دعواتكم لزميلنا المفكر د.الباقر العفيف بالشفاء العاجل
|
|
 أحمد الريّح أوزن لي المعادلة دي ..
|
الهلال بدأ في منافسات كأس الأندية الأفريقية هذا العام من الأدوار التمهيدية يعني من تحت الصفر وحينها تتريق الإعلام المريخي أيما تريقة ..
بينما بدأ المريخ في الكونفدرالية من الدور الأول مباشرة يعني توووووشك دوري ال32 ..
المعادلة :
الهلال الذي بدأ من الأدوار التمهيدية حالياً في دور الثمانية..
المريخ الذي بدأ من الدور الأول لا يزال في دور ال16 ..
انا فهمي كعب يا ود الريّح فبسّط لي الموضوع واشرح لي بي الدارجي ..
غايتو (انا بفتكر) إنو بعد فوز المريخ امبارح يادوووووووووب كده المريخ وصل المرحلة الكان فيها الهلال على الزمالك !!!
كده انا فهمي صاح يا ود الريح؟
|
|
 
|
|
|
|
|
|
|
|
Re: أحمد الريّح أوزن لي المعادلة دي .. (Re: حمزاوي)
|
كوستاوي :
اول شي عايز أقول ليك أول مرة في حياتك تخت ليك صورة بروفايل سمحة ومنها فايدة ..
طيب ياخ لمن عندك زهور جميلة زي دي مالك فالقنا بي الصور القاطعا من شبطك ديك ..
ولأني بلون ظهري فحرام عليّ إلا أن اسأل الظهري ..
ولأني الظهري بيفهم الظهري فسيكون الظهري رده كافياً للظهري..
بس إن شاء الله الأصفر يفهم ..
| |
|
|
|
|
|
|
|
|
 Re: أحمد الريّح أوزن لي المعادلة دي .. (Re: kamalabas)
|
| Quote: مهزوم الهلال (الفريق النيجري) يملك فرصة اللعب في ذات البطولة |
أيــــوة:
يعني ياكمال عباس اموكاشي تاااني ممكن يجي يقول انا ح اقلب ليكم الهلال
واهزموا ليكم هزيمة نكرا .. وابشع بيهو .. وإلخ ؟؟ ويقوموا ناس علي محمد علي علي بشير يجيبو لينا كلامو ويمولوا بيهو البورد ؟؟
تااني بلاي ح نرجع للفلم دا ؟؟
ياخي دي مراحــل اتخطيناها ( زمــالك ) ..
ملحوظة:
بعد الطرطشة الأخيرة ودرس استاد الهلال اموكاشي عادي ممكن ينسى اسمو.. يعني زي الكلام الفوق ده عادي ممكن نمشيهو ليهو.
لكن والله دي معادله معقدة خلاص ..
يعني يا عمــر كان اموكاشي قام لاقى ناس المريخ وقاموا غلبوهو ليك ( ولا مؤاخذة ) قول طلطاشــر .. أقول ليك حاجة ..؟ قول قلعو منو الكاس عديل كدا عينك يا تـاجر .. الاحتمالات الوارده :
- ناس المريخ ح يقولوا طقطقنا ليكم النيجيريين البدربهم احرف زول كان بلعب في كاس العالم. ويجي ( كيجــا) من الصباح يرقص .. واساسي وراكوبة يلقطو في ( الفلل ) بتاعات قزاز البيبسي. وينسوا انو الناس ديل حمام ميت ( وسلكناهم ) ليه مزمان هنا في العرضة.. وساهرنا بيهم لحدي الصباح ..
- ناس المريخ ح يقولوا قلبنا ليكم النيجيريين .. القلبوكم في نيجيريا تلاتة صفر .. طبعا راح يعملوا نايمين من ملحمة الخرطوم .. ويقولوا ليكم زي ما قال لي زول صاحبي .. ( إنتو فزتوا بي ضربة الحظ ) .. طبعاالزول الصاحبي ده ما شرط اساسي يكون ( أساسي ) .. والحاجة المضحكاني من امس بالليل ( هيثم طمبل ومجاهد وعلاء الدين ) .. يا عمـــــر بلاي دخل لي الشباب التلاتة الفوق ديل في معادلة صعبة  دون الإشارة إلى انهم جابو أقوان في الفريق الجزائري ..بلاي شفت الله ده بيمهل كيف ولا يهمل ؟
ياخ في مريخــاب كدا قاعدين يدخلو نفسهم في ورطات بايخه خلاص .. بتذكرني النكتة بتاعت الثعلب ـ والأسد ـ والخروف .
