|
|
 جمعية الصحفيين بالرياض وشدّاد خرمجة السنين
|
أقامت جمعية الصحفيين (أو كما يقال لها) ندوة رياضية (كبرى) على قولهم ..
عندما تسمع الأسماء المشاركة تمنّي نفسك بندوة فعلاً ستكون كبرى في وجود كمال شداد رئيس الاتحاد ومحمد يوسف الوزير بالإضافة لحضور السفارة وعدد غفير من الكيانات الرياضية والجمهور..
ندوة أقل ما يمكن أن أصفها به أنها كانت ندوة (سخيفة) سوء تنظيم لا يدل على أن من قام به صحفيين وسوء تجهيز وسوء إعداد من كل النواحي !!!
هرجلة لم أرى لها مثيلاً في حياتي ضوضاء وإزعاج وهمهات وكثرة تحرك من أعضاء من يسمون نفسهم بجمعية الصحفيين ..
بين كل لحظة ولحظة يتقاطع أحد المنظمين مروراً بالمسرح المعد لجلوس الضيوف بحركة أسميها انا (الشوفونيّة) على طريقة (شوفوني) انا موجود ..
كالعادة بدأت الندوة متأخرة 45 دقيقة عن الوقت المحدد وكالعادة أجندة الندوة في وادي الحديث في وادي اخر ..
كلمات بصراحة كانت ثقيلة على الجمهور وأعضاء جمعية الصحفيين يعددون مأثرهم وكأنهم موتى فحققوا مقولة (شكّارتا دلّاكتا) والندوة رياضية ورئيسهم يصر أن يقحم لنا ورقة قدموها في فيينا وورقة قدموها للرئيس وورقة بن نوفل !!!!
الندوة رياضية والرئيس يصر أن يحكي لنا الحلقات الفائتة من نشاطات الجمعية وكانه يقول لمن فاته حضور الحلقة الأخيرة اليوم الإعادة !!!
بدأت الندوة بعد ذلك بحديث لكمال شداد أحسبه حديث مكرر وماعد ذكره كمال شداد في وسائل الإعلام أكثر من مليون مرة دار كله حول الحكايات والقصص والعراقيل التي يعانيها إتحاده !!!
نعم ضحكنا لقفشاته ونعم سعدنا بصراحته ولكنها كانت في حدود المكرر ولم يأتي بجديد !!!
العشوائية كانت في المداخلات والفرص التي أتيحت للكيانات عشوائية في الحديث عدم إحترام للزمن شعلقة في المايك والكل يرفض أن يترك المايك بدءهً بهذا النجيب مروراً بعاشق المايكرفون عبد المنعم عبد العال و رابطة تشجيع المريخ وأمل السودان وأمل وبدر ..
ربما فقط من إحترم الوقت كان ممثل رابطة مشجعي الهلال الذي إختصر كلامه في سطرين فقط وفي فترة لم تتجاوز الدقيقة حتى !!!
المشاركات والأسئلة كانت ضعيفة للحد البعيد والندوة في وادي والأسئلة والأجوبة في وادي تاني !!!
بالله عليكم يا من حضرتم الندوة بماذا خرجتم ؟؟؟
اللهم إلا هذا الأشتر نجيب وإنفعالات شداد الذي تعامل بلغة اولاد الشوارع وهو يرد على نجيب لتصل مرحة كادت ان تصل للإشتباك بالأيادي !!!
الأدهى والأمر إنه كان من بين الضيوف الصحفي السعودي الكبير صالح الحمادي فسمع وشاهد فضائح ما كان أن يكون فيها موجودا وهذه واحدة من خرمجات الجمعية التي دعت ضويف اغراب عن الكرة السودانية وفضائحها فحكى شداد امام هذا الضيف كيف أن مصطفى يونس إستباح بنات السودان وقوله بأن مصطفى يونس قال أنه لم يفتقد شئ في السودان بقدر إفتقاده لشقته التي كان يأتي فيها بالبنات من كل نوع وشكل !!!
ندوة أقل ما يمكن أن توصف به أنها فاشلة فاشلة فاااااااااشلة !!!
ولعل أكبر دليل هو خروج الوزير في عشرة دقائق فقط وهذا أن دل إنما يدل على أن الندوة ليس مجهز لها ولكنها وكعادتنا السودانيين أن نستغل وجود أشخاص لموضوع فنحوله لموضوع اخر !!
وهذا فعلاً ما حدث فقد علمت أن شداد والوزير في الرياض بسبب حضور حفل زواج لأحد الأمراء !!!!!
