.. السمحة قالوا مرحلة .. بعدك الفريق اصبح خلا .. جانى الخبر ،، جانى البلا والسمحة قالوا مرحلة .. قول يا لسان فى الراحلة .. صوغ المعانى وجملا .. نافر وما عارف العلى .. حالى العلى حال الخلا .. يا عينى جافيتى المنام .. وخدودى دمعك بللا .. وين بعدك القى عطوف .. يلم افكارى بعد البهدلا ..روح يا نسيم روح قابلا .. تلقاها نايمة وغافلة .. داعب لخصلات شعرها .. والثم ضفايرا مسدلة .. وارفع كتيفها الهادلا .. وكلل خدودها وقبلا .. وقول ليها من بعدك خلاص .. شفت الفريق اصبح خلا .. يا ربي لحظات الوداع .. امثالى كيف يتحملا .. الليلة بوصيك بالحبيب .. عندك امانة تحملا .. وتديم على الخير والهناء .. وكل يوم تضاعفوا الحلا .. قلبي الحنين من قام صغير .. طول عمرو لا جفا لا سلا والسمحة قالوا مرحلة .. بعدك فريقنا اصبح خلا .. . سطعت الثريا فى سماوات الحوار وساحات النقاش ، فأثرت الحلقات والمنتديات وسرى عبير كلمتها وعمق اخائها وودها وحبها عبر منتدي سودان نت ومنتدى النيل ومنبرنا الحر هذا ، كانت شعلة متقدة فى يوم الجالية السودانية بواشنطن مع تكريم الروائع ، حملت راية حب لارض عزة حب الاخرين لم تحمل ضغينة ولا حقدً ولا غضباً عطرت بشذاها الحارات والزوايا ، امتشقت حسام الحرف وتطويع الكلم كانت تصول وتجول هنا وهناك تنفح شذاها معطرا برائحة المودة والتواصل هكذا كانت بنت الخال د.ندى تبث النبض فى الحروف وروائع الكلمة لا تملك بيتاً تنزع فيه تعبها لكنها كالبرق يبشر بالأرض وتبشر أن الأمطار ستأتى دعونا نقف تقديرا وتكريما للحظات وداع نسال ان تكون قصيرة لبنت الخال السارا وندعو لها بالتوفيق والاقامة الطيبة اينما حلت وارتحلت ونتمنى لها نجاحاً باهرا وعملا موفقا فى المستقبل القادم دوما تحياتى امنياتى دعواتى لكِ وله بالتوفيق
ود العمة العزيز أخاله بلأمس ذلك اليوم الذي خطوت فيه أولى خطواتي في بورد سودان-نت كنت امشي بتردد ... انظر حولي فأجد كل الناس اتنين تلاتة اربعة ... وجدتني وحيدة لا أحد يسمعني و لا أحد يردد أغنيتي قرأت لك بوست بعد غياب لك طال فوجدتك تذكر اسمي وسط آخرين تحييهم ... يومها علمت أنك أخي ... و دبت الثقة في كلماتي و تسارعت خطواتي اليكم فوجدتكم اسرع الي ... قضيت معكم في المعذرة أياما أثرت روحي بالحب المتدفق بلا حدود و لا فواتير ... كنت أدهش وأنا أراكم بكل هذه الأناقة يوما بعد يوم ... أسعدني التواصل معك و معهم.. و كانت كلمة سرنا كل الناس هنا كل النس صحاب كل الناس أهل ... أياما كانت كالحلم و أجمل ... لن أنساكم فانتم وشم روحي الباقي ما حييت و لن أغادركم فبعض مني تركته لكم لعلمي انكم سترعونه خير رعاية
لك مني يابن عمتي العزيز مناديل فأل أبيض كقلبك المتسامح و أشرعة ود تمتد بأمتداد الأمل و الوفاء و نحن بينا شنو؟؟؟؟؟
06-13-2002, 08:25 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
