|
أحبك هكذا .. (صعلكة إسفيرية)
|
قرأت فى بوست للأخ أنور كنج Quote: 1- في مجلس من المجالس، سمّى أحد الأخوة الكتّاب والشعراء وعضوية سودانيز أون لاين بالصعاليق والعواطلية، فانبريت للدفاع عن سودانيز أون لاين وعضويتها وسألت الأخ عن لماذا يضيّع وقته "الثمين" في تصفح وقراءة (نا)، "نحن" "العواطلية والصعاليق" |
|
|
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
حقيقة عجبتى الفكرة .. كل منا خواطره .. رسوماته .. أفكاره .. (الخاصة)
طالما الموضوع (صعلكة) .. نطلع العندنا كلنا ..
دعوة لكل الصعاليك هنا .. مع الإعتذار .. لشعراء المنبر وأدباؤنا الأجلاء
وخلوكم بعيد
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
أبدأ .. وأدلعاحبيبتى أنثى .. من صنع خيالى لم أراها .. وقُُدر لها أن لا ترانى
تذوب على دفاترى حرى تنتحر على أشواقى وتضاجع أحرفى وتقبل عارية جنونى و شبق السنون فى أحزانى
أسحب الغطاء من تحت كبريائها رويدآ رويدآ أكشف للأصيل خباياها و وأتدثر فيها كيانى
أبحث عن صارخ الحروف فى مقلتيها شبقآ أتدارى داخل قمقم دهاليزها زهولآ ومعانى
أريدها حواء لى نقية .. ندية .. ورقة خروبها .. تسقط على صدرى فتيه مثل قاع ماءِ صاف .. أطفئ فيه ما ضنانى
أريدها .. طفلة حائرة .. يتيمة .. خائفة .. طائشة .. حزينة دموعها تبلل بها أجفانى
أجيبها لوعة بلوعة حروفى تبلل روعة المجهول فيها عثراتى تتدفق فوق جسدها معانى
هكذا أحبها
| |
|
|
|
|
|
|
Re: أحبك هكذا .. (صعلكة إسفيرية) (Re: ماجدة عوض خوجلى)
|
مجودة إزيك معليش أدلعك شوية Quote: والله يارافت اخوى كلامك بس ياهو البقولو عليه حقت السينين واريتو حقت السينين بعد الحال غايتو انا معاكم كان الكتابه بالعربى حتى ولو كان من على مسافة فرسخ ... |
ما طلعت منك بى حاجة .. كراع برة وكراع جوة ..
خشى معانا إنشاءالله بصورك الحلوة .. ديك
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
كيف يعنى مامعاكم معاكم ونص وخمسة كمان وبعدين انت قايل على مسافه فرسخ دى المقصود منها بس تثبيت اللغه العربيه كلغه تخاطب فى هذا البوست خاصه وانا عارفه سيدو بعض اماكن بيكتب لغات لكن معاكم ضما بس الصور كيف ذى كلام السينين ولا انزل على كيفى . تسلم يارب ....
| |
|
|
|
|
|
|
Re: أحبك هكذا .. (صعلكة إسفيرية) (Re: محمد عبد الماجد الصايم)
|
محمد الصايم سلامات Quote: انحنا ما صعاليق ... أووو دشكا نعاين بالشبابيك ... أووو دشكا |
يا زول الكلام ده إنقرض .. ما قاعد تقرا لى ناس وليد ..
زماااان فى الفرع عندنا واحد من أولاد أم سنط .. فى سنة أولى حايم فى الحوش زى سوق الخضار .. فى سنة تالتة إتنجر وبقى حنكوش .. عرفتو بى واحدة وهو عامل فيها ألان ديلون .. قالت لى بعرفو فى سنة أولى كان بقول للبنات حلاوة لبن صاحبك زاغ طوالى Quote: الصعلقه ظاااااااطا خشم بيوت |
والله نحن إتهدينا .. البهدهم هم منو
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
إذا اتسافه زمانك فينى بتْســافه معاه هســا ماتهمى الوجع ضِدّك حكاية أيه ..؟ وما التهمه ..؟ خصّيتِك بكاي شكوة حالي عيب جداً على حالي زمن خالي وخــواء فى عسجد النوم إشتهاكِ توحّم الشوق البكاء
..... وهاك يا صعلكه ...