طبعا في ( المعادلة ) الفوق دي .. الثعلب بعدما ( ورط ) الأسد .. وغطسوا في الطين قام الأسد بيكورك بي أعلى صوتو للثعلب .. ويولوم فيهو:
( حرام عليك يا الثعلب ورطتني .. انا ما قايلك كدا .. حرام عليك يا الثعلب ورطتني .. انا ما قايلك كدا .. )
قام الثعلب قال ليهو:
إنت شفت ليك ورطــة كدي الليلة خلي سيد الخروف يجي.
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: Kostawi)
|
Quote: الأخو قال أحمد
إنتا أحمدك منو? |
أنا أحمدك يا الله إني .. هلالابــي .. والبدخل في استاد الهلال ده قاعد يطلع مطرطش .. والحاجة الغريبة اصلو ما قاعدين نقول يكم والله ناس هناي ديلك غلبوكم وناس منو ما عارف ضربوكم:
بالعكس .. قاعدين نفرح ليكم لما تغلبو وتمشو خطوة لي قدام ويجيبوكم معانا في الجرايد والمحطات العالمية ..
لكن من الليلة ولي قدام أهو زي ما شايف يا ( حضرة الصول ) ح نكون فوق دائما وكان اترتحنــا يا اتعترنا .. شيلو شيلتكم
هاك هيثم طمبل دا
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
عمر الفاروق
المريخاب الوحيدين كيجا وراكوبة..واحد مصور والتانى نقال...يعنى بنقل
كيجا ما يشوف كلام للزول الاحوص داك, الا ينقلو طوالى,,,,
اما البقية ديل معاكم معاكم,,المريخ غالب هم معاه ولما يتغلب بتوارو
لكن وين صاحبك حسام يوسف, زول سياسى محنك لكنه فى الكرة صفر
قلت لى المعادلة صعبة,,,,
طيب كلام تمبا لو صحى اموكاشى قابل المريخ رايهم شنو,,,
لو غلبوه حيقولو شنو ولو غلبهم برضو رايهم شنو؟؟؟؟؟
والله انا شايف غلاط ناس المريخ فى تميز الهلال عليهم زى غلاط الاطفال,,,
فريق وصيف وبلعب فى منافسة وصفاء ,,كيف يقارن بالزعيم
لكن ناس الكاف ديل ذاتهم بعملو فى محن,,بمنافساتهم دى
خلو ليك الشغلة واااااااضحة,,,لا دايرة تصنيف ولا تعريف,,,
زعيم بعلب مع الزعماء
ووصييف بلعب مع الوصفاء
مالكم كيف تحكون؟؟؟؟؟
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: Kostawi)
|
| Quote: أضرب كبستك دي و نوم |
لا يا عمـــو كوستـــاوي .. خليها كربنـــة عفيفة اللســان .. كربنـة أولاد حلــة كدا .. نحن ما ناس كبسة نحن ناس كســرة وحات غلاوتك .. وصبيان راضعين لبن امهاتنا .. اها كان بقيت بتاع كربنــة لطيفة .. بنكربنك . كربنة مؤسسة جدا تضيف ليك الكتير وممكن تمشي تقشر بيها في بروكلين مع ناس توباك .. لكن كان عايز قطامة من تحت الحزام .. والله البورد ده يبقى ليك أزرق 
..
اتفقنــا يا حبـة .. والا رايك شنـــو ؟ البوستات الحلوة البتلم الناس ما قاعدين نجوطــة ..
بوستات الجوطــة في حتات تانية والفــورة فيها ألف زي ما عارف 
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
تمبس يا الحبوب:
يا زول الأسطوانات الجاية كتييييييييييييرة ..
والخوف كلو اموكاشي يلاقي الجماعة في العرضة جنوب ويغلبهم يقوم يقول :
انا زمان ما قلت ليكم "بتانية " انا قلت ليكم "بتارية "..
والكلام القالو عن الكورة السودانية حا يقول ليهم انا قصدي بيهو المريخ ما الهلال..
ياخ معقولة فريق لعب ليهو اربعة مباريات ويادووووووب حا يلعب دور ال16 !!!!
