|
|
 يا أعضاء القبيلة .. رحبوا معي بصديقتي الجميلة .. منى على الحسن
|
قبل ما اعرفها كانت معلوماتي عن الشوايقة انهم ( ناس مساخ ) ... ما بتعاشروا ...
جنهم طنبور .. ورقيص ... نسوانهم خشنات وكلامهم مر .. وبيحبوا التمر .. والقراصة التخينة ...
والتقينا في مساء ناعم يخطو بلهفة نحو ابواب الشتاء ...
كنا على وعد بصداقة امتدت .. تشعبت وزحفت .. غرست جذورها في عمق اسرتينا حتى اصبحت بقوة روابط الدم ...
كنا على وعد بتصحيح المفاهيم وتبادل الارث الثقافي عن الجزر المنفصلة التي اعتدنا العيش فيها والتحجج بانعدام الجسور لعدم معرفة الاخر الذي لا يشبهنا ...
عرفت من عشرتها انو الشوايقة ممكن يكونوا ناس حنان ( بضم الحاء ) .. ظراف ودمهم خفيف ...
بديت استطعم نغم الطنبور واتامل حركات الرقيص المتفردة ومعناها ...
كلمتني عن الجروف .. ونبات الطرفي .. بيوت الشمالية وحيشان الرملة ...
علمتني قطع القراصة .. وعواسة الفطير ... واكل الملاح ( الاخدر) ...
حكت لي عن مروي والبركل وتناقسي السوق ... نوري وكريمة ...
منى علي الحسن ... فتاة من الزمن الجميل ...
رحبوا بيها معاي ....
|
|
 
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: هاشم أحمد خلف الله)
|
Quote: الأخت مني علي الحسن طبتي وطاب بك المقام
وكل من ياتي عن طريق اختنا المبدعة البخيلة
سناء جعفر أكيد إضافة حقيقية لنا وللمنبر عموم
شكراً مرة اخري يا سناء وما تحرمينا من كتاباتك
الطاعمة وان احد مدمني كتاباتك ولو ما عارفة
هسع عرفتي . |
اخي هاشم ...
الانقطاع لاجل كتابة رواية طويلة استنفذت مني كل طاقتي واحتكرتني لنفسها ...
كنت ماملة اني انشرها مع بداية السنة الجديدة لكن الظروف حالت دون اكمالها ...
سعيدة بيك قارئ متابع ...
ومنى كتباتها لا تقل طعامة .. تابعها ...
تحياتي ...
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
طــــق خاااااص
الوريفه سناء جعفر ..
" ............." وما تبقي يصنعه الحنين ..
" مني ".. كانت تكتب معي بعيونها .. كتابة كاملة النقاوه ..كروحها السمحة
وحضورها البهي .. كبكائها " الشجي " في الغربة ..
كوصاياها " خلي بالك من نفسك " واكتمال الحنان ..
كصوتها " الآخذ " من الجروف واصالة النخيل ..
" سناء " .. " مني " هي اكثر ما يطمانني عليك .. ووجودكم يطمانني " علي " ..
هي الصاحبة في الزمن الصعب .. هي افضل من " يقرأ " في سودانيز اونلاين "
جاءت في وقتها .. فانا ساكتفي بالقراءة ..
" مني " عليك البوح ورحمة الله تعالي وبركاته
" سناء " عليك الشوق ورحمة الله تعالي وبركاته
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: خالد ماسا)
|
Quote: مني " عليك البوح ورحمة الله تعالي وبركاته
" سناء " عليك الشوق ورحمة الله تعالي وبركاته |
مـــاســــا ....
يا رجل من زمن ابيض .... ماذا نحن بدون الاصدقاء ؟؟!! ...
اصدقائي نجوما تضئ سمائي .. واشارات تحفظ لي مسارات الدروب ....
لولاهم لصار العالم اكثر قبحاً ... والليل اطول واشد سوادا ....
