|
Re: احتفال الجالية السودانية بالدوحة بعيد الاستقلال (صــور) (Re: معتز القريش)
|
Quote: تصدق أنا محتار ابدأ الصور من وين ؟؟ |
شوت لينا يا معتز اولا ذلك الحضور الخرافي.. ثم ضيوفنا الكبار هاشم صديق وفضيلي وازهري.. ثم بعد داك لك محكم الحرية في التجوال بين الوجوه... ما تيسر لكميرتك... وما تنسي بالله اهل الشحانية والعرضة الرهيبة والرقيص علي انغام الوطن... .... ويلا بالله بطل حركاتك دي
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: tarig almakki)
|
Quote: يامعتز صورك رغم إنها إحترافية وسمحة لكن بعد ما نتجاوز حتة عجب الروح و خراج الروح " بتنزلا نقطة نقطة " الروح ذاتا بعد داك بتطلع منها . بي مناسبة الروح والروحان ما تحكي لينا قصة النجاضة النجض رندة وزاعتو لمن فترت ومافي زول بدور يجيهو ..... وكان عندك ليهو صورة تكون ما قصرت
تحياتي طارق دياب |
طارق المكي يا فنان تعرف من كترة الفعاليات الواحد ذاتو ما عارف ينزل شنو ويخلي شنو
النجاضة دا عمل فيني فيلم طبعا لما رندا وقفت في المسرح وفي يدها طفل حليو ونادت : والد الطفل بشير ... والد الطفل بشير ... والد الطفل بشير مافي زول جاء بعد شوية نادت : الطفل بشير معتز ... الطفل بشير معتز أشوف ليك المدام من هناك نادتني قالت لي : أسمع انت ... أمشي استلم ولدك الموضوع عادي قلت ليها ولدي كيف ؟؟ قالت لي : يمكن تكون سويت الرابعة البضمني شنو ؟
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: معتز القريش)
|
أخطأت جريدة الرايه القطريه فى عدد اليوم الاحد الثالث عشر من يناير 2008 خطآ كبيرا ولان جريدة الرايه من الجرائد الكبيره فأن خطأها كبيرا ، اخطأت فى شخص المحرره فدوى عوض الله وهناك احتمالان لهذا الخطأ ، اما انها لم تحضر الاحتفال او انها كتبت ما كتبته بصوره مقصوده ومتعمده لاجنده اخرى ، فقد جاء فى صفحة المحليات وفى شكل نصف صفحه مع الصور تقرير عن الاحتفالات التى اقامتها الجاليه بالاستقلال ، لكنها كتبت الآتى : -
1 - السفاره السودانيه تحتفل بيوم الاستقلال ( مانشيت كبير)
ولو كتبت ذلك واتبعته بوصف لاحتفالات السفاره لما كان لنا احتجاج اما ان تقول الآتى بعد هذا العنوان : -
( في إطار الاحتفال بالذكري 52 لاستقلال السودان أقامت السفارة السودانية وأبناء الجالية حفلاً غنائيا وطنياً بسينما الخليج ) فى حين انه من المعروف ان السفاره لا علاقة لها بهذا الاحتفال بل لم يحضر اى فرد من اعضاء السفاره الرسميين الاحتفال بسينما الخليج
2 - كتبت المحرره فدوى عوض الله الآتى : - (وقد حضر الحفل السيد عبدالمنعم ابوتفه رئيس الجالية والدكتور عثمان بشير السكرتير الثقافي للجالية الشاعران ازهري محمد علي وفضيلي جماع )
من الملاحظ انها اغفلت تماما ذكر الشاعر الكبير هاشم صديق من ضمن الحاضرين والشاعر والكاتب المسرحى هاشم صديق رقم لا يستطيع احد تجاوزه الا ذو اجنده خاصه وهذا ما حدا بنا للاستنتاج ان المحرره قد تعمدت اغفال اسمه قصدا بسبب شعره المصادم والذى لا يتواءم ولا يتماشى مع ذوى التوجهات المحدده .
