الخرطوم: (السوداني) اعرب رئيس حزب الأمة القومى الإمام الصادق المهدي عن تعازيه لحزب الشعب الباكستاني فى مقتل رئيسة الوزراء السابقة لباكستان بي نظير بوتو. وكشف المهدي في بيان صحفي امس عن توجيهه خطابا الى بي نظير بوتو فى 24 اكتوبر الماضي ينصحها فيه باتخاذ تكتيكية معينة لتجنب المخاطر فى المرحلة الحالية فى باكستان باعتباره من معارفها ومن المهتمين بمستقبل الديمقراطية فى باكستان، وأضاف انه ربما كانت تفكر فى مثل هذا الاحتياط، لكنه اشار الى ان خصومها كانوا أسرع. ودعا المهدى السلطات الباكستانية لاجتثاث ظاهرة الاغتيالات السياسية ومعاقبة الجناة والإسراع بالخطى نحو التطبيع الديمقراطى، حاثا حزب الشعب الباكستانى لترتيب اوضاعه بالسرعة اللازمة للمشاركة البناءة فى التحول الديمقراطى.
تعليق
ياسيد الصادق نحن الفينا مكفينا ماتحصر نفسك فى مشاكل السودان وخليك من بناذير وحل مشاكل العالم ياامام امبارح قتلوا كم طالب جامعى فى دارفور ..وتشاد تقصف قريه سودانيه ..والمساواه والعدل احتلوا بئر بترول ولسه الجايات اكثر من الجايات
السنجك كل عام وانت بخير.... وانت اظرف زول في المنبر ده يا السنجك. لانك مركز دائما وصاحي دائما ومفتح دائما.
وبعدين ده عنوان زي العسل:
Quote: يالصادق المهدى نحن الفينا مكفينا !!!!!!!
عمنا رئيس الوزراء السابق ده راسه قوي يا السنجك ولا بيقتنع ولا حاجه.
ولو جيت سألته حسه هو ما قدر يربي بناته زي ما زو الفقار علي بورتو ربى ليه؟؟؟ وين يا الصادق القيادات الشابه الملتحمه مع الجماهير؟؟؟؟؟ وين الارادة البتحدى الموت؟؟؟؟ وين الكلام عن الفقراء وعن المسحوقين..وين نموذج القيادة الشابه البتدخل بيوت البسطاء وتفترش البروشهم معهم.....فقد مات بعض انصاركم وسمتهم الحكومة (المرتزقه) للاسف لم نرى لك صورة يا سيدي الامام وانت تعزي اي من اسرهم!!
12-30-2007, 02:41 AM
السنجك السنجك
تاريخ التسجيل: 05-27-2002
مجموع المشاركات: 2695
Quote: وكشف المهدي في بيان صحفي امس عن توجيهه خطابا الى بي نظير بوتو فى 24 اكتوبر الماضي ينصحها فيه باتخاذ تكتيكية معينة لتجنب المخاطر فى المرحلة الحالية فى باكستان باعتباره من معارفها ومن المهتمين بمستقبل الديمقراطية فى باكستان، وأضاف انه ربما كانت تفكر فى مثل هذا الاحتياط، لكنه اشار الى ان خصومها كانوا أسرع
السنجك.... سلام.... السيد الصادق... لما جوهو قبل انقلاب الجبه بى يومين وقالو... ليهو الناس ديل ناوين على انقلاب... قال دى هضربت شيوعين.... هسع الكلام دى نقول عليهو شنو الفوق دة... قايتو احتمال تكون دى من كرامات الامام... لانو عيد ميلادو ربطوا بى عيد ميلاد المسيح.... بأعتبارها .. احدى الكرامات.. للسيد الامام... اخونا ناظم ابراهيم على فى بوست... قال لمن بنازير بوتو الجيش... رفع ليها مزكرة... قالت ليهم انتو .. قايلنى.. انا مهدى السودان... كناية لمزكرة الجيش الشهيرة......التى كتبها قواد الجيش فى ذلك الوقت.. بقيادة المرحوم الفريق فتحى احمد على..
12-30-2007, 03:18 AM
SAMIR IBRAHIM SAMIR IBRAHIM
تاريخ التسجيل: 01-05-2007
مجموع المشاركات: 2628
عمنا رئيس الوزراء السابق ده راسه قوي يا السنجك ولا بيقتنع ولا حاجه.
يا سلام عليك يا خاله تراجي ... ده كلام في الصميم ...
