بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 08:15 PM الصفحة الرئيسية

مكتبة صالح عبدالرحمن صالح ( تبلدينا)(Tabaldina)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

امي الله يسلمك

12-12-2002, 00:22 AM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

امي الله يسلمك

    أمى .. الله يسلمك

    ويديكى لى طول العمر..

    وفى الدنيا يوم ما يألمك ..

    امى .. الله يسلمك ..

    * * *

    أمى يا دار السلام

    يا حصنى لو جار الزمان ،

    ختيتى فى قلبى اليقين

    يا مطمنانى .. بطمنك

    أمى .. الله يسلمك

    ***

    خيرك على بالحيل كتير ،

    يا مرضعانى الطيبة بالصبر الجميل ،

    سا سعد أيامى وهناى

    لو درتى قلبى ، أسلمك.

    أمى .. الله يسلمك

    ***

    أنا مهما أفصح عن مشاعرى

    برضو بيخونى الكلام

    وقولة ( بحبك )

    ما بتكفى وكل كلمات الغرام

    يا منتهى الريد ومبتداه ..

    يا الليا .. الله يسلمك ..

    ويديكى لى طول العمر

    وفى الدنيا يوم ما يألمك ..

    أمى .. الله يسلمك ..

                   |Articles |News |مقالات |بيانات

12-12-2002, 00:39 AM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    حروف اسمِك

    جمال الفال

    وراحة البال

    وهجعة زول بعد ترحال

    وتنّية حلوة للشبال

    ودنيتنا ومشاويرنا

    وغنواتنا الى ما بتِنقال



    حروف اسمِك

    نجوم ركّت على الياسمين

    فرح فى عين جمالها حزين

    أساور فى إيدين طفلة

    بتحفظ فى كتاب الدين

    زَفَافَ عاشقين بعد فرقه

    وسط باقات دُعَا الطيبين

    حروف إسمِك

    عقد منضوم بخيط النور

    وطلة وردة من السور

    ونغمة تنادى من طمبور

    وشُعلة فرحة فى الوادى

    تَشِع جَذلانه ليها شهور



    حروف إسمِك

    وَكِت أشتاق وأرحل ليك

    وأسرح فى عسل عينيك

    بِتَحضِنّىِ......

    قَبُل ألمسَ حرير إيديك

    تأرجِحنى..وتَفَرحنى..وتخلينى

    أدُق سدرى

    وأقيف وسط البلد واهتف

    بريدك يا صَباح عمرى
                   |Articles |News |مقالات |بيانات

12-12-2002, 08:06 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 21112

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    يا سلااااااااااام

    على البوست الحلو والكلمات الأحلى

    "وقضى ربك ألا تعبدوا إلا إياه وبالوالدين إحسانا"

    وأنا هنا أسأل الله الرحمة لوالدي ولكل الحبان الذين رحلوا عن هذه الدنيا بعد أن طيبوا الثرى بطيب الإقامة


    ولي هنا قصة أريد أن أرويها

    عندما حكم على الأستاذ محمود بالقتل كنت في مدينة الأبيض وكنت وقتها أمارض والدي الذي يعاني من الفشل الكلوي، وكنت أقوم بعمل غسيل كلى برتوني له كل 6 ساعات يوميا، وكان ذلك مانعا لي أن أكون مع إخواني وأخواتي الجمهوريين في أيام المحنة والامتحان الصعب. وقد كانت لحادثة التنفيذ الأثر الأكبر على والدي الذي يعرف مدى تعلقي بالأستاذ وإعجابي بشجاعته وصدقه. وقد ظن أني سأفقد عقلي بعد تنفيذ الحكم ولكن لحكمة اتضحت لي لاحقا، نزلت علي سكينة غريبة وطمأنينة عجيبة. ولكن الحدث ترك أثره على والدي فأصبحا يكنان للأستاذ تقديرا واحتراما أكثر من ما كانا يفعلان من قبل وذلك من فضل الله علي وعليهما.

    وقد رحل والدي عن الحياة بعد سنة من حادثة التنفيذ. وقد قمت بإجراء غسله مع والدتي وتكفينه وكنت قد تعلمت ذلك من الأستاذ محمود نفسه حيث تشرفت بالمشاركة في كثير من غسل الجنازات بحضرته وكذلك مشاركته في بعضها.

