|
|
|
 Re: فنان الطمبور " عبد القيوم الشريف " على مسرح النادي السوداني بابوظبي (Re: AL GURAIR)
|
اكيد الفنا عبد القيوم الشريف من الاصوات النادرة في غناء الطنبور وهو من القلائل الذين استمع لهم بعد صديق احمد وكانت له ثنائية رائعة مع الشاعر الملهم حاتم حسن الدابي ولاادري ما الحصل بيتهم لكنني فقدنا ثنائيا مبدعا اتمني ان تعود المياه الي مجاريها
وتحفنا عبدالقيوم من روائع الشاعر حاتم
ومليت من الغربة آ علي يا ولدي يا ايدي اليمين
داير الرجوع بس كيف يهون تفكيري فيهو انا من متين
| |
 
|
|
|
|
|
|
|
|
Re: فنان الطمبور " عبد القيوم الشريف " على مسرح النادي السوداني بابوظبي (Re: AL GURAIR)
|
السلام عليكم
وتحفنا عبدالقيوم من روائع الشاعر حاتم
ومليت من الغربة آ علي يا ولدي يا ايدي اليمين
داير الرجوع بس كيف يهون تفكيري فيهو انا من متين
الأخ الباقر
هذه القصيدة للشاعر محمد سعيد دفع الله
يخاطب فيها ولده (علي)
ويشكو له الغربة التي طالت
وأداها الفنان عبدالقيوم أداء ممتازاً
على فكرة
د. علي محمد سعيد دفع الله
وقد أحرز أول دفعته عندما تخرج من كلية الطب
تزوج سنة 2007
وهو من كتاب هذا المنبر الأوائل
ويكتب تحت اسم (جدو)
ولو بحثت ستجد له كتابات مميزة فقد كان من أنشط الأعضاء عندما كان هذا المنبر مقتصراً على عدد بسيط
تحية للأخ على محمد سعيد دفع الله ( جدو) ووالده الشاعر محمد سعيد دفع الله الذي رجع أخيراً رجعة نهائية لوطنه بعد أن
مليت من الغربة اعلي
يا ولدي ياايدي اليمين
داير الرجوع بس كيف يكون
تفكيري انا فيهو من متين
كل ماقول اصبر شوي
باكر تكون الحاله زين
القا الظروف ياها الظروف
وبس زايدي سؤ وبحلف يمين
اخدلي لفته على الزمن
القاها مرت كم سنين
بس كيف بتتفكه القيود
القاسي قلبها مابيلين
كت فاكر اني بكون سعيد
ومال بيجري على اليدين
ولكنو مقسوم يا العزاز
رزقن يكون دايمن ضنين
والشي العجيب من ماوصل
لليله فوقك تاكي دين
حسره وهموم متواليات
والدمعه يود هالبه عين
نيران مولعه في القلب
مسكين فقد لضر الانين
كان عيشتو هاديه قبل يجي
في بيتو كان قوتو اليقين
والليله في الاهوال دوام
يصرخ ومالاقي اليعين
وينك بعدت على ليه
انا ليكي كاتلني الحنين
يا السمحه سموك القرير
والناس تجيك من وين ووين
انا قمته منك شن اقول
غير ده المسطر في الجبين
يا درة الوطن العزيز
يا النادرة والماليك وزين
عشمي ومناي ارجع وجيك
انا غير هواك متل السجين
داير اكون بين الاهل
محضون وحاضن اغلى طين
داير حياتي مع الصحاب
واللقمةمابين العوين
يادوب اشمر للضراع
اليله جيت اوصيك دحين
كونك تقصر مااظن
انا عارفو طبعك يا الخزين
ياك كم معلم درسك
شاكرك علم وخلقن يقين
معليك خوف مادام معاي
زولن مسمه الزين وزين
انت البتعرف لي الاصول
كاسب رضا الوالدين
من قمتا درفونن صغير
ماكنت يوم لين عجين
دايمن مواضب ومجتهد
في الجانبين دنيا ودين
رافع السماوات غير عمد
راجيهو ينصر ليك ويعين
....................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
| |
الزوول
albagir altahir
osman righeem
فيس بوك
تويتر
انستقرام
يوتيوب
بنتيريست