يا اهل الجمعية إن عمل أحدكم عملاً فليتقنه وليس الغرض فقط أن نقول أقمنا ندوة ودعونا شداد والوزير والسفير ولكن المهم كيف نعد لها وكيف نقدمها وكيف نحافظ على الإنضباط فيها !!
سوء التنظيم وصل للحد الذي جعل أحد الصحفيين يقدم كباية الشاي الورقية للسفير باليد دون ادنى حدود كرم الضيافة !!!!
|
|
 
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
تعرف يا اساسي :
المايكات ما شغالة يشيلو ده يجيبو داك يرجعو داك يجيبو ده وكلها وكالعادة مع تجربة النفخ على المايك :
أوووووووف ..أووووووووووف أفففففففففففففففففففففففففففففف..
ومعاها طقة بي السبابة طق طق طق وبعد داك كوراكا كده بتاعت الزول أيوووووووة شغال ياخ ..
تخريمة :
واحد من ناس الكيانات قال نشكر الدكتور كمال حدّاد
وواحد تاني من الكيانات برضو قال الهلال والمريخ في الدوري الممتاز بيسافروا جوبا
قال كيانات قال ؟؟ أححححححححححححححححححححححححححححححييييييييييييييييييييييّا
| |
|
|
|
|
|
|
|
|
 Re: جمعية الصحفيين بالرياض وشدّاد خرمجة السنين (Re: عمر الفاروق)
|
| Quote: تعرف من قريت بوستات الندوة ما اديت فيها راي كنت بانتظار تعقيبك او بوست عن الندوة طبعا بالرغم من وثوقي في احكامك عدا انتمائك السخيف للهلال الا انك ما خزلتني كعادتك واديتنا المفيد |
طيب ياأساسي نفهم دا تبييت نية للنقد العدائي ام ماذا ؟؟؟ لو كان عمر المختار ولدنا عجبتو الندوة ولاقت استحسانه هل كان خذلك ؟؟؟ ياراجل دا شروع في النقد غير الهادف مع سبق الإصرار والترصد .
ونجئ لى ولدنا عمر المختار الساخر جدا جدا ونقول اصلو الندوة دي ما فيها حسنة واحدة ولو كسر الجمود والروتين يعني بدل حفلة او نقول عملوا على إثراء الثقافة الرياضية ... وما ذهب إليه شداد في مقابل نقده لمصطفى يونس دا كلام قالوا شداد وماكان ينبغي له ان يتعرض لمثل هذا الحديث ولكن نقول شنو في ظل الحماية الرئاسية للسيد شداد بن عنتر الشوري بالمجلس الوطني .
| Quote: ندوة أقل ما يمكن أن توصف به أنها فاشلة فاشلة فاااااااااشلة !!! |
دا ووفق ما قدمت له يكون هناك قصور في الإعداد كبير جدا تلام عليه لجنة الإعداد وهذا حكم مسبق قبل أن نسمع لهم وذلك اننا نصدقك كما قال أساسي , لكن وكما سبق لي الذكر فإن مجرد تحريك النقاش الرياضي بندوة في حضرة رئيس الكرة في السودان فدا يحسب للجمعية وليس عليها , مع إستصحاب نقدك في الحسبان للإستفادة منه لاحقا. والجايات أكثر ودي بروفة غير ضارة.
| Quote: ولعل أكبر دليل هو خروج الوزير في عشرة دقائق فقط |
بيكون عرف أنو شداد لن يعطيه فرصة.
| Quote: نعم ضحكنا لقفشاته ونعم سعدنا بصراحته |
أهو واحدة من الإيجابيات وين كنت ح تلقى الفرح لولا جمعية الصحفيين رمت لك بهذا الشداد فأسعد ليالي غربتك يا حبيب .
وسلام لعمر وأساسي والعجب الصيام في رجب.
..................................................................................حجر.
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
الواحد يغيب يوم واحد يجيء يلقي ليك ناس ابو عمير معتلين منبر النقة الزي دي :
Quote:
نعم ضحكنا لقفشاته ونعم سعدنا بصراحته .
|
اتا عارف يا عمر الفاروق قبل ما يتحدث شداد في الندوة دي ضربت ليهو تلفون وقلت ليهو بلاي يا بروف ضروري تضحك لينا واحد اسمو عمر الفاروق عايزين نشوف سنونو وكمان بالمرة تم جميلك وأسعدو لينا ..
أها قصرنا معاك يا عالم .. (من العلم الكتير) .
