|
|
 دعوة لبورداب جدة بدون فرز (تحريك البورداب)
|
ربما كانت هناك جماعة من بورداب جدة تلتقي كل حين والان أصابها الفتر
ربما لم يكون لست ادري !!!
عليه هذه دعوة لتكوين رابطة بورداب جدة
او منطقة مكة المكرمة او تفعيل الموجود
ويمكنها القيام بأعمال كبيرة وعظيمة للعضوية
وللإسهام في كل قضايا الوطن ... والرأي العام
وجدة غنية بخامات متباينة الابداعات ... اتمنى أن
أبنى اقتراح يجد قبولا من بورداب جدة :
اذكر في جدة
الدكتور بشرى الفاضل
الشاعر الطيب برير
الشاعر محمد مدني
الشاعر ابوذر بابكر
الاستاذ الصحفي كمال ادريس
الاستاذ هشام يازول يازول
الاستاذ السماني (اساسي)
الاستاذ علاءالدين صلاح محمد
الاستاذ تاج السر محمد حامد
الاستاذ الفنان حسن خليفة
الاستاذ ناصر عزالدين
الاستاذ الحاج حمد
الاستاذ ابوذر النضيف
الاستاذ سيف الدين عيسى مختار
الاستاذ عصام دهب
الاستاذ فتح الرحمن قيقراوي (جديدلنج)
الاستاذ الشفيع رمزي
الاستاذ ابوقصي محمد
بكل تأكيد قد نسيت عدد وقد لا اعرف اعداد او ربما لم نلتقي بعد في دنيا الغربة
ارجو المعذرة بكل تأكيد ولكم الرأي والمشورة ما وسعكم ذلك وإلا فسجدونني دعوت الباشمهندس
بكري ابوبكر بعد بورداب الرياض برااااااي وكرمته مع رابطة او جمعية وحزب وشفرته عنكم في ذلك
اليوم ...يلا يااساسي رأيك بداية.
.........................................................................................حجر.
|
|
 
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: احمد التجانى احمد)
|
الرفاعي
سلام يا زول يا هميم
Quote: بكل تأكيد قد نسيت عدد وقد لا اعرف اعداد او ربما لم نلتقي بعد في دنيا الغربة
ارجو المعذرة بكل تأكيد ولكم الرأي والمشورة ما وسعكم ذلك وإلا فسجدونني دعوت الباشمهندس
بكري ابوبكر بعد بورداب الرياض برااااااي وكرمته مع رابطة او جمعية وحزب وشفرته عنكم في ذلك
اليوم ...يلا يااساسي رأيك بداية. |
بورداب جدة نعتبرهم من الرعيل ذوي المبادرات قبل الرياض
فيك و فيهم الخير
نتمنى أن يستجيبوا لهذا النداء الصادق
ندعمكم بكل ما أوتينا
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: صالح عبده)
|
الاستاذ الرفاعي
الاخوة بورداب جدة
تحية طيبة
دعني اعود (بسياحة تاريخية) عن تاريخ بورداب جدة .
