دعواتكم لزميلنا المفكر د.الباقر العفيف بالشفاء العاجل
|
|
 يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!!
|
..
.
حقيقة ليس القصد قطع الارزاق ..
ولكن .. ما تسببه هذه المستحدثات من بلاد الهند
من اضرار وحوادث ومآسي اكثر من فوائدها للمجتمع .. او تقليل ازدحام وسائل المرور
او حتى فى الربط الافقى للاحياء والمناطق ..
هذه الوسيلة غير مريحة وغير حضارية ولا مأمونه .. سواء
للراكب او العابر فى الطريق او قائد السياره الاخرى
او مع حركة الحافلات والنقل العام ..
وهذه الوسيلة يقودها فتية رعناء لا يكترثون لحركةالمرور
ولا قوانينه ولا يلتزمون باقل اسس التوقف او التحرك ..
فمن حيث لاتدرى تجده انحرف بصورة عجيبة تشبه قيادة العميل 007 جيمس بوند..
هذه الوسيلة صارت وسيلة تسهل الفساد والانحراف .. يتاجر من خلالها
بالمخدرات والمشروبات الروحية بل وبالفتيات ..
والاسواء اانى اطلعت على دراسة غير منشورة صدرت خلال هذاالعام
ان 12 شخص من مجموع 14 من سائقى الركشات - عينة عشوائية - .. أنهم مصابون بالأيدز
وهذه دليل اخر .. على مآسي هذه الركشة وان كان السودان ككل لا يقل عن هذه النسبة ..
المؤسف ان فى ظل الفساد الادارى فى البلاد والوسائل الغير قانونية
سبق ان اعلن العام المنصرم بمنع هذه الركشات الا اننى فوجئت والكثيرون مثلى
بكميات مأهولة تدخل العاصمة تحت مظلة احد الوزراء وبالقوانين المستباحة فى الخفاء
وامتلاء شارع الصحافة وشوارع الثورات بمراكز بيعها وصيانتها وقطع غيارها ..
وهو امر ليس بغريب فى هذه الديار الغاء قانون بين عشية وضحاها..
اتضح لاحقاً ان هذاالتصديق منح لاحد وزراء حكومة الجنوب للاستيرادها لمدن الجنوب
كوسيلة مؤقته فى جوبا والمدن الاخرى .. الا انه يبدو ان سوق الشمال اصبح اكثر اغراءا
ولابد ان يكون شريك شمالى اخر .. وجد له وسيلة لتسويقها هنا فازداد عدد الركشات بين
تصديق وتصريح اكثر من 2 مليون ركشة وقد تزيد..
وحتى نذكر ملامح اكثر للفساد فجاة .. ظهر عطاء لاحد الورش بان على كل صاحب ركشة
فى الخرطوم ان يذهب للورشة الفلانية وطلى الركشة باللون الاصفر للخرطوم
والاحمر القانى لبحرى او امدرمان كما اعتقد واخضر .. للثالث .. عطاء مشبوه
يصدر من جهه مشبوه ..تغنن هذا الممنوع ..
مدينة الخرطوم اتسعت مساحتها واكتظت سكاناً وصل عدد سكانها لاخر احصائية ( خاصة )
7.650.000 مليون نسمه .. وارتفع عدد السيارات لارقام خرافية .. لا يوجد امراة
او طالبه ناهيك عن الاخرون لا تقود سيارة فى شوارعها .. اوسع الشوارع لا يزيد عن عشرون
مترا للمسار تجد ان 7 امتار تشغلها هذه الاداة التى تسمى ( ركشة ) حتى الاسم غير مريح
وغريب عن مجتمعنا وطرقاتنا ..
وحتى لا نطرق مشكلة بلا حلول ولا نوقف مصادر رزق لاسر فقيرة وهى فى اتم الحوجة
لهذاالدخل وحتى لا يتضرر اصحابها ولا تقفل بيوتات يستسترزق منها الكثيرون
لابد من اعلان متواصل وعمل جدوله واخطار
اصحابها بأن هذه الوسيلة سوف تمنع خلال فترة كذا - عام او عامين - حتى
يبدأ المسترزقين باجاد حلول بديلة ..
_____
فهل من أذن صاغية لهذاالنداء
|
|
 
|
|
|
|
|
|
|
 Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: محمد البشرى الخضر)
|
المشكلة يا تبلدينا ليس في سائقي الركشات
المشكلة الاولي في الجهات المنظمة
قالو ليهم اشتغلوا شوارع عرضية ضربوا المنشور برأس الحيطة وشغالين طولية وعرضية وتقاطعات
المشكلة الثانية في نوعية الشباب كما اسلفت،يعني بتاع الركشة عايز يتخطي ليه سيارة هوندا 2400 سي سي عادي ويخيل ليه انه ممكن يعمل كدة
وحوادث كتيرة يا تبلدينا سببها الركشات لانو ممكن يدخل بوزو في اي حتة ويبقي نابل
وتغيرات اجتماعية كبيرة سببها الركشات،فهم شبكات صارت مساعدة في الفساد الاجتماعي اليومي
وحقيقي لو نسبة الايدز بين سواقين الرقشات واصل حسب ارقامك دي 85% وبين فتيات الشوارع المختصات 4% وستات الشاي 3% تقريبا وهي اخر الاحصائيات التي قرأتها آخر مرة فإن هذه النسبة تنبئ بخلل عجيب جدا جدا اما الاحصائيات نفسها او حجم الكوارث القادمة
معك في ضرورة حل مشاكل الركشة في الشارع من ناحية مرورية وسلوكية،لانهم بيشلكوا دائما عصابات لانهو حوادث بلطجتهم علي المواطنين وحتي رجال المرور معروفة.مع كامل حقهم في السعي لاكل لقمة عيش شريفة في بلد ناسها تعبانة بالرهق اليوم في المعايش.
تسلم تبلدينا
ود البشري: شايفك ختيت لي سؤال كدة في بوست فعملت منه رايح لانو حسيت فيه لغم ما بعرف ليه فأعفينا يا حبيب لأنه يا انا ما مذاكر كويس او انت يمكن،وتسلم
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: GamarBoBa)
|
..
.
سلام يا حبينا قمربوبا
| Quote: المشكلة الاولي في الجهات المنظمة |
وهنا مربط الفرس فحقيقة سبب هذا الداء هم كبار القوم
من وزارة المواصلات لولاية الخرطوم وزير التجارة وإدارة الشرطة والمرور
فهؤلاء هم الاسباب الرئيسة لاستشراء هذا الداء .. والاغرب ان تلاحظ بتاع ركشة
واقف فى شارع ممنوع وجنبو بتاع مرور على بعد مترين ولا هماهمو حتى لو ( فحط)
وممكن يقطع الاشارة عديل .. ياخخى انحنا شعب نفقتقر للمسؤلية
من اعلى درجاتنا لاقلاها وهو سائق الركشة ..
| Quote: وحوادث كتيرة يا تبلدينا سببها الركشات لانو ممكن يدخل بوزو في اي حتة ويبقي نابل |
بس ياها زاتى .. مابالضبط كدا يمد قدوم الركشة دا غصباً عنك .. ويجى نابل
وكما ذكرت الاغرب تعاطف رجال المرور معهم .. تصدق مره انا واقف فى منتصف اشارة
( طبعا منتصف اشارة دى لناس بره يجب شرحها .. نحن هنا اشارتنا اتجاهين بس .. تجى لافى شمال
الا تقيف فى النص ترجى ود حلال يهدئ ليك .. يعنى لافى يمين ولا شمال انت مجهجهة جهجهة )
المهم واقف فى النص جاء بتاع ركشة من وراء اتصور من وراء طاخ خبطنى
بتاع المرور طلعنى غلطان السبب انا واقف غلط ..
يعنى اذا كان مهندسنا الشاطر مخطط الاشارات غبي ما عامل لى طريقة الف استنى وين ..
ولا ادارة المرورة وفرت نوعية اقل من المطلوب من العطاء للاشارة ووفرت كهرباء
ويجى الركشنجى وطاااااخ وانا غلطان ... اتخيلو ,,!!
Quote: وحقيقي لو نسبة الايدز بين سواقين الرقشات واصل حسب ارقامك دي 85%
وبين فتيات الشوارع المختصات 4% وستات الشاي 3% تقريبا وهي اخر الاحصائيات التي قرأتها آخر مرة
فإن هذه النسبة تنبئ بخلل عجيب جدا جدا اما الاحصائيات نفسها او حجم الكوارث القادمة |
والله يا قمرنا ما عايز استرسل فى الخيط دا لانو حيجر لموضوع براهو ..
مشكلة اجتماعية اخرى .. ولكن ما اود اقوله لنسبة دى حقيقة وكما قلت النسبة على ذمة الطبيب
السودانى الباحث .. وهذا دليل ان هذه الركشة تعتبر بؤرة فساد متنقلة تحمل الموت ظاهريا وباطنياً
واعتقد ان كان هنا تخطيط ودراسات اجتماعية .. لتم ايقاف هذه الوسيلة او على الاقل الاستفادة
من بحث الطبيب فى محاصرة هذا الداء ..
واتسال اين هى وزيرتى الرعاية الاجتماعية والصحة .. الخ
Quote: معك في ضرورة حل مشاكل الركشة في الشارع من ناحية مرورية وسلوكية،لانهم بيشلكوا
دائما عصابات لانهو حوادث بلطجتهم علي المواطنين وحتي رجال المرور معروفة.
مع كامل حقهم في السعي لاكل لقمة عيش شريفة في بلد ناسها تعبانة بالرهق اليوم في المعايش. |
انا غايتو بعتقد تتجدول مسألة ايقاف اداة الموت هذه على 12 شهر ويعاد
صهرها او اعادتها للهنود ديل .. جابوا لينا المصايب
اما البلطجة دى كوم براهو .. غايتو تغلط عليهو
والله ينزل التقول دجانقو .. والعجب لو عندو مسدس ( اقصد رخصة )
خلاص انت مفترى ولانك راكب عربية وما يتشوفنا وما عايزننا نأكل عيش
وكرهتونا ..
ما تعرف الكرهان التانى منو ؟؟
والله لو فتحوا قلبي يهاجروا من هنا ..
شكراً على عبورك يا قمر ..
_________
ود البشرى دا بفك باصات وبتخارج وبتجيب هواء برضو
ولا كيف يا انت ..
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: محمد البشرى الخضر)
|
..
.
Quote: الكلام دا خطير جدا يا تبلدينا
معقول الإيدز في السودان وصلت نسبة انتشارو للدرجة دي
|
للاسف يا ود البشرى _ رغم الخيط _
هذه دراسة حقيقية .. لتزداد اندهاشاً ..
ضمت الدراسة عينة عشوائية لطالبات الجامعات ..
اتضح ان من بين كل 14 هناك 9 مصابات ..
والعلم على الباحث ..
__________
أتمنى من الباحث ان يجيز دراسته
وتقدم للجهات المسؤولة طبيا واجتماعياً ..
كل كوم وتقرير الجزيرة بتاع السل الما بتعالج دا
كل مصابين الايدز مصابين بالسل ( قناة الجزيرة أمس الاول )
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: نوفل عبد الرحيم حسن)
|
..