يا كافي البلا وفي ال16 ديل هم ال16 التواني ..
في حين إنو في ناس أسة بيلعبو في ال8 الكبار ..
وما أي 8 أحسن 8 في افريقيا..
الهلال ومعاهو 7 تاني فيهم فريق تالت العالم !!!!
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
المايقوما نفر:
وين الحي بيك ياخ ..
Quote: الاهلي المصري
الرجاء البيضاوي
النجم الساحلي
شبيبة القبائل
اسيك العاجي
الترجي التونسي |
وقبلهم كان الهلال..
بالمناسبة ممكن اسة يكون في منتدى في النت إسمو مغاربة اون لاين وفيهو مغربي زيك كده بيكون اسمو ود مكناس بيشاغل في ناس الرجاء وبيقول ليهم الهلال معاكم ..
طبعا ده غير ود سوسة وود المعادي وود الكلب زاتو
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
سلام يا أهلة
سلام أسياد الكورة
أنا طبعاً عندي مشكلة تانية عويصة جداً وكنت عايز أملاً بيها حبة فراغ كده (بجيني مرة مرة )...وأدخلكم معي في الصورة ...
يحاصرني الصهاينة من يميني ويساري
الله قسم الله لي مرة مريخابية .. بحكم انتماء معظم أهل (ود نوباوي) ... وهو إنتماء بالنسبة لها تم بسبب أخوانها
ولسوء حظي فإن (أخونها) موجودين هنا بالرياض ...
ولا يحبون مشاهدة مباريات المريخ أو الهلال ( أحياناً) إلا بمنزلي
وأنا بحكم ضرورة المجاملة والمسايرة للمدام
وحتى لا أتضرر إجتماعياً ومنزلياً منها
(فبصراحة كدة لا أضمن أن تزيد كمية الملح قليلاً أو تزيد الشطة في دمعة القراصة ) قلت أتشارك شوية كدة مع الصهاينة المحاصرني ديل وأشجع ليهم المريخ في بعض المباريات الدولية !!!
آخر مباراة للمريخ حضروها معي ورغم أنني كنت أشجع معهم إلا أن أحدهم قال أنه فرح جداً لانتصار الهلال ومبسوط جداً جداً ...
إلى هنا والأمر عادي ... ومفرحاً بالنسبة لي ..
فأخوان المدام قد قبلوا مجاملتي
ولكنه أكمل .....
فرحي ينبع من أن دوري المجوعات فيه الأهلي والرجاء ... الخ
وهؤلاء سيعرفون كيف يؤدبوا الهلال ...
 أسقط في يدي
ولم أتحمل حينها ....
وقلت لنفسي لتزيد المدام الملح أو الشطة فما أكثر الوجبات حولنا ودخلت في معركة كلامية امتدت حتى الآن
إلا أنني (وكما يبدو) سأعتمد على وجبات المطاعم حولي ...
...
أقلب يا أخوانا ولا كيف ..!!!!!!!
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
Quote: عمنا حمزاوي :
يا زول مالك علينا جايب لينا الخلعة ..
يا زول إن شاء الله المريخ يشيل الكأس زاتو ..
كلو إلا الهرشة .. |
الله يهديك يا الفاروق
بسببك حيجيني ذبحة صدرية
سمعت واحد من كثرت الضحك فطس
الله يجازي محنك
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
الأخ عمران حسن صالح
| Quote: أقلب يا أخوانا ولا كيف ..!!!!!!! |
عليك الله الهلال دا بخلى؟؟؟؟ بس جاوبني بي صراحة
حضرت كورة الهلال مدمر النشاز في مقبرة طلعة فريد مع أحد
الأخوان الأحباب وهو شكلو كدا مريخابي لأنو مسيخ زي (أبومصطفى )
بس انا ما كنت متأكد من انو مريخابي فقمت سألتو عن لونه فقال لي مريخابي (بي خجل كدا)
وقال لي (لكن بحب كورة الهلال وطريقة لعب الهلال).
فقلت له شكراً.