Quote:
فحكى شداد امام هذا الضيف كيف أن مصطفى يونس إستباح بنات السودان وقوله بأن مصطفى يونس قال أنه لم يفتقد شئ في السودان بقدر إفتقاده لشقته التي كان يأتي فيها بالبنات من كل نوع وشكل !!!
|
اها والغريب في كدا شنو يعني ..؟؟
القصص دي اي زول عارفا وحافظا وزمان فاتت الحدود والبركة في الجرايد والقوالين والنمامين وناقلي الفضائح برا وجوا وبحرا مع سبق الإصرار والترصد .. خلاص يعني بقت علي كلام شداد دا ..؟
قبل ما انسي :
بلاي يا ابو عمير ممكن ترص لينا الجديد العايزو هنا عشان نكلم زول يكلم شداد يقول ليهو قال ليك عمر الفاروق جيب جديد لما تجىء المرة الجاية تعمل ندوة في السعودية .
فتت .. ( يعني اتخارجت من هنا)
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
أولا أنا لم اسمع باسم عمر والفاروق في الساحة الرياضية لو كنت تملك من التهذيب والأدب لما تكلمت بهذا الأسلوب البعيد عن المنطق والأدب وهل ما طرحته انأ بعيد عن الموضوع أن كنت تفهم في كرة القدم هذه الاسئلة التي طرحتها *
لم نشاهد اى تطور ملموس في الدوري الممتاز، طيلة هذه السنوات؛ ولم يظهر منافس لأندية الهلال والمريخ
*الدوري الممتاز يعد تنافسًا في تنافس بين الهلال والمريخ حتي النهاية
والفرق الأخرى فنياً تجد أوراقها متشابهة، ويصعب تحديد الاحتمالات، فيها من يحاول احتلال موقع في منطقة الوسط، وآخر يبحث عن طوق النجاة؛ كي لا يرجع إلى دوري المظاليم وتغيب لمدة سبع سنوات أو عشر سنوات وأكثر فان ذلك يعني ضعف المنافسة
*المنافسات الداخلية والخارجية المتداخلة والمضغوطة والمتقطعة والبرمجة المقلوبة والتي تشكو منها أندية الهلال والمريخ إضافة إلي الترحال لأداء مباريات الدوري الممتاز مع فرق الولايات المختلفة؟
*لماذا لا يصدر الاتحاد قرارا بمشاركة بطل كأس السودان وثالث الممتاز بعد مباراة فاصلة تحدد الفريق الفائز الذي سوف يشارك في البطولة العربية ويكتفي بطل الممتاز الوصيف بالمشاركات الإفريقية والفريق الذي يجمع بين بطولتين يشارك في بطولة واحدة؟
*لماذا لا يصدر الاتحاد قراراً بمنع تسجيل اللاعب المشطوب الذي يتجاوز عمره (28) عاما وما فوق ً، ومن الأجدى أن تستفيد منهم الكرة السودانية في الإدارة والتحكيم والتدريب والتعليق والتحليل والاستثمار والتسويق الرياضي من خلال دورات وأن يعيد رسم خطة عمل الفئات السنية كجهة تنظيمية وتشريعية ويساعد بشكل أو آخر في عملية تسيير الأندية في صناعة إنتاج المواهب وتحديد المدارس التدريبية وآلياتها ومدة عملها في الأندية خصوصاً العمل التنظيمي؟
* منتخبنا الوطني بتركيبته الإدارية والفنية الحالية، لن يستطيع التأهل إلي نهائيات كأس العالم بعد أن خسر فيها جميع مبارياته مبارياته الودية والرسمية بدءاً من مدينة ملقا الإسبانية وغانا والمباراة الأخيرة علي أرضنا مع ليبريا!! كيف ننافس بمنتخب يخوض 9 مباريات خلال 6 أشهر لم يحرز أي نص وباتت الخسارة فرض عين!
*لم يعقد الاتحاد حزمة من ورش عمل ودعوة الأندية الرياضية والرياضيين أصحاب الخبرة والمعرفة وأذرع منابر الإعلام لمعالجة الأخطاء التي أدت إلي هزائم المنتخب المتكررة وكيفية الاستعداد لمنافسات التأهيل إلي كاس العالم؟
*ورغم ذلك يجدد الاتحاد عنوة الثقة للجهاز الفني الذي اتفق جميع النقاد انه من الأسباب الرئيسة في خسائر المنتخب؟
*هل من ضمن أجندة الاتحاد خطوات في السير إلي اتجاه خصخصة الأندية وهل الوقت مناسب وهل المعطيات متوفرة لدى الأندية ؟
ما هي المعايير والمواصفات التي وضعها الاتحاد للتجنيس؟
*لماذا لا يكون ضمن برامج الاتحاد بطولة للناشئين والشباب علي نطاق منتخبات الولايات المختلفة؟
وطالع ما طرحته ان كنت تفهك كرة القدم
نجيب عبدالرحيم
إوذا عدت عدنا........
