ما الذي جرى لحسين خوجلي؟
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الحزب الشيوعي بالمملكة المتحدة وايرلندا يدعوكم لندوة يوم السبت 3 ديسمبر بلندن
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-02-2016, 10:20 PM الصفحة الرئيسية

مكتبة صالح عبدالرحمن صالح ( تبلدينا)(Tabaldina)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ونسة زول قرفان

06-07-2004, 10:33 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
ونسة زول قرفان

    ..
    .
    أدخل غرفتى ,استلقى على الفراش وانا انظر الى الاعلي فلا اري النجوم
    ولا القمر من هذه الغرفة فى هذه البناية الشاهقة
    وتعود بي الذاكرة الى ذلك الحوش الكبير والسرير فى وسط الفسحة
    وعندما اعود تلقانى امى بوجهها البشوش
    مالك إتاخرت يا تبلدى يا ولدي ؟؟
    هم ناس حكومة الانقاذ ديل ما قالو الحفلة لراس حداشر ؟؟
    يا يمه الساعه يادووب اتناشر حسع انا جيت بدرى
    خلاص يا ولدى اتعشى ونوم السهر دا بقتلك وبجيب ليك الملاريا
    ابتسم واغلق عينى فقد انام ولكن ابحث عن النوم بعد الواحدة فلا اجده .
    فاتذكر مره اخرى شلة الجامعة ، ركوب الدفار ، منتديات مصطفي سيداحمد ، وجلسات الحدايق وشرب الشاي على سفح الجبل
    اتذكر وجوها اراها فى الحافلات وعبر نوافذ البصات لا تعنى
    لي شيئا ولا ادرى لما اتذكرها؟؟
    وابدا فى التفكير مجددا الى متى هذا الغربة ؟؟
    اقوم متكاسلا لاضئ الغرفة واتناول احد دواوين الشعر السودانية التى ملأت بها غرفتى طوال سنوات واصبحت أنيستى فاقرا :

    أقدم عبرك قرباني .. للموت للكلمات
    للقادمين عبر مراكض الوهج الأخير
    للنازفين الروح .. للقائمين الليل
    للعابرين دماي
    حين ينتصف النهار المّر ..فى وجهى أناديه


    المطر أعتزل البكاء لقد قرأتها مئات المرات ..أتركها جانباً واتناول فضيلي جماع

    فى زمن الخوف أغنى
    وافجر لغم الكلمة عمدا
    فى زمن الخوف
    الحنجرة الخرساء تموت
    وموكد حنجرة اخرى والحرف نزيف
    ومطر هطال .. برق صب حليب الضوء ....


    أقف قليلا لاسرح مره اخرى ..كم مضى من الوقت ولم اسمع صوت تساقط الأمطار على سطوح المنازل وطرقعته على الزنك ؟؟
    ولا تلك النقاط التى تشبه رقعة الشطرنج عندما يتزل المطر عللى برك الماء المتكونه فى بلدى ؟ وانا احاول ملاحقتها بنظرى
    يا الله لقد مضى زمن طويل على هذا وتناسيت كيف تهرول الجموع
    عندما تأتى الامطار فجاة ..
    هذا الديوان يملأنى حزناً لقد قرأته مرات ومرات وفى كل مره اكتشف
    عمقاً جديدا للغربة والاحزان والخوف من ماذا يخبئ لى غدا
    أتركه ايضا جانبا كسابقه ..ماذا اقرا فى هذا الليل الطويل هل
    هو مصطفي سند ام ود المكى ام اعيد قراة النزف نحو الاعلي
    لعادل عبدالرحمن .. لا هذا ولا ذاك هاهو انه وصل منذ ايام لا بل شهور
    فهنا الايام شهورا والشهر سنة ..
    انه عش القصيد .. وروضة الحاج واتذكر تلك الرائعة التى ارسلته لى
    بالدى اتش ال واعلم كم يكلف هذا البريد وقد تكون هى فى احوج ما تكون لذلك المبلغ ولكنها تعلم ماذا يعنى الشعر عندى وتعلم اننى لا اتصور العالم بلا شعر .. وابدا فى مطالعة السطور عشوائيا

    كم قلت لك انى اخاف عليك من درب طويل؟
    كم قلت لك .. عنت مسافات الطريق وزادنا دوماً قليل
    كم قلت لك .. انى احاذر ان نحار اذا مضينا
    ثم لا نجد الدليل .. ومضيت رغمى يا فؤادى ,, ولم تعد
    وهتفت استرجيك ..عد
    وهماً ظننت الماء زياك السراب
    زمضيت تصرخ فيّ : لا بيدى اسافر فى اليباب
    وانا وراءك فى القفار اهيم ةالارض الخراب
    قد كنت اخشي سا فؤادي عليك من طول السفر
    وقد كنت اخشي الليل حولك .. والبروق وعاصفات الريح
    تزأر والمطر
    قد كنت اخشي اقول لكارعو .. غيجيب منك الدمع كالمعتاد
    ما بيدى .. ولكن ذا القدر
    ................
    ..................
    .................
    عش للقصيد ..يزور بيتك رائعاً ..مثل القمر
    ودع الترحل فى دروب الشوق
    ودربُ الشوق يا قلبي وعر


    كم هى قاسية هذه ( الروضة) ان كتاباتها دوما تشعرني بالحزن والمعاناة والحنين الى الوطن والشوق لاخوتى والاحبة ..
    وفجاة ما هذا ؟؟؟
    انها الحركة فى شوارع مدينة غربتى ..
    فانا اسمع صوت مزامير السيارات ،، فقد حان وقت صلاة الفجر ولم يتبق على مواعيد العمل سوى ثلاث ساعات ..
    هاهو يوم من عمرى يتقضى فى نفس الوحدة والمعاناة ..
    الا متى سيستمر هذا ؟؟ الن يتحقق حلم العودة ؟؟
    هذه هى حالتى اليوم وامس وغداً ..منذ ان وطأت قدمى هذه المدينة..
    التى تدب فيها الحياة وتقتل فينى الحياة ..
    فمنذ وصلتها اهلكنى هذا السهر المتواصل
    فاتذكر صوت امى : يا تبلدى يا ولدى نوم السهر دا بقتلك ..


    اعود
    أكثرا قرفاً
    واقل تفائلا ..
    ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-07-2004, 11:00 PM

Muhib
<aMuhib
تاريخ التسجيل: 11-12-2003
مجموع المشاركات: 3728

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    تبلدينا _ الطيب طيب الذكر _ معزره _ لمستني صياط اللوم _ بعدم السؤال لحالكم _ مذنب وطالب الغفران _ وعندما تنشر الصكوك الغفرانيه سوف اعود لاري _ سبب امتعاضكم من الحال _ الي اللقاء _ ا الصاغر والغير سائل لحالكم خلال الفتره الماضيه_ محب _ صدقني لست انت الوحيد _ كثر لم تشملهم ذكري السؤال لحالهم وياويلي !
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 01:07 AM

تولوس
<aتولوس
تاريخ التسجيل: 06-06-2004
مجموع المشاركات: 4128

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    أدخل غرفتى ,استلقى على الفراش وانا انظر الى الاعلي فلا اري النجوم
    ولا القمر من هذه الغرفة فى هذه البناية الشاهقة
    وتعود بي الذاكرة الى ذلك الحوش الكبير والسرير فى وسط الفسحة
    وعندما اعود تلقانى امى بوجهها البشوش
    مالك إتاخرت يا تبلدى يا ولدي ؟؟
    هم ناس حكومة الانقاذ ديل ما قالو الحفلة لراس حداشر ؟؟
    يا يمه الساعه يادووب اتناشر حسع انا جيت بدرى
    خلاص يا ولدى اتعشى ونوم السهر دا بقتلك وبجيب ليك الملاريا
    ابتسم واغلق عينى فقد انام ولكن ابحث عن النوم بعد الواحدة فلا اجده .
    فاتذكر مره اخرى شلة الجامعة ، ركوب الدفار ، منتديات مصطفي سيداحمد ، وجلسات الحدايق وشرب الشاي على سفح الجبل


    سلام ياحبيب والشوق كتلنا.. تجي في الجخنون تتاوق وتمشي...
    هي نفس الكلمات .. ونفس الساعات ... بس بدون شراب اللبن....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 07:00 AM

Ahmed Al Bashir
<aAhmed Al Bashir
تاريخ التسجيل: 03-09-2004
مجموع المشاركات: 502

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    يا تبلدينا
    عساك طيب وربنا يرد غربتك
    على ذكرك لود المكى، هناك قصيده له لعلها جديده، لا اذكر منها الا

    الينبوع اغفى وكل الكائنات نيام
    الا انا و الشذى
    رماح حارسيك قيام

    ارجوا ان تفيدنى بشانها ان كانت بطرفك
    لك الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 07:12 AM