رأفت الجميل
فى تانى أكتر من كدا ..؟
| |
|
|
|
|
|
|
Re: أحبك هكذا .. (صعلكة إسفيرية) (Re: الطيب شيقوق)
|
Quote: لا ناس رافت ديل ناس الحضارة الحقيقيين مش زيكم حابسين ليهم حجارة ودراب عاملين عندهم حضارة . |
قدر العندنا سرقناها منهم .. وكان ما المغفور له عمرو بن العاص ومساعده عبدالله بن السرح بن شيقوق أكان بقت عليكم نظرية "أنا وأبن عمى"
| |
|
|
|
|
|
|
Re: أحبك هكذا .. (صعلكة إسفيرية) (Re: عبدالله داش)
|
الجميل ابن من رفع السماء)... رأفت
التحايابت الكلب ليك.... يا صعلوك...
رسل الايميل بتاعك وانا اوريك الصعلكه.. كيف؟؟؟ وبعدين ياخ تلفونك بنضم الماني وما فهمت حاجه يمكن النمره غلط...... والعتبي علي .. اخت دمنا .. الصديقه!!
ونحن مع الصعاليك اينما كانوا..
المجد للصعاليك في علاهم الاسفيري
المجد لمن قالوا لا في وجه من قالوا نعم.....
فاصبحوا روحا ازلية الالم..
احبك لامن تقول بس..
| |
|
|
|
|
|
|
Re: أحبك هكذا .. (صعلكة إسفيرية) (Re: ibrahim kojan)
|
كوجان يا كوجان Quote: وبعدين ياخ تلفونك بنضم الماني وما فهمت حاجه يمكن النمره غلط...... |
يازول إنت وصلت والأولاد كلمونى Quote: والعتبي علي .. اخت دمنا .. الصديقه!! |
الله يسامحا ما أدتنى التلفون .. لازم تستأذن .. ما عارف منو يخاف من منو .. أها إتوكلت قلت ليها أديهو تلفونى .. والمؤمن مصاب
Quote: لمجد لمن قالوا لا في وجه من قالوا نعم.....
فاصبحوا روحا ازلية الالم.. |
وأنا برضو Quote: احبك لامن تقول بس.. |
عنوانى [email protected] بلا وسايط بلا صعلكة
| |
|
|
|
|
|
|
Re: أحبك هكذا .. (صعلكة إسفيرية) (Re: Moawia Mohammed)
|
كيفك معاوية بس تى تى دى موديل سنة كم .. من وحى بوست العربات
قالوا واحدة ماشة جنب بوابة عبد القيوم .. طلع ليها مسجون من فوق حيطة سجن أمدرمان .. وأداها ليك الصفارة المللولة ديك وقاليها "وييين يا تى تى" .. قالت ليه "كر عليا إنت مسجون من زمن ناس تى تى"
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
{Quote: حقيقة عجبتى الفكرة .. كل منا خواطره .. رسوماته .. أفكاره .. (الخاصة)
طالما الموضوع (صعلكة) .. نطلع العندنا كلنا ..
