تعود تراجي.. ما مشكلة .. تقول بري أو أجي ..ما شكلة .. والسقيل داك برضو يجي .. ما مشكلة .. المشكلة سبب الرجوع المن طرف هو المشكلة .. أدوني حل للمشكلة ..
اللون الأسود يتمسح ... ما مشكلة والقبيح لو يبقى سمح.. ما مشكلة والفتريتة تتحول قمح .. ما مشكلة ويكبّوا جاز بدل الطلح .. ما مشكلة المشكلة رجع الطمام رجع القرف هو المشكلة .. وادوني حل للمشكلة
يجيبوك في قناة العربية .. ما مشكلة .. تبقي التاية أو علوية .. ما مشكلة .. تقولي انا منكم بي ميّة .. ما مشكلة .. وتركّبي مكنة يهودية .. ما مشكلة .. وردي يغني يا بلّال عليّ .. ما مشكلة .. المشكلة نضم العجوز نضم الخرف هو المشكلة .. وادوني حل للمشكلة
نانسي عجرم تغسل في طش.. ما مشكلة ... واليسا بالمنجل تحش حش .. ما مشكلة .. وهيفاء وهبي بالخرطوش ترش رش.. ما مشكلة .. وود اللمين يغني حماده تش .... ما مشكلة .. وناس تراجي بي بالقضية يغشوا غش.. ما مشكلة .. المشكلة بيع القضية والشرف هو المشكلة ..ادوني حل للمشكلة
ترجع تعود .. ما مشكلة .. تعمل صداقة مع اليهود .. ما مشكلة .. تعزف اورغن ولا عود .. ما مشكلة .. تسيئ رجالنا والجدود .. ما مشكلة .. تهدينا خنجر أو ورود .. ما مشكلة .. المشكلة تردح وتمسك من طرف هو المشكلة ..وروني حل للمشكلة
12-04-2006, 01:44 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ثبت بما لا يدع مجالاً للشك إننا شعب (إندهاشي) !!! يعني بي العربي كده شعب مخلوع .. بالله الزولة عشان ظهرت في قناة العربية يقوموا ناس إدارة المنبر يرجعوها؟؟؟ من بكرة انا حا اضرب لي علاء الدين يوسف واقول ليه اضرب لي ناس ( ما يطلبه المستمعون) وسمعنا صوتك عسى ولعل بكري يحن عليك ويرجعك.. وزي ما بيقولوا النسوان الكبار من جيل تراجي: شن جدّ في سوق جدة ؟؟؟؟
يعني الحصل جديد شنو وخلّى بكري يرجع عوضية باروكة ؟؟؟ يا ربي يكونوا اليهود ضغطوا على بكري بعد ما الزولة بقت صديقتهم وكده ؟؟ يا ربي نتنياهو عندو علاقة بي الموضوع ؟؟؟ ولا يكون مجلس الشيوخ !!!!!!! ولا الكينيست عندو يد في الشغلانة ؟؟؟
عن نفسي مطمئن جداً لهذه العودة المؤقتة فدوماً في خيالي قول الشاعر البلغاري زاهانوفيتش: العرجا لي مراحا ...
طمبل يسجل ... للمريخ ..ما مشكلة عمرالفاروق يبع بطيخ.....مامشكلة صاحبنا داك يبقى فصبح..مامشكلة المشكلة بكرة المعارك تانى تدور والمربع لازم توافق انه مدور وحتى الدائرة مايكون فيها محور والكميرا لو جديدة ما من حقك بها تصور دى المشكلة وما من حقك تقول مشكلة ولو عاوز تحتج عليها وتعرف المحصلة ستجد نفسك مكلفش فى بص الاسكلة ايوة حاجزلك فى الاسكلة ومسافر عبر البحر ومعك ام ضفائرا مجدلة.. وتسالك بخجل ياعمورى شنو المشكلة.. نحن مشتاقين للبلد ومسافرين عبر الاسكلة.. كفاية فى دنياالاغتراب ومقارعة الناس الشباب ارجع لطفولة والصحاب الكيزان ما بزيحهم كلام الدراب.. وانت نائم فى دول الصقبع ومنعم داخل الحصن المنيع ودار فور صارت خراب ارجع واربط رسن كابد وشوف المحن وجادل داخل الوطن واحمل مع انصارنا الحراب..