3 - ثم ذكرت : - ( في بداية الاحتفال اوضح سعادة ابراهيم فقيري السفير السوداني ان احتفال الاستقلال لهذا العام جاء موسعاً حيث شمل عدداً من الفعاليات شارك من خلالها العديد من المثقفين السودانيين بالاضافة الي الانشطة الرياضية والمباريات.)
لم توضح لنا المحرره اين ذكر السفير هذا الكلام ومن سابق قولها ( ان الاحتفالات تمت بسينما الخليج ) يفهم منه ان السفير قال كلامه هذا فى سينما الخليج فى حين هذا خطأ فالسفير لم يحضر احتفال سينما الخليج ولم يلقى كلمه فيه كما انها قالت ( فى بداية الاحتفال اوضح سعادة لسفير ) والصحيح انه فى بداية الاحتفال تحدث رئيس الجاليه وذلك فى الليله الشعريه بنادى الغزال
4 - خلطت المحرره خلطا كبيرا فى الكلمات التى القيت وامكنتها كما انه من الملاحظ لم تتطرق على الاطلاق لما قدمه الشعراء فى تلك الليله بنادى الغزال ولم تتطرق لليلة نادى الغزال فى الاحتفالات فى حين انها جاءت بكلمة السفير ورئيس الجاليه فى تلك الليله ويبدو انها جريا على اجندتها ( حتى توضح العكس ) اغفلت ذلك الشعر الوطنى الذى قدمه فضيلى جماع وازهرى محمد على وهاشم صديق .
اتصلت على على جريدة الرايه محتجا على هذه الاخطاء ( قسم المحليات ) على ارقامهم التاليه 4466515 4466514 4466513 4466529 لم اجد المحرره فدوى عوض الله وجدت احد زملاءها من المصريين ذكرت له نحن نحترم جريدة الرايه وهى من الجرايد الرصينه وتقلقنا الاخطاء فيها ونحن من المداومين على قراءتها واوضحت له الاخطاء التى وقعت فيها المحرره وذكر انه سوف يوصل هذا الاحتجاج اليها ، تم كل ذلك بكل احترام فأرجو من يستطيع ان يتصل على هذه الارقام لجريدة الرايه ليوصل احتجاجه على طريقة صياغة الخبر وان يتم ذلك بكياسه واحترام
___________________________________________________________________________
ادناه ما جاء فى جريدة الرايه اليوم : -
السفارة السودانية بالدوحة تحتفل بيوم الاستقلال
بمشاركة عدد من الفنانين
السفير فقيري يشيد بالعلاقات القطرية السودانية المتميزة عثمان بشير: الجالية السودانية في قطر نظمت فعاليات عديدة للاحتفال الشاعر أزهري محمد: احتفال هذا العام له معانٍ اجتماعية وثقافية عديدة كتبت - فدوي عوض الله : في إطار الاحتفال بالذكري 52 لاستقلال السودان أقامت السفارة السودانية وأبناء الجالية حفلاً غنائيا وطنياً بسينما الخليج.
شارك من خلاله الفنان عادل التجاني والفنان بشري صلاح والفنانة حرم النور.
وقد حضر الحفل السيد عبدالمنعم ابوتفه رئيس الجالية والدكتور عثمان بشير السكرتير الثقافي للجالية الشاعران ازهري محمد علي وفضيلي جماع.
في بداية الاحتفال اوضح سعادة ابراهيم فقيري السفير السوداني ان احتفال الاستقلال لهذا العام جاء موسعاً حيث شمل عدداً من الفعاليات شارك من خلالها العديد من المثقفين السودانيين بالاضافة الي الانشطة الرياضية والمباريات.
ونادي ابناء الجالية السودانية بدولة قطر بضرورة وضع السودان نصب أعينهم خاصة واننا في دولة قطر الشقيقة المعطاءة والتي فتحت ابوابها للسودانيين.