    أما والدتي فقد رحلت عن الحياة الدنيا وأنا بعيد عنها وعزائي أنه قد رحلت وهي راضية عني فلها مني السلام وأسأل الله أن يتولاني ببركة رضا والدي عني وأسأله تعالى لهما الرحمة الواسعة.

    مرة أخرى لك الشكر

    والله يسلمك ويسلم ليك أمك وأبوك وأم كل واحد وأباه.

    وهذه صورة لوالدي أخذت في مصر عام 1962 ولست أريد من ورائها سوى دعوات القراء لهما بالرحمة والغفران والقرب من العزيز الديان.

                   |Articles |News |مقالات |بيانات

12-12-2002, 08:07 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 21112

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    آسف لعدم ظهور الصورة. يبدو أن الفايل كبير شوية.
                   |Articles |News |مقالات |بيانات

12-12-2002, 08:13 AM

انور عمر
<aانور عمر
تاريخ التسجيل: 10-15-2002
مجموع المشاركات: 559

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    السلام عليكم ورحمة الله وبركاته
    حقيقه اغنية جميله جدا وليس غرب ان تكون جميله لانها كنبت في اعظم امراة في حياة كل شخص منا الا وهي الام التي وصلي بها رسولنا الكريم اسال الله ان يعطي امهاتنا العافية وطول العمر
    ولك التحية على هذه الاغنية الجملية جدا
                   |Articles |News |مقالات |بيانات

12-12-2002, 10:40 AM

DR.NET


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    ياخي الحاجات الحلوة دي بتنكتوها من وين انتو
                   |Articles |News |مقالات |بيانات

12-12-2002, 10:53 AM

DR.NET


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    يا يمّـه .. ماانتهي جيتك وطالب منك الغفران

    أقبـّـل قاعة أقدامك واغسلها بدمعاتي

    يا يمّـه .. كل مافيني يناديلك أنا ندمان

    طلبتك؟.. قولي سامحتك وردي لوجهي بسماتي

    أنا أدري قلبك الطيب **رته بصدمة النكران

    غلطت .. وغلطتي هذي تغير كل غلطاتي

    تشوفي الشيب يا يمّـه ترى ماجا وأنا فرحان

    وربي إلي رفع ذاتك ونزّل للردى ذاتي

    فقدت الراحة من بعدك ...فقدت الطيبه والتحنان

    بدونك .. راحتي غاية بدينك هذي راحاتي

    أنا بعدك ولا حاجة أنا بعدك ترى عميان

    أشوف .. ولا أشوف إلي يوريني مساواتي

    أنا وسيد الشّـقى والهم من بعدك غدينا أخوان

    يجيب هموم هالعالم .. ويرميها بمتاهاتي

    صدقتي .. يوم قلتيلي تدين اليوم بس تندان

    رميتك في بداياتي...ورموني في نهاياتي

    أنا من شالك بيده ورماك بأسفل البركان

    نخيتيني .. وطلبتيني .. ولا حصلتي نخواتي

    مثل ماهنتي بعيوني .. عليهم قلبي يمّـه هان

    رموني وضعتهم فزعه ...وأنا الدمعات فزعاتي

    يا يمّـه لا تظنيني أنا من فعلهم زعلان؟

    سواتٍ فيك سويته وسوّو فيني سواتي

    يا يمّـه .. يالله ظميني ودفيني بهالأحضان

    أنا أدري فيك مشتاقه... وهمك بس ملاقاتي

    يا يمّـه (حيييييييل) ضميني أبي أرتاح أنا تعبان

    تعبت أهرب من ذنوبي ابيك آخر مسافاتي

    أبسمع منك أي كلمه .. لصوتك مسمعي ولهان

    أبسمع (يمّــه) بصوتك أبذكر فيها نشواتي

    أشوفك ساكته يمّـه ؟!!.. غفيتي ولا أنا غلطان؟

    غفيتي يا بعد عمري؟.. تعبتي من مواساتي؟

    يا يمّـه طالبك قومي .. إذا لي في عيونك شان

    أشوف الموت بعيونك...عساها تخيب هقواتي

    تعالوا يا بشر شوفوا أنا محتار أنا تلفان

    أنا أمّي مدري وش فيها أنا مدري أنا أحاتي

    شنو ؟؟ أمّي أنا ماتت !!! لا لا...ا ترى غلطان!!!

