دعواتكم لزميلنا المفكر د.الباقر العفيف بالشفاء العاجل
|
|
 رحبوا معي بفنان وزين الشباب عمار السنوسي
|
مسكون بالإبداع حتى النخاع، له صوت شجي، يمتلك مقدرة عالية على التطريب، تشدك إغنياته وتحلق بك في عوالم كلها حب وجمال.
على المستوى الشخصي إنسان وود بلد، أخو أخوان، يشارك الجميع بكل إريحية في كل مناسباتهم دون كلل وملل.
أقدمه لكم أحبابي وأصدقائي البورداب وعشمي أن يظل جسر التواصل موصلاً وممددواً بين الأحباب.
فأهلاً بك أخي عمار بين أخوانك وعشيرتك بالمنبر الحر.
والتحية والتقدير للأخ بكري أبو بكر، الإنسان الرائع الذي وفر لنا مساحات التواصل واللقاء مع من نحب ونود.
|
|
 
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: عمار السنوسي)
|
المبدع عمار بعد الغياب ..بعد الليالى المرة فى حضن العذاب
عدت لنا يا مرهف..
بدأت متابعتنا لك فى مسيرة الابداع
منذ(يا اول حبيب من دون الاحبة)
الى (داير اوصفلك مشاعري) مروراً بالاسطورة(يا زمن)
وذكرى حفل 1988 حين رفعت راية استقلالنا..فها نحن
هؤلاء نلتقى فى حوش الحبان .. فمرحى بك
لك ودى يا ملك التطريب
ودمت
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: HAMZA SULIMAN)
|
الأخ صديق الموج
لك الشكر والتقدير على الترحيب، والتحية أيضاً موصلة عبرك لبورداب الرياض.
الأخ الأستاذ الفنان المرهف حمزة سليمان
لك الود والتحية
وحقيقية أخي حمزة كلي شوق لصوتك الدافئ، وأتمنى أن أسمع جديدك .. وإلى الأمام...
كما أتمنى أن تتحفني بلحن من ألحانك الجميلة والرائعة.. كم أحب التواصل معك.
ويمكنك الأتصال بي عبر الموبايل 0096653197159
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: عمار السنوسي)
|
الاخ اسماعيل وراق
كعادتك معنا دائما تاتي لنا بما يفرح .
مليون مرحب الاستاذ عمار السنوسي ، ومابتصدق لو قلت ليك لي زمن بفتش لي تسجيل
لك ولم اتمكن من الحصول عليه ، وماتخاف ( ده ماشحدة ).
ننتظرك اخي الاستاذ عمار لتضيف لهذا البورد الكتير ، فأنت قادر علي ذلك ونحن في
انتظارك ، فأهل طابت مشهود لهم بالابداع
مع تحياتي لك اخي اسماعيل وراق
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
الأستاذ/عمار السنوسي
لك التحاياالأخ أسماعيل وراق وأنت تقدم لنا أهزوجة الفن الجميل الأستاذ عمار السنوسي..حيث كان آخر عهدي به أحدي حفلات جامعة القاهرة الفرع التي ضمخها بالشذي والشجن.. وما زلنا نعتصر ذكريات صوته الطروب..سعدنا بأنضمامك لنا في المنبر وأرجو أن تتحفنا ببعض الأغنيات وحبذا ذلك القديم المعتق من أغنيات الراحل المقيم سيد خليفة التي تزيدها حلاوة وطلاوة..وتزيدنا تدفقا وحنينا وشجنا..
