كتبت ست البنات { لي حدهن } : وأساع انا خربت عليكون بيت العزابة - وخليتكون تتجاروا تلقطوا فى الشراريب المجضعات - والنعلين
المحشرات تحت العناقريب - وعدة فطور العيد اليبست - وسفات الصعوط الناشفى فوق العتبات وطرف
الشبابيك - ووحدات مدعوكات بى كان سفنجة ولا مركوب نمر جديد ولا مرقوع !!والحمد لله القلنا جايين
اساع خالد ود عمى محجوب المنسى بس يبقى بيقينالو سبب يلقى نعالو الرايحى من عامنوال !! ----------------------------------------------------------------------------------------- لوووووووووول ياسكينة بت الخال دي صورة نمطية لبيت عزابة تقليدي ، وبيكون جايين من الجزيرة في أخر ايام عهدنا الذهبي ، قبل ان ننتقل للقيد الذهبي كان عندنا بيت عزابة مجيه جيهة حبيبك مقشوش ومرشوش ومبخر والتلاجة معبأة بكل ماتشتهيه الأنفس أنفس الأنعام والأنفس الرجالية
ولمن بعضهن إكتشفن البيت صارن بيمرن ثم بيتكلن بالأيام لغاية ما شريكنا في البيت وكنا شركاء ثلاث إقترح نحفر حفرة دخان
اما بيوت عزابة الخليج فأحسن من اي بيت أسرة متمر الملايلات مشدودة ومطقمة والمطبخ متنوع الوجبات ، حسب بلدان الزوار فيوم عندنا كسكسي ، ودي بيعرفها عبدالواحد كويس ويوم عندنا زغني وآنجيرة ودي علم على رأسه نار هذا غير الوجبات الفلبينية والشامية
ويوم وجدنا اقاشي
قالت عقارب قالت
03-17-2008, 08:09 AM
Safia Mohamed Safia Mohamed
تاريخ التسجيل: 07-21-2007
مجموع المشاركات: 2365
Quote: لمن الجابري قال : فتنة والله وحكاية ماسمعنا ليك رأي ولا موقف ليه ؟ والا انا { الطوفة الهبيطة} ناس خيار وناس فقوس
أولاً: والله لكن لقيتك ما مذاكر غناء "سوداني" كويس تحفظي على سوداني دي لانه هو اصلا ما سوداني ولكن يخص فئة معينة من السودانيين اظنك ما منها هاهاها الراجل حق غناء الفئة السودانية المحددة قال حكمة ما قال فتنة. ثانياً هو القال ليك منو انا او غيري ما قلنا حاجة في الغناء "السوداني" البكرس للصورة النمطية للنساء بلادي اييك يا ما قلنا وقالو
قالوا وقلنا ليه ليه قالوا كتير قالوا وعادو كلام الطير واكتر وزادوا قالوا عليه ناسي ودادو ديل عزالو ديل حسادو قالوا قلنا ليه ليه قالوا عليه بكرة يملوا اما بالبي تمثيل كلو هي وهو ناس بتسلوا ديل عزالوا كم هم ضلوا قالو قلنا ليه
عاد ما ما بعرف انزل غنا لسع برلومة جديدةة كرت
03-17-2008, 09:01 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: فلنقل نجحت اشراقة في ايقاظنا ولكن سؤال هل نجح الاتحاد النسائي في محاولته؟؟؟؟؟ سفية
حسع الاخيرة دي يقروها شنو ....؟ ياربي الناس دي كلها طشطشت....؟ ولا الحروف بقت صغيرة ....؟ولا الساعة بقت كم ...؟ ولا انا زاتي عاوز اغير النضارة ....؟ جنس محن هارون دياب
03-17-2008, 09:55 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
ابو ساندرا تحت تاثير الضغوطات الكبيرة جراء بوستاتو العظيمة فى شان تعلية شان البنات والمراة
ابو ساندرا يتحول او يستبدل بواسطة مدرب فاشل وهتيفة من خانة الدفاع الى خانة الهجوم ( الحقوق محفوظة نوبينا ) !
فى مؤامرة واضحة لا تخفى عليكم خباياها
نطالب بارجع ابو ساندرا الى ساندرته واخواتها
ابو ساندرا ... ابو ساندرا .... ابو ساندرا
ـــــــــــــــــــــــــ نساء البورد ،،، تكاتفن لاحباط المخطط الدنىء ،،،، معا لعودة المناضل ابو ساندرا وفى هذه الحالة ارجو تحويل البوست لعناية ود البشرى لمزيدا من التوثيق فى بحوثه المتعلقة باحوال البورد ...
