|
|
 خواطر مجنونة ( ناس السجارة اجمعوا هنا سريع )
|
شوية خستكة :
في الليل داك
وفي نفس المكان الكان
بفتفت فيه كل الهم
واسوق أفراح بدل أحزان
أجيبا معاي من الحبان
ودفتر لف من الدكان
واجيب بالباقي منو لبان
واصنقر في الأرض وانجم
ولما ألف بكون فرحان
بكون هيمان
بكون خرمان
أفت الحمرا في الورقة
وأكب من فوقا سر الجان
ولي صباعي الصغير أمدغ
وأطلّع للبذر بحنان
وامسك للوريقة الحلوة
وأبدا ألف بخور الجان
وبلساني المرطب ديمة
ألحسا بالعرض بأمان
وأبرم للطريف الفوق
واشمّها زي حريف إدمان
واختّها في الخشيم المر
سواد شلوفته زي قطران
وكبريتي الملهلبة نارا
أشعل عودا زي بركان
وامرّر للهب بشويش
سجارة الدوكو دايرة حنان
ولنفيس البداية أجر
وألحقو بالتني بجنان
ويتقل راسي زي صخرة
ويبرد حيلي زي تعبان
واحس برجولي زي مافي
وأهبش فيها زي مرضان
وأبدا في دور من السرحان
وواصل في السجارة شراب
واشوف حاجات عجيبة كمان
أشوف غنماية في فستان
ممكيجة في خشيما لبان
ومرة كمان أشوفلي بحر
وفيه حسان بكل ألوان
وضحكات صاخبة منداحة
والكل بي فرح طربان
وأوصل بالسجارة هناك
محل شوشاوتا وازدان
وازغرت بيها زي نسوان
واجرجر للرجول أوقف
واهبش في الارض حفيان
نعالي نسيته وين ختيته
من جيت للمكان خرمان
وأمسك دربي زي برجل
أدوّر في المشي السكران
وأوصل بيتنا دربه أمان
واشيل الجك وفوت للزير
ده ريقي نشف نشاف البان
واقرطع للجكيك كله
وبرضي كمان بكون عطشان
وأفتح للمواسير سيل
وكل دقيقة بمشي كمان
وفي الآخر سريري حنين
يشيلني نعاس ونوم غمران
|
|
 
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: ودالعباسية)
|
| Quote: دي لافيها بى كم كرت يا عمك ،، |
عباسية الحنين .. شوق بحر
مساطيل عاوزين يسرقوا خروف جارهم قالوا لي واحد امشي شوفو اذا لقيتو مافي سوقو جيبو
اذا لقيتو في خليه وتعال جاهم راجع بعد شويه قال ليهم مشيت شفتو لقيتو مافي سايقو جايبو رجع مني رجعت اجيبو لقيتو في خليتو جيت
| |
|
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: Hatim Yousif)
|
حاتم يوسف يا قريبي
وودازرق دي بالليل بتنسطل فيها بي الريحة ساي
وبعدين تعال هنا كيشة شنو وثقافة شنو الما بتعرف ليها
كان ما كنت ساكن في المزاد 
..........................
مسطول سأل صاحبه : انت الزيتون عندو رجلين !!؟؟ صاحبه قال ليه : لأ .. قال ليه : معناتو انا اكلت خنفسانة
| |
|
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: محمد فرح)
|
| Quote: قلتليهم والله أنا ماعارفه لكن زول السجاره ده طوالي بكون كايس الـ(نار) |
الزول الجميل محمد ود فرح
ازيك
وزول الشية برضو بكون طوالي كايس للنار
وست الشاي
وبتاع المرطبات
كدي خليك من ديل واسمع دي :
مسطول وقع في السلم مشى للدكتور اداهو مرهم قال ليه امشي امسح مكان الوقعة مشي مسح السلم
...............
ومودة بعمق المحيط
| |
|
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: مازن الجمّال)
|
كان الرجل يعمل فى المطار وظيفته مسك المضارب وتحريكها لارشاد الطيار .. تمت ترقيته فأرسل ابنه الى جاره (المسطول ) يدعوه لتناول الكرامة بهذه المناسبة.. جرى الولد وقال للجار : ابوى قال ليك تعال اتغدا معانا .. قال ليه :المناسبه شنو .. قال ليه : ابوى رقوه.. قال ليه : يعنى شنو بقى ينزلها بي سدرو .
| |
|
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: خالد علي محجوب المنسي)
|
خالد يا سكر منقط
ههههههههههههههههههههههه
ات عارف انا قاعد اضحك لحدي هسة
وعليك الله تاني تعال بي جاي طوالي
مسطول سطلتو ليها غبار ومسكوا ناس البوليس فسألو الضابط قال ليهو : انت ساكن وين ..؟
قال ليهو المسطول: ساكن مع اخوي
الضابط قال ليه: واخوك ساكن وين؟
المسطول : ساكن معاي
الضابط أخلاقو جات في نخرينو وكورك في المسطول وقال ليهو :الله يقطعك ويقطع اخوك
أنتوا الاتنين ساكنين وين ؟...
المسطول: ساكنين مع بعض.
.............
شكرا على رسم الابتسامة الحلوة دي
| |
|
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: مازن الجمّال)
|
سلام مازن
خستكاتك فى السلك و الواحد يادوب عرف ناس السجاره ديل بكون فى العلالى ليه
نديك واحد نكته بمناسبه خستكتك المعبره دى
أتنين من ناس السجاره قاعدين جنب البحر يتصقعو بمزاج شافو من بعيد صندوق مطفح فى المويه واحد فيهم قال للتانى لو عمت و دخلت ليك جوه الصندوق داك بتدينى شنو ؟ التانى مغمض نص عين قال ليهو بديك الصرفه الأولى
تحياتى
محمد على
| |
|
|
|
|
|
|
|
|
|
Re: خواطر مجنونة ( ناس السجارة اجمعوا هنا سريع ) (Re: مازن الجمّال)
|
الأخ الجمال
تحياتي
جابتنا ريحة الدخانة دي قلنا ناخد لينا نفس معاكم.
هاك دي:
واحد بتاع سيجارة ودايما بضربها جوه الحمام وبعدها طوالي بياخد دش بارد
جارتهم بالحيطة سافرت في الإجازة ورجعت وهو ما عندو خبر
يوم بعد ما دخل الحمام ودور السيجارة سمع صوت جارتهم جات داخلة بتسلم على زوجتو
أخونا طوالي جا طالع من الحمام ملوط ووقع سلام في الولية واعتذارات إنو ما سمع
بخبر رجوعا من السفر وبعد داك رجع الحمام وواصل البرنامج
زوجتو اتحرجت شديد وبعد ما الجارة مشت شاكلتو وقالت ليهو كيف يعني تجي طالع عريان
للمرة والكلام ده عيب منك. المهم صاحبنا اعتذر للمدام وأكد إنو ما حيكرر الحكاية دي تاني
بعد كم يوم كده وبعد ما صاحبنا دخل الحمام وبدا في الترويقة سمع صوت جارتو بتتونس مع زوجتو في الصالون, طوالي بسرعة جا طالع من الحمام ميطي وشبك الجارة والله أنا اسف جدا جدا يعني
قالو المرة الفاتت جيت طالع ليكي بي منظر ما مشرف!!؟
| |
|
|
|
|
|
|
| |
مازن الجمّال
ودالعباسية
الرشيد البصيلى
Hatim Yousif
haroon diyab
محمد فرح
خالد علي محجوب المنسي
Mohamed Elbashir
جعفر سومي
فيس بوك
تويتر
انستقرام
يوتيوب
بنتيريست