|
|
|
 Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: بأحلى تحية تبداني
بأحسن منها أحييكا |
نبداك أحلى تحية بيكِ يا ست الناس .. ونقول سلااام ملكة ملوك جيلا وريحان البطانة المافي مثيلا .. بالورد والزهر ما أظن يداني مقامك .. نفرش لي بالدهوب كل الطرق في شأنك والناس مقامات وأنتِ مقامك سامي يداني من الثريا ويقارب ... لك منا أجمل وأطيب التحايا وانت تشرفي البوست من أوله وهو إمتداد لبوست ( هونّو على أنفسكم أستراحة أيها المحاربون ) .. لا نقف حتى يضعو السلاح وتبقى الكلمة الطيبة ديدنا ومشهادنا للأيام الغبش .
| |
 
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)
|
[Quote: B]صدق الله حين خاطب رسوله الكريم الذي هو بمثابة توجيه لكل داعيه:
" ولو كنت فظاً غليظ القلب لانفضّوا من حولك " |
العزيزة الفاضلة سلمى صبحي
كل قولنا لك مبدئه سلااام
ولك منا السلاااام الذي إتراضاه لنا المولى عز وجل دينا
كان الحبيب المصطفى عليه الصلاة والسلام قوله كله كلمة طيبة حتى لمن أذوه في نفسه وفي أحب الناس إليه ( حمزة بن عبدالمطلب ) وحشي الذي قتل عمه الحبيب وهند التي أكلت كبده عفا عنهم ووجدوا منه كلمة طيبة.
لك مني بت شندي الجميلة أطيب تحياتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
مرَّ رجل برجل آخر حزين مهموم، فقال له :
إني سأسألك ثلاثة فأجبني.
فقال الرجل الحزين: سل ما بدأ لك
فقال له : أيجري في هذا الكون شئ لا يريده الله ؟
قال الرجل الحزين : لا
فقال له : أفينقص من رزقك شئ قدره الله لكَ ؟
قال الرجل الحزين : لا
فقال له : أفينقص من أجلك لحظة كتبها الله لك ؟
قال الرجل الحزين : لا
فقال له : فعلام الهم والحزن
وتبقى الكلمة الطيبة حسنة تلد وتدر إلى يوم يرث الله الأرض وما عليها
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: القرضابي
اول حاجة مشتاقين |
أنعام الطيبة
والله بطيبة خاطر بدور أصحح لك معلومة وصغيرة وبسيطة
وتبقى الطيبة بيناتنا
ليس القرضابي ( بل القردابي )
ألم تسمعي بجده عندما قدم شندي وكانت خلا فقال لساكنيها .... يا عرب الخلا .. جاكم بلا .. قردا وصل ودماما ورا )
رغم أنه وصف نفسه بالبلاء لكنه كان معهم حلو جميل المعشر ففسحوا له المجال مساكنة ومصاهرة ربما وبقت الطيبة هي التي معطت شارب الأسد.
تخريمة لكن جوه الشبكة ( القردابي دا أبن عمي لزم )
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: ليس القرضابي ( بل القردابي )
ألم تسمعي بجده عندما قدم شندي وكانت خلا فقال لساكنيها .... يا عرب الخلا .. جاكم بلا .. قردا وصل ودماما ورا )
رغم أنه وصف نفسه بالبلاء لكنه كان معهم حلو جميل المعشر ففسحوا له المجال مساكنة ومصاهرة ربما وبقت الطيبة هي التي معطت شارب الأسد.
|
خالد المنسي
معقول لكن !!!! القصة دي حقيقية ولا بتشاغل في القردابي دا ؟
| Quote: تخريمة لكن جوه الشبكة ( القردابي دا أبن عمي لزم ) |
مبروك عليك وود العم عندك لكن 
وبره الشبكة تاني
انا زااااتي أخوي وود عمي وكدى أسألو 
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: والدنيا فانية لكن مش قالو (اعمل لدنياك كانك تعيش ابدا ،
واعمل لاخرتك كانك تموت غدا ) |
سلمى سلامة سلااام
يا من تحملين السلام بين جوانح أضلعك خبز وماءَ .. للغشي ينجم والماشي ودربو طويل.
