|
دعواتكم لزميلنا المفكر د.الباقر العفيف بالشفاء العاجل
|
|
 Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
الأخ تبلدينا لك التحية والشوق . بس يا زول ما تخليها مستورة زي ما قال شيخنا علي الحاج . وفي البدء علي ما أعتقد أن سيدة العمل المحترمة السيدة / سامية شبو . خريجة آداب . جامعة الخرطوم , فلسفة وأستاذها العلامة الدكتور شداد .
وثانياً سامية دي كانت أو زوجة الدكتور النطاس محي الدين الجميعابي الذي درس طب الخرطوم في 12 سنة , مش بلادة فقط من أجل العمل السياسي وفي الطب خلية ساكت دا يعالج ليك أمراض المناطق الحارة والباردة .
وثالثاُ من ناحية إنها سيدة أعمال . لا يوجد شك في ذلك وكمان ناجحة جنس نجاح , إت يا زول حاسد ولا بقران . يعني علي رقعة أمدرمان تمثل رقم مهم جداً جداً وفي الملازمين تحديداً عندها محل يستاهل . لوزة الحميراء لتجهيز العرايس يمين الله مشروع حضاري بستاهل .
وفي العمل الخارجي أبدعت سامية بدءاً من سوريا وحتي دبي . يا زول الله يديها ولطالما قناتنا فاضية مالو لو جابت سامية شبو . ولا إنشاء الله ناس حي ميدان الربيع كلهم.
بحيراوي
| |
 
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
..
.
سلام يا بحر ..
عارف بدراستها للاداب دى ذكرتنى الكادر ابراهيم يوسف هباني
12 سنة دراسة فى مصر للصيدلة والحقوق ..
ياخى الناس دى مخها نضيف عديل كدا .. بجبوا الكليات بالجوز
فلها الحق ان تمتلك مجموعة سامية شبو .. يعنى شركة قابضة مش كوافير واحد
دا غير حديثها عن مجالها فى التصدير والاستيراد وادارة مشاركة السودان
فى مهرجان دبي ..
صراحة الحراميه / والحراميات صاروا لا يحصون ولا يعدون ودا سبب الكلام
وانا لسه منتظر تستلف ان شاء الله النيك نيم بتاعي وترد على نهبهم
وثرائهم الذى يظهر فى زمن وجيز ..
بالمناسبة ما علقت لى على كيان الشمال وكيان كردفان وكيان الجزيرة
ولا على 1.75 من البترول وكمان مدينة ابيي التى صارت تحت يد البشير ونائبة قرنغ .. بالله ما هملت ..
تحياتى لفجر المشارق ..
دمت
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
العزيز تبلدينا
لك الشوق عرمرم والتحيايا قد وصلتنا زحف متقدم
يا زول الجماعة ديل قايلهم نضافة مخ بس .. كما قال أستاذنا الأمين مجاور لا لا لا لا . ديل نضافة أي حاجة حتي البزنس في الحل والترحال عندهم فية نجاح .
المهم يا زول موضوع كردفان دا . أنا عندي كردفان واحدة بس . خلي ناس الحكومة وشركائهم الجدد ديل يسموا زي ما عايزين . وأنا وأنت وتوتو ورحيمة الله أبناء كردفان الواحدة , بالذات لمن يدقوا الكمبلا والمردوم والجراري وتويا . يمين الله تلقانا في الحلقة العمي شايل الكسيح.
بحيراوي
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Alsawi)
|
العزيز تبلدينا والجميع ... تحياتى
شاهدت لقاء لها ايضا فى رمضان على مااعتقد على قناة النيل الازرق ... ولا اعرف عناها الكثير .. غير انها مطلقة الجميعابى والحديث للشمارات .. اها يازول هناك همسا يدور فى الخرطوم على انها
تجمع مجموعة من البنيات الجميلات حولها ( دون النظر للمؤهل الاكاديمى ) وده طبعا لتسهيل العمليات التجاريه .. والعهده على الراوى .. وفى اجازتى السابقه شفت عينه منهم فى لوزه الحميراء
فى شارع محمد نجيب ...