    أنا أمّي ما تخليني على حزني ووناتي

    أنا أمّي قلبها طيب ولا يمكن تبكي إنسان

    أنا أمّي ما تبكيني .. ولا تتمنى آهاتي

    يا يمّـه صح ما متي؟ ...وصح الموت تو ماحان؟

    إذا متي أنا بعدك أبقضي وين ساعاتي..؟

    يا يمّـه قومي يا يمّـه...وقولي الموت لا ما كان

    أنا جتيم وأنا ناوي أببدي فيك جناتي

    تركتيني ومتي ليـه؟؟ تركتيني وأنا غرقان؟

    ولا مسموح يا وليدي!! .. ولا تلعنك لعناتي!!

    أنا الجاني .. وأنا المجني... وأنا المخطي .. وأنا الندمان

    وأنا بإيدي رميتك إيه .. وبعثرت أهم ملفاتي

    وجيت من الهنا مفلس ... وقلبي من الضنا خسران

    تركتيني على ناري أعدد فيك زلاتي

    ولاني مرضيٍ ربي ...ولاني تابع الشيطان

    أنا بعدك ترى مابين نهاياتي وبداياتي

    يا يمّـه منتهي جيتك وكلي مرتجي غفران

    وشفت الناس تلعني ...وتحذرني من الآتي..،ء
                   |Articles |News |مقالات |بيانات

12-12-2002, 11:12 AM

انور عمر
<aانور عمر
تاريخ التسجيل: 10-15-2002
مجموع المشاركات: 559

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    عافي منك و راضيه عنك سو رضايا
    ما بيخيب الرضا والدتو يا جنايا
    إنت من يا دوب سغير من زمان دايماً معايا
    إنت ديما أمامي ساير ما بخليك بي قفايا
    ما بتغيب من عيني لحظه ولا حصل سبتك ورايا
    لامن الله يشيل أمانتو أنا ببقي خاصاك بالرعايه

    ليّ يرعاك البيرعي ليّ بيك يبرد حشايا
    أصلك إنت هديه منو والله بيك أجزل عطايا
    جيتني واحد مالو تاني رحمه في آخر صبايا
    قبل ما أفقد قدرتي و قبل ما تنهار قوايا
    جيتني زي بدراً منور و فجأه طليت في سمايا

    أسا لما خلاص كبرت دار تسيبني أعيش برايا
    دار تفارقني و تهاجر و الحزن يصبح جزايا
    كيف يهونلك تحزن أُمك شان تحقق ليك غايه
    كان مهاجر شان علاجي بلقي في شوفتك دوايا
    كان عشان تسقينا مالك نحن بي حنك روايا
    كان عشان كرعينا راحل نحن بي بعدك حفايا
    كان مسافر شان تعرس خير أبوك مالي التكايا
    خيرو وافر أبوك يحمدو مراحو مليان بالسعايه
    و بالقروش الجيب مجكن و لسه برضو الجايه جايا

    برضي منك ما بقصر بحفر أديك المعايا
    كان ده كلو شوي بتلقي في دهبي الكفايا
    أصلي من سويتو ناذرا يبقى لي أيام قسايا
    داخره للزمن البعاند و لي سعادتك يا عشايا
    إنت من شبيت سغير راسي ما بتحتاج وصايا
    ماحصل خيبت ظني ولا فشل فيك زين غنايا
    لا تسيب أُمك تهاجر يمه محتاجه الحمايه

    لا تسيبني وراك ترحل إنت ياك ضلي و ضرايا
    إنت فوق الحوبة مقنع إنت للمكشوف غتايا
    دايره منك تبقي جمبي جمبي في فرحي و بلايا
    دايره كان قحيت أتبنك أرفع أقسملك غتايا
    إنت ساعت تبقي جمبي بتبقي ضلي وتوب قفايا
    و ما بخاف ظلم الليالي و إنت ياك عكاز عمايا

