دعواتكم لزميلنا المفكر د.الباقر العفيف بالشفاء العاجل
|
|
 أسيل ورّاق تطلق الكديسة وتحتضن شقيقها
|
الحبيب اسماعيل ورّاق ، أبلغ هذا الصباح بإطلالة الفارس الجديد ليصبح أخا للإبنة أسيل ، تذكرونها تلك الأنصارية التي احتضنت قطة الاستراحة في لقاء بورداب الرياض في رمضان الفائت ،، والآن أسيل تحتضن شقيقها وبنفس القوة والحنّية ،، طبعا الأنصاري الجديد أطل على الدنيا من داخل البقعة في سوداننا الحبيب ، فالأنصار الصميمون لا يولدون إلأ في البقعة وتحت إطلالة القبة البتضوي الليل ،،
ألف مبروك على اسماعيل ورّاق وأسرته الصغيرة والكبيرة ،، ومبروك على السودان إطلالة أنصاري جديد ..
|
|
 
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: ودقاسم)
|
العزيز القريب ود قاسم ... سلام
كالعهد بك دائماً سباقاً لنثر الفرح في ساحات الأحبة، وفي كل الدروب، نسأل الله أن يجعل الفارس الجديد أبناً باراً لوالديه ووطنه.. وبمناسبة وطنه دي قلت لي الولد أنصاري، والله يا ود قاسم أنا خايف في الوقت داك يقوم يبقى من حزب الخضر السودانيين، أو من حزب أنا السودان، ما أصلو الدنيا بتتغير بس ما منو خوف طالما الكل سائر نحو بناء الوطن.. تتعدد المشارب والعشق واحد.
لك الشكر في المبتدأ والختام.
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: إسماعيل وراق)
|
الحبيب وراق الف مبروك اهو كل يوم الانصار بزيدو واحد اتنين ماشاء الله اها جينا باركنا كدي كا تعزمنا للسماية ولا اقول ليك ما تعب نفسك رسل الكلاوي والدمام والفشفاش والكمونية والمرارة الباقي اديهو لناس الصادق وود قاسم والباقين
عقبال ليييييييييييييينا
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: محمد حسن العمدة)
|
الحبيب ود العمدة
تحيات وسلام من أرض نجد إليكم في أرض بني ثقيف عليلة الهواء
يا أخي يدوم خير وعقبالك إنت طبعاً بعد الزواج.
| Quote: اهو كل يوم الانصار بزيدو واحد اتنين ماشاء الله |
ومنو القال ليك أنا دايرو يكون أنصاري ما كفايه أبوه.. شوف يا حبيب الولد ده كان ربنا أدانا العمر أنا عايزو يكون زول مفكر يعني ينحت دماغه كده ويطلع لينا بتقليعة جديدة تحلنا من بلاوينا دي.. لكن يا ربي لغاية الوقت داك ما بنكون لحقنا أمات طه.
ملحوظة:
المرارة والكلاوي سترسل لك أتاتشمنت عبر البريد الخاص بك.. بس ما تقوم تأكلها براك خايفك تخنق
| |
|
|
|
|
|
|
|
|
 Re: أسيل ورّاق تطلق الكديسة وتحتضن شقيقها (Re: إسماعيل وراق)
|
يا ود وراق ..
مبرووووك الوليد .. ويتربي في عزك وعز امو وعز اهلو..
تعرف
قبيل لما وصلتني رسالتك كنت في بلدا تاني ..
تحياتي للمدام ولي أسيل الامورة ..