مؤكدا في ذلك ان دولة قطر تميزها أصالة قيادتها وكرم شعبها وأشار الي سخاء هذه القيادة التي تهتم بالسودان واهل السودان ودعمها للسودان في كل المحافل الاقليمية والدولية وقد قامت دولة قطر بدعم السودان في إطار إعمار دارفور ودعم سلام الشرق والتنمية في شرق السودان وفي مشاريع توطين المتضررين بسد مروي وكما قامت الحكومة القطرية بالمساهمة في مساعدة الجالية بتوفير أرض للمدرسة السودانية ومبني كامل للمركز الثقافي السوداني.
وأكد سعادة السفير السوداني ابراهيم فقيري قائلا كل ذلك يجعلنا نعطي لهذا الشعب كل تقديروحب واحترام وكل هذه المساعدات تجعلنا اكثر عزيمة واصراراً للتوحد والسلام.
كما ألقي السيد عبدالمنعم ابوتفه رئيس الجالية السودانية بدولة قطر كلمة قال فيها لم يكن استقلال الشعب السوداني الأبي من المستعمر الانجليزي الغاشم امرا سهلا ولا منحة أو عطاء ولكنه تحقق بعزم وتضحيات هذا الشعب الفريد حيث مهر بدمائه الذكية استقلال أرضه الطاهرة.
نعم لم يكن الطريق نحو الاستقلال مفروشا بالورود وإنما كان طريقا طويلا وشاقا ومليئا بالاحن والمحن والاشواك حيث توالت الثورات والانتفاضات منذ الاحتلال بدءاً بحركة علي عبدالكريم في عام
1899 مرورا بتمرد الكتيبة 14 ثم حركة عبدالقادر ود حبوبة في عام 1906 وثورة الدينكا اتوت بقيادة اشول في عام 1908 وثورة ملوال مايتانق في عام 1917 وصمود السلطان علي دينار حتي استشهاده في عام 1916 ثم ثورة عبدالله السحيني في عام 1920 والفكي سنين والفكي الميراوي ثم حركة اللواء الابيض وحركة 1924 البطلين علي عبداللطيف وعبدالفضيل الماظ، كل هؤلاء قدموا التضحيات الجسام ومهدوا الطريق نحو الاستقلال الذي نحتفل به اليوم.
وهنا يأتي ايضا ذكر الرعيل الاول من جيل الاستقلال الذين اسسوا مؤتمر الخريجين نواة الاستقلال ثم الحزبين الكبيرين الوطني الاتحادي والامة والجبهة المعادية للاستعمار وعلي رأسهم الزعيم اسماعيل الازهري والسيد علي الميرغني والامام عبدالرحمن المهدي والشريف الهندي ومحمد أحمد محجوب ومبارك زروق وسريسيور اير وبوث ديو وحسن الطاهر زروق وكل الذين استلهموا فكر النضال وروح المقاومة ممن سبقوهم من الابطال حيث التضحية والثبات والحكمة حتي توج نضالهم برفع علم الاستقلال من داخل البرلمان علي خلفية اقتراح من السيد عبدالرحمن دبكة وتثنية مشاور سهل جمع.
التحية للشهداء وللذين قضوا نحبهم بعد الاستقلال ونسأل الله ان يمد عمر من بقي منهم علي قيد الحياة.
وقال اننا وإذ نفتخر جميعاً كسودانيين بهذا الإنجاز التاريخي العظيم فإن جميع شعوب العالم أيضاً قد حققت استقلالها من الاستعمار البغيض ولكن نحن نزداد فخراً لأننا كنا السباقين وكنا بنضالاتنا المستمرة ضد الاستعمار نحرض الشعوب الأخري حتي صرنا معلمي الشعوب لدروب النضال وهنا لا بد أن أشير إلي أن السودان قد سبق جميع دول العالم التي كانت تقبع تحت نير الاستعمار بحرق العلم الإنجليزي في بادرة هي الأولي من نوعها وقتئذ وذلك أثناء مظاهرة عارمة ضد الاحتلال بمدينة الفاشر في عام 1952 حيث أنزل المتظاهرون العلم وأحرقوه أمام قصر السلطان علي دينار.