نعم صدقتي الدنيا فانية نذكر بها من نذكر بها من غفى ونسى وأنغمس في شهواتها...
ويجب أن نعمل في نفس الوقت لدنيانا كأننا نعيش أبدا بالخير عملا والكلمة الطيبة حديثا.
وكذلك نعمل لآخرتنا كأننا نموت غدا .. ننبذ الغل والحسد ونتعايش في سلام ما هي فانية فلما التعب وما دام نعمل لنتزود في هذه الدنيا لآخرة وهي دار المقام فلما لا نكثر من فعل الخير.
وتبسمك في وجه أخيك صدقة
وتبقى الكلمة الطيبة هي الغطاء من سموم نار جنهم.
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: لكن (ما بتدى حريف) دى سمحة خلاس عجبتنى طب
نعمنها متطابقة معاى
سبعة صنايع والبخت ضايع
والحمد لله |
سلمى سلااامة
تحضرني قصة كانت فيها لي حكم كثيرة إستوحيتها من فم ذاك الصبي أبن السبعة أعوام حينها ( أبن عمي أسامة محمد الحسن محجوب شقيق القردابي ).
كان يجلس جوار والده عليه رحمة الله يدلك له في رجليه، فطرق الباب طارق فقال له أبوه قم يا أسامة وشوف من الطارق ذهب أسامة ورجع فلم يدخل معه ضيف وجلس جوار والده.
فقال له من كان الطارق ؟ قال أسامة رجل مسكين يسأل صدقة ...
ماذا قلت له يا أسامة ؟
قال أسامة : قلت له ( الله يديك من فضله )
فرد عليه الوالد : يا أبني يا أسامة كان تقول له ( الله يدينا ويديك )
فرد أسامة على والد يا أبي حتى في الدعاء دخلت نفسك في الأول .. قول الحمد الله الله قد أعطاك كثير .. أعطاك أولاد ووظيفة مرموقة وعندك بيت وسيارة .. خلي يدي المسكين دا.
يا سلمى أن بختك كان كبير منحك الله أكبر هبة من عنده حب الناس الذي تحمليه في جوانجك وبه أنت سعيدة.
تخريمة
ما تقولي من وين بعرفني الولد دا ؟ من حروف ما يخط كي بوردك يا جميلة
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: خالد المنسي
معقول لكن !!!! القصة دي حقيقية ولا بتشاغل في القردابي دا ؟ |
انعام بت عم القردابي
سلااام وتحية طيبة
اي والله حقيقة هذه القصة وكان جاء لشندي جدنا محمد خير ود قردا وهو الجد السابع
بعدين مين قال ليك أني منسي صدقتي كلام بكري أبوبكر دا ...
يمكنك أن تناديني كما يحلو للقردابي
النورس الرحال
والآن ناوي الرحيل.. إلى أين ؟؟ لم أقرر بعد وزادي خفيف لكمة طيبة وحب وحنان ومودة
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
| Quote: أبشر .. قلت ليك الشايل الكلمة الطيبة لواء ما بتجيه عوجة و انا مازعلت كنت بشاغل فيك .. و الكلمة الطيبة بتنور دربنا.. و بتلين حتى العدو ... و ان شاء الله ايامك كلها طيبة ... |
العوجا تختاك وانتِ المقام الطيب ستو .. جهلاً بي التنقليزي إتلومنا في المبارك وفي بتو ... وصل قبول عذرنا وطمح بلا صدورنا وريحنا ريحك الله دنيا وآخرة يا تيسير .. الأسم صار لك أسم وصفة يا من تيسيرين الصبعة تصبح هينة طيبة جمال منك.
لك كل وأسمى طيب كلمي يا طيبة
وتبقى الطيبة بيناتنا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
قلتا كدي
سمح عديلا
هي كلام أهلنا ما بصعبوها ولي القواسي يهونّوا وفعلا يكون وياهو مراد القاسي يصبح هين بكلامهم الطيب بيناتهم .. قد وعوا وعرفوا أن الدنيا فانية وغرارة تهدي وتشده.
