|
|
 أعاين...ماالشبه باين
|
وقصة الأغنية هي :
شاعرنا الكبير الرحوم حسن الزبير كان في ميعة الصبا .. وفي واحدة من بنات الفريق جميلة جدا جدا.. وكانت رقيقة وتتعامل معه بطريقة طيبة وجيدة ... وصاحبنا كان يعشقها عشقاً لا حدود له .. بس ما كان قادر يعبّر عن عواطفه.. وتمر الأيام .. وتختفي الانسانة من حياته .. يبحث عنها دون فائدة ...
بعد 15 سنة .... ماشي في السوق وسمع صوت واحدة بتناديهو باصرار . سلمت عليهو قائلة:
- يا حسن إزيك ...
- أهلاً وسهلاً ..
- يا حسن أظنك ماااااااا عرفتني ..
رجع لي ورا شوية كده وعاين ليها وإبتسم إبتسامة خفيفة وقال ليها:
أعاين ما الشبه باين ..
فايتة القمرا لي أصلا
كبرنا وكبرت أحزانّا
وأنتو كبرتو زدتو حلا ..
منقول
أعاين ما الشبه باين وعايدة القمرة لي أصلها كبرنا وكبرت احزانا وإنتوا كبرتوا وزدتو حلا وزي ما القمرة تبدأ هلال جمالك إنتي يومي يهل ومحيك بدرو يتجلى ويزيد قجة ويوج ويول وعينيك سارحة ما هماها يكتر سهري ولا يقل صباحك إنتي حقو الناس يجوهوا يشيلوا منو الفال صباح البشرى للمحزون صباح العيد على الأطفال وطبعك فيه رقة ونفرة زي طبع الجدي الجفال وأسألي عن سؤالي عليك الطير في سماه سألتو لو لاقيتي يشرح ليك ما فضلت غير أسرح واناديك وأشابه قيس وكل عيون أعاين فيها بينا وبين عيونك أقيس وكل نغم سمعت نداه وكل خطاوي جاية تميس أقول إنتي وخلاص بنتي وأبشر زي كأني عريس
|
|
 
|
|
|
|
|
|
|
|
Re: أعاين...ماالشبه باين (Re: نها محسن أبورأس)
|
يا نها ياخى والله انتى احسن زول
تعرفى يادكتوره ممكن جداالزول يسمع الاغنيه د وتطربواو ماتطربو حسب المزاج لكن لمن تقدميها انتى بتكون ليها طعم خاص انا ما عارف لو ماكنتى رطانيه بين قوسي نوبيه كان كتلتيلك زول
أها عملتى لى شنو فى حكاية الجنسيه
مع تقديرىالاكي
| |
|
|
|
|
|
|
|
|
|
Re: أعاين...ماالشبه باين (Re: WAD ELGAALI#4)
|
أخي الرائع ودالجعلي
| Quote: تعرفى يادكتوره ممكن جداالزول يسمع الاغنيه د وتطربواو ماتطربو حسب المزاج لكن لمن تقدميها انتى بتكون ليها طعم خاص |
شكرا ليك كتير وده بس من ذوقك
كل الفكرة إني بقدم الأغاني علي حسب ما بحب أنا أسمعها...يعني بحب أسمع الأغنية وكلماتها قدامي حتي لو كنت حافظاها..
وشكرا ليك مرة تانية علي الإطراء
Quote: لو ماكنتى رطانيه بين قوسي نوبيه كان كتلتيلك زول
|
الحمدلله...دي نعمة من ربنا إني طلعت حلفاوية عشان الناس ما تموت
Quote:
أها عملتى لى شنو فى حكاية الجنسيه |
أول حاجة عندك إمتحان تحديد المستوي وعلي أساسو حانحدد ليك ال Level والclasses الإنت حاتاخدها قبل الإمتحان..
كلمة في سرك:
أنا حاغششك في الإمتحان بس ما تكلم زول
| |
|
|
|
|
|
|
|
|
 Re: أعاين...ماالشبه باين (Re: نها محسن أبورأس)
|
نهي يا جميلة الدواخل يازولة والله بريدك شديد خلاص
ربنا يديك الصحة والعافية ويستر عليكم في الغربة
مازلت متابع اغاني الحقيبة بس بكل اسف ما عندي
إضافة أقدمها لذلك بكتفي بالمطالعة والإستماع .