48ساعة منذ ان نشرت هذة الدعوة 60 زائر وضيف 36 ساعة منذ شرفتنى المحتفى بها بنغماتها وعزفها المنفرد الذى يلمس أوتار العشق الاخوى والود المتأصل ولكن هناك خطأ ما هل هو فى المحتفل ام فى المحتفى به ام فى عنوان الدعوة فاذا اعود فاجد دعوتى هذه تقبع خلف الكواليس وحفلى هذا لم يشرفه الزوار ولكننى قادر على التغنى للقمر واكمال الحفل ساغادر للديار خلال 40 يوما ساقدم فى هذا الحفل 35 قصيدة او ما يزيد تغنى بها الراحل المقيم تكريما لصاحبة الشرف وانى قادر ان افعل وعليكم فقط بالمشاهدة والاستمتاع
الغالي التبلدي والله لن نترك لك هذا الشرف وحيدا تقوم به فالمحتفي به ماذالت كلماته فينا لحنا واغاني وسوف ابدا معك هذا الاحتفال الي ان نتعود بعد مبتغاها اذا شئت فلا نقف ولا تحدنا حدود باذن الله بحثت كثيرا عما اهديه لها وجدت هذه الاغنية عزيزة علي اهديها بكل تواضع تبلدبنا انت اصيل ولكن لسنا اقل باذن الله وان كنت تفوقت علينا مبادرة ولكن اعزنا لم نرها واظنه عزرا قبيح فقامة مثل السارا لابد من مبادرات ومبادرات وبسم الله ابتدينا
06-13-2002, 08:37 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
... حاجة فيك تقطع نفس خيل القصايد تشده أجراس المعابد ... توهتني عذبتني جننتني جننت حرف الكلام وبرضو آدتني السلام حاجه في شرف المداين في غرف كل السفا ين جوه في عمق المناجم والعيون حاجه زي ما تكون محلق في العواصف فجاءه تهبط للسكون حاجه زي نقر الأصابع لما ترتاح للموسيقي حاجه زي أخبار تناغم في جريده حاجه زي وتر المواني لما يصدح لي سفينه حاجه فيك لابتبتدي ... لابتنتهي خلتني ارجع للقلم واتحدي بالحرف الألم واضحك مع الزمن العنيد وانسف متاريس الطريق واعرف متين ابقي المطر وافهم متين اصبح حريق حاجه فيك حاجة فيك .. . التبلدى ..جسر للتواصل
حبيبنا تبلدينا المتالق والله فراق السارة جفف كل الأقلام وغطني الدهشة فبنت خالك هي التى تطبب جراحاتنا ولا زالت الكلمات تخزنلي وتمارس هوايتها المفضلة ليس لي كثير قول فانمانحسة تجاه الدكتورة لاترقى كلمات للتعبير عنه موفقة يالسارة سالمة يالسارة غانمة يالسارة في كل خطوة تفوق وتفوق يارب ياقادر
06-13-2002, 08:53 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
يامدغة في قلب الخوف بتونس روحي وتحجي بترجعي لعيوني الشوف إتلومي دايما وإترجي مشتاق أبداً ملهوف واقف في دربك مترجي وحجيجك بي قلبي يطوف وجواي بتعمري وتحجي أنا جيتك مكسور خاطر جيتك مجروح ولقيتك مخنوقة الصمت الفي عيونك بالبوح ممحوقة الزمن البين ضحكتك والخوف مسكنك كل الانفاس الحية سلمتك مفتاح الروح لو تعرفي يوم هدهدتك في ليل مستجدي القمره اقدامك ماتت في الصحراء وإيديك في البحر بتتوضأ كم حائط بيناتنا إتهدا والصوت من عندك ساور طاوعت الرهينة وغنيتك غنيت للمرأة الوردة