.
| Quote: وسيلة غير مأمونه .. يجب استخدامها داخل الاحياء وليس الطرق الرئيسيه |
والله يا نوفل حتى داخل الحياء ما مأمونة
شوف عينى واحد طالع من شارع جوه الحى خبط ليهو حبوبة قرب يكسرها
ياخى دى حجر ساى بقلبها ..
| Quote: الا ان عمل الركشات في الاوقات المتأخره من الليل به الكثير من الملاحظات والممارسات السالبه |
عمل الليل دا المجننا زاتو !!؟
ياهم الشالو العرقى من فلانه مودنو لفلان ..
يعنى فساد معروف للمسؤولين .. وخليك من الحشيش
وباقى الرزيلة ..
| Quote: ايضا الركشات تساهم في تسميم الهواء بدخان عوادمها وايضا تسبب في ازعاج يقلق مضاجع النائمين |
اها التلوث دا الناس دى فاكره انو المليون ميل مربع دى واسعة
ما بتتلوث ولا حاجة ونفتقد للجهات البيئية وغيرها
مسؤلينا نايمين فى العسل ..
اما مسالة ازعاج دى والله صوتا يصحيك من سابع نومه
بالليل والعجب يوم الجمعة والسبت ... ياخى ارررررررر دى تقد اضانك
وفى جماعة بعملوها مخصوص نظام حركة والود سايق لانبرجينى وكدا ..
_________
اطالب ولا زلت بقرار بايقاف الركشات ومصادرتها خلال عام من اليوم
بلا ركشة بلا زحمه ..
| |
|
|
|
|
|
|
|
|
 Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: انعام عبد الحفيظ)
|
..
.
ووين يا إنتٍ .. مس يو كميااات
من الأخر
| Quote: انت مشروع فيصل نوبي خليهو مشروعنا وينو؟؟؟ |
والله انا جاهز .. وخلصت الامتحانات وعملت ..... وحددت ......
ووضعت ......... وبكره بديك تلفون من المكتب وابقى مارقه ....
ما يبقى ونسه قدام الباب ..
| Quote: بطّل حقارة ما تخلينا نقلبها ليك جندر |
حقارة اكتر من قريصكم البتعملو لى فى الشارع 
| Quote: وبعدين النسب البتقولها دي خطيرة جدا يا تبلدينا !!! |
والله ما من عندى على ذمة الباحث ..
بس انا مقتنع 100% من صحة البحث
__________
غايتو الظاهر بالصورة دى حيكون بينا مشروعين
وروح واحدة فى جسدين ..
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Tabaldina)
|
| Quote: ووين يا إنتٍ .. مس يو كميااات |
مي توووووو ياخ وين مختفي كدا؟؟؟
Quote: والله انا جاهز .. وخلصت الامتحانات وعملت ..... وحددت ......
ووضعت ......... وبكره بديك تلفون من المكتب وابقى مارقه ....
ما يبقى ونسه قدام الباب ..
|
اليقرا كلامك دا يقول دا مشروع تاني ههههههههههه
Quote: Quote: بطّل حقارة ما تخلينا نقلبها ليك جندر
حقارة اكتر من قريصكم البتعملو لى فى الشارع
|
انت قلبك أسود كدا مالو لسه متذكر مشوار رحلة جبل أولياء داك ههههههههههههه
يا ربي تكون السواقة باقية ليك صعبة في شارع الجبل هههههههههه
ـــــــــــــــ
Quote: غايتو الظاهر بالصورة دى حيكون بينا مشروعين
وروح واحدة فى جسدين .. |
انت البي صورتك دي كلو شئ بنلقاهو اون لاين هههههههههههههه
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Ahmed Abdallah)
|
كيفك يا وبوس
اى شئ فى السودان قاتل
حتى الحكومة قاتلة
تلك الركشات تعول اسر كثيرة وليس لها غير ايراد تلك الركشة
اى شئ حتى الدواء الذى يعالج الانسان يمكن ان يكون قاتل
ولكن لا يتوجب علينا ان نمنع الدواء
ولكن ان ننظم تناول الدواء
مشكلة الركشات مشكلة تنظيمية لا اكثر
هل احصيت حوادث السيارات فى شارع مدنى فقط
وهل تعرف لماذا تكثر الحوادث فى تلك المنطقة
لضيقها وعدم تنظيمها من القائمين عليها
يعنى بالدخرى السودانى كدة (الحيكومة)
الركشات وسائقى الركشات عايزين تنظيم فقط لا اكثر
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: صلاح الفكي)
|
أخ/تبلدينا السلام عليكم
موضوعك لو طرح من غير إحصائيات كان بكون أفضل..لآنك هبشت حتة حساسة جدآ وتمس كل واحد فينا مع ألأسف...
Quote: والله يا قمرنا ما عايز استرسل فى الخيط دا لانو حيجر لموضوع براهو ..
مشكلة اجتماعية اخرى .. ولكن ما اود اقوله لنسبة دى حقيقة وكما قلت النسبة على ذمة الطبيب
السودانى الباحث .. وهذا دليل ان هذه الركشة تعتبر بؤرة فساد متنقلة تحمل الموت ظاهريا وباطنياً
واعتقد ان كان هنا تخطيط ودراسات اجتماعية .. لتم ايقاف هذه الوسيلة او على الاقل الاستفادة
من بحث الطبيب فى محاصرة هذا الداء ..
واتسال اين هى وزيرتى الرعاية الاجتماعية والصحة .. الخ
|
ألنسبة دى لوحقيقة يبقى على السودان السلام..يعنى نسبة 12 من كل 14 دى ما معقولة خاص ويكون عندهم أيدز...من منا من لم يعرف سواق ركشة إذا لم يكن قريبه أو جاره يعنى معنى كده بالنسبة نشك فى كل سائق ركشة..
إذا كنت ماعايز تسترسل كان ما تذكر هذه ألأحصائية حتى لوكانت من جهة معتمدة لآنها غير منطقية ولايمكن تكون واقعية بأى حال من ألأحوال....
نعم أوافقك الرأى ولكن عيد حساباتك فى هذه ألأحصائية..
خالص مودتى..........إسماعيل محمد احمد عباس...
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: صلاح الفكي)
|
سلام يا صالح ..
قريت بوستك ده من الصباح و تابعتو و حرصت ما اتداخل في وقت انا منفعل فيو ..
لعلك تعلم انو انا عندي حساسية شديدة تجاه الفقراء و ما يسمى عامة الشعب خصوصا من التدخلات الحكومية ..
لأني للاسف بعتبر الحكومة في بلدنا لا تقدم خدمات للفقراء .. و كل ما تفعله من اشياء حتى الصحيح منها غالبا ما يكون على حساب التعابى في بلادي ..
دلالة السوق الشعبي زاحمة الشارع و عاملة فوضى فالحل الحكومي طوالي انها تتنقل لاخر ام درمان ورا الجبال .. بدون تقييم لانو الدلالة دي بيجوها مرافيد الصالح العام الرفدتم الحكومة و فقدوا مصدر دخلهم عشان يبيعوا اثاث بيوتم و ياكلوا تمنوا .. فالواحد يأجر ليو بوكس عشان ينقل سراير للدلالة في محلها الجديد باكتر من سعر بيع السراير.
ستات الشاي منظرم ما سمح في الشارع فيطلع قرار بالغاء و تجفيف المهنة.
ياكلو شنو النسوان ديل ؟
ده في الاخر نفس الشي الانت هسه بتطالب بيو رغم حذرك.
بتقول انو الموضوع ما قطع ارزاق .. و بتطالب انو يخطروهم و يدوهم زمن للتنفيذ.
ده كلام جميل. لكنو برضو غلط.
تفتكر يا صالح سواق الركشة ده لو كان لاقي انو يشتغل حاجه تانية غير سواقة الركشة منتظر الدولة تكلمو ؟
يعني الزول ده لقى شغل في بتروناس وله في بنك فيصل لكن فضل يسوق ركشة ؟
الركشة كانت الخيار الاقتصادي الامثل بالنسبة ليو.
لو ما مغتية معاهو كان شاف غيرا.
و لو لقى احسن منها كان مشى ليو.
السنتين ما بيحلوهو و لا العشرة سنين طالما سياسات الافقار مستمرة يا صالح.
طالما في سياسات اقتصادية اقصائية لطبقات لازم تظهر المهن العشوائية دي .
لأنو البني ادم لازم يشتغل عشان ياكل و يعيش.
و براك جبت خبر انو منعو الاستيراد و رغم كده الركشات لقت طريقه للعاصمة.
يعني الزول الفوق ممكن يربح باي طريقة و يركن القانون.
اها التعيبان المسكين ده يموت ؟
عارف يا تبلدينا حال البلد دي كيف ؟
تقرير المجلس القومي للسكان الاتقدم للبرلمان في يناير الفات قال انو 95% من السكان تحت خط الفقر.
و بطالة الشباب وصلت 82% حسب دراسة لوزارة العمل.
تقوم تقول لي رعناء لا يكترثون لحركةالمرور ولا قوانينه ولا يلتزمون باقل اسس التوقف او التحرك ؟
توقف شنو يا صالح و قوانين شنو ؟
بتاجرو في المخدرات و الخمور ؟
طبيعي يا عمك.
الفقر و البطالة بيعملو اكتر من كده.
كويس انو الواحد فيهم ما تاجر بعرضو او بجسمو هو ذاتو.
ثم ..
غير السواقين .. الركشات دي شايلة كم مليون من ابناء الشعب الما عندهم عربيات ديل ؟
يا صالح في احياء فقيرة العريس سيرتو بتطلع بالركشات.
تتخيل العريس ده ما عاجباهو الليموزين المزينة في قصر فرساي في المؤسسة بحري ؟
اكيد عاجباهو لكن لو باع بيتم و بيوت الحلة ما يقدر يوفر ثمن بنزين الليموزين دي.
كلامي ده كلو ما اقرار لأنو خليهم يغلطو ..
لأ ..
لكن ما دام عاينا لغلطم و عاوزين الدولة تتدخل ما نطالبا تتدخل بنفس الطريقة بتاعة حلو مشاكلكم براكم بحل تاني لأنو حلكم الاول عمل مشاكل.
الدولة لو حتدخل يبقى لازم تقوم بدورا.
توفر فرص عمل مجزية للشباب ده و تستوعبو في وظائف مناسبة. و اهم شي تديهم مرتبات مش تأخرا ليهم بالشهور ( زي الدكاترة الاشتكو لطوب الارض ديل ).
اها لمن توفر فرص العمل و تشغلم خليها تلغي الركشة.
لكن ما تقول لي تخطرم و تقول ليهم فتشو شي تاني.
اها لما يخلو الركشة و يشتغلو شغل عشوائي تاني برضو تجي تجدولو ليهم و تجففو ؟
يعني الدولة بدل تقدم حلول تقعد تحارب في الحلول الشخصية ؟
شباب عاطل و فقير لقى لقمة العيش في سواقة الركشة .. الحكومة رضي الله عنها شافت الحل ما مناسب تقدم ليهم حلول مناسبة .. لكن ما تقول ليهم فتشوا براكم.
