|
سلامات أبو ساندرا .....
|
المرض ما بكتلُو زول ...
كفارة البيك يزول ..
شيخ البورداب أبو ساندرا ...بعد آخر مقابلة له مع الطبيب قرر له الأخير أنه يحتاج إلى نفس الحقنة في العين والتي كان قد عملها سابقاً وقد عملها فعلاً يوم الثلاثاًء أول أمس وهو الآن بالبيت في فترة إستشفاء ونقاهة ...
نسأل الله أن تكون آخر ( الأحقان ) ..
ما تشوف شر يا أبو البنيات ...
|
|
|
|
|
|
|
|
Re: سلامات أبو ساندرا ..... (Re: عثمان دغيس)
|
عثمان دغيس
سلام يا فرده
وكفارة وأجر وعافية للعزيز أبو ساندرا , وان شاء الله ما يشوف شر
أطلع منها يا عثمان الدغيس أنا وأبو ساندرا طلعنا قرايب وجيران
من ناس الجبل والعسال .
مخارجة :
سعال محيرني يا عثمان وأنت بتعزف في صورة البروفايل عليك الله بتتكلم مع منو ؟؟؟
| |
|
|
|
|
|
|
Re: سلامات أبو ساندرا ..... (Re: عبد الرحمن الطقي)
|
ده كلو من العيون ... التي في طرفها حول.
تسلم أبوساندرا ... ألذ حاجة إنو مرض عيونك ده بقى مذاع ... shot أول وتاني وإستراحة وما بعد العرض ... وعشت موفور الصحة والنظر.
شكرا عثمان ... ونسمع منك كل خير.
| |
|
|
|
|
|
|
Re: سلامات أبو ساندرا ..... (Re: Elawad)
|
Quote: يا زول ريّح العيون والقلب والعقل قليلا ..
|
غايتو معتصم الطاهر فى دى بالغت عدييييييييل
يعنى يعتزل الحياة الدنيا.. ولا كيف؟؟
ربنا يكتب السلامة يا ابوساندرا ويخفف ..
| |
|
|
|
|
|
|
Re: سلامات أبو ساندرا ..... (Re: Amira Elsheikh)
|
الأخت أميرة
العزابية ..
هنالك إتهامات مغرضة تنسب المسعلة لعين أصابت حبيبنا من قبل فئة البايركس ..
وبما أن هذه الفئة تمثل حجر الزاوية لناديكم الأسفيري ..
أرجو التصدي وبقوة لهؤلاء الشرذمة المتشرذمين ,،،،
والمرجفين.. الذين يهدفون من خلال هذه المحاولات البائسة لهدم النادي العملاق ...
لا نامت أعين الجبناء ...
ويا عزابه ثوروا ... ثوروا ...
خلوا الجماعة يلفوا سورو ...!!
| |
|
|
|
|
|
|
Re: سلامات أبو ساندرا ..... (Re: عثمان دغيس)
|
البحلقه الشديده ,, قلنا بطلوها , ماعايز تسمع الكلام,,
يادغيس ,كنت بتكلم معاهو قبل شويه بالتلفون, قلت ليهو فى بوردابيه جديده وشديده دخلت فى البوست عشان تكفر ليك , قال لى : طيب ماتدينى واحده من عيونك اقرأ بيها مداخلتها وأرجعها ليك .
انشاء الله ياأبوساندرا تقوم بالسلامه عشان تشوفها بعيونك ,,,
| |
|
|
|
|
|
|
Re: سلامات أبو ساندرا ..... (Re: حيدر حسن ميرغني)
|
;كفارة ليك يازول كفارة حلوة ابوالبورداب قرض على كده ابوة وعيون يعني بعد اكلك كلو بيض عيون والله ما قاصد اي حاجة لانو في واحد مطلع إشاعة مقرضة ومقرضة من قرض فهو مقروض انو ابوساندرا والسني خلاص فلتو ودخلو الخرف المبكر ودي مرحلة القلم مرفوع فيها والبلم بتاعهم عالي يعني زي الدراويش اقولوا الإقولوا وانت عارف القلم ما بزيل بلم ونحن رفعوا منا القلم والبلم وجاتك في عيونك تتحمله ...الواطه هسي النقط دي شنو انعل ابو الخرف المبكر
| |
|
|
|
|
|
|
Re: سلامات أبو ساندرا ..... (Re: حيدر حسن ميرغني)
|
العزيز حيدر
تشكر على الدعوات ...
