دعواتكم لزميلنا المفكر د.الباقر العفيف بالشفاء العاجل
|
|
 الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات
|
القصة في بوست (انجمامة والدنيا فانية للاخ الفاضل خالد علي محجوب المنسي)
حكي الاستاذ الطيب ود شيقوق عن تجربة انتخابات ترشح فيها....في منطقة الدندر
والمواقف كثيرة وطريفة في كافة ارجاء السودان
دعونا نوثق شيئا من ذلك هنا
يقول ود شيقوق في رده للمهندس ابوبكر سيد احمد
Quote: ذكرتني يا الرطاني هتافات العرب عندما ترشحت انا لانتخابات البرلمان السوداني كممثل لدائرة شرق الدندر .
طبعا كنت مطمئن جدا اني افوز فوز كاسح لان المنافس صحيح تاجر مليان فلوس ومطاميرو ومخازنو مليانة عيش والناخبين كانوا متعوجين شديد بسبب الجفاف وارتفاع اسعار الذرة .
اخوك طبعا كان نقيب محامي شرق النيل الازرق ( كلهم 6 محامين) من السوكي للقضارف .
يا ابوى الحملة الانتخابية بدت مسخنة شديد . اجمل ما في الموضوع انو حملتي انا كانت مدعومة من قبل تاجر قريبي ومن اثرياء المنطقة ووضع جميع عرباته تحت تصرفنا نحن . اما الخصم الاخر العربات عرباتو ملك واسمه ود الزاكي .
بعد ود الزاكي شعر باستحالة الفوز شفت عمل شنو ؟ فتح ليك مطامير العيش والصوت بشوال عيش وشوف القيامة كسرت منى ومشت لمحل العيش وطوالي غيروا الهتاف من ( بلدنا النامي جاب لو محامي ) الى (ود الزاكي حديد ملاكي وود شيقوق حديد مشحود) ( والفحامي ولا المحامي )
وود الزاكي حديد ملاكي بيقصدوا انو ود شيقوق شاحد عربات الحملة وود الزاكي عربياتو ملك عدييييييييل . |
|
|
 
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: خالد علي محجوب المنسي)
|
منسي
Quote: أظننا موعودون بحديث طيب عن تجربتك ومعاصرتك لما يحدث في الإنتخابات
وبالذات في الأطراف وكما سميتها الهامش ..
بالله نرجو منك عدم الإنشغال بمهاتراتنا الجانبية وسر للأمام يا شيقوق وقول
نورنا ونرجو من كل من عاش تلك التجارب وأو عاصرها أن يفيدنا
أفتكر انا حبيبنا القمر بوبا قد وقف في هذا البوست
وإلى الأمام
عليك الله أنتَ ما أديت صوتك لود الزاكي ( بي شوال قمح ) في تلك الإنتخابات
لما عرفتها بايظا |
شوف ما تسمع كلام حملة الدكتوراة والقادة السياسيين في المنابر العامة . ده كلو كلام فااااااااااااارغ - انا عايشت الاحداث تماما وبكل متعة وكنت سعيدا جدا بالنتيجة وما كانت مهمة بالنسبة لي خالص . ولكن الاهم بالنسبة لى يا منسي هو كيف يمارس الحق الديموقراطي في السودان .
وبالمناسبة حتى انا بعد سقوطي اغتربت لسلطنة عمان وعملت في سوق الاوراق المالية ونشرت لى الكثير من المقالات في الصحف باللغتين عن الاوراق المالية وبالصدفة وصلت واحدة من تلك المجلات لاهلنا في الدندر وكان ذلك بعد سنتين من سقوطي ات عارف حصل شنو . ناس الدندر شالوا جرائد عمان وطلعوا يهتفوا ( ضيعناك وضعنا وراك يا شيقوق ) .
معذرة ده كلو ما مهم المهم ما نحن مقبلون عليه في السودان في غضون الاشهر القادمة .