شاب عاطل مفروض يشتري كهربا و يدفع نفايات و موية و عتب ناهيك عن اكلو و شرابو و قراية اخوانو الصغار.
دي مسئولية الدولة تحل ليو الازمة دي.
او ما تسألو خالص.
مش لو ساق ركشه .. لو ساق دبابة ما عندهم عليو كلمة.
مش بيدفع ليهم رسوم كل شي ؟
يبقى يسكتو خالص و يستمتعوا بمكاتبم المكيفة و عرباتم ام بنزين مجاني و مرتبات البند الاول الما بتتأخر و يعاينو للبلد على الورق من سكات.
السودان ليس شوارع ظلط .. السودان بشر عينم طالعة.
و طالما انو الركشة عاملة زحمة فانا بضم صوتي لصوتك بحل مشكلة زحام الركشات و حوادثا.
و بطالب بعمل مسارات خاصة داخل الظلط للركشة و العجلة و الموتر.
كيف ؟ دي مسئولية الحكومة.
يزيدو الشارع .. يعملو انفاق .. المهم الريس بيجيب الريح من قرونو.
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: حمور زيادة)
|
..
.
سلام يا حمور ..
ابداك صاح ..
| Quote: قريت بوستك ده من الصباح و تابعتو و حرصت ما اتداخل في وقت انا منفعل فيو .. |
لزوم الانفعال شنو ؟؟
دى يا حمور ( نبض شارع ) وواقع حال ليس الا ..
لا يستدعى ان تنفعل .. تعال اقرائنى صاح ونصل لاتفاق او لا هذاامر اخر
| Quote: ليس القصد قطع الأرزاق |
هكذا بدأت مقالى .. اعلم ان هذه الاداة .. تعيل اسر وتفتح بيوتات للفقراء
ولكن هل الفقر يعنى الحق فى الخطا.. او التمادى ؟؟
هل الفقر يبيح عدم المسئولية لسائقى الركشات ؟؟ هل يمنحهم ممارسة الفساد ؟؟
حمور ..
انت من قلب الشارع وتعلم تماماً ممارسات قائدى الركشات والاماكن التى يرتادونها
ترى كيف هى قيادتهم وتجاهلهم لنظم ولوائح الشارع ؟؟
ان كان النظام به خلال ؟؟ هل هذا يعنى ان يعثوا فى الارض فساداً ؟؟
وتهوراً ؟؟
انا ايضاً من عامه الشعب
بل اتيت من قلب البسطاء .. لم اولد وفى فمى معلقة من ذهب
ولا اقصد ان يجوع الفقراء ؟؟ ولا يحرموا من لقمة العيش الشريفة
الحكومة لا تقدم للفقراء ؟؟
ولكن ليكونوا هم مثالاُ يحتذى للانضباط
سابقاً كان ابن الفقير هو اكثرنا تهذيباً وحديثا ً
ابن الفقير هو اكثرنا علما ومعرفة
ابن الفقر هو افضلنا خلقاً ووعيا
ماذا حدث وجد ؟
عشان انت فقير خلاص تلعن الفقر واكسر القوانين وتتجاوز عن الاخلاقيات
والانضباط ..
ويبقو فيك اتنين فقير وكمان فاسد وقليل ادب
ادناها ان تحافظ على الثانية ..
| Quote: ده في الاخر نفس الشي الانت هسه بتطالب بيو رغم حذرك. |
لا مقارنة بين سائقى الركشات وستات الشاى
ست الشاى كنت من اول الدعامين لحمله حقوقها
ست الشاى تجلس تحت شجرتها او ركن المبنى من الصباح للمساء
لا تأذى احد ولا تتاجر بالحشيش ولا تتنقل بين الخفايا والازقة
الركشة وصاحبها يفعل ما يشاء وقتما يشاء كيفما شاء !!
انا بطالب بأن هذا الداء .. واقول الداء الذى تحمله هذه الاليه
يجب ان يوجد له حل او يوقف استيرادها وجدوله منعها ..
هل تعلم كم سعر الركشة الجديدة او المرخصة ؟؟
المستعملة بحالة جيدة 5 مليون ..
9 الف ( 9 مليون ) اديك التسعة مليون حتفتح ليك افضل محل عصير ليمون
او قدرة فول وفلافل ..
نعم بعض الرقشات بالاقساط .. وهذا هو غرض الجدوله ان تتم حتى تتلاشى
اما كان اجدى بصاحبها ان يفتح محل فول من الخطورة على نفسه والاخرين
Quote: بتقول انو الموضوع ما قطع ارزاق .. و بتطالب انو يخطروهم و يدوهم زمن للتنفيذ.
ده كلام جميل. لكنو برضو غلط.
تفتكر يا صالح سواق الركشة ده لو كان لاقي انو يشتغل حاجه تانية غير سواقة الركشة منتظر الدولة تكلمو ؟ |
اكبر كذبة فى نظرى .. مسالة الناس ما لاقيه شغل
يا حمور ما ضرورى اشتغل فى بتروناس او زين
من سنين مضت عدت لهذه البلدة الظالم اهلها بفهم لا توجد وظائف
لم اكنامتلك الواسطة فليس لى عم وزير او خال ذو نفوذ او مال فى البنوك
فقط شهاداتى وقليل خبرة .. كنت اخرج من الصباح اشترى 3 صحف وابداء فى قراة صفحة الوظائف
وكانت اوكسفام هى اولى المحطات فى وظيفة واحدة ضمن 135 متقدم !!
السعى يتم بوسائل عديدة ؟؟ وابتكارات متعددة .. لا عيب ان تعمل او تسعى ..
اخبرنى كيف يجد الحبش وظائف ( حلاقة .. ميكانيكا .. جرسونات .. فى السودان ؟؟
كيف يجد هؤلاء المصريون الذين يتوافدون علينا اعمالا عديدة كهرباء .. سباكة .. اسقف .. بناء ؟؟
كيف فتح الباكستانيون والاتراك هذه الاعمال الصناعية ؟؟
نحن يا حمور شعب لا يحب العمل ..
يريد الشئ الجاهز ؟؟
عيب ان يعمل فنى كهربائى او سباك ؟؟
عيب ان يفتح تنك البنزين فى محطة الوقود ؟؟
عيب ان يركب ستاير ؟؟
عايز يتجدع بركشة بهمر بانفنيتى ما مهم المهم ما يتعب ؟؟
الشغل موجود .. ولكن نفتقد للسعى
Quote: الركشة كانت الخيار الاقتصادي الامثل بالنسبة ليو.
لو ما مغتية معاهو كان شاف غيرا.
و لو لقى احسن منها كان مشى ليو. |
الركشة ليست الخيار الوحيد
وفعلا مغتية معاهو .. عايز يحب بيها ويتوصل بيها ويخطف بيها ..
ويمارس فيها ما ذكر من عادات ..
بس ما سعى .. واسعوا وسعيكم سوف يرى ..
Quote: تقوم تقول لي رعناء لا يكترثون لحركةالمرور ولا قوانينه ولا يلتزمون باقل اسس التوقف او التحرك ؟
توقف شنو يا صالح و قوانين شنو ؟
بتاجرو في المخدرات و الخمور ؟
طبيعي يا عمك.
الفقر و البطالة بيعملو اكتر من كده.
كويس انو الواحد فيهم ما تاجر بعرضو او بجسمو هو ذاتو. |
انهم رعناء دى حقيقة لا نختلف فيها
عدم الاكتراث والوعى وعدم الالتزام للمرور بائن لكل شخص
الما طبيعى ..
ليه يتاجروا فى المخدرات والخمور ..
الفقير مفترض يكون مثال يحتذى ..
زمان لمن يقول سكر بقولو ود التاجر ..
الفاشل والبليد ود التاجر الغنى
بتاع المشاكل والفساد ود الغنى
دا كان بسبب الدولة
الدولة جات قالت يا ود التاجر انت ابقي كويس
ويا الفقير طبزها زيادة فقر وفساد وكلو ؟؟
Quote: غير السواقين .. الركشات دي شايلة كم مليون من ابناء الشعب الما عندهم عربيات ديل ؟
يا صالح في احياء فقيرة العريس سيرتو بتطلع بالركشات.
تتخيل العريس ده ما عاجباهو الليموزين المزينة في قصر فرساي في المؤسسة بحري ؟
اكيد عاجباهو لكن لو باع بيتم و بيوت الحلة ما يقدر يوفر ثمن بنزين الليموزين دي. |
يا حمور اسهل من المواصلات فى البلد دى بقي فى شئ ؟؟
ما تفتكر انى سايق عربيتى 24 ساعة ؟؟
او كأننى لا اركب المواصلات العامة منذ خلقت ..
يا حمور انا كنت بجى من الشعبية للعرضة برجلينى
الان فى كل ملف هناك حافلة وهايس فاضية ؟؟
ما نركب امجاد ولا تاكسى نركب حافلة تاخدنى من بيتكم للميدان جاكسون ؟؟
الشعب مشكلة المواصلان عندو محلولة وارخص من الركشة . الركشة اقصر مشوار بالف ونص
الهايس للحتانة بالفين ..
قبال الركشة العريس كان بسير بشنو ؟؟
ياخى انحنا للان بنسير بالحصان تقول لى ركشة ؟؟
شيرة شنو بالركشة حسي كن اتقلبت بالعريس وكسرت ليهو رجلو
شهر كامل يعمل شنو ؟؟ يصلح الركشة ولا الرجل ؟؟
Quote: كلامي ده كلو ما اقرار لأنو خليهم يغلطو ..
لأ ..
لكن ما دام عاينا لغلطم و عاوزين الدولة تتدخل ما نطالبا تتدخل بنفس الطريقة بتاعة حلو مشاكلكم براكم
بحل تاني لأنو حلكم الاول عمل مشاكل.
الدولة لو حتدخل يبقى لازم تقوم بدورا.
توفر فرص عمل مجزية للشباب ده و تستوعبو في وظائف مناسبة.
و اهم شي تديهم مرتبات مش تأخرا ليهم بالشهور ( زي الدكاترة الاشتكو لطوب الارض ديل ).
اها لمن توفر فرص العمل و تشغلم خليها تلغي الركشة.
لكن ما تقول لي تخطرم و تقول ليهم فتشو شي تاني.
اها لما يخلو الركشة و يشتغلو شغل عشوائي تاني برضو تجي تجدولو ليهم و تجففو ؟ |
هنا يا صديقى اتفقنا تماماً
بس شايفك عملت لى شبكة عنكبوت عديل
مره ستات الشاى
تانى البطاله والعطالة
ثم الرواتب
ثم فرص العمل
انت كدا بتناقش مشكلة الشعب السودانى واقتصاد البلد والتضخم
وهى مسائل مترابطة لكن انا اتناول ظاهرة من هذه الكلية وهى جزئية صغيرة
موضوع الدولة دى ازمة بلد بحالها
وكل النقاط اعلاه لو اتحلت بطريقتك دى والله ياهو النعيم زاتوووووووو
انا شخصيا بحمدالله الشفتو حسي سنين ما شفتوا ..