وبعدين جدنا الصادق المهدي ده ما كان ماسك الحكومه قبل كده .. ,,,,,, عمل للسودان شنو ؟؟؟؟؟ زمن الصادق المهدي حنفيات المويه قطعن ... والبلد بقت جافه ورغيف العيش الناس تقيف ليهو طوابير تسعه وعشره ساعات في اليوم .... وصفوف البنزين اصحاب العربات ينوموا باليوم واليومين في صف البنزين .. ..
لكن نصيحتو الرسلها لي ينازير بوتو دي كوم .. والراجيهو كوم ثاني ......
12-30-2007, 05:24 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
وحكاية قالت ليهم انتوا قايلينى مهدى السودان دى حلوه
وراق الحكايه فى انه الصادق مشغول بالعالم اكثر من السودان ياخى المسيريه والدينكا فى حرب وعشرا القتلى من الجانبين والمسيريه مركز نفوذ لحزب الامه اهه الصادق مجهوده شنو فى حل المشكله دى؟؟؟
الجنينه على وشك السقوط والغرب كله ملتهب دى كلها مناطق نفوذ لحزب الامه ..طيب الصادق تنبؤاته شنو لدارفور وللسودان خلينا من باكستان ...واحسن يحذر ناس الانقاذ وكل الاطراف للهاويه المتجه ليها السودان والا احسن يكتب فى الجوابات لبنازير يحذرها من اغتيالها الوقت البذله حتى فى كتابة الجواب مش اولى بيه السودان ...ياخوانا نحن فى مرحلة نكون او لانكون والصادق يحذر فى بنازير والميرغنى داير يرمموا ليه بيته !!!ياخى البيت يطير
السنجك
12-30-2007, 05:44 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
Quote: وراق الحكايه فى انه الصادق مشغول بالعالم اكثر من السودان ياخى المسيريه والدينكا فى حرب وعشرا القتلى من الجانبين والمسيريه مركز نفوذ لحزب الامه اهه الصادق مجهوده شنو فى حل المشكله دى؟؟؟
الأخ السنجك كل عام وأنت بخير هذا لا يتعارض مع ما يحدث بالداخل.. ولك أن تنظر إلى إخواننا الذين كتبوا بالمنبر عن إغتيال بنازير بوتو أو أولئك الذين يكتبون في قضيايا عربية وإسلامية وأفريقية هل نتهمهم بالبعد عن مشاكل السودان.. الإجابة عندي لا.. الشئ الأخر.. السيد الصادق شخص له علاقات ممتدة مع كثير من رؤساء وأحزاب العالم العربي والإسلامي والأفريقي والغربي.. ما المشكلة إذا كتب خطاب تعزية أو شكر في مناسبة ما.. أعتقد لا مشكلة.
12-30-2007, 05:53 AM
السنجك السنجك
تاريخ التسجيل: 05-27-2002
مجموع المشاركات: 2695
وكل سنه وانتطيب كمان والسنه الجايه السودانى ديمقراطى وحر
لكن ياوراق ياخوى اذا انت بيتك قايمه فيه حريقه وانبوبة البوتجاز على وشك الانفجار فى هذا الحريق لتطيح بكل شىء حتى بك انت فى لحظات زى دى تمشى للجيران الولعت النار فيهم وتقول ليهم انا حذرتكم ؟؟ والا تبقى قصاد نارك دى وبكل جهدك ووقتك وفكرك تحاول ان تطفيها ؟؟؟ مع تحياتى
السنجك
12-30-2007, 05:58 AM
إسماعيل وراق إسماعيل وراق
تاريخ التسجيل: 05-04-2003
مجموع المشاركات: 9391
Quote: لكن ياوراق ياخوى اذا انت بيتك قايمه فيه حريقه وانبوبة البوتجاز على وشك الانفجار فى هذا الحريق لتطيح بكل شىء حتى بك انت فى لحظات زى دى تمشى للجيران الولعت النار فيهم وتقول ليهم انا حذرتكم ؟؟ والا تبقى قصاد نارك دى وبكل جهدك ووقتك وفكرك تحاول ان تطفيها ؟؟؟ مع تحياتى
تعرف يا السنجك.. دا الفرق بين تفكير الصادق المهدي وبعض الساسة.. يا أخي كما أسلفت الرجل لا يتعاطي السياسة بمفهوم رزق اليوم باليوم.. أتفق معك حول أولويات العمل السياسي لكن للرجل حزب ومؤسسات مهمومة بالمشكل السوداني بشكل يومي.