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: GamarBoBa)
|
| Quote: أحم أحم نحن جادين قول والله ما حانضحك صدقني |
يا ودالمنسي اضحك لحد باكر... ودشيقوق قصصو كلها سطر ونص وخلاس .... قصة رحلة عمر ومشوار سنين كلها سطر ونص والانتخابات سطر وخلاس ... انتو العرريب دة ما تخلو يسرح بيكم سااااي ...انتخابات شنو .. دة نزلو من البوكسي يتاع ودالزاكي جنب الراكوبة بتاعة الانتخابات وشوية عيال هتفوا ود الزاكي حديد ملاكي وبس قام قال انو نزل الانتخابات
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: abubakr)
|
| Quote: يا ودالمنسي اضحك لحد باكر... ودشيقوق قصصو كلها سطر ونص وخلاس .... قصة رحلة عمر ومشوار سنين كلها سطر ونص والانتخابات سطر وخلاس ... انتو العرريب دة ما تخلو يسرح بيكم سااااي ...انتخابات شنو .. دة نزلو من البوكسي يتاع ودالزاكي جنب الراكوبة بتاعة الانتخابات وشوية عيال هتفوا ود الزاكي حديد ملاكي وبس قام قال انو نزل الانتخابات |
والله كلامك بجيب لي الهواء هنا - يا اخي انا بكتب بتستر شديد اقوم القاك كاتب كلام افقعها ضحكة والناس يقولوا ده مجنون ولا بيعمل جاتنج مع بنات اثناء الدوام .
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: حمزاوي)
|
حمزاوي
ضحكتني - رتانيكم بقى ليكم زى الجدادة السايقة ليها سواسيو . يا ريت لو الواحد بقى صاحبو عديل وعزمه واداهو هدايا ويقوم بعد داك ينزل مترشح في دائرتكم والرتاني باشارة مصبع ليكم كلكم تنبهلوا في الصندوق تدفسوا الصندوق لاضيناتو عصر بس وفي ستين الف داهية يا الديموقراطية البتجيب النخب الفاشلة.
حاشية :
تحركنا حملة انتخابية في الايام الاولى وكنا راكبين لوري اوستن فيهو ريشات نعام بقدام والمرشح راكب قدام ومهندم والعرب راكبين خلف ماليين العربية وواحدين في السيخ ارجلهم برة وشايلين افرع الشجر ( شعارنا الشجرة) وكلما نمر بقرية تتبعنا عربية شاحنة ناس دعما للحملة وهيصة وكواريك وهتافات .
يا زول وقفنا طرف احدى قرى الدندر الكبيرة جدا (ود الفاضل ) واهلها جميعهم من قبيلة القواسمة يعني ناس قبيلتي عديل ومالي بيهم يدي . يا زول واحد منهم طلع لاستقبالنا مافي وكنا عطشانين ما لقينا حد يجيب لينا موية ( طبعا الموية موية جمام مش موية بئر ) الجمام عيون تنبع في رمال النهر بعد انحسار المياه يا رطانة.
بعد شوية جونا شباب جارين عكاكيز مضببة وسكاكين مبرومة وحدّروا لينا بعيونهم وقالوا لينا جايين عندكم شنو هنا ؟ قال ليهم واحد من ناسنا نحن منزلين ود شيقوق ده في الدائرة دى وانتوا اهله جيناكم عديييييييييل تقيفوا معانا .
جماعتك واصلوا محدرين لينا وبعد شوية قام واحد فيهم اتكلم وقال لينا ( هوي يا ناس احسن تختونا بسلامتكم الحلة دى ود شيقوق ما بلقى فيها الضب) يا زول ناسي اتقارصوا ودوروا العربية وبعد طلعوا برة القرية قلت ليهم الحاصل شنو الناس ديل مالهم ؟
قالوا لى ات نسيت يا ود شيقوق ولا شنو ؟ الحلة دى زمان فيها احد وجهائها مات مقتول وانت كنت محامي تدافع عن القاتل وبدل يحكم بالاعدام قصاصا حكم عليه بالدية .
تااااااااااااااااااااااااح اتذكرت فعلا ديل الناس الكان بيجوا جاريين عكاكزهم وبعاينوا بنوافذ المحكمة اثناء قضية قتل قريبهم .
هكذا سقطت ورقة هامة من في انتخابات ود شيقوق .
نواصل
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: GamarBoBa)
|
القمر بوبا................تحية طيبة
غايتو ربنا عالم بالنيات .... لكن قلبى يحدثنى بأنك مُتلف لأخوى الطيب دا وحافرلو بالغريق وحا تغتس حجرو فى
الرمال المتحركة لنهر الدندر ... وأشوف صاحبى ما كذّب - المؤمن صدِّيق موكدا- وبدأ يحكى بجدية....
غايتو، نتكلم بجدية ، نحن متابعين ، وصدقنى أن تجربته فعلاً تختصر واقع الديمقراطية ( التمثيل النيابى ) فى السودان....... ودى
المناظر من الواقع ونحن منتظرين الحكاوى بطريقة شيقوق الشيقة ... حلوة دى؟
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: abubakr)
|
الرطاني
انا لو في محلك اترشح طوالي شايف اهلك ناس فيصل وبوبا السجم عاملين ليك طوق امني وعمى كمال بعاين من الشباك ومشجع ختتتتتتتتتتتتير .