Quote: او ما تسألو خالص.
مش لو ساق ركشه .. لو ساق دبابة ما عندهم عليو كلمة. |
اختلاف تام
دى اسمها فوضى .. زى الديمقراطية الضيعوها لينا بسبب عدم المسائلة
بالبسيط دا ( الركشة مثلاً )
يجب ان تسال عن قيادتك ؟؟
عن ممارساتك ؟؟
نحن شعب لا يمشى الا بالردع والديكتاتورية ( وجهة نظر شخصية )
تسيبهم كل زول على مزاجو فوضى وعدم التزام
Quote: السودان ليس شوارع ظلط .. السودان بشر عينم طالعة.
و طالما انو الركشة عاملة زحمة فانا بضم صوتي لصوتك بحل مشكلة زحام الركشات و حوادثا.
و بطالب بعمل مسارات خاصة داخل الظلط للركشة و العجلة و الموتر.
كيف ؟ دي مسئولية الحكومة.
يزيدو الشارع .. يعملو انفاق .. المهم الريس بيجيب الريح من قرونو. |
طيب انحنا ما متفقين ..
بس نضيف ليها فقرتك الفوق ايجاد بدائل ..
ونشيل الركشة دى من الشارع ..
يا حمور الركشة دى ياخى والله آذيه ما بعدها آذيه
وشكرا ليك على المقال ..
____________
يا عمر البشير
يا حكومة.. يا ولى الامر .. يا وزير العمل ومكاتب العمل ..
يا بطانه الدولة ..
يا مجلس الوزاء اتمنى ان يقرا احدكم قضايا الشباب والمجتمع هذه
وتلبو النداء .. فنحن ابناء هذاالشعب الضعفاء
الفقراء المقهورون .. لا نريد اكثر من ان توفروا لنا فرص العمل
والخدمات والتعليم والعلاج المجانى ..
كلكم راع وكلكم مسئول عن رعيته ..
اللهم هل بلغت فأشهد ..
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: صلاح الفكي)
|
..
.
استاذى صلاح الفكى
Quote: الغريبة أهل بنجلاديش والهند وخاصة بومبي.. كانوا قد أجروا دراسة للتخلص من هذه الركشات(أوتو ركشة)..
حيث أنها قد أصابت مدنهم بتلوث فظيع للبيئة.. والداخل لمدينة دكا البنجلاديشية وهو خارجها..
يري سحابة سوداء تظلل العاصمة دكا.. ومع ذلك .. أخوتنا في السودان قد اتجهوا شرقا نحو الهند لجلب
هذه القاتلة التى تسمى ركشة.. |
اتخيل يعنى دايما نحن نستجلب الاشياء القبيحة والضارة ..
كما قال احمد حتى العربات الكورية ( اسمها سكند كوريا )
الركشة مزعجة وضارة بالبيئة وبحياة المواطن ..
والان تواجهنا صعوبة حتى ان تقول اوقفوها ..
لا ادرى اين كانت الارزاق قبل قدوم الركشة ..
Quote: عملية تنظيم ادارة حركة هذه الركشات..والأفضل ..أن يكون عملها خارج نطاق العاصمة ..وأن لا تدخل العاصمة..
حتى يمكن أن نحافظ علي الجزئية البسيطة الجميلة الموجودة هناك |
وهذه مرحلة اولى اتفق معك فيها تنظم لعام او عامين ومن ثم تلغى ويوقف استيرادها
وقطع غيارها ..
بل وتبعد من العاصمة والمدن الكبري ..
لك الود والتقدير
____________
تلوث وعدم امن وفساد وتهور وعدم انضباط
الركشة بؤرة لمخالفة القوانين
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: دوت مجاك)
|
..
.
أزيك يا مان ..
قاطع الاخبار ..
| Quote: تلك الركشات تعول اسر كثيرة وليس لها غير ايراد تلك الركشة |
اتفق معك فى ذلك يا دوت .. ولكن هل هذا يعنى تجاهل الرقابة
والالتزام والاخلاقيات بحجة انها تعول اسر ..
صدقنى انها صارت تمثل مشكلة اجتماعية اكبر مما تحل مشكلة الفقر ..
Quote: ولكن لا يتوجب علينا ان نمنع الدواء
ولكن ان ننظم تناول الدواء
مشكلة الركشات مشكلة تنظيمية لا اكثر |
اولا كما اسلفت لا يوجد فى البلد قانون ولا تنظيم
ولا غيره .. نهب وربح وتسويق وغنى من الاخرين ..
ولكن النظام لا يحتاج لقانون انظر بقية الدول _ غير العربية _
كيف تنظم انفسها باشياء بسيطة ولوائح محفوظة
سائقى الركشات ليسو بجهله .. فى احصائية سابقة ( الاحصائيات دى بتجيب هواء )
فى احصائية ان 80% خريجى جامعات .. يعنى خريجين يجب على الدولة ان ترعاهم
هذا من جانب ..
ولكن فى نفس الوقت ما داموا متعلمين ويعولون اسر
ان يتعلموا الانضباط والالتزامات والعادات والتقاليد
بل واللوائح المرورية .. لا يزرعون فى الارض فسادا
وتهورا وجهلا ..
ولاتظن اننى اشن عليهم هجوماً لاننى من الابراج العالية
ولكنى ايضاً قادم من بيئة فقيرة .. ولكن المسؤلية الفردية
تحتم علي الجميع الالتزام بها لا ان نتجاهلها بحجة الفقر
الفقر لا يعنى عدم الانظام والانضباط ..
_________
ولا يغير الله بقوم حتى يغيروا ما بأنفسهم
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Ahmed Abdallah)
|
..
.
ووين يا ابوحميد
برضو مس يو والجامعة الحلووين ذا سيم
Quote: تبلدينا
اصبحت الخرطوم في ظل الانقاذ عبارة عن مزبلة للسلع البائرة
سيارات كورية
ركشات
منتجات صينية
مواد غذائية ضاربة و مشعة احيانا |
للاسف ..
بس السيارات الكورية دا يا ابوحميد .. اقتصادية
وقدر قريشاتنا .. الجيمس والفورد وكابريس دى ما بنقدر على البنزين
ولا عندنا ليها شوارع ولا مواقف ..
الركشات دى الظاهرة السيئة ..
ومشكلة حقيقة فى طرقاتالمدينة .. مهما تقدم
ولكن الان سيئاتها اكثر من حسناتها حتى ولو كانت تشبع بطون ..
____________
عن الاكل الفاسد الضارب حدث ولا حرج
برضو خيط خلينا ننتهى من دا وميدان جاكسون ..
ونشوف الايدز والاكل الفاسد
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: هويدا شرف الدين)
|
..
.
الاستاذة / هويدا
Quote: كل القالو يوقفو الرقشات دي أولا يا ريت يشوفو مصدر رزق يعيل كل هذه الأسر الكبيرة
وحا تعيش كيف وتاكل كيف وتأجر كيف ممكن تطالبو بانو الرقشات دي تتنظم وتوضع شروط
للذين يعملون بها لأنها فاتحة مئات البيوت ناس الركشات يقيفوا ستات الشاي يقيفوا
بعد كدا الناس ديل يشتغلو شنو يسرقو ولا يبيعوا عروضهم . |
باعلاه .. قلت ان سعر الركشة الجديدة والمرخصة حوالى 8-9 الف ( تسعة مليون)
المستعملة لا تقل عن 5 الف ..
دراسة جدوى صغيرة محل فى الاحياء الشعبية بيعمل فول وطعمية
او عصير وايسكريم ..
او ورشة المونيوم ..
ما بزيد عن 6 الف جنية ..
باختصار .. ولو الواحد شالها من البنك غلطان
لانو كان اجدى محل الطعمية او العصير ..
ليه الناس تبيع اعراضها ..
________
مافى بقالة فى الخرطوم بتخسر ولا فى محلية بتقفل بقالة
هنا فى حاجة غلط .. اما فى الاجراء او الإدارة
انا ما تاجر لكن شقينا المقابر قصدى السوق ..
البقالة بتمليها من طقطق للسلام عليكم بالاقساط ..
الكافتيريا سوء طالع ان تقع داخل القيادة
الله دا شافوا بالعين ولا عرفوا بالعقل يا هويدا
مودتى واحترامى
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Tabaldina)
|
مشكور الأخ تبلدينا علي الرد - إذا إنت فاتح ليك بقالة بتدفع إيجار 250 وكهرباء خمسين وأكثر وناس المحلية عاوزين رسومهم حوالي 750 في السنة وبتاع النفيات والعهوائد و............. و.................. وانت طبيعي بتربح مبالغ بسيطة في دخلك فطبيعي انك حا تعجز عن سداد رسوم المحلية وبعد كدا ناس المحلية كل يوم يجو يختو طبلم في بابك وبالتالي خلاص حا تكره الشغل ذاتو - أما بالنسبة لمحلات الطعمية والفول فروحك حا تطلع لغاية ما تفتح محل وبعد كدا دخلك حا يكون بس للمحلية وبعرف اسرة تسكن بالقرب منا عايلها زوجة فقدت زوجها وكانت بتعمل عشاء فول وطعمية وشوية حاجات تانية برضو قفلت محلها والان تركض خلف ديوان الزكاة - ما بالساهل كدا انك تفتح ليك محل وتسوي امورك اوكي - بس انت اقعد مع ناس الرقشات وحا تسمع حكاوي كثيره امبارح بعد ما رجعت البيت حكيت لي زوجي عن بوستك قال لي
دا بكون خارج السودان وما جايب خبر - أما بالنسبة للحاجات التانية بتاعة توزيع المسكرات فدي حتي ابناء الطبقات الراقية بعملوها بس بتكون اكبر من مسكرات والأيدز ما مقتصر علي ناس الرقشات بس لانو ما هم الفاسدين الوحيدين في العالم
مع تقديري وإحترامي لوجهة نظرك
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: على احمد النعيم)
|
..
.
Quote: والله يا تبلدينا لقد قلت حقاً وافصحت وابنت لله درك ووضعت النقاط فوق الحروف .....
ولكن قل لى بربك هل يجد هذا النداء آذاناً صاغية. |
تسلم يا ود النعيم ..عسي ان نجد استجابة
Quote: هل تصدق اننى تعرضت لثلاثة حوادث كل سنة حادث من هذه الركشات اللعينة.
واذكر ان الحادث الاول كان سائق الركشة صبى يافع ولا بس سفنجة وركشتو بدون ترخيص
والحادث الثانى كان مشابها تماماً للاول إذ فوجئت بسائق الركشة التى دعمتنى صبى ولا بس سفنجة ايضاً وبدون ترخيص . |
المشكلة الناس ما عارفه خطورة الركشة ووين ؟؟
مش على الناس الراكبين
الكلام على الماشى برجلينو دا ..
والله يدقشك بتاع رقشة يا فهقك يا كسر رجلك
او دخل الانعاش ..
_______
الرقشة بتنطح زى التور الهايج يا ناس
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Ashraf El Bagir)
|
كتب تبلدينا ...
