|
|
 عضو جديد لنج و متابع قديم
|
الحبايب في البورد الوطن
التحيات الطيبات
ظللت أقرأ مساهمات متناهية الروعة للأعضاء و أمني نفسي بالمشاركة و كنت قد إستسلمت لوهم إني مشغول و ما في وكت و ما إلى ذلك و حين وجدت الوقت العذر لم أجد فرصة المشاركة في البورد متاحة كما كانت فانطبق علي المثل الشهير ولا هاااااا لالالالا
ما في داعي أبدأ بأمثال قد لا تعجب البعض لا سيما و أن الأخ مكي إستأذنني مشكورآ في نشر أمثال بعثتها له في بريده و قد أضحكني جدآ شكل المعالجة الكاريكاتيرية التي قصد بها جراحة و تجميل تلك الأمثال فصارت مثل الحوارات مع الملاكم الشهير تايسون تسحب منها المحطة كلمة نابية شهيرة بالإنجليزي و تبقى معلومة للجمهور وواضحة
ما علينا المهم أن مغناطيس بكري إجتذب الرائعين من أبناء الوطن و لهم أقول طبيعي أن تعلق مع برادة الحديد ذرات من التراب لا المغناطيس قصدها و لا حامله يبتغي وجودها فقط تواصوا بالصبر إن غرد البعض خارج السرب المموسق أداؤه فالقاريء يعلم
و إذا ضربت مثلآ بشخصي كقاريء فقط حتى أمس فأنا لا أعرف على المستوى الشخصي سوى ثلاثة أعضاء في البورد لكني حين أتصفح البورد أبحث عن مشاركات الكثيرين ممن عرفتهم في البورد و أعجبتني كتاباتهم وصرت أبدأ بها متابعتي للبورد الذي أحسبه تعدى مرحلة الإطراء التشجيعي
أتمنى للوطن الخير و للبورد المزيد من التطور و للبورداب تحقيق الأمنيات السعيدة
تحياتي
الطيب بشير مينيسوتا
|
|
 
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
يا اهلا بك ايها الجميل
الطيب بشير الطيب
الاعلامي والشاعر
ورفيق العمل / لا أعرف ان كنت ما زلت تسير في ذلك الدرب، أم هربت مثلي
وأيضا رفيق القصيدة ومنتدى البشير الريح .
واهلا بك هنا وقطعا انت اضافة جميلة لهذا المكان وشكرا لبكري .
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
صـديقنا الطيب بشير..حبابك
كل سنة وانت طيب..
ليك كل البورد..والعتوت الضابحنو ليك..
طبعا صديقنا مكي وقع في ورطة..والورطة بانت في السنسرة التي جعلت تلك الامثال مسخ..
ولازلنا يا صديقي نؤمن بان اهالينا هم اكثر فصاحة مننا..على الاقل مابعرفو لولوة الحديث..
حبابك عشرة..واقعد طولة..
ودمت
محمد النور كبر
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
العزيز نصار
لم تهرب ما دمت تكتب في البورد
و حتمآ ستعود أيام البشير الريح
لك مودتي و نكمل الباقي في الإيميل
شكرآ
أبا
خالد لينا كلام تاني أكيد
شكرآ
محمد النور على العتوت وباقي لي مكي قصد لولوة الأمثال يعني بالمعنى كدة عشان المحتجين
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
الطيب
ســــــــــــلام
شنومن قولةتيـــــــــــت عايز تشعللا
تعرف ياشيخنااناعضو غير مسجل هنا لي اربع
سنــــــــة..يعنى اكاد اعرف ليك كل فرد في هذه
الاسرة....فيهم الفنان...فيهم الاديب...فيهم السياسي
المحترف والهاوي ...فيهم الصحفى والناقد والمسرحي..