HOPEFUL
<aHOPEFUL
تاريخ التسجيل: 09-07-2003
مجموع المشاركات: 3542

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Ahmed Al Bashir)

    الزول السمح
    تبلدينا





    يا اخي مشتاقين كتير
    ومقصرين كتير

    والف مرحب حبابك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 07:31 AM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: HOPEFUL)

    تحياتى تبلدينا
    دى ونسة زول فرحان ما قرفان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 09:52 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: waleed500)

    ..
    .
    وليد يا كوزنا

    لا تري رقصي بينكم طرباً
    فالطير يرقص مذبوحاً من الالم

    بعدين منو القال ليك ونسة زول فرحان
    والله يا وليدنا ناسكم هجرونا اسوة بهجرة حلفا دغيمة
    يا عبود ( الشعب طلعتو عينو ) يا انقاذ
    والله هنا مغصونا
    وهناك المونا
    وانا جاييك يمكن القي لي (قرمة) فى التورتات المجدعة دى
    بس ما تتغابا فينى العرفة وتغطس حجرى هناك
    كدا بالله شوف لي ان شاء الله مقعد فى الخارجية
    ولا شركات ( ابوالجاز) للنفط والبتروكيماويات

    لك الود بدون زعل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 09:43 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: HOPEFUL)

    ..
    .
    هوب فل اوبشن :

    والله بالاكتر .. التعبان داك ما كلمك بسؤالي عنك
    طبعا انا كن رضيت ولا ابيت بقيت ( اضلم ) حسب اقوالهم/ن

    لانى زول قرفان وعايز اتنفس
    وبمناسبة نون النسوة دى .. بالله الابتدع ال( الحته) دى
    منو ؟؟ خلي بالك من ( الحته ) دى كويس
    اكيد ديل ناس حقوق المراة المساواة وناصريها
    عشان ما يكون الخطاب للجندر الذكوري مش كدا

    تانى شئ ما قلت ليك ابعد بعيد
    دا البورد طريق قاسي وصعيب ( لازم تحملو تتحملوا)
    اسلوب الحصيض ابعد عنو .. ما بشبهك
    كفاية انك ظلامي وبس
    معليش اخوك قرفان
    ودى نصيحة على الهواء الماسنجر ما قصوها الرقيب
    بالجد الغمز واللمز والهمز منك وعليك
    ما حلو ..
    وانسي وعيش ,,
    نصيحة اخ صادق الاخاء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 09:18 AM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6022

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Ahmed Al Bashir)

    اعزائي رفاق الحرف الجميل
    تبلدينا واحمد
    هي رائعة محمد المكي ابراهيم..القصيدة الفريدة.بعض الرحيق انا والبرتقالة انتي..سانشرها لكم هنا. بس مش هسي..بعد ما ارتوي من هذا البوح المريح المتعب للعزيز تبلدينا.
    سأعود...مؤكد سأعود..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 10:20 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: فتحي الصديق)

    ..
    .
    بعد الرحيق انت يا صديق

    اتراه بوحا مريحا يا صديقي صديق؟؟
    ولكنك ايضا رايته متعبا ..
    نعم لقد تعبنا
    واحزاننا فى الافق خائرة تبحثث عن مكان
    فلا نحن نحن ولا المكان هو المكان..
    أنها الام سنوات طالت وجذور احزان تعمقت
    توتدت وتأصلت ..
    لقد فقدت حتى طعم الماء بنكهة الطمي
    تلاشت صورة معانقة الازرق للابيض فى الخرطوم السمراء
    وما زالت عجلة الغربة تدور وتدور
    واقسمت ان اوقفها ولو برمقي الاخير ..

    اعود لك فى رد مفصل ..
    ننتظر الرحيق انت والبرتقالة هى ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 07:28 AM

ود الشيخ


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)





    تبلدينا

    سلمك الله وازال احزانك ورده غربتك
    ويجيبك لينا في الخليج اكان ابو ظبي ولا الشارقة
    الخارج من بلاد سعود مولود والداخل مفقود

    ود الشيخ

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 11:07 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: ود الشيخ)

    ..
    .
    وهل الوقت ؟؟
    ضاع العمر والذات
    واثمر من دقائقه السويعات الطويلات
    تكاثرت السويعات
    وقد ضاقت بعن الارض والسبع السماوات
    تهيجت المشاعر واستفزتها الاويقات
    وتضغطها خناجرها بطيئات بطيئات
    على القلي ويا قلبي
    تفجرت الرؤي ..غشاوات غشاوات
    وهانذا يحاصرنى الهواجس والغوايات


    ......... عالم عباس ......
    أآآمين يا ود الشيخ
    حديثك المعلن يشعرني بشخص اعرفه
    شخص فأجانئ يوما باتصال هاتفي
    اشعرني بحبه وتقديره الاخوى والابوي .. اصدقك القول
    اننى سعدت كثيرا لحديثى ومكالمتى معه
    التى طالت اكثر من ساعة ونصف الساعة
    تحدث معى حديث الذى يقراني عن ظهر قلب
    حديث الصدوق صادق الوعد
    رحب بسفرى ورحب بحضورى ان حضرت
    طمننى ان هناك شخصا استعين به ان اردت العون والحوجة
    ولكنه زعزع ثقتى بحلم العودة النهائية للوطن
    أأنت هو !!؟؟؟
    ان كنت هو فلك جل تقديرى واحترامي
    وان لم تكن فايضا لك مثلهما ..

    دوما
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 08:01 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    تبلدينا
    والله ونستك طاعمة جدا ، والحالة دي إنت قرفان ، طيب لو ماك قرفان كنت حا تونسنا كيف ؟
    يديك العافية ويزيد جمالك ،،
    ولو اتراجعت عن قرارك بتركنا سنكون سعداء ، ولو عدت إلى تلك الديار الغالية فسنكون سعداء ، وسنلقاااااك ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 11:29 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: ودقاسم)

    ..
    .
    وفى الدار شجعان الأقاويل جمه
    ولكن شجعان الفعال قليل
    ***
    لإن قلت قولاً لا تموت وراءه
    ليحيا ... فلا معنى لما ستقول


    ......
    الكان خال .. ود قاسم
    كان فعل ماضي ناقص .. بسبب الخنفس والملامح الشبابية

    الحمدلله الونستى بقت المره دى طاعمة
    عليك الله بعد دا طاعمة بعد القرف والغربة والوحدة
    عارف السبب ؟؟ لانى ختيت درب الدلاليك ورقيص العروس
    وضرب النحاس وشّد الفرس والجقلبه بها واشهار الجمسرى
    وتركت درب الجانجويد لتطهير الكلام الخمج ..
    والله ود اختك قرفان بالجد هنا فما بالك بهناك
    بس القرار نهائي وان شاء الله انتم اللاحقون
    ما تطولوا الغيبة ..
    وحذار حذار انت تمووووووت خارج الوطن ..
    بعد عمر مديد بأذن الله ..
    اسعدتنى اكثر بأرائك فى الاضراب والمضربين ولك بيت الشعر اهداء
    لك منى و صاحبه عالم عباس فى ذكرى وفاة ممحمود محمد طه .
    وافرحتنى والمجموعة كثيرا بعبوركم ديرتى المتواضعة
    فهلا اعدتموها

    لكم تقديري ..حبي .. احترامي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 08:25 AM

ود العجمى
<aود العجمى
تاريخ التسجيل: 09-21-2002
مجموع المشاركات: 1595

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    تبلدينا

    اكيد الان اتفشيت بعد ما كتبت الكلام دا


    انشاء الله كل يوم قرفة وكل يوم نص جديد

    تسلم سيدى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-13-2004, 08:11 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: ود العجمى)

    ..
    .
    ود العجمى
    معليش اتأخرت عليك مش؟؟
    بمناسبة اتفشيت دى ذكرتنى العقيد القذافي
    الصحفيين سالهو فى مؤتمر القمة الاخير فى تونس
    ليه تدخن سيجارة فى قاعة الإجتماعات ؟؟
    رد قائلاً : من القرف
    وطبعا الراجل داير يقول انو التدخين بسبب القرف
    أها انا بسبب القرف مش هنا وبس فى كل شئ بكتب
    لانى اكتشفت انو زى ما فى 1,3 مليون (قرفان )
    لقيت هنا فى 500 من الاعضاء بنفس الحالة
    وربنا يحلنا من قرفه العقيد وقرفه الكلام الخمج

    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 12:36 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    ..
    .
    شمس الضحى الرامى
    شمس شتوية دفاية
    وريحة البن لما يفوح فى قلاية
    وفردة جدى ..وسبحة جدى
    ولمن جيت امد إيدي
    جدى أدينى تعريفه !!
    قال لى بتقرأ الحمدو يا المبروك
    قتليهو بقرلها
    وعشان تعريفه القاها .. ازود فى القراية كمان
    وين يا دنيا والله زمان
    مشتاق يا يمه لملاح النعيمية
    وريحة صاجك المحروق ..لمن تسوى الطعمية
    بدور اروح أجيك هناك ..
    ضاقت يا يمه هنا ..!!
    بدور أتوسد عيونك .. وأصافحك يا حبيبتى أنا
    صباح الخير على عيونك
    أتارى الدنيا من دونك
    شينة .. وشينة ما بتندار
    وحاره .. وحاره يا يمه زى النار
    ولو بتدورى احكيلك .. عن احوالى فى ( البندر)
    من ووين عايز ابدااك .. ابدا بس من ووين
    شيتا غريب وعجيب
    وشيتا كلو شين فى شين
    هنا الزول العديل ..بعيش يوماته بوشين
    وزولتى حتى أنا الحبيتها ..
    لقيتها غيرى بتحب زولين ..