والله نحن مع الطيور الما بتعرف ليها خرطة ولا في ايدها جواز سفــــر نمشى في كل المدائن نبنى عشنا بالغناوى وننثــر الافراح درر الربيع يسكن جوارنا والسنابل تملا دارنا والرياحين والمــــــطر والحبيبة تغنى لينــــــا لا هموم تسكن دروبنا ولا يلاقـــينـا الخطر وين يلاقينا الخطر 00 لو بقينا مع الطيور الما بتعرف ليها خرطة الا باكر يا حليوة لما اولادنا السمر يبقوا افراحنا البنمسح بيها احزان الزمن نمشى في كل الدروب الواسعة ديك والرواكيب الصغيرة تبقى اكبر من مدن ايدى في ايدك نغنى والله نحن مع الطيور الما بتعرف ليها خرطة ولا في ايدة جواز سفر
اذا عادت بنا الايام الى الماضى كتبت على ثوان العمر شعرا لا يدانيه غناء الطير وهمس الماء ووشوشة هى فيه ركبت زوارقى ابحرت في شعر لها مجدول جعلت مشاعرى جندول اذا عادت بى الايام يوما ايها الاحباب وأنا ملاحه الفرحان يطرق مقلة الابواب أدق ليس يعنينى لاننى قادم من حاضر اللحظات للماضى ولى شوق سيشعل صمت هذا الزورق الهادى فيدفعه الى الوادى الى افق انيق النجم صـداح البساتين واشدو حين تأتينى فتاة لثغة العصفور انفاس الرياحين بكفيها ولى في عمق هدبيها حكايات واشعار ولى في شعرها المعطار اخبار اذا سالت على وديانها الخضراء امطار
وللتبلدي التحية وساعود حتما
06-15-2002, 09:43 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
عبد القادار الكتيابى .. . على بابك .. نهارات الصبر واقفات .. بداية الدنيا هن واقفات .. وكم ولهان وكم طائر بعد نتّف جناحو وراكا لملم حر ندامتو وفات .. قطع شامة هواك من قلبو .. إلاّ هواك نبت تاني وعلى بابك وقف تاني
الغمايم شاقى بطن الليل مسافر فيها وحداني وبدون جنحين .. اغنيك الهنا المافي .. واغنيلك رهافة حسّو .. يفنى على جبين آمالو .. ويحلم بالشتا الدافئ ..وقدر مايمشي في سور الزمن خطوات .. الاقي خطى السنين واقفات .. .. الاقي هواك نبت تاني و ملا الساحات .. . التبلدى يتواصل
06-15-2002, 09:47 AM
banadieha banadieha
تاريخ التسجيل: 02-04-2002
مجموع المشاركات: 2235
الدنيا ليل غربة ومطر وطرب حزين وجّع تقاسيم الوتر شرب الزمن فرح السنين والباقى هداه السفر ياروح غناى 00 الغربة ملت من شقاى 00 وغربتى وبقيت براى 00 حاضن اساى الوحشة ملت من اساى 00 ووحدتى لا غنوة لا موال يكفكف حسرتى غير الدموع ياملهمة 00 الغربة مرة ومؤلمة الغربة مرة ومؤلّمة قولوا للنيل ضفة ضفة 00 والعشيات لما تصفى والنسيمات البتاخد من عفاف ريدتنا عرفه انو شوقى يفيض بحر شوقى شوق انسان مضيع ضيعو الليل والسهر شوقي شوق انسان معذب عـذبو النيل والقمر لا ينابيع ريدي جفت لا ولا اشواقى خفت كل يوم فى الغربة زايدة وبيها كـل الدنيا عرفت الدنيا ليل غربة ومطر وطرب حزين وجع تقاسيم المطر شرب الزمن فرح السنين والباقي هدّاه السفر
06-15-2002, 11:27 AM
rummana rummana
تاريخ التسجيل: 02-05-2002
مجموع المشاركات: 3537