ده بوست غريب جدا والمشاركة فيهو من قبل تراجي اغرب مما توقعت !!
الهم الديمقراطي المشترك بل والهم الانساني عامة فيما يخص قضايا الديمقراطية وحقوق الانسان بتحتم على كل ديمقراطي حر التفاعل مع الشان الانساني اينما وجد في باكستان او اذربيجان او السكا .. الشعوب عبارة عن تجارب تتلاقى او تتقارب او تتباعد وبعضها يتلاقح التجارب الانسانية عامة منذ بداية التاريخ هي اهتمام مشترك لكل شعوب العالم لا اريد ان ادخل في بديهات من شاكلة ان العالم صار قرية وان ما يدور في اي منطقة يجد صدى في مناطق اخرى .. تحديدا في حالة تناقضات تراجي مصطفى بل احسست بان تراجي تشارك من اجل المشاركة فقط لا من اجل مبادي بعينها ونهج بعينه .. فكيف لتراجي التي تناضل من ارض كندا وامريكا وتطلب المؤازرة لقضيتها من كل منظمات الدنيا الداعمة لقضايا حقوق الانسان والانسانية ان تستنكر على الامام الصادق المهدي انفعاله لحادثة اغتيال بنازير بوتو بل تراجي نفسها اعلنت عن حزنها وعبرت عن ذلك في الكثير من البوستات التي انفعلت باغتيال بنازير ليس من اجل بوتو وحدها بل من اجل الانسانية ومحاربة الفكر الارهابي السلفي المنكفي الذي تشير اليه اصابع الاتهام في ارتكاب العنف .. من اجل هذا انفعل الكثيرون من محبي الحرية والديمقراطية والسلام وسينفعلون غدا من اجل اخرون لان المعركة بين الخير والشر لا تزال قائمة ..
اذا كان كل العالم ينفعل معنا في همومنا وقضايانا فهل نحن قوم متحجرون لا ينفعلون بقضايا الاخرين ؟؟؟؟؟؟؟؟؟؟؟؟؟
يا اخي من باب رد الجميل بس ما من حق الاخرين ان ننفعل معهم ؟؟
وهل الحزن على بوتو هذه المراة العظيمة المحبة للديمقراطية العاشقة للانسانية المحاربة للشمولية والعسكرية يعني عدم الاهتمام ولا التفاعل مع قضايانا الداخلية ؟؟
يا سيدي هل نعيش نحن في عالم اخر غير هذا العالم ؟؟
من قال لك ان حزب الامة او رئيسه او امام الانصار لا يتفاعل ولم يتفاعل مع قضايا وهموم شعبه ؟؟ هي المسالة مزاج فقط ؟؟ لكاتب سكت دهرا ونطق كفرا ؟؟
متى تكون لدينا مسئولية تجاه ما نكتب ؟؟ يجب ان نحترم انفسنا لكي يحترمنا الاخرون يا حبيب
تعرف .. بالامس عند اعلان اغتيال بنظير بوتو وتدفق البوستات من عشاق الديمقراطية والحرية وحزنهم على فقدان هذه المراة العظيمة وجدت تراجي من ضمن المفجوعين المنادين بتعرية وتصفية منسوبي الهوس الديني وهزيمتهم لم اندهش لان هذا هو الموقف المطلوب
تفاجاة اليوم تماما وانا اراها تركب موجة ( السنجك ) الغير مسئولة والمستنكرة لتنعية الامام المهدي لموت بنيظير بوتو !! ده موش شي يجنن يا حبيب ؟؟
يا السنجك الصادق لمن عمل مشكلتو مع المحجوب عشان يسلموه رئاسة الوزارة والناس قالوا ليهو انتظر 3 شهور؛ قال ليهم ما بنتظر .. في 3 شهور بحل مشاكل السودن؛ وفي 3 شهور البعدا بحل مشااكل افريقيا؛ وفقي 3 لشهور البعدا بحل مشاكل العالم ..
طبعا حتى اليوم ما حلا اي مشكلة؛ خليهو يمشي يحل عننا وان شاء الله يحل مشكلة باكستان
مع التعزية للشعب الباكستاني في هذا الفقد.
12-31-2007, 05:17 AM
السنجك السنجك
تاريخ التسجيل: 05-27-2002
مجموع المشاركات: 2695
Quote: لا والله انصار الصادق شايفهم متفسحين هنا ..