    دايره أقضي عميري جمبك أصلو قارب للنهايه
    خايفه كان سافرت ترجع تلقي فاضي البيت بلايا
    حينا ما بتنفع قروشك و ما بتجيبلك أُم سوايا
    ماني عارفه سبب رحيلك يا وليدي شنو الحكايه
    إلا تبقي براك شايف في فراق الوالده غايه
    ما بعاتبك و ما بلومك لو رحلت و بلقي في الامثال عزايا
    علي حجر دايماً قليبك و قلبي كلو عليك جنايا

    عافي منك و راضيه عنك سو رضايا
    و ما بيخيب الرضا والدتو يا جنايا
                   |Articles |News |مقالات |بيانات

12-13-2002, 01:00 AM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: انور عمر)

    السلام عليكم ورحمة الله وبركاته
    الاخوان الاعزاء ياسر الشريف. ونا اسال الله أن يتولاني ببركة رضا والدين عني وأسأله تعالى لهما الرحمة لي والديك.
    الخ انور عمر شكرا جزيلا على مشاركتك الجميله
    والخ DR NET
    شكرا على المشاركه الجميله
    والله يا DR NET
    يوم كنت قاعد جنب الجهاز وانت عارف الغربه
    اتزكرت امي اتمنيت لو امش هسع السودان بس اشوف امي واجي راجع
    وبدون اي انزار جاتني دندنت الاغنيه امي الله يسلمك
    طوالي فتحت البورد وكتبت الاغنيه
    والله بارك الله فيكم وبي شعوركم الجميل
    ولكم من كل الحب والتقدير والاحترام
                   |Articles |News |مقالات |بيانات

12-17-2002, 11:18 AM

DR.NET


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    والله يااخ امدرمان بن سودان
    الحنين للام والحنين للوطن
    هم اصعب مايمر علي الشخص في الغربة
    الله يهون عليك غربتك وترجع سالم غانم للامين الوالدة والوطن
    انت وانا وكل متغرب عن الوطن
    اااااااااااااااامين يارب العالمين
                   |Articles |News |مقالات |بيانات

12-18-2002, 12:38 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    ..
    .


    اكتب ليك
    رسالة طويله بى دمى
    اقالدك فيها يا امى
    واضمـك ساعة فى حضنى
    ***
    وحاتك لا بخط عنوان
    ولا بكتب اسم انسان
    وما برمى الجواب فى بريد
    وما بديهو لى زولا
    كمان فى الايد
    ***
    كفايه اقيف
    وانقش فى جناح الريح
    كلامى الدايرو يوصل ليك
    ***
    وازيدك فى الكلام تسبيح
    يخلى الريح تترتر
    فى المسافه عروس
    تحيل كل الصحارى بروش
    مضفره بى سعف بلدى
    وملونه بى مشاعرى اليك
    يا امــى
    ..
    .
    تحياتى لكم واشواق لى لامى
    ولكم
                   |Articles |News |مقالات |بيانات

12-18-2002, 12:54 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 21112

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: Tabaldina)

    تشكر يا تبلدينا يا أمير

    وينك.
    كل سنة وإنت طيب

    لم تفدني إن كان الكتاب قد وصلك سالم ؟

    لك التحية
                   |Articles |News |مقالات |بيانات

12-18-2002, 03:24 PM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: Yasir Elsharif)

    تسلم يا تبلدينا
    والله يديك العافيه ياريت نكتب كمان وكمان عن.. الام... والوالده.... الحنان.... الحب....
                   |Articles |News |مقالات |بيانات

12-19-2002, 11:26 AM

انور عمر
<aانور عمر
تاريخ التسجيل: 10-15-2002
مجموع المشاركات: 559

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    <body onfiltered="window.alert('شي جميل باسم الام الله يديكم العافية ')">
                   |Articles |News |مقالات |بيانات

12-21-2002, 01:22 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: انور عمر)

    ..
    .



    اعود
    باذن الله
                   |Articles |News |مقالات |بيانات

12-21-2002, 01:24 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: انور عمر)

    ..
    .