خليني أقراك مرة صاح عكس إحتشادك في الحروف لا غاب معاك وعي الطريق ولا بيك زكاني الزمن ماشيك وعارفك يا حريق في يوم غماماتك بجن فرهد غيابك أغنيات وظلت أراضي اللقيا بور بلقاكي يا كل الطيور مسجونة والحرية سور بلقاكي بيناتنا الثبات بيناتنا شمس البكرة في لحظة مخاض طول الوجع رشّح مواطن العافية فيك خلاني أرجع وأبتديك وأقراك من كل الجهات وما بين أقابلك ومشتهيك كان حلمك الأول ترف وكنتي الصبية الغايبة في زحمة حجا .. وكلمة شرف وكنت الزوايا الميتة في متحف خزف وكنت الوصايا العشرة واللون الشحيح سميت مساحاتك حكر كل البيحلمو بالشمس هاجرت من واقعك عبث وسكنت فيك ضد السكون كل الكان ممكن يكون طارت ضفيرتك ليل غنا جدلة صبر وطولة نفس وما بين أقابلك وجيت عليك
كان عندي بس نحن والجرح الثري وخيبة أمل أم الشهيد في الكلمة والوجه الجديد وكان إحتقان نبض الزمن ونوم الطفل فوق للدمن يا صاحية بالحاصل علي يا نايمة عن فقري البليد سميت منافيك الوطن وصبحت مناحاتك نشيد
في عيونك ضجة الشوق والهواجس ريحة الموج البنحلم فوقه بى جيت النوارس ياما شان زفة خريفك كل عاشق ادى فرضه وما في شمسا طاعمة طلت الا تضحكى ليها برضو والغمام الفيك راحل في الصنوبر يلقى ارضه والصباح يمتد ياما كل ما جاوبتى بنضه ونشتهيك... ياما نحلم نحكى ليك عن المسافة ونشتهيك عن سفن بالشوق بترسم في بحيراتك ضفافها ونشتهيك عن ملامح غنوة طلت في عويناتك هتافها ونشتهيك عن حقيقة نهاتي بيها وفي اساطير الخرافة يا صباحات الموانى حتى لو دربك ترنح في مشاوير الاغانى الجرح ارتد بينا لى زمان الآهــــة تانى يانا لابنتحاشا صدك لا بتموت فينا الاغانى يا غنانا المشتهينو يانى موعود بى زمانك بى مواقيته البرنو بى ارتعاش صرخة وجودك يوم يطل ميلادى منو لما اتوسد صباحك يا تو ليل يفصلنى عنه
مصطفي سيد احمد ...هو ديوان السودانيين المفتوح ...يانبي امة المشردين ومسيحهم المصلوب علي اريكة معاناتهم المتصلة ... هو حاجة فينا .... لكل الذين ساهموا بشئ من شعره منكم نستزيد ... مصطفي سيداحمد هو وحده في مماته ومحياه النسيج الضام لوحدتنا التي تهددت بعده وعندما نصغي اليه نتذكر وطنا واحدا متحدا اسمه السودان .....
06-16-2002, 06:51 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
لا زمن حبك حقيقة لا تعب زمنك فرح لا دغش وترك صدح لا بعد ليلك صبح يا خطوتك يا خطوة الوجع الجرح لا الفيها منك إبتدا لا بيها منك إنتهى يا خطوتك يا خطوة ضاعت بين صراخك والصدى بين المشاوير والنوى بينك وبين كل المشاعر الفينا غرقت في الغنا يا خطوتك داست على الحرف اليبس فوق الشفاه داست على البوح والكلام داست عليك وعلى إنتظار ك والملام داست عليك وعلى الدروب الماشة منك وجاية ليك لا تعب فيها الحرف لا فتر فيها الولف يا خطوتك بين إبتعادك وإنتظاري بين مشاوير طفلة ضاعت يا عيونك وإفتكاري .. .
خارج الاطار التحية للاخ يحى فضل الله وكل اعضاء بيت الجاك .. بمدينة كادوقلى الرشيد حسن الامين ، صلاح كدوس ، ادم ضيين ، ، عماد حامد حسن، جمال حسن ، حامد جاجا وبقية الاخوة الذى لم تعسفنى الذاكرة باسمائهم وتحية خاصة من حامد جاجاللاخ يحى فضل الله ان كنت من متابعى هذا الموقع