في العام 2001 كان سودانيز اون لاين منبرا جديدا ناشئ بدأ اولى خطواته كمنبر سوداني جامع ذو سمة جدية في حواراته بخلاف المنابر الاخرى الكائنة وعلي قلتها . كانت اولى المبادرات وهي حق تاريخي لنا في جدة باطلاق اول جسد تجمع كتاب منتدي سودانيز اون لاين واول لقاء يشهده البورداب علي نطاق العالم وكانت البادرة خاصة بنا (بورداب جدة) ونفخر بان نقول نحن في جدة اول من اطلق لفظة ( البورداب) بتجمعنا ولقائنا علي ارض الواقع واذكر ان عدد البورداب المشاركين وقتها فاق الخمسة وعشرون بوردابيا اذكر منهم علي سبيل الذكر لا الحصر
الاالاخوة : صلاح درار, قرشو , شرير والبرتقالة, هشام يازول, الجعلي , البحيراوي , روبنسون , اباذرابو امنة المطر, سنتمنتال, قرجة, جمال , ابوحراز(ضهب من الطائف) ...الخ
واتذكر ان الموضوع الرئيسي الذي تنادينا به هو موضوع الفنان عبد الرحمن عبد الله وعلاجه
وبعدها استمرت الاجتماعات اخر خميس من كل شهر واستمرينا علي هذا النسق زمانا طويلا
بعدها فتر امر البورداب واصبحت اللقاءات طابعه اسري واخذت الطبيعة السودانية من زيارات اسرية الي غيرها وما تزال مستمرة الي الان
ولكن بصبغة اسرية فمعظم البورداب الاوائل ما زلنا نلتقي
وكان ظهور جسد جديد لبورداب سودانت وعكس الريح ايضا نصيب فمعظم الكتاب هنا وهناك هم انفسهم
وكان ان اصبحت اللقاءات وهي مستمرة حتى الان كل خميس منذ ذلك الوقت لبورداب سودانت والذين معظمهم من كتاب سودانيز اون لاين ايضا
امثال قرشو وعصفور الجنة وادريس ومامون ومامون ويازول وغيرهم ما زلنا نلتقي باسرنا كل خميس بصورة دورية
واواصل
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: كمال ادريس)
|
شكراً يا رفاعي على هذه المبادرة ..
و أسال الله تعالى أن يسدد خطاكم ..
و أتمنى أن يلتقي بورداب جدة قريباً جدة ..
و علمي أنهم ( أول بورداب ) في العالم ..
و للتنسيق هذا رقم هاتف عملي ( 920000054 ) ..
و رقم هاتفي الجوال عند ( دقاش ) صاحبك ..
شكراً لكم ..
و لا تنسوا د. سيف النصر ، عبد الدائم .. و غيرهم ..
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
يامرحب بكل الاهل والاحبة في دوحة سودانييزاولاين
مرحب بكل من يكتب من جدة :
الاستاذ بشير حسن بشير.
الاستاذ فايز القاضي وجميع من اورد لهم الاحترام والتقدير وهم قبلي حضورا.
الاستاذ احمد التجاني احمد.
الاستاذ ابوعبيدة محمد الامين (اوع تكون ابوعبيدة بتاع الصحافة وودالتجارية صديقي يبقى دا مقلب تاريخي منك).
الاستاذ ابوعثمان .
صديقنا ابوجهينة شكرا لدعمكم فانتم أهل كرم ومروءة.
الاستاذ محمد الطيب يوسف.
الاستاذ علاءالدين صلاح محمد.
الاستاذ قيقراوي الجديد شديد فقد سقط سهوا الرائع جدا مازن الجمال فله العتبى .
الاستاذ تاج السر شكرا وننتظرك .
الاستاذ حسن خليفة الفنان شكرا يا شجي.
...........................................ننتظر بكل تأكيد الاخ اساسي في مزيد من التوضيح لسماع تجربيتهم ومدى ملائمة هذا الجسم للإندماج فيما هو كائن وتسميته ببورداب او تكوين جسم بإسم بورداب جدة وتستمر لقاءاتهم الاسرية والعامة في ماكن ارحب وأكثر براحة وتفعيل برامج ذات جدوى وهدف ثقافي ونشاط , وتطوير ذات الجهد الاجتماعي الموجود.
أحبتي ننتظر مزيدا من أهل جدة وكل من لم نذكره فرامجنا سوف تكون بحول الله كبيرة وطموحنا عظيم فقط الهمة والحضور في اول دعوة للإلتقاء ... وهي قريبة بحول الله ...