Quote: اما مسالة ازعاج دى والله صوتا يصحيك من سابع نومه
بالليل والعجب يوم الجمعة والسبت ... ياخى ارررررررر دى تقد اضانك
وفى جماعة بعملوها مخصوص نظام حركة والود سايق لانبرجينى وكدا ..
|
وكتب اشرف الباقر ..
Quote: كلما انزل السودان اجازة ارفض السواقة والسبب الركشات
ياخ ديل عاملين ذى الشفَع فى بيت العرس. |
تعليقين عجبونى شديد .. وبصراحة انا بذكرونى البعوض فى الخريف
فى الاعدادية بجامعة الجزيرة ايام زمان لما كان فيها حديقة ...
زززززززززززززنننننننن ... زززززززننننننننن ...
بس كلام حمور زياده فى مكانه ....
| Quote: يعني الزول ده لقى شغل في بتروناس وله في بنك فيصل ولا فى كنااااار لكن فضل يسوق ركشة ؟ |
نطالب بالتنظيم....
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: على احمد النعيم)
|
تبلدينا
تحياتي
والله إنت عملت بوست في الحاجة الخلتني أنا شخصياً أكره الحياة في الخرطوم ولو ليوم واحد.
هذه الركشة كارثة على السودان، وتفقدنا الأمل والحلم بعاصمة حضارية كبقية شعوب الأرض.
والكلام عن إعالة أسر الشهداء وبقية المبررات الداعية للإبقاء على هذا الوباء هو كلام عاطفي وغير منطقي ولا محل له في خارطة المصلحة
العامة فكيف نقول أن سلبيات هذه الركشة هي الحوادث والإزعاج والتلوث والفساد والإيدز والإنحلال وتدمير الحياة الإجتماعية، ثم نوافق
على الاحتفاظ بها فقط نظير إعالتها لأسر هؤلاء الشهداء.
أعتقد أن إيجاد حل لإعالة أسر الشهداء أسهل بكثير من معالجة الأضرار التي تسببها هذه الركشة.
لعن الله الركشة فهي حقيقة وباء بكل ما تعني الكلمة من معنى والشخص الذي أحضرها إلى السودان قد أضر بهذا البلد وأهله ضرراً كبيراً،
أضم صوتي إلى صوتك مطالباً بإعدام الركشات في السودان بأسرع ما يمكن وأطالب الحكومة بإيجاد حل لأسر الشهداء.
مودتي
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: محمد عثمان محمود)
|
..
.
خى محمد عثمان
| Quote: هذه الركشة كارثة على السودان، وتفقدنا الأمل والحلم بعاصمة حضارية كبقية شعوب الأرض. |
والله مصيبة ولعنه الله على من فكر فى استجلابها .. ليضر بها البلد اكثر من نفعها
فهى احد اسواء العادات والاشياء المستوردة ..
Quote: والكلام عن إعالة أسر الشهداء وبقية المبررات الداعية للإبقاء على هذا الوباء هو كلام عاطفي وغير منطقي
ولا محل له في خارطة المصلحة العامة فكيف نقول أن سلبيات هذه الركشة هي
الحوادث
والإزعاج
والتلوث
والفساد
والإيدز
والإنحلال
وتدمير الحياة الإجتماعية،
ثم نوافق على الاحتفاظ بها فقط نظير إعالتها لأسر هؤلاء الشهداء. |
هذه مشكلة الشعب السودانى التعاطف والمجاملة والعاطفة ..
العاطفة عندنا تغلب على بقية المصلحة ..وبعد كل هذا وهم يعلمونه جيدا مصرون
انا متأكد ان تم حصر الاسر المحتاجة واسر الشهداء سوف تكون اقل من 50%
البقية عاملها دخل اضافى ونقاطه .. اها ديل احسن يشوفوا ليهم نقاطه تانية
| Quote: أضم صوتي إلى صوتك مطالباً بإعدام الركشات في السودان بأسرع ما يمكن وأطالب الحكومة بإيجاد حل لأسر الشهداء. |
ونحن نطالب لاجل المصلحة العامة
ولاجل التنظيم
ولاجل خطورة الركشة على المجتمع والمواطن ..
وعلى ابنائهم الذين يقودنها .. وهم فى سبات نائمون ..
_________
لك الود اجزله ..
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: معاوية المدير)
|
..
.
اخى معاوية
Quote: وهو مسؤل كبير بالمرور, في هذا الموضوع. وأجابني بأنه
متضايق جدا من الركشة. لكن كلما طرح الموضوع, وصارت هناك
محاولات لإيجاد الحلول, إعترضهم موضوع الأسر, وحال دون ذلك... |
والله انا شايف موضوع المسؤول دا ما مبرر ..
السنالة مسالة تخطيط المرور يرفع تقرير بالمشكلة بتصور كامل
ووضع حلول لمعالجتها ..
التخطيط العمرانى والرعاية الاجتماعية والعمل .. تعمل ورشة
للخروج بحلول لحل هذه الازمة ..
المشكلة نحنا غرف العمليات والتخطيط ما عندنا ليهو فهم ولا استراتيجيات
ولا خبرة .. والعارفين خارج دائرة الدولة ..
_____________
انها فعلا مشكلة وطن ومجتمع
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: ذواليد سليمان مصطفى)
|
..
.
Quote: الاخ /تبلدينا
الرجاء سحب هذ البوست حتى لايقع فى ايدى المسؤلين
اصلح الله عملك امام هذه الامة |
اخى ذو اليد
البوست دا اساسا انا عاملو للمسؤولين
ويا ليتهم يفقهون .. ويتذكرون
انهم مسؤوون امام الله عن هذا الشعب المقهور
Quote: ان معظم قيادى الركشات اى الجيل الحالى من الاطفال وبل الاغلبية من الصعاليك
والاسباب كثيرة من خلال هولاء المراهقين
معظمهم يعملون فى نقل الخمرة والنساء الى بيوتات الدعارة
وتجارة الحشيش وجميع انواع المخدرات
والاغلبية فاقد تربوى |
وشهد شاهد من اهلها ..
عشان الاطفال والفاقد التربوى ..
وحرصاً على المواطن وعلى اسرنا وبناتنا وعوائلنا
لابد من ايقاف هذه االمصيبة ..
Quote: بان معظم الركشات ملك اسر الشهداء
والشهيد لا يترك لى اسرته سواء الله ورسوله
وهولاء الشهداء سواء اكان فى الجيش او الشرطة او الامن....الخ
فمن يعول هولاء الايتام؟ |
الله فَى .. الله كريم
ما شق خشماً ضيعو ..
Quote: يتهبون يقتلون ويسلبون
ثم يستخدمون المواتر فى خطف الامتعة وشنط النساء |
عشان كدا نوقف الركشة واستيراد الموتر زاتو
Quote: نعم الايدز منتشر للحد الجنونى
بلا حصر
فهل سائقى الركشات هم اكثر انتشارا من اصحاب العربات الفارحة الذين يحملون كل بنت من الشارع العام |
مافى سائق عربية فارهة بغلط وبتهور ..
الصيدليات نسبة مبيعاتها متزايدة بسبب الموانع ..
بقع فيها الا الفقراء ديل وسواقين الركشات المتهورين ..
البحملو بنات الشارع
ناس العربات ناسهم مختلفين وبرنامجهم مختلف ..
انت ووين يا مان .؟؟
___________
موضوع الايدز وعلاقته بالركشة دا
احسن تتجاوزوا لانىالاحصائية ما معاى
وجرت فى اتجاه اخر
تسلم يا ذا ...
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: شول اشوانق دينق)
|
..
.
| Quote: ما تكتب عنهم إلا بعد تصدم واحد منهم ياخ |
بداً والله يا صديقى
اخر ركشة صدمتنى منذ عام
ليس هذا هو الهدف وليس امرا شخصياً
ولكن حقيقة اصبحت مشكلة لابد لها من حل
من قبل الدولة لا يعنى ان تلغى بقرار جائر لابد من معالجة
المعضلة من جذورها ..
دراسات اجيماعية ووجود بدائل استثمارية للاسر الفقيرة والصغيرة
وجدوله عملية الالغاء ..
___________
نسبة لاتساع شريحة مالكى الركشات من خارج عضوية المنبر
نصحت بان يتاح لهم التعليق والتعقيب عبر الإيميل ان هناك
مقترحات او اراء متعددة .. نرجو ان تعم الفائدة لاجل التنظيم
[email protected]
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Hisham Amin)
|
..
.
| Quote: موضوعك اخى غاية فى الاهمية اتمنى ان يجد اذان صاغية من اولاياء الامر فينا |
ونتمنى ان يجد المعالجة المنطقية والتى تتضمن للجميع حياة كريمة
بس الركشات دى صارت غير مرغوب فيها بتاتاً
والقوانين دى يا ليت لو تجد النظر
1Quote: - انضباط المركبات
المركبات الخاصة ؟؟
المركبات العامة ؟؟
المركبات الحكومية؟؟
المواصلات
الحافلات
الركشات
الكارو
الحيوانات
قوانين المرور
الافراد
الاطفال
اماكن الوقوف
ارصفة المشاة
صلاحية الشارع
تخطيط الشوارع
تعبيد الحفر
زيادة الاضاءة
عبور المشاة
والبقية تاتى
هشام امين |
__________
بالله اظهر وبطل الحركات ولقاءات الصدف دى
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: صلاح أبودية)
|
تبلدينا اتفق مع تماما فى كل ما قلته
تسلم
--------------
http://www.alwatansudan.com/index.php?type=3&id=10913&bk=1
الركشات بأي قانون أُستوردت.. وبأي عدالة مُنعت..؟
كل هذه الفوضى مَنْ يحمي الناس من أخطارها.. تدفع تدوّر تركب الشارع
يا للهول: (70%) من سائقيها من اللاجئين والوافدين والفالتين..!
تمتلىء بعض أقسأم الشُرطة بولاية الخرطوم بمئات إن لم أقل آلاف الركشات التي جرى حجزها بواسطة الشرطة نفسها عقب حوادث أم درمان المعروفة، حيث تردد أن بعض السيارات المظللة وبعض الركشات كانت في خدمة الغزاة في تلك الأيام الشديدة السواد..!
ولأن حكاية الركشات تأخذ الطابع الموسمي قبل أحداث أُم درمان وبعدها فإن الناس بين مكذب ومصدق للأسباب الأخيرة التي قادت إلى شن تلك الحملات العاتية ضد الركشات.
بعض المصادر قالت إن جريمة ما إرتكبت بواسطة ـ ركشة ـ ومست «شخص مهم» أعطت الحملة طابعاً انتقامياً..!
وقالت مصادر إن بعض العاملين في الشرطة ـ ضباط أو رُتب أقل ـ لهم مصلحة في الحملة بإعتبارهم منافسين «يعني ملاك ركشات»..!
ولكن دعونا نحسن الظن ونعتبر الحملة فعلاً لصالح الأمن والإستقرار والسلم الاجتماعي لبلد أصبح الأمن فيه هو هاجس أهله ليس لأن الأمور بلغت حداً من سوء ليس المخاوف الشعبية الأمنية هذه ولكن أيضاً لأن السودان بلد الأمان هكذا كان ونأمل أن يظل وأن يستعيد أمنه وسلامته..!