    انه وقت القيلولة .. هنا وهناك
    ذلك الوقت الذى يذكرنى بعودة امى من العمل
    وتصّر على فنجان القهوة قبل الغداء .. ولا تنفع معها رجائي
    ولا كلامى بانها غير صحية فقد كانت تدمنها بحق وحقيقى
    وكنت انا استمتع وانا اراها وهى تقليها على القلاية يملاء الدخان
    تلك الراكوبة وثم ( تجاريها) من ( الشرقرق ) الى ( التنكه) الفخارية ..
    نعم لم تكن تستمع سوى بشربها من الفخار الذى تجده مطرزلا ويرتدى ثوبا من السكسك ..
    تقاليد وطقوس تصر على ان تحافظ عليهارغم ما وصلت اليه من درجة تعليم وتحاول ان تقنعى بتناول فنجان فى تلك النهارية
    ولكن دوما اعتذر فيكفينى فنجان الصباح قبل حضور عربية المكتب لتقلها الى تلك الجهة العتيقة
    حيث تستقبلها الف الطلبات والشكاوى من نقص الكادر وتأخير الرواتب
    وانهيار الفصول ..الخ من معاناة المدرسين والمعلمين
    لا ادرى لماذا يعانى المدرس فى بلدى اكثر من غيره
    اين قم للمعلم ووفه التجيلا ..
    الم ياكد ان يكون رسولا ..
    ولكننا بلد يمشى عكس عقارب الساعة ..
    الا تتفقون معى ان فئة المعلم هى اكثر الفئات التى طحنتها الظروف
    لا ادرى كيف استطاع
    ادريس ذلك صاحب المدرسة الخاصة التى وصلت سمعتها لان تتم استضافتها
    فى تلفزيون السودان هذه المرحلة ؟؟
    الانها مدرسة خاصة ؟؟

    محب المحب
    لقد دلفت لتحينى حيث الدبرسة والقرف
    لا لوم عليك يا صديقي والله الناس ظروف ومشغوليات
    وانا كنت احمل جزا من هذه وبضع هموم احاول ان اتجنبها بالتوارى
    والاختفاء ..
    ماذا كنت اود ان اقول ؟؟
    نعم لقد تذكرت الراكوبة وايضا ذلك ( الكرنك) اتدرى ماهو ؟؟
    بلا شك تعلم ولكن لما يصر اهل السودان واخص غربه ببناء الراكوبة
    والكرنك فى اجمل ركن من المنزل وحتى ان كان على الطراز الحديث؟؟
    فلى اجازتى رايت احد الابنية الرائعة وهى تعتبر فيلا فى شارع الشنقطي بامدرمان الثورة
    وفى قمتها ( قطية ) .. فنحن السودانين لنا اشياء نتمسك بها
    بصورة غريبة لا نود ان نفقد جزاء من ارثنا التراثى وعاداتنا
    لذا تجد القطية فى قمة الفيلا .. عالم غريب
    به نوع من الاخلاص ونوع من عدم تغير الحال ..

    تولوس ..ابن كسلا الحبيبة
    اللبن ذكرتنى جدتى رحمها الله
    وهى تسقنا اللبن ( المقنن) فى ( الدوراية)
    هل لكم دورايات فى كسلا ؟؟
    لا اعتقد فالدوراية هى من الفخار فى شكل حلة ( تمبل باى )
    لا تقل لى ماهى تمبل باي لاننى لا ادرى من اين اتو بهذا الاسم
    فهل هو من شنغهاى وما شابهها ام ماذا ؟؟
    اما وصفها فمعروف لديكم
    لقد فقدت نكهة البن المقنن لقد صرت احضره من السوبر ماركت
    فى علب صفراء واحيانا زرقاء فى شكل بودره
    واحيانا فى علب بلاستكية وتقول د. نور انها غير صحية
    ولكن بلاشك ان لبن جدتى ( المقنن) اكثر صحة خصوصا بعدما
    قال العلماء ان الفخار افضل من المعدن النيكل والامر للراوى
    لقد افتقدنا طعم اللبن ونكتهة يا تولوس ؟؟

    عزيزى احمد بشير
    على طول نط فى راسي ود البشير بامبده
    وذكرتنى بمواقف والله نسيتها لولا الاسم
    فاذكر فى فترة قبل هذا القرف وايام قرف هؤلاء الذين
    بالداخل الذى اتو لينقذوا فاذا بهم يغرقوا فى متاهات القرف
    والهجرة والمعاناة
    اما تذكر انه قد تم تحديد عشر مقاعد للنساء فى البصات العامة
    واتو بما سمى بالشرطة الشعبية ..
    ورايت تلك - قاتلها الله - وهى تنهر فى رجل هرم وكبر فى السن
    جلس فى احد تلك المقاعد وهى تصيح :
    دا للنساء قوم ارجع وراء
    والله ان الرجل فى عمر جدها وليس ابوها
    وانبريت لها بحماس وكبرياء وكثير تقدير واجلال لذلك الشيخ
    ياخى ما تخليهو قاعد انت ما اصغر منو ؟؟
    ورد بكل القبح وعدم الحياء الذى يفقد المراة جمالها
    انت لو واجعك تعال شيلو فى كتفك - طبعا لانى كنت مشمع -
    ودى من شماعة يا ناس مش مشمع مطر ...
    المهم بعد جدال اصرت ان تقودنى لقسم الشرطة فى ود البشير
    واتت باحد زملائها صعاليك الانقلذ اولئك والذى مارس كل ما اوتى من
    جهل واضمحلال فكر ليقودنى للقسم .. وطبعا مع الانفعال هاك معافره
    وشئ (بلنجات ) (وبنغ ) ..
    بالله بلنجات وبنيه دى جابوها من ووين مش احسن تقول بوكس عديل زى الخواجات
    المهم الموضوع جرا وهاك يا عساكر واقسام ومحامي كمان
    بالله دا ما زمن المهازل ..
    يعنى قرفه جووووووووووه وقرفه برررررررررره ...
    قول يا لطيف ..
    بخصوص القصيدة ارى ان ود الصديق تبرع بنشرها وننتظره واياك

    تحياتى

    اعود
    اكثر احباطاً ودبرسة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-21-2004, 04:49 PM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6022

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    الاعزاء احمد وتبلدينا
    لكما الود والرحيق..
    هذه هي درة ود المكي(بعض الرحيق أنا والبرتقالة أنت)..اهديها لكما مع الود وطلب السماح منكم لتأخير لا يد لي فيه..
    -----------------------------------------------------------------
    بعض الرحيق أنا والبرتقالة أنت...
    الله يا خلاسية
    يا حانة مفروشة بالرمل
    يا مكحولة العينين
    يا مجدولة من شعر أغنية
    يا وردة باللون مسقية
    بعض الرحيق أنا
    والبرتقالة أنت
    يا مملوءة الساقين اطفالا خلاسيين
    يا بعض زنجية
    وبعض عربية
    وبعض اقوالي امام الله
    *******
    من أشتراك أشترى فوح القرنفل
    من انفاس امسية
    أو السواحل من خصر الجزيرة
    أو خصر الجزيرة
    من موج المحيط
    واحضان الصباحية
    من اشتراك اشترى
    للجرح غمدا
    وللاحزان مرثية
    من اشتراك اشترى
    مني ومنك
    تواريخ البكاء
    واجيال العبودية
    من اشتراك اشتراني يا خلاسية
    فهل انا بائع وجهي
    واقوالي امام الله
    ********
    فليسألوا عنك أفواف النخيل رأت
    رملا كرملك مغسولا ومسقيا
    وليسألوا عنك احضان الخليج متى
    ببعض حسنك أغرى الحلم حورية
    وليسألوا عنك أفواج الغزاة رأت
    نطحا كنطحك والايام مهدية
    ليسألوا
    فستروي كل قمرية
    شيئا من الشعر
    عن نهديك في الاسحار
    وليسألوا فيقول السيف والاسفار
    ****
    يا برتقالة
    قالوا يشربونك
    حتى لا يعود باحشاء الدنان رحيق
    ويهتكون الحمى
    حتى تقوم لانواع الفواحش سوق
    والان راحوا
    فظل الدن والابريق
    ظلت دواليك تعطى
    والكؤوس تدار
    هزي اليك بجذع النبع
    واغتسلي
    من حزن ماضيك
    في الرؤيا وفي الاصرار
    هزي اليك
    فابراج القلاع تفيق
    النحل طاف المراعي
    واهداك السلام رحيق
    الشرق احمر
    والنعمى عليك ازار
    نجري ويمشون للخلف
    حتى نكمل المشوار
    ******
    طاف الكرى بعيون العاشقيك
    وعادوا منك بالاحلام
    ما للعراجين تطواح
    وليس لاطيار الخليج بغام
    النبع اغفى
    وكل الكائنات نيام
    الا انا
    والشذى
    ورماح الحارسيك قيام
    *****
    متى تجاوزتهم
    وثبا اليك اجيء
    شعري بليل
    وحضني بالورود مليء
    فلتتركي الباب مفتوحا
    وحظي في الفراش دفيء
    ولتلبسي لي غلالات الشذى
    وغناء النبع والاشجار
    فلي حديث طويل
    مع نهديك في الاسحار
    يا برتقالة
    ساعات اللقاء قصار
    ****