حنّت روحي لي الصيد ونقرشت أوتارا
يمشي الليل فوق ريدن نجر مسدارا
نفساً لي أنا بقت بي غيهن محتارا
والتنزيل زمان قال النفس آمارا
دنيا سغيرّا يا عبدرحمان غرارا
آخرا كوم تراب وتحتو الجسم بنضارّا
شن فايدة غُناي لي صيدها وآثارا
ما دام بكرا نرحل وتنقطع أخبارا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)
|
سلمى بنتنا
كانت إنجماما كساها الجمال حبورا مع السياسي الشاعر الأديب الفاضل المحسن زين العابدين الهندي وفنان متد فينا بطول مجرى النيل جريانا المثقف الراقي الفنان عبدالكريم الكابلي
نعمنا بالإنجماما مع إختيارك الموفق يا ذات الحس الجميل
لك منا كل الأماني الطيبة وما تغيبي كتير أصلو ريحانة البطانة بقت كسلانة شديد ومشدوها في هم العيال
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
خالد علي محجوب
سلام علي الطيبين يا أب أحمد
تصدق أنا لما دخلت هنا
أول مرة وقرأت ماكتبته
سجلت لك بداية لقصيدة
قديمة بعنوان ( بدايتك )
وهي تحمل في باطنها
مالايرى من ظاهرها
حروف إسم مطعمة
بها حروف القصيدة
وعدت اليوم لأجد البيت
التالي مكتوب في ردك
علي مداخلتي ...
رغم إني ميالة
لذكر الحبيب كرمز
أحب التجريد وأنأى
عن التذكير والتأنيث
لدرجة يخال فيها أو لايعرف
أكاتب أم كاتبة
ولمن ي/ تكتب
أطيب التحايا للطيبن
| |
|
|
|
|
|
|
|
|
 Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
أوبريت لا يكتبه إلا الشريف فاللغه لغة الشريف وثراء الثقافه التى لا تتأتى إلا له دلالة واضحه والشاعريه والتطريب التى تكشف عن تميز ملامحه وملامح تمودته التى لا تضاهى فى حلاوتها فالرحمه للشريف زين العابدين الشاعر إبن الشاعر إبن قبيلة الشعراء أهله السروراب عمر محمد حسن وودحاج أحمد وبدرى الأمين ويوسف نورالدائم ويوسف بدرى فسلابى الأموات من ناصع ثيابهم عليهم بشرح بعض المفردات على الملأ وإلا فاليترجلوا عن سنام هذا العاشميق....................................
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
أخي خالد محجوب علي المنسي ...سلام لشخصك اينما كنت ..وكتر الله من امثالك ..
بجد بوستاتك تريح النفس ...كرهنا المناكفات والمشاحنات والتحارب وصنع الكراهية ...
كل الاديان تدعو الى الحب ...
مشاركتي اية كريمة من سورة ابراهيم من سور القرآن الكريم :
أَلَمْ تَرَى كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ (25) وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الأَرْضِ مَا لَهَا مِنْ قَرَارٍ (26) يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الآخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ (27)
وادعوك للبوست بتاعي دا لتشارك فيه ...
العفو العام /د. عايض القرني ....
مع تحياتي لنفسك الطيبة فسر طيباً تدخل النفوس بدون أذن كنسمات ...
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: Mohammed Ibrahim Othman)
|
| Quote: ريحانة البطانة بقت كسلانة شديد ومشدوها في هم العيال |
يازول أنا عمري ماشلت هم هونها وتهون
لكني ( متعلقة مابين النعام والخيل )
جيت شايلة ليك باقي ( بدايتك )
لما قريت كلامك دا رجعت جبت ليك
ملحمة حقيقية أرجو أن تقرأها حرفا حرف
مؤونة لمدة حول تاني ما تسألني من مشاركة
أهداني إياها الشاعر الفذ
والفنان التشكيلي المتفرد
صاحب الحس الوطني العالي
العوض مصطفى
أهديك إياها .. و حقك علي ..