يا صديقي .. وعليك الشوق ورحمة الله وبركاته ...
وترقب بوح منى .. فهو اكثر سحرا مما مضى ...
تحياتي ...
| |
|
|
|
|
|
|
|
|
|
Re: أجمل خبر على مشارف العام الجديد (Re: lana mahdi)
|
Quote: بت ما ساهلة أبداً زيك يا سناء تماماً
كم أقدر و أقدس صداقات كصداقتكما ربنا يديمها و يحفظها للأبد
شكراً ليكي حبيبة إنك أهديت سودانيز و صديقاتك بالمنبر هذه الزهرة |
الحبيبة لنا ... جد اميرة وبت امرا ...
ما زالت ذكرى اللقاء الجميل مع اسرتك الرائعة عالقة بالذاكرة ...
ودائما انا ومنى بنونس بعض برقتك ولطافتك وكرم استقبالك وسلامك الحنين الذكرنا باهلنا في السودان ...
فخورة بمعرفتك التي اتمنى ان ترتفع الى درجة الصداقة ...
تحياتي للاستاذ يعقوب وللوالد والوالدة ...وكل افراد اسرتك الكريمة ...
| |
|
|
|
|
|
|
|
|
 Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
| Quote: ( ناس مساخ ) ... ما بتعاشروا ... |
كضب اليابانا دا
| Quote: جنهم طنبور .. ورقيص ... |
الطنبور صديقنا وعزنا وملجانا
| Quote: نسوانهم خشنات وكلامهم مر |
اووووب علييييا جبتي الفهم دا من وين ياسنوية اختي
لأنو نسوان الشوايقة مشهورات بحاجة غير خالص
حنينات ورقيقات وكلامن عسل ينقط 
| Quote: وبيحبوا التمر .. والقراصة التخينة ... |
وبنموت في القراصة المتمرة
والفطير بي اللبن
بس القراصة التخينة ( اربعة بوصة) دي حقت اخوانا آل التكرين والملوحة يبقالي كدي
| Quote: عرفت من عشرتها انو الشوايقة ممكن يكونوا ناس حنان ( بضم الحاء ) .. |
مفروض تكوني عرفتي انو الشوايقة ماممكن يكونوا غير انهم حنان حنان للطيش وبس
| Quote: بديت استطعم نغم الطنبور |
الله لو بشيشي تداعبو إيد فنانة
تتراقص جميع الدنيا بي أركانا
لو قلبك حجر وغنانا شايفو رطانه
أول ما يرن تلقاك طربتا معانا
إحساسك يذوب قامتك تميل طربانه
زي مرّ النسيم وكتين يداعب البانه
بيوت الطين القديمي
سلام ليك يعم يطوفك يحلّق في سماكي ديمي
| Quote: علمتني قطع القراصة .. وعواسة الفطير ... واكل الملاح ( الاخدر) ... |
همم همم هم
لو لم تأخذي منها شي غير هذا لكفاكي
| Quote: حكت لي عن مروي والبركل وتناقسي السوق ... نوري وكريمة ... |
| Quote: رحبوا بيها معاي .... |
مانا مشحودين آسناء
حباب مني واليوم السعيد اللينا جابك
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: ملكة سبأ)
|
Quote: الله لو بشيشي تداعبو إيد فنانة
تتراقص جميع الدنيا بي أركانا
لو قلبك حجر وغنانا شايفو رطانه
أول ما يرن تلقاك طربتا معانا
إحساسك يذوب قامتك تميل طربانه
زي مرّ النسيم وكتين يداعب البانه |
الملكة العزيزة ... الله والرسول ما تزعلا ...
ياخي قلنا دة كان الفكر زمن الجهل وقبل ما نعرفكم وندخل فيكم ونهواكم شديد ...
يا زولة هسة خلاص بقيت نص جعفرية ونص شايقية ...
وتصدقي ناوية بكل جدية اني امشي ازور الشمالية مع صحبتي .. وآكل فطير باللبن ... اها شن قولك تاني ...
