|
|
|
 Re: الهلباوي:... أيام زمان [توجد صورة].. (Re: ود الباوقة)
|
Quote: تقريباً قبل عشرة سنوات..
يبدو عليه روقان المزاج..
والحمل كان ريش..
حليل الذكريات الصافية ونبيلة.. |
يا الله مالك داير ترجعنا للماضى الجميل
كانت أيام جميلة الغلة كانت الغلة فى إيدى تقول رز وهاك يامتعة !!
ياليت الشباب يعود يوما !!
| |
 
|
|
|
|
|
|
|
|
Re: الهلباوي:... أيام زمان [توجد صورة].. (Re: ابو جهينة)
|
خلاص ياخي ما ترد علي رسالة ( الدعوة ) شنو حركات ( حبيبي مفلس ) دي ..!!
حميدة يا ظريف .. تحياتى وحبى فى الله
بعد نظرتك البدوب حجر فى الصورة موهومين كتار
قالوا خلاص حميدة حيكسر ليك الهلباوى ده لكن يلقوها عند الغافل !!
أنا ما متجاهللك إنت عزيز وغالى الرد تلقاهو فى بوست الدعوة الكريمة !!
كده خليك ظريف ونزل ( الصورة بتاعتنا إنت وأنا والأستاذ أحمد حنين ) والله
عاجبانى جنس عجب عارف ليه لنها بتشكل ( تجمع الصف الوطنى ) وما عارف السبب
شلتها ليه وخطيت دى فى محلها .. يا أخى دي بتخوف شكلها عكاز عكاز كده !!
| |
|
|
|
|
|
|
|
|
 Re: الهلباوي:... أيام زمان [توجد صورة].. (Re: Zoal Wahid)
|
Zoal Wahid
تحياتي..
Quote: | Quote: هذا هو الآن صديقنا آدم الهلباوي بعد أن عركْته الحياة و عركها و أناخ براحلته في صحاري نجد. |
الراجل يا ابو جهينة ما زال شاب صورة و سريرة |
يا عبدالرحمن..
فعلاً الهلباوي 2008 هو نفسو هلباوي زمان..
لا غيرتو الظروف لا أبدلتو محنة..
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: ابو جهينة)
|
الريس ابو جهينة
بعد التحية...
Quote: و هذا هو الآن صديقنا آدم الهلباوي بعد أن عركْته الحياة و عركها و أناخ براحلته في صحاري نجد.
|
ما أظن الهلباوي إستسلم للظروف الجبرتنا..
دعوتكـ السمحة دي بنديهادفرة وبنقول من خشمكـ لباب السماء..
وإن شاء الله دائماً أسرنا تامين..
آمين....
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: ادم الهلباوى)
|
Quote: | Quote: حليل الذكريات الصافية ونبيلة.. |
ياليت الشباب يعود يوما !! |
الصورة من شكلها كانت المرقة متكلفة..
طالما دغدغناكـ ومرقت لينا بيا ليت..
وحليل الأماني..
تعال نشاركـ فيها بعد ما تحكيها..
كده قول لينا عن أمانيكـ الجميلة..
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: A.Razek Althalib)
|
ول أبا الدرازق..حبابك
ياخي انت و الله بجيب ليك مفردات.. ليها شنة و رنة..
و امباكر ابقا ليكو امجكاكي في نص السوق..و اسوي ليكو فضيحة.. او كما قال..
التحية لول ابا الهلباي..و شكلوا ردم مردودم ردمة تمام..و بعد داك اخد الصورة..
اها الوصية بالمهلة.. الشاعر الجميل عالم عباس.. في يوم بدا لينا حكوة عن (سوميت بنات درجيل)..و لازال السؤال قايم سداري (مالو سوميت بنات درجيل)..
و ليه نيالا سموها البحير (انا جادي في سؤوالي ده)..
التحية ليك..و لأخونا الهلباي.. الذي تحسر على ايام زمان.. لمن كان جوز الحمام تلاتة..و الكمونية بالأمتار.. و الحكامات بيغزلنا حر السربة بالحنين..و تأريخ القبلية..و لمن الشوقارة كان بتمرق قبال موسمها بشهرين..
كلوه..
سلام
كبر
| |
|
|
|
|
|
|
|
|
 Re: الهلباوي:... أيام زمان [توجد صورة].. (Re: Kabar)
|
Quote:
ول أبا الدرازق..حبابك
ياخي انت و الله بجيب ليك مفردات.. ليها شنة و رنة..
