|
|
 رفضته خطيبا لها بحجة ان اسمه فطيس ...
|
رفضت فتاة خطيبها بحجة ان اسمه فطيس .. الشاب مشكلتو سموه على جدو فطيس . مـــا زالت المشاورات جارية لتغيير اسمــــــه بعد ان رفضت الفتاة رفضا باتا خطوبتها بهذا الاسم .
الغريب ان اسمه كاملا هو فطيس بن جريو ابن فطيس ..
ود الباوقة
|
|
 
|
|
|
|
|
|
|
 Re: رفضته خطيبا لها بحجة ان اسمه فطيس ... (Re: JOK BIONG)
|
| Quote: فطيس بن جريو ابن فطيس |
إنت يا ود الباوقة ... الأخبار دي بتجيبها من وين ??
والله فطستنا من الضحك ... وعلى رأي صلاح عبدالله إسم جده سيك سيك .
عليك الله شوف لينا الموضوع ده عايزين متابعة دقيقة !!
سنة حلوة عليك يا وريف
صلاح واسبه
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: Salah Waspa)
|
كده يا أخي ودالباوقة شوف معاي إذا قمنا كتبنا اسمه بالإنجليزية أو أي لغة أجنبية أخرى وترجمناه من جديد للغة العربية هل يمكن أن نجد مخارجة ما؟!
مثلا: Fatis, Fatiz, or Fatus
أم مافي أي ممثل هوليودي أو بوليودي مشهور اسمو قريب من اسم هذا الفطيس يمكن أن يساعد في تغيير موقف الخطيبة مرهفة الإحساس والحساسية، والتي يبدو أنها سمعت بقصة تسمية الحسن والحسين عليهما السلام.
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ابو جهينة)
|
فطيس بن جريو ابن فطيس ..
والله الخطيبة دي ذوقها غريب جداً
يعني شنو قالت يغيروا فطيس وصاحبنا جريو ماعاوزة تغيرو
المفروض تقول ليهو غيّر الاسم الأوسط
ماعارف ليه كل ما اقرأ هذه الأسماء مجتمعة اتخيلها كده زي اسبيرات الركشة
عندنا واحد كان اسمه برنسيس
زعلان خالص من الاسم
اها بعد مشاورات واعلانات في الصحف وذبائح وأفراح
تم تغيير الاسم منن برنسيس الى { جحيدل } !!!
عليك الله لو ترك الاسم الأول مش كان أحسن ؟؟
يعني الأول فيهو شوية موسيقى
والأخير لمن تنطقه يسبب ليك { عشراقة } في حلقك
قال جحيدل قال !!!!
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: Siham Elmugammar)
|
الحبيب ود الباوقه تحيه طيبه
من حقوق الطفل في الإسلام تسميته بإسم حسن
قال رسول الله صلى الله عليه وسلم (إنكم تدعون يوم القيامه بأسمائكم وأسماء آبائكم ألا فأحسنوا أسمائكم) صدق رسول الله صلى الله عليه وسلم .
وكان العرب في الجاهليه يسمون أطفالهم بأسماء قبيحه تشمئز منها النفس مثل حرب وكلب ومره وحيه والإسلام لايرى بأساً من تغيير الإسم القبيح بإسم حسن .
عموماً نقول أن أحسن الأسماء ماحمد أو عبد
ويقال أن من سمى إبنه (محمد) حباً في رسول الله صلى الله عليه وسلم كان هو وإبنه في الجنه
لذا أتمنى من الجميع أن يحسنوا تسمية أبناءهم حتى لانسبب لهم مرارات عند النشئه ويستحسن الإبتعاد من الأسماء الغير مألوفه حتى وإن كانت معانيها جميله .
مؤونة عام من الود
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: محمد فرح)
|
أخونا ود الباوقة ،
عيدك مبارك ، وسنة جميلة يا عزيز ،
بس كان نعرف برضو الخطيبة إسمها منو ؟
أخشى أن يكون أسمها حصة أو موزة (!؟)
ريسنا أبو جهينة ،
كل سنة وإنت طيب ، وعيد سعيد ،
| Quote: لكن بالله شوف الجريو دة مخنوق بين فطيسين كيف ؟ |
ده يا ريس بكون مات من العفانة قبل الخنق ،
وتتعدد الفطسات والموت واحد ؟!
مودتي ،
( ليمو )
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: abdulhalim altilib)
|
Quote: بس كان نعرف برضو الخطيبة إسمها منو ؟
أخشى أن يكون أسمها حصة أو موزة (!؟) |
اخي ليمو .. وينك يا رجل ..
تخيل يا ليمو السيرة شغالة والبنات يرددن في فطيس دا سار البحر يا عديلة وقطع جرايد النخل يا عديلة ... يكون اسمها عديلة ..مش كدا ..
وبعدين يجي الفنان في الحفلة يقول ود جريو دا الفطس الحلة وعروستو الضوت السهلة ..
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: محمد فرح)
|
الحبيب ود الباوقه تحيه طيبه
من حقوق الطفل في الإسلام تسميته بإسم حسن
اخي الكريم ود فرح ..