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
قال اخونا محمد هنا :
Quote:
كالعادة مارس الجميع عادتنا القبيحة بنشر الغسيل القذر أمام الضيوف.
|
وبدوره نشر :
Quote:
شداد، الذي ذكر أن احد اتحادات كرة القدم السابقة تم حله في الطائرة بسبب جريمةأخلاقية حدثت لبعثة المنتخب في الخارج وبالتحديد حكاية "بنات". |
Quote:
أصبح شداد هو المدافع عن شرف وأعراض السودانيات عندم رفض لمصطفى يونس بالعودة للتدريب مرة أخرى في السودان لتدريب المريخ بحجة أنه وصف السودانيات بـ"العاهرات"؟ |
Quote:
لكن شداد وبعض المنفلتين من جالية الرياض سيئة السمعة أفسدوا الغرض النبيل من قيام الندوة.
|
طيب ياخ بنفس مفهومك دا المنبر دا فيهو ضيوف ح يقروا الكلام الشين دا عن السودانيين والسودانيات ..
وشخصيا في معلومات كدا ما سمعت بيها إلا من خلال كلامك دا .
الفرق شنو يا صاح بين زول يتكلم في ندوة وزول تاني ينشر في منبر اعلامي زائع الصيت مثل سودانيز أولاين ..؟؟
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
Quote: ما ذنب جمعية الصحفيين من تصرفات الأفراد الغبية من جالية الرياض والازعاج الذي سببوه وعدم احترام بعضهم البعض، والتحدث بصوت عال بالهواتف النقالة، والسلام والقبلات والتحيات والعناق الحار والصوت العالي والمنصة تتدخل كل مرة وتطالبهم بالهدوء؟
ماذنب المنصة وهي تعطي كل متحدث دقيقتين فقط ويطيل، تدخل سكرتير الجمعية الأستاذ أسماعيل أكثر من مرة للحد من هذا الانفلات، تعرض الأخ محمود اللعوتة للإساءات وهو يختصر ويبعد الأسئلة المكررة؟ |
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
العزيز الرفاعي :
| Quote: او نقول عملوا على إثراء الثقافة الرياضية ... |
هناك فرق بين أن تقييم ندوة لغرض إثراء الثقافة الرياضية وأن تقيم ندوة تبدو من ملامح أجندتها ومن الوهلة الأولى انها ستكون ندوة تحصيل حاصل !!!!
كل أجندات الندوة المقدمة كانت مستهلكة لت وعجن في أشياء تمت مناقشتها أكثر من مليون مرة في مليون محفل بي مليون طريقة والمتحدث واحد وهو كمال شداد!!
كمال شداد صار محصّن من كترة ما إتكلم في الموضوع ده وبقا كلامو محفوظ لأن أسئلة الجمهور محفوظة ومكررة ..
تحياتي..
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
Quote: اها والغريب في كدا شنو يعني ..؟؟
القصص دي اي زول عارفا وحافظا وزمان فاتت الحدود والبركة في الجرايد والقوالين والنمامين وناقلي الفضائح برا وجوا وبحرا مع سبق الإصرار والترصد .. خلاص يعني بقت علي كلام شداد دا ..؟ |
ما غريب إلا الشيطان يا طلحة والكلام ده قريناهو ملوين مرة وسمعناهو من شداد خرتومية مرة لكن انا مزعلني حاجتين :
الأولى إنو السودانيين ولي طنقعتهم مشوا عزموا ليهم أكبر صحفي رياضي سعودي ورئيس تحرير أكبر جريدة رياضية في المملكة الأستاذ صالح الحمادي وقاعد وش بيسمع في الكلام ده ونحن بس قلنا نمشي بي نظرية إذا بليتم ..
الأكتر شي فاقع مرارتي بقا إنو شداد البيقول مصطفى يونس مسح بي كورتنا الأرض فشداد بيمسح بيه الأرض أكتر منو وبي صرييييييح العبارة ..
شداد بيقول لاعبننا فاقد تربوي وكلهم مكنيكيا !!!
شداد بيقول عن مدربينا زعيط ومعيط مع إنو في الندوة عشان زنقوهوا بي المدرب الأجنبي قام قال نحن المدرب الوطني عندا مؤهل !!