دعوة لكل الصعاليك هنا .. مع الإعتذار .. لشعراء المنبر وأدباؤنا الأجلاء |
ود حلتنا ازيك الحمد لله يعني صعلوكات اوشاعرات او اديبات ما معاكم ولا موهيك شايفة الخطاب كلو مذكر الحمد لله طلعنا سلامة المرة دي
صفية
| |
|
|
|
|
|
|
Re: أحبك هكذا .. (صعلكة إسفيرية) (Re: Safia Mohamed)
|
زمان كان اسمى محمد ولد كانوا بقولو على (صعلوقة ) لانى بمشى الندوات وبحضر حفلات (عبدالرحمن عبدالله فى الابيض ، النور الجيلانى فى امدرمان والخرطوم ) والصعلكة حالة لذيذة جدا بتخارجك من الرتابة وما اجمل الشعراء والشاعرات الصعاليق مش ديل القالن للحجاج ابن يوسف اسد على وفى الحروب نعامة احلى صعاليك
تصعلكوا فانى مفاخرة بكم الامم
| |
|
|
|
|
|
|
Re: أحبك هكذا .. (صعلكة إسفيرية) (Re: Safia Mohamed)
|
بت حلتنا الظريفة كتبتها ومسحتها .. خوف ساكت ما من الجندريات .. ديل فاهاتنى وفاهمن .. لكن من أخوان البنات .. وبالأصح المتوهمين ذلك .. Quote: الحمد لله طلعنا سلامة المرة دي |
كيييف مستننهن .. لكل حديث بينهن بشاشة .. وإنتى السميتيهن .. يعنى براءة
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
وانا اقول صعلوك يعني شنو ؟؟ ما رطان سااااي واول مرة اسمع عنها عند حصص العرريب الاجبارية "زي زيت الخروع " وواحد اسمو الصعلوك "ديك الجن" ...وعرفت انو كان ما خد راحتو في السهلة الواسعة "الصحرا" ومالو ما الصحرا مالتو والعراقيب هي الزحلقانية مالتو ..اها بس عرفت صعلوك وانا برضو صعلوك اكان الصعلوك زي ما قالت سلمي "صحبي الجميل ".....يعني هي وانا لا ...؟؟؟
| |
|
|
|
|
|
|
Re: أحبك هكذا .. (صعلكة إسفيرية) (Re: abubakr)
|
هم "العرريب" يا أبو بكر الذين يصرفون الألقاب لكل من عارضهم .. أشعر العرب إمرؤ القيس ألصقوا به لقب الصعلوق عندما قال لا .. ولم ينسوا الأمارة .. وعندما تمرد أهل العراق على الظلم صاروا خوارج .. الساقية لسة .. وأتى العريريب الى بلادنا .. ثار الجنوبيين صاروا أحاينآ خورارج وأحيانآ متمردين .. ويوسف كوة من الخونة .. وغيره من المارقين .. والآن آخر تطورات العصر .. إستُبدل لقب الصعلكة بالتكفير .. وهى المحطة الغير الأخيرة ولا أريد أن أول الأخيرة أو قبل الأخيرة .. خلينا فى صعلكة ديك الجن .. ولا صعلكة الأدب الرفيع
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
كلو تمام
بت الفور كفاكى الليلة هرجتى كتير.. طلقتى بخور رصيتى كلام ولهبتى صدور هدمتى جسور ونفسك قام
ما تتهلكى ده الراجيك لسة كتير حلقة راس وجرس نخّاس وقلعة توب والحى ووب و الشـكية لغيرو حرام
أولاد الفور شوية مًُر وقطرات دم لا هجام لا فريق أم زين و لا من جم اللالوبة خلاس مقلوبة وبلد إتكفى وحظو إنطفى بلا الراكوبه عز المطره فى الهدام
شـيلة الحال و وعرق تربال نسـوان بتولول عرس الزين بقى بطلان ورجال بتموت وعيال بتفوت والشـيخ ياقوت إدمدم نام
دقن التيس فارد طولو نط التور دق النوبة مديدة حلبة وبخور تيمان فى ديم رملة بيت برجوبة دق الطار حفرة دخان وريحة الصندل والغلمان بنات الحور وبت إبليس بقو أخوات فى دار أيتام
بلد إتكفى وشو إنطفى حمد النيل لا حولية و لا حيران لا حى الله و لامن الله السـرقة حلال والشكوى حرام
بعد المولد بقى فتران وسـواطة التاية فى الإنداية فى سـبعة بيوت .. جاب التايها وطالع الخور ومعاو مخلاية و دربك مرق .. وكلو تمام
| |
|
|
|
|
|
|
Re: أحبك هكذا .. (صعلكة إسفيرية) (Re: Safia Mohamed)
|
أخي الحبيب رأفت
سلام على روحك الطيبة،
صعاليك عصر الجاهلية هم عظماء الشعراء الذين نحتفي بهم اليوم ونحفظ أشعرهم عن ظهر قلب .. وبعد أربعة عشر قرناً ظهر صعاليك جدد على وزن " المحافظين الجدد" .. ماذا سيقول عنهم التاريخ بعد قرنٍ واحد وهم الذين عايشوا عصر الشبكة العنكبوتية و محرك غوغل الذي هو أسرع من هدهد سليمان .. القراءة والإطرع والثقافة والتثقيف والمثاقفة يمكن أن توصف بأنها صعلكة وجنون عند الذين تميزهم الأشياء ولا يميزون الأشياء والفكر!! .. يعني لو عاوز تنبذ ليك واحد مثقف إبن مثقف ممكن تقول ليهو ( يا صعلوك يا إبن الصعلوك)!!