وقووووووولو نايمة؟؟؟؟؟؟؟؟ ح تعيشوا كيف فى سودانيز دى بدون فتنة ؟ قصدك انو بكرى يقفل ،،، يصفى .. ويشهر افلاسه ؟؟؟
03-17-2008, 09:59 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22758
ممممممممم ... إشراقة .. صفية .. حليمة .. خنساء .. دينا .. أمانة ما وقعتن و ما سميتن ..
لووووول .. ميروك يا كبير .. تكسب الرهان , أنا الطلعت داقس .. الإطناشر ساعة من فتحك للبوست تمت .. و ما قصرن البنوت .. و زي ما إتوقعت يا منعول : قعدن و إتحكرن و سرحن في النضمي .. عافي منك يا كبير .. قدرت تدورن .. و بسهولة كمان . ياخي الحروم ديل طيبات طيبة .. !!! قاعدات بس متلقيات حجج و بمزاااج .. إلا كان نضمنا إنقلّمنا . إنّا لله .. موبااااالغة .
تكسب العزومة للفور سيزونز .. لكن ما براهنك تاني .. إنت منعول و خرّات .
03-17-2008, 04:49 PM
رأفت ميلاد رأفت ميلاد
تاريخ التسجيل: 04-03-2006
مجموع المشاركات: 7655
ونومة الضحوية القلتها دى وحات شيخى مشتهياها تحت شدرة وعنقريب هبابى وحبل يقرص ووسادة من توب امى ونومة كما نام ابن الخطاب بشرط الا يعبر ابو لؤلؤة لانه النوم سلطان
(مشاقين) يا فردة
03-17-2008, 05:13 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
شفتو الزول ده يا جماعة وحركاتو دي ، مشى يفتش النسوان بس وعنوانك ده يا اصلي عماد عبدالله كشف نومتك فيهو صاحبك عماد ضيّعك فنسبة لمعرفة الديامة لامزجة بعضهم ، وخططهم ، وقردنتهم ودردقتهم فقد كشف عماد لعبة أبوساندرا وهو شَرَك واضح وصريح (الشرك حق الطير الواحد ده ما حاجة تانية) قصد به الثعلب أبوساندرا ( دردقة الجكس ) ونجح أبوساندرا اللئيم في تجميع الحلوين كلهم ( اللهم لا حسد ) هو أبوساندرا ده بيرتاح في محل ما فيه إنتن ؟؟؟؟ وصدق إبن أمي حين وصفكن بالطيبات أقعدن صدقن لي في كلام عبدالرحمن ده ، لحدي ما الدكاكين يقفلن
وبعدين يا جماعة ما تظلموا عبدالرحمن ده وتفتكروه ( بيهجو ) فيكن هو الفتنة دي الا تكون (اللخبتة ونقل الخبارات) ؟؟ لا ، الكلام ده ما صاح ، عبدالرحمن البعرفو أنا ده قاصد بالفتنة دي (الجميلة ، الحسناء النائمة) وقد شبهها هنا بالفتنة ، وكما قال رمضان حسن: الزهور صاحية وإنت نايم داعبت شعرك النسايم وأيقظك صوت الحمائم (بالله شوفو التشبيه ده ، ما ياهو ده زااااااتو القاصدو الثعلب المكار ده ) وعشان أدلل على ( حسن نية ) أبوساندرا ، أهو ده سيد خليفة بيقول فتنة الأنظار عقلي فيك احتار انتِ قربك عيد ، وإنتِ بعدك نار وأحمد المصطفى قال فتني والكاشف قال فتنت بيه ، وعشقتو ليه وعبدالقادر سالم قال ، مفتون هواكِ يا كردفان شفتو كيف ؟؟ ساهلة ، مش؟
ــــــــــــــــــــــــــــــــــ عبدالرحمن ، الناس ديل لو اقتعنوا بي كلامي ده ، حقي بره ( النص بالنص )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبو ساندرا
محمد أبوالعزائم أبوالريش
عبدالغني كرم الله بشير
Mohamed E. Seliaman
Saifeldin Gibreel
ست البنات
Ishraga Mustafa
Safia Mohamed
محمد البشرى الخضر
haroon diyab
حليمة محمد عبد الرحمن
دينا خالد
ابو جهينة
aml gadora
Emad Abdulla
رأفت ميلاد
سلمى الشيخ سلامة
عبد المنعم سليمان
فيس بوك
تويتر
انستقرام
يوتيوب
بنتيريست