شداد يفخر بي إنو ما دخل أي كورة في الدوري الممتاز عشان ما يجيهو وجع بطن من القرف بتاع كورتنا وكأنه رئيس لي إتحاد الركبي أو الريشة !!!
| Quote: عشان نكلم زول يكلم شداد يقول ليهو قال ليك عمر الفاروق جيب جديد لما تجىء المرة الجاية تعمل ندوة في السعودية . |
إنت بعد فصاحتك دي كلها حا تكلم زول يكلم شداد ؟؟؟
يعني ما إنت الحا تكلموا طوالي ؟؟؟
كان كده النقول ليك انا يا طلحة :
إنت وريني عايز شنو وانا بكلم ليك شداد طواااااااااالي وغالبا غالبا بي كلامك ده فزي حا أكون انا الزول الحا تكلموا عشان تقول ليهو قول لي شداد عمر قال عايز جديد ..
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
| Quote: أولا أنا لم اسمع باسم عمر والفاروق في الساحة الرياضية |
ولااااا حا تمسع عنو ..
والسبب إني زول سااااااااي ومشجع عادي فلا انا متسلق صحافة ولا متشعبط أضواء ولاا انا كسّار تلج ولا ذيل من ذيول الرياضيين ..
| Quote: لو كنت تملك من التهذيب والأدب لما تكلمت بهذا الأسلوب البعيد عن المنطق والأدب |
ما عارف وين عدم الأدب في كلامي الفوق القلتو !!!!
ولو قاصد حكاية الشتارة فانا أكرر مداخلتك كانت شترا وكلامك كان أشتر وبدا عليك الخوف والإرتجاف وكأنك أول مرة تمسك مايك فبديت تقول في كلام غير مرتب وبعدين لمن زنقوك كضبت كمان وقلت إنت قلت جوبا على سبيل المثال مع العلم إنك لمن قلتها كنت فعلاً قاصد إنو الهلال والمريخ بيسافروا جوبا للدوري الممتاز ودليلي إني علقت عليها لي زميل مجاور قبل ما يعلق عليها شداد !!
لكن تعرف انا عاذرك لأنو تلقاك إنت ملخبط بي كأس جوبا بين هلال مريخ بتاع المرحوم سامي عز الدين وبين الدوري الممتاز وده ياهو اللفحي زاااااااااتو البنتكلم عنو !!!!
وبعيدن ياخ ما يسافروا المشكلة وين ؟؟؟؟
ما تراهم بيسافروا المانيا واسبانيا ومصر وتونس يعني بقت على كادوقلي؟؟؟؟؟
| Quote: لماذا لا يصدر الاتحاد قرارا بمشاركة بطل كأس السودان وثالث الممتاز بعد مباراة فاصلة تحدد الفريق الفائز الذي سوف يشارك في البطولة العربية ويكتفي بطل الممتاز الوصيف بالمشاركات الإفريقية والفريق الذي يجمع بين بطولتين يشارك في بطولة واحدة؟ |
طيب يا الفالح وناجح بطل كأس السودان ده مش ياهو هلال أو مريخ ؟؟؟
طيب نقول ثالث الممتاز كان جزيرة الفيل مبطل كاس السودان كان الهلال مش بي كلامك ده مفروض يعملوا مباراة فاصلة بين الهلال وجزيرة الفيل عشان يحددو منو الحا يلعب في بطولة الأندية العربية ؟
أها مش مليون في المية الهلال حا يفوز على جزيرة الفيل ؟؟؟؟
أسة في داعي لي اللفة دي ؟ ما كان من اول الهلال يلعب توووووووشك كده !!!
شوفت كيف إنت بتنضم ساي وإقتراحاتك غير مدروسة وغير منقحة ؟
| Quote: لماذا لا يصدر الاتحاد قراراً بمنع تسجيل اللاعب المشطوب الذي يتجاوز عمره (28) عاما وما فوق |
أها النديك الكلام الما بتعرفو لأنو شكلك كده ما لعبت كورة وما عندك علاقة بي الكورة !!!!
قمّة عطاء اللاعب على مستوى العالم بيكون في عمر ال30 تحديداً وده بيسموهو عمر النضج الكروي !!!!
فما بالك بي 28 سنة !!!!
بي كلامك ده معناها ناس رونادلينهو وناس رونالدو ديل يشوفو ليهم شغلة غير الكورة بعد ده !!!!
هو بعدين انت قايل اللاعب بيجي هلال مريخ عمرو كم ؟؟؟12 سنة ؟
ما ياها ال28 دي زاااااااااااااااااااااتا ...