كما ألقي الدكتور عثمان بشير السكرتير الثقافي للجالية السودانية كلمة قال فيها: إن الاحتفال بأعياد استقلال السودان لهذا العام يتزامن مع مرور السودان بمنعطف خطير في إطار تحقيق السلام والوحدة في ربوع السودان.
وقال لنا عظيم الشرف في أن تكون الجالية السودانية هي من أولي الجاليات بدولة قطر تحتفل بهذه المناسبة.
وأكد أن فعاليات الاستقلال بدأت منذ ثلاثة أيام شملت فعاليات شعرية وغنائية وندوات ثقافية.
وقال ان احتفال الجالية السودانية بأعياد الاستقلال بهذا العام شهد تجمع كبير لم يسبق له مثيل وذلك بمشاركة عدد من عمالقة الشعر السوداني الذين جاءوا للاحتفال بهذا اليوم مع أبناء الجالية السودانية بدولة قطر وهم هاشم صديق والأستاذ أزهري محمد علي- والأستاذ فضيلي جماع.
وقال الدكتور عثمان بشير يجب علينا كسودانيين أن نعبق هذا الاستقلال بالمزيد من التلاحم والتكاتف من أجل بناء وحدة السودان وأن نقف خلف أبناء الجالية رغم انتماءاتهم العرقية.
وقال الشاعر الأستاذ أزهري محمد علي: نحن في غاية السعادة أبناء الجالية السودانية للاحتفال باستقلال السودان مؤكداً في ذلك ان الاستقلال له العديد من الدلالات والمزايا خاصة لأبناء الجالية واللذين هم في المدن البعيدة خارج حدود الوطن وقال انها فرصة طيبة لإعادة أيام الاستقلال والتي تجاوزت نصف قرن من الزمان.
وقال لا بد ان نؤسس للمزيد من فضاءات المؤسسات التي تدعو للاستقلال الحرية وللاستقلال الثقافي والاجتماعي وقال ان الشعب السوداني في كل يوم يقدم رؤي جديدة ومعني جديد تجاه استقلاله.
وأوضح أن هذا الاحتفال له معاني اجتماعية وثقافية عديدة.
وأكد أن أبناء الجالية السودانية بدولة قطر مهمومين بالقضايا السودانية ويعملون في بوتقة واحدة همها حل قضايا السودان.
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: معتز القريش)
|
يديك تالعافية ود القريش ما بتقصر وكعهدنا بك عمل من غير من او اذى
واجتهاد وتعب اللة يجازيك خيرا علية نعم عضو الجالية انت ...........
والتعب التعبتو ان شا اللة نتعبو ليك فى رقم (4)..ههههههههههههههههه
وين صور الليلة الاولى الشعرية التى لم اتشرف بالحضور لها وين مقاطع الاشعار
وين وووين حا نسكك كدة لحدى ما نتعب انحنا ..........
شكرا ليك ود القريش ..............................
بالرغم من انو انت من يشكر الناس على مجهودهم ولا تشكر على مجهودك لانك اصيل
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: عمر سعد)
|
Quote: يديك تالعافية ود القريش ما بتقصر وكعهدنا بك عمل من غير من او اذى
واجتهاد وتعب اللة يجازيك خيرا علية نعم عضو الجالية انت ...........
والتعب التعبتو ان شا اللة نتعبو ليك فى رقم (4)..ههههههههههههههههه
وين صور الليلة الاولى الشعرية التى لم اتشرف بالحضور لها وين مقاطع الاشعار
وين وووين حا نسكك كدة لحدى ما نتعب انحنا ..........
شكرا ليك ود القريش ..............................