دائماً إختيارك موفق ويلامس في أحاسيسنا .
| |
|
|
|
|
|
|
|
|
|
Re: أعاين...ماالشبه باين (Re: هاشم أحمد خلف الله)
|
أخي الرائع الشفيف هاشم
حضورك دائما مشرق وطلتك دائما بتسعدني
شكرا ليك كتير علي الإطراء
وجودك معانا في بوست الحقيبة هو نفسو إضافة كبيرة لينا
وإنشاءالله ربنا ما يحرمنا من طلتك
مودتي وتقديري الكبيرين
| |
|
|
|
|
|
|
|
|
|
Re: أعاين...ماالشبه باين (Re: abubakr)
|
أخي الرائع أبوبكر
ألف شكر علي حضورك الجميل
Quote:
زي ما قال قريبنا ود الجعلي والذي يبدو بانه من هسع بقي يلخبط في المذكر والمؤنث عشان داير يناسبنا "الرطانة |
|
أخونا ود الجعلي أنا أديتو كورسات خفيفة في الرطانة لكن مشكلتو إنو بداها باللخبطة في التأنيث والتذكير...لكن أنا في رأيي إنو اللخبطة دي أول شهادة ليهو إنو يبقي رطاني
مودتي وتقديري
| |
|
|
|
|
|
|
|
|
 Re: أعاين...ماالشبه باين (Re: نها محسن أبورأس)
|
العزيزة نها ...
ياسلام على الاختيار الجميل انا الاغنيه دى تحديد عندى معاها ذكرى جميله خلاص ....
الف رحمة تتنزل على الانسان الجميل الراقى الرقيق الحنون حسن الزبير احب كل ماكتبه بدون مبالغه كله ...
متابعة معاك بهناك فى البوست التانى ....
تسلمى حبيبه كتير على البوست الجميل ....
| |
|
|
|
|
|
|
|
|
|
Re: أعاين...ماالشبه باين (Re: ماجدة عوض خوجلى)
|
الرقيقة الرائعة أختي ماجدة
شرفتينا كتييير وأسعدتني طلتك
Quote: ياسلام على الاختيار الجميل انا الاغنيه دى تحديد عندى معاها ذكرى جميله خلاص
B] |
ربنا يجمل كل أيامك ويسعدك يارب
Quote: الف رحمة تتنزل على الانسان الجميل الراقى الرقيق الحنون حسن الزبير احب كل ماكتبه بدون مبالغه كله ...
B] |
ربنا يرحمو ويغفر ليه...فعلا الشاعر حسن الزبير شاعر جميل وحساس وعندو لون متميز من الشعر مافي شاعر تاني زيو..
تسلمي إنشاءالله
مودتي ومحبتي
| |
|
|
|
|
|
|
|
|
|
Re: أعاين...ماالشبه باين (Re: نها محسن أبورأس)
|
نها...
شكرا للاغنية الجميلة
الراحل حسن الزبير اثرى الساحة الفنية بالكثير
من الاغنياات الجميلة و هو استايل خااص فى كتابة الشعر
من السااهل ان تعرف من الاغنية ان كان كاتبها حسن الزبير ام لا
له اعماال مميزة كثيرة منها:
لا بتواصلي لا بتفاصلي لا بتلومي
إنتي تعيشي يالكاتلاني قبال يومي
لا بتودي لا بتجيبي لا بتردي
خدك ده الخجل كاسيه ولا مندي؟
لا بتوالفي لا بتحالفي لا بتحني
خلقوك زينة عشان تشقينا
يلا أتهني
و التى يتغنى بها الفنان محمد ميرغنى
و اغنية القليب الراسمو حنة و التى يتغنى بها الفنان
الراحل عبد العظيم حركة..
و ايضا الاغنية الشهيرة للفنان ابو عبيدة حسن
يا عقد الجواهر الضواى و بااهر..
اضاافة للاعمال الاخرى التى لا يسع المجال لذكرها هنا جميعا.
شكرا نها....
| |
|
|
|
|
|
|
|
|
|
Re: أعاين...ماالشبه باين (Re: محمد عثمان)
|
أخي الرائع محمد عثمان
كيف أخبارك عساك طيب
كالعادة تطل علينا بكل ماهو جديد ومفيد
أدام الله عليك السعادة والفرح
Quote: الراحل حسن الزبير اثرى الساحة الفنية بالكثير
من الاغنياات الجميلة و هو استايل خااص فى كتابة الشعر
من السااهل ان تعرف من الاغنية ان كان كاتبها حسن الزبير ام لا
|
فعلا الراحل حسن الزبير ليه أسلوب معين في كتابة الشعر تفرد به وأإنياته تتسم بوصف الجمال بصورة سلسة وتلقائية....هو فقد عظيم للساحة الفنية في السودان ولكن أعماله الجميلة ستبقي خالدة بخلود عشاق الجمال...