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: محمد نجيب عبدا لرحيم)
|
| Quote: اكرر للمرة المليون ليس لك اى علاقة بكرة القدم رأيك بالنسبة لي لا يقدم ولا يؤخر وحديثي في المنبر ليس بجديد وانأ كاتب بصحيفة الكابتن الرياضية والخرطوم والمشاهير أنت بتكتب وين يا...... |
بكتب في سودانيز أون لا ين ده
ولا إنت مامعترف بي حوش بكري
بعدين تعال النقول ليك حاجة
والله من كلامك بتاع 28 سنة ده عرفت إنو علاقتك بالكورة زي علاقتك بالطب (وش حيران)
| |
|
|
|
|
|
|
|
|
|
Re: يا نــــادية عثـمــان مـخـتــــــــــار (Re: د.محمد حسن)
|
Quote: برافــــــــــــو
اتيح لي يوم الخميس ان اشاهد اعادة حلقة قضايا صحفية
استمتعت بالحوار
اهنيك ، وكاول مرة تقدمين مثل هذا برنامج فقد حالفك الوفيق كثير
اختيار الضيوف كان موفق
من حيث تداخل اجيال وعنصر نسائي مشاغب
عفاف ابوكشوة صدامية اعجبتني مداخلاتها
وردود عادل الباز الهائة والتي لا تخلو من سخرية مستترة
احساس الضيوف بالحرية جعلهم يتكلومن براحة وانسياب
اعجبني عدم مقاطعتك للضيوف وترك الفرصة كاملة لهم
تمنياتي لك بالتوفيق في هذا المجال
نصيحة اخوية
شاهدي برنامج الساعة العاشرة للمذية منى الشاذلي في دريم 2
حتما سيفيدك |
دكتور محمد حسن دا شايت وين..
| |
|
|
|
|
|
|
|
|
|
Re: يا نــــادية عثـمــان مـخـتــــــــــار (Re: د.محمد حسن)
|
Quote: وراق الجميل
الكبر دخل
كنت متابع البوست
وفي بالي الموضوع
ومفتكر نفي فاتح صفحة موضوع جديد
ونزلت الموضوع
وقعدت فاتش
ما لقيته
قلت يا ربي الكومبيوتر جن؟
والا مسكون
امهم عملت بحث
بقيته لابد جنبك
وانت ما صدقت
عالم شمشارة كيف
مودتي |
عارفك يا دكتور .. إما عايز تفتح بوست جديد أو حديثك موجه لبوست أخر.. ولكني قلت.. صديقي الدكتور محمد حسن ربما يكون متأثراً من مفعول ندوة شداد..
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
الشيخ صاح محمد:
شكراً للمداخلة الطيبة ..
| Quote: الأخ عمر ماذنب الجمعية إذا كانت تهدف من وراء إقامة هذه الندوة لنقاش ثر والخروج بتوصيات تساعد في علاج أمراض الكرة السودانية. |
هنا كان ذنب الجمعية يا عزيزي !!
نحن لا نعلم سرائر النفوس لكن صدقني ليس الغرض هو نقاش ثر وخورج بتوصيات تساعد في علاج أمراض الكرة السودانية !!
بالله عليك كم مرة كتبت روشتة علاج امراض الكرة السودانية ومن أطباء مختلفين وبعد تشخيص وتمحيص دام أكثر من شهور وسنوات فما كانت النتيجة !!
التشخيصات لا يمكن أن تتم خلال ساعتين من الزمن كان المتحدث الرئيسي شداد قد نال منها ساعتين إلا ثلث فأين التوصيات ومن رفعها !!
وحتى المتداخلين كانوا بين مؤيد لشداد ومعارض فأين التوصيات ..
وحتى جمعية الصحفيين ممثلة في رئيسها لم تتناول توصيات ولا روشتات عن الكرة السودانية وركزت حديثها في الدعاية والإعلان لهذه الجمعية أكثر من الحديث عن الندوة !!
كنت سأفترض حسن النية في الجمعية لو كانت هي من تكفل بإقامة هذه الندوة بإحضار شداد خصيصاً لهذا الغرض ولكن أن يكون الموضوع زيارة عرس وتقوم تقول ليهو بي المرة تعال علينا نعمل ندوة فيبقا الموضوع ليس موضوع علاج امراض كرة سودانية ولكنه موضوع إضافة إنجاز للجمعية تضيفه لخطابها التالي الذي ستذكر فيه إنه من إنجازاتها إقامة ندوة لشداد والوزير !!!
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
Quote: السلام عليكم محمد نجيب :
Quote:
لم نشاهد اى تطور ملموس في الدوري الممتاز، طيلة هذه السنوات؛
يا اخونا دا كلام عايم ساي ..