ابو بكر ابو القاسم انت من اندنا لكن عصا نائمة وعصا قايمة - حدد اتجاهك يا الحبيب زى ود المنسي الباع نفسو ليهم ده . انا قصدت ألملم العجم ديل في البوست ده وبعد يتقنطروا كويس اروح شايتهم ليك ضفاري تاني ما حتشوف طافي النار .
هسع عينة ود المنسي لو جات انتخابات مش ممكن بسهولة تستقطبوا لحزبك ؟ زى ده تسلط ليهو واحدة مسلطة تحوحي ليهو بس .
تخريمة
يا اخوانا انتو بالطريقة دى ما بتخلوني اواصل حملتي الانتخابية وما افضت اليه من نتائج ايجابية .
تاني لو تداخل اى حد انا بقلب البوست حب عديييييييييييييييييل
عم كمال غيرك مافي رطانيا عاقل - ارجو حسم الموضوع .
عم كمال هسع لو جاكم حد وجيه وسبق اترشح في انتخابات ممكن تدوهو من بناتكم ؟
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: GamarBoBa)
|
يا القمر سلامات,,
يا اخوانا بالطريقة دى ما حا نقدر نتابع ولا نذاكر ولا نركز
يا قمر بوبا الزول ده الرطانة بدردقو وإدردرو فيهو بهنوك
فى عدد 2 بوست كاربات,,ومشركين ليهو أحلى شرك وصاحبك يشيل
ويتلب ويشيل وينط,,,,ويزردو فى واحد يجرى التانى ويلحقو فى
البهناك يلم عفشه ويجرى على التانى وهكذا دلاليك,
ياخ ماممكن ما تخلونا نشتغل ,,,
يا حاج الطيب,,,, والله كان ما فارق السن والخبرة كان الليلة
تشوف ليك جحر ,,,,,ياخ جيتنى مدودر لكن عزرتك يا حاج ومن
الليلة ولا قدام سوف نراعى عامل السن وتبعاته
يا ود المنسى منجل شنو بعد ده ياخ دى حقو يدوك فيها ميدالية
الواحد قاعد فى نص المحترفين وما جايب خبر,,,,,ما بقدرعليهو
المنجل شغله حار ودايرلو صبى
الواحد بقى فعلا زى المجنون بيضحك مع الكمبيوتر أكتر من ضحكه
مع خلق الله,,,,,,
ياخ دمتم وتخياتى زاتو لكم جميعا لكن يا أخوانا خلونا نشتغل
*اى واحد دفعة حاج الطيب ده يورينا عشان كلو إلا أخوانا الكبار
ويظل إحترام الكبير أحد مرتكزاتنا التى توارثناها جدا عن جد,,
وتجرى فينا مجرى الدم,,,
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: GamarBoBa)
|
الأخ/ القمر بوبا ..........تحية طيبة
أعتقد أن ما سبق وتفضّل به أخونا الطيب شيقوق أدناه يستحق منه وقفة تأمل لأنه يعنى الفهم المغلوط السائد عن مهنة المحاماة:
Quote:
قالوا لى ات نسيت يا ود شيقوق ولا شنو ؟ الحلة دى زمان فيها احد وجهائها مات مقتول وانت كنت محامي تدافع عن القاتل وبدل يحكم بالاعدام قصاصا حكم عليه بالدية .
تااااااااااااااااااااااااح اتذكرت فعلا ديل الناس الكان بيجوا جاريين عكاكزهم وبعاينوا بنوافذ المحكمة اثناء قضية قتل قريبهم .
هكذا سقطت ورقة هامة من في انتخابات ود شيقوق .
|
الطيب يا أخوى ما تعبر دى ساكت واُخد ليك فيها - إذنك يا ودالمنسى - إنجمامة وهيطة وعطّرنا بالحكايات حولها.
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: أبوبكر أبوالقاسم)
|
Quote: يا القمر سلامات,,
يا اخوانا بالطريقة دى ما حا نقدر نتابع ولا نذاكر ولا نركز
يا قمر بوبا الزول ده الرطانة بدردقو وإدردرو فيهو بهنوك
فى عدد 2 بوست كاربات,,ومشركين ليهو أحلى شرك وصاحبك يشيل
ويتلب ويشيل وينط,,,,ويزردو فى واحد يجرى التانى ويلحقو فى
البهناك يلم عفشه ويجرى على التانى وهكذا دلاليك,
|
ايمن...سلامات
ياخي حكايتي مع الزول ده غريبة شوية
جيت متأخر بعد يوم صعب فتحت المنبر
لقيت ود شيقوق منداح في حكايته ...الضحك استغرق معاي قريب نص ساعة
الناس حولي شكوا قالو الزول ده بجي متاخر مسطول...مصاقر النت وبضحك...