* محمد طه القدال * بقول غنوات وأقول غنوات في البلد البسير جنياتها لي قدام وللولد البتل ضرعاتو في العرضة ويطير في الدارة صقرية ولو السمحة تلت إيد .. ومدت جيد يقوم شايلاهو هاشمية يشيل شبال وختفة ريد .. وفرحة عيد وريدة روح .. وحمرة عين .. وإيدية ويالولد البشيل مدقاقو قولة خير على القمرة يقابل الجاية متحزم يدارك الجاية متلزم كلام فاسك على أرضك ويبقى عديلة يا بيضا ويبقى زفاف تزغرد ليهو قمرية وقبال حول تغيم غيمة قبلية ترش الدارة والحدبة الصعيد الحلة ويافرحة بتطارد الصفقة في النسمة الصعيدية ويا جهرة نهار الليلة بدرية رحيح جنياتنا في الحدبة الصعيد الحلة يا سمحاتنا .. هو لبلب يا قمحاتنا .. هو لبلب ويا اللوز الفتق في الوادي .. هو لبلب ويا سمحاتنا .. هو لبلب ويا البحر الطمح مدادي .. هو لبلب سألتك بالذي ركز الأرض معبد وسوى الفاس عليها مقام سألتك بي حشا الأمات .. ودمعاتنا سألتك بي كبيداتن .. ودعواتنا شليل وين راح شليل وين راح يكون طل الخريف فاتنا شليل وين فات شليل وين راح وزي برق السماك الجابها دغشية وزي زغرودة في البطن الكبارية مرق من شامة القمرة مهيقت بي وداعة الله ومقدم بالعديل يبرا تعالوا أبشروا آآ جنيات شليل ما راح .. شليل ما فات شليل عند المسورو حِق .. .. بقالوا حصاد شليل فوق التقانت قام خدار وبلاد ..شليل مسدار .. شليل مشوار شليلنا أرضنا يا جنيات شليل قايم نصاصي الليل يتمتم ليلو وردية حرازنا شليل .. شليلنا دليب شليلنا دليل على البلدات بعد درب التبلدية شليل ما راح .. شليل ما فات شليلنا ونحن همابتة ومهاجرية مزارع بات على عشقين تراب بلدو وسماح فوق بت .. مزارعية ياحليوة ونسمة وزهرة وقمحة .. هديت للقمر .. القمر الابيض لبنا هتف .. من ضراعات الدرن يومن .. ورتعن قبل قبل الدنيا تغيب .. يا احلى صبية بتمرق مغرب ..عين على الارض وايد تتناول من مخلات الضيق رواب يا خلوة بتعزم ،، وتعزم باشا الضربو الصى الهاجروا فوق رقاب الضى دقاش العيش .. سراى الليل ضيفنا درويش والناس المادة عيونا تنادى الرحمة عيونن جفت الناس الكادة الجزع الاحسة الكوع الخيرن نفن الناس الحادة على الما فات الحى ومكفن الصبر جميل كان برواز فى الخلوة معلق فوق برواز الجد الاكبر يا برواز الصبر جميل الكعكة .. البسمة .. اللبسة احساس اطفالنا بيوم الوقفة ..اندهش ..ارتعش الكل اتبلل فى العينين عربون البسمة .. الفى عينين ما فرهد ،،مات يا يوم العيد دمعات اماتنا على اماتن فى العيدين ماهن رحمات ... يا يوم العيد .. يا يوم العيد .. .
***
06-16-2002, 05:42 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
* قاسم أبوزيد * كيف أجاوب عن هوانا لما يغلبنى السؤال لما بتأرجح منانا بين مظنة واحتمال مابحسك دونك انت الحقائق فى الظلال والحرف بعرف مداه حتى لو جن الخيال ادّفقى ما تكونى رقراق أبقى يا ضل يا شموس غطى المساحات بالوضوح إستنهضى الشوق الجلوس إدفقى وهجك شوارع ذاتى فى ليل اليباب ما تخافى من دم الغروب لو رتش اللوحة الضباب ما دام ضميرنا الفينا حىّ ما دام عريق العشق حىّ ملحوقة يا مدان السراب ما تشفقى العطش الرحيل النيل ركيزة ودمعة الاحباب سحاب *** .. .