وده طبعا واحد من افرازات الانقاذ الكتيييييييره
ودمتم
ديكو
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
والله يا تبلدينا
انت ذاتك فايق ورايق وانا بالي مشغول
الخلاك تمشي تتفرج في الفضائية السودانية شنو
والله يجيك ضغط وسكري والجميعابي ما يعالجك الأ تدفع
بالعملة الصعبة
بعدين يا خي سامية شبو هي مش الوحيدة التي اغتنت
واكتنزت من مال الأسلاميين بعد ان تطلقت من الجميعابي
والأستاذة خريجة اداب - اجتماع- جامعة القاهرة بالخرطوم
ومنذ ذلك الزمن هي تاجرة وكوزة
ياخي انت مالك بيها ولا عشان انت مفلس ومتفلفس
بعدين الشوايقة اصلا شاطرين في التجارة
انت ما سمعت بي قبيلة البترول وعوض الجاز وعلي عثمان
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
الأخ الشايقي
يا زول ما تزعل من كلام الناس دا حول قبيلتك . هل أصابعين اليد الواحدة متساويات . وهذا الكلام موجه ليك إنت ولي الجماعة الذين أثاروا موضوع الشايقية . لأن المقام والنقاش لست مجال الكلام فية قد لا يكون منطقياً . لكن زولتنا سامية شبو دي حاجة تانية خالص. ما لأنها شايقية ولا ساكنة العباسية , بس جاء موضوعها في سياق عام وأصبحت عرضة للرأي والرأي الآخر . وطبعن ناس الملازمين ليهن وجه نظر نتمني أن نسمعها .
بحيراوي
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
..
.
الاخ الفاضل / الشايقي
اولاُ احب ان اخبرك بأننا لسنا بعلماء السودان ولا مفكرية
ثانياً احب ان افيدك علماً
باننى لا يهمنى ان كانت شايقية او جعلية او شلكاوية ..
لا يهمنى ان كانت خريجة اقتصاد او طب او الاثنين معاً ..
لا يهمنى ان كانت قريبة عوض الجاز او نسيبة البشير ..
ولم يتعرض احدنا المشاركين لقبيلتها او تناول الامر من ناحية
نعرة عنصرية او قبلية - سواك انت شخصياً - اما عن موضوع عوض الجاز وقبيلة البترول فهذا امر - جاءا عرضا فى سياق التعليقات وسنتعرض
له لاحقاً- .
ويتحدث واقع الحال عن الراسمالية الطفيلية التى ظهرت على السطح
ابان حكم الانقاذ وكونت اموال من عرق المواطن وقوت الشعب وموارد الدولة مستغلين النفوذ السياسي لهم والسلطات التى خولت اليهم - او الى ازواجهم - فى التنظيم الحاكم ، وتعتبر سامية شبو احد الامثلة العديدة التى امتلاءت بها الساحة ، فهى ليست بسيدة اعمال عادية او كونت ثروتها من بيع اقلام الرصاص وهى فى الطفولة - كما تحاول ان تبرر لنا - وان كانت اقلام الرصاص فى وقتنا هذا تجعل الفرد يصبح مليارديرا
لكنا اول من سلك الدرب.
ولقد قدم البرنامج السيدة / الجميعابي امام مدخل مجموعتها وهى تستقبل
المذيعة ( الفارغة ) انفه الذكر ولوحة زاهية الالوان ، خليجية الملامح وامريكية الدعاية وتحمل عنوان (مجموعة سامية شبو) ومجموعة اى (شركة قابضة ) بمعنى عدة شركات فهل المنطق يقول بأنها هذه الشركات المتعددة المجالات تكونت من البدء عن طريق بيع نصف الاستيكة ؟؟
لا تمازحنى يا رجل بالله عليك ...
واين كانت هذه الثروة طيلة سنوات عمرها الماضية منذ ان كانت تدرس تجارة بالفرع ؟؟
ولماذا لم تظهر هذه الثروة الا خلال العشر سنوات العجاف من حكم السودان ؟؟
أنا شخصياً ما كنت عارف والان عرفت بأن .. سامية شبو احد الذين استغلوا الشعب ونفوذهم فى الجبهة وسلطات زوجها وعرق المواطن واستغلال منصبها التنظيمى والحزبي لترأس لجان عدة تحقيقا لمصحتها الشخصية مع التهرب من الضرائب كما فعلت معظم جهات اخرى واشخاص اخر فى التنظيم وذلك لاجل منفعة خاصة ولم يكن ذلك عبر ان تبيع قلم او استيكة خلال عمرها القصير .
فيما يتعلق بقبيلة البترول وعوض الجاز .. اولا اود ان اسالك سؤالاً ..
ماذا قدم الشوايقة ( الجبهجية ) لمنطقتهم ؟؟ سواء زيادة ثرواتهم
ماذا طورا فى منطقة القرير او غيرها ، سواء البحث عن مصالحهم الشخصية
لانفسهم وابنائهم وقليل من ذوى الغربة ، اما مسألة ايراد نوع القبيلة او مسماها فى طلب التوظيف لشركات البترول فهل هذا امر تود انكاره - وكأن البترول يتدفق فى قراكم ولاجلكم فقط .
