.. . أنت الصباح الصاحي وانت الغروب الباهي وانت المياه العذبة وأنت النسيم الصافي *** اهوى العيون السوداء واحب سمار فى خدودا *** بهواك وازيد فى حبي مهما تزيد فى جروحي دا قلبي راح لقلبك يا سيدي مالك روحي *** أنت الصباح الضاحك وانت الغروب الباكى وانت المياه العذبة وأنت النسيم الصافي
يا الله !! بالله يا تمبس / راكوبه / ود الحاج اى زول عندو الاغنية دى يرفعها لينا هنا معليش عارفين فى مشكلة باندويث بس الاسبوع غرق فى بحيرة الموناليزا وجبال الاوباش ومستنقع البرابرة .. يعنى دى ما بتفرق كتير واهو ندردش ونطلع من المود دا .. واعتبروها حالة هيام سريعه كدا وعشان كدا خطرت على بالي.
.. . هووى يا تامبا بطل حركات ولا بكلم ود ام بعلو .قصدى ود قاسم هو انحنا كن لاقين كان شحدنا على الهواء شوف الناس دى حسع منتظرة كيف عامل لي فيها بتاع سيف فب بي سي وكدا جيبها ان شاء الله من كاسيت ..
سي يو فى الويك اند ..
سلاموز
03-17-2004, 04:40 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
هات اوف تو يو بالامريكانى ،، كيف يا منقة ؟؟ والله ليلنا ضو وبق نور .. كيف اخبار حلة حمد والاغنية شديدة بس دايره ليها صفقة قوية بلمك على بت قضيم عشان تشيلوها سوا ..
03-17-2004, 10:20 AM
بت قضيم بت قضيم
تاريخ التسجيل: 07-05-2002
مجموع المشاركات: 2048
.. . جدا بس انت صوتك كيف ؟؟ عينى فى عينك وبصراحة بدون مجاملة ..سمح والله يا بنية انا زى ما قلت الاغاني مواقف والله الاغنية دى السنة الفاتت غنتها واحدة فى السودان فى قيدومة عرسان كدا عمر الزهور يعنى العريس 24 والعروس 21 يعنى زواج مبكر .. وكدا شوف الدني حظوظ كيف ؟؟ وبمناسبة الزواج المبكر دى اتذكرت لى نكته ..قالو ايامات الهيجة بتاعت الزواج الجماعي وصحيان البكور فى السودان اتنين مساطيل كدا كانو فى لمه عرس .. اها تبلدينا قال لصحبو .. يا فردة رأيك شنو فى الزواج المبكر ؟؟ طوالي دكين اتلفت ليهو وقال ليه هو دا بصحو ليهو الساعة كم ؟؟
قرقرقرقر .. ما تنفقعي فى المكتب ..
بجي والله ردك طار من راسي داارتجلتو حسي دا مع العشاء .
03-17-2004, 04:46 PM
nada ali nada ali
تاريخ التسجيل: 10-01-2003
مجموع المشاركات: 5258
.. . شكرا ليك للدعم الفني يا ندي عليك الله تعالى بهنا عشان صوت تمبس دا شين والله كن سمعتيهو تجرى .. بع بع بع دا كلو من اكل السمك
ناس حنينة الخواجية فى الحالة دى نغنى ليها سال من شعرها الذهب وتدلى وما انسكب كل ما عصفت به نسمت ماج واطرب ترت ترت تررت ترت .. انشاء الله بس ما تخذلنى والنسمه بتشيلو بالجد مش زى شعيرات بت قطيم ..
دمت وخليك فى الحلقة
03-17-2004, 04:53 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
والله ما عندى حننتنى كنت بنزله ليك عشان عارف لما الزول تتطق ليهو حاجه زى دى بكون كيف وبعدين بقول فيها: انت الصباح الضاحك انت الغروب الباكى
وبعدين الا توافقنى انو صلاح محمد عيسى ده مظلوم بالله ما شفتوا كيف لما يقول ليك هاتى كاس هاتى خمرى ثم هاتى العود هاتى ياسلالالالالالالالالالالالالالالالالالالالالالالالالالالالالالالام
03-17-2004, 07:24 PM
tmbis tmbis
تاريخ التسجيل: 10-19-2002
مجموع المشاركات: 24862
وزي ما شايف الشاعر ارهابي .. ومن مجموعة عمو اسامه لانو جاب سيرتو اذا كنته قاصد عيون من طرف .. دي فيها عيون الاغنية دي .. وبنزله ليك بي صوت التاج مصطفي لحدي ما تلقي العيون القاصده اما اذا كان عندك قصد مع عيون معينة .. انا ما بقدر اساهم معاك .. يا كمان اتوكل علي الله وخلي بت قطيم تغنيها ليك ..واشتري ليك بنـــج فكر غايتو بكره معانا والا مع الخيانة ؟؟؟
03-17-2004, 07:39 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . بلطـــى دا !!! لو بتعشونى سمك زى المره الفاتت معاكم مالى ومال الخيانة والفول المعلب .. موردة بس ... عندك 24 ساعة لو مافى استجابة من بقية الشباب اقتحم موقع الارهاب والساده لونو خمرى قلبي حباه بالله شوف الناس ديل والوصف .. ليك الله وعيشت السوق انت من الخمرة .. تموتو مغص يا العزابة واما كمان ..