    (عدل بواسطة فتحي الصديق on 06-21-2004, 05:01 PM)
    (عدل بواسطة فتحي الصديق on 06-23-2004, 02:46 AM)
    (عدل بواسطة فتحي الصديق on 06-23-2004, 09:02 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-08-2004, 04:41 PM

shatat

تاريخ التسجيل: 06-27-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    وأنا وحدي..
    في عزلة منبوذ هندي
    اتمثل أمـي ، اخواني،
    والتالي نصف الليل القرأن
    في بلدي
    في بلد اصيحابي النائي
    الاعصم خلف بحر وخلف الصحراء
    في بلدي
    حيث يعزُ غريب الدار،يُحب الضيف
    ويخـص بآخر جرعة ماء عز الصيف
    بعشـــا الاطفال
    وببليل البشر وبالايناس اذا ما رق الحال
    واخذت اغني في شجوٍ ، المي ظاهر
    يا طير الهجرة.. يا طائر
    يا طيراً وجهته بلادي
    خذني بالـلـه أنا والـلـه على اهبه
    قصـت اقدار اجنحتي
    وأنا في زاوية اتوسد امتعتي
    ينحسر الظل فأمضي للظل الآخر

    لكن الطيـر مضى عني
    لم يفهم ماكنت اغني

    ................صلاح احمد ابراهيم


    احكي الم الفراق..اشكي لي مين انا...العزيز وغالي تبلدينا
    احكي عن هذا الالم ..الذي اخرجك من وعن..صمتك..احكي عن تلك
    المدينه..وهذه..فهو الالم..وبذات الطعم والمذاق..نفس الكاس
    مر..حنضل..ما ببل الحلق..كيف يروي العطش..والنيل هناك....
    وناسي هناك..وهنا..هنا..يعصف بنا الشوق ويشتد..وبلادي..نيل
    وجروف خضر ..وسهل ممتد.

    بـس احكي..وخلينا نفرق ..القرف.

    فتك بعافيه..لك وللاحبه باعلاه خالص الود
    مع الامنيات الصادقه بان يرد الـلـه غربتنا جميعا.

    ....SHATAT
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 09:14 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    ..
    .
    تنهزم الافكار .. نعم
    لكن بالافكار
    يحتك المنطق بالمنطق
    والحجة بالحجة
    والبرهان الساطع بالبرهان
    نتجادل حتى ينثلم الرأى الاوهي
    فى وجه الرأي الاقوى
    نختلف كما يختلف الناس
    ولكن يا للخزى والعار
    ان افلسناحتى ضقنا
    ذرعاً يالراي الاخر ..

    .......... عالم عباس .......

    المثقف السوداني
    الذى يعتبر خلاصة الشعب السوداني
    الشعب المدعي الثقافة والوعى
    فهو شعب يعتقد مثقفوه ومتعلموه هم الافضل
    فى كل شئ ويعرفون كل شئ وملمون بكل شئ
    ويدعون معرفة كل شئ
    السياسة
    الادب
    التاريخ والديانات
    الاخلاقيات
    العلاقات الاجتماعية
    النضال الثوري والكفاح لاجل القضايا
    ولكن هيهات ...
    القلم ما بزيل بلم ..
    اتيحت لنا قلة وكثرة ان نجوب جزء من ارض الله الواسعة
    نزور بلدان العرب والعجم نتعرف على العديد من الشعوب والجنسيات
    فلم ارى اننا شعب مثالي يستاهل هذا التهليل وذاك الوهم الذى
    نعيش فية وهذا التصفيق والمثالية التى ندعيها
    فالسوداني لم اجده اكثر شجاعة وقتالا وتضحيةً من العراقي والفلسطينى
    فلا تذكروا لى على عبداللطيف وعبد الفضيل الماظ فهذا جيل ولي !!
    لم اجده اكثر تخصصا وخبرة من الهندى والالمانى
    لم نتفوق اداءا وعلما علي الياباني والصينى
    لسنا ابرع تجارة من اليمني والباكستانى
    لم نكن اكثر حباً لبلدنا من المصرى الذى ان قلت له العن امك لتجاهلك
    ولكن ان قلت له العن مصر لشتمك و انبري لك ولو باضعف الايمان
    بل حتى نسائنا ليسن اكثر جمالا من حجازية العينين ونجديات الحشا وروميات الكفل .. ويدعون العكس وفينا من يتفق معهن ..
    بل لم نكن اكثر تدينا وايمانا بمعتقداتنا من كثر وهذه ان حددتها
    لاصبحت نقطة خلاف فالتقوى هاهنا - واشار الى قلبه -
    سبحان الله
    هؤلاء هم نحن ..!!
    لا نبرع الا فى سفاسف الامور والاختلاف والمشاحنات (وطق الحنك) والمجاملات فى الفاضي والمليان نملاء وقتنا بالحديث الفارغ والقضايا
    الهامشية والخلافات الشخصية ..
    هؤلاء هم نحن وهذه هى مواصفاتنا ..
    لقد صار المجتمع السوداني فى ارض المهجر والاغتراب اسواء مثال
    للاخلاقيات والانحراف والتدهور الاجتماعي واذكر تلك الندوات على الواقع وعلى البالتوك التى تتحدث من جميع العالم عن تدهور وتفكك العلاقات الاجتماعية وما يحدث هنامنذ شهور من هتك لاعراض الناس
    وتدنى فى المستوى وهبوط فى اللغة واضمحلال فى الاسلوب
    تنظر للذين حولك من هذا الشعب المدعى للمثالية فى ارض المهجر
    فتجد كل اساليب الحداع والاحتيال لا تثق ان تسلف اقرب الاقربين
    مبلغاً فى زمن حوجته وقد تكون انت احوج لانه لن يعيده لك ولو اعاده ( بالقطاره) و
    وبعد ما ( يسل ) روحك .لا تثق ان تعير صديقك سيارتك لانها سيقودها
    قيادة البعير النافر .
    ويا لسوء حظك ان كانت لك معاينة فى مؤسسة او شركة وكان القائم بالعمل او مسؤول التعين ينتمى لبنى جنسك - داخل او خارج الوطن -
    سوف يستخدم كل اساليب الاستفزار والادعاء وايمانياته بعدم توظيفك خوفا على منصبه الزائل، بحجة انك غير كفء وقيكون هو اقل كفاءة .
    فى السفارات - واخص الامريكية - تجده اكثر ولاءا لابناء بوش لا اقول ذلك ليفقد منصبه وليس لانه غير كفء ولكننى قابلت مثالا لشاب سوداني يرفض للجميع بما فيهم السودانيين بمقابله القنصل - الاغرب اننى عندما اتصلت بالقنصل - امراة - التى قابلتنى بحبور ورحبت بي اكثر من ترحيبه بعد ان اشعرني بامتعاصه ومد ( شلاليفه ) القبيحة وما اشنانا ونحن خلقة ومنصبا..
    فى السياسة - حدث ولا حرج - فنحن الافهم والاوعى والاكثر ضجيجا وحديثا
    عن الاحزاب عن حب الوطن عن الديمقراطية عن السلام ..انتأمر مع الشيطان لنذيح الاخر نتعاضد مع اسرائيل لاجل كرسي الحكم وهذا شعار طوائفنا وزعمائنا.
    اما عن مجتمعنا بصفة عامة فى المهجر وخصوصا حيث اعيش فترى العجب العجاب ففى اكبر وارقي شوارع هذه المدينة التى بها اقطن ترى وانت عابر - راكباً كنت او راجلا - ذلك السوداني الذى يرتدى (عراقي خفيف كاد ان يتهتك من الغسيل مع سروال وسفنجة ) - ليس فقرا او لضيق حاله فالعراقي هنا فقط ( ب3 دولارات ) ولكن عدم احترام للذات وللكيان والدولة التى ينتمى ..
    اما عن عما يدور في حفلاتنا ومناسباتنامن سيداتنا وبناتنا فوالله
    تسعجب له ازياء لم يرتدنهن بائعات الهوى فى باريس ونيويورك
    لبسات تظهر الصدر ( الاثداء عدا الحلمة) و تكشف ( الصرة ) وبداية
    الارداف ، بناطلين محذقة و( جيبات) (كاشفات للرقم) بلغة شارعنا السوداني والمؤسف ان ذلك على مرائي من الام والاب وولى الامر ..
    اتظنون ان قولى هذا فيه نوع من التخلف وعدم الحضارة والعصرية.
    بلاشك سيظن الكثيرون ذلك وسينتعتوننى ان لم يكن جهارا فسرا بالجهل والتخلف . اليس كذلك !!؟؟؟
    والان انظروا لهذا القرف الذى بدا من جديد
    نعم قرف
    وقرف يثير الاشمئزار ويشعرك بالغثيان ..
    ماذا اقصد !!؟؟
    عجبا الا تشعرون الا تقراون
    فقد عدنا للمحطات العتاق ..نفتح الماخور للسقيا
    يفاجئناالحبيب ( صاحب مقص الرقيب ) فى احتفالية 11 يونيو
    بعودة المضربين المعتصمين بقرار ايقاف سعاد منصور وهو قرار
    اراه صائبا 50% فمن وجهة نظرى ..
    ولكن !!
    عادت ريما لعادتها القديمة امتلاءت الصفحة الاولي بجموع كثر
    منهم من مع القرار ويدعمه ومنهم من يدينة وعادت جموع المضربين
    لتفتح نفس الطاقة القديمة لتمتلئ المداخلات بصيحات تهليل وتكبير
    واناشيد وزغاريد فرح لتدور وتدور فى نفس الحلقة القديمة وتفتح
    اورام صديدية متعفنه ليبدا النزف مره اخرى ويبداالخلاف والحديث
    فى الفارغ وعدم المووضوعية ومرحب بيك يا فلانه والله يلعنك يا علانه
    وهكذا دواليك ,,
    والساقية لسه
    ولسه لسه مدوره
    الم اقل لكم دا زول قرفان
    ولكن قرفكم اكثر عفناً واسواء رائحة ,,