بالرغم من انو انت من يشكر الناس على مجهودهم ولا تشكر على مجهودك لانك اصيل |
تسلم يا دكتور على كلماتك الطيبات وزي ما قلت لا شكر على واجب . . . كل الصور ح تنزل بس لوك الصبر أي زول حضر الحفل دا صورتو ح تنزل للتوثيق في هذه الاحتفالية الرائعة . . . شكرا ليكم كتير على هذا الابداع
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: أبو ساندرا)
|
/IMG]
Quote: بعدين يا كبتن ما ح تبطل حركات اللطش بتاعتك دي تخلي الزعيم القبلي ضحية ابراهيم يدقس وتلطش
نامت نواطير المسيرية عن شواردها |
الزعيم ابوساندرا:
انا ماكنت نائم لكن احترافية الفنان ود القريش هى التى اظهرتنى وانا فى حالة سكر من تلك الليله الفريده والتى ستظل عالقه بذهنى الى مدى بعيييييييييد.
شكرا للجنه المنظمه شكرا لبورداب الدوحه شكرا للجاليه العريضه شكرا للفنان معتز القريش
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: أبو ساندرا)
|
Quote: شايفك بقيت تنور شوية شوية من ظلامك ياريت يدوم |
أنا منور من زمان يا صاحبي بس العتب على النظر قد تنكر العين ضوء القريش من انسداد في الشرايين :D
Quote: بعدين يا كبتن ما ح تبطل حركات اللطش بتاعتك دي تخلي الزعيم القبلي ضحية ابراهيم يدقس وتلطش |
مع كاميرا القريش إياك أن تدقس فهي في الحال وفورا بتلطش
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: خالدة البدوي)
|
Quote: التحية للجالية السودانية الديمقراطية بالدوحة .. التحية لبورداب الدوحة المتميزين دوما ... التحية لاعضاء اللجنة المنظمة... التحية لكل المشاركين والمبدعين الذين تألقو في ذلك اليوم ... التحية للجماهير التي شهدت ذلك اليوم وتفاعلت معه وبه ... التحية لشعراء بلادي الذين حملوا لنا دعاش القبلي كعبق البخور ...
التحية لحملة الكاميرات على هذا التوثيق |
ودي مني ليك ياصاحبه الصوت الشجي والحس الحنين
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: طارق جبريل)
|
ود القريش
يا فنان ... راجيك تبارك لي الباسوورد في البوست الفتحتو لهذا الغرض !! وراجيك تنزل لينا من صورنا شوية .. واللا إنت لقيت الجكس النضيف ونسيتنا نحن الليل كلو نلاوي في القربة ..!!
ألحقنا بي صورنا
وبما إنك خبير بالصور والتصوير وريني أضيف صورة لي بروفايلي كيف !!! ما تضحكوا علي يا خوانا أنا لسه برلوم
| |
|
|
|
|
|
|
Re: احتفال الجالية السودانية بالدوحة بعيد الاستقلال (صــور) (Re: عثمان دغيس)
|
Quote: ود القريش
يا فنان ... راجيك تبارك لي الباسوورد في البوست الفتحتو لهذا الغرض !! وراجيك تنزل لينا من صورنا شوية .. واللا إنت لقيت الجكس النضيف ونسيتنا نحن الليل كلو نلاوي في القربة ..!!
ألحقنا بي صورنا
وبما إنك خبير بالصور والتصوير وريني أضيف صورة لي بروفايلي كيف !!! ما تضحكوا علي يا خوانا أنا لسه برلوم |
أوووو دغيييس مبروك يا أخي وربنا يديك خيرنا ويكفيك شرنا والله دا يوم سعيد خلاص أحب شهر يناير دا عديييل كدا . . صوركم موجودة في الحفظ والصون غايتو يمكن يجيكم الدور بعد ستة شهور كدا لكن هاك دي اتصبر بيها شوية . . بس نفسي أعرف البترد عليهو وانت في المسرح دا منو
| |
|
|
|
|
|
|
|