بت الحسن حـقـّـــك علي
فارقني رحمن الشـِّعـِر راجيه حول
حقك علي يا ملكة يا بت الإصول
حقك علي ممكون وصابر بنطرب لي كل قول
ينبش مغايس الغربة فيْ ، خايف تطول
يسألني من حالي العليْ
ويزيدني طول
يا عزة السودان يمين جوَّاي مُــدّاح الرسول
جواي نيل هدّار يعم كل السهول
جواي نقارة وطبول
جواي نحاس في الليل رزم
جواي شوق لا ونَّ لا مرّة انهزم
جواي جروف
جواي حروف منتظره عِـنْ باب العشم
جواي بلد تشكيلـُه بي عدّ الفصول
سودان ممدَّد في الأفق عرضـًا وطول
جواي صباحات خيرنا أمَّـات العيال
جواي حرائر في العقاب وكت الملم ببقن جبال
صعبت علي في الغربة أيام الضنى
سهرن عيوني محصحصات سهر البعيد ، غربة وعنا
لا انحل قيده ولا دنا
ولا عمره كان
جواي أمان
طول الزمان
جواي سلام لي كل زول
شقَّ العتامير في الضُّـلمَّـة الليها هول
في سارية الليل البترشع وكرَّة الرعد البجول
راحل سحابه علي البلاد يدِّي وهطول
سمحين عيالك ، ما على الطامح حرج
واقفين قبالك يعقب الضيق الفرج
سدّوه مالك هانت الروح والمهج
أنا في حجاك من زرة الغم والزهج
أنا في رجاك تنجيني من هذي اللجج
قلبي المعلـَّق يوت هناك
في مقرن النيلين بشوف نيلين بعد ما اتصارعن
هدأن بعد طول العراك
واتوحَّدن نيل يسقي أرضك يا بلد .....
ما ضرَّ لو من نيلنا اتعلمنا إنُّه نعيش سوا
ما ضاقت الأرض أم سماح ، ضايقين بشوفنا إلى الأبد
يا أيُّها الصُّلاح مدد
تخلق بلاد في شحَّها وتعيش نعيم
وسودان يعيش رغم النعيم في ذا الكبد
راجيك يا من تدعى في الليل البهيم
يا كاشف الضر الذي يغشى السقيم
يا سابل الستر الذي ماحدُّه حد
ما نشوف بعد ها الحالة ضيم
نحيا ونعيش شوقنا القديم
يبقى السلام نفـَس الخلق والخير عميم
وبين الخلوق ما فيش فرق
وقلب المخاليق يوت سليم
ويبقى الفرح حظ الجنوب وحظ الغرب
وحظ الشمال وحظ الشرق
ونتلم في سوداننا قط ما نتفرق
العوض مصطفى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: أخي خالد محجوب علي المنسي ...سلام لشخصك اينما كنت ..وكتر الله من امثالك ..
بجد بوستاتك تريح النفس ...كرهنا المناكفات والمشاحنات والتحارب وصنع الكراهية ...
كل الاديان تدعو الى الحب ...
مشاركتي اية كريمة من سورة ابراهيم من سور القرآن الكريم : |
أخي الحبيب الفاضل / محمد إبراهيم عثمان
تحية طيبة فحواها سلااام
ندعو رب العز والجلال أن نكون كما وصفتنا يا غالي ولا نخيب ظنك فينا
تعال أخي الفاضل معاً نجعلها تعم سلاما ننادي بأعلى صوتنا ونجعل كل وجل حديثنا طيب فيعم الطيب مرجانا .. الناس طيبين لكن الشيطان ما وجد مفرق ألا ودخل منه يألب بين الأخوة الفتن.
شكراً كتير على الآيات القرآنية فذكر الفذكرى تنفع المؤمن لك منا قولا حسنى وكلمة طيبة
وأبقى قريب نشوفك تاني يا طيب المعشر
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
ذُكر أن رجلاً مدح آخر في وجهه. فقال له :
يا عبد الله لمَّ مدحتني ؟
أجربتني عند الغضب ووجدتني حليما؟
قال : لا
قال :
أجربتني عند السفر فوجدتني حسن الخلق ؟
قال : لا
قال:
أجربتني عند الأمانة فوجدتني أمينا ؟
قال لا
قال:
فلا يجوز لأحد أن يمدح آخر مالم يجربه في هذه الأشياء الثلاثة.