.................................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
اقتراحات عامة
اولا : مكان اللقاء : درجنا في اللقاءات السابقة الالتقاء في ساحات المطار القديم . اظن ان من الاسباب الرئيسية لعدم تواصل اللقاءات هي المكان المناسب
بورداب الرياض مستمرين في اللقاء بصورة متواصلة في الاستراحات وهي الانسب لهذه اللقاءات والتي قد تجد فيها الاسر متسعا من الحرية خاصة والكل يعلم ان الاخوة البورداب وحسب ضغوطات العمل يجدون انه فسحتهم لاسرهم يوم الخميس وهنا تكون المفاضلة بين اصطحاب الاسرة او لقاء البورداب فالافضلية ( كما ) اعتقد ان يكون مكان لقاء البورداب جامعا للاسر والبورداب فيكون عصفوران بحجر واحد ولا اقصد هنا ( جد الرفاعي) 
هذا اقتراح مستقبلي بعد اللقاء الاول . ولكن اقتراحي للقاء الاول ان يكون في مكان غير المطار القديم او الساحات العامة
لابد من شخص (نشط) يجيد التواصل والتنسيق لانجاح الامر وهو هنا كما ارشح الاخ الرفاعي صاحب المبادرة
ـــــــــــ
اقترح ان يكون اللقاء منفصل وبكيان جديد وليس امتدادا للكيانات القائمة لعدة اسباب قد نأتي لشرحها
ـــــــــــــــــ
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: اساسي)
|
***
**
*
الجميل اساسي وكل الزملاء في الموضوع ...
لكم التقدير ...
الزمان حسب ماترونه هنا في هذه المساحة...
المكان لدينا استراحة بها نشاطات يمكننا حجزها (هذا تكليفي)...
يلا على بركة الله حددوا التاريخ ...
تمنياتي بالتوفيق.
يابورداب جدة هلموا.................
..............................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
الأخ الرفاعى حجر
لك التحية
والشكر للاخوين فايز ود القاضى واساسى لذكرهم لنا وللقدامى ..
قرأت البوست وكنت انتظر قدوم الريس الاول لهذا الكيان القديم الاخ يازول وهاهو ياتى ولم يخيب ظنى
Quote: ويا رفاعى ده شغل نضيف الإنت بتعمل فيهو ده ، بس أهم حاجة (مادايرين سياسة)
|
يعنى يا ريس ناس المؤتمر الوطنى ما معانا ولا شنو ؟؟؟؟
الفكرة دوما مرحب بها ونرجو ان تكون على أسس أقوى وان يكتب لها الديمومة ....
مع تحياتى
| |
|
|
|
|
|
|
|
|
 Re: دعوة لبورداب جدة بدون فرز (تحريك البورداب) (Re: قرشـــو)
|
الأخ الحبيب خالد قرشو
بالعكس يا حبيب ، عندما نبعد السياسة بعيدا عن الكيان يمكن أن نحظى بصداقات ناس المؤتمر وطنى وشعبى وبقية الكيانات الأخرى (وبدون مشاكل جالية وما إلي ذلك ) 
بعدين والحق يقال أن أول من أسس كيانات البورداب فى العالم هو بلا فخر شخصى الضعيف وقرشو وسأعود بشىء من التفصيل
تحياتى يا خالد وكويس أننا حانتلاقى تانى زى زمان
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: قرشـــو)
|
امين عثمان ازيك يااخى
كل المدة دى مختفى وين
Quote: تاريخ التسجيل: 14-12-2002
مجموع المشاركات: 807 |
الظاهر التأمين ماشى معاكم دفار طحنية
زى مابقولوا
اتمنى نشوفك ضمن بقية اخوتنا فى ال نيو بودى
لبورداب جدة او قبل ذلك ايهما ياتى اولا
تحياتى
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
Quote: اقتراحات عامة
اولا : مكان اللقاء : درجنا في اللقاءات السابقة الالتقاء في ساحات المطار القديم . اظن ان من الاسباب الرئيسية لعدم تواصل اللقاءات هي المكان المناسب
بورداب الرياض مستمرين في اللقاء بصورة متواصلة في الاستراحات وهي الانسب لهذه اللقاءات والتي قد تجد فيها الاسر متسعا من الحرية خاصة والكل يعلم ان الاخوة البورداب وحسب ضغوطات العمل يجدون انه فسحتهم لاسرهم يوم الخميس وهنا تكون المفاضلة بين اصطحاب الاسرة او لقاء البورداب فالافضلية ( كما ) اعتقد ان يكون مكان لقاء البورداب جامعا للاسر والبورداب فيكون عصفوران بحجر واحد ولا اقصد هنا ( جد الرفاعي)
هذا اقتراح مستقبلي بعد اللقاء الاول . ولكن اقتراحي للقاء الاول ان يكون في مكان غير المطار القديم او الساحات العامة
لابد من شخص (نشط) يجيد التواصل والتنسيق لانجاح الامر وهو هنا كما ارشح الاخ الرفاعي صاحب المبادرة
ـــــــــــ
اقترح ان يكون اللقاء منفصل وبكيان جديد وليس امتدادا للكيانات القائمة لعدة اسباب قد نأتي لشرحها
|
كلام جميل يا اساسى ، هنا تظهر الخبرات من أهل التجارب ، للأمام وموفقين إنشاء الله .