12-04-2006, 02:12 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: ترجع تعود .. ما مشكلة .. تعمل صداقة مع اليهود .. ما مشكلة .. تعزف اورغن ولا عود .. ما مشكلة .. تسيئ رجالنا والجدود .. ما مشكلة .. تهدينا خنجر أو ورود .. ما مشكلة .. المشكلة تردح وتمسك من طرف هو المشكلة ..وروني حل للمشكلة
لو عمرالبشير جاي من كرداسه .... ما مشكلة ولو المهدي بقى يغوص مع الغطاسه ...ما مشكلة ولو الترابي شايف نفسو ابو الكراسه ,,,, ما مشكلة ولو الميرغتي ياكل زينا قراصه ..... ما مشكلة ولو بقينا ناس جنننا سياسه .... ما مشكلة المشكلة بالجد جد انو بكري يأمر وينهي براهو في الرئاسه
12-04-2006, 02:51 AM
رشا سالم رشا سالم
تاريخ التسجيل: 08-24-2006
مجموع المشاركات: 2605
دارفور تقوم فيها الحرب ..ما مشكلة .. ناس الشرق يجو في الغرب.. ما مشكلة .. يرقص البشير ويقلب قلب .. ما مشكلة .. ناس الهلال يشجعوا الهلب.. ما مشكلة .. وفلانة تعمل ليك وجع قلب .. ما مشلكة .. وتجيك تهوهوي زي كلب.. ما مشكلة ..
المشكلة سودانا ضاع في المشكلة .. وروني حل للمشكلة ..
12-04-2006, 03:06 AM
رشا سالم رشا سالم
تاريخ التسجيل: 08-24-2006
مجموع المشاركات: 2605
Quote: يا عمر الفاروق والله كلامك دا ماسمح وما بيشبهك..
(انا ذاتي كان ما مستهبلة شفتك وين؟)
كان شوفتيني كان عرفتي إنو بيشبهني
رشا سالم : فلانة دي هنا كلمة عايمة ومبهمة وما مقصود بيها زول معين في الوقت الحالي.. اتعودت دوماً لمن احتاج أسمي الشخصيات دي بسميها بي اسمها لذا وجب التنويه .. وعليه الهوهوة (دي على وزن الجوجوة) كما يغنيها فرفور: يا قلبي خلي الجوحوة وكل البنات قلبن قوى .. يهولوك ويجولوك ويرجعوك عكس الهوا.. وبدوري اقول : يا قلبي خلي الهوهوة
يوم السلام مرحب بيهو يا رشرشا أو كما يغني محمود عبد العزيز: انتي مدهشة .. يا ريلة يا ريم يا رشا.. اها من سهاما ورشرشا يا تمام قمر العشا .. ويا مدهشة .. اها كيف ليك السلام ده ؟ تلج تقيل ..
بالمناسبة في عضو اسمو علاء الدين يوسف الوحيد البكري ما عايز يفعل ليهو اليوزر بتاعو فلو الشغلانة ما خيار وفقوس نحن في انتظار علاء الدين يوسف..
تخريمة : لو ينقص البدر التمام .. ما مشكلة .. ويبقا الوليف زولي البعام .. ما مشكلة .. يسبح الفيل ويطير النعام .. ما مشكلة .. ويحمل غصن زيتون حمام .. ما مشكلة .. واعمل مع ناس رشرش سلام .. ما مشكلة .. المشكلة شاورمة يامال الشام هي المشكلة .. اديني حل للمشكلة
ترجع تعود ... ما مشكلة تمنع عن الناس الصعود ... ما مشكلة تعمل صداقة مع اليهود ... ما مشكلة يبقى القرف من غير حدود ... ما مشكلة المشكلة ... ورينا يا الفاروق معاك ...ما المشكلة
يستهبلو الناس القرود ... ما مشكلة أو نترك الدنيا أم قدود ... ما مشكلة تبقى العواسه بدون قيود ... ما مشكلة
المشكلة ... ورينا يا الفاروق معاك ... ما المشكلة
الحبيب عمر الفاروق ... اليوم إكتشفنا مواهب جديدة ... المعروف أن المعاناة التي تولد الإبداع هي معاناة البحث عن الذات ... لكن ما عارفين ما هو سر تدفق كل هذه المواهب الرهيبة . ولا إحم إحم ...