معتصم قال لي كده تمام . طالبين اسماعيل وراق خروفين
قلت ليهو اسماعيل قال حالف يضبح تور
شفت كيف يااسماعيل عنصر المفاجأة كيف ظريف في حالات زي دي ؟؟ متذكر كلامنا ده ؟؟
وبعدين ياخال .. فاتح لينا كده مالك ؟؟
الشهرة متاعب والله
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: tmbis)
|
تمبس
كيف حالك
شكراً يا ذوق
| Quote: معتصم قال لي كده تمام . طالبين اسماعيل وراق خروفين |
معتصم يا حبيب عايز يورطك.. بس شد حيلك ساكت
| Quote: قلت ليهو اسماعيل قال حالف يضبح تور |
مش تور واحد كمان تورين ولا أٌقول ليك حاجة الزول ده جامع أكثر من خمس قبائل نخليهم خمسة تيران
| Quote: شفت كيف يااسماعيل عنصر المفاجأة كيف ظريف في حالات زي دي ؟؟ متذكر كلامنا ده ؟؟ |
كلامك داك في زول نصيح بنساهو.. ما أعتقد
أها كان ربنا أدانا طول العمر بنتلاقى يوم الخميس.. بس أبقوا مارقين بدري.
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: ودقاسم)
|
Quote: يا ود وراق ..
مبرووووك الوليد .. ويتربي في عزك وعز امو وعز اهلو |
تمبس ما فى عز قدر ده لكن قطع شك اسماعيل من ماهية الحكومة ما بقصر معاه.....
جيد لينا ياود وراق هذا الهمام المناضل وما تاكلنا فى السماية
علينا الفنانين والاستراحة والرقيص وعليك الباقى،،،،
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: صديق الموج)
|
صديق ود القبايل
سلام
| Quote: جيد لينا ياود وراق هذا الهمام المناضل وما تاكلنا فى السماية |
في زول مسكين مثلي كده بقدر يأكل ليها رباطية... قال يأكلنا في السماية قال
| Quote: علينا الفنانين والاستراحة والرقيص وعليك الباقى،،،، |
لا يا حبيب خلو لي الأولانيات وعليكم الباقي... ما تنسى خروف معتصم زتمبس
| |
|
|
|
|
|
|
|
|
 Re: أسيل ورّاق تطلق الكديسة وتحتضن شقيقها (Re: ودقاسم)
|
أخونا اسماعيل وراق والله الف مبروك الفارس الجديد فرسان الحوبة
انشاء الله يتربي في عزك، جعله الله ابناً باراً لله ورسوله ووالوالديه
وللسودان وقرة عين ويتربع علي عرش البورد وبرضو يكون فارس من فرسانو
كما أبيه، وما معروف في زمنو داك شكل الانترنت والبورد يكون كيف، كدي قبل ما نودع
نخلي كل واحد يتخيل شكل الانترنت وموقع سودانيز اونلاين وبورده السحري حا يكون كيف؟
خليناكم بعافية والتحية ليك يا ودقاسم في نقل مثل هذه الاخبار السارة وقدوم الفرسان الجدد
فانت بمثابة الرابط الذي نقوم به بتحميل أخبار الاخوة بورداب الرياض من عنده، أديك العافية
ومرة تانية الف الف مبروك اخي اسماعيل وراق جعله الله قرة عين لك ولنا نحن اعمامه ولاجداده ناس (......)
ولا أقول مافي داعي احسن الناس تزعل ونبقى في ترضية خلوها المرة الجاية بعد المشاورة .... رفع البوست
وليد احمد
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: waleedi399)
|
أخونا الود الوالي
كيف حالك
عساك طيب
وشاكرين تهانيكم عبر التلفون وعبر النت
شوف يا حبيب للوقت داك لو ربنا أدانا طول العمر الإنترنت ده حيبقى حاجة متخلفة جداً
قبل عشر سنوات أو أحد عشر سنة على ما أذكر كنا بجامعة الخرطوم وقدم لنا وقتها الأستاذ على شمو محاضرة عن الإنترنت .. صدقني أصابنا الذهول والحيرة .. وبعض الناس القلوبهم خفيفة قالوا خلاص القيامة قربت.. وعليه أتوقع مع تسارع الزمن حتظهر بلاوي.. بس ربنا يجيب العواقب سليمة.