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
الغالي جانا بالغالي
العزيز إسماعيل وراق تحياتي وتقديري
لو سمحت لي يا وراق عايز أقلد الزول السمح الجبتو دا أقلد بمعنى المصافحة وليس بمعنى التقليد لأني لو حاولت الأخيرة فسوف أعجز لا محالة
أنا عايز أسلم عليه بي شوق عارم لأنو الوريف الشفيف كان صديقي في يوم من الأيام ولكن ربما نساني لطول المدة وليته يذكر تلك الأيام عندما كان في الشارع الحرية وكنت أنا في وكالة توتي آيلاند والإتنين يربطنا الغنا والتمثيل وما حا أوضح أكتر من كدا
وعليه وبكامل قواي العقلية وحالتي المعتبرة شرعاً أعلن ترحيبي وفرحتي بإنضمام هذا الجميل عمار السنوسي
ولكما إنحناءتي وشناتي
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: صديق الموج)
|
عمار السنوسي !!! ياخي مرحب بيك والله
ولّي المساء حين أتي صوت المغني وهو
يلوّح بالطرب...حين أتي سكراً ولا كأساً
تري... ياخي بحبك والله ....و احب بكري
زاتو... انت زول بتعرف كيف تمرق من
جواي اّهــة وتكوي الهم بي نار جيات
صوتك فال...فرح الاطفال................
هوي انا داير اصاحبك عديل كدة والله
بس المشكلة الشغلانة فيها أستغلال
بعد ترجع السودان ممكن نملحك في عداد
واللا عدادين...
عمار السنوسي حللت نغما وفناً ولحناً
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
الاخ العزيز اسماعيل وراق
الله يديك العافيه والله دا يوم ذى بمليون جنيه(زمن الجنيه ليه غيمه)
الف الف مرحب صديقى وزميل دراستى (ايام الفرع) وفنانى المفضل عمار السنوسى
الرجل المفضال ود القبائل, المبدع, فنان الفنانين الغناى مرحبتين وانشاءالله
يطيب ليك المقام بين حبايبك واخوانك يامضيف
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: عمر بانقا)
|
هذا المدهش عمار السنوسى يأسرك صوته بكامل ارادتك، ويجذبك حضوره كما يجذب المغناطيس قطع الحديد الصغيرة. لا ادرى كلما سمعته اسرنى الحنين، وامتلأت شجناً. ولى المساء. النهاية. غيرة. لا اعرفه على المستوى الشخصى لكن اذكر موقفه الانسانى فى نهاية الثمانينات وكنا رابطة طلاب ثانويات وجاماعات بام مرحى بالجزيرة حين جاءنا فناناً يعطر احد مواسمنا الثقافية دون مطالب فنانين وعازفين ومتاعب بعضهم. كان الفن والادب. وياعمار اهى مناسبة لشكرك وان لم تتذكر تلك المواقف ربما لانها كثيرة، ومعليش الشكر متأخر. شكراً صديقنا وراق ومرحباً بالمبدع عمار السنوسى.
فايز السليك
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: nada ali)
|
محمد ابنى كان عمره اقل من عامين عندما احب هذا الشريط .الشريط به اغنية "مانسيناك" احمد الجابرى بصوتك يا عمار السنوسى ..ومؤلفات ايقاعية من النوبة لحمزه علاء الدين.. وكان يحتضن الشريط صباح مساء اذا لم يكن يستمع اليه..
الان محمد عازف مميز فى فرقة جاز المدرسة.. ويصفق له الجمهور فى كل عرض من عروض المدرسة الموسيقية الضخمه التى يحضرها كل ايناء مدينتنا الصغيره فى "ماس"
قلت ان اخبرك بهذه الحادثة التى تسببت فى عشق ابنى للموسيقى..طالما ان المقام هو الشهاده لك بالابداع..
شكرا عمار السنوسى..وحمزه علاء الدين على التاثير الايجابى فى سمع محمد..وشكرا لك لحبك للناس وللارتفاع بالذوق السودانى وشكرا لبكرى واسماعيل وراق على اهدائك لنا..والف مرحب بك..هنا
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
الحبيب وراق ، كامل الحب و الإيراق الليموني على تقديم هذا العامر أو العمار السنوسي ..
يا مراحب بالغناء الليموني ..