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: بشير حسـن بشـير)
|
أخي الكريم الرفاعي
لك التقدير ومن زمن وأنا أبحث عنكم بورداب جده والغربية عامة ووصلت لمجموعة أساسي عن طريق بله محمد الفاضل وآباذر بابكر والآن في حملة
تبرع للأبن عبدالله والأخت سناء وردت بالبورد وكلفت بجمعها مع بعض الأخيار الذين وردت أسماؤهم هنا نحن حضور أن شاء الله .
مجدي عبدالرحيم فضل محمد إدريس
،،،،أبوقصى ،،،،
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: sunrisess123)
|
لنكون عمليين كما اقترح الاخ الرفاعي ونحدد الزمان والمكان واشياء اخري مفيدة
الزمان : مجرد اقتراح ان يكون الخميس البعد القادم 20 مارس ليكون هناك متسع من الوقت للتنظيم والتنسيق ولرؤية البوست من اكبر عدد ممكن من بورداب جدة الذين ما يزالوا قيد الاخفاء امثال الاخ عبده عبد الحميد واخرين ... كما انه الخميس القادم اي 13 مارس اظن ان معظم البورداب لهم ارتباطات مسبقة او غيره . ومن ناحية اخري لكي لا يكون الموعد بعيدا جدا فيتكاسل البعض وينسى البعض الموضوع .
بالنسبة للمكان : انا مع اقتراح الاخ عبد العاطي بالاستراحة التي هي ( تكليفه) ويكون هو مسؤل من الامر
هناك امر ما يزال قيد البحث والتداول وهو الاجتماع الاول هل يكون اسري ام (عزوبي) ارجو ان نسمع في هذا الامر الاقتراحات.
الامر الاخير وهو ( الكلام البيجيب الزعل) الشيرنق يا شباب .. اقترح ان يبحث الاخ الرفاعي (رسوم ايجار الاستراحة و العشاء ) ويرسل ماسنجرات داخلية بعد ان فك الاخ بكري (الماسنجر) بقيمة الشيرنق ويلتزم الاخوة بذلك .
الحاجة الاخيرة المهمة جدا (البرنامج واشدد البرنامج ) فاللقاءات السابقة كانت تعارفية واخذت في النهاية طابع الثنائية اتمني ان يكون هناك برنامج مصاحب للقاء يكون اساس اللقاءات القادمة اي البرنامج الثقافي وغيره (الحمد لله لدينا من الشعراء الافذاذ ما يسد عين الشمش علي سبيل المثال المخضرم برير والعميد بشرى والانيق الرشيق اباذر والفلتة اساسي كما سيكون طيبا جدا ان كان هناك من يتعاطي العود والدندنة ولا اقصد (الود للعنبر والعطور ) واي برامج مناسبة يتم التنسيق لها داخليا .