ورينا بالضبط التطور شنو القاصدو انت عشان الزول يقدر يجاوب ..؟
Quote:
ولم يظهر منافس لأندية الهلال والمريخ
ومنذ متي كان لناديي المريخ والهلال منافسا كان في الممتاز او غير الممتاز .....؟
منذ ان عرفنا كرة القدم في السودان وجدنا أن المريخ والهلال هما المنافسين الأوحدين وباقي الفرق تتصارع علي المراكز الأخري أو البقاء فقط ..
والسبب طبعا الراسمالية الرياضية والبوبار والفشخرة بتاعت إداريو البارشوت الذين هبطوا فجأة من السماء ليديروا أكبر مؤسساتنا وأنديتنا الرياضية بلا علم ولا فكرة ولا خبرة .
Quote:
الدوري الممتاز يعد تنافسًا في تنافس بين الهلال والمريخ حتي النهاية
دي ما فهمتها ..
Quote:
*المنافسات الداخلية والخارجية المتداخلة والمضغوطة والمتقطعة .
اها بلاي دي كيف دي ..؟؟؟؟؟؟؟؟؟
مضغوطة ومتقطعة دي غايتو إلا حاوي يجيء يفهما ليك .
Quote:
* والبرمجة المقلوبة والتي تشكو منها أندية الهلال والمريخ .؟
نادي الهلال ما بعرفو لكن متي شكأ نادي المريخ من البرمجة ..
ثم أن البرمجة دي ياخ اشاد بها كبار المدربين العالميين الذين زاروا السودان مع فرقهم ومنتخباتهم مؤخرا وأكدوا إنها ( اي البرمجة ) سبب رئيس في تفوق الكرة السودانية الاخير ( راجع تصريحات لومير مدرب منتخب تونس .. مدرب الاهلي المصري .. وغيرهما)
Quote:
*ورغم ذلك يجدد الاتحاد عنوة الثقة للجهاز الفني الذي اتفق جميع النقاد انه من الأسباب الرئيسة في خسائر المنتخب؟
جميع النقاد زي منو يا حبيب ..؟؟؟؟؟
وحتى لو اتفق هولاء النقاد المزعومين فان إتفاقهم علي باطل لان المنتخب الوطني في عهد مازدا حقق ما هو اشبه بالمعجزات وما عجز جميع المدربين محليين واجانب في تحقيقه .
Quote:
لماذا لا يكون ضمن برامج الاتحاد بطولة للناشئين والشباب علي نطاق منتخبات الولايات المختلفة؟
الكلام دا حاصل حاليا ويبدو أنك طرحته لاستعراض معلوماتك فقط ..
باقي الكلام ليس فيه ما يستحق النقاش .
لك الود .
التعديل نتيجة خطأ إملائي غير مقصود . (وش امين مع نفسو )
(عدل بواسطة طلحة عبدالله on 10-04-2008, 12:21 م)
|
الفوق دا تعليق طلحة والله شداد؟ وهل كاتبه هو طلحداد ام شدادلحة؟
طلحة طلحة : السوكرتا كيف؟
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
نجيب الجاهل (على قول كمال شداد):
| Quote: اكرر للمرة المليون ليس لك اى علاقة بكرة القدم |
وإنت يا اللخو مش دحين ياكا نجيب بتاع كمال الأجسام ؟
العلاقة بينك وبين كورة القدم ياها العرّاضة البتتشعبطوا فيها إنتو ناس كمال الاجسام ونحن بنلعب عشان نجيب فيها قوون ؟
قال بيكتب في الكابتن قال ؟ والله إلا تكون بتكتب عن الجكّة والبيض النيّ وصفار البيض بيديك طاقة ..
وماااااااااااااا إلك إلا هيفاء !!!!
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
| Quote: جمعية الصحفيين يأخ عمر تضم نخبة من الإعلاميين السودانيين ينبغي ألا توصف بالخرمجة، |
لا يا عزيزي صاح وهنا أكبر دليل على خرمجة هذه الجمعية !!
فللأسف لا أقول كل ولا معظم ولكن يوجد في هذا الكيّان عدد مقدّر من غير الإعلاميين ولا الصحفيين ولا علاقة لهم بالصحافة البتّة والأغرب والأعجب أن لهم مناصب في هذه الجمعية ..
المقدمة التي تحدثت عنها يا عزيزي بخصوص كلمة الرئيس والرياضة جماهيرية شعبية كلام مستهلك ومكرر مرّ عليه الرئيس مرور الكرام مع العلم أنه لبّ الندوة في حين وقف الرئيس حول إنجازات الجمعية لأكثر من 10 دقائق فهل يعقل أن تكون ندوة عن الرياضة يمر فيها الموضوع الأساسي مرور الكرام !!!!