    اعود
    اكثر ودا للمتداخلين السابقين
    واكثر قرفاً للفرحين والمحزونين
    وفرقة البالمبو ،،

    (عدل بواسطة Tabaldina on 06-10-2004, 10:42 PM)
    (عدل بواسطة Tabaldina on 06-10-2004, 11:56 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-10-2004, 10:22 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26185

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    بل هي ونسة زول تمام ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-11-2004, 05:47 PM

WaD OmI
<aWaD OmI
تاريخ التسجيل: 08-26-2002
مجموع المشاركات: 995

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    تبلدينا..............





















    ارجـــــــــــــــــــــــع..


    نوف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-13-2004, 08:52 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    ..
    .
    عدنا لنواصل لكل خاطر عبر هنا

    ملعون ابوالفقر ..اللي خلانا نكوس
    فى بحور الحزن ..عن صرة فلوس
    ملعون أبو الفقر .. اللى خلانا نكوس
    فى بلاد عالم مجوس
    يا وطن .. يا مالي ايامنا شجن
    نحن بنكوسك
    فى الخليج .. وفى المحيط
    وفى بلاد كل العجم
    نحن بنكوسك ..شان نعود ليك
    بالتعريف والمصاريف
    شان نقوم نقدل كما كان ..يا وطــن


    ...... لاذكر هل هو سيف الدين الدسوقي ام اخر ....

    لم يسبق لى ان أن وقفت مفكراً أو متأملاً فى ماذا
    يفعلن بنات بلدي الذى تجهلن ظروف الحياة للهجرة خارج البلد؟؟
    سعياً وراء الرزق او العلم أو ابتعاداً من كلاب اكننا
    وزنازين قاداتنافى بلادنا
    ولكن بالامس الاول وعبر بوست ارعي بقيدك يا .......
    كان لى أن اقف وقفة مع النفس واسرح بخيالي لافكر كم؟؟ وكيف يسعين ويكافحن
    بعدان رمتهم ظروف الحياة خارج حدود الوطن وفى كل البقاع ومع احرج
    الظروف..
    لقد هزتنى حتى النخاع الاخت ( انا برضى امدر )
    آلمنى .. أحزننى .. ومزقنى ..
    ولكن هناك بنات من بلدي حقيقة يحتاجن الى تكريم او أن يحملن
    فوق الهامات وعلى الكفوف فهن يكافحن بشرف وعزة نفس وكرامة
    مع احترام للذات والعرض من اجل لقمة العيش ولغايات سامية
    سواء كانت علمية لتطوير انفسهن او ليساهمن لاجل اسرهن
    بعيداً عن المواخير وبيوتات الرذيلة وطرقات الفساد.

    لما اناخ الكرب وصاحب *** ضيق العيش موت الضمائر
    نزحنا كاسراب الجراد *** تطاوحت نبتقى فتات البنادر


    نعم هذا هو حالنا الان .. وتلك هى هجرة عقولنا
    وهؤلاء هم نحن ..
    واولئك هن اللائي الذين انجبهم هذا الوطن الحدادي
    وهكذا صارت ظروفهم وحياتهم ..
    انظروا ماذا فعلتم بهم وبهن !!؟
    هل اقول عار عليك يا سودانا
    ام عار عليكم انتم
    ام عار علينا ..؟؟؟

    اعود
    لابد ان افعل

    دمتم

    (عدل بواسطة Tabaldina on 06-13-2004, 10:54 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-15-2004, 08:56 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    ..
    .


    الصورة دى تثير فى نفسي احاسيس متعددة ..
    (1)
    اتدرين ما الألم ؟؟ ما العذاب ؟؟
    ما قسوة الحياة ؟؟؟
    قد يختلف معى البعض ولكن ..
    عندما تكون جالس تنفض عن نفسك هموم الغربة بمشاهدة برنامج
    تلفزيونى او مطالعة مجلة أو تصفح الانترنت ...
    وفجاة تتذكر أن اليوم هو موعد عقد قرآن شقيقتك الصغري !!
    التى قد تكون احب اليك من نفسك ، او هو حفل زواج شقيقك البكر
    والذى ظل يمنى النفس بحضورك الى مناسبته تلك.
    ولا تجد نفسك وانت فى البعد سوى ان تقوم بالتهنئة عبر هذا الجهاز
    الذى يصدر رنيناً مزعجاً ليوقظك من تخيلاتك وافكارك
    لتعود وتعيش واقع المعاناة مجدداً ومأساتك ولربما مأسي الكثيرين فى ارض الشتات .
    تمر عليهم الاتراح والاحزان ..تنهمر دموعهم ونحاول ان نخفيها
    وندفنها فى قلوبنا فى وسائدنا ونحن نمارس سياسة دس المشاعر
    شئ مؤلم للذى يمارسها فهى تصيب القلب وتترك غصة فى الحلق !!
    ولا ندرى من نعاتب ؟؟
    انفسنا
    ام الوطن
    ام الظروف ؟؟
    لقد كانت الغربة املاً .. طموحاً .. حلماً
    للكثيرين فى صغرهم وريعان شبابهم منذ ان عرفوا دربها
    فسعوا لتحقيق هذا الحلم منذ ان نشأوا و(تخرمت ) الفكرة فى عقولنا
    لتحقيق هذا الحلم .. الطموح ويا له من حلم !!
    ليتنى لم احلم يوماً
    ليتنى لم اطمح يوماً
    لقد هجرت مدينتى !! واعتزلت اهلى ودنياي ووطنى
    وماذا جنينا !!؟؟؟
    طموح صار ملخصه ارض ودار ؟؟ عربة او سياره وماذا ايضاً
    حياة لا طعم لها ولا لون ولا رائحة
    لقد اصبحنا نفتقد كل شئ كل شئ حتى طعم صحن ( البوش).

    (2)
    المشهد الثانى لهذه الصورة
    الجمال السوداني البسيط
    لا ادرى من الذى اقنع الفتاة او المراة السودانية
    بجمال تلك الالوان وتلك الخطوط الخضراء والحمراء
    التى تعرف ( بالمكياج) !!!
    حتى تجد الواحدة منهن كلووحة سريالية مشوهة الملامح والشكل
    اعتقد ان اجمل من البساطة فى هذه الاشياء لا يوجد.. فكت اجمل رسم الحناء
    والدخان ان كانت سيده ..
    اما انساتنا فعليهن بذلك القلم الاسود وعلبة المناكير
    لا اقول العودة ( لدق الشلوفه)
    فكثيرات لا يعرفن هذا النوع الغريب من الزينة والجمال
    بس والله اننى كنت لاستعجب لا عن الطريقة البدائية
    ولكن عن كيفية عملها للعروس قبل الزفاف او العرس !! يعنى لو دقوا شلوفتها وما التئم الجرح حتى يوم الدخلة
    يعنى العريس يبوس المخدة ولا كيف ؟؟
    حقيقة موضوع عاداتنا الغريبة فى ذلك الوطن القارة تحتاج لوقفه وعودة ..