فعلا خير الاسماء ما حمد وعبد بضم الحاء والعين لكن للاسف الشديد لم يراعى ذلك . فهناك . حنش .. وجعران .. والجربوع .. جريبيع .. الاصيقع .. بن فنيس .. بن كدسة ..
والقائمة تطول ...
لك الود ..
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ابو جهينة)
|
| Quote: أو فلتتزوجه و لتدلعه بما شاء لها من الأسماء : طوسي / فطفوطي .. و هلم فطْسا ... |
الريس ابو جهينة ..
فطاطيسو اسم دلع كويس مش كدا .. ولا فطسنة .. ولا فطيسكو .. غايتو ربنا يعينا ..
| Quote: لكن بالله شوف الجريو دة مخنوق بين فطيسين كيف |
وفطيس زاتو مخنوق خنقة كلب بين جريوين ..
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: Salah Waspa)
|
| Quote: عليك الله شوف لينا الموضوع ده عايزين متابعة دقيقة !! |
الموضوع يا واسية يا اخوي واقف عند جريو لانو رافض تغيير اسمو وحتى لو اقنعــوه بتغير الاسم المشكلة في فطيس الكبير الشغلانة الظاهر عليها بايظة . وبعدين حتى لــــــو فطيس الكبير غير اسمو المشكلة يكون اسم ابــــوه برضو جريو ...عليك الله شفت جنس المشاكـــل الوقعنا فيها دي ..
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: Salah Abdulla)
|
| Quote: وكان غير ليها الاول , الاخير ده البيغيرو شنو .. |
اخي الكريم صلاح ..
فطيس استطاع تغيير اسمه لكن والده جريو حلف بالتكتلو ما يغير اسمو لانو ابوه فطيس قال ليهـو كان غيرت اسمك دا ما عافي منك .. شفت الشبك الوقع فيها الزول دا ...
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ود الباوقة)
|
أخي أمبده
بل (مدينة) فطيس هي درة قرى الحصاحيصا قاطبة ... تتمتع بموقع جغرافي ممتاز كل الطرق البرية المتجهة من الحصاحيصا وطابت والفريجاب والمناقل ووداي شعير وتنوب والمريبعة وخلافها تتقاطع عند (فطيس)- (كان) بها أشهر (تفتيش) ومزراعيها أكثر إنتاجية وثقافة وتعليميا، اشتهرت بالتعليم والمدارس المتفوقة في كل المنطقة والجزيرة قاطبة ، بها سوق ضخم للمحاصيل والمواشي . التحية لأبناء (فطيس) (بكسر الفاء) اينما وجدوا
الشفيع إبراهيم
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ود الباوقة)
|
شكرا يا ود الباوقة على هذا البوست اللطيف
احد اعراب نجد - المنطقة الوسطى - بالمملكة تزوج ولم يرزقه الله بولد، وكل سنة بنت ورا بنت حتى كمل تسعة بنات، فنصحتة امه بالزواج من اخرى علها تنجب له ولدا، فتزوج بأخرى وحبلت ثم انجبت له بنتين توأم، فما كان منه الا ان سمى احدهن ظق والأخرى فسيوة ..
دي قصة حقيقية بالمناسبة
الصاوي
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: elsawi)
|
Quote: احد اعراب نجد - المنطقة الوسطى - بالمملكة تزوج ولم يرزقه الله بولد، وكل سنة بنت ورا بنت حتى كمل تسعة بنات، فنصحتة امه بالزواج من اخرى علها تنجب له ولدا، فتزوج بأخرى وحبلت ثم انجبت له بنتين توأم، فما كان منه الا ان سمى احدهن ظق والأخرى فسيوة ..
دي قصة حقيقية بالمناسبة |
الاستاذ الصاوي .. والله دا كلام عجيب بلحيل يعني فطيس دا في نعمة يحمد سيدو ...
لك الود ...
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ود الباوقة)
|
Quote:
والله دا كلام عجيب بلحيل يعني فطيس دا في نعمة يحمد سيدو ... |
يحمد سيدو ساي؟ يا زول فطيس ده اسمو ده يقدل بيهو و يعرض بيهو .. و لو خطوبتة طرشقت انا ما عندي مانع اكلم ليه المعلمة السودانية استاذة ظق و فسيوة وهي التي حكت لي قصتهن و اكيد ممكن تساعدة عشان يتقدم لي واحدة منهن و انا متأكد انه ما يصير خاطرو إلا طيب ..
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: elsawi)
|
Quote: لو خطوبتة طرشقت انا ما عندي مانع اكلم ليه المعلمة السودانية استاذة ظق و فسيوة وهي التي حكت لي قصتهن و اكيد ممكن تساعدة عشان يتقدم لي واحدة منهن و انا متأكد انه ما يصير خاطرو إلا طيب ..
|
والله يا استاذ الصاوي لو خطب واحة فيهن تكون وقعت ليهو في جرح .. اها لو جابو ليهم بت ولا ولد يسموه منو .. دا والله فلم هندي .. شد حيلك معانا شوبة..
