|
|
|
 Re: ندوة الأستاذ الحاج وراق بواشنطون (Re: سمندلاوى)
|
(نواصل)
بشكل عام أنا بفتكر إنو المسيرة الإنسانية هي مسيرة بتاعت البحث عن الحرية و أفتكر إنو الديمقراطية اللبرالية أسست الحرية السياسية بشكل ناجز و حاولت الحركات الإشتراكية و الحركات الإجتماعية إنها--في السياسة, اللبراليين هم مع غالبية المجتمع لأنو في النهاية الديمقراطية هي حكم الأغلبية البتيح للأقلية إنها تتحول لأغلبية, لكن في الإقتصاد اللبراليين كانوا مع القلة ضد الأغلبية, بالعكس, الإشتراكيين و الإجتماعيين كانوا مع إقتصاد بلبئ مصالح غالبية المجتمع. عشان كدا ممكن نقول هم مع حرية الإنسان في الإقتصاد Unfortunately ما كانوا مع الحرية السياسية لعقود طويلة جدا و لذلك العدالة الإجتماعية نفسها ما تحققت.
و الحاجة التالتة إنو لا اللبراليين لا الإجتماعيين أو الإشتراكيين ما لاحظوا مسألة الحرية في المجال الشخصي. الحرية في المجال الشخصي يعني الناس الغلبوا مصلحة المجتمع في الإقتصاد في الحيز الشخصي كانوا مع الخيارات الفوضوية-- الشذوذ الجنسي أو المثلية الجنسية. طبعا (يعني) بقت ماPolitically Wise تتكلم عنها كا شذوذ (يعني) لازم تقول مثلية جنسية. I Do Believe إنها شذوذ جنسي لكن, المهم دي من الحريات- وقفوا مع حريات هي بتاعة الفرد الفوضوي المعزول مش حرية النوع, الإنسان مش حرية المجتمع.
و لذلك الجانب التالت ده أنا ممكن أسميه حرية الروح. اللهو أنت لمن تكون Disciplined, actually أنت بتكون حر. فكأن ما إنو لمن أنا أكون عبدا لأهواي عمليا أنا ما بكون حر. اللهو زي ما إنو لمن الواحد يدخن هو عبد للتدخين و ما حر تجاه التدخين.
فكأنو إنو في طابق تالت للحرية ده ممكن يعطيه الشرق بتجربتو التاريخية. اللهو الشرق أصلا إهتم بقضايا الروح و دا اللي أنا بفتكر ممكن يضيفو التصوف.(نكمل موضوع التصوف مساء اليوم ثم نواصل)
| |
 
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
و دي حاجة غريبة في ناس كتيرين بسخروا من إنو والله كيف أنت تكون عندك علاقة بالتصوف و كدا.
فأنا بفتكر إنو ال Libralisim حاولت تقيد السلطة السياسية, تعمل طوارد للسلطة السياسية لصالح حرية الإنسان, و حاولوا الإشتراكيين و الإجتماعيين يقيدوا آليات السوق لحرية الإنسان و التصوف حاول يقيد حرية الأهواء لصالح الإنسان, عشان كده أنا بفتكر كلها حاجة واحدة, كأن ما هو طابق من تلات (يعني) درجات هو طابق الحرية و أنا مع الحرية دي و بفتكر إنو التصوف بقدم إجابات ما تزال معاصرة و التصوف اللي ممكن زي ما الآن في ثقافة إنسانية هي ثقافة حقوق الإنسان, هو بقدم تجربة روحية إنسانية لأنو في تصوف مسيحي وفي تصوف يهودي و في تصوف بوذي و في تصوف مسلم و كذلك وأنا أزعم إنو في تصوف إلحادي.
I Do Believe إنو جيفارا كان متصوف و عشان كده المسألة (يعني) هي أعقد مما تبدو, اللهو القدرة على إعطاء نفسك للمجموع أو الكل أو للأنا المطلق هي دي التصوف, حتى لو كان إطارها إلحادي.
فعشان كده جيفارا هو متصوف و كذلك أبو ذر و دكتور قرنق.
و لذلك -- (يعني)-- إسحاق أحمد فضل الله was so astonished لما هو قال إنو دكتور قرنق ? و إنتوا كم? و أنا active, قلت ليه إنو لا (همهمة من المتحدث و لغة جسمية و أردف قائلا--Go to hell) لأنو هو, نحن according لي حاجات كتيرة بنفهم المسائل ما بالبساطة دي وطبعا واحدة من ميزات التصوف هي تعددية المعنى اللإنو التأويل مش إنك تفهم المسائل في ظاهرها إنو دائما الحاجات عندها معاني متعددة و مستويات متعددة في المعاني.