    شوفى الزمن يا يمه
    ساقنى بعيد خلاص
    دردرنى
    واتغربت
    واتبهدلت
    ورينى الخلاص
    ساقنى القدر منك بعيد
    لآذايا كأس
    ***
    يا يمه
    يا فيض الحنان الما كمل
    يا يمه
    يا بدرى البشع دايماً يهل
    يا يمه
    يا نور الصباح وكتين يطل
    واشرى يا (زينوبه) ولدك
    فى دروب الشوق كتل
    محروم من الحب والمحنه
    وراك همل
    ***
    يا يمه
    يا بحر المودة وكت يفيض
    يا يمه
    يا شعلة أمل زادت وميض
    يا يمه
    يا عنقود كلام منظوم قريض
    يا يمه
    يا نغماً حس بالشوق يرن
    وافكارى فيهو .. بيرتعن
    دمعاتى شانو .. بينزلن
    ***
    واتذكرك يا يمه
    فى الدغش النسايمو يهبهبن
    قايمى الصباح متكفلتى
    شايلى الحليلى على المراح
    والساعة ديك يادبو ديكنا بدا الصياح
    والطير ضغارو يغردن .جبتى اللبن بانشراح
    ***
    واتذكرك يا يمه
    ساعة الهجير صالاكى نار الدواكى
    عُستيلنا الفطير
    رشيتى قلتى اكلوهو ...خير
    واتذكرك يا يمه
    يا بسمة الطفل الغرير
    وكت الخلوق ترقد تنوم
    واسهر براى أرعى النجوم
    والشوق يرف جنحيهو
    بى فوق لى ..يحوم
    ,اهتف باسمك فى الخيال
    طيفك كمان بي فوقى جال
    واتمنى لو لحظات يدوم
    لكنى فجأة القاهوو.. زال
    ***
    واتذكرك يا يمه
    ساعة الناس يجونا من البلد
    ناعم ترابا على جسيماتن رقد
    ريحة التمر فوق الهدوم
    لون الخدار خانس لّبد
    والشوق أولرو بيشتعل
    كان ظنى فيهو يكون خمد
    ***
    واتذكرك يا يمه
    والناس قالو قايمين البلد
    رصو الهديمات ..عدلوا
    ركبوا اللوارى .. وقبلوا
    خلونى وحدى بلا أنيس
    كيف انفرادى ..اتحملوا
    شالوا السلام من عندى ليك
    وان شاء الله عندك يوصلوا
    ***
    يا يمه
    ساعة يوصلوا
    ويقولوا ليك ..شفناه فى بلد الامان
    مبسوط ورايق فى امان
    أنبسطى يا نبع الحنان
    وانا حالى يشهدبو الزمان
    يا يمه رسلى لى عفوك
    ينجينى من جور الزمان
    يا يمه
    رسلى لى عفوك
    ينجينى من جور الزمان


    لنا عودة

    (عدل بواسطة Tabaldina on 12-21-2002, 01:39 PM)

                   |Articles |News |مقالات |بيانات

12-21-2002, 02:13 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    ..
    .
    لا ادرى لما لا اسمع تلك الغنية

                   |Articles |News |مقالات |بيانات

12-21-2002, 02:46 PM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: Tabaldina)

    سلام عليك تبلدينا
    والله انا زاتي ما سمعتها الاغنيه
    لاكن شعر جميله والله وشكرا ليك على المشاركه الجميله دي
                   |Articles |News |مقالات |بيانات

12-21-2002, 03:06 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    ..
    .
    ود ام در سلام

    لابد ان هناك مشكلة فى اللينك الاغنية
    هى ( امى الله يسلمك) اداء عاطف السمانى
    بس خذلتنى والله

    الشعر للشاعر
    تاج السر عثمان الطيب
    والذى قيل فى 27 فبراير 1971م

    سلام
                   |Articles |News |مقالات |بيانات

12-31-2002, 09:23 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    ..
    .

    يوم فى الغربة
    ماشى براى وشاقى الحّى
    لقيت وحيدة زى امى
    ترضع فى وليدها صّبي
    ويعصر فى ضريعها شديد
    يناتل فوقه يصرخ وى
    وجيتها قريب !! لقيتو ضريعها ضرع أمى
    دارى غزير أظنو لبّى
    ***
    وقفت شوية واتأملت فوقها كتير
    لقيت فى وشيشها اغرب شئ !! عيون امى
    وفى حدقاتو تلقانى
    أحفظ فيه اشعارى
    ويدمدم بقصيدة لى
    واشوف فى قمرة وش امى
    ..........
    ............
    ..............