ومن يمنعنا؟؟!!!!!!!!!!!!!!!!! بتتكلم يا عادل و كأنو يوجد مخلوق يجرؤ على منعنا من إنو(نتفسح) هنا أو في أي مكان في المنبر بل في سائر الدنيا العريضة دي حسة لو كترتا بقول ليك البلد بلدنا و نحنا سيادها بعدين يا حبيب أنحنا أنصار الله و أحباب الإمام المهدي دة عشان إنتا سياسي و الآيدنتتي الغلط بتفرق معاك كل سنة و أنت و السنجك بألف خير و عام مليء بالمشاكسات بإذن الله
01-01-2008, 09:29 AM
معتصم مصطفي الجبلابي معتصم مصطفي الجبلابي
تاريخ التسجيل: 08-28-2006
مجموع المشاركات: 6753
من حق الامام الصادق ان يكتب وان يقول ما يريد قالت تراجي منتقده لماذا لم يربي لنا بناته كبنازير ؟ الغريبة ان الصادق بناته تربن وسط الشعب ودرسن مع الشعب وعندما نادى منادي اسمرا خرج معظم ابنائه وحملوا البندقيه فما وجه المقارنه هنا ؟ للاسف البعض يستخدم هذا المنبر للاستقطاب والبعض يستخدمه للظهور والبعض يسئ للمعارضة اكثر من ان يفيدهاان كان بالاراء المثيرة للجدل او بالاراء المتقلبة والمتناغضة. عليه اللعنة النضال ان كان بهذه الطريقة. ارحمونا بقى. نعم يا حبيب افضل خطاب لمحاورة هولاء خطاب البلد بلدنا ونحن اسيادها وتبني خطاب الا لا يجهلن احد علينا فنجهل فوق جهل الجاهلينا والله اكبر ولله الحمد -------------
01-01-2008, 11:27 AM
مهدى الصادق السيد مهدى الصادق السيد
تاريخ التسجيل: 05-11-2005
مجموع المشاركات: 2255
هناك فرق بين النقد والاستهداف فى ناس فى الدنيا دى بيكهروا الناس لله فلله انتوا السناجكه ديل زمان كان عندهم شنو مع المستعمر ومن بعد عداوتهم اصبحت مستمرة لجميع الانصار وال المهدى تحديدا ....... الشغلة ما السودان ولا الجبهة ولا المؤتمر الوطنى الشغلة متجزرة ليس الا ............ يا ودالعمده وياوراق وبقية الاخوان ما تتعبوا روحكم فى الفاضى دبل فى الفيها ..... تخريمة ياتراجى يجب ان يكون ردك الا يخرج من صلب الموضوع ومافى داعى للخروج عن النص قال مناضلين من وين كندا والله نضال اخر زمن
01-01-2008, 01:28 PM
ود محجوب ود محجوب
تاريخ التسجيل: 04-22-2003
مجموع المشاركات: 7643
Quote: هناك فرق بين النقد والاستهداف فى ناس فى الدنيا دى بيكهروا الناس لله فلله انتوا السناجكه ديل زمان كان عندهم شنو مع المستعمر ومن بعد عداوتهم اصبحت مستمرة لجميع الانصار وال المهدى تحديدا ....... الشغلة ما السودان ولا الجبهة ولا المؤتمر الوطنى الشغلة متجزرة ليس الا ............ يا ودالعمده وياوراق وبقية الاخوان ما تتعبوا روحكم فى الفاضى دبل فى الفيها ..... تخريمة ياتراجى يجب ان يكون ردك الا يخرج من صلب الموضوع ومافى داعى للخروج عن النص قال مناضلين من وين كندا والله نضال اخر زمن
الأخ مهدى الصادق سلام
اعطاء كتابات السنجك صفة قبلية لمجرد انه يستعمل اسم السنجك غير موفق
وأسالتك بخصوص السناجك أفرد لها بوستا خاصا ولا أظنهم سيضنون عليك بالاجابة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
السنجك
Tragie Mustafa
Saifeldin Gibreel
إسماعيل وراق
emad altaib
معتصم مصطفي الجبلابي
Mustafa Mahmoud
Abdelrahman Elegeil
Abdel Aati
lana mahdi
نيازي مصطفى
ود محجوب
فيس بوك
تويتر
انستقرام
يوتيوب
بنتيريست