ابوفتحية
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: الصادق صديق سلمان)
|
| Quote: أوزن لي المعادلة دي .. |
زمان ناس الرياضيات لما بدوا ينظروا في الأرقام و العمليات الحسابية, كانوا ماشين كويس لغاية ما قابلتهم الأرقام الأولية, و دي ارقام ما بتنقسم إلا على نفسها او على الواحد
يعني أرقام يونيك , بتخرب ميزان أي معادلة عادية , يلزمها تعامل خاص و حساب بطريق مختلفة عن الأرقام الأورديناري
أها الهلال دا يونيك, رقم اولي , ما بنقسم
عشان توزن معادلته محتاج رقم يونيك تاني زيه
محليا مافي , و أفريفيا سبعة أرقام تانية بس البتقدر تختها في معادلة واحدة معاه
و عالميا 175 رقم فقط
عشان كدا ما ينفع تجيبه في معادلة مع الارقام المحلية الأورديناري أو الوصيفة
فـ آي داوت إنه ود الريح يقدر يوزنها
مالم يلجأ لطريقة خاصة , و حتى في الحالة دي اكيد حا يكون في باقي (طمبل و رفاقه)
ممكن ياخدو طرف المعادلة التاني الوصيف عسى ينصلح حاله
تحياتي
| |
|
|
|
|
|
|
|
|
 Re: أحمد الريّح أوزن لي المعادلة دي .. (Re: عمر الفاروق)
|
يا عمــر
قبل ما [أحاول] أوزن المعادلة أود أن أذكر معلومة هي بمثابة أحد
[العوامل المساعدة] لهـذا التفاعل:
لم يشمل الاستثناء من الدور التمهيدي في البطولة الكبيـــرة فريق
الزمالك المصري بطل إفريقيا 5 مرات...
بينما شمل الاستثناء من الدور التمهيدي في البطولة الصغيـــرة حامل
كأس الكؤوس مرة واحدة!
| |
|
|
|
|
|
|
|
|
 Re: أحمد الريّح أوزن لي المعادلة دي .. (Re: Ahmed Alrayah)
|
Quote: لم يشمل الاستثناء من الدور التمهيدي في البطولة الكبيـــرة فريق
الزمالك المصري بطل إفريقيا 5 مرات...
بينما شمل الاستثناء من الدور التمهيدي في البطولة الصغيـــرة حامل
كأس الكؤوس مرة واحدة! |
يا شبــاب كلامكم المقلب ده ما بفهموا ليكم بسهولة .. نحن بتاعين فيزيا وعلم إجتماع
لكن
لما تجو تكتبو الزمالك .. اكتبوها لينا بالأحمر
..
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
كتب الاخ تمبس
Quote: بعد الطرطشة الأخيرة ودرس استاد الهلال اموكاشي عادي ممكن ينسى اسمو.. يعني زي الكلام الفوق ده عادي ممكن نمشيهو ليهو.
لكن والله دي معادله معقدة خلاص ..
يعني يا عمــر كان اموكاشي قام لاقى ناس المريخ وقاموا غلبوهو ليك ( ولا مؤاخذة ) قول طلطاشــر .. أقول ليك حاجة ..؟ قول قلعو منو الكاس عديل كدا عينك يا تـاجر .. |
المعادلة مهزوم الهلال سيلعب مباشرة في كونفدرالية المريخ وأحتمال يحقق بطولتها كمان!!!= (وهذا يعني) الكونفدرالية دوري المهازيم!!!!!
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
احتياج المعادلة للوزن يعني إنو الموضوع [ كيمياء ]... والمعادلة بتتكون من
طرفين متساويين. وزن نواتج التفاعل الكيميائي= وزن المواد المتفاعلة الأصلية
[قانون بقاء المادة].
وفي حالتنا الكروية دي في معادلة ما موزونة هي:
المريخ + الزمالك = الهلال + الأهلي
وعشان نوزنها مفروض تكون كده:
x 2 المريخ + x 3 الزمالك = الهلال + الأهلي
ده للتوضيح وما إجابة على السؤال الصعب!
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
شكرا عمر
Quote: الأستاذ كمال عباس بيقرّب يوزن المعادلة لكن فجأة كده بتطش منو ..
يا كيمو كده أدخل لينا ثابت كولم عسى ولعل الجماعة يفهموها.. |
نترك وزن المعادلة لمتخصص المعادلات أحمد الريح .. لايفتي ومالك.في
المدينة.....
... نرجو أن.يضع فيها..
أنو الفاقد الرياضي والراسب بتاع بطولة الابطال=يعادل ويستوي في الدرجة
مع ناس الدرجة الثانية والسنترليق الافريقي.....