واخيرا وليس اخرا الالتزام بالحضور والتشديد علي ذلك في هذا البوست او ما ترونه مناسبا لضمان نجاح اللقاء
الحاجة الاخيرة يمنع الضهب منعا باتا يعني ما يجنا واحد يقول هو صاحب الفنان وقريب العروس (جست كدينق)
| |
|
|
|
|
|
|
|
|
 Re: دعوة لبورداب جدة بدون فرز (تحريك البورداب) (Re: اساسي)
|
الأخ أساسى
ياخ ده والله كلام جميل خالص خالص
وكما ذكرت أهم شىء (البرنامج) ، ومنع (الضهب)
والحكاية دى ذكرتنى بدايات لقاءاتنا فى المطار القديم أيام الجعلى بجيب البساط حقو العجيب داك
ياخ ده لمن يطلع البساط من عربيتو أنا بفتكر أنو بيغطى جدة كلها
وبعدين الناس لسع ما كانوا بيعرفوا بعض وكانوا (خايفين من بعض) والشغلة كده شايفنها زى الفى شى غلط (طبعا روح السعودية مالياهم) وفجأة جو ليك نفرين تلاتة عرب بى جلاليب يتطوطحوا ويتلفتوا فأنا قمت إتشوبرت (كالعادة) وقلت ليكم يا أساسى الجماعة ديل شكلهم بورداب ،
ولما جو قريب ، قمت أنا كوركت ليهم ، وقلت ليهم الأخوان من البورد؟
وإتضح أنهم طرش ساى
فقمت إستدركت بسرعة ، وقلت ليهم : معليش يا جماعة والله إفتكرتكم من الجزيرة بورد
فانصرفوا بأمان وهم يتمتمتون لا ابدا والله
تحياتى ليك وللسامعين
ونسمع رأى الباقين خصوصا فى مسألة العوائل دى لأننا لا نبدل عوائلنا بأى شىء فى الدنيا خصوضا (الخميسات)
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
اخواني بورداب جدة
اتنمى ان يكون اللقاء المقترح في 20 مارس فاتحة شهية للقاءات أخر في المقبل من الايام.
كنت اتمنى ان اكون معكم ولكن لساكون في اجازة سنوية في السودان في الفترة من 15 مارس الى 28 ابريل .
تم تشريفي من الاخوان البورداب بجدة بتوصيل مشاركاتهم الإنسانية للاخت إنعام حيمورة بخصوص مأساتي عبدالله وسناء.
ساكون متابع معاكم عبر سودانيز اون لاين.
اشوفكم على خير.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: امير مصطفى احمد)
|
Quote: يعني متفقين علي يوم عشرين من الشهر مارس 2008م وين كروكي المكان والزمان يارفاعي ندخل حيز التنفيد والتكليف هلموا بورداب جده غير
،،،،أبوقصى،،،، |
شكرا ابوقصي
موافقين شباب
على بركة الله يوم 20 مارس موعدنا
سآتي بكروكي الاستراحة
والدعوة لكل بورداب جدة.
.........................................................................ت0500940326 حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
Quote: شكراً يا رفاعي على هذه المبادرة ..
و أسال الله تعالى أن يسدد خطاكم ..
و أتمنى أن يلتقي بورداب جدة قريباً جدة ..
و علمي أنهم ( أول بورداب ) في العالم ..
و للتنسيق هذا رقم هاتف عملي ( 920000054 ) ..
و رقم هاتفي الجوال عند ( دقاش ) صاحبك ..
شكراً لكم ..
و لا تنسوا د. سيف النصر ، عبد الدائم .. و غيرهم .. |
اخونا عصام دهب والله في البداية بدق في تلفونك على الشاشة وخايف يكون مقلب اصلو عندنا صديقنا من الخرطوم اسمو جمال دهب حلفاوي مصيبة مستحيل يسلم عليك او يكلمك الا وهو وراءه مقلب , عموما طلع تلفونك سليم وما في مخاوف منو بس جوالك والله ما عرفت ليهو جهة عموما مقترحاتنا مطروحة للقاء الخميس القادم, أتمنى من الجميع التفاعل والتواصل عبر الماسنجر للتنسيق على التفاصيل ملتقانا بحول الله اجتماعي بالمقام الاول وثقافي ثانيا وخدمي في اطار الاثنين اخيرا , ذلك ما سنلتقي وننفض عليه بحول الله أتمنى تقديم مقترحات كل وتصوره للقاء...