لم اكن اود ان تكون نعرة عنصرية ولكن يجب ان تعلم ان ابناء منطقة البترول نفسها لم يحظوا بما منحه الجاز لقبيلته بل يجب ان تعلم بان
احد الاسس التى تقوم عليها شركات التنقيب ان تعطي 5% للبنية التحتية
للمنطقة التى يوجد فيها البترول ولم تمنح منطقتى وهى منطقة البترول فى المجلد وارض المسيرية هذا الحق بل وضع يده على تلك النسبة فى الميزانية
المركزية كما يدعى وحتى بعد اتفافية تقسيم الثروة منح الاقليم نسبة
1.75% وهو الاقليم المنتج حالياً ،، اى نهب وسلب اكثر من هذا تقوم به قبيلتك المتمثلة فى عوض الجاز وبطانته ...
ولقد تناولت الصحف المحلية هذا الامر المتعلق بالتوظيف - وضع اسم القبيلة - بل والله رايته بام عينى فلا داع لان تنكره وتدافع عنهم فالمسألة نعم مسالة جبهجى اولاً وشايقى ثانيا ثم من رحم ربي
من عباده الفقراء يأتى اخيراً .
وعوض الجاز وعلى عثمان وسامية شبو والله وصمة عار فى جباه الشوايقة خصوصا والسودان عموماً مثلهم مثل صلاح كرار او غيرهم من الجبهجية الذين استغلوا الشعب ونفوذهم لتحقيق مأربهم وشتتوا ابنائه وبناتهم من المحيط الى الخليج ومن اسكندنافيا الى جنوب افريقيا.
نسأل الله ان يذيل منا هذا البلاء
ويخسف بهم الارض كما فعل بقارون ..
لك دوما الاحترام والود ...
حنين
والله يا حنين انا مفلس ومتفلسفس وقرفان كمان
ومعليش امسحها لى فى وشى ، لكن سامية شبو ان لم تكن
مستغلة او ( حرامية) بالعامية فلتأت ولتدافع عن نفسها
أو تفوض مدير مكتبها او سكرتيرتها الشخصية او اى من اقربائها
لتخبرنا من اين لها كل هذا المال ؟؟؟
يا خال
ليك حق تعجبك ؟؟ عاد النضافة والعز والصنفرة
دى ما بتريح ؟؟ تحب ( تدبل)
يا بحر
والله كن ما واحد بقوا واحد
اصح يا نايم ..
لكم احترامي وصبوا على موية تلج ..
سلام
| |
|
|
|
|
|
|
|
|
 Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
| Quote: الحكاية ماها عنصرية ولا حاجة الكلام عن انسانة زي ما انت بتدافع عنها في ناس عندهم رأي اخر وبعدين حكاية الشوايقة والبترول الكلام دا ما مني انا دا موضوع منشور في الصحف السودانية وتم استجواب عوض الجاز في برلمان الأنقاذ حيث كان السؤال لماذا تمت اضافة خانة لأسم القبيلة |
يا ريت توريني العنصرية تكون كيف.
وأيضاً أكون شاكر وممنون لو نشرت لنا طلب التقدم لوظائف وزارة البترول الذي ذكرته حتى أعبيء خانة القبيلة عسى ولعل أن أجد وظيفة تريحني من هم الغربة.
| Quote: يا حبيبي دافع عن سامية شبو ذي ما عايز لكن ما تلغي تهم العنصرية شمال وجنوب |
ليتك فهمت ما قلت ،، فلست مدافع عن سامية ولا غيرها كما أني لم ألقي (الغي؟؟؟) التهم جزافاً وأي عاقل يقرأ ما كتبت يشتم تلك الرائحة النتنة.
| Quote: اخوي الشايقي اذا كنت تتكلم عن العنصرية اذهب وشوف بوست (لما وجدت الشيوعية متحكرة في حفرة الدخان) |
وهل ما لفت إنتباهك في ذلك البوست العنصرية فقط : عزيزي هناك أكثر من العنصرية ولم يلفت إنتباهل فالبوست المشار إليه أحقر من ذلك بكثير ففيه تحقير للمرأة والتي هي الأم والأخت والزوجة والإبنة، والكاتب الدكتور المحترم له سوابق كثيرة في هذا المجال حتى أني أأسف للذين يضيعون وقتهم في التعليق والرد عليه.
| Quote: في طلب الألتحاق بوزارة او شركات البترول والواقعة مشهودة بعدين ذي ما قلت ممكن يكون شايقي ما جبهة ما يدوه فرصة عمل وبرضو ممكن يكون جبهة ما شايقي يطلبوا منو تزكية من شخصية كبيرة شايقية |
برضك مصر على كلامك تنفيه في سطر صراحة وتؤيده في الذي يليه ضمناً وهذا دليل على سبق الإصرار والترصد فهل أبديت لنا أسباب هذا العداء الغريب (ماذا فعل لك الشايقية لتكرههم بهذه الطريقة الغير طبيعية).