تحياتي ...
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: انعام حيمورة)
|
Quote: قبل ما اعرفها كانت معلوماتي عن الشوايقة انهم ( ناس مساخ ) ... ما بتعاشروا ...
جنهم طنبور .. ورقيص ... نسوانهم خشنات وكلامهم مر .. وبيحبوا التمر .. والقراصة التخينة ...
والتقينا في مساء ناعم يخطو بلهفة نحو ابواب الشتاء ... |
في ضومتك شوفتليك زول فنان مسيخ؟؟
غايتو بس يا ناس الدنيا عندكم حركات
المهم اسه مرحب كبيييييره بمني علشان صاحبتك واصحابك اصحابنا..
وبعدين علشان غيرت ليك رأيك في قبيلتنا السمحه الفنانه
وبس خلاص..تعلي اتفشي في بوست الزهاجه بهناك..ومن دربي ده ماشيه اخت ليك غنا شايقي وصور نساء شايقيات مشلخات..كيتن فوقك
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: Muna Khugali)
|
Quote: في ضومتك شوفتليك زول فنان مسيخ؟؟
غايتو بس يا ناس الدنيا عندكم حركات
المهم اسه مرحب كبيييييره بمني علشان صاحبتك واصحابك اصحابنا..
وبعدين علشان غيرت ليك رأيك في قبيلتنا السمحه الفنانه
وبس خلاص..تعلي اتفشي في بوست الزهاجه بهناك..ومن دربي ده ماشيه اخت ليك غنا شايقي وصور نساء شايقيات مشلخات..كيتن فوقك |
منوية ... ولا اقول ليك منينة زي ما بادلع صحبتي الشايلة اسمك ؟؟
في ضومتي غيرت رائي ... وبقيت باريييدكم والله ...
وجاياك بهناك وعاوزة بنستي .. كنت حاخليها ليك لكن عشان هرشتيني حاطالب بيها بشدة ...
لك عميق الود ...
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: انعام حيمورة)
|
Quote: سناء يا اميرة ..
كل سنة وانتي طيبة .. وربنا يحقق الاماني الجميلة كلها ..
عارفة رد الملكة دا كفاني تب وضحكني ..
ودحين يا سنوية ماياها منى المشت معانا (ابوظبي) ولا وحدتن تانية ..
كان ياها خير وبركة ومليون مرحب بيها والكان وحدتن تانية حبابها الف ..
وتسلمي يارب |
نعومي ... ازيك ... وكل سنة وانتي طيبة ...
انشاء الله دائما ضاحكة ومبسوطة ...
ياها منى المشت معانا ابوظبي واكلت معانا السندويتشات في محطة البترول على الطريق ...
كان يوم جميل يا انعام .. انشاء الله تجينا تاني عشان نعيدو ...
تحياتي ... والله يسلمك من كل رضي ...
| |
|
|
|
|
|
|
|
|
 Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
مرحبا بالأخت منى الخير..
حللت أهلا ونزلت سهلا..
Quote: قبل ما اعرفها كانت معلوماتي عن الشوايقة انهم ( ناس مساخ ) ... ما بتعاشروا ...
جنهم طنبور .. ورقيص ... نسوانهم خشنات وكلامهم مر .. وبيحبوا التمر .. والقراصة التخينة ...
والتقينا في مساء ناعم يخطو بلهفة نحو ابواب الشتاء ...
كنا على وعد بصداقة امتدت .. تشعبت وزحفت .. غرست جذورها في عمق اسرتينا حتى اصبحت بقوة روابط الدم ...
كنا على وعد بتصحيح المفاهيم وتبادل الارث الثقافي عن الجزر المنفصلة التي اعتدنا العيش فيها والتحجج بانعدام الجسور لعدم معرفة الاخر الذي لا يشبهنا ...
عرفت من عشرتها انو الشوايقة ممكن يكونوا ناس حنان ( بضم الحاء ) .. ظراف ودمهم خفيف ...