كنت قد تحدثت والاخ السماني اساسي وربما تطابقت وجهات النظر حول البحث لرعاية البورد من قبل أحدي الشركات الخدمية الكبرى (والفكرة تتبلور حينها) خيار لنا ... ورعاية انشطة البورداب ... كذلك مجال للتواصل الاجتماعي وربما نتجه لإنشاء اشتراك في نادي رياضي لكافة الاغراض , بكل تأكيد نتواضع على طرح برنامج كفيل بملامسة قضايانا وفق رؤى متباينة ... وحاجات جميلة ونستعين بالاخوة في الرياض للإستعانة بهم في تطوير برامجنا ونعمل معهم التوأمة المطلوبة للإستفادة من خبرتهم في هذا المجال بحكم اسبقيتهم لنا والمواضيع طويلة ... اللقاء سيكون شيق ثقوا في ذلك وسيتناول كل المطلوبات لزول في الغربة بس تعالوا وما ح تندموا ابدا.
...............................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
الدكتور سيف النصر
الاستاذ عبدالدائم سيد احمد
الاستاذ عبداللطيف السيدح (رؤيتهم معانا والله عندهم حركات) مكة
الاستاذ محمد حسن العمدة (رؤيتهم معانا والله عندهم حركات) الطائف
الاستاذ مأمون احمد محي الدين (فنان تشكيلي عالمي )
الاستاذ سيف النصر الماحي فنان تشكيلي
ياناس جدة وبوردابها الكرام ... بكل تأكيد هناك اشخاص لم اتشرف بعد بمعرفتهم ليتهم يبادروا بالتوقيع هنا حتى نتواصل معهم لإنجاح مشروعنا الاجتماعي الثقافي .(بورداب جدة).
.......................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
ياالرفاعي .ابشرك الان اصبحت عضواً كامل الغضوية في جمهورية سودانيز اونلاين الديمقراطية .وقد اسقط عني الاخ بكري بطاقة اللجؤ ومنحني الجنسية بكامل مزاياها . فشكراً لجهودكم المقدرة التي تكللت اخيراُ بهذا الانضمام . وسجلني من الان في عضوية بورداب جدة وماتنسوني من الدعوة الجاية .بس ماتصادف اربحا وعقاب شهر لأنك عارف اجتماعنا الشهري............
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: عبد الدائم سيد أحمد)
|
ننساك وأنت أنت بتتنسي ما أنت ريدنا وحبنا سافرنا فيك ولسه قلوبنا بيك متعلقه عبدالدائم سيد أحمد أدام الله عليك هذة الأمورة وشمعه مضيئة طول العمر يارب وينك أنت وين أراضيك مجرد سؤال
ده بوست لي بغياب أحباء علينا من البورداب وفي السك أسمك مكتوب سلام لبورداب صحافة العظااام غناء أحمد عجوز وهو الآن في الصحافة بين الأهل والأحباب.
،،،،أبوقصى،،،،
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: عبد الدائم سيد أحمد)
|
البوردابية والإعلامية ... ناهد بشير الطيب معذرة فقد ذكرناك دون كتابة فتفضلي فالمنبر يزدهر بوجود هذا القلم الرومانسي ... ولا تنسي مذكرات عمنا الاستاذ المرحوم بشير الطيب فأنتي اضافة حقيقية , ومن هنا مرة أخرى الاعتذار لكل من لم يرد ذكره فليبادر بالكتابة هنا وتنويه آخر ليت الجميع يراسلوني عبر الماسنجر بترك ملاحظانهم وارقام تلفوناتهم ومن يرغب بالاتصال تلفوني على المنبر 0500940326 .