| |
|
|
|
|
|
|
Re: أحبك هكذا .. (صعلكة إسفيرية) (Re: ابوبكر يوسف إبراهيم)
|
حبيبنا ابوبكر يوسف Quote: القراءة والإطرع والثقافة والتثقيف والمثاقفة يمكن أن توصف بأنها صعلكة وجنون عند الذين تميزهم الأشياء ولا يميزون الأشياء والفكر!! .. يعني لو عاوز تنبذ ليك واحد مثقف إبن مثقف ممكن تقول ليهو ( يا صعلوك يا إبن الصعلوك)!! |
هذا لو يعلمون ..
تعرف يا أبو بكر أسهل مهنة أصبح من السهل (إمتهانها) "بالمعنيين" هى النقد ..
نحن قلنا ندخل بأقصر الطرق "الصعلكة"
شكرآ على الإستنارة الهادئة زى عوايدك ..
| |
|
|
|
|
|
|
Re: أحبك هكذا .. (صعلكة إسفيرية) (Re: هاشم أحمد خلف الله)
|
هشام الفنان Quote: اي عنكبة شنكبة , معاي الدكتورة الشاعرة عفاف حمد النيل وزوجة الفنان ابوعركي البخيت , لزوم فشخرة وكده |
والله عكبة الهنا وفشخرة السرور .. سلم لينا على الدكتورة .. وقول ليها نحن أهل .. أبو عركى إتصعلنا معاه زمااان فى مدنى ولعبنا الدافورى .. وبالأمارة كان القون .. وبنزروا يغنى لينا أغانى جانوار .. زمن
بروفايلك منور
| |
|
|
|
|
|
|
Re: أحبك هكذا .. (صعلكة إسفيرية) (Re: د.محمد حسن)
|
حبيبنا د.محمد حسنQuote: ( يا عم باسطة ... اديني كيلو بيِّنئئئئ) |
الله يرحمو عم بين .. تعرف زكرتنى غنا الصعلكة .. الواحد كان راقبو برضو ثورة ورفض لحاجات كتير مثلآ - ده منو ؟ - ده العسكرى - داير شنو ؟ - داير يزدرى - على منو ؟ - على أخينا .. الما بجينا .. إلا ساعة الزفت ده
منو فى السودان ما اتهبش من سطوة وعنت العسكر كان ما على المستوى السياسى .. الشخصى
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
صعلكة قبل ثلاث عقود
من الارياف :- المظهر
طاقيةمنسج محدره سجارة متني مسوكة بالسنون علي جانب الفم الايسر مع صر العين اليمين سوالف اربع سنتمتر و نص كم جلابية ضيق ( 12) سنتمتر شعر طويل يغطي اطراف الطاقية مركوب فاشري في الجيب حقه ( البحاري ) احيانا نطاره بيرسول
المكان :-
حفلة عقد ( بعد العصر ) أو قدام مدرسة البنات الثانوية ( عام أو عالي ) أو قدام مدخل المستشفي وقت الزيارة أو موقف الحلة أو قدام مرسي البنطون او قهوة السوق
و الافكار عنها نسمع منكم
| |
|
|
|
|
|
|
Re: أحبك هكذا .. (صعلكة إسفيرية) (Re: osman righeem)
|
عثان رغيم حباب واقف فى الرد عليك فى أكتر من مكات مهم
Quote: طاقيةمنسج محدره سجارة متني مسوكة بالسنون علي جانب الفم الايسر مع صر العين اليمين سوالف اربع سنتمتر و نص كم جلابية ضيق ( 12) سنتمتر شعر طويل يغطي اطراف الطاقية مركوب فاشري في الجيب حقه ( البحاري ) احيانا نطاره بيرسول |
لكن قديم قدم .. باين إنتو الوصلة الفى النص بينا وبين ناس وليد .. زماان كان فى أغنية للبلابل "الأخدر الليمونى" من أوصافه " مشنق الطاية ..