داير ارد لبت قطيم دي .. بجيك تانى
03-18-2004, 11:19 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: بالله ما حننتك .. بس صلاح مظلوم بالجد ظلم الحسن والحسين
أنا ما عارفك قاصد منو صلاح محمد عيسى ولا صلاح شتات تقوم تجيب لينا المشاكل .. الأغنية رائعة بالجد .. وزوقك خطييييييير .. وفي إنتظار تمبس لما ينزله لينا .. تسلم يا رائع
03-18-2004, 11:37 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . هووى يا اسعد يا اخوى لقتونى برلم ولحستو راسي سااى انا دا لونى لا اضلم ولا حاجة انا لونى خمرى وكمان مش خمرى خمره خمرى جن وولكر بعدين انحنا بتاعين كلو ..خت خطين تحت كلو دى ،،
بس بينى وبينك وتحت التربيزة كدا لكل مقام مقال بعدين خلينا نطلع من المود العالي داك الجاب خبر عادل على الاقل ياخد استراحة من الضغط النفسي بالمناسبة ووين زعيم الظلاميين ود الريح ..
نشوفك فى الاغنية الجاية
وجزاكم الله خير ...
03-18-2004, 11:57 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . سلام يا ابو الدفاع اها بكره مافى دافوري فى الخنشليلة ؟؟ والله الناس دى بتقول عنى ساى .. عليك الله انا مضلم دا انا متظلم منهم ما عارف ليه اظنهم عايزنى اخيط لسانى دا ..
صلاح منو المظلوم .شتات والله دا ظالمنى انا زى ظلم الحسن والحسين بس لمن الم فيهو
تسلم يا حبيب
03-18-2004, 02:32 PM
sheba sheba
تاريخ التسجيل: 12-15-2002
مجموع المشاركات: 1874
والله ياشيبا من الصباح الواحد قمة فى ال depression لم يتبدد ويزول إلا بسماع هذه الكلمات الجميله وطال إنتظارى لتنزيل الاغنيه على هذا البوست من الرائع تبلدينا لكم جميعاً الود والتحيه ودمتم
03-18-2004, 07:04 PM
Rawia Rawia
تاريخ التسجيل: 11-23-2002
مجموع المشاركات: 8396
Tabaldina, you might not believe that i maintained listening to this song repeatedly for the last six hours أهوى العيون السودا وأحب سمار فى خدودا * * * إنت الصباح الضاحك وإنت الغروب الباهى إنت المياه العذبه وإنت النسيم الصافى * * * كُف عيونك عنى لغة العيون كاتلانى حب الجمال جننى وشوق الوصال أضنانى * * * كلما تزيدقى صدك كلما أزيد فى نوحى وقلبى داير قربك ياسيدى مالك روحى * * * إنت الصباح الضاحك وإنت الغروب الباسم إنت المياه العذبه وإنت النسيم الصافى * * *
أرجو ممن يعرف البقيه يكمل مع الشكر والتقدير
03-20-2004, 07:18 AM
بت قضيم بت قضيم
تاريخ التسجيل: 07-05-2002
مجموع المشاركات: 2048
.. . بالله الاغنية من امبارح شغالة وانا مع ناس امريكا شيكا بيكا بالسرعة دى يا راوية .. عارفه هنا ما عندنا الويك اند خميس جمعة زى بتاعكم بتاع اللليلة دا،، قالو عندكم رحلة بكره فى حدايق فرجينا؟؟ براكم يا غتيتين انا وبت قطيم جايين بالبنطون
شيبا بالغت يا روعة والله دى دبل امباكت الاغنية ومصطفي شكرا ليك كتير كتير كتير ويا تامبا اقعد طارد لي الغولاطيين (جمع غولاط ) ناس شتات ود قاسم قال لونه خمرى خليها الشهر الجاى
سوركتى اها الدبرسة فكت بختك يا عم ؟؟ التكسر باين عد النجوم بس .. وتبكب بس ..
بلدي يا حبوب والله بوستنا تنورى عديل كدا سمعت النكته دى .. قال المغترب بعد كفاح 7 سنوات نزل مشتاق للسودان والبهجة ومليان قروش المهم قبل ما يصل حلتو الدون جاى مننا ديك قام كسر ركبه فى ركن من اركان المثلثة ، المهم الحلووين سالوهو عايز تبتهج قال : اكيد قالو ليه : اها جاهز قال : ما عندكم عوجة اى مبلغ تحتاجو ليهو منالدولاب تاخدوا اها هاك يا بهجة وطرب وغنى وقعدات وبلاك ليبل ومذات وعشاوات وطرب وغنا: يا حلة تنورى .. بالله تنورى شهر والحال كداكل ما يقولوا عايزين حاجة كدا يقول ليهم الدولاب لمن تم شهر جات الساعة 12 مازول من المبتهجين اشتغل بيهو قام سال : الحاصل شنو ياجماعة قال : ادينا الشرتيت قال ليهم ما فى الدولاب الدولاب المعلمة : قالت ليهو مافى قروش صحبك جاتو هستريا ..كملتو القروش كلها وليه ووين وكيف ومتين ؟؟ طبعا ببرود المعلمة قالت ليهو ومال حلة تنورى دي كل يوم بتنور من ووين ؟؟؟ بايخه مش
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
بت قضيم
nada ali
صديق الموج
Rawia
ASAAD IBRAHIM
معتصم دفع الله
sheba
بلدى يا حبوب
sourketti
فيس بوك
تويتر
انستقرام
يوتيوب
بنتيريست