الذي يسعى بين الناس بالكلمة الطيبة فهو الحليم عند الغضب لأنه ما أنفكَّ أن يتعرض لمن يغضبه وهذا هو حالنا في هذا المنبر العام قد تتعرض أخي الكريم أختي الكريمة لما قد يغضبك لكن الحكمة هي أن تتملك نفسك وترد حسنى ويبقى لك الأجر من غفور رحيم..
ومن هو حسن الخلق في السفر فهو صاحب الكلم الطيب
وتبقى الكلمة الطيبة دوماً أصلها ثابت وفرعها في السماء
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: هاشم أحمد خلف الله)
|
Quote: يا سلام عليك يا ود المنسي والله كنتا زهجان وقرفان
لكن بوستك ده ريحني راحة غير عادية فعلاً الواحد
لمن تضيق عليه الدنيا بنسي ان الأرزاق بيد الله
والكلمة السمحة صدقه والناس بالناس والكل برب العالمين
واشياء كثيرة حلوة وجميلة وجدتها هنا في هذا البوست
وعبر هذا البوست ارسل تحياتي لاختي سمية والله مشتاقين
يا الملكة . |
حمامة سلام المنبر
هاشم خلف الله
تحياتي محملة بدفئ من شموس خط الأستواء تلاشي بعض من رعشة البرد الذي أصابكم يا حبيب
لك بيننا المقام نبسط له الأرض موشحة بالورود وليته يطيب لك يا طيب وجميل.
سلامك للملكة ليتها ترجع في كلامها وتشرفنا مرات ومرات لانها اليوم قطعتو معاي أخدر وقالت بعد جدعتنا بملحمة جميلة تهيج الجراح الفينا وتهدهد ما بقى لنا من إحساس.
لك مني التحية أجملها
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: يعني بتدي الكيشة يا خالد !!
__
اما آن لهذا المنسي ان يزول !! |
الأخ الفاضل / فيصل نوبي
لك التحية الطيبة يا نوبي
هي ما أدت الحريف .. فما يجد الكيشة غير الكشا منها صاح ولا ماغلط ؟؟
حاولت مجتهداً بالنار لهبا.. أن أقرأ ماكتبته بموية البصل لكن باءت محاولتي بفشل الحريف الزريع.
الزوال طبع ( الشمس ) فهنئاً لنا لو كان من طبعنا الزوال .. وكلنا لزوال وإن طال بنا العمر.
لك مني أجمل التحية والتقدير يا نوبي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: بدايتك أحلى منظومة
مدون فيها تاليكا
ولما إيدي تلاقي إيديك
يطير قلبي ويضم بلهفة عينيكا
بأحلى تحية تبداني
بأحسن منها أحييكا |
عليك الرسول يا ود المنسي هسع اكان عملت عنوان البوس ت ده ( حولية بت طلحة) مش اكان دور زى سير مطار دبى البخم المسافرين فننننننننننننننننننننننن يوديهم من البوابة رقم 1 للبوابة رقم 50 زى رمشة العين .
جاييك يا الحبيب واللوم بجي بالغفلات
تخريمة
ود المنسي يا اخوى ما تشوف لود عمك مجرية مجيهه اطبق بيها .
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
ود عمي الحبيب
تحيات كبار وكتار
اليومين ديل معاي النعمة بت محمود وشهاب الجمري
وحاتك انت آخر استجمام في صدر الحاجة وحكاوي زمان
ومليس شعر (زمان كان في طليع شيب) اسي بقى طليع الشعر الاسود
وبعد عناء شدييييييييييييد لانو ما بتلقي بي سهولة ....