بالمركوب زكرتنى بى نكتة .. قالوا واحد عندو مركوب نمر عاجبو .. قاشر بيه من عقد لى حولية ومجالس كبار كبار .. لما فيه مسطول قال ليه "مركوبك سمح" رد عليه بفخر " من الجنوب معاى ليه 25 سنة" قال ليه النسطول "يعنى لابسو أكتر من سيدو"
Quote: المكان :-
حفلة عقد ( بعد العصر ) أو قدام مدرسة البنات الثانوية ( عام أو عالي ) أو قدام مدخل المستشفي وقت الزيارة أو موقف الحلة أو قدام مرسي البنطون او قهوة السوق |
بركة الما أضفت بصات الحلة الجديدة .. كنت فكرت فيه بطريقة تانية
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
رافت ... سلامات ياجميل
اها نحنا من المؤلفة قلوبهم على الصعلكة ..اسفيرية وغيرها
حكــــاية الطاسة أم أردنية راحت تزور ولدها ( رائد ) لمدة 3 أيام في دبي علشان بشتغل هناك وشافت إن ولدها ساكن مع وحده اسمها ( ناتاشا ) ... ما عرفت الأم شو تسوي بس لاحظت إن (ناتاشا ) اللي متشاركه مع ولدها بالغرفه، حلوه وجذابه ،،، فـ توقعت إنو في علاقة بينهم وهالشي خلاها تحس بالفضول الشديد ..
رائد قدر يقرا أفكار أمه وتصرف بسرعه وقال لأمه: أنا عارف شو اللي قاعده بتفكري فيه، بس حبيت أطمنك إن انا و ناتاشا مجرد زملاء متشاركين بالغرفه لا أكثر ولا أقل !!! __ .__ . __ . __ الأسبوع اللي وراه ... ناتاشا قالت لرائد : من يوم سافرت أمك عنا وانا فاقده الطاسه الفضيه تبعت السكر ... تعتقد أمك خذتها معاها ؟ رائد قال : أشك بهالشي، بس خليني ارسل لها ايميل عشان أتأكد .. ..... قعد وكتب الإيميل لأمه : أمي الحبيبه، أنا ما أقول إنك (اخذتي) طاسة السكر الفضيه من بيتي ... ولا أقول إنك ( ما خذيتيها ) بس الحقيقه إن الطاسة الفضيه تبعت السكر ضاعت من أول ما رجعتي الاردن تحياتي ... رائد ..... بعد كم يوم وصل له رد أمه على الإيميل و الرد يقول : عزيزي رائد ، أنا ما أقول إنك ( تنام ) مع ناتاشا . و لا أقول إنك ( ما تنام ) معاها ... بس الحقيقه تقول.. إن لو هي تنام في فراشها الخاص كان لقت طاسة السكر الفضيه عليه من أول ما رجعت انا للاردن : تحياتي . أمك يا حمار
الشباب ديل ماشين حفلة تخريج
| |
|
|
|
|
|
|
Re: أحبك هكذا .. (صعلكة إسفيرية) (Re: رأفت ميلاد)
|
Quote: طلعت إشاعات قالوا بقيت تاجر شنطة .. وعمر سعد لا قال كلام زى ده ولا حاجة |
أها دي الصعلقة زاتا لكن .. علي منو ؟؟
(عمرسعد) دقس معانا يافردة ..
أنا قاعد أسافر السودان مع سمو الشيخ / محمدبن طلال آل ثاني (يلحقنا وينجدنا), يعني كان أنا تاجر شنطة , يعني (أخونا ) السالف ذكرو تاجر شنطة برضو , صاح ؟؟
باين عليك ياعمر سعد حاتتفنش من ورا الصعلوق رأفت ده ..!!
| |
|
|
|
|
|
|
Re: أحبك هكذا .. (صعلكة إسفيرية) (Re: bushra suleiman)
|
كيفك يا بشرى سليمان طلتك الفنة فنة الفنانة Quote: إن لو هي تنام في فراشها الخاص كان لقت طاسة السكر الفضيه عليه من أول ما رجعت انا للاردن |
الحاجة الكلام ما وقع ليها شركت ليهم تمام وجماعتك ديل متخرجين من وين .. لا حولاااا .. يعنى الماجستير فى غزة والدكتوراة فى دار فور .. ده كان ما قامت عكة فى حفلة التخريج وقرضوا بعض ..