Quote: لا بتواصلي لا بتفاصلي لا بتلومي
إنتي تعيشي يالكاتلاني قبال يومي
لا بتودي لا بتجيبي لا بتردي
خدك ده الخجل كاسيه ولا مندي؟
لا بتوالفي لا بتحالفي لا بتحني
خلقوك زينة عشان تشقينا
يلا أتهني
|
أسلوب سلس وجميل يلج إلي القلوب دونما رادع...هذا هو الراحل حسن الزبير رحمه الله
شكرا ليك كتييير وربنا يزيدك كمان وكمان
| |
|
|
|
|
|
|
|
|
|
Re: أعاين...ماالشبه باين (Re: نها محسن أبورأس)
|
ذكريات ترجع بنا ( مرة أخرى ) لفترة السبعينات ، أيام الإنطلاقة الجميلة للفنان كمال ترباس وتلك الضجة الكبيرة التي صاحبت ظهوره كونه قد فرض حضوره على الساحة الفنية خلال حفلات الأفراح ثم بعد ذلك تم تسجيله رسمياً للإذاعة ، فقد عرفه الجمهور السوداني منجماً لأغاني الحقيبة ثم بعد ذلك ترنم بقصائد معاصريه حسن الزبير والتجاني حاج موسى وعوض جبريل وخلافهم. تزامن هذا أيضاً - على المستوى الشخصي - مع الفترة التي عرف فيها مزاجنا وعرفت فيها أقدامنا معنى أن نذهب لحفلات الأفراح وسمحت لنا سننا و أهلونا أن نسهر فيها حتى الصباح لم يكن يهم في ذلك إن كنا نعرف أصحاب الحفل أم لا . كان أغاني ترباس سواء كانت بصوته أم بصوت الناشئة هى أغاني الحفلات المفضلة وإنتشر أيضاً الـ ( ستايل ) الذي ظهر به ( كورس ) ترباس من ( مشاركتهم الفعلية ) في كل الأغنية بدلاً من ترديد ( عصا ) القصيدة كما كان يفعل من سبقهم من الكورس . هذه الجزئية حدت بصديقي الراحل المقيم د. إبراهيم لإطلاق طرفته الخالدة خلوده وسطنا . فقد تقاطرنا يوماً لحضور حفلة نرى فيها ترباس شخصياً ( لأول مرة ) في مدينة رفاعة ، وكان ما إن يبدأ ترباس في غناء بيت من الأغنية إلا ويقوم الكورس ( بخطف ) باقي البيت وأداؤه . ضايقت هذه الجزئية صديقي الراحل المقيم فقد أتى لسماع ترباس فجادت قريحته بكلماته الغاضبة التي لا نزال نتذكرها
" هو المغفلين دي بيقابضوا كدا أصلو ترباس دا ماشي إيديهم قروش أكتر من عدادهم ؟؟ ما يخلوهو يغني غناهو "
أختي العزيزة د. نها
أبقاك الله محراباً للجمال
| |
|
|
|
|
|
|
|
|
|
Re: أعاين...ماالشبه باين (Re: عاطف عمر)
|
أخي الفاضل عاطف
كيف أحاويلك
| Quote: " هو المغفلين دي بيقابضوا كدا أصلو ترباس دا ماشي إيديهم قروش أكتر من عدادهم ؟؟ ما يخلوهو يغني غناهو " |
 رحم الله صديقك الرائع صاحب البديهة الحاضرة...والله كلامو صاح .هم بقايضوا زي التقول ماشين ياخدوا اكتر من العداد
يديك ألف عافية ويخلي لينا طلتك البهية ويحلي ليك أيامك يارب..
| |
|
|
|
|
|
|
|
|
|
Re: أعاين...ماالشبه باين (Re: نها محسن أبورأس)
|
يا سلاااااااااام عليكِ يا نها...
أنا برضو زيٌك...بحب أشوف الأغنية مكتوبة و أنا بسمع فيها..