أنا منوت يا عمار / عامر ، كنا قبل شهر بنادي الضباط ، و بعد ثلاثة أيام كنا مستضافين بمنزل صديقنا ( الأمريمي) السوداني الحلفاوي المقيم نواحي العزوزاب .. و غنيت ما غنيت ، و طلبت منك ( و تسألين ) لأحمد ربشه ، فاعتذرت بسبب ( قرار) الصوت حيث تداهمك ( النزله ) .. و كان الوعد باللقاء أصطحب معه آخر أغنياتك !! فهل أنت عمار أم عامر ؟
منوت الاستوائي
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: معتصم دفع الله)
|
شكرا ود وراق علي توزيعك لنا الفرح والطرب مجانا...
فأهلا عمّار السنوسي...الشاب المسكون بالابداع...وحقو تعرف...اننا
هنا مخبولون بصوتك الشجي...والاداء الرائع...لك منذ البدايات الاولي...
ووجدتك الآن اروع...وانضج...وابدع...فامهلنا قليلا نستوعب هذا الابداع يا عمّار...
همسة انانية....تعرف لو حلمت...القاك...بتغني....غدا اذوّب مهجتي في حر انفاس الغرام...بالعود...ووسط اصدقاء لن يتعدوا الست...
حينها...سيرسلوني الي كدباس...من دون شك.
فاهلا بك يا عمّار...بين الرائعين هنا من اهل الفن...
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
تحياتي عزيزي وراق
ومن خلالك ارسل اعطر التحايا لصاحب الصوت الطروب الفنان
عمار السنوسي
ما بتمر علي يومين والا اكون خشيت على موقع ناس طابت واستمع
لى اغنية على الجمال بصوت عمار ولا اكذب ان قلت كثيرا ما ترقرق
عيوني وكيف ما ترقرق اذا كان المترجم لتلك الكلمات فنان بقامة
عمار فاهلا وسهلا بك واقعد عافيه
ـــــ......ـــــ.....ـــــ
نور بيتنا وشارع بيتنا
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
اسماعيل وراق الف شكر ليك وانت بتزيد عشيرتنا الموسيقين اعني في البورد.والف مرحب بالفنان المبدع عمار السنوسي. ونتمني ليك اقامه جيده في المنبر.
وعندي سؤال للاخ اسماعيل وراق انت اسماعيل ود العرضه ولا انا غلاطان؟ غايتو كان بقيت ياهو نبقي اولاد حله وجيران.
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
الاخ الفنان الرئع / عمار
مرحبا بك اخ كريم بيننا ، الدار نورت ، كم انت رائع و جميل ، وجودك بيننايعني الكثير ، طبت اخي و طاب المساء الذي اسكن عشق صوت الجميل دواخلنا ، هدوئك و رزانتك تعبر عن اشياء كثيره في دواخك المثقلة بالحنين ، نشكر اسماعيل وراق الذي اوجدك بيننا و الزعيم بكري الذي فسح الدار لقدومكم .
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
اسماعيل وراق ، عمار السنوسي
من ثلاث أيام وأنا عايز أخش على البوست عشان أرحب بعمار ، ما قادر أخش ، ودي دايما بتحصل معاي في البوستات اللي بينزل فيها غنا ،،
مرحب بيك عمار ، وأنت منا وفينا ، وبالمناسبة دي ما نعمل لينا لمة ، إن شاء الله تكون جلسة استماع ،، بالله ما تفوتوا المناسبة ،، أصلا نحن هنا نفتعل المناسبات ،،
خليك معاي يا تمبس ، ومعتصم ومحمد الشيخ وأحمد سعيد ( القرنفل ) وشتات وصديق الموج وترهاقاوأبوجهينة وتبلدينا ودكين و( للا دكين لا ما عايزك ) خلي يكون معانا عمر مهدي ووينك يا صادق الخليفة ونصارالحاج والدفعة حمزاوي وحبيب بلدو ( طولنا منك ) ووين البعيو لسة ما جا من السودان ، يلا ياجماعة ، كلنا نطالب بلمة حلوة ،، وخالكم جاهز للعرضة
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: ودقاسم)
|
استاذى ود قاسم
الظاهر صحبتى لدكين جابت لى (الجلا)..ياخى انا شربت شايك البلغرنفل
واكلت شندويتشاتك اللذيذة فى عز البرد وسمعت معاك عمار السنوسي
ورقصت معاك....يظهر انك كاتبنى بقلم الرصاص
لكن والله كان ضهب بجى لمتكم دى..