    عفواً حاولت ان اكتبها من الراس
    ولكن وجدت ان الكبر دخل
    ولا بد من الاستعانة بالكراس

    دعونى ابحث واعود

    تحياتى
                   |Articles |News |مقالات |بيانات

01-31-2003, 11:44 PM

omarmahdi

تاريخ التسجيل: 02-17-2002
مجموع المشاركات: 566

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: Tabaldina)

    (عدل بواسطة omarmahdi on 01-31-2003, 11:46 PM)

                   |Articles |News |مقالات |بيانات

03-20-2003, 01:50 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: omarmahdi)

    ..
    .

    التحية لاعز حبيبة فى الكون
    الى امى العزيزة
    فى عيدها
    اسال الله لها دوام الصحة والعافية
    وان يمد الله فى عمرها وعمر امهاتكم




    التحية ليك
    يا موصــلى

    دمت
                   |Articles |News |مقالات |بيانات

03-22-2003, 05:55 PM

قرنفل

تاريخ التسجيل: 12-11-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: OMDRMAN)

    OMDRMAN سلام
    أمى .. الله يسلمك

    سلام لكل امهاتنا

    سلام لكل الامهات فى هذا الكون



    قرنفل
                   |Articles |News |مقالات |بيانات

03-24-2003, 10:39 AM

مهاجر
<aمهاجر
تاريخ التسجيل: 11-23-2002
مجموع المشاركات: 2997

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: قرنفل)

    شكرا لكم اخوتي
    حقيقة لا تشعر بقيمة امك الا في الغربة الخائنة
    والله اقوم الصباح اسمع نفس النصائح قبل الخروج
    اشرب احلي شاي
    ارجع تشوف التعب في وشي وتتعطف علي بكل حنية
    تسال اذا غبت وقت الوجبة
    في الغربة تسال كيفنك عايش واكل كويس
    واعمل كذا وكذا
    حقيقة ربنا يحفظ كل اهلنا وامهاتنا
                   |Articles |News |مقالات |بيانات

03-24-2003, 07:31 PM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: امي الله يسلمك (Re: مهاجر)

    TSLAM tslam
    mohajeer
                   |Articles |News |مقالات |بيانات

03-24-2003, 08:09 PM

moody


للتواصل معنا

FaceBook
تويتر Twitter
YouTube

كيف احذف مداخلة من بوستى

re (Re: OMDRMAN)

    الى الجميله الرائعه
    الى المراه الوحيده التي احبها واتاكد من حبها لي
    امي الغاليه
    لك التحيه اينما كنتي
                   |Articles |News |مقالات |بيانات

03-25-2003, 01:44 PM

ba7ar

تاريخ التسجيل: 12-26-2002
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: re (Re: moody)

    امي .. امي ..امي يا امي يا امي
    امي يا اجمل كلمة بقولا يا احلي نشيد يا نغمة جميلة
    امي حنان وامل وورود
    .....
    ....
    امي الجنة تحت اقداما
    امي الرحمة دوام قداما
    امي حنينة وامي جنينة
    حنانا علينا نور عينينا
    بتربينا وبتراعينا وتسعد بينا
    تخلي حياتنا تملي جميلة
    تخلي حياتنا تملي جميلة
    واحلي نشيد
    احلي نشيد
    نقولو نرددو يوم العيد
    يوم عيد الام


    رجاء يا شباب العارف باقي النشيد ده يكملو لينا
    ما بتتذكروهو ايام جنة الاطفال

    تحية لكل الامهات في عيدم الما اتذكرناهو
    الله يلعن الحرب
                   |Articles |News |مقالات |بيانات

03-25-2003, 06:16 PM

OMDRMAN
<aOMDRMAN
تاريخ التسجيل: 01-24-2293
مجموع المشاركات: 258

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: re (Re: ba7ar)

    tslmoo o7ar & moody
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de