كتٌر خيرك..
عمري كلو قايلة ترباس بيقول..
...حتى القمرة ليها صِلة!!!
---------
مشكووووووورة .
| |
|
|
|
|
|
|
|
|
|
Re: أعاين...ماالشبه باين (Re: WAD ELGAALI#4)
|
Quote: ممكونه وانا زمنى كلو قايلك من الرفارنس فى اى حاجه الله ييشرط عينك
|
هوووووي الزولة دي مازالت رفرانس وكمان أكبر رفرانس..
انت خليك مركز في الضمة والكسرة والفتحة في الرطانة
| |
|
|
|
|
|
|
|
|
|
Re: أعاين...ماالشبه باين (Re: mamkouna)
|
Quote:
أنا برضو زيٌك...بحب أشوف الأغنية مكتوبة و أنا بسمع فيها..
كتٌر خيرك..
|
مش كده عليك الله ...ياسلام عليك
Quote:
حتى القمرة ليها صِلة!!!
|
ماتشتغلي بكلام ود الجعلي ...انت مازلت the main reference
لكن انت لو في غلطات زي دي ..تكون بيني وبينك وماتخلي باقي الناس يشوفوها
| |
|
|
|
|
|
|
|
|
|
Re: أعاين...ماالشبه باين (Re: نها محسن أبورأس)
|
شكرا قريبتي نها .. سالت عنكم العريس رشاد الجزولي في دنفر لقيتو بيعرف نعمات وانت لسعة
الفنان ترباس له صوت طروب خاصة في اغاني الحقيبة وانا استمتع جدا عندما يتغنى بالحقيبة
واغنياته لبعض الشعراء ومن الحانها السريعة عصية الحفظ ، وهو نفسه قال في حوار اذاعي
انها تشبه ( خروج وعودة ) يعني يمكن ان تغني في لحظتها معه سويا لكن اذا كنت في حفلة
او تستمع لشريط تنسى الاغنية فورا سوى مطلعها ...
وترباس صوته فيه كل الطبقات لذلك هو بيقدر يطوع قوالب الالحان من خفيف وتقيل
ولترباس اغنيات جميلة مثل (ياريت ) هذه اغنية يتجلى فيها كمال ترباس ويطلع بيك عالي
من الطرب وتمويج الصوت في عدد من الكوبليهات ... واغنية يا سمير بي نظرتك ...
جيب لينا اغاني تاني هنا ... وسلامي للاخت نعمات وزوجها امجد والعيال .. والاغنية مهداة
للاهل بالحاج يوسف وحلفا الجديدة القرية 12 ولجميع الاصدقاء والصديقات ...
| |
|
|
|
|
|
|
|
|
|
Re: أعاين...ماالشبه باين (Re: مصطفي سري)
|
قريبي مصطفي
أخبارك وأحاويلك
سكر في..
كوريقون انجانلي
| Quote: سالت عنكم العريس رشاد الجزولي في دنفر لقيتو بيعرف نعمات وانت لسعة |
أنا لسة جديدة لنج وياداب لي سنة ونص..
Quote: الفنان ترباس له صوت طروب خاصة في اغاني الحقيبة وانا استمتع جدا عندما يتغنى بالحقيبة
|
فعلا ترباس في رأيي حامل لواء الفن الشعبي عموما والحقيبة علي وجه الخصوص بالمنازع(ده رأيي الخاص)...منو هسه ممكن يغني وجه القمر أو نسيم الروض زورني في الماسية بالأداء الخرافي لترباس..؟؟ لا أحد
| Quote: ولترباس اغنيات جميلة مثل (ياريت ) هذه اغنية يتجلى فيها كمال ترباس ويطلع بيك عالي |
وبالذات في المقطع البقول فيه:
حاولت أكتب ليك وأصور الإحساس
وأقول كلام في الريد زي النجوم والماس
تعبت أه أه
تعبت ألقي حروف ماسمعوا بيها الناس
سبت الكلام وبديت تاني أقول ياريت
خرافة!!!
لا أحد يمكن أن يصور الاهة مثلما يفعل ترباس(بإستثناء ابواللمين )...فعلا أداء عالي المستوي
إنشاءالله ساقوم بعمل بوست خاص بأغنيات الرائع كمال ترباس عما قريب وستجد فيه كل ماتحبه ...