ده, ده المنظور الأنا بتبناه الآن عشان برضو المسائل تكون واضحة, إنو منطلقات كل شخص هي شنو (يعني) و الإيضاحات دي مهمة لأنو يعني واحد من ال الهسع بروج (يعني) إنو أنا actually دعتني الحركة الشعبية و جيت أمريكا للحركة الشعبية which is not true, أنا ما خجلان منها لكن دي ما الحقيقة (يعني) دي نفس ما حدث, مرة مشيتا نيالا في عمل إغاثي (يعني), في نيالا قام دعونا (يعني) ناس جميليين جدا, جنوبيين مسيحيين, فعملوا لينا عشاء, كل الوفد -- مشينا نودي بطاطين للنازحين حول نيالا-- فبعدين طبعا معانا ال resources, ال security resources, فل العشاء قاعدين فأنا قلت في العشاء-- كل ناس بقولوا خطبة و كدة, فقمت إتكلمت عن علاقتي أنا بالمسيحية في الإختفاء, إنو أنا في الإختفاء, كنت في إذاعة إسمها حول العالم بعد مونتكارلو تنتهي في راديو مسيحي, و أنا في الإختفاء لنت بسمعو يوميا و بقرأ الكتاب المقدس و كذا و قمت حكيت نماذج زي دي, علاقتي في الإختفاء بالمسيحية فقام بكرة طوالي في نيالا كلها إنو الحاج وراق مسيحي و قال إنو هو مسيحي (ضحك من الحضور)
و نواصل--
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Raja)
|
و هسع (يعني) طوالي يبقى إنو (يعني) طبعا في النهاية (يعني) أنا شخصيا بفتكر إنو whatever الموقف ال critical تجاه حزب من الأحزاب في قوة التقدم و الإستنارة كلنا نحن تيار واحد, كلنا تيار واحد. صحيح إنو تختلف مع الحزب الفلاني في القضية الفلانية و إيضاح المواقف مرات بطلب المسافة النقدية إنها تبدو أكبر مما هي في حقيقتها (يعني) مرات لازم توضح المواقف وده بالضبط أنا ما حدث لي حقيقة كشخص (يعني) تجاه الحزب الشيوعي (يعني) فترة طويلة أكان الواحد داير يقول إنو والله
I am no longer a communist عشان كده دي تم الحاح عليها أكثر من إنو والله (pause)
برضو الحزب الشيوعي جزء من قوة التقدم و الإستنارة في السودان و الفروق معاه ما فروق كبيرة, لكن كان لازم الواحد يلح على المسألة دي عشان يقول إنو هو ideologically حصلت فيه قطيعة ما في تفكيرو وده لازم الناس يكون يعرفوها (يعني).
أنا I do respect الحركة الشعبية و أنا صديق للحركة الشعبية لأنو الحركة الشعبية هي حركة بتاعت مستضعفين و أنا مع المستضعفين بلا تردد و لذلك أنا أدعم الحركة الشعبية في سعيها لرفع الضيم على المستضعفين و إذا الحركة الشعبية أخطأت أو إنتهكت حقوق إنسان أو كدا, أنا مستعد برضو لإنتقادها بكل جرءة (يعني).
(نواصل-الجزء التالي هو عن موضوع الندوة الفعلي)
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
الأونة الآخيرة وأنا جاي, حدثت عدد من الأحداث, أنا داير أعمل بيها Panorama عن ما يجري. حقيقة أنا قبل شوية في فطور رمضان قعدت مع ناس رفيعين جدا (يعني) ووكان في مناقشة عميقة جدا بأمانة شديدة جدا, أدتني إحساس هل في معنى لكلامي زاتو? لأنو (يعني) أنا وجدت ناس عميقين جدا وأنا ممكن أستفيد منهم أكثر من ما يستفيدوا مني حقيقة, لكن المهم (يعني) نقول حاجات و المناقشات بعد داك هي ممكن تغني أفكارنا كلنا مع بعضنا البعض.
عدد من الأحداث آخيرا ممكن نقول أنها هي بتشكل Tendency الآن في السودان:
* إعتقال مبارك الفاضل.
* إعتقال الأستاذ علي محمود حسنين
* إرجاع الرقابة الأمنية على الصحف
* مصادرة السوداني و إعتقال محررين منها
* مصادرة الصحافة
* مصادرة الميدان
* الهجمة على مكاتب الحركة الشعبية في الخرطوم
دي كلها Trend أنا ممكن أقول إنو بتأكد Tendency واضحة جدا إنو وعود إتفاقية السلام لا تتحقق.
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
و أن إتفاقية السلام عملت وعود كبيرة جدا, قد ناس ما شاركوا في الإحساس بالوعد ده, أنا شخصيا كنت شريك في الوعد ده و روجت للوعد ده.
ببقى السؤال المشكلة وين?
إنو ليه إتفاقية السلام... (المتحدث لم يكمل السؤال و واصل) و أنا ما مع الناس البقللوا من إتفاقية السلام كنص, حقيقة (يعني).
إتفاقية السلام كنص at least الدستور القائم الآن, ألفين و خمسة-- 2005-- مادة سبعة و عشرين--27-- ده Break-Through في تاريخ السودان و Break-Through في تاريخ الدساتير في المنطقة كلها حقيقة, ال .Bill of rights
ال Bill of rights دي البتقول المادة سبعة و عشرين --27-- إنو كل مواثيق حقوق الإنسان صادقت عليها حكومة السودان جزء من الدستور و إنو أي تشريع يسقط, ينتقص, أو يصادر الحقوق و الحريات دي, غير دستورية. دي المادة 27 يعني ده Break-through حقيقة.
لكن المهم الوعود دي الآن لا تحقق, واحد من المساهمين في ال Break-through, و صياغة ال Break-through الأستاذ علي محمود حسنين نفسه و الأن هو معتقل.
فيبقى المشكلة وين ?
أنا بفتكر واحد من المشاكل هي Checks and Balances القامت عليه إتفاقية السلام و ترتيبات ما بعد إتفاقية السلام و Checks and Balances إعتمد على اللحظة التاريخية المحددة و السياق التاريخي المحدد مش على ضوابط و توازنات ذات طبيعة عمومية. عشان كدة أنا بفتكر ال Checks and Balances في الرئاسة إعتمد على وجود, Specifically, دكتور قرنق. عشان كده, برحيل دكتور قرنق, أنا بفتكر إنو ال Checks and Balances حصل ليه في الفترة الأولى إرتباك.