ياخ دي قالت لمقدم البرنامج وكت سالهاعن مصدر معلوماتها في حته كده ومنظر جواب قالت ليه
بس ...... وختفت ..كده.. عشان تكون بس كده .. من لسان خشمها
زوله فاتحة ليها قضية قدر ده وكت يسالوها عن معلوماتها دي تاكيدها شنو تقول ليه... بس !!
هسع دي ما نكته
تقول ليك ناشطة حقوق انسان ... التقول الفلسطينين ما ناس عشان ما تنشط في حقوقهم قالت الفلسطينين شنو ؟ عنصريين
يا ناشطة حقوق الناس .. الناشط بتجرد وبنظر لمشاكل زي دي ( لو سلمنا بان الفلسطينين عنصريين ) من زاوية تانية ما زاوية الزول الما ناشط حقوق انسان ، نظرته بتكون عشان يعالج موش عشان يتنقم ويفش غبينته ... وعشان هم عنصريين كما تفضلتي تقومي طوالي تعملي ليك جمعية مع المنتهكين حقوقهم كيتا فيهم
المقدم زاتو بالغ مفروض يسالها بما انك ناشطة حقوق انسان هل تعتقدين بان حقوق الانسان الفلسطيني منتهكة ومغتصبة ام لا نشوفها كان بتقول شنو ؟
ناشط حقوق الانان بقيف مع الانسان المغتصبة حقوقة من مع المغتصب !!!
غايتو دي الا نظرية جديده
والغريبة هنا في ناس قالوا تراجي بدعت وابدعت
والله تراجي هجرت واتهجرت واحرجتنا زاتو واسغل حاجة بتتكلم بي لسانا كلنا كسودانية وهي زاتها حايمة بي جنسية تانية جابتها ضرة لي جنسيتها السودانية
الأخ عمر الفاروق تحياتي معرفتي بالأخ بكري ابوبكر تمتد لعشرات السنين ولم تبدأ بهذا المنبر، وانا اعرف تماما ان بكري لا يلجأ لأسلوب الفصل إلا مضطرا، وحتى بعد الفصل يظل تأنيب الضمير يعكر صفوة لأنه يأبي حجر الحريات وكسر الأقلام ولأنه مؤمن بحرية الكلمة وحق الناس في التعبير عن افكارهم والدفاع عنها ولذلك دائما يتراجع عن قرارات الفصل ويعيد عضوية المفصولين رغم خرقهم لقوانين المنبر التي ارتضوا البقاء في هذا المنبر بموجبها ولم يكن ذلك مرتبطا بالظهور في الفضائيات، قلي بربك ما الجديد إذن؟
Quote: بالله الزولة عشان ظهرت في قناة العربية يقوموا ناس إدارة المنبر يرجعوها؟؟؟
لا ادري لماذا الربط بين إرجاع تراجي وظهورها في قناة العربية؟ ومنذ متي كان بكري يرجع المفصولين عند ظهورهم في القنوات التلفزيونية والفضائية؟ وبيننا العشرات من الأعضاء تم فصلهم من قبل واعادهم بكري لمنبرة مرة اخري وانت نفسك يا عمر ارجعك بكري بعد فصلك رحمة بك رغم انه لم يكن لك للفضائية السودانية سبيلا ناهيك عن العربية وهناك الكثيرين غيرك ..
Quote: المشكلة سبب الرجوع المن طرف هو المشكلة .. أدوني حل للمشكلة ..