بس الجضيمات ديل عينا باردة ما ناقصاه ..
فيا ريت تكون العافية أم غير جضيمات ...
الراجل مقبل على الحياه ... وعايزنو يرجع شباب ورياضة وكدة ...!
تسلم يا الغالي ...
| |
|
|
|
|
|
|
Re: سلامات أبو ساندرا ..... (Re: كمال سالم)
|
العزيز كمال سالم ..
يعني كلامي طلع في محلو ...
أنا قلت ليها إن شاف أبو ساندرا صورتك كان قال ليك ..
حلااااااااااتك ...
وها أنت تثني ...
وبرضو أنا ما قلت حاجة ...
| |
|
|
|
|
|
|
Re: سلامات أبو ساندرا ..... (Re: elameen)
|
أخوي الأمين ..
تشكر على الدعوات .. وأقول معاك آآآآآآآآآآآآمين ..
وربنا يحقق أمنياتكم ويجمعكم بأخيكم العقيد البطل ...
آآآآآآآآآآآآآآآآميييييييييييييييييييييييييييييييين
| |
|
|
|
|
|
|
Re: سلامات أبو ساندرا ..... (Re: محمد حيدر المشرف)
|
الكومريت ابوساندرا الف كفارة ليك ، وتسلم عيونك ومن العيون الحسادة ديك كنت مفتكرك تسافر الخرطوم لزواج الصديق رشاد وتفتوا هناك بعيونك برضو علمتها عملية ( وبيض بالعيون ) زي ماقال السني - برضو ما قاصد ترقد بعينك- اوخد الراحة التامة وفي اجهزة كمبيوتر حديثة في اليابان وبورداب اليابان يساعدوا في ذلك - انا بخمن عشان ما يجوا ناس الغلاط - ان تتحدث ويكتب ليك الجهاز يعني تعمل مدخل لكيكي وهو في امريكا وتنبذ بخشمك زي ما داير ، ما عارف في سنسرة وللا لا لكن بتصل لكيكي حتى يعود الى الدوحة ومراعاة فروق الوقت تسلم كومريت ابوساندرا ...
| |
|
|
|
|
|
|
Re: سلامات أبو ساندرا ..... (Re: مصطفي سري)
|
أبو ساندرا.. سلامات والف الف كفارة.. والله قطع شك عين.. وأنا والله عارف سببها.. تكون عين الجماعة فى رحلة الدكتورة للدوحة وقعت فيك..وجه ضاحك..
دغيس سلامات
لكل من مر/ت من هنا محبتى
| |
|
|
|
|
|
|
Re: سلامات أبو ساندرا ..... (Re: مصطفي سري)
|
مصطفى سري
ياخوي إنت أخو صلاح سري بتاع الأكورديون ؟؟؟ ومحمد سدي بتاع الأورغن .؟؟
ولا إسم على إسم ؟؟!
تشكر على الإهتمام والمشاركة ..
بس تعرف لو نوع الكمبيوترات دي وصل لأبي ساندرا ... الناس ح تتعب خالس معاه ...
ياخي ده دون ده الله يقدرنا عليهو ..!
| |
|
|
|
|
|
|
Re: سلامات أبو ساندرا ..... (Re: عثمان دغيس)
|
دغيس صباح الخير ابو ساندرا ...... عل العينين صبحن بخير ...... وطبعا .... عيونك فيها شئ يحير يغير اتجاه الزول..... بس الكراع دي نقول فيها شنو .....؟ السؤال موجه لجزارين المنبر . عارفك صخرة ......ماتشيل هم ولاخوف . وماعشانك عشان البنيات الجميلات وامهم الله ماحيسيبك . حيبقي رتيب وناقص كتيييييير لغايت ماترجع . بس انت بطل الهبيش عشان ترجع بسرعة .....طبعا دي مافي زول يسألني عنها ...خاصة الاسمو كمال سالم....ده. ابو ساندرا...... قول يالطيييييييييييييف شكرا .....جزيلا ....دغيس ماعاوز اقول تحياتي ....عشان في واحد حيجي ناطي لي في رقيبتي . التحايا هارون دياب
| |
|
|
|
|
|
|
Re: سلامات أبو ساندرا ..... (Re: haroon diyab)
|
الأخ هرون دياب ...