و طبعا الرحيل بتاع دكتور قرنق ما ممكن يكون حدث (يعني) ثانوي. فهو القائد و المؤسس بتاع الحركة الشعبية و مفكرها (يعني) إتفقت فيه صفات كثيرة جدا, إنو أكاديمي و عسكري و سياسي و لذلك بعد رحيله مباشرة حصل إرتباك في الحركة الشعبية و الإرتباك ده أتاح للمؤتمر الوطني إنو يلغم صفوف الحركة الشعبية نتيجة لأسباب بتاعة خلافات شخصية Historical مع التيم team بتاع قرنق--التيم الكان يستندعليه قرنق-- حصل إختراق للمستويات القيادية في الحركة الشعبية و ممكن تقول إنو في الفترة الأولى بتاعة رحيل قرنق كأن ما إنو المؤتمر الوطني شال المكنة بتاعة الحركة الشعبية و خته مكنة بتاعة المؤتمرالوطني داخل الحركةالشعبية وده عمل إرتباك كبير جدا.
الآن الحركة gradually recovering, بشكل واضح recovering لكن المهم إنو الإرتباك ده كان عندو نتائج كارثية على تنفيذ إتفاقية السلام.
الحاجة التانية إنو قرنق كان إنو challenging للمؤتمر الوطني. المؤتمر الوطني إتطر عشان to confront ال challenge ده, إنو يجيب الناس ال the best من النخبة بتاعتو --النخبة ال politicians, intellectuals و كدا. مجرد ما التحدي غاب, صعد الطاقم العسكري الأمني داخل المؤتمر الوطني نفسه. عشان كدا بقى حتى النخبة العندها strategic mind في المؤتمر الوطني, التفهم مصالحها, إنو ما عندها مصالح مطلقا مستقبلية إذا ما طهرت نفسها بإتفاقية السلام. ديل ناس بعرفوا مصالح المؤتمر الوطني نفسه, ما عندو مستقبل بدون إتفاقيةلاالسلام, مهما يعمل.
(to be cont.)
(عدل بواسطة Kostawi on 09-18-2007, 10:21 PM)
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
لكن ديل نفسهم تم Marginalization ليهم لصالح الطاقم العسكري الآن, و عشان كده بقى حقيقة, إتفاقية السلام بنفذها طاقم ما مقتنع بيها. المؤتمر الوطني, الطاقم الحاكم الآن هو غير مقتنع بإتفاقية السلام. وطبعا دي معناها واحدة من ال conclusions إنو either تغير الطاقم أو تغيير المؤتمر الوطني أو الإطاحة بإتفاقية السلام. يعني أصلو واحدة من ديل.
(نواصل: دارفور - موارد النفض.....الخ)
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
شكرا أخ كوستاوي
وأنت تقوم بعمل مضني وشاق ,
خاصة مع الصيام وظروف العمل
بل وظروفك الشخصية والإجتماعية
... فمقدر جهدك .
لكن ... وطالما أنك تعرض الندوة وزي ما
حصلت { يعني بي ضبانتا } كما يقولون ,
فلماذا لا تعرض التسجيل الكامل للندوة
مباشرة ... وسواء أكانت صورة وصوت
... أو إن كان الصوت لوحده ... ؟
علما بأن كلام المتحدث بصوته ... أوقع
من حديثه مكتوبا ...
... وجهة نظر.
مع مودتي
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: HAYDER GASIM)
|
Quote: فلماذا لا تعرض التسجيل الكامل للندوة
مباشرة ... وسواء أكانت صورة وصوت
... أو إن كان الصوت لوحده ... ؟
علما بأن كلام المتحدث بصوته ... أوقع
من حديثه مكتوبا ...
... وجهة نظر. |
نحترم جدا وجهات النظر
و رمضان كريم يا حيدر
الحقيقة دي تاني تجربة لي أنزل شغل بي ضبانتو في النت
الفيديو طبعا أسرع وسيلة للمتلقي و لكن أصعب Medium
للتعامل السايبيري.
في مكتبة العم صالح بكر أبو بكر تنعدم الشفافية تجاه الفيديوات
و في مكتبة صالح بكر أبو بكر تتوفر الشفافية الضبانية
إذا السعال محول لصالح.
و سؤال للأخ حيدر
لو في ندوة مدتها ساعتين (video)
هل ممكن و ضعها في سودانيزأونلاين?
لو بتعرف تعمل دي
خابرني
تلفوني 8371-206-301
و لكم رمضان سعيد
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
أيضا واحدة من المشاكل أيضا النتائج الكارثية بتاعة دارفور- الحرب في دارفور. بالإضافة إنها هي وتضد و عززت الطاقم العسكري الأمني في المؤتمر الوطني, كذلك هي خلت إنو المؤتمر الوطني ما عندو, النخبة الحاكمة فيه, ما عندها إستعداد كبير لتحول ديمقراطي لأنو خلاف إنها ممكن تخسر السلطة السياسية بقى عندها مشكلة إنو هم متهمين بإرتكاب جرائم حرب, و بالتالي قبولم للتحول الديمقراطي وتداول (?) من السلطة ده ممكن يؤدي لمحاكمتهم كمجرمي حرب.
عشان كدا بقت المسألة بالنسبة ليهم zero game.
يعني بتشبثوا بالسلطة و يقلعوا التحول الديمقراطي حتى لو ده يؤدي الى خراب البلد, حتى إنو ما يخسروا رقابهم (يعني).
