|
دعوة للنجارين والسمكرجية للإسهام في بناء قصيدة
|
إحتفال أخونا إسماعيل بعيده الأول في المنبر ونجر بيوت الشعر في بوست الإحتفالية ، رجع بي في الذاكرة لي 15 سنة لما كنا في الجامعة ببنجر الشعر نجر وعملنا جمعية سرية عاطفية دكاكينية إسمها ( واقف براك ) ضمت أعشق أولاد دفعتنا وأبكي البكايين وهسع هفت لي أنجر قصيدة ولأن بحب العمل الجماعي فهذه دعوة مني للنجارين في هذا البورد لينجروا معي ما شاءوا من الكلم إستناداً علي البيت الأول المنجور وللإخوة السمكرجية لتعديل الطفقات والتخريمات هنا أو هناك عشان تتطلع البيوت متناسقة وإليكم النجرة الأول:
قلبي في مشوار هواك عمرو ما عرف السلامة
ملحوظة توجد بقية كسار وخشب صغار من شاكلة ( ندامة ، ملامة ، كرامة ، حمامة ، إقامة غرامها ، سهامها ، إلاما ، غرامة ، مقامها ، علامة و شهامة ) يمكن عمل بعض الغراء وتلصيقهم مع بعض
فضل كرار
|
|
|
|
|
|
|
|
Re: دعوة للنجارين والسمكرجية للإسهام في بناء قصيدة (Re: Fadl Karrar)
|
Quote: هل غادر النجارون من متردم؟ |
لا
بل عرفنا الدار بعد توهم
يلا نجي للنجارة:
قلبي في مشوار هواك عمرو ما عرف السلامة
من صغير وانا اتاتي ليك واشابي شان شوفة وشيك احبي واجيك...
القاك بي جنحين حمامة تطيري فر وتركي بر وانا بي وراك كمين جحر والفين بحر بس خضتهن ملدوغ وكايس لي سلامة
(يلا واصل النجر)
| |
|
|
|
|
|
|
Re: Re (Re: Waeil Elsayid Awad)
|
وائل السيد عوض
Quote: مرة يقصر ومرة يطول يبقى فى طول النعامة يللا داوى يا طبيبة انتى باب و انتى ماما ما تطيرى يا بلابل ابقى قمرى يا حمامة |
قوية يا عمك إنت البخليك تضربها علي الجوع شنو؟؟
Quote: لقينى كيف انفع نجار مبتدىء؟ |
برد عليك لمن تبقي في حالة تخليك تستوعب كلامي عليك بالجبنة المرة
| |
|
|
|
|
|
|
|