قول الله يجيب العواقب سليمة
مودتى
| |
|
|
|
|
|
|
Re: أحبك هكذا .. (صعلكة إسفيرية) (Re: محمد أبوالعزائم أبوالريش)
|
محمد أبوالعزائم أبوالريش تحياتى ومشتاقين والله Quote: في فرق بين (الصعلكة) و(الشفتنة)؟ |
تقول ولدنا شفت شكرتو لما تقول صعلوق مسحت بيه الأرض .. الله يحمينا من الشفاته ..
زمان الفتونة جماعات وممالك .. وكل مدينة عندها راعيها .. الشفت أو الفتوة بحمى الحلة من الغرباء لكن البحميك منّو هو منو !!
محبتى
| |
|
|
|
|
|
|
Re: أحبك هكذا .. (صعلكة إسفيرية) (Re: AnwarKing)
|
أنور كينج كيفك يعنى جايب لينا اللنك .. يعنى أنا كان غالبنى أختو ؟
Quote: الزول داير ليهو معاك عصرية، تكون في أحدى قمم جنيفا الجميلة...وكده |
لا لا كان الله بجيبك هنا .. أدينا خبر .. كتار يصلوا ويدوك تلفون .. دى زى قصة الدنقلاوية الساكنة الكلاكلة .. مشت البلد سألوها الخرتوم كيف .. قالت ليهم "نحن زاااتنا هناك بنقول ماشين الخرتوم" .. جنيف دى لينا سفر .. البجينا بجى بى زيورخ ولا يجينا عديل .. إنشاء نتلاقى وعندنا ونسة من بورتسودان ما كملت . بزكر صعاليك العرب .. "أصعلكم" طبعآ إمرؤ القيس الأمير الصعلوق .. شوف الوصف ده فى جزء من معلقته
تقول و قد مال الغبيط بنا معاً ... عقرت بعيري يا أمرأ القيس فانزل
فقلت لها سيري و أرخي زقاقه ... و لا تبعديني من جناك المعلل
دعي البكر ، لا ترثي له من ردافنا ... و هاتي أذيقينا جناة القرنفل
بثغرٍ كمثل الأقحوان منورٍ ... نقي الثنايا أشنبٍ غير أثعل
فمثلك حبلى قد طرقت و مرضعٍ ... فألهيتها عن ذي تمائم محول
إذا ما بكى من خلفها انصرفت له ... بشق و تحتي شقها لم يحول
يحكى بعض صعاليك العرب كانوا يؤجروا الجوارى بالمال .. فيذهبن الى خدور شريفات العرب ويحضرن له وصف دقيق فى مفاتنهن وعلامات مميزة أجسادهن المتخفية .. فينظم قصيده مفصلة يحكى بمغامرته مع إحداهن يضمنها وصف دقيق لمفاتنها ويرسلها لها إبتزاز .. فتخضع له وتنفحه له أيضآ المال لشراء سكوته شفت لعرب ديل معفنين كيف Quote: الاول : رايك شنو فى الزواج المبكر ؟؟ المسطول : الساعه كم يعنى ؟؟ |
قالوا واحد مسطول دخل على مرتو شايل كديسة .. قال" شوفى القرنتية دى" .. قالت ليه "إنت ما نصيح دى كديسة ما قرنتية" .. قال ليها "أنا بتكلم مع الكديسة"
مودتى
| |
|
|
|
|
|
|
Re: أحبك هكذا .. (صعلكة إسفيرية) (Re: osman righeem)
|
عثمان كيفك Quote: با خب ديل ناس اقاليم ما عندهم بصات حمر لكن لمن يجو الخرطوم بيبدوا بي السينما |
نحن كنا لما نتقابل فى مدنى أول حاجة نتعازم على الليمون البارد وبعدين نمشى نتصور .. والسينما باليل وبعدين .. خليتك عافية
| |
|
|
|
|
|
|
|