و أيضا واحدة من المشاكل-- اللهو حقيقة د.إبراهيم البدوي و د. عطا الطرحاني أشاروا ليها. اللهو مسألة الإقتصاد الريعي أو العائد الريعي إنو إرتفاع عوائد النفض خلا إنو النخبة الحاكمة ما عندها مصلحة في نظام قائم على الشفافية و المراقبة والمساءلة في فوائض
زمان أصلو الدولة السودانية دولة (كحيانة)
لكن الأن عندها موارد ضخمة جدا
طيب بقت الموارد الضخمة دي
في ناس عندها مصلحة إنها ما يكونوا هم accountable لأي جهة إنو الموارد دي بتمشي وين!!
خصوصا مع الإرتفاع الكبير -- لما تم توقيع إتفاقية السلام كان البرميل بخمسة و عشرين دولار --25$-- و الليلة أكتر من ستين -- 60$ دولار (صاح أحد الحضور 80$) أها تمانين دولار.
فواضح إنو دي مبالغ ضخمة جدا فبقى في ناس عندها مصلحة إنو المبالغ الضخمة دي--
خلاص, دي الدجاجة التي تبيض ذهبا
ما ممكن يسمحوا ليك إنك أنت شريك في معلوماتها و شريك بأنها تخصص وين.
(نواصل)
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
عزيزي كوستاوي
سلمات
حين إستضفنا الأخ د. صلاح البندر فى تورنتو , وقد كان زمن
الندوة مشابها لحالكم { زي ساعتين } فقد إستطاع الأخ محجوب
عبدالله إنزالها فى شكل أجزاء من واحد إلى حداشر , يعني ممكن
تتنزل ... أما أنا شخصيا فلا أعرف كيف يتم ذلك { مطاطئ الرأس }
عموما أكا قربت تنتهي أستمر يا زول على الطريقة الضبانية هذه ,
وإلا ففي إمكانك مخابرة الأخ محجوب وهو عضو بيننا في هذا البورد .
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
يغادرنا اليوم الأستاذ الحاج وراق الي مدينة فلادلفيا بولاية بنسلفينيا و التي سف يمكث بها مدة خمس أيام متوجها بعدها لمدينة جاكسون بولاية المسيسبي و يغادرها لمدينة سلت ليك ستي بولاية يوتا و تنتهي رحلته عند مدينة منيابلوس بولاية منسوتا و بعدها سوف يعود الي أرض الوطن.
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: حسن بركية)
|
Quote: و عشان كده المسألة (يعني) هي أعقد مما تبدو, اللهو القدرة على إعطاء نفسك للمجموع أو الكل أو للأنا المطلق هي دي التصوف, حتى لو كان إطارها إلحادي.
|
كيف يكون إعطاء النفس للمجموع فى إطار إلحادى؟
واحـد يفتكر انو الله مافى، ومافى اخرة ولا حساب ولا يحزنون، وحياتو ياهـا القدامو
دى بس.. يضحى للمجموعـة خبارو؟!! جن؟
وهل جيفارا كان مواطنـا عاديـا أم قائداً؟ اليست القيادة والسلطـة أكبر حافز؟
ثم الم تفشل حكاية التضحيـة بدون مقابل دى فى روسيـا فى أواخر الستينات واوائل
السبعينـات، حتى تم تعويض المنتجين من المزارعين فى روسيـا بما سمى بحوافـز
ليبرمـان؟ لأنه لم يجد حوافز روحيـة يضحى من أجلهـا؟
بعدين موضوع نقـد الحكومة السـودانيـة! هل هـذه كانت الشـروط عندمـا قدموا له
الدعـوة فى الســودان، وتم تذكيـره بها، أم كانت ملحقـا للدعـوة فاجؤوا به
الحاج وراق بعـد وصوله؟ وعلى كل حال، الم تكن أكبر مشـاركـة للحاج وراق
فى هـذا المؤتمـر أن يجســد رايه فى الحريـات، بأن يقول للأمريكـان أن من يتحدث
اليهم ســودانيون، والحديث عن حريات الأديان وغيرهـا فى السـودان، وأنه لا يشـارك
فى مؤتمـر تشريفات صـورى لا يحترم المواقف التطبيقيـة للأفكـار، ثم يعود للسودان؟
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
أيضا واحدة من المشاكل-- اللهو حقيقة د.إبراهيم البدوي و د. عطا الطرحاني أشاروا ليها. اللهو مسألة الإقتصاد الريعي أو العائد الريعي إنو إرتفاع عوائد النفض خلا إنو النخبة الحاكمة ما عندها مصلحة في نظام قائم على الشفافية و المراقبة والمساءلة في فوائض
المقصود دكتور عطا البطحاني وهذا تصحيح يا صديقي كوستاوي
وهو من الوجوه المشاركة بفعالية للانارة وازالة الجهل فهو استاذ
بجامعة الخرطوم
لك الحب والسلام ومجهود مقدر كوستاوي
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
أيضا في أشياء ساعدت في إنو الوعود دي ما تتحقق, أنا أفتكر إنو واحدة من المشاكل الحقيقية, عدم وحدة القوة السياسية و منظمات المجتمع المدني على موقف موحد, خصوصا من إتفاقية السلام ودا أتاح للمؤتمر الوطني فرصة ذهبية حقيقية. القوة السياسية صحيح إنو أغلبها رحب بإتفاقية السلام, لكن كلها عملت مواقف أنا أفتكر إنو فيها مشاكل, لأنو (يعني) بالنسبة للقوة السياسية الشمالية-- القوة الديمقراطية في الشمال-- ركزت على الديمقراطية و التحول الديمقراطي و ما ركزت على السلام و ما لاحظت إنو -- ده طبعا إنتا(يعني) ده كلام كتير جدا-- في مناقشات شخصية بقولا للسيد الصادق المهدي, إنو إنتا you are not an intellectual أنت politician , فإنتا إذا politican
whatever you like, what ever you want المهم إتفاقية السلام بالنسبة للحركة الشعبية و الجنوبيين دي Bided
Bided, و أنا كمثقف ممكن آخد عشرين تحفظ حولها-- إنو الثنائية عملت...عملت.....عملت إلى آخرو, لكن إنتا إذا داير to engage مع الحركة الشعبية لازم تفهم إنو هي بالنسبة ليهاالإتفاقية دي Bided حقيقة. طيب خلاص إنتا إذا داير تشتغل سياسة لازم تبدأ من هنا, تبدأ من إنو الإتفاقية دي بالنسبة لطرف إنتا حريص عليه هي bided
طيب
Unfortunately القوة السياسية ركزت على الديمقراطية و ما ركزت على السلام وده طبعا بالنسبة للجنوبيين إنو هو برضو ليه علاقة بي ال Human rights هسع في ناس كتار جدا يقولوا ليك إنو والله الإتفاقية في الجنوب ما حصل أي حاجة!!!