خبريني والمساء الشاحب الخطوات يحترف التعب ورحيل أغنيه توشوش في خبايا الإنتظار تضيع منى كيي أجاذب كل أطراف الزمان أهدهد الكلمات لا أقوى على شئ من الذكرى وهذا العقل متعب وجوع الدرب لايفضي إليك ولا الى اللغه الصريحه كي أحدد ماتبقى من رحيقك في مسام الروح والجسد إشتعالا وهذا النبض أتعب وتلك الخطوه إبتعدت عن الصحو المكمل للحقيقه أغلقت بالخبث أبواب الوضوح زيفت صوت المغني عهرت لغة النشيد ضيعت حلم الصبايا في طوابير الرغيف غيبت حلم الطفوله أنهكت حزن الشيوخ همشت منك القضايا في إحتمالك للتواصل والمرابون إستباحوا هذه الأرض الحلوب فيا جميله خبريني كيف بلدنا الكذوب في إنتظارك بالكذوب ثم إنا لم نعد ندرى بأنا مذ حملناك جنينا قد نسينا أن نضع فيك الملامح لو سئلنا كيف ضيعنا إنبهارك بالخصوبه وإرتضينا أن نسلم للعساكر من ثمارك ما يطيب
* عاطف خيري * نكر صوتك صداك ... غالطني الزمن فيك ... شهرت على الجفاف وعدك بطاقاتنا الخريفية ... رجع فاضي الكلام مليان ... معاك إتبرجت غيمة وشهق جواي صوت جدول ... مرقت على المطر حفيان ... لقيتك والرزاز مدخل ... وناديتك : ... أقيفي معاي نشيل كتف الغني الميّل ... ونتخيّل حلم دونك بيتحقق ... وقبلك خيل دماي واقفة على شرياني تتشهق ... وبرق صوتك صداك غنيتي ... رشحت حلقك لى إذاعات الشجر ... والمنتظر من عودة المدعو المطر ... وللطنابير والمسادير ... واللسه في رحم القصيد ... والدابو حسه وفي سوق عكاظ ... بين مزادات الحروف غيبت رسمك ... وإحتكرتك للظروف للزمان الجاي ... واللحظة اللي فاتت مني هسه ... يا واقفة بين جرح السحاب ... و شهقة الأرض البكر ... ما كان ده ريد ... كان إحتمال تغيير قوانين حركتك ... ما بين حديثنا ولحظة الفعل الحقيقي ... وإنتباهك إنني للشارع البيرجع تاني لنقطة بدايتو ... وإنحيازك إنتي للشارع البيرشح في مسام رمل التوقع ... وما إنعرف قانون نهايتو ... غايتو امشي في الدرب البطابق ... فيهو خطوك صوت حوافرك ... يا فرس كل القبيلة تلجموا ... يكسر قناعاتا ويفر .. يسكن مع البدو في الخلا ... ما يرضى غير الريح تجادلوا تقنعوا ... إقترحتك لون أساسي ... يمنح اللوحة إزدواجية القراية ... ويفتح الضو بين خطوط الريشة ... والخط الإضافي الجاي من شبكية الزول البشاهد ... إكتشفنا الرسمك وأنا وبرضو التوارد في الخواطر ... نفس أرقام التذاكر البيها سافرنا وشهدنا ... إنفجارك في الأرض ... يا سمراء يا واضحة ... ما غنيت يوم جيتك صدفة ... قبل أبداك كان غصنك بشّر ... يوم ما كان إحساك مسرى ... عرّج غيمك فيني ومطّر ... لحظة طار عصفور من صدرك ... رتّب فينا إحساس بالإلفة ... ودوزن عصب الزمن الأشتر ... إتوكلت عليك وقلت : ... المارق منك داخل جرح الوردة ... وراسم فوقها غناوي الطل ... المارق منك ... رجع للغابات العرب العاربة ... وللعتمور الزنج الهاربة ... وأدّى الكون مفتاح الحل ... المارق منك شادد عصب الورقة ... وحرفي راصد في اللا وعي سكون مواعد صحو وحلمو ولونو ... شاري يقينك في ظني ... المارق منك سارق لحظة إني أفكر ... المارق منك ... مارق منك أو متي شهيد ... ***** ما تضاري وراء الدعوات ... وما تتلبسي فرح الفات ... يسكن فيك النغم الزايف ... ويسرق حاسة شوفنا الواقفة على رجلين جوانا ... نحن الهاوية ... والمطامن من الأرض ... آهـ من نحلك ساعة يرحل ... ولمن يكتب فينا الحنضل ... ويختم عمرو بفعل الشهد ... قال الجدول طلوع النخلة ومرور الريح واحد ... لكن الريح بيعانق حقل ... ونحن بنطلع نخلة وننزل ... ونكتب في ذاكرة الصفق الأخضر ... سجنا الريح في الورق الأبيض ... وجهناها ضد التمر الناعس ... يسقط زي قبعة الحارس ... زي الكان بيناتنا وفات ... قالت غيمة ( بين قوسين ) غيمة لئيمة ... أولاد الشارع فهرس لكل المدن ... التهرس جوفك بالأسمنت ... قالت ريح شوف الناس قنديل لو ما نور ... يحرق كوخ ... وباقي الحلة تنور ... أو جبة جوخ ... أو ينزل بوخ يقول للنسمة الزايفة أقيفي ... لو تتفرد ريح ... تتشرد ريح ... ريح الخوف ... لو تتفرد ريح ... تبدأ تفرتق ضفاير المدن الكاذبة ... تعيد تسريحتك ...