| Quote: فانت بمثابة الرابط الذي نقوم به بتحميل أخبار الاخوة بورداب الرياض من عنده، أديك العافية |
لكن خالك ود قاسم ده ما كتلتو كتله... عرفناه بمثابة الرابط بس الباسوورد بتاعو عند منو... بالجد خالك ود قاسم زول حاره ولزام تقيله.
| |
|
|
|
|
|
|
|
|
 Re: أسيل ورّاق تطلق الكديسة وتحتضن شقيقها (Re: إسماعيل وراق)
|
يا اسماعيل وراق
اسأل ابوجهينة من الباسورد بتاع ودقاسم اكيد عندو
واذا ما لقيتو صديق الموج ولا حمزاوي عندهم سؤال كلمة المرور بناولوك الاجابة بتاعتو
ولا شنو يا تمبس ما بيكون عندك في سي دي ضمن البرامج الـ إلى يوم ما داير تدينا ليها
بس اهم شئ زي ما قال حمزاوي خروف السماية ما تنسونا ليه وابقوا حاضرين
دا مااااااااااااا برنامج جاهز الاسبوع الجاي يا أخوانا ما تفووتونا ليه
على العموم الله يديكم العافية
وليد
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: ودقاسم)
|
عزيزي الاخ / اسماعيل وراق
السلام عليكم ورحمة الله وبركاته
مبروك مبروك مبروك
بس مبروك كدا ساكت ما ينفع لازم احتفال بشيخ الحي العاشر بالدويم
ولازم نحتفل بالفارس المغوار الانصاري سيد القبة والجلابية الانصارية
طبعا انا ما تابعت ما كتبه الاخوان بورداب الرياض يمكن يكونوا اتفقوا علي وضع معين للاحتفال بالفارس لاني طوالي من ما رأيت الموضوع وعلمت مضمونه مشيت علي طول للرد .
اها يا بورداب الرياض خروف السماية لازم نأكلها ونشرب الشوربة حقو في دار الصالحية
الأمر متروك للخال ودقاسم
وعلي فكرة خروفين ما خروف واحد
يا ود وراق تهانينا لام اسيل
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: حمزاوي)
|
عزيزنا وسيد الكل حمزاوي
لك الشوق والود
| Quote: بس مبروك كدا ساكت ما ينفع لازم احتفال بشيخ الحي العاشر بالدويم |
والله شكلك كده بتحرضني على السفر... بس طريقة ما في وخليني أغنى مع أحمد المصطفى وأبو العلاء سفري السبب لي أذايا.
| Quote: ها يا بورداب الرياض خروف السماية لازم نأكلها ونشرب الشوربة حقو في دار الصالحية |
والله يا حمزاوي فكرة جيدة وعمار السنوسي جاهز بس تعال بجلابيتك البيضاء ومكوية.. بالمناسبة مشوار بكره كيف.
| Quote: وعلي فكرة خروفين ما خروف واحد |
غايتو في خروف متبرع بيهو تمبس ومعتصم دفع الله.. وأنا مالي..
| |
|
|
|
|
|
|
|
|
 Re: أسيل ورّاق تطلق الكديسة وتحتضن شقيقها (Re: democracy)
|
الحبيب اسماعيل وراق ألف ألف مبروك جعله الله من أبناء الوطن الأبرار و أقر به أعين أهله و ذويه
يعني ما نعرف إلا باللفة لانو الموضوع شكلو كده مش واضح إلا لناس الرياض لانهم شافو حضن اسيل للكديسة وبالتالي فكتها وحضنت أخوها ألف مبروك وحمداً لله على سلامة حرمكم المصون .
وشكراً لود قاسم
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: ebrahim_ali)
|
الحبيب إبراهيم علي
سلام وتحية
دام فضلك وكتر خيرك وزاد مالك
قول آمييييين
| Quote: يعني ما نعرف إلا باللفة لانو الموضوع شكلو كده مش واضح إلا لناس الرياض لانهم شافو حضن اسيل للكديسة وبالتالي فكتها وحضنت أخوها |
شفت يا إبراهيم علي جبت لبعض الناس عذر.. أصلي أنا لابد لي ناس ساكت يعني هنيناهم وما هنونا.. لكن زي ما بقولو كراع البقر جيابه.. حلو المثل ده .. مش هيك.