في الجنوب حصل حاجة, لأنو الناس بقوا ما بتقتلوا و ما بودوهم البيت الأبيض يعذبوهم و يقتلوهم. يعني ده change كبير جدا في الجنوب. الحق في الحياة ده طبعا واحد من أهم حقوق الإنسان وده عملتو الإتفاقية at least للجنوبيين, ولذلك ده-- طيب, الحركة الشعبية ركزت على إتفاقية السلام وعلى السلام و لم تراعي-- و طبعا ده أنا ممكن أخش فيه في تفصيل بعد شوية -- ما راعت إنو التحول الديمقراطي هو ضمان تنفيذ الإتفاقية نفسها, و أصلا الؤتمر الوطني عايز يعزل الحركة الشعبية من القوة السياسية الديمقراطية في الشمال عشان يضعفها ثم يقسمها ثم لا ينفذ إتفاقية السلام, و طبعا بالنسبة للقوة الديمقراطية-- القوة السياسية في الشمال-- أصلا إذا عزلت الحركة الشعبية من التحول الديمقراطي مستحيل في السودان, التحول الديمقراطي بدون الحركة الشعبية مستحيل.
لأنو هي أهم قوة...هسع هو الهجوم على مقار الحركة الشعبية ده هو ما هجوم بتاع nerve ناس got nervous لأنو هم فاهمين إنو (يعني) في ناس كتار جدا دايرين التغيير, دايرين التغيير و دايرنو بصورة إنتا ما تقدر توديهم المعتقل لأنو عايزين التغيير, فنعطفوا تجه الحركة الشعبية, بقوا عايزين التغيير عبر الحركة الشعبية. الرسالة من المؤتمرالوطني: إنو إنتا إذا داير التغيير و دخلت الحركة الشعبية لن تكون في مأمن مننا, بنجي نفتش و نكسر الدور بتاعك, عشان كده أحسن ما تمشي الحركة إنو, فأحسن ما تمشي , لأنو في الحركةالشعبية برضو بنعتقلك و نكسر دارك و بنعمل ليك أي حاجة (يعني) دي ال message. لكن any how الحركةالشعبية عندها جيش كامل و عندها منطقة كاملة وطبعا it can retaliate يعني ممكن تمسك مكاتب المؤتمر الوطني في الجنوب و كلها تقفلا, هم ما عاوزين يعملوا كده, لأنو أكثر مبدئية من المؤتمر الوطني, لأنو ده violation بتاع Human rights, أنا ناقشت ناس من الحركة الشعبية, ما دايرين الخيار ده. ممكن يقفلوا مكاتب المؤتمر الوطني في الجنوب كله,ا و ممكن يفتشوا ناس المؤتمر الوطني في الجنوب كله, و ممكن يقبضوهم برضو. عشان كده إنتا الطريقة البتتعامل بيها مع قوة التغييرالأخرى مستحيلة تجاه الحركة الشعبية, و عشان كده ده زول روحو محرقاه بس, يعني ده زول ما بعرف يحسب سياسة حتى, ما بعرف يحسب سياسة. لأنو إذا الحركة الشعبية ردت بالمثل , هم بدخلوا في مشكلة كبيرة جدا. مشكلة كبيرة خالص.
المهم في المسألة إنو, المؤتمر الوطني إستطاع يلعب على القوة السياسية و يبعض أجندتها,
و يضرب كل جند بالجند الآخر, وكل قوة بالقوة الأخرى..
(بي بيع) للقوة السياسية الشمالية إنو شايفين الحركة الشعبية باعتكم!!!.
خلاص سابت التجمع وكده, و الى آخره.
شايفين!!!
سابوكم خلاص!!!
و هم قاصدين يلحوا على الفكرة دي.
نواصل--
(عدل بواسطة Kostawi on 09-28-2007, 03:06 AM)
(عدل بواسطة Kostawi on 09-28-2007, 04:01 AM)
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
آخر مرة أتذكر في المظاهرات بتاعة السكر, قاموا إستدعوا ناس من بدري, من الصباح, أنا و معاي أخر, أو أنا مع آخرين (يعني)
فاااااا بعدين ببرمجوا بيك كده (إبتسامة عريضة من المتحدث...مواصلة) بتاعين الأمن. يتونسوا بيك كدا لمن يكونوا قاصدنك.
فواحد من البرمجة دي زاتها بتاع الأمن قال لي:
إنتا عارف القبضكم منو?
صلاح قوش برا السودان, قبضكم مجاك!!!
مجاك ده عارفنو شنو? عارفنو شنو?
قلت ليه آي عارفو.
قال لي مجاك في لغة الدينكا معناها بقرة.
فعلا قبضكم البقرة ده.
قلت ليه, هو لو قبضنا هو, إنتا ما بتقدر تقول هو بقرة, عشان كدا نحن عارفين القبضنا منو, نحن عارفين القبضنا منو.
و طبعا هو الكلام الزي دا ما بقدر يقولو عن قوش.
لأنو هو حقيقة قبضنا ناس قوش و التيم (team) بتاعو (يعني).
(المتحدث بنبرة جادة جدا)
لكن هم دي فكرة دايرين يرسخوها, إنو المساواة ما بين الحركة الشعبية و المؤتمر الوطني-- و أنا قاعد أقول كتير جدا-- إنو مهما يحدث, المساوة بين الحركة الشعبية و المؤتمر الوطني غير أخلاقي إنك to equate between الحركة الشعبية و المؤتمر الوطني....--غير أخلاقي!!!
لأنو مهما كان, الحركة الشعبية, مهما عملت, لو ما هي, الناس ديل كان فجخونا في الشوارع,
في الخرطوم (حقيقة)
نواصل----
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
عشان كدا (آيي) نحن as intellectual طبعا لازم critical تجاه الحركة الشعبية و نقول غلطت و كدا و إلى آخره...لكن ما ممكن to equate it مع المؤتمر الوطني, ده ما أخلاقي.
و ببيعوا للحركة الشعبية فكرة إنو أنحنا الوحيدين مع إتفاقية السلام, لو جاكم حزب الأمة دا حا يلغي الإتفاقية, لو جا الإتحادي...ديل كلهم ما جلابة!!!
ديل السودان القديم, كلهم!!! دا كلو السودان القديم. و طبعا حقيقة المساواة ما بين الفاشية و حزب الأمة ولا الإتحادي ولا الحزب الشيوعي دا خطأ فكري و سياسي, كلو (يعني). إنتا ما ممكن تساوي بين الفاشية و حزب الأمة...Whatever حزب الأمة, (آيي) جزء من سودان قديم, ولا حزب برجوازي, ولا حزب رجعي ولا whatever you say لكن ما ممكن يكون هو زي الفاشية. عشان كدا في فرق جزري ما بين كل الأحزاب السياسية السودانية و المؤتمر الوطني, لكن هم ببيعوا الفكرة دي عشان to isolate و عشان to divide إنو...طيب لو حزب الأمة لو جا السلطة, إذا عايز أو ما عايز, إتفاقية السلام مش بحميها حزب الأمة برغبة حزب الأمة, بيحميها at least (?), عشان كدا حزب الأمة Whether it likes or not هو لازم يتعامل مع وضع قائم, إنو الإتفاقية دي بسندها جيش , و بسندها قوة دولية و غيرو وغيرو, عشان كدا ما بقدر يلغي إتفاقية السلام ببساطة شديدة جدا. و بعدين هي إتفاقية السلام, إذا ما إستطاع يلغيها الحزب الفاشي, يستطيع يلغيها حزب مدني?
و الآن إتضح إنو أهم خطر على إتفاقية السلام هو المؤتمر الوطني ليس أي حزب آخر, عشان كدا هي دي كلها tactic, tactic عشان to divide و عشان تبعض الأجندة. الديمقراطية تبقى براه, و السلام تبقى براه, و الوحدة يبقى براه...الخ.
و Unfortunately القوة السياسية ما إستطاعت to compact أجندة المؤتمر الوطني في تفربعها, و عشان كدا ما ذال في ضعف شديد جدا, لأنو simply الناس مبعثرين و مشتتين و كل زول ماسك جزء من الفيل. زول ماسك أضان...و زول ماسك....
أنا كنت كثير جدا في ناس يقول ليك إنو مشكلة أبياي....مشكلة أبياي...ناس يقولوا ليك مشكلة عدم رسم الحدود...مشكلة النفض, فبقول ليهم هي ما مشكلة أبياي ولا مشكة رسم الحدود, دي مشكلة المؤتمر الوطني, is one problem هي المؤتمر الوطني. ما مشكلة أبياي ولا مشكة رسم الحدود ولا مشكلة Census ولا مشكلة....في مشكلة إنو الطاقم المتنفذ الآن في المؤتمر الوطني هو ضد إتفاقية السلام!!! دي المشكلة.
طبعا إذا ما سميت المشكلة بإسمها و مافهمتها ما بتقدر تخت ليها حلول صحيحة, يعني إذا قعدت تشوف المشاكل جزئيا (يعني) أبياي براها, و ال borders براها كدا, إنتا ما بكون عندك تصور حول إنو ال way out (يعني)..و نحلها بجاي تجيك المليشيات....مش كدا? و هكذا..
طيب, الحركة الشعبية أصلا, يعني أنا أفتكر إنو الشهيد الراحل قرنق كان عندو وضوح نافذ حول القبائل, و أنا قلت في الذكرى الثانية--(نواصل)
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
حبل المهلة
وراق في أميركا..!!
قرشي عوض
هذه الأيام يطالعنا أستاذنا الجليل الحاج وراق عبر الشبكة العنكبوتية، وهو يحاضر الجالية السودانية بعرض الولايات المتحدة الأمريكية وطولها.
ولم أعد نفسي من قبل للكتابة عن هذا الرجل رغم وضوح معالم شخصيته واستقامته في التفكير والممارسة، فهو من هذه الناحية سهل ميسورالإطلاع، ولكني لسبب ما كنت أحس أنه ما حان وقت الكتابة عن رجل مثل الحاج وراق وهو مازال قادرا على أن يشغل الناس من فلادلفيا في أميركا إلى أم درفة في النيل الأزرق بالسودان، نسبة لمقدرته الفائقة على إغناء القاموس السياسي في السودان بالمفردات الجديدة والملهمة، ويكفيه هذا وحده دليل ريادة. كما أنني كنت أشعر أن النهج الوراقي لم تكتمل فصوله بعد. أو ربما أكون أنا الذي لا أستطيع أن أحيط بهذه الفيوض، لأن الأقدار وضعتني في خانة المحب أكثر من الدارس والناقد. وكل ما قيل ممكن وقابل للحذف والإضافة «وما في شك» الذهن السوداني باتقاده المعروف قادر على الإمساك بكل طرائق التفكير والإحاطة بها، وجعلها في خدمته محولا روادها لمجرد مصلحين ليس إلا، لأنه هو المعلم والمربي ومصدر الإلهام المستمر. وكل الذي استطيع أن أقوله يا سادتي إن الحاج وراق رجل أعطاه الله ملكات فكرية مذهلة في ذات الوقت الذي أحسن فيه تأديبه، الشئ الذي جعل هذا المكان والقدرات الذهنية في خدمة الشعب السوداني. ولهذا السبب كثر أعداؤه ممن يماثلونه في العمر ونالوا نفس القدر من التعليم، لكن همتهم تتقاصر عن أن تدركه. لأن النفس العالية الهمة التي تنتظرها رسالة شاقة مثل رسالة التنوير، لا بد أن يبتليها الله «أحسبتم ألا تفتنون» صدق الله العظيم. وهذا من أجل إعطاء الفعل الإنساني قوة الخلق والتمكين. ويصف ماركس قوة التغيير في المجتمع بأنها تلك القوة التي تصرع عدوها أرضاً، لا لشئ حتى ينهض أمامها أكثر قوة ثم تصرعه من جديد، حتى يأتي ذلك الزمان الذي تصبح فيه إمكانية العودة للوراء مستحيلة، وتصرخ الحياة من نفسها قائلة هنا الوردة... فلنرقص هنا.
ولسوء حظ الحاج وراق ولظروف مختلفة أتيحت لأعدائه وحساده من عاطلي المواهب، أن يتولوا مهمة تعريفه للناس حينما كان في الاختفاء. ولكن من لطف الله أن قدر للرجل ظروفا تمكنه من تقديم نفسه للآخرين، فأنزله الناس مقاما يغيظ الأعداء «قل موتوا بغيظكم إن الله عليم بذات الصدور».
ولعل الجالية السودانية خارج السودان التي ترى لملابسات عديدة، أن كل الديمقراطيين الذين يعيشون في الداخل متورطون حتى وإن لم يقصدوا في استمرار نظام الإنقاذ، وبالتالي فإنهم أقرب إلى تصديق كل الشائعات التي تقال عنهم، هذا بالإضافة إلى أن وراق حباه الله بخصوم، وبدافع من عجزهم على النزال لا يتورعون في استخدام كل الوسائل لتصفية معارك كان من المفترض أن يكون طابعها فكريا. وهذه وضعية أيضا تأذى منها وراق.
لكن الآن مثلما قدر الله فإنه أسبغ لطفه، حيث أتيحت للرجل أولى زيارة خارجية يخاطب فيها الجالية السودانية هناك.
ومن خلال متابعتي لوقائع ندوة واشنطن، ورغم أنني استمعت لوراق الذي أعرفه منذ عشر سنوات.. إلا أنني استطيع أن أقول إن الرجل كان سفيراً وممثلاً لعدة جهات. وبالرغم من أن الرجل هو في الأصل داعية حريات سياسية واجتماعية، فقد ظهر كباحث عن قيمة الدين في التصوف وإسهامات الشرق في الحضارة الإنسانية دون إنغلاق أو استخذاء.
فقد أوفى الليبرالية السياسية حقها، وأوضح علاقتها الوشيجة بانحياز السياسات الاقتصادية لغالبية المجتمع. وفي هذه النقطة تفوق وراق على العلمانية وعلى الحضارة الغربية، حينما أشار إلى أن هذه الحدود من الحرية تجعل الإنسان حراً تجاه الدولة وتجاه المجتمع. ودائما دعاة هذا الاتجاه يشتطون في التحرر حتى يقعون في الشذوذ، ويصلون إلى درجة جعل الفرد عبداً لأهوائه. وتحرر الإنسان من تلك الأهواء هو الذي يمنحه الحرية الكاملة، وهذا ما يضيفه التصوف أو يضيفه الشرق. وبالتالي يكون وراق من الرواد القلائل الذين لم يضعوا الشرق في تضاد مع الغرب، وإنما اهتموا بوضع الدعوة للحرية في مواجهة الاستبداد، وراحوا يكتشفون الصعد التي تكتمل عندها وحدة النوع الإنساني. وهكذا الرائد في أهله
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: wadalzain)
|
التحيةليست للحاج وراق وحده
التحية لكم انتم معشر المهاجرين الي ما وراء البحار
تبعدون مسيرة سنة( بالجمال الحرة )عن وجع السودان ومازال
فيكم من الصبر علي احتمال مثل هذا الحديث
المر عن خيانة قادة هذا الشعب لانسانه البسيط
طيلة خمسون عاما من الحكم الوطني..
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Sabri Elshareef)
|
إنو حقيقة نحن كديمقراطيين في الشمال يلزمنا إعتذار في روحه, لأنو نحن Unfortunately (يعني) بغيابو وضح لينا مقدار وضوحو هو شنو, و عجزنا نحن شنو (حقيقة), في رؤية حاجات كتيرة. في ناس,..عبقرية قرنق تتجلة في أشياء كثيرة جدا منها عبقرية المفوضيات. هو كان عارف إنو جهاز الدولة دا لا يصلح أن يكون رافع من روافع التحول الديمقراطي ولا رافعة لسودان جديد. عشان كدا عمل فكرة المفوضيات. يعني حاجة كأنما لصقة جديدة على جهاز دولة ما حقتو و لذلك الآن المفوضيات كلها إما إتكسرت أو denied.
Denied يعني أي مفوضية هي بقت إمتداد لجهاز دولة الإنقاذ--كدا دا خلاص crossيعني. وهسع دكتور إبراهيم البدوي ممكن يحكي ليكم التجربة بتاعة مفوضية الإيرادات و إنو في النهاية تم حلها لصالح صندوق الولايات القديم بتاع الإنقاذ, فدي وحدة من ال.. ال.. ال..
ناس بنتقدوا يقول ليك أدوا المؤتمر %52 طبعا إنتا ممكن المسألة دي تنظر ليها من الجهتين, ممكن تنظر ليها من جهتين, أنا بتصور الجهة بتاعت قرنق إنو بعد 17 سنة من حكم الإنقاذ هم قريب لي إنو يبقوا أقلية, هم قريب إنو يبقوا أقلية, بقوا فقط %52 بعد 17 سنة من حكمو ودي حتى Psychologically حاجة Devastating جدا إنك أنت بعد 16-17 سنة من حكمك. إنتا قريب إنو تبقى أقلية. طيب %52 ممكن بالعمل الجماهيري تبقى Actually
%49 يعني If you launch the political dynamism ال %52 ممكن تبقى عمليا هي %49 و أصلا كان التصور إنو إتفاقية السلام تطلق ديناميكية سياسية تحول الأغلبية دي عمليا لأقلية. وده الوعد الما تحقق حقيقة.
actually now ال National Congress بل الفئات الأكثر تطرفا و هوسا في المؤتمر الوطني و الآن هي actually consolidating its power المسألة مشت في النقيض مش في الوعي (يعني), المهم في المسألة إنو في ناس لأنهم Corrupt politicians هم العناصر بتاعة المؤتمر الوطني داخل الحركة الشعبية, قبلوا البيعة بتاعت المؤتمر الوطني.
(المتحدث بصوت منخفض نسبيا)
ياخي إنو ما عندكم مشكلة, إنتو ما عندكم علاقة بالشمال, ما عندكم علاقة بالخرطوم, لأنو الخرطوم دي ديل ناس بتاعين ناس حزب الأمة و الإتحادي و الطائفية و الكلام الزي دا. إنتو إنتظروا لحدي بعد 6 سنوات تاخدوا ال Referendum و تمشوا, يعني ما في أي مشكلة.
طبعا القصة دي هي actually هي a plot لأنو أصلا القصد شنو?
المؤتمر الوطني طبعا عندو توزيع أدوار الطقم مصطفى و منبر السلام العادل و كدا, دا جزء من سياسة المؤتمر الوطني لإبتزاز الجنوبيين, إنتو نحنا ما عايزنكم--نواصل--
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: عبد المنعم سليمان)
|
طيب معناها إنو إتوا لو عايزين لو ماعايزين الإنفصال, أقبلوا بإنكم تكونوا تابعين و تقبلوا بالشروط القديمة للسودان القديم اللهو شكل من أشكال الإبتزاز.
لكن هل المؤتمر عمليا عايز الإنفصال?
المؤتمر الوطني ما عايز الإنفصال لكن أيدلوجيتو و ممارساتو ستقود للإنفصال و لكن Unfortunately ح تقود لإنفصال غير آمن و دي هي المشكلة.
و عشان كدا لازم ال Genuine ال Genuine Nationalists في الجنوبيين لازم يفهموا المسألة بحقيقتها.
Actually المسألة هي شنو?
هم عايزين النفض.
نفض الجنوب بدون الجنوبيين.
عشان كدا ال final strategy بتاعتم إنو إنك إنتا to secure ال oil fields و تخلي باقي الجنوب يغرق في الفوضة بالمليشيات و تسليح القبائل ضد بعضها البعض و تعمل فوضى و إلى آخره.
to secure ال oil fields عشان كدا عمليا هم دايرين النفض بدون الجنوبيين.
طيب دا في النهاية طبعا, ماهو الجنوبيين ديل, إنتا إفتكر إنو, إفترض إنو, إنتا أقوى من أمريكا و الجنوبيين أضعف من العراقيين, طيب عندهم strive بتخليك أصلو إنتا ما تستقر, ما بتستقر.
إنتاأصلو ما ح تكون أقوى من أمريكا, طيب لكن المطامح القومية و المطامح بتاعة الكرامة الإنسانية للجنوبيين
لا يمكن تقهرم بالقوة
لا يمكن تقهرم بالقوة
--نواصل--
| |
|
|
|
|
|
|
|
|
|
Re: ندوة الأستاذ الحاج وراق بواشنطون (Re: Kostawi)
|
وصل بالسلامة الي ارض الوطن الاستاذ الحاج وراق ولسانه يلهج بالشكر والتقدير لكرم ضيافتكم الرائعة .
شكر لكل من جعل كل ذلك ممكنا ...
شكرا كوستاوي
شكرا دينق
شكرا انور الحاج
شكرا لكم جميعا
محبتي
منعم
| |
|
|
|
|
|
|
| |
Kostawi
عبد المنعم سليمان
Anwar Elhaj
Deng
سمندلاوى
على عمر على
Raja
نصار
HAYDER GASIM
Adil Osman
حسن بركية
Abureesh
عبد اللطيف عبد الحفيظ حمد
wadalzain
Tragie Mustafa
فيس بوك
تويتر
انستقرام
يوتيوب
بنتيريست