    مع الود
    ووعد بالعودة

    (عدل بواسطة Tabaldina on 06-15-2004, 09:37 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-16-2004, 02:49 AM

MAHA ABDALLA


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    سلام يا تبلدينا انشالله يا ربنا يسهل عليك ويلمك باهلك ويفرح قلبك قول امين ما تتخيل كلامك ده ضحكني كيف ؟

    Quote: ولكن عن كيفية عملها للعروس قبل الزفاف او العرس !! يعنى لو دقوا شلوفتها وما التئم الجرح حتى يوم الدخلة
    يعنى العريس يبوس المخدة ولا كيف ؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-19-2004, 07:53 PM

alsara

تاريخ التسجيل: 02-04-2002
مجموع المشاركات: 680

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: MAHA ABDALLA)



    تيبو
    وحيث انني أعلنتها قطيعة مع القرف .. قبل أعتزالي سكنات الروح القصية بقليل .. قررت أن آتي هنا و أقول ليك ..حاشاك من القرف يا ود العمة .. هو الزهج ده ما بشوف؟
    امبارح اول يوم انوم و الشبابيك مفتوحة.. الجو قرر انو يكون جميل مع اعتدال في الرطوبة .. لزوم التغيير.. اول يوم اصحى الصباح ما مكسرة من عظمة الراس لعظم الشيطان.. افتقدت الحوش يا تبلدينا.. و الكهرباء القاطعة.. و النوم تحت القمرة ..لا يفصلني عن النجم الا السكون .. و قطع ضوء متناثرة بانتظام.. ..
    العشوة لازم تكون فول عبد الرحمن . ما من بقالة الازرق.. لانو فولو كلو قشر.. و بعدين عبد الرحمن بمشي البلد مخصوص يجيب الفول من هناك....و بعد العشا امي تقعد تحجينا بمغامراتها زمن الصبا .. و يوم مشوا البحر يسبحوا هي و بت عمتها و جاء عمهم كفشهم و علقهم في الشجرة و قعد يجلد فيهم ..و بعد شوية رانية تناديني بفوق الحيطة .. هي رفيقة عمري .. احبها رغم اختلافنا الكبير.. نتحدث كثيرا .. ساعات و نحن جالستان فوق الحيطة و الكهرباء مازالت قاطعة و الكل نيام .. الحكومة .. السياسة .. لينين .. الماركسية .. حزب البعث.. آية الله .. و الامريكان .. حميد و القدال .. و ود الجيران الفاكيها في روحو.. اليوم داك جاء ماشي فينا انا و غادة و لا عبرنا.. بس .. قايل روحو وجيه..!! ...و يغلبني النعاس.. رانية لديها مقدرة فائقة على السهر.. "عشان كده قرت معمار" ..تواصل الحديث و انا بين اليقظة و الحلم اسمع كلمة و افط عشرة .. ثم ارد عليها رد ليس له صلة بما كانت تتحدث فيه .. فاصحو بقولة "الله يقطعك خالاني اتكلم براي".. امشي نومي خلاص.. انشاء الله تصحي بقرة .. و انتي انشاء الله تصحي قرد.. اتسلل بهدوء بين الاسرة المتراصة في الحوش.. لأجد اخي الأصغر قد احتل مكانه في منتصف سريري كالعادة.. أشد علينا توب امي "بتاع الصلاه" فيداهمني الحلم
    في كان داعي يا تيبو تخلينا نتجرس كده بعد الكبر ده..
    اعود.. ربما بعد يوم .ز اسبوع او سنة.. لكن حتما ساعود..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-21-2004, 04:21 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: alsara)

    ..
    .
    سلام يا بنت العمة ..جيت راجع
    والله يا أم ......!!
    لا حول ولا قوة الا بالله
    تتصورى 10 دقايق وانا افتش فى اسمها
    سهى .. عسجد .. سولارا ...
    مبالغة مش ؟؟
    وتقولى لى كبرتو !! اها شوفى جنس التجاوز لمرحلة الخرف
    دى لفقدان الذاكرة ..دا كلو من قرف الغربة
    بصراحة الواحد بالجد افتقد نوم الحوش يا بت العمة
    بس الكهرباء القاطعة دى متعتها مع القمره ..يا الله
    والله ونسه الحيطة و( النفاج) دا ما فى امتع منها ليكن مش ؟؟
    وربنا يجمعك برانيا وانتو بتناقشو مآسي الشتات ..
    ذكرتينى بالكهرباء القاطعة دى الخال .. حامد جاجا
    رفيق درب ليحيى فضل الله ومحمد كبر ..
    كنا من الكهرباء تقطع نقوم نطلع الكراسي والمسجل بالبطارية
    والخال يجيب عنقريبو الهباب ونقد بره فى الشارع وبجانبا
    ( لاكى) هذا الكلب الوفي حقاً اشتاق حتى لوفائه اصرنا نفتقده
    فى بنى البشر هذه الايام.
    وهاك يا وردى .. ومصطفي سيداحمد .. وابو اللمين
    ويبدا الحوار عن شتى المواضيع اذكر اخر حوار كان عن تداعيات
    يحي فضل الله فى كادوقلي فقد كتب عن ( توتو كورو ) ذلك الانسان
    الذى فقد عقله ويمشى عارياً فى السوق الكبير بمدينة كادوقلي
    ويحدثنى عن (بيت الجاك) ذلك النادى الذى جمعهم.. مع شلة من المبدعين فى وقت نسي الزمان رصده ..
    وننتقل اللحوار عن درويش وبدر شاكر السياب ونعود لمحمد المكى
    وفضيلي وذكريات العميري ..
    لا نشعر بالوقت ولا الملل لا نفكر فى الاحداث لم تكن الهموم بقدر هذا الوقت الان ..
    كانت لنا فعلا ايام .. تحت العمود وفى الرمال ..
    وفجاة يقطع هذا السكون عودة الكهرباء وعد لمبات خافته هنا وهناك
    ويردد .. اها يا تيبو الكهرباء جات خلينا نملاء الباقات ونشوف
    الصهريج دا مليان ولا لسه .. ونقوم نضاير احسن
    معاناة فى بلدى ولكنها ممتعة بكل ما فيها ..
    وفعلا نضاير للنام قليلا وما نكاد الا وتشرق الشمس
    ليوم جديد ...

    واعود بيوم جديد يجدد القرف ,,
    لك ولهم التحية ولاحترام ..

    اعود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-21-2004, 09:16 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: MAHA ABDALLA)

    ..
    .
    تسلمي يا استاذه / مها

    الحمدلله القدرت بكمية القرف الفينى
    والدبرسة دى ان ارسم الضحكة لك وبذا يفقد
    القرفانيين واحدا ..
    ظاهرة صحية .. بلاشك

    ساعود ،،،
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-19-2004, 09:54 PM

طيفور
<aطيفور
تاريخ التسجيل: 08-17-2002
مجموع المشاركات: 1666

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)


    اخخخخخخخخخخخخخخ

    قمنا للفليق والضرب في الانكل يا خال..؟؟

    تيبو.. وسارة

    هثي معوووق في ام التلافيف

    لكين بجيكم صادي برواقة



    ؤبث
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-20-2004, 11:47 PM

alsara

تاريخ التسجيل: 02-04-2002
مجموع المشاركات: 680

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: طيفور)



    عصفور الجنة
    لك التحيات بقدر جمال الذكرى و الأمنيات

    وقفة أولى (للطير و الرحيل):
    القمري طير قريب الى نفسي... لأسباب أجهل الكثير منها
    لعله الحنين الذي تميز به في غنائنا السوداني
    ذات الحنين هو الذي جعلني أعتقده طير الجنة
    القمري دون سائر الطيور نؤمنه على أهلنا عند الرحيل
    و القمري أيضا من علمنا كيف نبني عشنا من لا شئ...
    قشة... قشة ...
    القمري دون سائر الطيور كان دوما هناك
    عندما يجتاحني الشوق و يشتد الحنين
    كان يصغي الى تباريحي و يشهد صلواتي
    كان يحرس باب معبدي
    و يفتح كواته الصغيرة لتعانق جدرانه الشمس
    فترسم باشعتها الحمراء لوحة المغيب على أرضه البلور
    القمري يعلم جيدا معنى الغياب..
    و كيف هو قاس أن تترك أمك ..أباك... و أخوة رضعت معهم من ذات الثدي
    لتشد الرحال.. بحثا عن وطن -ليس هو لك-... و أرض -لن تنبت ثمرك-...
    القمري كان هناك ..ساعة الوداع... فوق ذات (عمود النور)..
    يدعو الله أن يرجعك سالما غانما
    مرددا خلف أمك تراتيل الفراق
    القمري طير الوطن ...هو حارس الأهل.. و هو راهب معابد الغياب