و امباكر ابقا ليكو امجكاكي في نص السوق..و اسوي ليكو فضيحة.. او كما قال.. |
زولنا ضوء الرتينة Kabar
مبتدأ كلامي معاكـ سلام؛
وعشان تصدقو بس وتآمنو ..
لقيتها هني كلام قحاطين جنوب المملكة العربية السعودية..
كنت في معاودة لإبنة صديق سعودي ـ من قبائل قحطان ـ جنوب المملكة برفقته..
وعند إستقبال المستشفى قابلنا الأخ/ دكين.. وكنت داقشو وفايت.. على قول تعمى القلوب ولا تعمى الأبصار..
شداني من طرف الجلابية وبحفاوة أهلنا السودانيين..
تسالمنا وعرفته بصديقي..
وعرض علينا المساعدة فشكرته بعد أن أملانا العنوان شفاهةً..
وودعناه وأنطلق كل منا في إتجاهه ..
وبدأ صديقي مسترسلاً في حديثه معي وهو يود نقل إبنته من المستشفى التي طالت رقدتها فيه إلى مستشفى آخر..
خاطبني حرفياً بقوله: يا عبدالرازق باكر أمبحين نتقابل هني..
وفجأة إنتبه إلى كلمة أمبحين الموغلة في المحلية وضرب صفحة جبينه بكفه وقال لي معليش أنا قاصد "بدري"..
رددت عليه أمبحين أمبحين..
وضحكنا على إثرها..
ومن خلال إحتكاكي اليومي بصديقي القحطاني وأولاده..
وجدتهم يضيفون لكل شيء أم..
أمباكر..
إمبارح..
أمبحين..
أم ثلاجة..
وحتى مصطلحات الحداثة تلاقيهو بيدخل عليها أم: أم سيارة.. وهو قاصد السيارة..
وبيجوز إستخدامها كحرف تعريف.. والله أعلم..
وياها جاية على وزن أم طيور..
وأمباسا هنتنا ديكا..
تقديري ليكـ وإنت رادم الهلباوي صفقة مردوم وحنين جراري..
بالمهلة هنتنا الرزينة عندكـ دي..
| Quote: ليه نيالا سموها البحير (انا جادي في سؤوالي ده).. |
شمال الوادي وغرب الجبيل..
نيالا: كان أسمها دارا.. قبل الإستعمار التركي أو كما وردت في كثير من كُتب المؤرخين..
وتحولت إلى نجالا بحسب نطقها بلغة أهلنا الداجو..
تم تغيير إلى إسمها الحالي نيالا عقب ثورة مايو أيام النميري مثل رصيفاتها أم ضبان إلى أم ضواً بان.. في الوسط
............ مبيريكة.. في الشمال
وعضان الحمار إلى الفردوس في دار أهلك الرزيقات..
لدواعي المعاصرة والمدنية حسب ما بيقولوا..
نيالا بشكلها الحالي كثيراً من المهتمين بيقولو هي مدينة حديثة مقارنة بوضعنا الحالي تعج بكل ألوان طيف السودان الكل فيها أهل.. برغم المحن..
إمتدت أذرعها لتحتوي الريف الحواليها..
نجالا حسب لهجة أهلنا الداجو بتعني أرض اللعب..
البحير : لأنها ترقد فوق بحر هائج من عيون المياه الجوفية..
لا أدري في هذه الجزئية وأظن عشان عين بتكرم ألف عين.. والخير فيها راآآآآآقد لامن أهلك البقارة يلموا في سوق أم دفسو..
الفرصة واللبن والروابة برقدن أرضلله في واطاتا.. بدل ما كان بنكشح في البوط والرهود بجيبو بيهو حق شاهي وسكر أهلك البرامكة البقولو الزعلان يشرب من بحرها ويسف الرمالا..
والسلام ختام ليكو غادي..
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: A.Razek Althalib)
|
الاستاذ هلباوي عوافي: يازول صورتك الاخرانية دي سمحة بالحيل .. سمحة تب.. البشفووك يقول مدير البنك الدولي ماشاء الله تبارك الله.. فالانسان بالروح وليس بالعمر او كما قال الشاعر:
اقبل على النفس واستكمل فضائلها*** انت بالروح لا بالجسم انسان.
-ول ابا عب الرزاق ول الطالب.. واتا صورتك يييييييين??
