ساااااااااااي كده.. بس

Quote: ولا ندمان العرست ولا حاجة

Quote: كنا في الجامعة مع بعض اذا ما اتلاقينا يوميا بكون في حاجة غلط. كنت بقرا في المنتديات يلا اقوم الاقي ليك واحد اسمو فاضلابي في منتديات سوانيز اونلاين وقعدت انقر دا خو ولا ما هو وبعد شوية قلت اكون حريف واشوف فاضلابي دا برسم ولا لا ويا اخينا القي ليك الزول فنان تشكيلي كمان ما رسام بس ويلا بقيت افتش للزول الاسمو فاضلابي وكمان مقيم بالنروج قلت كمان. وبلا بديت رحلة البحث عنو لحدي ما لقيت تلفون صحبو واحد نرويجي ياخي بنضم عنجليزي جنس نضمي وقال لي هولد داون انا ما فهمت ليك الراجل وكنت قايلو النمرة غلط واثناء التفكير اذا بالشخص يقول لي زيرو زيرو فور سفن............... قلت الزول معاي في الخط وقمت كتبت الرقم واتصل بفاضلابي بتاعنا بتاع الجامعة القي ليك اخينا هو زاتو بتاعنا بتاع الجامعة.وصاحبنا زاتو لمن احتار.وكان داير يعمل فيها فيها حريف ياخي انا بعرفك لكن صوتك بمشي ويجي ما قادر اخمن انت تكون منو ولمن قلت ليهو انا صحبك بتاع الجامعة القضيت معاهو ايام جميلة في الجامعة وقمت اديت ليك اخينا اوصافي زول بلبس نضارة وكنا بنتلاقي في اسرة القانون المدني في فناء الجامعة وقال بس عرفتك.وبعداك قعد يحكي لي حكاية انو بقي زول عجوز خالص وعندو بنت كمان والله لمن احترت وقلت دينااااااك من متين ومستعجل مالك قال لي دا الحصل انا ما حبيت اخش معاهو في تفاصيل كتيرة عن الموضوع دا انتو عارفين اول سؤال سالني ليهو قال لي شنو.قال لي لا حولي ولا قوة الا بالله انت عارف دي كم سنة ما اتلاقينا قلت ليهو كم قال لي ما اقل من حداشر وفي اللحظة ديك الرصيد بتاعي خلص وقعدت ابكي علي الايام الخالدة وقلت امشي اجيب لي رصيد لكن مع الاسف الدنيا كانت بالليل وانا بخاف اطلع في الوكت دا ودي قصتي مع اخونا الفاضلابي.