قصة الكديسة يا الحبيب إبراهيم.. في رمضان السابق كان الإجتماع الأول لبورداب الرياض، وحينما دخلنا الإستراحة مكان اللقاء كانت هناك بعض القطط وعندما رآها بعض أطفالنا الجميليين ولوا هاربين لكن المشاكسة أسيل وقتها ذات العام والنصف هجمت على تلك القطط وأوسعتهم ضرباً.. وهنا صاح ود قاسم والله إنت أنصارية حرة ومن وقتها إلتصق إسمها لبعض بورداب الرياض بالقطط.
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: Ehab Eltayeb)
|
العزيز إيهاب الطيب
لك الشكر بقدر أريحتك
| Quote: بعدين المرارة والشية ديل مو ضوعن كيف!!! |
بما أن العصر هو عصر العولمة وكده.. فموضوع المرارة ده أتفقنا نرسله للناس البعيدين مننا شوية عبر الإيميل كأتاتشمينت، أما الشية وبما أنها حارة من نارها فكثير من المختصين فضلوا وسيلة البالتوك.
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: ثروت سوار الدهب)
|
الحبيب اسماعيل وراق
تهانينا الحاره بالمولود ويربي في عزك ، وجعله الله من الصالحين
البارين لابائهم ، وبيني وبينك اسم احمد اجمل من اسم محمد لان
احمد اسم النبي الذي ينادي به في السماوات العلا صلي الله
عليه وسلم ، ماتتردد طوالي احمد وانشاء الله شايل اسمو ...
كل الود لك .....
B]
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: محمد عبدالرحمن)
|
الحبيب محمد
تسلم يا غالي
وبيني وبينك اسم احمد اجمل من اسم محمد لان
احمد اسم النبي الذي ينادي به في السماوات العلا صلي الله
عليه وسلم ، ماتتردد طوالي احمد وانشاء الله شايل اسمو
إسم أحمد جميل وكذا الحال محمد ولكن يبدو أن هناك إجماع على إسم محمد وبيني وبينك أنا أي واحد من أصحابي إسمه محمد يشيل شيلتو وإنت واحد منهم.. فهمت قصدي يا أبو حميد ... يعني جهز حالك
| |
|
|
|
|
|
|
|
|
|
Re: أسيل ورّاق تطلق الكديسة وتحتضن شقيقها (Re: إسماعيل وراق)
|
| Quote: إسم أحمد جميل وكذا الحال محمد ولكن يبدو أن هناك إجماع على إسم محمد وبيني وبينك أنا أي واحد من أصحابي إسمه محمد يشيل شيلتو وإنت واحد منهم.. فهمت قصدي يا أبو حميد ... يعني جهز حالك |
بعد شد وجذب تم بالأمس إطلاق إسم محمد على الفارس الجديد تيمناً بالمصطفى عليه أفضل الصلاة وأتم التسليم ..
ونقول للحبيب إسماعيل أبو محمد إن شاء الله شائل إسمه ويكون من أبناء الوطن الصالحين ..
تهانينا مره أخرى ..
| |
|
|
|
|
|
|
| |
ودقاسم
garjah
إسماعيل وراق
ابو جهينة
عبد الباقي الجيلي
ود شاموق
الصادق خليفة
omer almahi
kamalabas
tmbis
Mahadi
بلدى يا حبوب
معتصم دفع الله
ولياب
صديق الموج
Hani Abuelgasim
waleedi399
ebrahim_ali
ترهاقا
Ehab Eltayeb
سجيمان
ثروت سوار الدهب
محمد عبدالرحمن
تولوس
Rawia
walid taha
فيس بوك
تويتر
انستقرام
يوتيوب
بنتيريست