والأسئلة المشروعة في أمر الركشات التي امتلأت بها الساحات هي:
* لماذا يتم استيراد الركشات أصلاً ما دام أمرها أصبح مكان مصاعب ومتاعب للدولة والمواطنين..؟!
* وعرضاً هكذا فإن أمر ـ الأمجاد ـ أيضاً يشبه ـ أمر الركشات لماذا تفتح أبواب استيراد «الأمجاد» على مصرعيها وعندما يسعى من يشترونها لأكل العيش النظيف في زمن العطالة الغالبة تلاحقهم السلطات.. وتغرمهم.. وتكرههم في شغل الأمجاد مع أنه أنظف من جالسي العطالة، وحالة العمل بالركشة التي لا تناسب بعض كرماء القوم الذين أذلهم الصالح العام ـ أو أية ظروف ومسببات أخرى..!
* ثانياً وفي أمر الركشات أيضاً لماذا تظل الجهات المستوردة تبيع لأهل القطاعي، وأهل القطاعي لمن يدفع ـ كاش أو بالتقسيط مواطناً كان هذا المشتري أو لاجئاً..!
وبعد الشراء والفوضى فيه فإن كل من يدفع القسط الأول المريح يدور ركشته من أمام دكان بيعها الذي يوفر له كمية بسيطة من البنزين المخلوط بالبنزين ليصل الطلمبة.. ويملأ التانكي بتاع الركشة الجديدة ليركب معه أول زبون ويقول له: رايح الديوم الشرقية انطلاقاً من الصحافة، فإذا بالأخ يتجه بالراكب نحو «عد حسين» أو أبو آدم.. وأحياناً يتجه به نحو الجريف الغربي الذي أصبح ولأسباب يعرفها السماسرة والملاك أكبر «وكر» للوافدين واللاجئين الذين من ضمن ثقافتهم الجديدة التي تحفظ لهم أن يعرفوا كيف ينطقون كلمة «جريف» أو «الديوم» التي تمثل الوكر الآخر لملايين اللاجئين والوافدين من دولتين مجاورتين هما إثيوبيا ـ وهذه حجم اللاجئين منها ـ مناسب إلى حد ما ـ ومنها رجالاً ونساء هم في الغالب من القومية الأمهرية التي كانت تحكم إثيوبيا منذ ما يزيد على القرن ونصف القرن، حيث فقدت السلطة في إثيوبيا بسقوط نظام منقستو هايلي ماريام وهو نصف «أمهري»، إذْ أن أبوه من «الأرومو» وأُمه من «الأمهرا»، وكانت تعمل في القصر الإمبراطوري وربت ابنها ـ منقستو ـ على محبة الأمبراطور هيلاسلاسي والإعتقاد في صلاحه وضرره ونفعه لدرجة أن منقستو قتل هيلاسلاسي حباً وإضطهاداً يوم أن انقلب عليه نحو عام 1975م عندما أخرجه من القصر الإمبراطوري التاريخي الذي يحرس أبوابه «أسد يهوذا»، حيث مات هيلاسلاسي ـ احتقاراً وإضهاداً وربما من كثرة الجحود لأن الذي إنقلب عليه.. بعد أن رباه وعلمه هو ابن إحدى خادماته المطيعات..!
ولقد أكد منقستو أنه يؤمن بصلاح هيلاسلاسي وقوته الروحية الخارجية وحتى يضمن عدم الأضرار به وبنظامه الثوري الإشتراكي دفنه تحت تربيزة مكتبه بالقصر الملكي الذي أصبح اسمه «القصر الجمهوري» أو بيت الثورة..!
ونعود لأمر الركشات الذي ربطنا بالحديث عن قادتها وسادتها اللاجئين، وهم حسب إحصاء شعبي بسيط يقودون نحو 70% من الركشات الجارية في شوارع الخرطوم ولا يترفعون عن نقل أي شيء ـ والمتاجرة في أي شىء وإرتكاب أية جريمة في جنح الظلام وشمس النهار، لأن لهؤلاء الـ70% أو معظهم على الأقل «تارقت» مالي معين لا بد من الوصول إليه وصولاً «للتراقت» الثاني وهو الوصول إلى أوروبا عن طريق ـ ليبيا ـ التي لا نفهم كيف أضحت ملاذاً للمهاجرين عبر البحار مع أن ـ الأمن في ليبيا يعرف نوعية ـ النمل ـ وشمائله وقبائله.. ولكن ربما في الأمر ـ مصالح ـ كيف لا ونحن نعرف.. والحكومة تعرف والسلطات ـ الحارسة للحدود تعرف ـ أن اللجوء من إثيوبيا وإريتريا أضحى ـ مهنة ـ ومصدر دخل للمئات من النشطاء في البلدان الثلاث «إريتريا ـ إثيوبيا ـ السودان»، حيث يربط هؤلاء وأؤلئك بشبكات منظمة على الحدود السودانية مع البلدين المذكورين، وكله بحقه وليغرق الوطن بملايين الأجانب حتى يصبح أهله في يوم قريب أقلية..!
ذلك لأن قطاع ـ الركشات ـ الذي تحبش وتأتر من «حبشي وإريتري» ستلتحق به قريباً قطاعات أخرى أهمها الآن قطاع الكافتيرات والبارات الحلال، كما أسماها أحدهم عندما سألته الشرطة عن اسم محله الذي يبيع الشيشة والقهوة وأشياء أُخرى يعلمها الله فقال: هذا «بار حلال»..!
ونستكمل الأسئلة حول موضوع الركشات:
* لماذا يجري معظمها علناً بدون أرقام؟، أما مسألة الخطرات والأنوار ليلاً فهذه يبقى السؤال عنها نوعاً من العبط الصحفي..!
* أيضاً أليست الركشة آلة ماكينيكية التكوين.. وتسير بالزيت والبنزين ولها كلتش ـ وفرامل ـ مثلها مثل العربات، كما أن صدمتها يمكن أن تؤدي إلى القتل أو النزيف في المخ.. أو الكسور المركبة..؟
إذن لماذا يقودها من يقودها أجنبياً كان أو وطنياً دون رخصة أو امتحان.. أليس في ذلك الأمر تجاوزاً لأبسط قواعد السلامة المرورية..؟
وسؤال أخير ما هو مصير كل هذه الآلاف المؤلفة من الركشات المحجوزة في مخافر الشرطة وحيشان البلديات والمحليات..؟!
وهل ستباع في دلالات ومزادات يحضرها ويحكمها ويتحكم في أمرها الشيطان وليس الرحمن..!
وهل ستجرى هذه الركشات المصادرة والمباعة قريباً في المزادات في شوارع الخرطوم من جديد بعد أن تقع في أيدي إخوتنا اللاجئين الذين لا يعدم الواحد منهم من يرسل له 5 آلاف دولار ليشتري ركشتين بالكاش؛ واحدة يقودها نفسه والثانية إستثمار إلى أن يهيىء له الله سفرة ـ وهجرة أو غرقاً في البحر الأبيض المتوسط أو المحيط الهندي أو البحر الأحمر، حيث تتعدد البحار والموت واحد..!
وأختم.. سيدي مدير الشرطة، وسيدي وزير الداخلية، أن الأمر بلغ حد الفوضى.. ومن يسلم من إيذاء أمني من الركشات ومن يقودها من الأجانب لا يسلم من حادث أو إعاقة أو حتى خدش للحياء بعد أن تحولت بعض الركشات إلى مراقص متحركة يصرخ.. وينبح داخلها بوب مارلي والمايو وبقية صارخي العصر القديم، مضافاً إليهم صارخي وصارخات العصر الحديث..!
إن السلطات التي لا تحترم مقومات السيادة.. والضيافة والحدود.. هي سلطات وجهات رسمية تضر الوطن ولا تصلحه..!
مرة وفي السعودية ـ حيث كنت أقيم ـ دعاني والد للتوسط مع السلطات المرورية السعودية لإخلاء سبيل ولده الذي توسط في نقل ركاب بسيارته الخصوصية..!
وعندما زرت مدير المرور السعودي في منطقة ارتكاب المخالفة قال لي الرجل وبالفم المليان هذا الذي فعله صاحبك فيه تعدي على السيادة الوطنية للمملكة.. ذلك ـ يقول الضابط السعودي ـ لأن القانون يمنع الأجانب من العمل في قطاع التاكسي والحافلات ويركز العمل في هذين القطاعين بيد السعوديين، ليس حماية لأخلاقيات وعادات وخصوصيات البلد وحسب، بل أيضاً لإحتكار القطاعيين والعمل فيهما لأولاد البلد الذين لم تمكنهم ظروف الماضي من التعليم وتبؤ الوظائف الحكومية أو الأهلية.
لقد كان قطاع الليموزين هو القطاع المسموح فيه العمل للأجانب.. ولكن أقول العمل وليس الإمتلاك وحتى موضوع الليموزين والعمل فيه صدر بشأنه أخيراً قرار حكومي حدد لملاك اللموزين تاريخاًً معيناً «لسعودة» قطاع الليموزين.
اجمالاً إن وضع اللاجئىن والوافدين على السودان عبر الحدود الشرقية بالذات بات من مهددات الأمن القومي السوداني، بل ومن مهددات التركيبة السكانية للبلاد.. واحتكار العمل في الركشات المعتقل منها والطليق للاجئين والوافدين.. هو مقدمة لإحتكار قطاعات أخرى، بل ومقدمة خطيرة لفرض واقع اجتماعي وديني.. وأخلاقي على السودان برمته انطلاقاً من عاصمته وبعض مدنه الكبيرة..!
الوطن
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: BitAlhana)
|
يا صالح ..
شكلي ما قدرت اوصل فكرتي ليك كويس في المقال.
لأنو شكل ردودك كانت مختلفة عن الحاجه الانا قصدت اقولا.
احتمال عشان انا اتوسعت في الكلام ؟
فكدي خليني اختصر ليك المقال الفات في كلام محدد :
الركشة عاملة مشكلة و سواقين الركشات فيهم منحرفين كتار لم نختلف على هذا.
لكن كون انو يكون الحل دعوة اجهزة الدولة للتدخل بمنع الركشة عبر جدولة زي ما انت قلت دي هي المشكلة.
الحل الجذري الانت اشرت ليو في مداخلة ردا على احدالناس هو حل مشكلة سواقين الركشات دي الجذرية.
مشكلة الفقر و البطالة.
الناس دي حلت مشكلتا بطرقتم الشخصيةلأنو اجهزة الدولة ما قامت بدورا تجاهم.
فالدعوة للدولة انها تتدخل عشان توقفم غلط.
تاني بقول ليك باسلوب مختلف :
دولة لم تحل للمواطن مشكلتو ما تجيبا تحاسبو على حلو الشخصي.(طالما انو ما حل مخالف للقانون - قوانين العدالة مش قوانين الافقار زي منع الركشة من قطع الكوبري)
و نحن شفنا الاف التجارب لما الدولة بتتدخل .. بتحل مشكلتا هي .. مشكلة المظهر العام .. و الفقران ده ليهو الله.