شنو يا خوي داااااااااااابك جاي تتقدل ؟؟
غايتو شيل شيلتك مع أبو ساندرا .. وإنت قايل زيارتك ليهو في البيت كفاية ؟؟
يا زول أبو ساندرا ده الما بيواسيهو بالكي بورد مافي شيئ بحلو منو ..
غايتو الله يعينك ..
تشكر يا الحبيب ،،،،،،،
| |
|
|
|
|
|
|
Re: سلامات أبو ساندرا ..... (Re: ALHALAWI)
|
Quote: بس انت بطل الهبيش عشان ترجع بسرعة |
هارون دياب بتبالغ .. ياخى الراجل عيان.. وقالوا العيان فى ذمة الواعى
دغيس.. سلامات.. أرجو أن تطمئنوننا على أبو البنيات..
ـــــــــــــــــــــــ لكل من مر/ت من هنا محبتى
| |
|
|
|
|
|
|
Re: سلامات أبو ساندرا ..... (Re: بابكر التوم)
|
ما تشوف شر يا كبير .. عافية إن شا الله و شدة و تزول يا صاحبي .. و ترجع تملا الدوحة صخب و المنبر حركة و حياة . ما تشفق البنوت و أمهن كل يوم و التاني . الكلمة السحرية يا رشيدة تقولي ليهو : المؤتمر الخامس جااااك .. فنترب يصنقر ليكي و عينو قدر الريال أب عشرة . مشتاقين يا صاحب .
....... شكرا أبوعفان .. ربنا يطمننا على المواطن الجميل ده . تحياتي .
| |
|
|
|
|
|
|
Re: سلامات أبو ساندرا ..... (Re: عثمان دغيس)
|
ابو ساندرا في اتم الصحة الان لكن يادغيس اجمل حاجة.... حكاية الافتاء.... وحديث ضعيف ....وحديث صحيح.... لكن الزول الزحه لمن سمع الاذان ده بالغ عديييييييييل كده .... في زول عاقل يناقش ود القريش عليكم جنس محن.... الله يجيب ليكم عماد عبد الله عشان نقعد جنب الحيطة ونسمع الزيطة . والمافاهم يرفع ايدوا. صباحات نواضر هارون دياب
| |
|
|
|
|
|
|
Re: سلامات أبو ساندرا ..... (Re: haroon diyab)
|
أبو ساندرا ما تشوف شر
بس أصحابك البيقولوا ليك عيونك فيها شيء يحير ويغير اتجاه الزول ديل هم ذاتهم الطقوك عين ، فأول حاجة تقبض في هارون دياب دا وتقطع ليك منه شعرات تتبخرها عشان تكون آخر (الأحقان) ودمت بخير يا صديقي ...
أبو قصي
| |
|
|
|
|
|
|
Re: سلامات أبو ساندرا ..... (Re: الطاهر عثمان)
|
العزيز أبو ساندرا
ما تشوف شر ان شاء الله والف الف سلامة
وعلاج عيون ابو ساندرا موجود يا اخوانا وساهل جدا
بس يقلل من الكمبيوتر ومن المكتبات
في معرض الكتاب الأخير بالدوحة لو لقي طريقة كان عايز يشتري المعرض كله وانا عارفه ضعيف امام القراءة .
رفقا بعيونك يا الحبيب
وشكرا يا أستاذ دقيس
| |
|
|
|
|
|
|
Re: سلامات أبو ساندرا ..... (Re: حسن طه محمد)
|
الأستاذ الفاضل حسن طه ..
تشكر على نصايحك الصادقة ... فعلاً الزول ده مرضان قراية ...وكمبيوتر ..
بس ياخوي قاف ( دقيس ) دي والله وجعتني أكتر مما وجعت الحقنة أبو ساندرا..
لكن عزتنا إننا بنستصحب حسن النية ...!!
تشكراتنا يا الغالي ..
| |
|
|
|
|
|
|
Re: سلامات أبو ساندرا ..... (Re: عثمان دغيس)
|
الأخوة الأفاضل
محمد عبد الماجد الصايم ... عاطف مكاوي ...
تشكروا والراجل بخيييييييير والحمد لله ..
صديق أحمد عمر ...
وصلت تحاياك وأمانيك الطيبة ..
عصام علي أحمد
نصيحتك وصلت وأدت مفعولها ...!