كمال
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
معلومات مهمــة قد تسهم في حل هذا اللغز الكروي:
يشارك في البطولة الكبيرة من المغرب كل من: الوداد والجيش الملكي
ويشارك في البطولة الصغيرة حـسنية أغادير!
يشارك في البطولة الكبيرة من تونس كل من: الترجي -والعياذ بالله- والنجم الساحلي
ويشارك في البطولة الصغيرة الصفاقسي وقوافل قفصة!
يشارك في البطولة الكبيرة من الجزائر :شبيبة القبائل
ويشارك في البطولة الصغيرة إتحاد الشلــيف!
يشارك في البطولة الكبيرة من مصر كل من: الأهلي والزمالك
ويشارك في البطولة الصغيرة الإسماعيلي وإنــبي!
يشارك في البطولة الكبيرة من السودان :الهلال
ويشارك في البطولة الصغيرة المريخ!
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
أخونا أحمد الريّح :
قدّم لك الصحفي مأمون أبو شيبة متغيرات ربما تساعدك كثيراً في وزن هذه المعالدة وربما تستفيد منها في وضع معادلة قد تستخدم لاحقاً للقنبلة الذرية ..
فكتب المريخي مأمون ابو شيبة :
Quote: يقول البعض اذا كان الهلال محظوظاً لخسر جولة ركلات الترجيح مع ناسروا وتحول للكونفدرالية الأسهل ومن هناك يصل لكأس البطولة لان مجموعتي بطولة الاندية الابطال تضمان فرقاً ذات وزن كبير وكلها فرق مدججة بالبطولات الافريقية عدا الهلال!!
* الرؤية اعلاه قد تكون صحيحة وقد لا تكون صحيحة.. لان الفوز بالبطولات يحتاج إلى توفيق وحظ وحسن طالع سواء كان الخصوم من اصحاب الوزن الكبير او غير ذلك وان كانت احتمالات الفوز بالبطولات تزداد كلما كان الخصوم في مستوى اقل.
عموما صعود الهلال للعب في احدى مجموعتي دورى الابطال يعتبر شرفاً كبيراً للسودان ولنادى الهلال وسيمنح الفريق دعاية وصيتاً كبيرين في الاوساط الكروية الافريقية والعربية، وسيلفت انظار وكلاء اللاعبين تجاه لعيبة الهلال ليوقعوا معهم العقودات بغرض تسويقهم افريقياً او عربياً او عالمياً كما ستزداد اسهم لاعبي الهلال اذا اجادوا وحققوا نتائج مشرفة في مجموعتهم.
* من جانب آخر بصعود الهلال لهذه المرحلة ضمن زيادة نقاطه في التصنيف التاريخي للاندية الافريقية وسيحدد عدد نقاطه المضافة حسب ترتيبه في دورى المجموعات او بصعوده لدور الاربعة والمعروف ان البطل يمنح 5 نقاط والوصيف 4 نقاط والمهزومين في دور الاربعة 3 نقاط ويتناقص عدد النقاط إلى نقطتين ونقطة حسب الترتيب في المجموعة |
وكان نفس الصحفي قد أشار في عدد أول أمس أن هلال 2007 مؤهل لتحقيق البطولات الأفريقية وأكد الصحفي أن الهلال لو كان تدحرج للكونفدرالية (بطولة الترضية) لبات في حكم المؤكد تحقيقه لتلك البطولة ..
يللا يا ابو حمدي إتعفرت لينا كده وأدينا الحل ما عندك عذر بعد ده المعطيات والمتغيرات وجدناها ليك فقط في إنتظار المطلوب إثباته (ض.َض.ز)
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
يا عمر
وزنـتـهـا وزنـتـهـا...
قضيت معظم النهار في مـكتبة قسم الكيمياء بالجامعة. كاد اليأس يصيبني
بعد 6 ساعات من البحث المتواصل لولا أن وقعت عيني على كتاب اسمه
[وصية عيسى حياتو قبل مماتو]
فتحت الكتاب بفضول وفي الفهرس وجدت بابا بعنوان [عقوبات كروية مدى الحياة].
سريعا انتقلت للباب فوقعت عيني على قانون حياتو الثاني:
"كل هزيمة تـساعية من فرقة أثيوبية تسبب الإعادة في الكونفدرالية"
صرخت بدون ما أشعر [وجدتها وجدتها]... فقد تذكرت خسارة المريخ أمام سانت جورج
الأثيوبي بتسعة أهداف سنة أسكت! وكان رد فعل الاتحاد الإفريقي الحكم على المريخ
بأعادة دور ال16 في الكونفدرالية مدى الحياة!!