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: ادم الهلباوى)
|
Quote: ولض ابا ماشاءالله تبارك الله.. مايك تايسون لو فكر سااااكت ينزل معاك مباراة بياكلها واللاعة.. عشان (كيي) ياريت لو تفكر كدا وتمتهن الملاكمة.. عشان ناس قريعتي راحت ديل يروحوا شمار في مرقة.. واخد بالك
|
محود الدقم
أضحك الله سنك
يا أخي أبو رزقة دا كدا مجنن الناس عايز كمان تديهو ضوء أخطر لإستخدام عضلاته..
.
.
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: إسماعيل وراق)
|
الأخ العزيز / زول وحيد الموسوعة الموضوعى المنطقى
أشكرك على المداخلة والمحبة .. لك حبى وفائق إحترامى
الرئيس / أبو جهينة .. تحياتى وفائق إحترامى
ياخى الصورة دى صاريها كده مالك ما تفرها شوية عشان نعرف ده ياتو مؤتمر !!
على الأقل أعرف الزول المجاورنى ده عشان أجتر الذاكرة .. اشكرك يا حبيب ..
اخى الكريم الأستاذ / كبر .. تحياتى وفائق إحترامى
اشكرك على المداخلة والمشاركة بعدين اتحفنا أكتر فى بوست بريمة اللهجه العامية
للبقارة حسب على أنت رجل موسوعة .. تحياتى وفائق إحترامى .
أخى المحترم / محمود الدقم .. تحياتى وفائق إحترامى
أشكرك يا حبيب على المشاركة والملاطفة والتعليق الشيق
لك حبى وفائق إحترامى .
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: ادم الهلباوى)
|
أخى الأستاذ المهذب الكريم / محمد الحسن ... تحياتى وفائق إحترامى
الرجل المحترم المهذب الكريم منذ ان وطئت قدماه هذه الأرض المباركة
لم نشتم منه إلا كل طيب ولم نسمع منه إلا كل جميل دائما يدخل بين المختلفين
بالتوفيق والكلام الزين دائما هاشا باشا محب لكل السودانيين لك التجلة ولك
المعزة حفظك الله ورعاك .. الصورة دى أنا محتاجة وبعدين الصورة على ما أظن
كانت قبل شهرين من الأن بعد عودتى من الاجازة خطفتها بموبايلك يا ظريف مش كده
عموما تشكر وما تقول اليومين ديل داير لي صورة ذى دى أخوف بيها بعض الناس !!
تشكر وهذا من أصلك يا أصيل .
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: ادم الهلباوى)
|
عبد الرازق ... الحكاية فيها فلوس .. وريالات
انا من كام يوم شايف العنوان ده حايم .. ولكن لظروف ملاحقة بعض الامور وبعض البوستات ما قدرت اشوف الحكاية شنو...
اولا عشان نقدر نخش ونسلم على اخونا عبد الرازق المختفى عن الانظار .. ونقول ليه ليك وحشة ..
وكمان الهلباوي حقيقة انا انا اتعرفت عليه من خلال المنبر وبالذات من خلال بوست او بوستين كنت اتكلمت فيه عن مشاكل قبول الطلاب (اولاد المغتربين) واعتقد بوست تاني عن جهاز المغتربين ( أما آن لامينه ان يرحل) .. وكان اول لقائي بيه (عينك عينك) في ليلة من ليالي بورداب الرياض ولقيته راجل ظريف .. طبعا انا حلفاوي وكمان فلتان شوية في الكلام واستميحه عذرا لو قلت (رغم شناتو طلع زول ظريف) طبعا فوق ده كمان بقت ليه محبة خاصة في القلب .. والقلب يحب كل جميل .. والحكاية دي كمان مربوطة بمصالح وفلوس ..
اكيد الناس عاوز تعرف سبب المحبة الخاصة المربوطة بالفلوس ..
في تلك الليلة انا جيت من الشغل مباشرة وكان معاي مبلغ محترم في المحفظة (طبعا مجازا بنطلق عليهاالاقامة ) لانها دفتر الاقامة الزفته دي ما بنقدر نطلع من غيرها ..
المهم وقعت مني الاقامة وانا ما حاسس بيها المهم افتقدها ومع الزحمة والونسه ما جايب ليها خبر !!..
يازول لقيت ليك واحد نضام اكتر من ولياب قابض الجو بقفشاتو الظريفة .. وكمان عندو مقدرة تجسيد الوصف بحركات غريبة .. المهم بعد شوية و على انفراد يجي و يقولي يا حلفاوي وين اقامتك ؟
قلت الزول ده مخابراتي ولا متعاون مع ناس الامن .. بيسألني عن الاقامة ليه .. من لحظتها انرسمت الصورة الشينة في ذهني . (عشان كده بقول انو شين) ... المهم بعدها وبكل ظرافة ولطافة يانولني حاجة فيها اكتر من عشرين الف ريال ..