على الأقل على المستهدف هرون دياب ..!
مسعود
الأستاذ طراوة بابكر التوم عماد عبدالله أبو قصي ..
تشكروا على أمنياتم الطيبة وربنا لا يريكم مكروه في صحتكم ..
جعلها الله آخر الأحقان ..
الشفيع
تشكر على المرور والأماني الطيبة ..
وربنا يقومك بالسلامة وترجع تلعلع في البورد ...
| |
|
|
|
|
|
|
Re: سلامات أبو ساندرا ..... (Re: عثمان دغيس)
|
دغيس صباح الخير تااااني شفت يااخوي ياها دي مصيبة الواحد يقعد يباري ليه جلاكيييييييين . الليلية ابو ساندرا عينه توجعه . حسع بكره كمال سالم يقول ليك القاوت قام علي . وماعرف معتصم الطاهر ضيع النضارة . وبدر الدين الامير ركبه ماشايلاه . المهم شيل شيلتك يالحبيب . يوم جميل هارون دياب
| |
|
|
|
|
|
|
Re: سلامات أبو ساندرا ..... (Re: haroon diyab)
|
العزيز دغغغغغغغغغغغغغغغغيس
شفت الغين دي عملتها ليك مركبة بس مشكلتي انو اتعودت اكتب دقيس باسم اخونا المهندس احمد دقيس الكلمتك عنه وكنت بفتكرك من العائلة لانه بصراحة اسم شاوتنق ونادر .
طيب للعلم: ما معني دغيس بالغين ومن اين أتت ؟ دقيس صاحبنا كنا بنقول ليه دقيس دي جات من الدقسة يعني البيدقس كتير وانت مع الاوكورديون " النوم جافاني " .
واصبر علي شوية لحدي ما اتعود علي حرف الغين وعشان كدا مداخلاتي معاك حتكتر .
| |
|
|
|
|
|
|
Re: سلامات أبو ساندرا ..... (Re: حسن طه محمد)
|
حسن طه ...
يازول دقِس زي ما داير هو نحن لاقين تدقيسك ؟؟؟!!
والله دغيس دي لقب الوالد من زمن الخلوة .. وهو أصلاً إسم أطلق لعمي الأكبر من والدي وإسمه التوم ( الدغس ) بضم الدال والغين !! ولمن كان أبوي هو أخوه الصغير البمشي معاه الخلوه أطلقوا عليه الدغيس تصغيراً للدغس ...
والمعنى واضح ...!!
والغريب أن إسم الدغيس هو اللي إشتهر بينما الدغس سيد الإسم لم يتجاوز نوي بلدنا ( وده فيه إجابة لسؤالك عن منطقتنا بالسودان ..
تسلم على الإهتمام يا حبيب ...
| |
|
|
|
|
|
|
Re: سلامات أبو ساندرا ..... (Re: عثمان دغيس)
|
عثمان دغيس وضيوفه الكرام متمردآ على نصائح الأصدقاء الخلص المهتمين وعلى رأسهم العزيزة آمنة مختار وأمل أم هاشم والجندرية وتيسير وصفية وتراجي مصطفى و ربيع وآدم موسى من وراء الحدود ، وتكبدهم مشاق أو خسائر التلفونات وهارون دياب وفيصل الزبير ومعاوية الزبير وأمير محمد عثمان من الدوحة وذلك الرهط الجميل الذي كتب في بوست العزيز عثمان دغيس والأعزاء الذين زاروني متفقدين ومتضامنين بقيادة دغيس وهارون ومعتز القريش ، والفاتح حواية الله وعمر عباس وفيصل عباس وعبدالرحمن ودالعباسية والأمين وطه سليمان ودالزين ورفيقته الرائعة آسيا عوض وزائرنا الكريم محمد عثمان ابوالريش القادم من الصين ودكتور سيد التلب وصاحبة الواجب الهميمة رندا أم حاتم ورجل الملمات كمال سالم
| |
|
|
|
|
|
|
Re: سلامات أبو ساندرا ..... (Re: أبو ساندرا)
|
حمداً لله على سلامتك يا بركوته ..
والحمد لله قرينا صوتك ..
وما في أخطاء إملائية .. مما يعني أن النظر والحمد لله ستة على ستة ...
والعملية نجحت 100% .. بأبسط قواعد الإثبات ..!!
يا مولانا ..
| |
|
|
|
|
|
|
|