    وقفة (حارة) مع النفس:
    تمام الساعة الرابعة , رن جرس (البيجر).. أتصلت على الرقم , فأتاني صوت أحدى زميلاتي في العمل - وهي هندية الأصل- مرتعشا .. ترجوني أن أسد لها النبطشية , لان أبنتها -التي لم تبلغ عامها الثاني بعد- جرحت في وجهها أثر حادث
    أستقبلت الخبر بأنزعاج ....لم يكن أنزعاجي مما حدث لأبنتها ,, و لكن -لدهشتي و أيضا أستيائي الشديد من نفسي-, أنزعجت لأنني ساقضي ما تبقى من (الويكند) في العمل بدلا عن أسرتي و بيتي
    هي ليس صديقتي -بالطبع- ...مجرد زميلة , نتحادث نادرا جدا , لكننا نتبادل السلام و الأبتسام التقليدي
    البعض يتداول الأقاويل بأنها أستغلالية, و تحاول التهرب من العمل كلما أتتها الفرصة -كحال الكثيرين هنا- ..
    ربما هذا هو ما دعاني لأنزعج أكثر لعملي في يوم العطلة بدلا عن الطفلة البريئة التي شوه وجهها ... لكنه حتما ليس بمبرر لهذه (العتامة) التي أحتلت عقلي, فجعلتني أرى كل النوايا سوداء ... و كل الدواعي شريرة
    أفتقدني حقا.... أفتقد تلك الروح التي ترى كل ما حولها ناصع النقاء.. و تفترض حسن النوايا في كل تصرف
    أفتقد تلك (السارة) التي كان يضحك عليها اصدقاؤها , عندما سألوها عن نزار (ود صيدلة البراي) فوصفته بأنه "زول كويس و الله "....كل الناس هناك كانوا "كويسين.. و طيبين "...
    الناس هنا يختلفون جدا .... تمنيت أن أجد فيهم من يحمل ذرة من طيبة (نازك) التي ندعوها في الشلة (بنزاكة) أو بعض من نقاء (سحر)...
    هنا القانون قانون غاب... و العرف السائد يقول "أن كان يتوجب علي أن أصعد فوق رأسك للقمة, فسأقطعه أولا, لكي لا تلقيني من فوقه"... كل يحاول النجاح على حساب الآخرين.... كل يبيع أصدقائه -بل أبويه- في سوق النجاح و التميز بأرخص الأثمان
    سئمت عالمهم هذا ....أشتقت أصدقائي.... لجلسة في كفتريا هندسة... أو السوق الشعبي... نضحك فيها بهستريا... بنقاء.. بغير أن نحسب أحتمالات الكذب و الصدق في كل كلمة, ضحكة, أو أبتسامة!!!


    تيبو تعال راجع.... و العتبى للقرف!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-21-2004, 10:04 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: alsara)

    قرف قرف قرف قرف....كنت طالب فى الهند بكون مفلس 3 شهور باكل عدس ورز...قلت اكيد لما اغترب اكيد سوف يفارقنى القرف وكيف لا يفارقنى وانا عندى الفلوس..اها يادمى تبلديا الليلة لى خمسة سنوات مغترب ..وكل شهر عندى مشكلة لا يحلها غير الراتب كله...اخوى داير اقامة قلنا نجيبو عشان يساعد شوية...ود خالتى عاوز اقامة ..قال لمايشتغل بحلنى لانه زول مؤهل اقامته كلفت باجراتها 8000 ريال الليلة ليهو سنتين ما رجع لى فلوسى بحجة اننى ما محتاج لها...امى قلت لها تجى حج قالت لى انا بيوتىقديمة لازم تبنى لى بيوت جديدة ..بعد ما سكنت فى بيوتها قالت لى جاية حج قلنا نجبها عشان تدينا دعوة قوية..اخوى الصغير قال لى فى بيوت بالاقساط لى اربعة سنوات بدفع قسط فى النهاية طلع بيت وهمى...اها اقطع رقبته..ماهو اخوى اخير ياكلك اخوك ولا زول غريب دى تعازى الناس البعاد منك فى مشاكلك العائلية...بدوى اشترى ليه جهاز لاب توب من جدة وهو يسكن بارق اها مع الجهاز دا ادوه اشتراك انترنت وقام اتصل على فى الدعم الفنى عن طريق الجوال وقلت خلاص اعمل معاه الاعدادات...وكل مرة اقول حاول مرة تانية فى النهاية سالته المودم بعمل طنين قال لى لا
    قلت ليه طلع التلفون واشبكه مرة تانية ..قام قال لى لكن انا ما عندى تلفون فى البيت ..قلت ليه طيب كيف حتشبك على الانترنت قال لى ...هو جهازى اشتريته ب 5 الف ريال كمان عاوز سلك تلفون
    الله يلعن ابو دى شركة انتو غنم ولا شنو..ولا ها عشان انتم اجانب ..وين السعودية واولاد البلد..كل المملكة بقت هنود واجانب وفلاته...يلا ياشيخ انقلع...قرق قرف قرف قرف قرف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-21-2004, 05:41 PM

Jaja Jr


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: abuguta)

    ابنى العزيز
    أنا بالفعل خنت بشاشتى وعقرت ناقة ملتى
    يا قوم ضاع الود منى فى المدن الشقية)
    الغربة تطول والمسافات بطول الافق , مد شاسع وها أنت تنكأء الجراحات القديمة وتؤرق ليالى الغربة.... فيطل الوطن الجميل والذى ما غاب أبدأ من الذاكرة .
    مدن الاسمنت التى حاكت ملامحنا طرقاتها...وجسور الغربة التى عبرتها من السعودية .. لندن ..اليابان...نيويورك وهاأنا قادم من روما لافتح بوستك الذى فتح شبابيك الحنين وأدخلنى مدنك ... نشتاقك ملء الحنين وأتمنى أن تفرد جناح الفرح وتحلق فى سماوات الابدأع ..
    بعد هذه الغربة المريرة هاأنا أشد الرحال مرة أخرى ....ولكن صوب نيل بلون الامنيات ومقرن بطول ضفائر الصبايا...لك ودى ايها المضمخ بعبير الوطن...

    ولى عودة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-22-2004, 09:24 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Jaja Jr)

    ..
    .
    بت العمة
    عثفور
    ابوقوتة

    دعونى اتجاوزكم عمداً ووداً واحتراماً
    لاحى خالى العزيز جاجا الصغير ..
    فقد طال غيابه وطال شوقنا وحنينا له ..
    أين انت ايها المتوارى خلف مدن الأسمنت
    حقاً لقد اقلقتنا عليك .. هواتف نيويورك لا ترد عن سؤالي
    واجهزتكم الصوتية تلك تأبي ان تستمع لخترفاتى وكثير استفهامي
    كنت أود اعلامك باننى قد عزمت مقاطعة هذه الغربة ولو الى حين.
    واشد الرحال لتلك السمراء حيث ملتقى النيلين
    لا اتصور روعة ان التقيك والخال حامد مره اخرى سوف يكون للفرح طعم
    اخر وللشوق نكهة مختلفة ..
    أعتقد أن ذكريات بيت الجاك ( والسكين) قد أججا اشواقك
    لا ادرى كم رسمت منى الذكريات فى غربتك تلك او عدد المؤلفات التى
    سطرتها هناك ولكن حتماً سنستمتع بها بحضورك ..
    أخيراً .. ستعود بعد طول غياب
    لا ادرى كيف غيرت تلك المدن فى ملامحك واشيائك
    لا اعتقد كثيرا فما زالت رائحة الوطن وعشق الاهل تفوح منك
    لقد سألنى عنك اخاك ...صديقك ..عزيزك جاجا الكبير ولم اجد اجابة
    خصوصا بعد انقطاعك لا شك كنت وقتها تتأمل فى الجمال الرومانى ووتسكع فى المدن الضبابية ..
    اتذكر شبو وآل محمود حسيب وحيدوب واسرة سعد زكى ..يسألون دوما
    وقد لا تتصور أن ( اسعد) الصغير صار رائداً فى صفوف المقاتلين
    ولا زالت ذكريات فريق المريخ / النجوم / الثورات والسرف
    وقصص الحسان تخض مضاجعنا .. يا الله
    سوف تجعلنا نزرف الدموع بهذا الخبر ..
    واظن اننى لست قادرا على ترتيب ما اود قوله
    واعتقد ان حضورك وبت العمة
    قد ازلا كثيرا من قرف ..