لكن والله بتفرغ التعب فريغ الخرصانة من القلاّب ... وآخر انبساطة
يا سلاااااااااااااااااااام يا خالد .. الكلمة طيبة مافي زيها والله
حا نتكئ على في عنقريب هبابة تحت راكوبة البوست الظليل ده
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: امير عوض الجمري)
|
| Quote: ود المنسي يا اخوى ما تشوف لود عمك مجرية مجيهه اطبق بيها . |
ود شيقوق سكر البوستات الطاعم
لك مني أجمل تحياتي
كان جيت وكان جبتك بي ضراعي ياكا شيقوق الحبيب الطاعم
يا أخوي كان بتقدر علي سواقة اللوري في الرملا بجيب ليك مجرية
المجريات بدورّن سواق حريف
ما تمشي بعيد قصدي في المسايسا وشد وجذب الحياة الزوجية والنضم تحت سقف واحد
لك مني أجمل التحيات سكر البوستات الطاعم
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: مجدي عبدالرحيم فضل)
|
| Quote: آه أنجمينا وشتتنا إلي الجارة تشاد كان نكفي الخلق والعبادة . |
أبو قصي الظريف
سلاام سلاام سلاام
وليكً أف سلاام منا
نحن الناس في العروض ما بنقيسا بي تيبانا
يسوي الستر وفعل الخير من لا تظن أن يصدر منه ذلك وعشمك يخيب في من تظن أنه أهل لذلك الخير بجي من فقير ولا حقير ومو مقصور علي ناس ضهورا تشيل.
ومادام فعلو مو دار مننا مجهودا كبير النسوي ورزقنا علي خالق الخلوق ثواباً كتييير
تسلم علي المرور وجدك في الحِويش بهمنا كتيير
تخريمة
والله فاقد وليد عمي ( القردابي ) أنا باقي عارفو كسلان من المداخلة الله يكبر لي محمد خالتو عربية ويعرف يكتب في الكمبيوتر في شان يملي ومحمد يكتب ويتواصل معنا بي عدم الشوف النشم ريحتو في البوستات
وتبقى دي ذاتا نعمة كبيرة من الخالق العلام
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: سمية ريحانة البطانة ليكي سلااام
جيتك متظلم وصدري قايم فيهو كلام
الحول كتير لغيابك رب الخلوق علام
لا تبقي قاسية يومين كفاية. تمام؟ |
خالد حفيد المك حقيقة للتلوب كزام
دارك عامرة والطيب ليها ري وإدام
أدينا الفروض وأتحللنا من إحرام
وسيد الخلق قال الهجر فوق 3 حرام
سمية الحسن طلحة
حولية شنو ياشيقوق ياخ الناس الطيبين زي هاشم ديل الزول مابقدر يتخطاهم
وأنت ياخالد صدقت تخصم من عمرك 10 سنين بري يايابا إنشاء عمرك في الفريعات الخدر
طه الضرير وريا البطحانية ديل ما تباريهم بودروك
تخريمة صغيرونة منعاً للحوادث : شيقوق عربيتو أتهمبتت أمس في السودان لكن جمعت الحمدلله
( أكيد ديل ناس طيبين عفشوها وخلوها ) الجاتك في مالك سامحتك يأأبوعبدالله فداك ودرقة بلاك
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: خالد حفيد المك حقيقة للتلوب كزام
دارك عامرة والطيب ليها ري وإدام
أدينا الفروض وأتحللنا من إحرام
وسيد الخلق قال الهجر فوق 3 حرام
سمية الحسن طلحة |
تلاتّا علي المتلنا والله برضو كتيرا
وسوي العديلا يا بت الكِرام وأصيلا
لا تردي خاتري أبقي لينا شدرا ضليلا
الكرم ياهو طبعك من تبيتي قمتي سغيرا
يعني يا الملكة سمية ممكن نخليها غياب يومين في الأسبوع
سمح قولي عديلا ونخلي الأمر لمشئة الخالق والخلوق وسيدا
كلامك سر بالي والواعي ما بوصو
خليك قريبا
وتبقى الكلمة الطيبة تجمعنا
سمية عرفناك عبر الفضاء الواسع كلمة طيبة وقولك سلاام وما خاب من عرفك
ندعو لك بالصحة والعافية وتلقي الفي مرادك
تحياتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
سئل الصحابي الجليل ورابع الخلفاء الراشدين وزوج زهرة الحبيب المصطفى فاطمة الزهراء .. عليهم رضوان الله جميعاً.
سئل عن الخير ؟!