نعمات وامجد يرسلون لك عاطر التحايا والاشواق
وأنا بدوري أهديك وزوجتك وابناءك وناس الصحافة وناس حلفا هذه الاغنية
مودتي
| |
|
|
|
|
|
|
|
|
|
Re: أعاين...ماالشبه باين (Re: نها محسن أبورأس)
|
أجمل التحايا
الدكتورة نهى
ما عرفتني أنا ما عايدة
رحم الله الوالد الرقيق حسن الزبير وأسكنه فسيح جناته كان حاضر البديهة متمكن من اللغة فمعظم ما كتب من قصائد مغناة وغير مغناة كانت نتاج لمواقف آنية ومن يجالسه عليه رحمة الله لا يمل أبدا وفي قراءاته تتمنى لو يعيد ويعيد فقد كان صوته يتميز ببحة جميلة وله طريقة إلقاء متفرد بها اللهم الله أرحمه وأحشره مع الشهداء والصادقين وحسن أولئك رفيقا....
حضرت مع الراحل موقف كتابة أغنيتي رجاء وشذى التي يتغنى بهما جمال مصطفى وأغنية الكلمة الآخيرة التي يتغنى بها ياسر تمتام وقلبك نوى الأغنية التي أجاز بها نادر خضر صوته وعدد كبير من الأغاني التي كتبها في التسعينات ...
له كل الرحمة والمغفرة...
| |
|
|
|
|
|
|
|
|
|
Re: أعاين...ماالشبه باين (Re: عثمان حسن الزبير)
|
أخي الكريم عثمان حسن الزبير
تحيات طيبات
فعلا إتسمت معظم قصائد الوالد بالشفافية والتلقائية المطلقة والتي تفرد بها دون عن سواه..
ولكن المعلومة الجديدة هي:
Quote:
فمعظم ما كتب من قصائد مغناة وغير مغناة كانت نتاج لمواقف آنية ومن يجالسه عليه رحمة الله لا يمل أبدا وفي قراءاته تتمنى لو يعيد ويعيد فقد كان صوته يتميز ببحة جميلة وله طريقة إلقاء متفرد بها |
ياريت لو سردت لينا بعض من المواقف دي وخصوصا إذا كانت مرتبطة بأغنيات أو قصائد معينة حتي تكون توثيق لأعمال هذا الشاعر الفذ...
وهذه بعض الأغنيات التي تفضلت وذكرتها:
شذي
بصوت جمال فرفور
| |
|
|
|
|
|
|
|
|
|
Re: أعاين...ماالشبه باين (Re: Dania Elmaki)
|
من أول مانزل البوست واقف بعاين وأقول ما الأسم باين دكتورة نها محسن وجيت بطبتي ديك ولقيتك في دوحة ليها نشيد وطرب جمال فريد حسن الذبير وفي معيته ترباااس صباح ذي العسل والله حبذا الأصبااااح ونغمة طروبه تدلي .
،،،،أبوقصى،،،،
| |
|
|
|
|
|
|
|
|
|
Re: أعاين...ماالشبه باين (Re: مجدي عبدالرحيم فضل)
|
شاعر البورد الرقيق المرهف أبقصي
تحيات طيبات معبقة بأريج الفرح والسعادة تغشاك ومن معك من الاهل والعشيرة
الشاعر الرقيق المرحوم حسن الزبير والفنان الرائع كمال ترباس هذا الثنائي أخرج لنا لؤلؤة من لألئ محيط الإبداع السوداني وما لنا إلا أن نستمتع ونطرب بهذا الجمال ..
شكرا ليك كتير ويديك ألف عافية
مودتي وتقديري
| |
|
|
|
|
|
|
|
|
|
Re: أعاين...ماالشبه باين (Re: Dania Elmaki)
|
الرائعة دانيا
كيف أخبارك وأحوالك إنشاءالله تمام
بلدنا دي مالك أبيتيها وما كررت الزيارة
نحن في انتظارك
تسلمي علي مرورك وإنشاالله حانزل معظم أغنيات ترباس انت بس تابعينا
مودتي
| |
|
|
|
|
|
|
|
نها محسن أبورأس
WAD ELGAALI#4
هاشم أحمد خلف الله
abubakr
ماجدة عوض خوجلى
salma subhi
عاطف عمر
mamkouna
مصطفي سري
Dania Elmaki
مجدي عبدالرحيم فضل
فيس بوك
تويتر
انستقرام
يوتيوب
بنتيريست