طبعا بعد كده كان لازم يكون ليهو معزة خاصة.. لان الحكاية فيها فلوس .. وريالات .. لكن برضو ما قادر اطرد الصورة التي اترسمت لحظة ما سألني وين اقامتك .. لان في لحظتها جيت اتحسس الجيوب وما لقيتها وعقلي كان طار مع الريالات ..
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: welyab)
|
اشكرك يا ولياب على هذه الإضافة
إنت ما ملاحظ أنا في كل مداخلة لئ فى بوستاتك الوطنية دى
بزين إسمك بالشيخ الوقور ليه يا ولياب لأنك فعلا شيخ وقور ومحترم كمان
وإلا ما وقت محفظنك أم 20 ألف ريال فى إيدى لاحظ فى الوقت داك كان الريال
بشئ وشويات ... يا راجل فى الزمن ده مع بطاقات البنوك دى فى واحد بشيل
ليه 20 ألف وجاى إحتفال بورداب فى مخرج 18 والله نحن الخشنين ديل م بنعمل كده
لك حبى وفائق إحترامى يا شيخنا الجليل وربنا يقويك لأنك دنمو العمل العام فى هذه
الأيام وفقك الله يا شيخنا الجليل وربنا يقويك لأنك اليومين ديل دنمو العمل العام .
تخريمة :
يا أخى 20 الف ريال وقتها تساوى الشئ الفلانى .. صدقنى كان وقت ده ورقك زاد!!
وبدل حلفاوى كنت حتقول أنا غرباوى !!
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: إسماعيل وراق)
|
Quote: محود الدقم
أضحك الله سنك
يا أخي أبو رزقة دا كدا مجنن الناس عايز كمان تديهو ضوء أخطر لإستخدام عضلاته.. |
الحبيب اسماعين ول وراق كيفينك يايا عساك بخير والعائلة الكريمة اخونا ولض عبدالرازق ينفع يشتغل بودي غارد الزول كدة كان سافر نيويورك بيشتغل من المطار ماشاءالله تبارك الله هسع كان هبتشو في عمرو تلقاهو عمرو سبعة وسبعين سنة اقصد سبعة وعشرين سنة وبالمناسبة يا اسماعين اتا صورتك ييييييين?
| |
|
|
|
|
|
|
|
|
 Re: الهلباوي:... أيام زمان [توجد صورة].. (Re: 3mk-Tango)
|
3mk-Tango
عمكـ يا لذيذ.. اللقى أحبابو نسى أصحابو..
وينكـم يا الفتو طولتو..
| Quote: قول للهلباوي بتعرف واحد اسمو ( فانتوماس ) |
لا حولالآلآلآلآلآه..
ده ما الهلباوي ذاتو..
بشحمو ولحمو أيام كان بيلعب لفريق التاج..
مرة شات ليهو فاول برة خط تمنطاشر لحق القون الإسعاف..
| Quote: الكلام دا لمن كان واحد اسمو ود الموج بجليها واقفة وبغش الاشبال بي فانيل السعوديةعشان يشجعو لعبو ,, |
حكاية الموج بيصرج دي ما شفتو جدع رمية تماس..
النصيحة نور..
لكن لقيتو طالع في الكفر مدير فني أيام دوري الصالحية..
مع خالص تقديرنا ليهو..
أعور في بلد العميان..
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: A.Razek Althalib)
|
الأخ عبد الرازق .. سلامات، و تحايا للهلباوي و الجميلين
و الأصيلين في بلادنا..
Quote: ومن خلال إحتكاكي اليومي بصديقي القحطاني وأولاده..
وجدتهم يضيفون لكل شيء أم..
أمباكر..
إمبارح..
أمبحين..
أم ثلاجة..
وحتى مصطلحات الحداثة تلاقيهو بيدخل عليها أم: أم سيارة.. وهو قاصد السيارة..
وبيجوز إستخدامها كحرف تعريف.. والله أعلم..
وياها جاية على وزن أم طيور..
وأمباسا هنتنا ديكا..
|
أنت محق فيما ذهبت إليه .. و هي إحدى لغات العرب و اسمها الطمطمانية،
و أول من تكلمت بها ( حميِر) .. و هناك حديث مشهور للرسول صلى الله
عليه و سلم بها حين قال:
(( ليس من أمبرّ صيام في أمسفر)) بمعنى: ليس من البر صيام في السفر..