Quote: المشكلة رجع الطمام رجع القرف هو المشكلة .. وادوني حل للمشكلة
Quote: المشكلة نضم العجوز نضم الخرف هو المشكلة .. وادوني حل للمشكلة
Quote: وناس تراجي بي بالقضية يغشوا غش.. ما مشكلة .. المشكلة بيع القضية والشرف هو المشكلة ..ادوني حل للمشكلة
Quote: المشكلة تردح وتمسك من طرف هو المشكلة ..وروني حل للمشكلة
Quote: يعني الحصل جديد شنو وخلّى بكري يرجع عوضية باروكة ؟؟؟
Quote: يا ربي يكونوا اليهود ضغطوا على بكري بعد ما الزولة بقت صديقتهم وكده ؟؟
Quote: وزي ما بيقولوا النسوان الكبار من جيل تراجي
الأخ بكري يتمتع بصبر الأنبياء لأنه يفتح صفحات منبرة لمثل هذه الكتابات التي تعد اي عبارة منها خرقا لقوانين منبرة التي إرتضاها الجميع، ورغم الإساءآت المبطنة للأخت تراجي التي تحملها كلماتك ورغم إتهامك الواضح لبكري بأنه ارجع تراجي لظهورها في قناة العربية، ورغم إتهامك لبكري بأن اليهود مارسوا عليه ضغطا ليعيد تراجي، بالرغم من كل ذلك مازالت عضويتك فاعلة والشكر لبكري على كل هذا السماح والصدر الرحب .. إتق الله في نفسك وفي الناس يا عمر ..
الصاوي
12-04-2006, 12:18 PM
elsawi elsawi
تاريخ التسجيل: 06-13-2003
مجموع المشاركات: 4340
الأخ عمر الفاروق الآن ارجع بكري كل المفصولين فهل يشملهم قولك
Quote: المشكلة سبب الرجوع المن طرف هو المشكلة .. أدوني حل للمشكلة ..
ام لظهورهم في لفضائيات؟ حسب زعمك
Quote: بالله الزولة عشان ظهرت في قناة العربية يقوموا ناس إدارة المنبر يرجعوها؟؟؟
ولا يكونوا اليهود ضغطوا على بكري عشان يرجع عبد الرازق الطالب وبقية المفصولين برضو؟
Quote: يا ربي يكونوا اليهود ضغطوا على بكري بعد ما الزولة بقت صديقتهم وكده ؟؟
شفت التسرع ده كعب كيف؟ لك الشكر يا بكري على إرجاع المفصولين ونتمنى ان يظل المنبر ساحة للحوار والتثاقف وليس مكانا للعراك والخصومة وتبادل الشتائم .. دائما تثبت لنا انك كبير يا باشمهندس ..
الصاوي
12-04-2006, 12:40 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: يا زول !! متاكد دا فرفور البيغني الغنية دي ! دا إنت حالتك الإستفتاك ملاسي في موضوع نانسي عجاج
شوف من ناحية بيغنيها فرفور فبيغنيها فرفور وانا سمعتها منو في شريطو القبل الاخير.. لو في غلط فهو في كلمة واحدة انا ما فارزها وتميتها موية لكن الأغنية على ما اظن من كلمات الراحل حسن الزبير.. وحتى بالامارة فيها مقطع بيقول: امسك الدرب العديل خليك من ناس ديك وديل.. شنو كده ما عارف وتصبح بديل بدل البديل
وشنو كده ما يدوك نفس ويقولوا انت براك وبس وشنو كده تاني يبيعوك بالجرس.. فصدقني يا مان بيغنيها جمال فرفور واخوك شفت يستاهل يستفتوهو ..