أهدي هذا الاكتشاف لوطني الغالي السودان ولأستاذي الجليل الأمين البرير الكيماوي.
أحمد زويل الريح-22/4/2007
____________________________
الصورة من منتدى الهلال http://www.hilalalsudan.net
... والعاقل من اتعظ بأدروب "دي ذاتـا قالا ياسر طيفور"
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: Ahmed Alrayah)
|
والله يا ود الريح معلم
المشكلة فعلا كانت في إعتبار المعادلة حسابية, لكن كيمستري وايز معقولة جدا
رغم صعوبة وزنها برضو
المرة دي الخطأ فيها جاي من إن الهلال عنصر فلزي, نبيل , نادر
و المريخ عنصر خامل لا بياكسد لا بيختزل و في نفس الوقت غير مستقر, قابع في مؤخرة الجدول الدوري
و رقم افوقادرو ذاتو ما بيعمل ليه حاجة, عشان كدا من الصعب إدخاله في معادلة بحالته الأصلية.
فكان لازم تتحد معاه بعض ذرات الهلال , عشان ينتج مركب مستقر قادر على التفاعل و يتم تصنيفه
أعتقد على ضوء المعطيات الجديدة دي من الممكن وزن المعادلة بتغيير توصيف المريخ من عنصر إلى مركب و إيجاد الوزن الجزيئي له
و غالبا يكون وصيف
أها اوريكا ولا ما أوريكا
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
Quote: الاهلي المصري
الرجاء البيضاوي
النجم الساحلي
شبيبة القبائل
اسيك العاجي
الترجي التونسي |
إنت يا ود المايقوما شفت ديل كلهم وما شفت الاتحاد الليبي؟ ياخي انظر
لسـبـع الكوب المليان وخلينا نتفاءل!
بعدين دور ال8 ده مشفر للهلالاب... لأسباب خاصة.
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
العم عبقرينو ود الريح:
| Quote: صرخت بدون ما أشعر [وجدتها وجدتها]... |
ما عارف ليي إتزكرت تراجي في النقطة دي ؟؟ويا حليلو إسحق نيوتن القولوهو كلام ما قالو..
أما بخصوص المرجع الذي وقع في يدك بمعمل الكيمياء فليتك تهدي منه نسخة للاعب الصفرجت سامي عبد الوهاب حتى يصفرجها وإن كان هو يبحث عن الرقم ثمانية فلا بأس أن نهديه الثمانية +1..
يقال والعهدة على الراوي أن إنتشار "الزيقني" كان بعد كارثة سام تسعة من سان جورج الأثيوبي..
ويقال والعهدة هذه المرة لأحد سكان الخرطوم 3 أن لاعبو سان جورج بعد هذه التسعة طاب لهم المقام في السودان وأختاروا الخرطوم 3 مساكن لهم فكان المدرب تسفاي هو أول أقام خيمة في هذا المكان وفكّر في كيفية كسب رزقه ففكّر وفكّر فكان أن عرف السودانيون الشاورمة بسبب هذا الرجل..
فلا عليك يا أيها الكيميائي ود الريح وكما قلت فنحن ننظر لجزء المليان من الكبايّة فلا تنظر لخسارة المريخ بالتسعة ولكن أنظر لدخول الشاورمة والزقني للسودان ..
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
يا عمر كدي شوف الاثبات دا صحيح؟؟؟؟
اثبت ان الهلال هو الزعيم من خلال المعادلة التالية:
دوري الابطال> دوري الكونفدرالية...