بديت استطعم نغم الطنبور واتامل حركات الرقيص المتفردة ومعناها ...
كلمتني عن الجروف .. ونبات الطرفي .. بيوت الشمالية وحيشان الرملة ...
علمتني قطع القراصة .. وعواسة الفطير ... واكل الملاح ( الاخدر) ...
حكت لي عن مروي والبركل وتناقسي السوق ... نوري وكريمة ... |
عليييكم الله شوفو جنس الكلام ده..!!
بسحروك يا سناء يا أختى....بسحرووووك
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: Ishraga Mustafa)
|
Quote: ربنا يخليكن لبعض
والف مرحب بمنى وبملاحها الاخدر وريحة جروفها |
اللهم آمين ... تعرفي يا اشراقة في الغربة الشينة دي .. اهم شئ الصداقة ... الصداقة الحقيقية مش الادعاء والتظاهر ..
صداقة تبقى حيطتك لمن تتعب تتسند عليها .. تبقى غطاك لمن تبرد تتدفى بيها ...
تبقى زادك لمن تجوع وسترك لمن تعرى ...
احمد ربنا واشكر فضله لانو وهبني صديقة زي منى .. بت قلبها زي اللبن الحليب ... وجواها نضيف ونقي ...
شكرا لترحيبك يا اشراقة ...
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: AMNA MUKHTAR)
|
Quote: عليييكم الله شوفو جنس الكلام ده..!!
بسحروك يا سناء يا أختى....بسحرووووك |
امووووووووونة ... ازيك ...
انا مبسوطة بجية منى معاي هنا حسادة مني ... تعرفي ليه ؟؟؟ عشان تشاركني الادمان بسودانيز اونلاين وما ابقى براي باعاني ...
وزي ما انتي قلتي سودانيز اونلاين زي الفريك ما بيحبش شريك .... اها عاوزاها تدخل في المعمعة بتاعت الفريك والشريك دي ...
ليك التحية والمودة ...
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
Quote: عرفت من عشرتها انو الشوايقة ممكن يكونوا ناس حنان ( بضم الحاء ) .. ظراف ودمهم خفيف ...
بديت استطعم نغم الطنبور واتامل حركات الرقيص المتفردة ومعناها ...
كلمتني عن الجروف .. ونبات الطرفي .. بيوت الشمالية وحيشان الرملة ...
علمتني قطع القراصة .. وعواسة الفطير ... واكل الملاح ( الاخدر) ...
حكت لي عن مروي والبركل وتناقسي السوق ... نوري وكريمة ... |
تسلمي على البوح الدافئ والطاعم ده ياسنوية الغااااااااااالية
ووالله الشوايقة اماني ماحلوين وبحبهم ضمّي يعلم الله ..وبحبك انتي زااااااااااااتك في الله يازولة نقية جدا.. ربي يحفظك والف مرحب بصديقتك الجميلة مني الحسن
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: نادية عثمان)
|
Quote: تسلمي على البوح الدافئ والطاعم ده ياسنوية الغااااااااااالية
ووالله الشوايقة اماني ماحلوين وبحبهم ضمّي يعلم الله ..وبحبك انتي زااااااااااااتك في الله يازولة نقية جدا.. ربي يحفظك والف مرحب بصديقتك الجميلة مني الحسن |
نادية الحلوة ....
والله يا ندوية انا زاتي بقيت احبهم ضمممممممممممة ...
تسلمي يا رقيقة على التحية الناعمة ...
تحياتي ومودتي ...
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
Quote: عرفت من عشرتها انو الشوايقة ممكن يكونوا ناس حنان ( بضم الحاء ) .. ظراف ودمهم خفيف ...
بديت استطعم نغم الطنبور واتامل حركات الرقيص المتفردة ومعناها ...
كلمتني عن الجروف .. ونبات الطرفي .. بيوت الشمالية وحيشان الرملة ...