لو تسمح لي اوجه نداء زي عنوانك فانا بقول :
يا اولي الامر لا توقفوا الركشات من شوارع هذه المدينة .. حلوا لسائقي الركشات مشكلتهم و ستختفي الركشات من شوارع هذه المدينة.
انا اشرت ليك لسياسة الافقار في كلامي الفات .. فكرت فيها يا صالح ؟
السياسات البتحارب الفقير في لقمة عيشو و بتدي الكبير الف فرصة و فرصة.
محل الايسكريم العاوز واحد يفتحو ده عارف رسومو و ضرايبو كم ؟
بينما الشكرات الاستثمارية الضخمة معفية من الجمارك او الضؤائب او الاتنين سوا.
يا تبلدينا ديل ما ناس تديهم فرقة في زول فقير.
بكرة يطلع قرار منع الركشة و يقولوا ليك استجابة لنبض الجماهير في سودانيز اون لاين.
ذنب الحيجوعوا و يتعطلوا تاني ديل بتتحملوهو ؟
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: حمور زيادة)
|
الاخ تبلدينا
عاوز اضيف حاجة مهمة خلاص :
الرقشة واحدة من اهم الاسباب التي تؤدي الي الغضروف
(هناك حركة في كل الاتجاهات مع لخلخة وتوقف مفاجيء لشخص يجلس بصورة عمودية )
ده طوالي انزلاق غضروفي ..
تنزل من الركشة وتدفع حقها بكرة يجيك وجع ضهر تدفع فيهو حق خمسة رقشات
الاخ حمور ..
اتضامن معك جدا وكلامك برضو صاح
لكن الركشات ديل ذاتهم ماسبب في القضاء علي لقمة صاحب التكسي
التكسي برضو كان فاتح بيوت ..
والله هسي بعد دخول الرقشات حالهم بقا يحنن
الواحد فيهم يلف لامن الله يغفر ليهو مافي حد يعبرو
في اجازتي الفاتت طلعت من يتنا نسابتنا في مدني
فووو وقف قدامنا بتاع رقشة
قام نسيبي قاليهو هسة في حد قال ليك اقيف
قام بتاع الركشة قالينا
ياخ اركبو ياخي ماتضيعو زمنا ساي
الزمن ده اكان قلت ركشة بي قلبك في سرك تجيك رقشة تقيف ليك يا امان
اركبو ياخ . دررررر درررر
وفعلا ركبنا .
شكرا لكما
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: بابكر عثمان مكي)
|
..
.
Quote: الرقشة واحدة من اهم الاسباب التي تؤدي الي الغضروف
(هناك حركة في كل الاتجاهات مع لخلخة وتوقف مفاجيء لشخص يجلس بصورة عمودية )
ده طوالي انزلاق غضروفي .. |
ودا سبب جديد يا اخ بابكر لمحاربة الركشات .. والعجب لو اللستك الخلفى
وقع فى حفرة كلك على بعضك تترج ..
Quote: لكن الركشات ديل ذاتهم ماسبب في القضاء علي لقمة صاحب التكسي
التكسي برضو كان فاتح بيوت ..
والله هسي بعد دخول الرقشات حالهم بقا يحنن
الواحد فيهم يلف لامن الله يغفر ليهو مافي حد يعبرو |
ونلاحظ انو سواقين التكسى اعمامنا الكبار هو عائلين اساساين للاسر
وارباب معاشات ولهم صبر وقيادة وقورة ..
مقارنة باعمار سائقى الركشات المتهورين
الذين لا يحترمون الصغير ولا يوقرون الكبير
سواء كان الكبير دا يطاح ولا رجل
بصراحةهم الوليدات ديل عندهم قدرة على لقط الزبون غريبة
وقدرة على الاقناع والتسويق اعجب ..
تسلم يا بيكر
___________
العجب النسوان بفضلن الركشات بصورة تحير
| |
|
|
|
|
|
|
|
|
 Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: فرح)
|
..
.
Quote: الركشات بأي قانون أُستوردت.. وبأي عدالة مُنعت..؟
كل هذه الفوضى مَنْ يحمي الناس من أخطارها.. تدفع تدوّر تركب الشارع
يا للهول: (70%) من سائقيها من اللاجئين والوافدين والفالتين..! |
Quote: ذلك لأن قطاع ـ الركشات ـ الذي تحبش وتأتر من «حبشي وإريتري» ستلتحق به قريباً قطاعات أخرى أهمها الآن قطاع الكافتيرات والبارات الحلال، كما أسماها أحدهم عندما سألته الشرطة عن اسم محله الذي يبيع الشيشة والقهوة وأشياء أُخرى يعلمها الله
فقال: هذا «بار حلال»..!
ونستكمل الأسئلة حول موضوع الركشات:
* لماذا يجري معظمها علناً بدون أرقام؟، أما مسألة الخطرات والأنوار ليلاً فهذه يبقى السؤال عنها نوعاً من العبط الصحفي..!
* أيضاً أليست الركشة آلة ماكينيكية التكوين.. وتسير بالزيت والبنزين ولها كلتش ـ وفرامل ـ مثلها مثل العربات،
كما أن صدمتها يمكن أن تؤدي إلى القتل أو النزيف في المخ.. أو الكسور المركبة..؟
إذن لماذا يقودها من يقودها أجنبياً كان أو وطنياً دون رخصة أو امتحان..
أليس في ذلك الأمر تجاوزاً لأبسط قواعد السلامة المرورية..؟
وسؤال أخير ما هو مصير كل هذه الآلاف المؤلفة من الركشات المحجوزة في مخافر الشرطة وحيشان البلديات والمحليات..؟!
وهل ستباع في دلالات ومزادات يحضرها ويحكمها ويتحكم في أمرها الشيطان وليس الرحمن..!
وهل ستجرى هذه الركشات المصادرة والمباعة قريباً في المزادات في شوارع الخرطوم من جديد
بعد أن تقع في أيدي إخوتنا اللاجئين الذين لا يعدم الواحد منهم من يرسل له 5 آلاف دولار ليشتري ركشتين بالكاش؛
واحدة يقودها نفسه والثانية إستثمار إلى أن يهيىء له الله سفرة ـ وهجرة أو غرقاً في البحر الأبيض المتوسط
أو المحيط الهندي أو البحر الأحمر، حيث تتعدد البحار والموت واحد..!
وأختم.. سيدي مدير الشرطة، وسيدي وزير الداخلية، أن الأمر بلغ حد الفوضى..
ومن يسلم من إيذاء أمني من الركشات ومن يقودها من الأجانب لا يسلم من حادث أو إعاقة أو حتى خدش للحياء
بعد أن تحولت بعض الركشات إلى مراقص متحركة يصرخ..
وينبح داخلها بوب مارلي والمايو وبقية صارخي العصر القديم، مضافاً إليهم صارخي وصارخات العصر الحديث..!
إن السلطات التي لا تحترم مقومات السيادة.. والضيافة والحدود.. هي سلطات وجهات رسمية تضر الوطن ولا تصلحه..! |
------------------
شكراً فرح للمقال
فقد نبهتنى لنقاط مهمة جدا جدا
1- قيادة الركشة من الاجانب .. وخصوصا الحبش
والاغرب اى حبشى سايق ركشة بتكون بتاعتو ما شغال ( جوكى ) فيها
يبقى لماذا يسمح لهم بذلك؟؟
2- معظم الركشات بلا ارقام ولا ترخيص يعنى لو خبط ليهو زول وكتل ملف
وبتلاقى 4 زيهم ما بتعرف ياتو الارتكب الجريمة
3- الركشات بالليل مع عاصمة مظلمة معظمها بلا انوار او خطرات اما مطفية او مكسورة
فجاة فى ظلام الخرطوم والحوارى يظهر ليك واحد تسمع برملتك فى السماء ..
4- الازعاج والضوضاء فىالطرقات العامة ( زى نبيح الفنانين والموسيقى الغربية كما ذكر )
شوف زى الزحمة دى !!
____________
صباح الخير يا صحيفة الوطن
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: صلاح أبودية)
|
..
.
Quote: صالح !
كيفك يا زول ؟
لى يومين بفتش فى بوست قديم :
أنا بكره الركشة
بكره من كره يكره فهو كاره ومكجن ! |
والله بتذكر البوست دا يا ابودية ويا ريت تجيبو
وبالله ساعدنا بالدفرة بكاميرتك ديك ..
شوف لي مواقف الركشات فى الطرقات ..
عشان نجيبهم بالثابتة
Quote: إنو المشكلة فى السواقين بتاعين الركشة
مرات الواحد بتخيل ليهو إنو سايق موتر ..
عشان كده يدخل بين العربات زى الموتر ..
ومرات يتخيل ليهو إنو سايق عربية ..
يجيك متخطى شاحنة وضارب بورى بـ 100 |
والله عندهم مقصات اللذيذة امس القريبة دى واقف لى فى تقاطع بشيل عربية واحدة
وعايز اخش شارع رئيسي .. جا بتاع رقشة وقف وراى
وشابكنى ليك بورى نظام .. خش الشارع والبليد هو وراى ما عارف داير يحشرنى
تحت لورى ولا اكبس لى حافلة ..
فى النهاية زهجت نزلت ليهو قلت ليهو انت اعمى .. كمان داير تعلمنى السواقة
ما شايف الشارع دا ضييق ومزدحم ما تصبر لمن يخفف عشان اخش ..
المهم خشيت خشه وراى
طوالى شد الركشة وعمل لى مقص .. نظام عطلتو وكدا ..
اتخيل الفظاعات والاسلوب دا ..
___________
لكن حقى ما خليتو ..
| |
|
|
|
|
|
|
|
|
 Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Tabaldina)
|
تبلدينا سلام...تابعت بوستك بإهتمام ولي عودة لمناقشة عدد من النقاط التي أثرتها لو سمحت لي...فقط أود ان اضيف اننا لم نقرا الى الآن اي اقتراح حلول بديلة لإيقاف الركشات التي تعيل كما تعرف ونعرف جميعنا كثير جدا من الأسر السودانية..وحتى لانحسب هذا البوست والموضوع الهام المثار شكوى فقط نود ان نتلمس من الحوار حلول بديلة تتخيل انها يمكن ان تطبق فعليا على أرض الواقع..مع موافقتي الى خطورة وتهور سائقي الركشات في الطريق العام...
بعيدا عن الموضوع الأساسي...
هذا التعليق على ود البشرى ...
Quote: للاسف يا ود البشرى _ رغم الخيط _
هذه دراسة حقيقية .. لتزداد اندهاشاً ..
ضمت الدراسة عينة عشوائية لطالبات الجامعات ..
اتضح ان من بين كل 14 هناك 9 مصابات ..
والعلم على الباحث .. |
تسعة طالبات مصابات بالأيدز من كل أربعة عشر طالبة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لو ثبتت صحة هذه الإحصائيات...الرماد كل حماد... هل هذه الدراسة يا صالح إجيزت؟؟؟
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Deng)
|
الأخ تبلدينا (صالح)
انا عندي معاك إشكالات أساسية وجوهرية في البوست بتاعك ده
أول واهم حاجة هي مسألة الإحصاءات الإنت بتجيبها دي, ماممكن أبدا تجي تقول لي: ده بحث, لسه ما أجيز, لكني بثق في الزول العملو !!!