الاثبات:
من المعطيات:
دوري الابطال : في دور 8
دوري الكونفدرالية: في دور 16
* دور يرمز له ب (أ)
اذن:
8
أ > 16أ
بفك الرمز( أ) حسب الواقع نجدان :
8أ + (الهلال - الزمالك - ناساروا) > 16أ + (المريخ)
8أ + (الهلال) > 16 أ + (المريخ + الزمالك + ناساروا)
بطرح 8أ من الطرفين
(الهلال) > 8أ + (المريخ + الزمالك + ناساروا)
نجد انه:
اما المريخ + الزمالك + ناساروا)=صفر
اذن: الهلال > 8أ (تقرأ: الهلال اكبر من دور 8 بتاع الكونفدرالية كلو)
او : 8أ = صفر
اذنالهلال) > (المريخ + الزمالك + ناساروا)
(تقرأ: الهلال اكبر من المريخ والزمالك وناساروا)
وهو المطلوب اثباته
اها كيف ليك
----------------
تمبس معليش متغيراتك (طمبل وزملائه) ما بتدخل المعادلة لانها مطروحة من الطرف اليمين من بدري وتمثل صفر
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
Quote: دوري الابطال : في دور 8
دوري الكونفدرالية: في دور 16
* دور يرمز له ب (أ)
اذن:
8
أ > 16أ
بفك الرمز( أ) حسب الواقع نجدان :
8أ + (الهلال - الزمالك - ناساروا) > 16أ + (المريخ)
8أ + (الهلال) > 16 أ + (المريخ + الزمالك + ناساروا)
بطرح 8أ من الطرفين
(الهلال) > 8أ + (المريخ + الزمالك + ناساروا)
نجد انه:
اماالمريخ + الزمالك + ناساروا)=صفر
اذن: الهلال > 8أ (تقرأ: الهلال اكبر من دور 8 بتاع الكونفدرالية كلو)
او : 8أ = صفر
اذنالهلال) > (المريخ + الزمالك + ناساروا)
(تقرأ: الهلال اكبر من المريخ والزمالك وناساروا) |
# (متزكر العلامة دي في الرياضيات معناها شنو؟) بس ما تقول لي كلمة كعبة وسيرفر بكري قلبا
أحمد فيثا
أسمح لي أضيف لي معادلتك دي بعض الأشياء..
أولاً فات عليك أن تضيف ال (ق.م.أ) بين كل من الزمالك والناساروا والمريخ وهو (الضعف)..
كما فاتك أن تضيف ال(م.م.أ) وهو الوصافة ..
عليه نتمنى منك أن تقوم بتعديل المعادلة وإضافة القاسم المشترك الأكبر والمضاعف المشترك الأصغر لوزن المعادلة ..
مع تحياتي..
الأستاذ ابو القاسم رئيس قسم الرياضيات بمدرسة المؤتمر..
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
| Quote: الأستاذ ابو القاسم رئيس قسم الرياضيات بمدرسة المؤتمر |
أديك معلومتين "خطرتين" عن أستاذ الرياضيات بمدرسة المؤتمر الثانوية
أبو القاسم يا عمر الفاروق:
الأولى
إنو درس زراعة في مصـر!! ولكنه كان أحسن "شرحبيل أحمد" بتاع
رياضيات. له مني ذكرى وفاء وود.
والثانية
إنو شقيق الكاتب المريخي الكبير القبطان حاج حسن عثمان!!
| |
|
|
|
|
|
|
|
|
|
Re: أحمد الريّح أوزن لي المعادلة دي .. (Re: عمر الفاروق)
|
Quote: المريخ عنصر خامل لا بياكسد لا بيختزل و في نفس الوقت غير مستقر
قابع في مؤخرة الجدول الدوري |
سلامات يا محمد البشرى الخضر
وعشان نقرب الفهم لأخوانا المريخاب: [لا بياكسد لا بيختزل] دي معناها
[لا بطــقع لا بـجيـب الحجار] في البطولة الكبيرة.
Quote: أعتقد على ضوء المعطيات الجديدة دي من الممكن وزن المعادلة بتغيير توصيف
المريخ من عنصر إلى مركب و إيجاد الوزن الجزيئي له |
المريخ مركب يعاني من عقدة نقص عناصر أمثال المعز وعمر بخيت ويوسف
محمد وحمودة وهيثم مصطفى وكلتشي. كما إنه لا وزن له في البطولة الكبيرة
ولو حاول التفاعل معها فسيتبـخر قبل بدء التفاعل ولن تنفعه العوامل
المساعدة... الأرض والجمهور والتحكيم!
| |
|
|
|
|
|
|
| |
عمر الفاروق
Kostawi
kamalabas
tmbis
على محمد على بشير
abas
abuguta
عمران حسن صالح
الصادق صديق سلمان
محمد البشرى الخضر
Elmosley
Moawia Mohammed
غباشي
Ahmed Mohammed Osman
فيس بوك
تويتر
انستقرام
يوتيوب
بنتيريست