و هناك غيرها من لغات العرب مثل العنعنة و هي قلب الهمزة عين مثل
قولهم: ((سعلتك)) بمعنى سألتك و ((سعال)) بمعنى سؤال..
و غيرها من اللغات مما تفلّت من ذاكرتي (العزباء)
و لعلهم قالوا  ( نيالا البحير غرب الجبيل)) مدحا لها.. و في ذمها
تقول جدتي رحمها الله: (( نيالا فقُر والا))
هذا مع تحياتي لأخينا محمد نور كبر معلا.. ذي الهاتف الذي يستعصم
بالصمت..
بوعسل
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: Deng)
|
شكرا اخي ادم علي تلك الكلمات الطيبات التي لست أهل لها0 فأنتم من تجبروننا
علي أن نكون عند حسن ظنكم وذلك بحضوركم الدائم في منحيات غربتنا
ردنا الله جميعا للوطن الواحد سالمين غانمين بأخوتكم 0
| Quote: كانت قبل شهرين من الأن بعد عودتى من الاجازة خطفتها بموبايلك يا ظريف مش كده |
الزمان صحيح (قبل شهرين )
الوسلة صحيحة بالموبايل 0 وأنت عائد للتو من السودان حتي أوثق للحالة الصحية(ماشاء الله )0
اما المكان فأتركه لفطنتــــك 0
ودمت أخا عزيزا 0
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: Deng)
|
Quote: يا ولياب.
أنتو كيف تخلو أخوكم أبو رزقة ده يمشي يبضع في البطحة؟
دينق. |
دينق
من بعد التحية..
البطحاء مالها كمان..
العالم كلو بيلبس منها.. زميل لي في العمل مهندس مكسيكي اسمو جيروم [راعي برضو] مغرم بالبطحاء خصوصاً مركز جمال ومانيلا بلازا..
لامن آمن ذاتو..
بفلقستكـ الزايدة دي بتكسر رقبتكـ يوم..
ما كفاية شوية أيامكـ الأدوكـ ليها ناس المارينز ضيعتها في المركز الألماني ورجعت بخفي حنين من الخرطوم..وبحر الغزال جليتها..
بشويش علينا حملنا تقيل..
أخوكـ برضو بتاع بيوتات أزياء..
ومارشلينو.. ودولار والذي يجي منو من الموضة وكسوة الشتاء والصيف..
أخوكـ راعي.. بستر عورتو وبنكسي من طرف السوق..
علقونا ساآآآآكت..
والسعيد بيشوف في أخوانو..
إنت فاكرنا بتوع آيس كريم الما خايلة معاكـ دي..
ولا شنو..؟
أكان جهركـ لبسنا نحن بنآكل البيعجبنا..
| |
|
|
|
|
|
|
|
|
|
Re: الهلباوي:... أيام زمان [توجد صورة].. (Re: د.محمد حسن)
|
بالنسبة للصورة بتاعت الأستاذة الجليلة / عفاف الصادق حمد النيل
بت حلتنا وحينا ( حى الوادى ) .. معظم معلمات نيالا تأهلن على يدها
لها التجلة وفائق الاحترام ولى معها قصة غريبة جدا وممتع سوف
عن حنانه حارويها لكم يله أجهزوا كلكم !! ده طبعا بعد مانسمع من
ود الطالب السيرة العطرة لهذه الدكتورة الموسوعة ..
| |
|
|
|
|
|
|
|
|
 Re: الهلباوي:... أيام زمان [توجد صورة].. (Re: ادم الهلباوى)
|
Quote: حارويها لكم يله أجهزوا كلكم !! ده طبعا بعد مانسمع من
ود الطالب السيرة العطرة لهذه الدكتورة الموسوعة .. |
وعلى أنغام الرائع أبو عركي البخيت بذات النبرة: ما حأقدر أقول لكم؛
بس تعال قول إنت:
لما طارت في الفضاء جددت أنغام رضا..
ومرة في عمق المدينة..
مطرقين عضانا لسيرة حيكم "حي الوادي" يا صاحبي..
والبوست شرك ليكـ..
كده نسمعكـ إنت في الأول بالتبادي..
| |
|
|
|
|
|
|
| |
A.Razek Althalib
humida
ادم الهلباوى
ابو جهينة
mahmed alhassan
إسماعيل وراق
Kabar
Biraima M Adam
sumah
welyab
ابوعسل السيد احمد
Deng
د.محمد حسن
فيس بوك
تويتر
انستقرام
يوتيوب
بنتيريست