جدا لكن مستحيل مدرب يجازف بتغييرا لانها ( زي الملح في الطعام ) ..

امبارح يا طلحة الحاجة العجيبة ما كانت في إنو يكون عندك وينق شمال ووينق يمين العجيب في إنو الوينقين كانت كرعينهم شمال بالتالي حكاية إنو فان بيرسي يرفع ليهو كورة معكوسة دي كانت المستحيل بي زاتو لأنه كراعو الشمال داخل الملعب بالتالي لو عايز يعكس اي كورة إلا يقيف وستعدل و و و و ومن المستحيل يعكس وهو جاري او متحرك ..
الحركة دي كان بيقوم بيها روبن تماااماً لأنو روبن كان لاعب وينق شمال وبالرغم من كده روبن نفسو قدر سجل هدف من الوضعية دي وساعده في كده تورام البطئ إضافة للحارس اللي جاتو الكورة في زاويتو ..

Quote: فان باستن دا يا ود الفاروق اراهنك ما بكون قاصد النظرية العجيبة بتاعتك دي .. ( أنا ما شفت الكورة طبعا ) ..

كدي بشد ليهو تلفون بعدين أسألو بس إن شاء الله الشبكة تكون كويسة ..باقي ناس سوداني ديل بالليل شبكتهم كعبة وفان باستن ده شايل سوداني
تعرف يا طلحة الخواجات ديل أييي شي بيقصدوهو خصوصا في الكورة ..
مرة تابعت لي شريط فيديو مسجل لي فريقي المفضل مانشستر وكان عبارة عن حصص تدريبية للموسم السابق والخطة اللي كان بيمرن فيها فريجسون للاعبين ..
تعرف الحاجة البتخلع شنو ؟
بيجيبو ليك في الشريط التمرين لي تسجيل هدف مثلا عن طريق الاطراف الكورة تتلعب من فيردنانند مثلا لي اسكولز لي رونالدو لي روني وجلب(على قول نورينا الحزين) الكورة تخش في الكيس..اها بعد داك يجيب ليك كورة حقيقية تم فيها تطبيق الهدف ده بي الكربوووون وبي النص مثلا مانشستر ضد بولتون أو ضد استون فيلا ..وبي الطريقة دي باقي الاهداف والله لمن تتحير..
من يومها وانا عرفت ليك الجماعة ديل اقوان اخوي واخوك دي ما عندهم وداريو كان ماااف هناك
بالمناسبة ما تعتمد على كلامي ده شديد وفعلا فان باستن غالبا بيكون ما قاصد كده لكن تصدق دي وهمةمني وجلكسة ..
ولا شنو ؟

Quote: عليك الله مش حرام ود المعتصم دا يلعب بشيلسي .. قال بعمل الخطة .. و اول حاجة بخت روبن في الاحتياطي .. انا والله من الزول دا مشى شيلسي .. البلاستشين كرهتو كلو كلو ..!!

أسة عليك الله كان ما روبن ده بتغلبنا يا حميدة

Quote: هولندا عمرها ما كانت عندها مشكلة في المهارات مشكلة هولندا كلها في الحظ

المنتخب الهولندي في مباراتيه ضد إيطاليا وفرنسا لم يكن هو الفريق الأفضل ولم تكن إيطاليا وفرنسا أسواء لكن التوفيق الذي لازم المهاجمين الهولنديين كان هو السبب..
إيطاليا اضاعت اهداف اكثر من هولندا ولعبت افضل من هولندا معظم فترات المباراة لكن ثلاثة فرص ثلاثة اهداف ..
فرنسا فقدت المباراة من أول عشرة دقائق ثم عادت وسيطرت سيطرة تاااامة على المباراة ولكن اربعة فرص واربعة اهداف وخلصت المباراة ..
هولندا الحالية استفادات من الدروس السابقة وما ادراك ما الكرة الشاملة دون تحقيق النتيجة ..

Quote: براحه براحه يازول على الجماعه ديل ماقدر دا لكن

Quote: امبارح فان باست لاعب بي فان بيرسي وروبن كأجنحة صريييحة .. الغريب وعجيب إنو فان بيرسي صاحب قدم يسرى وروبن صاحب قدم يسرى

شين دة ...

Quote: بالمناسبة ... انت وين مختفي يا ضب ..

ضغطنا ليك صحبك حميدة وقلنا ليهو واحدة من الأسماء اللي زحمتنا بيها " سمو " وشغل لينا حيّز في الذاكرة بدون ما نستفيد منو أي شي
لابد كده مالك يا حبوب ؟؟

Quote: حسى كان كوركت يا فان اظن نص هولندا بتلتفت

فان دار فارد فان دارسار فان بروكلن فان باستن ..انت الموضوع يكون عندو علاقة بي المروحة بتاعت الطاحونة الهولندية ؟ ولا فان دي ما معناها مروحة كمان
ولا شنو يا فان ..اقصد يا مان