فقال :
ليس الخير بكثرة مال، ولكن الخير أن يكثر عملك ويعظم حلمك .. وأن تباهي الناس بعبادة ربك .. فإذا أحسنت حمدت الله .. وإذا أسئت أستغفر الله ..
لا خير في الدنيا ألا لرجلين :
رجل أذنب ذنوباً فهو يتداركها بالتوبة ورجل يسارع في الخيرات.
والكلمة الطيبة عمل خير
وتبقى الكلمة طيبة أصلها ثابت وفرعها في السماء
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
يا الملكة
ود شيقوق زول بحب المرح والفرحة
غايتو زي بص البنات ما بلقى
براهو وحدّو ورقبتو في وسط البنات وهو سايقهن
إتر ويغزل وينسج لا أمير الجمري لا أبوبكر يضايقو
والله هو طيب ورحو طيبة والشغلانية مفصلا علي
يسوق ويبرم في الدرقسون ويغني
ملكة وبت ملوك ياالعسكرك مِنجمعا
رمشك ستّا يوم يحجب غزير الدمعا
كلامك قرطسوهو وفوقو ختم أبولمعا
وشك يخفي لي النجفا أم تمانين شمعا
ودامت المحنة والكلمة الطيبة بيننا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
الأستاذه الرائعة سمية الحسن طلحة...
عساك بألف خير
Quote: ياسلمى إيه رأيك تكون وظيفتو كسير التلج
دي مرحلة متقدمة قبل لجنة حل المشاكل
يعني وظيفة وقائية مش أحسن من السواقة ياخالد |
غايتوا شايفة الأخ خالد مقتنع بترشيح استاذ الطيب للوظيفة القالها...
على العموم من جماليات ومحاسن هذه الوظيفة ....
فيها فسح كتيرة بالباص....
بعدين يا ساتر استر هو حتكون في مشاكل ولا شنو؟؟؟ 
بمناسبة الكلمة الطيبة تبقى...
تستحقى مننا يا أستاذه سمية أحسن وظيفة في الجامعة....لكن لابد من الحضور وتقديم اقتراحك...
....
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
سمحا وطيبة وعاجباني
وبي الكلهاري مارضاني
أقيف قدامّا وإتكبكب
أقول الكلمة الأولى
وألقى التانيا ماب تركب
إصيبني مغص
وأقادر لي البركس
بي الدس
براي يوم داك رميت نفسي
سألتا السمحة مخطوبة
قالت لا ولكن ليه
سمعتا قولة ليه
تقول بندّق
والقلبي الماسكو
بين إيدي قنب إدق
بديت أشعر تقول في حق
وإتملمتّا في القعدا
وبدور أمرق
قامت السمحا قالت
سألتني ليه
أخوك قال ليها
ساكت بس
وقامت السمحا قالت قر
وأجرجرّتا
تقول غرقان مرق في البر
حاولتا أقول باي باي
لقيت خشمي بي كماشا
ما بتفر
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: الحقيقة جمال .. والجمال هو الحقيقة حقاً.
والجمال جمال روحاً تذوب طربا في سعادة الآخرين
والروح جمالها كلمة طيبة نغرسها في الأرض الطيبة
فتربو وتنثر ثمارها خيراً وبركة. |
...سلام يا أب أحمد ...كلامك سمح بالحيل ..شي شعر ..شي نثر ..شي فلسفة غميقة ..
وشي حكم ..منثورة ..زي الكلام الفوق ده ...الله يديك العافية ...ويبارك ويزيد...
أها دي ..دخلة كدة على سبيل إعلان الحضور...في حوشك العامر ...بالطيبين ... بجيك تاني...
لك ودي....
| |
|
|
|
|
|
|
| |
خالد علي محجوب المنسي
ALGARADABI
انعام عبد الحفيظ
salma subhi
حبيب نورة
فيصل محمد خليل
ماجدة عوض خوجلى
سلمى الشيخ سلامة
munswor almophtah
Mohammed Ibrahim Othman
فيصل نوبي
هاشم أحمد خلف الله
الطيب شيقوق
امير عوض الجمري
مجدي عبدالرحيم فضل
حاتم هاشم
ibrahim fadlalla
فيس بوك
تويتر
انستقرام
يوتيوب
بنتيريست