.............................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
الرفاعي والأصدقاء هنا جميعاً
سلام
اتلاقينا يا الرفاعي كم مرة
في نفاج محجوب شريف
ووداع صاحبنا وأستاذنا عالم عباس
يسعدني أن أكون ضمن هذه الكوكبة الرائعة
وأملي أيضاً أن يتسع الأمر ويخرج عن قائمة الأعضاء بسودانيز أون لاين فقط
وذلك نحو حراك اجتماعي جامع
هدفه الأساسي توسيع الدائرة
وليكن مثلاً بمسمى
بورداب جدة وأصدقائهم
واقترح أن لا يكون هناك أي تجمع لا تكون المرأة أحد أعمدته
يعني أن يشمل الأمر دائماً كل الأسرة لمزيدٍ من التأصيل والتلاقح
والتحايا والأماني بالتوفيق
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
اخونا الرفاعى حجر
الاخوه بورداااااااب جده
الاستاذ تاج السر حامد
الاستاذ جمال السنوسى
سلامااااااااات
بيشرفنى ويسعدنى انى اكون وبينكم ومعكم....
احونا حجر
اتوقع.... لعالم.... بورداب جده ان يكون عالم واسع فضفاض
نتعامل معه بلا غربه اووحشه... فنطلق لافكارنا ومفاهيمنا
وذخائرنا العناء ..... كل متسلح بما يملكه من فكر ومنهج ولون
ومن المؤكد انكم ستمنحون يوم 20 مارس ماانتم اهل له
حيث ستتفضلون بتكريمه ومنحه لقب..... عالم بورداب جده
لن ننعزل عن التاريخ وسنكتب ونؤرخ ونحلم ونعترف بالجميل والوفاء
لسوداننا الواحد.... وسنلبس كلماتنا الفضفاضه ونرحب بها على الكل
لك الشكر حجر على المبادره بتكوين هذا العالم...وشكرا مرة اخرى
وارجو ان لا اكون كما قال الشاعر:
وقد حملتنى شكرا طويلا
ثقيلا لا اطيق به حراكا
وتقوم.... اللمه تروح منناساكت
سلامات
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: إدريس البدري)
|
Quote: الرفاعي ســـلام
سجل عندك ...يوم الخميس إن شاء الله عندكم
تحياتي |
سيدي سجلنا في حضورك ألق ...
سنكون على موعد باللقاء ...
في الميعاد ... شكرا سيدي الجميل.
هذا الذي نرغب به ان تكون المبادرة
منكم ومنا ليكون التجمع وفق هذه الروح.
...................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
بورداب جدة الاحباء ... تحياتي ...
جاهزين وفي ذات الموعد .. ومنتظرين الكروكي او اسم الاستراحة ونحن بنجيب خبر مكانها ...
انت عارف يارفاعي عندنا جلسة اسريه اسبوعيه( كل خميس) لبورداب جدة - منتدي كسلا- (الوطن الصغير ).. ومن محاسن الاقدار ان يكونوا اعضاءً بهذا الوطن الكبير (سودانيز اون لاين ) ...يعني تغيير عناوين وشرف معرفة جديدة ...
حاضرين ان شاء الله ...
فايزودالقاضي ..
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
سعادة العميد يوسف محمد يوسف لنا عظيم الشرف بحضوركم
الاخ الجميل ابراهيم محمد الحسن ننتظر اليوم بفارغ الصبر
الاخ الرائع فايز ودالقاضي صديقي من لمحة لك الود واليوم نحسم كافة
الترتيبات لإنجاح اللقاء والخروج وبجسد اجتماعي فاعل وهادف .
............................................................................مودتي للجميع ........حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
محمود مصطفى محمود رئيسا اسمك كدا
ازيك اخي محمود وكن هنا فالوعد انتصف
الزمان وهاهو التاريخ يتحرك نحو ليلة فرح
بوردابي.