يوم سمايتك ... شكل قامتك ... كيف تموتي وتحي تاني ... يوم قيامتك هو البيدينا الثبات ... يا مجلوبة في قافلة رق ... ما بستحمل صدرك رصاصة ظلم ... يا صابت رحم الفال ... يا قطعت حبل الحلم ... يا كنا نبيعك ... يا نسرق ... وإخترنا النار الضلها يحرق ... طمناك إنو الدنيا بخشها ضو ... يجرح جلد العتمة ... دم الليل قربان فجرك ... يا بت يا نيل ... لو نامت قمحة على الأبيض ... وإتشرت زيو ... وزاد الأبيض في غيو ... ومدد رجلو اليسرى ... ما كان الكسرة جاتك من بره ... صفرة ومنكسرة ... زوجناك الشهداء أولاد الكد ... الماتوا عشان الشعب ... زوجناك ما جاتك ضرة ... زوجناك ما عندك ضرة ... ما إنشاف ماعونك في الحلة يساسق ... ويلقى فتات ... قال الأبيض للأزرق : ... يبقى ضد الإنتباه ... وضد تواريخ التمازج ......... بيني بينك ده البشوفك في مراهقة الخرايط ... وفينا من وجع المسافرين ...
واطة ما لاقت هوية ... رد الأزرق : ... مطر الحبش لو كان نبش جواك سقف ... وهد حيلك في الدواخل ... وشد عصبك في المداخل ... صوت مراكبي ... وايد بتسأل في القمح ... وفينا من فرح المسافرين ... قصة الشمس القضية ... يا أعشاب النيل الأبيض ... ما تضاري وراء الدعوات ... أقرأ تاريخك وأخاف ... وأقرأ تاريخي وأخاف ... أسأل جبين الفجر ... ألقى الفجر مطعون في القفا ... هل سافرت في دمك المحقون رجا حبة غضب ... ما شلنا جمرك وإنطفى ... جوانا نارك والمطر ... جايين بالكتابة ... وضربة الناس المهابة ... لو هزّ نخلك باشبزق ... ما فارقت تمرة السبيط ... وما ساور الطورية شك ... إنو الأرض أنثى وبتحمل بالحلال ... مين اللي قال : ... إنو المسافة البينا بين الشمس طاقة ... أو مياه النيل بتدخل في عروق السنبلة ... المسقية بعرق الجعانين والمساهرين بالبطاقة ... أقرأ تاريخك واقيف ... أقرأ تاريخي واقيف ...
جواك والزمن النضيف ... جواي من جواك غضب ... سلم مفاتيح السؤال ... جيل الشمس موكب حريق ... واقف على باب الدخول ... بيناتو بينات الوصول ... لحظة شهيق ...... ***
بكيت حتى انتهت الدمـوع صليت حتى انطفأت الشموع ركعت حتى ملنى الركــوع سألت فيك عن محمد طلع البدر علينا من ثنيات الوداع وجب الشكر علينا مادعا لله داع مهما هم تأخروا فإنهــم يأتون من درب رام الله أو من جبل الزيـتون يأتون في الرياح والأشجار والغصون يأتون في كلامنا 00 يأتون في اصواتنا يأتون من دموع امهاتنا وفي اعين الغالين من امواتنا لكنهم يأتون 00 مهما هم تأخروا فإنهم يأتون يأتون مثل المن والسلوى من السماء ومن دمى الاطفال من أساور النساء يأكلون الصخر والاشجار والاشياء من حزننا الكبير ينبشـون ومن شيوك الصخر يولدون باقة انبياء ليست لهم هـوية وليست لهم اسماء مهما هم تأخروا فإنهم يأتون من درب رام الله أو من جبل الزيتون
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
banadieha
sama7
rummana
mo
فيس بوك
تويتر
انستقرام
يوتيوب
بنتيريست