    لكم دوما الحب والابتسامه ..
    ما نحن بينا الامنيات والتضحية
    بينا العذابات والمعزات فى الحياة ..

    اعود بقليل قرف
    وحلو قول ..

    دمتم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-29-2004, 08:30 PM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6022

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    العزيز تبلدينا
    لك الود
    فوق..وفي موضع الجيد تماما تجد(بعض الرحيق انا والبرتقالة انت)رائعة المبدع محمد المكي ابراهيم..تزين جيد هذا البوست المزدان اصلا..ك(جوهر صدر المحافل)..
    مع الود لاخي احمد البشير..
    تبلدينا
    القصيدة غير مكتملة ساكملها لك بالغد..
    شكرا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-29-2004, 10:05 PM

elhilayla
<aelhilayla
تاريخ التسجيل: 02-05-2002
مجموع المشاركات: 4751

للتواصل معنا

FaceBook
تويتر Twitter
YouTube

كيف احذف مداخلة من بوستى
Do not 4get to give me the Number (Re: Tabaldina)


    Assalamu Alaikum
    But U made it silently
    I'm happy and unhappy
    Same time
    U know Y?
    I will tell U in the phone in your meeting there
    But
    Do not 4get to give me the Number
    My contacting R the same still
    I really feel lonely here
    I'm writing to U from the university Lab
    Of course no Arabic
    I really hope to C U soon
    I planned to go to Sudan this summer, but failed I will tell later
    Ur brother is Tirbayat Habbobat
    But
    Arabic Key Board is killing me here, as well as the time
    Tell me
    I need to have 25 hours per day How it can B
    Please pass my salam to all ya Zoal and do not 4get my relatives in el Obeyid
    Will meet sure ISA
    Till Thursday C U
    Zainelabdin

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-04-2004, 02:35 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: Do not 4get to give me the Number (Re: elhilayla)

    ..
    .
    سلام يا باشمهندس / زينكو
    والله لك كثيف شوق وود
    اعلم انك فى زخم الحياة وزحمتها تكاد تغرق
    لم اتلقي اتصالك يوم الخميس عل المانع خير ..

    انتظرك ساغادر بالجمعة ..
    ليتنى الاقيك فى ارض النيلين ..

    لك وللاسرة سلامى واحترامى .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-30-2004, 01:51 PM

Ahmed Al Bashir
<aAhmed Al Bashir
تاريخ التسجيل: 03-09-2004
مجموع المشاركات: 502

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    عزيزنا تبلدينا

    رايت ان اعاود الزياره و كنت قد غشوتك من قبل اثناء غدوى و رواحى فلم اجدك، وجدت الظل بلا ثمار من بوح فجلست على ارجوحة التبلديه و تارجحت معى افكار شتى و طفقت انشد مع مظفر
    اعاتب مْل قلبى حزينا
    لم اجد شدو الشحارير(الزرازير) القدامى
    ندامى الامس هل فى الدوح انتم؟
    ام الوطن الكبير غدا ظلاما
    و كان العهد ان دجت الليالى
    نهب الى كؤؤسنا احتكاما
    و ما مدت لغير الناس و الكاسات كفى
    و ان مدوا لغيرهما الكلاما
    سلام يا ندامى الامس انى
    محال ان افرط فى الندامى

    اغادرك الان، مع امنياتى لك وانت تقطع بحر القلزم صوب ظلام الوطن بالا تجده كثيف الظلام.


    العزيز ود الصديق
    شكرا لك على هذه الكؤؤس المعتقه من رحيق ود المكى
    الغريب اننى املك ديوان امتى لمحمد المكى ابراهيم، ولا ادرى كيف فاتنى ان الابيات التى ذكرتها لكم هى من ضمن بعض الرحيق. يبدو اننى تاجر اشعار مفلس عليه ان يعودالى دفاتره القديمه.
    لك من الشكر اخلصه ومن الود صافيه

    (عدل بواسطة Ahmed Al Bashir on 06-30-2004, 01:54 PM)
    (عدل بواسطة Ahmed Al Bashir on 07-01-2004, 04:26 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-04-2004, 12:09 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Ahmed Al Bashir)

    ..
    .
    سلام تانى يا ود البشير
    اعود بس بجهز فى الموضوع

    لك الشكر ،،،
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-04-2004, 03:25 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    ..
    .
    الإبتكار ..
    نحن قوم نفتقد الأبتكار فى كل شئ ..
    لا نجيد الابداع ولا خلق الجديد بغض النظر عن هذا الجديد
    هل هو مشروع استثماري اواختراع او حتى موضوع حيوى
    فأن قام احدنا بفتح محل لبيع اجهزة اجهزة الموبايلات او الكمبيوترات فى ناصية شارع اسماعيل الازهرى سرعان ما تجد الاخر ان قام بفتح نفس المشروع فى شارع المعونة اى الناصية المقابلة
    وان اقام احدنا مدرسة تعليم خاص وما اسوا هذا الى سمى بالتعليم
    الخاص لجميع المراحل حتى نجد ان الاعصمة واقاليمها امتلاءت حتى فاضت
    من المدارس الخاصة .. وهكذا دواليك
    وهذه التقليد الاعمي ايضا نجده يثمثل فيما يكتب هنا
    وصار ديدناً لمثقفى السودان الذين جمعهم هذا المنبر وفرقتهم دنيا الشتات فما يتناول احدنا قضية او موضوع معين حتى ياتى الاخر بنفس الموضوع فى صياغ اخر ..
    اما كان احرى به ان يواصل فى نفس الموضوع ليعبر عن رأيه وفكرته ويجادل الاخر بالتى هى احسن ..
    وهكذا استمر الحال من شهور وفى موضوعات عدىة تحمل نفس الفكره
    او تدور حول محور معين وتتعدد بوستاتها ..والان
    فرقة عرائس النيل وتماضر شيخ الدين
    ما ان نشر الموضوع وبث الاداء فى الانترنت حتى قام المنبر ولم يقعد
    بين موافق ومعترض فى مسالة الزى القصير الذى ارتدتهن الفتيات المشاركات من حيث القصر والطول ومن حيث مبين لمفاتنهن واردافهن.
    لا حول الفكرة او طريقة تقديمها او حتى توضيح وجهة نظر بصورة مهذبة او نقد بناء لها او لبناتها المشاركات .. والاسوا المدح ايضا بلا اساسيا وبدون التعرض حتى للعرض الذى قدم وقد يكون البعض لكم يشاهده بتمعن او تابعه للنهاية ..
    اختلفت كثيرا مع تماضر شيخ الدين .. وكم من مره هاجمت بعض موضوعاتها وتحدثت عن الذين يميلون حيث تميل
    ولكننى لم احمل ضغينة لشخصها بل لبعض الافكار
    وليس للافكار فى حد ذاتها ولكن لهؤلاء الذين يدعمون الشخص وليس الفكرة فى اسلوب يشبه المحاباه او الشللية ..
    وهاهى فرقة عرائس النيل تقيم الدنيا ولا تقعدها ..
    وعشرات الموضوعات لعشرات الاشخاص اسميهم بلا تردد
    رودا / اساسي / حميدة / احمد الريح / سلوى وتماضر نفسها
    لا ادرى اى البوستات افتتح النقاش
    ولكن اما كان احرى توفيرا لزمننا ووقتنا ان نختصر النقاش فى يوست
    واحد بدلا من عشرات البوستات ..
    فنحن نقتطع من زمننا ومالنا وتفكيرنا وطاقتنا لنقرا ونستفيد
    لا لنجد الف الموضوعات المتكررة الممله ..
    فلا نكاد ننتهى من موضوع شخصي الا ظهر اخر ..لقد كتبنا بعدم شخصن الموضوعات ولكن كل المداخلات صارت هجوم شخصى
    لا ادرى متى ترتقى رودا عن تحوير المداخلات ؟؟
    ومتى يتوقف اساسي عن فتح طاقات لا تجدى ؟؟
    ومتى يتوقف اكس بوصف كل من يدافع عن الموروثات بانه ظلامي
    ومتى نرفق بين ان هذا تراثنا وارثنا وان هذا دعاره وفساد ؟؟
    ومتى .. ومتى ؟؟
    حقيقة لقد مللنا وان لم يملو هم فلقد مللت انا ..
    بالله فكونا من الفارقة ومن تكرار الموضوعات
    وخلوها كلها اراء مختلفة وافكار عديدة فى بوست واحد
    يا مثقفى البورد ...

    اعود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-27-2004, 01:07 AM

طيفور
<aطيفور
تاريخ التسجيل: 08-17-2002
مجموع المشاركات: 1666

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة زول قرفان (Re: Tabaldina)

    تبلدينا الباهي

    عندي اقتراح بمناسبة رمضان
    ربنا يعيدوعلينا وعليكم بالخير


    اننا نغير اسم البوسط الى

    ونسة زول عشطااااان



    وحقيقي عشطانين.. ياكين عطانين ليكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de