علمتني قطع القراصة .. وعواسة الفطير ... واكل الملاح ( الاخدر) ...
حكت لي عن مروي والبركل وتناقسي السوق ... نوري وكريمة ...
منى علي الحسن ... فتاة من الزمن الجميل ... |
ألـ1000ـف مرحب ..
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
يا احبائي الرائعين سلام
قبل كل شي بسم الله الرحمن الرحيم
ندخل باليمن يا حسن ود حسونه
عيني بارده ما اسحركم
اهاا يا انواركنيج ....ما بيحصل الحصل لي ملاسي
كل حبايبي الحلوين هنا من توأم روحي الي الناس البره
الشوق ليكم مطر هطال .....يرويكم ويفيض زي بحر الدميرة
عذرا الالف وعذرا مليون وكل الاعذار ليكم تنساق ....للتاخير
معليش المعايش جباره .....والظروف فوق تمن القاكم سريع
قبل أن ابدا التحية اجلالا واكراماً وروعة وضياء بلقائي بكم
اخجلني كرمكم وكرمكم ونقاء نفوسكم يا الله كم الوطن بي عافية حتى العضام
كونوا دوما كما هنا تجبروا الخاطر وتزيلوا الهم وتجعل للحظات في الغربة معنى
ابداكم فردا فردا غنا وبهجة يا اخوتي ...غنوا لنا اليوم وهنانرفع راية استقلال وكل سنة وأنتم
والوطن بخير وعافية وهنااناس يحملوا مشاعل الامل للغد آتي لا محالة ....
فرحة نابعة من قلب يا بلادي من كل قلب يا ببببببببببببلادي
فعذرا اذا اتي ردي بهذا التاخير ...ولك مني كل المحبة والتقدير
| |
|
|
|
|
|
|
|
|
|
Re: يا أعضاء القبيلة .. رحبوا معي بصديقتي الجميلة .. منى على الحسن (Re: sanaa gaffer)
|
وودت أن أهديــكِ شــــيئاً
ليس فى الحُســـبان
قولي النجم إن ُرمتِِ
أو زهراً من البركان
لعلني أحلم
لكنني أعلم
في القول نقص بيان
( أحمدالغالى )
يا أجمل البشــر البنات
منى الحســن
قدُر كيف
محتاجك تبقى حروف
أو دقّــت طار
أو ريحة مويه
ورمله وطاقه
وباقى الحلم الباقى عليكِ جروف
بتخـــدَر بيك الفرحه
وأهلاً جداً ...
خشي جدار الروح
وتعالى هناك فى الجوف
مني الوريفه التى لا أعرف أوصفها
كما الأخــرى التى تنفح عبير الياسمين
توما ...
...
..
.
2008
فال يتشـــح سمة الفرح علينا جمعياً
وفرحان بيك مليان
| |
|
|
|
|
|
|
| |
نها محسن أبورأس
محمد عثمان محمد طه
هاشم أحمد خلف الله
خالد العبيد
غادة عبدالعزيز خالد
اسعد الريفى
Tragie Mustafa
على عمر على
HAYDER GASIM
نهلة عمر
waleed500
خالد ماسا
ALGARADABI
lana mahdi
حسين محي الدين
فيصل نوبي
ملكة سبأ
emad altaib
انعام حيمورة
Muna Khugali
Elawad Eltayeb
هند محمد
أبو الحسين
معتصم محمد صالح
بهاء بكري
عبدالكريم الامين احمد
Ishraga Mustafa
مهيرة
Tagelsir Elmelik
تاج السر محمد حامد
عبّاس الوسيلة عبّاس
نجوان
خالد حاكم
Alsa7afa_30
محمدين محمد اسحق
Emad Abdulla
doma
Adil Osman
ماجدة عوض خوجلى
Raja
طارق جبريل
AnwarKing
عبد العظيم احمد
معروف حمدين
فيس بوك
تويتر
انستقرام
يوتيوب
بنتيريست