شديت ليه سلك...قلت بعد اذنك انا حدور في موضوع الحديد المشحود
كان الذي كان
الشرك الهناك في الانجمامة لسة منصوب...
| Quote: الطيب يا أخوى ما تعبر دى ساكت واُخد ليك فيها - إذنك يا ودالمنسى - إنجمامة وهيطة وعطّرنا بالحكايات حولها. |
بس علي قول ابوبكر ابوالقاسم خلوه يحكي عن المحاماة شوية......
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: abubakr)
|
ابو القاسم
بوبا
| Quote: الطيب يا أخوى ما تعبر دى ساكت واُخد ليك فيها - إذنك يا ودالمنسى - إنجمامة وهيطة وعطّرنا بالحكايات حولها. |
يا اخوانا الرطاني المسلط ده ما بخليني دحين اقرعوهو منى خلوني احكي ليكم عن سوالف مهنة المحاماة مش لستة سنوات كما ادعي الرطاني ولكنها تقارب 15 عام تجولت خلالها في جميع انحاء السودان مترافعا عن اهلي العرب اينما ظلموا او ظلموا فهي بحق حقبة مليئة بالاشجان والشجن فدعني اخي الرطاني احكي لكم .
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: خالد علي محجوب المنسي)
|
Quote: يا أخوي أنا سماح وبس مافي زول بجيب خبري
شفتا سماح دي كان شجعت حاج كركروب القاعد فوقنا دا
بمشي معاها لكن ما معاهو
كنتا لابس شنو يوم حملتك الإنتخابية في الحلة القربوا يلقطوكم فيها بالعصي ؟؟
عليك الله واصل في التجربة والله كلنا شوق لسماع ذلك |
والله يا منسي اكان بتدرب معاى بت جميلة شدييييييييييييييد والعرب لما يجوا المكتب يعاينوا فيها سااااااااااااى والواحد اكان عندو قضية عندى وما فيها جلسة يجيك بلا سبب عشان يصنقر يبطل شغلتك ويعاين للمحامية ويبلع ريقو زى تبلع ريقي ده لسماع صوت سماح .
ود ابو القاسم
مش في عملاء بعض منهم بيجيك عشان البت السمحة المعاك في المكتب وبس وناس اخرون بيتابعوك ويشوفوا وقت شيلتك لملفاتك وماشي المحكمة وكمان قد يتبعوك للمحكمة عشان يتاكدوا عندك سماع طويل ولا لا . اكان سماع طويل بيعقبوك طوالي على المكتب ويمشوا يخلفوا كراع في كراع مع المحامية الجميلة او السكرتيرة في المكتب وكمان بيعرفوا بيقدروا زمن عودتك عشان يلملوا اطرافهم ويزوغوا . تجي انت المسكين راجع اخر النهار مكتبك تجد عطراب السجاير ضارب للسقف صاح؟
| |
|
|
|
|
|
|
|
|
|
Re: الإنتخابات : ودالزاكي حديد ملاكي .. ودشيقوق حديد مشحود .. وطرائف الحملات (Re: الطيب شيقوق)
|
تعرف يا ودشيقوق مرة جنب مستشفى شندي في واحد ماشي مع عروسه
والعروس والحق لله كانت جميلة شديد .. أها في عريبي قها في العروس
لامن عمتو وقعت وريالطو سات دقت تف في مركوبو .. وهو مقهي كدي لكزو العريس
وقال لي : يا أخوي هوي الواحد تاني كان مارق مع مرتو يلفها في جريدة
قام العريبي قال لي : اي والله دي كان مالفوها بتجيب خبر خلق الله جت عليهم
هسي انت مباريها كدي وحي .. خلا العريس الكان متهنفش للشكل يضحك
| |
|
|
|
|
|
|
| |
GamarBoBa
خالد علي محجوب المنسي
كمال علي الزين
الطيب شيقوق
abubakr
فيصل محمد خليل
أبوبكر أبوالقاسم
أيمن الطيب
فيس بوك
تويتر
انستقرام
يوتيوب
بنتيريست