الأخ الصاوي .. لن اعقب على كلامك حرف تلو الحرف أو كلمة قصاد كلمة .. وعموماً انا متأكد بأنك تميز نوع العبارات التي استخدمتها وتعرف غايتها .. ولكن استوقفتني عبارة (إني إستعجلت دي) .. فبكري لم يعيد كل المفصولين يا الصاوي.. وبالمناسبة انا كنت واحد من المفصولين سابقاً والذين تعهد بكري ان يرجعهم مقابل ان يكتبوا له ايميل في صورة كان فيها نوع من التصغير والهوان .. ورغماً عن ذلك فعلناها لنعود ونلجم بعد الألسن وندافع عن حقوق سلبت منّا حين توقنا .. راجع الارشيف سابقاً وراجع ما كتبته هذه التراجي التي تبجلها لنا وراجع ماذا كتبت وانا موقوف .. عموماً ليس هذا هو المهم الان .. الأهم هو ان بكري لم يعيد كل المفصولين فهناك عضو مر وحامض وما بيتبلع اسمو علاء الدين يوسف لم يرجعه بكري !!!!! وهو المفصول من ايام قفا نبك عيييييييييييييييييييييييييييييييييييييك .. والاغرب ان علاء الدين طلب العضوية مرة اخرى كما قال بكري وارسل الايميل ولكنه لم يعد .. لا يهمني ان يعيد بكري عبد الرازق ام لا ..ففيلم عبد الرازق صار مملاً سخيفاً بالنسبة لي.. وصار فيلم تراجي اكثر مساخة ومللاً منه ..
12-04-2006, 10:47 PM
Abdelmuhsin Said Abdelmuhsin Said
تاريخ التسجيل: 10-10-2006
مجموع المشاركات: 2678
هل حري بنا أن نشاركك هذه الأحزان النبيلة .. عودة التراجي وعدم عودة البقية الباقية ممن إقتفرو ذنبا ربما أقل مماإقترفته التراجي.. لكن ...لم يعودوا
الليل يطول ما مشكلة.. الزهرة تقبل بالذبول ما مشكلة النيل يبول ما مشكلة. القوم يغنو في شجرة فول ما مشكلة.. الدش يقول .. أنو الصداقة لقت قبول ما مشكلة.. والبورد يتوشح صبر نقفل بيوتات العويل..ما مشكلة.. المشكلة الناس تصارع في الفصول والقونقليز بقى بالوقية والصبح ح نشوفو ليل...
ونتمنى عودة كــــــــــــــــــــــل الموقوفين..
12-05-2006, 02:53 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الحواتيم وعبد المحسن : شكراً للمرور الجميل وزيادة عدم الإشكاليات في ال(ما مشكلة )
طمبل يسجل في المريخ ..ما مشكلة .. القرع يتقلب بطيخ .. ما مشكلة .. ونعمل الشربات فسيخ .. ما مشكلة .. والناس تضارب تاخ تريخ .. ما مشكلة .. والكوز يخلي شيل السيخ .. ما مشكلة .. وفلاتة تركز على الطبيخ .. مااااااااااااااا مشكلة .. المشكلة المنبر بقا جد مسيخ .. دي المشكلة .. وروني حل المشكلة ..
تخريمة : تعرف يا مان انا ما سمعتها عند تاور مع إنو تاور ده ماركة مسجلة عندنا واتربى في بيتنا الفني في خور ابوعنجة واقام كل اعراس خيلاني.. لكن تعرف يا مان من غير ما اسمعها لكن بالجد هي بتشبه صوتو الرايق داك .. عموما من ناحية فرفور غناها واتبناها فانا متأكد مليون في المية ... تحياتي ..
الجوجوة يغنيها فرفور .. ما مشكلة .. الجوجوة يغنيها تاوور.. ما مشكلة .. تمشي البقرة تخطب التور.. ما مشكلة .. وناذر يعرس بنات الحور .. ما مشكلة .. المشكلة موضوعنا ده يودوهو الخور .. دي المشكلة ..وروني حل للمشكلة ..
12-05-2006, 04:42 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الجوجوة يغنيها فرفور .. ما مشكلة .. الجوجوة يغنيها تاوور.. ما مشكلة .. تمشي البقرة تخطب التور.. ما مشكلة .. وناذر يعرس بنات الحور .. ما مشكلة .. المشكلة موضوعنا ده يودوهو الخور .. دي المشكلة ..وروني حل للمشكلة ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
!!!
abuguta
رشا سالم
على محمد على بشير
مجاهد عبد الرحمن
ALGARADABI
ناذر محمد الخليفة
nazar hussien
Bakhaf
elsawi
Abdelmuhsin Said
hatim
فيس بوك
تويتر
انستقرام
يوتيوب
بنتيريست