كان على أقل تقدير تناولنا رابط وللا أي شيئ عشان نقدر نقيم البحث نفسو
عينة عشوائية يطلع فيها 12 من كل 14 حاملين لفيروس الأيدز دي بصراحة ما بتتلقى في جنوب أفريقيا أو إثيوبيا
ف رجاء: عايز تستشهد بإحصائيات: أدينا مصدر الإحصائيات عشان نقدر نحكم عليها وعلى صحة منهجيتها.
الإشكال التاني انك حسستني من كلامك ومن ردودك على المتداخلين إنك ماخد القضية بكلام الشيوعيين بتاع الصراع الطبقي
طبقة مالكي العربات الخاصة البيدفعو رسوم تأمين وترخيص و رخص و المتضايقين من مشاركة الزلط مع عربات الكارو و الركشات
وحسستني إنك بس عايز تصبح تلقى الشارع عدمان الركشة والامجاد, ودي أمنية انا بصراحة مستعد أشاركك فيها بس قبل ما نتمناها
لازم نفكر في الحل
وإلا وبنفس فكرة الصراع الطبقي: جوكي الركشة الكان بحك لينا بوهية العربية, بكرة ح يجي بطوبة يكسر القزاز ويسرق المسجل
لأنو الحكومة منعت الركشة الكان بيسترزق منها برعونة وطيش, بس بالحلال وبعرق الجبين
قلت انو 80% منهم خريجي جامعات
طيب تفتكر البيجبر خريج جامعي يشتغل ف ركشة شنو؟
بيكره الافندية؟ وحابب يكون (لصيق مع الجماهير)؟ وللا يونيفورم وزارة العمل ما عاجبو؟
الركشة ليست المرض, ولكنها إحدى أعراض لمرض خبيث
سلط ضوء كشافك نحو أصل العلة يا صالح
!
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Salahaldeen Nadir)
|
..
.
عزيزى الباشمهندس صلاح الدين
على ما يبدو انا من لديه اشكاليات اساسية وهى :
Quote: أول واهم حاجة هي مسألة الإحصاءات الإنت بتجيبها دي, ماممكن أبدا تجي تقول لي:
ده بحث, لسه ما أجيز, لكني بثق في الزول العملو !!!
كان على أقل تقدير تناولنا رابط وللا أي شيئ عشان نقدر نقيم البحث نفسو |
اوضحت انه بحث لم يعتمد ولم يجاز للان من طبيب سودانى يحضر الدكتوراة فى امراض الدم
اجيب ليك رابط من ووين يعنى ؟؟
بعدين ما اعتقد انك انت لجنة المناقشة عشان تقيم البحث البحث دا عندو جهات
بتقيمه وتجيزوا ولا انا غلطان ..
البحث ليس هو جوهر الموضوع هنا ..
اعتبر البحث ديل غير مسند ولا معتمد او خطأ - حتى تؤكد صحته لاحقا_ قضيتنا هى
( أوقفوا الركشات من المدينة )
لماذا ؟ ومتى ؟؟ وكيف ؟؟
| Quote: ف رجاء: عايز تستشهد بإحصائيات: أدينا مصدر الإحصائيات عشان نقدر نحكم عليها وعلى صحة منهجيتها. |
يازول انت اشتغلت باحث علمى من وراءنا يا صلاح ما تركز شديد فى الثانويات خليك فى القضية الاساسية
الايدز وانت تعلم نسبته متزائدة بصورة رهيبة ..
ولكن هنا لا نناقش الايدز ..
Quote: الإشكال التاني انك حسستني من كلامك ومن ردودك على المتداخلين إنك ماخد القضية بكلام الشيوعيين بتاع الصراع الطبقي
طبقة مالكي العربات الخاصة البيدفعو رسوم تأمين وترخيص و رخص و المتضايقين من مشاركة الزلط مع عربات الكارو و الركشات
وحسستني إنك بس عايز تصبح تلقى الشارع عدمان الركشة والامجاد |
اشكالية تخمينيه اخرى غير صحيحة بتاتاً ..
اولاً ما جبت سيرة الامجاد ولا استطيع فهى تلتزم _ الى حدما _ بالقوانين وقيادتهم محترمة
ولهم تراخيص وتصاديق ورخص و.... الخ عيبهم بس قطعوا رزق اعمامنا سواقين التاكسي
ارى ان الزلط فى ظل عاصمة نظيفة وحضارية تبعد منه الكاروهات والركشات وان امكن توقف من داخل المدينة
التغيير والتطور دوما يحتوى على تضحيات مع العلم ان الركشة ليست ضحية فهى وافدة جديدة
ليس لها تاريخ ولا حضارة فى البلد حتى نتخوف من تاثير ايقافها ان كان هذا الفهم
ما عندى اى صراع طبقي مع الركشات .. الركشات باجماع كل المتداخلين اصبحت اشكالية
تحتاج ان رضينا او ابينا ان تصحح وان تنظم الى فترة وان توقف وتلغى ..
لا نكرر ولكن سلبياتها اكثر من كلمة تعول اسر هذه .. وللاسر حلول وللدولة دور اساسي
فى المعالجة ..
Quote: الركشة ليست المرض, ولكنها إحدى أعراض لمرض خبيث
سلط ضوء كشافك نحو أصل العلة يا صالح |
انا لا استطيع حل مشكلة الشعب السودانى كما فعل صديقى حمور
من عطالة او رواتب او بطالة او ..... او ......
انا اتعرض لظاهرة .. اراها من منظارى سيئة تضر بالبلد
بيئياً
اخلاقياً
اجتماعياً
تنظيمياً وحضارياً ..
__________
لكل الود باق
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: ذواليد سليمان مصطفى)
|
[أتفق معاك تماما يا ذا اليد خاصة قصة مستجدي النعمة ديل. البعض منهم يقود عربات "فتاكة" مثل اللاندكروزر و الهمر و يتصرف بكل جهل و صلف,, يكسرون ابسط قواعد المرور , لا يبالون بسائق او راكب ,,و كانهم يملكون الشارع ,, بل البلد كلها.
الاخ تبلدينا ,, كنت مثلك ألعن كل سائق ركشة بسبب إهمال و طيش غالبية سائقيها ,, لكنني حينما فكرت فى الامر اكثر و جدت انه قبل استقدام الركشة كنا نقف فى الثمانينات و بداية التسعينات -وكنا طلبة حينها- تحت لظى الحر ووهج الشمس إنتظارا لبص او حافلة او حتى "بطاح" بالاضافة للمضايقات التى كنا نتعرض لها فى تلك الزحمة التي تلم خلق من كافة انواع البشر ,, فيهم الشريف و فيهم الدنئ ,, لذلك ارى ان الركشة حلت مشكلة مواصلات لغالبية القطاعات ,, و اصحاب التاكسي كانوا يتمنون علينا قبل الركشة ,, هذا اذا لم يتجاهلونا تماما ,, أو قالوا لك "و الله دى ما إتجاهي" يعني تمشى محل ما هو ماشى .. لذلك لا اشعر بأي تعاطف معهم بصراحة.
الركشة حلت مشكلة القطاع الاعظم من سكان ولاية الخرطوم لان وسائل المواصلات الاخري فشلت فى حل هذة المشكلة. بالاضافة الى ان اسعار الركشة معقولة و "حنينة" على جيوب غالبية اهلنا الطيبين من الحجاج و الحاجات و الطلبة و الطالبات و الموظفين و الموطفات كان الله فى عونهم.
اقول هذا و انا اركب عربة ,, لكن برضو اعلم المعاناة العظيمة التي يتعرض لها من ليس لديه وهي اعظم بكثير من مضايفات الركشة لي .
(عدل بواسطة Outcast on 04-23-2009, 05:08 PM)
| |
|
|
|
|
|
|
|
|
|
Re: يا اولى الامر وإدارت المرور وولاية الخرطوم ..أوقفوا الركشات من شوارع هذه المدينة ..!! (Re: Outcast)
|
| Quote: يازول انت اشتغلت باحث علمى من وراءنا يا صلاح ما تركز شديد فى الثانويات خليك فى القضية الاساسية |
الأمانة الصحفية بتفرض على الصحفي المحترف (أو الهاوي الإسفيري) تحري مصادر المعلومة التي إستند عليها في كتابة مقاله, هذه المصادر
يجب ان تكون معتمدة وقابلة للفحصverifiable ويمكن الوصول إليها لتقييمها من نواحي الإلتزام بالمنهجية العلمية والمضمون العلمي
الأيدز ليس صلب المقال فعلا ولكنك عززت به موقفك تجاه الركشة وسائقيها, بجانب إحصاءات أخرى لم نعرف لها مصدرا
لا يخفى عليك وانت الطالب بالدراسات العليا (على ما أظن) ان كل طالب جامعي هو في الأساس (باحث)
كما انه من البديهيات ان أي خريج جامعي هو بالضرورة مؤهل من الناحية النظرية ان يحكم على منهجية أي بحث دون الدخول في صميم
المادة العلمية نفسها, كما انه من المعروف أن هناك العديد من بحوث الماجستير والدكتوراة قد رفضت او طلب تعديلها بسبب أخطاء منهجية
عدا ذلك يصبح الأستشهاد بمصادر من نوع ( بحث بتاع واحد صاحبنا لسه ما اجيز) نوع من الونسة و الفضفضة المستندة على أحاديث سماعية
لا أكثر
وفي هذه الحال يصبح المجال مفتوحا لي (كقارئ) أن أعتبر المقال مقالا ذاتيا اكثر منه موضوعيا وعندها يختلف كل قارئ وتفسيرة لسبب كتابة المقال
(بتاع ركشة خدش بوهية عربيتك )
( صحيت الصباح لقيت روحك بتكره الركشات)
( الصراع الطبقي)
الخ.....
| Quote: انا لا استطيع حل مشكلة الشعب السودانى كما فعل صديقى حمور |
لا احسب ان حمور يدعى لنفسه هذا الشرف ولا طالبناك أنت بذلك بل قلت:
| Quote: سلط ضوء كشافك نحو أصل العلة يا صالح |
أي: عليك بلفت نظر من بيدهم الحل والعقد لأصل العلة لا على عرض من الأعراض
!
| |
|
|
|
|
|
|
| |
السمؤال بدرالدين
محمد البشرى الخضر
GamarBoBa
Adam D.El-Asha
قلقو
نوفل عبد الرحيم حسن
انعام عبد الحفيظ
Ahmed Abdallah
دوت مجاك
ismeil abbas
حمور زيادة
ذواليد سليمان مصطفى
معاوية المدير
Ashraf El Bagir
على احمد النعيم
هويدا شرف الدين
محمد عثمان محمود
ود العجمى
شول اشوانق دينق
Hisham Amin
اسعد الريفى
صلاح أبودية
فرح
Deng
Salahaldeen Nadir
عز الدين بيلو
Outcast
مزمل خيرى
فيس بوك
تويتر
انستقرام
يوتيوب
بنتيريست