في الختام لا أقول سوى سامحك الله وأن أدعو لك ومن صميم قلبي بالصلاح ودوام الصحة والعافية وكل العافية.
...
| |
|
|
|
|
|
|
|
|
 Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
الله يريحك يا تبلدينا
والله ريحتني
بعدين الفلس والفلسفة دي مرضتنا كلنا
لكن نعمل شنو غير نشيل هم الوطن وثرواته المسروقه
ونحن هايمين علي وجوهنا في ارض الله
وبعد دا كلو يجيك واحد يتهمك بالعنصرية
عشان هو رافض يشوف الحقيقة
بعدين اذا تكلمنا عن الدينكا ما يتهمونا بالعنصرية
واذا ذكرنا الفور والزغاوة ما يتهمونا
لكن اول ما نجيب سيرة الشوايقة والجعليين
تقوم الدنيا وما تقعد
وتنصب علينا الأتهامات والشتائم
كل هذا لا يغير في الأخر شيئا
فنحن ضد اللصوص من كل قبيلة او جنسية
اما انت يا تبلدينا ( حقك راح في البترول بتاعكم)
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
..
.
ياخى دى حاجات شخصية يا شماسي بس
قالو اختلافات سياسية واداء مطبخي
يا أحمد حنين
انحنا قبيل شن قلنا ؟؟
سامية دى مجرد متسلقة لمصلحتها الشخصية ولزيادة
مكتسباتها المالية ..
بس مسالة البعثة الجات الحج ونست المهرجان دى حاجة تدهش الما بندهش ؟؟
يا سامية شبو ؟؟ انت ما عندك ناس بتابعو ليك التجارة العالمية
والاكترونية عشان تردى علينا ..
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
الأخ تبلدينا
سلامات
حكاية الجماعة الراحو الحج كانت في السنة الفاتت
اما الأعجب
انو شخص واحد فقط يتركوا ان يمثل بلد بكامله(يمثل به)
وكما افادوا المتداخلين ان المذكورة لديها مخالفات في
جوازات دبي و مشاكل متخلفين وفي هذا الصدد فقد علمت هذا
العام قد احضرت معها اربعة مشرفات هم باقي عائلتها(بنات الخالة)
وواجهت برفض دخول بعض من باعت لهم تأشيرة الزيارة الأ بعد
سداد مخالفات الجوازات
وفي تجارة الفيز والظهور الأعلامي
ضاعت القرية السودانية في مهرجان دبي
تري من هو المسئول عن هذا
| |
|
|
|
|
|
|
|
|
|
Re: سامية شبو .. وهل هى مثال لسيدات الاعمال السودانيات .؟؟ (Re: Tabaldina)
|
..
.
بالله !!!؟؟
بقت فيها تجارة فيز وبنات خالات وقلت لى حنانات كماااان ..
دى من عندى ما يجي الشايقي ينط ليك فى رقبتك ..
المسئول بلا شك ..
حكومة السجم والرماد .. بزعامة وزارة التجارة ووزرارة الثقافة والاعلام ووزارة الخارجية والداخلية والسفارة السودانية والهيئة العامة
للاذاعة والتلفزيون وفرقة الفنون الشعبية ...الخ
يعنى مافى جهة ما لها جزء من المسئولية ليصبح الناتج الحكومة السودانية
والشعب السودانى فى نظر الشعوب الاخرى لاننا نعكس وجهاً غير حضاريا عن بلادنا ونسمح لامثال هؤلاء بتقديم هذا العرض الوضيع ..عن شعب متعدد
الثقافات والاعراق ..
بالله اتخيل بس لو كل قبيلة سودانية كان عندها ركن فى المهرجان
عن بيئتها وتراثها ومنتجاتها ورقصاتها وعادتها ..بالله المهرجان دا كله بشيل ..
بالله اتخيل الفلكلور والمنتجات السودانية من الابنوس والعاج والخشب والسعف والبروش والمننوحتات الخشبية والنباتيه _ القرع ) ..لا لو شالو حجار سااى قالو دا نموذج لجبال التاكا او جبل مره ما كان الموضوع كان اجمل ..
لكن نعمل شنو ناس متسلقة وتبحث عن مصلحتها الشخصية والبركة فى سامية شبو ومجموعتها وحاشيتها ..
بالمناسبة ووين الاسمو الزهاوى مالك ولا منو داك ؟؟ مش دا وزير الاعلام
والرماد ..
يا سمسم وينك ؟؟
اعود ..
| |
|
|
|
|
|
|
| |
البحيراوي
ahmed haneen
Al-Shaygi
ودقاسم
mohamed elshiekh
Muhib
فيس بوك
تويتر
انستقرام
يوتيوب
بنتيريست