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ود الباوقة)
|
ود الباوقه
بوست تحفه واقع اكثر اضحاك منه
وقالوا شر البلية ما يضحك...
غايتو الصاوي قرب يقتلني من الضحك:
Quote:
شكرا يا ود الباوقة على هذا البوست اللطيف
احد اعراب نجد - المنطقة الوسطى - بالمملكة تزوج ولم يرزقه الله بولد، وكل سنة بنت ورا بنت حتى كمل تسعة بنات،
فنصحتة امه بالزواج من اخرى علها تنجب له ولدا، فتزوج بأخرى وحبلت ثم انجبت له بنتين توأم، فما كان منه الا
ان سمى احدهن ظق والأخرى فسيوة ..دي قصة حقيقية بالمناسبة |
بالله يا الصاوي دي امه يرفعوا ليها علم؟؟؟؟
خلي الجندريات يجوا يشوف المحن كيف؟؟؟
وظلم للانثى يبدأ منذ لحظة الميلاد!!
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: Salah Abdulla)
|
الإخوة والأخوات أعضاء وقراء المنبر
السلام عليكم ورحمته وبركاته ...
واحد صاحبنا من أولاد الحلفاية حكي لي القصة دي:
قال إنو في واحد من ناس بحري - أظنو من الحلفاية زاتها - قالوا كل مرة زوجته تنجب بنت، وهو كل مرة يسمي بحرف الهاء ... هناء،هند، هديل، هدى، .... وهلم جرا. أظنو زوجته ولدت ثمانية بنات وهو كل مرة شابك في حرف الهاء. زوجتو لامن حملت بالمولود التاسع عرف من الدكتور أنو المرة دي برضها بنية. قاموا إتلموا عليه أصحابه ويغيظو فيه وقالوا ليه: (أها المرة دي تمشي وين ؟ مافي ليك أي طريقة إلا تغير من حرف الهاء. الأسماء بحرف الهاء كلها كملتها في بناتك الثمانية ؟؟؟
صاحبنا فكر شوية وقال: (أنا ما حأغير من حرف الهاء وحأسميها "هناية") !!!!
نسأل الله أن يحفظه وبناته التسعة بما فيهن "هناية" 
أخوكم/
حسن زمراوي
شيكاغو - أمريكا
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: حسن زمراوي)
|
Quote: ضحكت علي حياء فانتبهه صاحبنا فقال لي مالو ما إسم .
اذا في واحد من ناس الأبيض ممكن يؤكد علي وجود هذا الإسم |
قدوم بشتنة بشيتن رحمه الله كان كمسنجي كبير ورجل عالي الكرم والشهامة وهو من ابناء المجلد
(حي اولاد توبا بالتحديد).. ولقد سمعت كثيرا افراد اسرتي ينادونه (بخالي قدوم) لترابط اهل المجلد وتماسكهم الكبير....
واتمني من الاخوة الكرام عدم السخرية والتندر علي هذا الاسم او اسماء الاخريين المشابهة وهذا قدر الاخريين واسمائهم التي اطلقت عليهم ووجب علينا احترامها وتقدير ذلك..
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: حسن زمراوي)
|
| Quote: قالوا كل مرة زوجته تنجب بنت، وهو كل مرة يسمي بحرف الهاء |
تصدق يا زمراوي نحن الشئ البنكنكش فيها تاني يفكنا منها الجليل الرحيم .. يعني هس دا لزومو شنـو الواحد يمسك في حرف واحد ويسمي علبهو ..
اها لو جاب واحدة بعد هناية يسميها شنو .. غايتو لو جابو لو ولد طبعا هناي ....
ود الباوقة
| |
|
|
|
|
|
|
|
|
|
Re: رفضته خطيبا لها بحجة ان اسمه فطيس ... (Re: ود الباوقة)
|
ألأخ/ودالباوقة
الرجل الجميل...
هذا البوست أنا شامى فيه ريحة ما عاجبانى..لكن عمومآ كل شىء منك حلو..
فطيس ممكن يتزوج قماشة...وهذه أسماء متداولة بكثرة فى مناطق الخليج..وهذه مسئولية ألأباء..أسماء ما أنزل الله بها من سلطان...
عمومآ فى الجزيرة فى قرية فطيس وأيضآ أفطس..سمعت بها قبل ذلك..
مودتى..يابشوش..
إسماعيل محمد احمد عباس......
| |
|
|
|
|
|
|
| |
ولياب
طارق زروق
Mustafa Mahmoud
JOK BIONG
Salah Waspa
محمد الأمين موسى
ابو جهينة
ابوحراز
Siham Elmugammar
محمد فرح
abdulhalim altilib
manubia
طلحة عبدالله
MOHAMED EL-BEELI
ombadda
طارق عمر مكاوي
نهلة عمر
حيدر حسن ميرغني
Muna Khugali
elsawi
هشام المجمر
Tragie Mustafa
Abureesh
عمار عبدالله عبدالرحمن
حسن زمراوي
عبدالكريم الامين احمد
ismeil abbas
فيس بوك
تويتر
انستقرام
يوتيوب
بنتيريست