وده طرفى من دكين
لك عاطر التحايا
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: walid taha)
|
مرحبا اهلا بالاستاذ المبدع عمار السنوسي وهلابك بين احبابك والبورد منور بناس الشميسي الحلويين لك التحية والتقدير والاحترام وتحياتي الحارة لجارك الرائع الاستاذ طارق عمر درار (ابوعمر) وكل الاهل والاحبة ولكم تحيات اهل البطحاء والمربع والملذ وياعمار شنو حكايتك ما ظاهر في كل المناسبات في الرياض وحارمنا من صوتك الدافي الشهي الحنون.
عنهم /اخوك المهدي
التحية للاستاذ / سمعة وراق على هذه المفاجئات الحلوة
التحية للاستاذ بكري ابوكر على هذه الاضافات الرائعة
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
الاخ اسماعيل وراق
كل الود والتحايا وانت تقدم لنا الفنان الجميل عمار السنوسي
Quote: مسكون بالإبداع حتى النخاع، له صوت شجي، يمتلك مقدرة عالية على التطريب، تشدك إغنياته وتحلق بك في عوالم كلها حب وجمال.
على المستوى الشخصي إنسان وود بلد، أخو أخوان، يشارك الجميع بكل إريحية في كل مناسباتهم دون كلل وملل.
أقدمه لكم أحبابي وأصدقائي البورداب وعشمي أن يظل جسر التواصل موصلاً وممددواً بين الأحباب.
فأهلاً بك أخي عمار بين أخوانك وعشيرتك بالمنبر الحر. |
اسماعيل يا اخوي قال البياكل براه بخنق يعني انت نايمين في العسل هناك وقاتلين الحفلات الملح
غايتو انحن لينا الله والسماء البمطر تلج
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: شريف محمد ادوم)
|
ألف مرحب..نوارة طابت..و زين شباب الفن..الخلوق المتواضع..عمار محمد بخيت..هدوء الحلة الجديدة..و دفء النغمات في صوت عمنا محمد بخيت و هو يمدح حبيبه المصطفي ..و ترانيم صديقي عبدالسلام محمد بخيت.. عوالم جميلة ساقها الينا حضورك الجميل..يسعدني وجودك أخي عمار..
خالد دفع الله الطيب
| |
|
|
|
|
|
|
|
|
|
Re: رحبوا معي بفنان وزين الشباب عمار السنوسي (Re: إسماعيل وراق)
|
مرحب بيك يااستاذ عمار
انا متابع بالمستطاع حركة الموسيقى والغناء من بعيد و كنت دايما اجد في your voice الكتير من التلوين والتطريب الجميل وان اننا نعرف امكانياتك هذه منذ زمن طويل الا انك في الفترة الاخيره بزرت و في اسلوبك الكتير من انضوج والجدية، الى الامام ومرحب بيك وشكرأ لك يا ورآق،
عمر بنقا اخبارك ياا ستاذ، عمارالسنوسي ده كان دفعتنا؟ هاهاهاهاها
| |
|
|
|
|
|
|
| |
إسماعيل وراق
elsharief
walid taha
صديق الموج
HAMZA SULIMAN
Raja
Rakoba
محمد عبدالرحمن
الطيب بشير
طارق اسماعيل
Ehab Eltayeb
بدرالدين شنا
حبيب نورة
عمر بانقا
ترهاقا
Abd-Elrhman sorkati
فرح
nada ali
Tumadir
عزيز
lana mahdi
haneena
بلدى يا حبوب
اسامة الخاتم
منوت
alfatih
معتصم دفع الله
ابو جهينة
tmbis
شتات
ابو عثمان
الزنجي
الصادق خليفة
عبير خيرى
ودقاسم
ود شندي
khider
الجندرية
Abu Mariam
فيس بوك
تويتر
انستقرام
يوتيوب
بنتيريست