الزول الجميل هشام وامين رونالدينهو سلامات وربنا يديم فرحك بهؤلاء الاشبال
لك المنى وحريصون على الاخ محمد ابوقصي وكلمناه وربما سيآتي معنا يومها فالكل
هناك وضع اهتمامنا والشغلانة تحتاج الحضور والفاعلية ... لكم المودة
...................................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
الأستراحة أستراحة الشفاء
طريق المدينة حتي مفرق أبحر وترجع حتي تصل دوار الجمل وتعود مره أخر ي من طريق المدينة النازل وتأخذ خط الخدمة بعد النزله من الكبري أتجاه البلد الطريق النازل وتصل لافته مخطط العلياء تأخذ يمين والأستراحة بدهان كريم مكتوب عليها أستراحة الشفاء
الكروكي مع الرفاعي الدعوة مفتوحة لكم جمعيا بورداب ومن يرون أن يثروا اللقاء وأسرهم .
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
يلا اكدوا الحضور ياناس ورسلوا ارقام جوالاتكم عبر الماسنجر او في البوست
لننسق البرنامج المصاحب وإقتراحاتكم
ارجو من الاخ حسن خليفة الاتصال في جوالي
الجميع بدون فرز مدعووووووون لهذا الحفل
والدعوة لكل بوردابي وبوردابية واسرهم معهم
المكان مهيئ جدا .
.........................................................................................حجر.
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: الرفاعي عبدالعاطي حجر)
|
Quote: طريق المدينة حتي مفرق أبحر وترجع حتي تصل دوار الجمل وتعود مره أخر ي من طريق المدينة النازل وتأخذ خط الخدمة بعد النزله من الكبري أتجاه البلد الطريق النازل وتصل لافته مخطط العلياء تأخذ يمين والأستراحة بدهان كريم مكتوب عليها أستراحة الشفاء
|
دي البتيخة!! صاح؟
يا ابو قصي والرفاعي الوصف دا كلب بوليسي ما يجيبو
كدى روقوا شوية واحكوا براحة الاستراحة دي وين؟
علي العموم اقترح ان ينزل بوست جديد بالكروكي والتأكيدات
عشان يكون حاجة فرش وطازة و بتوقع انه الكلام دا يحصل اليوم قبل بكرة عشان الغائب يلاقي
كما اتمني ان يلتزم الجميع بالحضور
تحياتي
| |
|
|
|
|
|
|
|
|
|
Re: دعوة لبورداب جدة بدون فرز (تحريك البورداب) (Re: اساسي)
|
انا ما بعرف انزل ليكم كروكي ولكن أقول ليكم الأتي :
طريق المدينة في اتجاه المطار , بعد المطار وبعد مدينة الحجاج هناك مخرج أبحر يعكس اتجاهك الى البحر تنزل في دوار الجمل تأخد دوار الجمل دوران كامل عشان ترجع طريق المدينة في اتجاه جدة , هنا وبمجرد ترك كبري أبحر في ظهرك وطريق المدينة امامك هنا مخرج لمحطة خدمة اسمها محطة النور في شارع مواز لطريق المدينة تمشي فيهو حوالي 300 متر في اتجاه مواز تماما لطريق المدينة يعني طريق المدينة بيكون في يسارك في مخطط اسمو مخطط العليا تدخل مع لافتة المخطط تخلي اللافتة يسارك تطول في الشارع حتى يكون الطريق اجباري يسار او يمين الاستراحة في وجهك مباشرة ... اسمها استراحة الشفاء.
الشاطر فيكم يرسم الكروكي حسب الوصف دا.
...........................................حجر
| |
|
|
|
|
|
|
| |
الرفاعي عبدالعاطي حجر
بشير حسـن بشـير
فايزودالقاضي
احمد التجانى احمد
ابو جهينة
علاء الدين صلاح محمد
قيقراوي
تاج السر محمد حامد
صالح عبده
اساسي
ابو عثمان
أبوعبيدة محمد الأمين
كمال ادريس
عصام دهب
البشير دفع الله
نورالدين الفحل
يازولyazoalيازول
قرشـــو
مجدي عبدالرحيم فضل
جمال السنوسي
مازن الجمّال
امير مصطفى احمد
عبد اللطيف السيدح
محمد علي ياسين
عبد الدائم سيد أحمد
elnadeif
بله محمد الفاضل
ناهد بشير الطيب
إدريس البدري
ابراهيم محمد الحسن
يوسف محمد يوسف
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست