|
|
|
 Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
دا زول ما بستحق تكتبي فيهو البوست دا ذاتو...
الله يفتح عليك وتجدي الرجل الذي يستحقك وتستحقينه، ويجعل حياتكما مصدر سعادة لكما وعافية في الدين والدنيا..
Quote: السلام عليكم
البوردابي هذا عرفتني به بت الاحفاد لزوم تحويل قروش للايتام
عشان يكتب رقمو واسمو ويحولوا ليهو القروش يحولها لي
السنة دي سافر الحج
بعد جاء
دقيت قلت ليه حج مبرور وانشاء الله ما نسيتنا من الدعوات المباركات
قال لي بجدية نعم ادعيت ليكي انك تقعدي بيركس كدا زي البيت الوقف وما تعرسي الي ابد الابدين
عشان ان وعدت زوجتي ما اعرس فيها وكمان انتي قلتي ما بتعرسي راجل مرا نهائي
وما فهمت الامر
سالت
بيت وقف يعني شنو
قال لي لا يستفيد منه احد
اللهم لا اعتراض في حكمك
دي دعوتك لي
شكرا ليك
بس انت من صلاحك يعني
انشاء الله حجتك الله يقبلها ويديك 7 حجات
واسفة علي الاتصال
شخص غريب وعجيب
صحي السودان دا فيهو ناس عجيبة
يعني لو ادعيت كدا
في داعي تكلمني
الله يغيظك
زول عوير ساكت
انا حكمي : دا سادية ساكت |
| |
 
|
|
|
|
|
|
|
 Re: في كلمة ونص اطلق حكمك علي هذا الرجل البوردابي !!!!!!!!!! (Re: محمد البشرى الخضر)
|
ولا يهمك يا سودانية
دعوة أنانية كهذه انشاء الله سوف لن تستجاب
وكسوداني شتات لم ير السودان منذ ما يقارب العشرين عاما فهذه ظاهرة تحيرني كيف ينصرف الخطاب عن فتيات جمعن بين العقل والعلم وحسن المظهر فلا يتقدم اليهن أحد نه جزء من جرثومة الانهيار التي أصابت رجال السودان ولكن لحسن الحظ فإنها لم تصب سودانيي الشتات وما أكثرهم في هذا البورد
كرجل باير فأنا اتضامن معك ومع كل من فاتهم قطار الزواج في الغربة وهم يوفون بمسؤولياتهم تجاه أهلهم في السودان وما أكثرهم!
| |
|
|
|
|
|
|
|
|
 Re: في كلمة ونص اطلق حكمك علي هذا الرجل البوردابي !!!!!!!!!! (Re: celecon)
|
السلام عليكم
الكلمة ونص ديل ما حاجة بتدي الزول دا اهمية بقدر خسارة الكلمتين في جملة مفيدة
الموضوع شايفاهو جاب ليهو كسير و مشروع عرس والذي منو هسي كان في حاجة زي دي بكتب جنس الكلام دا
كان حولت الي بوست حالة الحب الانا فيها ديك مش زعلانة بجاي
الزول السجمان دا لا مكسر ولا عندو مشروع حضاري بس ما عندو موضوع دي عجبتني شديد
وغايتو يا بت الاحفاد الله يديك الفي مرادك كان بترمينا في جنس البلاوي دي
الحج قالو زاتو في زمن الطفابيع بقي موضة وتجارة وشو ...الخ
بس الله يديك حجة حقيقة مقبولة تدعو فيها للامة بالخير
ولسودانية بالقبول في يوم لا ام ولا بنين ينفعون
خربشة : القال بريد ومكسر دا .. شفت ليك زول بريد بدعي علي البريدو الا زول حاقد ساكت 
الله يهديك يا حاج موديل 2008
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
الاخت سودانية
تحية وتقدير
أولا دعواتي الصادقات ببيت مال وعيال , وملئ بالمحبة والمودة .
ثانيا أستغرب لهذا الفهم الغريب وطريقة التفكير المعوجة من هذا البوردابي , وزول يفكر ويتصرف بهذه العقلية ( الحاجي ليها شنو ) .
وسبحانه وتعالي ندعوه بالخير للمؤمنين والرحمة والمغفرة , ولا ندعوه بما يسوءهم بأي حال من الأحوال , ومهما كان خلافنا معهم وهذا من أدب الدعاء , وأما ما دعا عليك به , فينم عن جهل بأبسط أمور الدين , وأسأل الله له الهداية .
عميق امتناني لهذه الشجاعة والصراحة منك .
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: البشير دفع الله)
|
Quote: شرع جهاز الاف اى بى فى حصر البوداب الذين ادو فريضة الحج
هذا العام حتى يسهل التعرف على الجانى
انا شخصيا اعرف ابو ساندرا وراشد الحاج
نرجو من كل البورداب العمل معنا فى هذا الحصر ياستى ربنا بحبك ،،، مرحب بيك فى حزبنا !! |
دينا خالد، تحياتي والله طريقة البحث عن الفاعل دي
عجبتني شديد، وأنا مهووس التحليلات البوليسية، وعليه:-
بما أنا الفاعل قد حج هذا العام ومتزوج فعليه يكون:-
الأخ د. راشد الحاج بريء، لأنه راجل عزابي، وعليه فإن أصابع
الإتهام تُشير إلى المناضل أبوساندرا، لأنه متزوج، ولكنه
لم يحج وعمل عمرة ساي، وليه، فإنه أيضاً بريء براءة الذئب
من دم إبن يعقوب
ومازال البحث جارياً
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: النذير حجازي)
|
Quote: سودانية سلامات..
أرجو التنويه إلى أن هناك كثير من الأخوة البورداب
الذيد أدوا فريضة الحج لهذا العام..
عليه نرجو تفضلكم بتعيين الحاج الذى تحدثين عنه
حتى لا تتسببى فى وضع آبرياء فى موضع الشبهات..
|
سودانية سلامات تانى ومازلت أنتظر التوضيح..
أبوبكر أبو القاسم..
سلامات..لكن عليك الله ورينى إنت شفت مداخلتى
دى كيف وست البوست ما شافتها..عليك الله لوعندك تواصل معاها كلمها بيها..
تحياتى لكليكما وللمارين/ات
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: Hatim Salih)
|
سودانية سلامات للمرة الثالُثة..
ما زلت أنتظر تفضلك بتوضيح من تعنين
ذلك أن ما ذكرتيه ينطبق على كثير من البورداب..
ذهب الحج لهذا العام ومتزوج ويسهم فى عمل الخير
عمرو سلامات..
أنا قصدت بهذا الإلحاح أن تنبرى الزميلة المحترمة لتبرئة
ساحة من تنطبق عليهم الصفات التى ذكرتها حتى لا يؤخذ
أبرياء بجريرته..وفوق هذا وذاك لا أعتقد أن الموضوع يحتاج
لكل هذا التعتيم فقد كان من الممكن ان تقول الأخت صاحبة الخيط أنها إتصلت بفلان و
رد عليه هكذا ولا أدرى لماذا إختارت أن تضفى على الموضوع جواً من الإثارة
على طريقة الأفلام الهندية..
عموما أظن أن الأخت قد فهمت أننى أدافع عن نفسى وطالما لم ينبر بقية
الذين تنطبق عليهم الأوصاف فأنا أكتفى بإفادة منها أننى ليس من تعنى ..
مع محبتى للجميع
| |
|
|
|
|
|
|
|
|
 Re: في كلمة ونص اطلق حكمك علي هذا الرجل البوردابي !!!!!!!!!! (Re: azhary awad elkareem)
|
السلام عليكم
ونهاراتكم ظليلة وباردة وعصير الليمون المثلج بنكهة الخضرة الرائعة نصيبكم من هذا اليوم الطويل
اولا اسفة علي التاخير : وبس القصة فلسة اخر الشهر وناس سوداني بعد يوم 16 ما بخلوا تلفون فاتح خاصة المفلسين
واجازة السبت رجعتنا ليكم الاحد : وبعد انقضاء يوم العمل الرسمي : أكتب اعتذراي هذا : وبس دعواتكم الله يفتح بصائر
الساسة في السودان انو بدل يوم واحد فطور طويل وغسيل عدة واجتماعيات مملة تهد الجبل بقي عندنا 2 ونص خميس جمعة سبت
___ اعتذار خاص للكريم أزهري شكلو كدا اخد الامر بحساسية الحجو السنة دي // هدية ليك http://www.quranexplorer.com/quran/
ولك العتبي حتي ترضي : وبس دعواتك الصالحات
وأقول لك ان هذا الشخص مقيم بداخل السودان وحج السنة دي وندمت علي تلفنتي ليهو لانو بصراحة بكاني : اي نعم بكيت
وتذكرت انني في الحج دعوت للكل من اعرف ومن لا اعرف بالخير المبين والجنة النعيم والرزق الواسع وتحقيق كل الامال
ليه لا والوعد ان لي مثلها بلا نقص ولا من في ذلك
اللهم اقبلنا عندك من الصالحين اجمعين
واسفة يا سيدي : بس الزول دا انا اديتو فرصة وقلت ما فاهمة اصر والح : وكلمتو ح أكتب الموضوع دا : قال اكتبي : يعني ما فارقة معاهو
اما الكسير دا فما هو احتمال نافع هنا لان الفكرة مقيتة ان تدعو علي من تحب  دا حب كدايس ولا شنو
___
دعوة راجل المره تودي لي وراء )
معقولة بس
دي كيف دي
ولا يهمك ياسودانية
الزول بيكون خانه التعبير
ليك على نمشى مخصوص لمكة
وندعوا ليك دعوات مضادة
ومن هسة ربنا يديك الفى مرادك
ويبطل دعوات اخونا حاج موديل 2008
شكرا اخي أحمد
كلامك زي العسل العمرة مقبولة مقدما
____
خربشة : الصبوحة : باقي لي ما فهمتك لكن انا ماشايفة في حاجة شينة هنافي كتابة البوست انا بكتبت من 2000 وبعرف اكتب شنو ولمنو ومتين وشكرا علي الاضافة يا صبوحة والزول دا سجمان وفي موقع مميز واسمو هنا اسمو الحقيقي
والفضيحة والسترة متباريات يا بتي انا بفضل الا اذكر اسمه الا اذا كان شجاعا وجاء وقال انا قلت كدا بس انا شايفة الاسلم ما اكتب
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
والله حكاية الدعوة علي زول دي قصة عادية في السودان وما جديدة
الام تغتاظ من ولدي ترص ليهو دعوات عكسية تودي الود الاخرة لو استجيبت
الله يقصر اجلك , الله يكتلك, الله يقصك , الله ........... الخ والسودانية عادة في الغضب تكيل السب واللعن حتي تصل الاب ولعنته
وذلك يعتمد علي البئية والتربية والاخلاق والالتزام ومعرفة خطورة ذلك والدين الاسلامي يضع حدا واضحا في ذلك
دا كلو كوم .. وانا حصلت لي زول رسل ايميل في نقاش عام وطلب رقمي لكن اخبرته بذوق بانني لا اعطي رقمي الا لضرورة قصوي واسباب خاصة
فما كان منع الا ان ارسل الي دعوة من i pray ti Allah almighthy to roast your stomach in hell fire
والدعوة المضادة لي للزول دا الله يهديك ويخضر ضراعك علي قول حبوبة ويديك قدر ما يرضيك امين يا رب
وجهنم عندها رب يعرف كيف يختار داخليها سبحانه وتعالي بلا ريكمونيشن من احد الله اعوذ بك منها
اللهم لا اعتراض في حكمك
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
سودانيه انا حاج 2008
بخصوص ما زكرتيه عن اتصالك بى اؤكد لك انك من القلائل الذين لم اتزكرهم فى الحج ولم ادعو لك او عليك الا مع عامه المسلمين وما قلته لك فى التلفون صحيح انا قلته ولكنى لم ادعو به وسبب قولى لك فى التلفون كنت عاوز اديك مبرر تقشرى بيهو قدام الناس عندما تسالى عن سبب تاخر زواجك والان اسحب سببى الذى قدمته هديه لك فابحثى عن اسباب اخرى ومره اخرى اؤكد لك انى لا اريد ان اتزوج على زوجتى وانى عدتى عدت فالدفاع عن النفس فضيله
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
الاخت سودانية
اظن من الواضح ان هذا الشخص اصبح معروفا للكل
حج هذا العام
متزوج
يشارك فى الحملات الخيرية
مركز وظيفى مرموق
يكتب هنا باسمه
عموما هناك سوء فهم حاصل لان هذا الشخص معروف للكل بحسن الخلق و ربما قال هذا الكلام لك من باب
المزاح و لم تتقبليه انت عموما ارجو التعامل مع الموضوع بنوع من الذوق و عدم التجريح الى ان ياتى و يوضح الموقف للجميع و نسمع من الطرفين و بعد ذلك نحكم و ارجو من جميع المتداخلين عدم الحكم المسبق الى ان تسمعوا من صاحب الشان و اذا كان مخطئا فى حق الاخت سودانية نطالبه جميعا باعتذار لها و لكن تجريح زميل لنا ووصفه باوصاف محرجة لا داعى له و نحن لا نعلم مدى جديته فى هذا الحديث من عدمها
| |
|
|
|
|
|
|
|
|
 Re: في كلمة ونص اطلق حكمك علي هذا الرجل البوردابي !!!!!!!!!! (Re: abdelgadir mustafa)
|
| Quote: بخصوص ما زكرتيه عن اتصالك بى اؤكد لك انك من القلائل الذين لم اتزكرهم فى الحج ولم ادعو لك او عليك الا مع عامه المسلمين وما قلته لك فى التلفون صحيح انا قلته ولكنى لم ادعو به وسبب قولى لك فى التلفون كنت عاوز اديك مبرر تقشرى بيهو قدام الناس عندما تسالى عن سبب تاخر زواجك والان اسحب سببى الذى قدمته هديه لك |
السلام عليكم
وصل السيد عبد القادر ليقول أنا الحاج موديل 2008 وليخبر انه قال ذلك كذبا ليعطي السودانية عذر تقشر به لعدم زواجها !!!! العذر يكون مرتب علي الخطأ فشيخنا الحاج يري انني اقع في الخطأ الذي يتتطلب اعتذار للجمهور الكريم ..وتفتحت قريحته ليعطي هو ذلك العذر الذي تقشر به والعذر هو استجابة المولي عز وجل (تنزه عن ذلك ) باستجابة دعو الحاج موديل 2008
إذن العذر هذا جعله يكذب في الادعاء بالدعوة الكاذبة التي أبكتني حقا !!!!!
إذن الشيخ يقول انا كاذب
من نقل الامر الي الاسفير : تساءل هذا البرئ !!! سودانية 2000
لماذا تفعل ذلك : ؟؟؟؟
أكون بحبك !!!!!!
صمت دهرا ونطق كفرا
ولكن في زمن الطفابيع ورجال من ورق اي شئ ممكن
أرسل احدهم بأنك تود الاشتهار علي حساب السودانية .. بديت اقتنع بالفكرة
عذرا سيدي
أنا زول كيشة وبصدق البقول الزول طوالي
خاصة زول في مقام الحج والقانون الاستشاري
وقديما كتبت الكيشة : ممنوع الاقتراب او التصوير : عذرا أصدقائي فما أنا الا كيشة
فما تقول هو عند الكيشة الحق المبين
والشعار الدائم أحفظ الله يحفظك
اذا علمت انني من وصي باضافتك لهذا المنتدي لمساعدتك لنا في الجمعية ... ماذا تقول !!
بس
بت الاحفاد الله يديها الفي نيتها .. يوم اسود وسجم ورماد
وفي زمن الطفابيع كل شئ ممكن
عدم الزواج لا يحتاج ان يعتذر عنه ؟؟ ولا يحتاج ان يكذب حاج بادعاء دعوة سئية !! ولكن
سبب عدم الزواج وجود رجال من ورق فالنساء بقامات سودانية2000 يفضلن مشاهدة افلام الكرتون بدلا من الدخول في المسرح الكرتوني
خربشة1 : الصبوحة : لا اود قفل البوست واظن البورد وااااااااااااسع يسع مواضيعك الجادة ومقنعة
خربشة 2: إنت حجيت في روما ولا لاس فيجاس 
إهداء : الصديق الذي نبهني للهباب المكتوب اعلاه : انت مش عارف سودانية 2000وكيشة ما تزعل من ها الخرابيط احترامي وتقديري
يا بت يا كيشه
لم أ ستطيع النوم في هذه الليله و انا أستشعر ذكري وفاة أمي الغالية.عليكي رحمة الله أمي الغالية...
كيف يحلو لي النوم و انا أفتقدك في كل حين..خاصه و انا في هذه الغربة اللعينة...غربة اخترتها..و هاانا أبكي خياري مرتين....
أسمعك ألان وانا أبكي....أسمعك و أنت ترددين أغنيتي.....
بتي الطاهره و شريفه..بتي..النيه و لطيفه..
بتي النبي( عليه الصلاة و السلام) مولاها و جليسها............
..النيه.(بالتشديد).
هذا هو الاسم الذي أعشق....
كان لكل واحدة منا أغنية...و من الاغنية يكون الاسم....
..النيه....كان اسمي..
بعد وفاة و امي سالت أبي يوما....و نحن حول صينية الغداء....لماذا كان يحلو لأمي أن تدعوني بالنيه..
رد أخي هازيا أومحاولة يائسة منه لاشاعة المرح الذي ولي و راح مع رحيل الغالية.............................. (عشان انتي كيشة)...
ولكن كل يوم يترسخ لدي مدي صحه كلام أخي.....كيشة......
نعم أقر بأني ..النيه الكيشة.
.....كيشة...
ليس غباء أو عبط....يا..أمي.
.ولكن... انه لبنك...الطاهر أمي... لبنك..الذي أرضعتينا معه الصدق و الطهر و النقاء.....مما جعلنا نحن ابناؤك...لا نشابه زمننا.....زمن...الصدق فيه عملة نادرة....
والوفاء يعني الغباء و عدم اغتنام الفرص...
الطهر يعني التخلف وعدم الرغبة في الحياة.....
التدين يعني الرجعية.....
أمي..اه من شوقي اليك......
.سألت أمي.... يوما ما....هل الحب هبة من الله ام اختيار و تخطيط...
.أجابتني ضاحكة بل هو هبه الله..ولكن لكل البشر سواء...مع الثقة الدائمة في امة محمد ( عليه الصلاة و السلام)...ودون من منا أو انتظار المقابل..واحتساب كل ما نلقي في هذا.. السبيل
...وهكذا رسمت أمي خطاي
فعزرا أصدقائي اذاوجدتم حبي لكم جارفا.....
وعزرا أصدقائي اذا كان صدقي معكم جارحا..............
وعزرا أصدقائي اذا كانت صراحتي لكم ...........قاتلة.
وعزرا وعزرا وعزرا................................................... وعزرا...
فما انا الا ............
....... .....كيشة.
و...............
أشكرك أمي علي كل قطرة لبن.... أشكرك أمي علي كل كلمة ........ وكل لحظة جهد....
. أشكرك أمي............ علي................و علي............و...........
علي.............وهل تعد جمائل امي.........أو كل أم.......يا....الله
..و ماذا عن نعم الله...........من وهب..........الأم.....
...لك الحمد ربي مل السماوات و الأرض و ما بينهن.
ورحمة الله .علي أمي و أسال الله أن ينزل عليكي1000من البركة..و000 1000رحمة
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
ولكن في زمن الطفابيع ورجال من ورق اي شئ ممكن
ياجماعه زول سجمان ومن الطفابيع بقاتلو عشان يدهوا باص وورد
زول سجمان وطفبوع بقولو رسلو ليهو القروش من اخر الدنيا
زول سجمان طفبوع بيزورهو فى محل شغلو اكتر من خمسه مرات
زول سجمان وطفبوع بتحركو معاهو من مكان لمكان ويامنو الانسان على حياتو
زول سجمان وطفبوع بتصلو عليهو يباركو ليهو الحج
زول سجمان وطفبوع بيسالوه من رقم زوجتو يباركو ليها المولود الجديد
زول سجمان وطفبوع ياناس بيتصلو عليهو بعد كتابه البوست اعلاه اكثر من مرتين
زول سجمان وطفبوع بيسالوه عن ارقام اخرين مهما كانت الحوجه لهم بعدما ابكاك
زول سجمان وطفبوع بتستمر علاقه معاهو اكتر من سنه ونصف
زول سجمان وطفبوع وعاوز يشتهر على حسابك بتديهو الفرصه
البيعمل الحاجات دى كلها اصلا زول فعلا كيشه والله لو عارف انك كده كان خليت التعامل معاك لكن انا كنت فرحان بانى اتعامل مع دكتوره ورئيس قسم قدر الدنيا بجامعه نحلم ان ياتى تغيير حالنا منها
عموما شكرا على الباسوورد وشكرا على الشهره
وان عدتى عدنا فهذا زمن شلاليت المتعلمين والمتعالمين
| |
|
|
|
|
|
|
|
|
 Re: في كلمة ونص اطلق حكمك علي هذا الرجل البوردابي !!!!!!!!!! (Re: abdelgadir mustafa)
|
الاخ الكريم عبد القادر
اشكرك علي الكلمات الجميلة والشهادة الكبيرة
زيارتي لك واتصالي بك اذا خرج من نطاق العمل المطلوب بكون انا الغلطانة
اما اتصالي بك لاحصل علي رقم صباحي فهذا لانه اخطا في كتابته واردت رقمه لذلك
اما تسليم النفس دا فلا افهم اكثر من تعريفك باسرتي واخوتي وتراك صنت المعرفة شديد الله يديك العافية
انت عارف انك زول غريب تدعو بغريب الدعاء وتاتي لتقول انك لم تدعو به ثم تكتب اشياء كاذبة لشئ في نفسك او اجندتك
عارف نوعك دا بقولوا فيهو شنو
حاجة واحدة
حسبي الله ونعم الوكيل
وربنا يهديك ويحفظ اسرتك
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
الاخت سودانية والاخ عبد القادر
سلام
يا شباب ال بتعملوا فيهو دا غلط. نصيحتى ليكم ان توقفو تماما.
طبعا انتو الاتنين غلطانين.
سودانية: انت غلطانة لما نشرتى حاجات شخصية عن زميل فى المنبر. هو اساء ليكى. لكن المنبر دا عام. الناس ب تدخل ليهو من مختلف انحاء المعمورة. ما فيش زول بهمو ال بيحصل على المستوى الشخصى. وزى ما عارفة دا كتير جدا. انت زولة جميلة ومهذبة ومتعلمة تعليم جيد. فارجوك ما تشغلى نفسك بقضايا تافهة. كثير من الناس ما بستاهلوا. عشان كده تجاهلهم افضل. احتمال اكون قاسى شوية. لكن دى نصيحة والنصيحة احسن تتقال عديل.
عبد القادر: انت غلطت واتماديت فى الغلط. راجع نفسك. الكلام ال كتبتو دا ما مهذب. لو ختيت الزولة دى محل اختك كنت ح تقول ال قلتو دا?
تحياتى للجميع
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: إسماعيل حميم)
|
الاستاذ الكريم إسماعيل حميم
احترم رايك وأؤكد لك قبولي له لأحترامي الكبير لك وللقراء الذي يعرفون ما أكتب وما هي أجندة وجودي هنا
لكن
احترامي للشيخ الحاج يزيد بشدة وانا اقراء اشادته الجملية بصفاتي الحميدة واهتمامي الكبير به
في التواصل الاخوي الذي لم يستوعبه : تلفون للحج : تلفون للمولود : تلفون للمدام
كل هذا هو من جمال روحي وخلقي القويم الذي انشره وأطلي بالوان قزح قزح دنيوات من أعرف ولا أعرف
لان الحب الذي أحمل في جواني حبا لله وللخير فيه وله ولمن يتبع دربه
العلاقات الانسانية كثيرة وقديما قيل ان من يدخل حياتك يضع بصمة لا تخترقها الليزر
فالبصمة الحقيقة هي بصمة الحب والجمال والخلق القويم
اناالكيشة بصماتي الرائعة مع البشر لها تأثير كبير ولا يوجد خطا فيها ولكن قد يكون الخطأ في اختيار البشر
واحيانا لا يكون هنالك خيار بل اعتراض طريق لحكمة كبيرة
خربشة : تخيل يا اسماعيل انك تخسر تتصل لتقول حجا مبرورا ويصيبك هذا السيل : تقول شنو غير حسبنا الله ونعم الوكيل خيرا تعمل شرا تلقي و مبروك المولود تاني يا شيخنا الجليل موديل 2008
| |
|
|
|
|
|
|
|
|
|
سودانية 2000 (Re: sudania2000)
|
انا ضد نقل التعامل الشخصي الى البورد مهما حصل ..
فكان ممكن تلقى ليك زول قريب وتشكي ليه مثلا (بت الاحفاد)
وتفشي عبرتك ..
اما حكمي على الاخ عبد القادر مصطفى انسان محترم جدا جدا التقيته اكتر من مرة وتعاملت معه ومسئولة على اطلاق حكمي دا ..بانه شخص محترم جدا ومهذب جدا وقلبو حار وزول حاااارة ..
واكيد العلاقة بينكم بتكون وصلت مرحلة انه تسمح ليه بان يهظر معك ويقول ليك كلام ذي دا ..
لانو لو روقتي وهدأتي وراجعتي الكلام بتلقيهو (هظار ليس الا) ..
وانا بلومك على البوست دا ..ارجو ان تقبلي لومي ...
| |
|
|
|
|
|
|
|
|
|
Re: سودانية 2000 (Re: انعام حيمورة)
|
Quote: واكيد العلاقة بينكم بتكون وصلت مرحلة انه تسمح ليه بان يهظر معك ويقول ليك كلام ذي دا ..
لانو لو روقتي وهدأتي وراجعتي الكلام بتلقيهو (هظار ليس الا) ..
وانا بلومك على البوست دا ..ارجو ان تقبلي لومي ... |
شكرا انعام
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
الاخت سودانية
اعتب عليك نقل مثل هذا الحوار الذي دار بينك وبين شخص ارتبطتي به في عمل عام او كان لكي به علاقة اخرة خوة او صداقة اواسرية وليس هنا مكان لذلك وانتي تعلمي تمام بان وضع البت حساس جدا ولايتحمل الاقاويل والقيل ولماذا فعلتي ذلك حقيقي .
كلنا نتعامل مع اخوة لنا في العمل العام ونلتقيهم ونتصل عليهم وعمرنا ماسمعنا كلمة او تصرف مايرضينا لان من يعمل في غرس ابتسامة لطفل اتيم يكون ذلك كافي له ليعيش هادي البال ... واعلمي تمام ان الزواج ليس نهاية مطاف ولا هو من نبحث عنه .
الاخ عبد القادر
لك سلام ورغم عدم معرفتنا بك فلماذا لم تكن انت الاكرم طالما سودانية تزورك وتتصل بك وتحسم الامور بموضوعية دون تجريح لها علي الاقل الفترة الزمنية التي عرفتها بها لابد ان يكون فيها علي الاقل خير خاصة وانكما كنتما في عمل طوعي لزرع ابتسامة.
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: sudania2000)
|
سوانية بت مدينتي الحبيبة مدني
لا تعولي علي علاقات اتية من مشروع هوس ديني بت الاحفاد او شيخ الطقي ما بتلقي منهم الا ان ياي مثل هذا وهو مشروع مخستك له وليه وعايز يعدد والشيخ الوهابي فرحان بمعتز القريش ويقول له انت ارجل مني لان معتز عدد تلاتة
نساء
لك مستقبل جميل ينتظرك بس زحي شويه من اهل الهوس الديني الذين يعاينوا للمراة فقط متعه ويكوس في اخري للتمتع لان ذهنه مليان بملك اليمن؟
انسي هذا الحاج
وعندنا قصيدة لحمزة بدوي تقول
سرقوا ونهبوا وقبضوا البيعه وقالوا نطبق جابو شريعه
شريعة وين تقتل جائع وتحمي الزول الايدو منيعه
يا علمائنا بلعتو الذمة وعينكم وقعت فيها وقيعه
سجم اماتكم قوموا اغتسلوا وعيدوا صلاتكم
شريعة وين الشيخا يهودي وحوارا فلاشا
لك مستقبل جميل انسي هذا الوهم الكبير الذي زار الحبيب المصطفي ولم يفقه معني الزيارة
له الهداية
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: Ashraf el-Halabi)
|
سلام يا سودانية
بعد السلام والود عندي معاك تناصح أرجو إنو يتسع ليهو صدرك
----
هذا البوست أمره عجبٌ، طيّب الناس العلّقت هنا وما كانت شايفة إنّو في شكلة –واقعية- مختبئة وراء البوست دا رأيهم شنو في تعليقاتهم دي!؟
الشيء التاني إنت يا سودانية يا أختي جبتِ الموضوع دا هنا ليشنو؟ والداعي شنو لذكر هبة برضو في ثنايا حديثك، ولنفترض إنو حاج عبد القادر دا كعب تب –من باب الافتراض العشواوي ساكت- هل هبة بتعريفكما لبعض في سياق عمل عام مسؤولة عنه، وعمّا يمكن أن يقع بينكما. وما دمتما على اتصال ببعضكما فلماذا لم تسويّا أمر هذا الدعاء بينكما. واضح طبعاً إنو الدعاء هظار، وفيه كمان من مساحات التعارف والإخاء ما سمح بالهظار.
الشيء التاني هو حاج عبد القادر، وأنت يا حاج عبد القادر –بالذات- هدفي الأساس من دخول هذا البوست.
أولاً أنا زول في حكايات الحج وما الحج والعمرات والأدعية دي، ممكن تقول علي زول همباتي ساي، لا حجّيت ولا شفت الحجاز ولا أظن أحج ذاتو. واحترامي ليك إنت والدكتورة وهبة مصطفى جاي من فكرة الخير البتعملوهو بالنسبة للأيتام والمحتاجين ديل، فكرتكم شنو من الخير دا بطريقتكم، يعني كان قاصدين التجرّد الواعي لدعم الكرامة الإنسانية وترقية حضارة البشر بطريقتكم، وكان معتبرنها باب للجنّة وبس بطريقتكم. لكن بأي حال من الأحوال الناتج لجهودكم شيء محترم، ولا يستطيع الإنسان إلا احترامه واحترامكم من خلاله وشكركم عليه.
أها إذا الناس عندها قدرة على عمل الخير لأشخاص "أغراب" لا تعرفهم حتّى، هل يصبح من اللائق بعد ذلك عمل –اللاخير- لبعضهم بعضاً كتيم بتاع عمل!؟
كون سودانية بدت الغلط هي بإنزال هذا الكلام هنا، أوافقك، وهي غلطااانة مهما كانت معاذيرها ومهما بكت من دعائك ذلك. ليس من حقها أبداً جَرّ هذا الموضوع لبوست. دعنا نثبّت هذا الخطأ عليها أولاً. وهو خطأ يسير جداً جداً جداً مقارنةً بالأخطاء التي ارتكبتها أنت في أوّل مداخلة لك، ما جرّها هي لتكتب لك عن الطفابيع ورجال الورق.
كلامك الكتبتو فوق دا غلط وَفق أي أخلاقية تختارها في هذا الوجود. لو عايز إسلام ابدأ راجع من باب إحسان الظن بالمسلم، وحفظ إخائه، وإلى نُصرة البكر، غير المتزوجة ولو بالكذب، مش تبخيسها بالقراءات الخاطئة ولا أُريدُ أن أُسميك كذاباً.
ولو عايز بـ-التعدد- والشريعة المنطلقة فينا اليومين ديل بالقلبة، شنو يعني توحي للقراء إنها عايزة تعرسك وتحرف كلامها هي عن مواضعه لتضعه في (خانة تحليل نفسي) تسوّغ وتروّج لها ثقافتنا الذكورية في إذلال المرأة بإنك إنتِ عايزاني وجارية وراي والكلام الفاضي دا لآخرو. دا كلام حُجّاج هسّع في ذمتك، ولا كمان تقدر تقول لي كلام همباتة زيك.
لأنّو يا أخوي الهمباتة ذاتهم عندهم أدب ومنفستو فراسة وأعراف وتقاليد، ناهيك عن زولة مستقيمة ومتدينة زي سودانية ويعرف حسن خلقها الجميع في هذا المكان وخارج هذا المكان، دي خليها...
------
لو الهمباتي بعرف مره كعبة عديل ما بتنبّر عليها ويتقوّل ويتلسّن ودا أدب حقهم هم والبمرق منو بعدوهو هو والمريّه واحد. دي برضها ثقافة ذكورية مستبدة من ناحية... لكن من ناحية حفاظها علي كرامة المرأة كان صديقة كان عشيقة كان بت حلّة وكان بت عم –بت عم دي لأي امرأة يلاقوها في الشارع- برضها بنادوها يا بت العم في أدبياتهم، وما يشوك أية امرأة تعرفهم أو عرفتهم ذات يوم شوكة من ألسنتهم ولا من أيديهم.
وراجع تراثنا بتلقى رجال قطّعوها بالسيوف قطّيع عشان تقر وألا تقول مجرّد كلمة جاي وألا جاي في حق نساء وما قالوا سَيْ.
-----------------------
فلو قالت ليك –بحرقتها من كلامك حول العرس وزوجتك، وأنا والله ذاتي انحرقت منّك أكتر منها- لو انحرقت وقالت ليك طفبوع وألا رجل ورق تجي تكتب يوميات سنة ونُص تعارف هنا في النت. ما الناس دي كلّها بتتعارف وبتتصل وبتتونّس وبتهظر إنت قايل شنو؟ ويزوروك في مكتبك وتزور الناس في مكتبهم الغريب شنو؟ ويباركوا ليك طفلك وحجّك ويسألوا منّك حي أو ميّت دا شكر ليها هسّع وألا نبز!؟ لامن إنت تجي تكتبو ملئ بالإيحاء، قول لي ليه!؟ لأنو كلامك ما اتكتب براهو وبس، أبداً، فهو ارتبط بحمولات الكلام العملتو في مداخلتك الأولى عن الزواج والهدرة العجيبة دي.
-------------------
ياخي إنت ما زول بتعمل الخير في ناس ما بتعرفهم حتّى وتجمّع ليهم القروش من وين ووين، فيها شنو لو احتملت حساسية سودانية تجاه دعاك بتاع الهظار دا. هل إنت عارف المسألة دي بتعني ليها شنو؟ ما أي زول في الوجود دا مخيّر في ترتيب أولوياته وما يبكيه وما يفرحه، نحن دخلنا جواهو أو هل من حقنا ندخل جواهو ونحدّد ليهو شنو يبكيهو وشنو يفرّحو! مش كان ممكن تمتص تسرّعها دا وتقول ليها كلمتين طيبتين يواسوها وتأكد ليها إنو دعاك دا كان هظار، بتخسر شنو يعني؟
ما سمعت بتلب الشيل إنت!؟ والبشيل فوق الدَّبَر ما بميل!؟
ياخي أنا القدامك دا –وزي ما كلمتك إنو طريقتي غير حقّتكم الدينية وبتاعة الحج والصلوات دي- عرفت بنات وكان بيني ما بينهم من إخاء وود وغيرو، ولما اتفرتكنا وألا اتشاكلنا وألا الحبّت تعرّس قالوا فيني ما قالوا، ويسمعن لو ليوم الليلة أنا قلت فيهم كلمة مزالفة أو شينة، ودا أدب الهمباتة الجد جد القلتو ليك فوووق داك، ولامن أموت (لا أدافع) عن نفسي أمام امرأة وإن قالت عنّي السبعة وذمتها، فيا شناءة قولك آخر كل مداخلة: وإن عدتم عدنا!!! وكمان تقول الدفاع عن النفس فضيلة. ياخي هي الزولة دي اتهمتك بشنو؟ قالت اتحسست من دعاك الإنت معترف بيهو بنفسك.
(أيّما امرأة ولو ألقيتُ عليها مجرّد السلام في حياتي فقد أصبحت عرضي، الذي إن دُفِّق دونه دمي لما قلتُ فيه سوءاً). بقصد شنو بكلامي دا، بقصد الحتّة بتاعة المقاولة دي بالذات ونبش الخوّة، ولا غيرها، ودا ما تعاطف مع النساء وكوني أعتبرهن كائنات تستحق الشفقة، أبداً، بل عشان مجتمعنا دا لسّع ملكّك ظلم ضد المرأة لحلقو، والكلام تقولوا يمين يودهو يسار لو فيهو بت، ولسّع هو مجتمع خام ومتخلّف ومترصّد للمرأة كل ما وجد فرصة، بالتالي لسّع هو مجتمع يرى أنّ الرجل لا تضرّه الجبال، أمَّا المرأة فيضرّها القطمير. بالدارجي كدا، الرجل سمعتو تحتمل لكن المرأة لا.
--------
فياخي إنت وكل أخوانك وأخواتك في عمل الخير دا، بتعتبروا الدعاء دا مسألة مش لعب!؟ يعني هسّع دعاك دا لو قلتو لي أنا –أنا برضو بالمناسبة عزابي- ومتحسّس من المسألة دي خالص خالص، لكن دعاك دا ما بشتغل بيهو الشغلة، لأنو أنا زول تاني وفهمي للحاجات دي فهم تاني، بس إنت داخل مجموعتكم البتعمل الخير دي وبتحج وبتدعوا وبتصلي دي، أعرافكم غير، والدعاء عندكم موضوع جاد ومش بتاع لعب. فما تضيّم زول حسّاس بدعاك ولو بتهظّر!
بقترح عليك تواسي أختنا سودانية بكلام يطيّب خاترها، ويبقى تديّنك دا سلوك فعلي مش حاجة تروحها ليك حماقة أو زعلة ولا يبقى للمعروف إثرها من باقية.
---
أرجو أن تقبلا أنت وسودانية حديثي هذا على أخير ما فيه، وكونا بخير
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: محسن خالد)
|
سلامات يا محسن ومشتاقين..
في الحقيقة رأيت إسمك كآخر متداخل وتشجعت على دخول البوست، وكنت في البداية أول إنسان علق عليه.. والآن أتفق معك فيما قلته من تخطيئ سودانية وعبد القادر.. كتابة عبد القادر في المداخلتين كانت عجيبة.. ليه كدا يا أخي؟؟
أحيي في سودانية موقفها من التعدد.. ورغم أني لا أعرفها شخصيا إلا أن كتابتها تثبت أنها سودانية بريئة وعلى نياتها.. وإنتِ مش كيشة.. ربنا يديك زي نيتك دي وأحسن منها..
يا سودانية قالوا "النية وليس "النيَّة" زاملة سيدها أو / ستها.."
بالنسبة لمن قالوا أن البوست مسألة خاصة ولا يجب أن يكون مسألة عامة صحيح ولكن سبق السيف العذل.. ولم يبق إلا أن تتم الإستفادة منه لرفع الضرر عن المضرور، وهو هنا سودانية 2000..
ياسر
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: محسن خالد)
|
سودانية !! والله انا لما دخلت وعلقت فى البوست
دا ،، قايلاكم اصحاب وعندكم باقى ونسه عايزين تتموها هنا
تقوى وتزيد من صحوبيتكم ،، ما قايلاهو الكلام جد !! وزعل وكدا
ياخ انت طلعتى حساسه حسيس ،، والعرس دا فريضة بقطعوا التذكره
يؤدوها ولا شنو ؟؟؟ بايركس بايركس هو البايركس ساهل ؟؟؟ لابتكسر ولا بتطققش
ابتسمى ياخ ،، كفاية انك حلوة ومحبوبة وعاجبانا كدا ،، هم قايلاهم بمشوا
الحج لييه ما من نسوانهم ديل
خلى روحك رياضية هسه انا لما خطبت محسن دا ،،، وبروح الهمباته وبى ادب
الهمباته وافق طوالى حتى قال ما داير قفل خشم ولا مهر ولا اى حاجة ،، ومااتلفت اصلو
ولا سالنى سمحة ولا شينه .... وفيها لندن كمان .. شفتى الهنا الممكن يجيبو ليك بوردابى
تانى ،،، بس ذى ما بقول واحد صاحبى (زمان) اقلبى الصفحة !!
ــــــــــــــــــــــــ
معقول يا سودانية هسه ما بنلقى لينا كيشة ذى محسن دا تانى فى البورد دا ؟؟؟؟؟؟؟؟؟؟
بنلقا بنلقا ..... ولا نامت اعين الجبناء
| |
|
|
|
|
|
|
|
|
|
Re: في كلمة ونص اطلق حكمك علي هذا الرجل البوردابي !!!!!!!!!! (Re: محسن خالد)
|
عزيزي محسن،
سلامي وعظيم المحبة والمعزة
لم أقرأ مداخلتك الأخيرة سوى اليوم، يعني بعد أيام كثيرة من كتابتك.. وأشكرك.. كما قرأت المداخلات الجديدة لسودانية وكانت التعليقات هادئة وقوية في نفس الوقت..
ياسر
Quote: إزيك يا دكتور ياسر وماك طيّب، مشتاق لمشاهدتك والله، ومتابعك هنا وفي سودان فور أوول
قالوا القلوب شواهد، في مداخلتي الفاتت دي كنت خصّيتك ببرغراف من دون الناس التانين، بعد جملتي عمّن علقوا، ثم رأيتُ عدم تشتيت كلامي. وكنت متوقعك تجي تعمل المداخلة دي وتوقعي ما خاب. فشكراً على هذه السماحة.
كن بألف خير ولك الحب |
| |
|
|
|
|
|
|
| |
Yasir Elsharif
محمد عبد الماجد الصايم
Shayma
جمال السنوسي
mohanad haimoura
محمد البشرى الخضر
إسماعيل حميم
ترهاقا
أبوبكر أبوالقاسم
العوض المسلمي
عبدالله شمس الدين مصطفى
دينا خالد
عز الدين بيلو
zola123
ismeil abbas
osman righeem
احمد التجانى احمد
Ahmed Abdallah
saif massad ali
البشير دفع الله
النذير حجازي
عمرو كمال ابراهيم
Hatim Salih
محمد صباحى
نهلة عمر
M A Muhagir
Siham Elmugammar
انعام حيمورة
ناهد علي
Ashraf el-Halabi
محسن خالد
فيس بوك
تويتر
انستقرام
يوتيوب
بنتيريست