وفيهم العكليتــــــة اللبطي اللي عايز يكون اي واحد من ديل.....احببتهم جميعا وبالتساوي حتى متلقييين الحجج ...احيانا بيقولوا كلام انت عايز تقولو....المهم..هؤلا الاخوة والاخوات أبدأ يومي بهم...4..سنين
وبهم ينتهي يومي نشأت علاقة جواى بالكثيرين منهم...
علاقة احسها متعـــــــة وانا اقرأ ما يكتبون....
لذلك فضلت ان اكون قارئ ومتابع فقط طيلة هذة الفترة
حتي بعد ان تكرم الاخ بكري مشكورا بمنحي العضوية ترددت كثيرا في الدخول ...عندي قناعة لو عايز تستمتع بالبورد خليك قارئ ومتصفح فقط...زمان
اخي الطيب......
اسمح لى الدخول معك لهذه الديار العامرة بأهلها...
ابكراسماعيل...شيبا..تماضر..الخواض..تمبس...لنامهدي
اشراقة..راكوبه..عشه بت فاطمه..د.نجم الدين..خالد
العبيد..سوركتي..د.حيدر..رجاء..ابوساره...ملكة سبأ.
زوله..دوما..محب..سعد ابراهيم..بلدي ياحبوب..ياسيكو
عماد..اساسي..حبيب الكل..هدهد..سيجيمان..بكري الجاك...رودا..ابا..بنت النيل..البعيو...بنت قضيم..
ام سهي..اسامه الخواض..الكيك..ابو قرجه..الشريف..ودقاسم..عطبراوى..ودشاموق...العمدكلهم الموصلي..دقنه...ابومهيار..الجندريه.ختيتك جنب اخوك...يازول يازول وتماضرتاني عشان ماتزعلي..يا رجاءاختك دايما اسمها يطير مني راويــــــــــــــــــــة...فتحي البحيري..فتحي الصديق..المطرزارين..الوليدين خمسميه و 399 ...
والله ماشاء احبكم جميعا ..ســـــــــــــلام
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
Quote: شنومن قولةتيـــــــــــت عايز تشعللا
تعرف ياشيخنا
|
مرحب بيك في البوست و البورد
أولآ ما فهمت الشعللة المشار ليها
تاني حاجة أنا متحفظ شديد كلوكلو على لقب شيخنا
تم إفراغو من محتواهو و بذكرني الجماعة لو إنت منهم لك ما تود
لكن فضلا و بحق البورد لا تنادني بها
هذا رجاء مع بعض إلحاح
شكرآ
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
العزيز محب
لا شك هي كلها خير
لكني لا أحب سيرة أدبيات القتلة و سنترك لهم كلمات بعينها لدلالات و إيحاء الكلام و نعول على سعة اللغة
العريس عمر إبراهيم
إنت يا دكتور في الصافية و لا زيورخ؟
| |
|
|
|
|
|
|
|
|
|
Re: عضو جديد لنج و متابع قديم (Re: omer ibrahim)
|
اخى الطيب
حبابك عشرة
اهلا بيك يا نبته مرويه بعذوبة الفن
وصفاء الصوفية
| Quote: و إذا ضربت مثلآ بشخصي كقاريء فقط حتى أمس فأنا لا أعرف على المستوى الشخصي سوى ثلاثة أعضاء في البورد |
انا الرابع ... تحياتى لبقية الاسرة
| |
|
|
|
|
|
|
|
|
|
Re: عضو جديد لنج و متابع قديم (Re: دورنقاس)
|
العزيز الطيب..وعندي سؤال لكم...هل سوف نترك اي مفرده استخدمت بواسطه القتله?..لقد فكرت في الامر ووجدته صعبا جدا..ولي عوده ياحبيب واترك ديوانك
لضيوفك الكرام وناسف للازعاج من البدايه..اخوك محب
وارجوا ان تكون كلمه اخ خفيفه عليكم..والسلام
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
لرديفي في البوست أهدي مدحة برد نفسك يا أديب