النقطة الثانية مدير الندوة له الحق في التدخل وإيقاف المتحدث الرئيسي إن شعر بأنه قد تطاول وتمادى سواء في الحديث أو في التعليق وهنا لابد أن نؤكد على نظرية الكيل بمكياليين فعندما إستفاض وأفاض الداعم والممول الرسمي والراعي للندوة عبد المنعم عبد العال كان إيقافه على إستحياء وبعد فترة طويلة لم تكرر بعدها وقد تمادى عبد العال دون أن يذكر سؤالاً واحداً حتى نهاية الندوة فقط كان تعداد لمأثر الضيف كمال شداد وإجترار لشريط ذكريات لا يسمن ولا يغني من الجوع فهل تجرأ أحد على إيقاف عبد العال بعبارة :
" لو سمحت حدّد سؤالك ؟ "
لا طبعاً فقط إكتفى وبعد فترة بقول الزمن يا استاذ عبد المنعم ورغماً عن ذلك واصل ..
بينما المساكين منهم يتكرر عليهم النداء لو سمحت حدد سؤالك لو سمحت الزمن إنتهى ..
حتى عند توزيع الأوراق للجمهور لكتابة الأسئلة كان تقديمها في شكل نهرة مفادها :
" أكتب سؤال واحد بس " !!!!
ولك التحايا مرة أخرى
| |
|
|
|
|
|
|
|
|
|
Re: جمعية الصحفيين بالرياض وشدّاد خرمجة السنين (Re: عمر الفاروق)
|
| Quote: فللأسف لا أقول كل ولا معظم ولكن يوجد في هذا الكيّان عدد مقدّر من غير الإعلاميين ولا الصحفيين ولا علاقة لهم بالصحافة البتّة والأغرب والأعجب أن لهم مناصب في هذه الجمعية .. |
أخي عمر لا أعرف مصدر معلوماتك ولكن أتمنى من اللجنة التنفيذية التحقق من هذا الموضوع وإبعاد أي شخص لا علاقة له بالصحافة، و أعتقد أنهم يحصرون الآن العضوية.
Quote: النقطة الثانية مدير الندوة له الحق في التدخل وإيقاف المتحدث الرئيسي إن شعر بأنه قد تطاول وتمادى سواء في الحديث أو في التعليق وهنا لابد أن نؤكد على نظرية الكيل بمكياليين فعندما إستفاض وأفاض الداعم والممول الرسمي والراعي للندوة عبد المنعم عبد العال كان إيقافه على إستحياء وبعد فترة طويلة لم تكرر بعدها وقد تمادى عبد العال دون أن يذكر سؤالاً واحداً حتى نهاية الندوة فقط كان تعداد لمأثر الضيف كمال شداد وإجترار لشريط ذكريات لا يسمن ولا يغني من الجوع فهل تجرأ أحد على إيقاف عبد العال بعبارة :
" لو سمحت حدّد سؤالك ؟ "
لا طبعاً فقط إكتفى وبعد فترة بقول الزمن يا استاذ عبد المنعم ورغماً عن ذلك واصل ..
بينما المساكين منهم يتكرر عليهم النداء لو سمحت حدد سؤالك لو سمحت الزمن إنتهى ..
حتى عند توزيع الأوراق للجمهور لكتابة الأسئلة كان تقديمها في شكل نهرة مفادها :
" أكتب سؤال واحد بس " !!!! |
أوافقك القول أن عبدالمنعم عبدالعال أطال كثيرا في مدح شداد دون أن يطرح سؤالا واحدا، أحرج نفسه كثيرا بالإطالة التي استهجنها الجميع، ولكن المنصة أيضا، وبالذات الأخ اسماعيل اضطر لزجره لكي يتوقف عن مدح شداد والنفاق والتزلف إليه، في البداية طلب منه ذلك بكل هدوء، ولكن بعد ان تمادى اضطر لذلك ولم يتعامل معه باعتباره راعيا أو داعما عكس ما قلت.
أما عن الأسئلة فمن الطبيعي أن يطلب من كل شخص كتابة سؤال واحد، خاصة أن الوقت كان متأخرا بعض الشيء، وحتى عندما اختصر الأخ محمود اللعوتة الأسئلة وأبعد المكرر منها بكل مهنية، نال ما نال من الإساءات والتجريح.
ولك تحياتي،،، ،،،
| |
|
|
|
|
|
|
| |
عمر الفاروق
اساسي
محمد عبد الماجد الصايم
humida
الرفاعي عبدالعاطي حجر
محمد نجيب عبدا لرحيم
د.محمد حسن
إسماعيل وراق
فيس بوك
تويتر
انستقرام
يوتيوب
بنتيريست