و لمحب تحية و لا أظننا سنتركه كلو
لكن بدل تأصيل تجذير و بدل شيخنا ممكن أخ حبيب صديق فردة رفيق و لا أحصي لها عدآ لكن المباشرة مؤذية
أنور عبد الرحمن أبو غيداء عروسة بشير وييييين إنت
آخر أخبار إنك في هولندا لسة هناك؟ لازم نتمو في الإيميل يا جميل
دورنقاس
شكرآ و بسلم ليك عليهم لكن نقول منو
حبابك
| |
|
|
|
|
|
|
|
|
|
Re: عضو جديد لنج و متابع قديم (Re: ahmed khair)
|
سلامات الطيب بشير
عارف ؟ زكرتنى الايام الجميلة
سهرة يوم الاحد و الاربعاء مع الفلم الاجنبي
و ايام جريدة الساء من اخراج شكر الله خلف الله
بالله الزول ده وين هسى ؟
والله ايام
مرحب بيك
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
البورداب أوسعوني ودآ
الشريف ؛ وليم أندرية؛ كمال عباس ؛ أحمد سعيد
التحية ليكم
أحمد خير لازم نتمو في الإيميل ؛ بنت النيل لا يكفي رد و لا حتى بوست
سأفرد لك كل الحروف
العزيزة سمارت2001 لك الشكر و ذكرتينا أيام التلفزيون الحلوة و الأخ شكر الله ما زال مستمسكآ بالتلفزيون و السودان
تحياتي لكم
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
اول شي نرحب بيك يا اخونا الطيب
وبعدين نرجع تاني لموضوع الامثال دا
اخونا محمد عثمان الف مرحب
وكويس انك ختيني جنب اخوي انا بدفي بي سيرته ربنا يحفظه لي هو اخوانه واخواني العرفتهم في الحوش دا
ومرحب بيك اخ عزيز
| |
|
|
|
|
|
|
|
|
 Re: عضو جديد لنج و متابع قديم (Re: الطيب بشير)
|
وان صخرا لتأتم الهداة به كانه علم في راسه نار..
الاستاذ الجليل :
الطيب بشير
الف مرحبا بك في البورد ,وستكون باذن الله اضافه حقيقيه وثره للمنبر الحر باعتبارك احدالمهتمين والدارسين والمبدعين في حقل الاعلام..
وستكون احد الطيور المغرده دائما داخل السرب وفي انتظار ابداعاتك ومساهماتك ..
ولك كل الود,,,
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
مرحب بالطيب ومرحب بكل طيب
والله يكتر من (أمثالك) التي بخلت بها هذه المرة ولكننا ننتظر الكثير المثير
أخي عبدالمنعم سيد أحمد
الألفين طارت ولا شنو؟؟؟ (منعم 2000) يديك العافية
| |
|
|
|
|
|
|
|
|
|
Re: عضو جديد لنج و متابع قديم (Re: الطيب بشير)
|
الحبايب
مكي ؛ عبد المنعم سيد أحمد و بدر الدين شنا فضلآ إقبلوا تقديري الأكيد و يا بدر عندي أمثال كتييييرة جاية بس أدينا فرصة {ألبسها}
ملابس خروج و أختار منها الما بحرجني في الزيارة
كلامي بقى زي إعلانات السينما زمان على شاكلة توقعوا الفيلم الهندي
الرب يرحم و أنا لا
قريبآ على شاشة سينما العرضة
| |
|
|
|
|
|
|
| |
الطيب بشير
nassar elhaj
aba
Kabar
Muhib
willeim andrea
elsharief
kamalabas
دورنقاس
ahmed khair
smart_ana2001
يا بت يا نيل
الجندرية
الزنجي
Ehab Eltayeb
ابو جهينة
HOPEFUL
ايهاب
almulaomar
mekki
عبد المنعم سيد احمد
بدرالدين شنا
Raja
Abdel Aati
abdelgafar.saeed
haneena
بكرى ابوبكر
فيس بوك
تويتر
انستقرام
يوتيوب
بنتيريست