دعواتكم لزميلنا المفكر د.الباقر العفيف بالشفاء العاجل
|
|
 المنبر بقى زي الرادي بتاع روسيا
|
زمن طيب الذكر الإتحاد السوفيتي كان عندهم رادي ردندناوي أين ما توجهه لا يأتي بخير و هو كل على صاحبه و كان مجرد إقتناء جهاز راديو {إبن كلب} ممكن يجيب محطة تانية مشكلة كبرى
إختار الرائع بكري أبو بكر -صاحب المنبر- أن يفرد أسبوعآ للإحتفال بشخصية أقل ما يقال عنها أنها خلافية و ما شجعني لمزيد من إثارة الغبار إلا إستنكار البعض من الجمهوريين و عداهم لكل رأي يخالفهم و لا يمجد محمود! عجبآ فلماذا نلوم الترابيين إذن
ألم يرفعوا {زولهم} بنفس القداسة بل أقل؟
أليس -هو الأخر- شخصية خلافية؟
قالوا لنا إن محمودآ مفكرآ , عديلة وزين فكرو مبروك عليكم و يتربى في عزكم نحن لا بنكفروا و لا بنكفر غيرو لكن مع بداية السمستر و الأيام الحلوة دي نلقى البورد كلو محمود محمود يعني هو التكرار بينفع؟ و التركيز الإعلامي بيسوو زي دة ؟ و ليه يا ربي النظرية دي فشلت عمليآ في روسيا؟ و كل البوستات دي ما كان ممكن تكون بوستين تلاتة؟
و الله قبل يومين لقيت أعضاء البورد المتواجدين إثنين بس
الناس زهجت, طفشت
بالله راجعوا الأسماء المواصلة بشكل شبه دائم وينم؟
فرتقوا , الفكرة ما مسبوقة في أي وسيط إعلامي حيوي تاني و لو كان الناس في البورد كلهم عاوزين يحتفلوا مع جماعة محمود كانوا مشوا ليهم في محلهم و اللنكات تدل عليه و دكتور ياسر الشريف الراجل الظريف ما مقصر رافعها مكرر في كل البوستات
البورد دة من عرفناهو قبل سنتين تلاتة لقيناهو حر و متنوع
التنوع راح فيها
الله يووكي الجراب علي العقاب
|
|
 
|
|
|
|
|
|
|
|
Re: المنبر بقى زي الرادي بتاع روسيا (Re: الطيب بشير)
|
دايرين ندخل المنبر نلقى بدر الدين شنا و بوستاتو اللطيفة عن النقرطة و الزكبة
لم نقرأ لوووووووول طيلة الأسبوع
عصرنا الفراش بما فيه الكفاية فارفعوا البكا عشان نشغل التلفزيون
كسب الجمهوريون شيئآ في هذا الأسبوع و خسر البورد أشياء
| |
|
|
|
|
|
|
|
|
|
Re: المنبر بقى زي الرادي بتاع روسيا (Re: الطيب بشير)
|
..
.
سلام يا ود البشير
والله قلت الكلام الما انكتب
والمشكلة انو دا ما بقي فراش الفراش حتى فى السودان بقي يوم
بس دا مهرجان بل مهرجانات وتحت رعاية بكرى ابوبكر ومباركته
والله مش قرفنا ..وطفشنا وقدونا ( وطيروا العريس ) لكن نعمل شنو الا
ننتظر يوم 19 خلاص جاء عشان الزوبعه دى تنتهى وعقبال ما يتوقف مهرجان حجاب واعتراف تماضر بت الشيخ ..
الله يسهل القواسي
ويعيد لينا تنوع وتعدد الموضوعات والكتاب
دمت
| |
|
|
|
|
|
|
|
|
 Re: المنبر بقى زي الرادي بتاع روسيا (Re: الطيب بشير)
|
الطيب البشير
قلته الحقيقة
وكمان لا بد من عودة البوستات الفراحية التى تندرج نحت مسمة الفرفشة فكل الدعوات ان يعود البور كما كان
علم وفن وهندسة وفرفشه لزوم كسر لحظات الشتات الصعبعة وخاصة الشتات الداخلى الذى يبحث عن اجتماعياته فى البورد
تحياتى
| |
|
|
|
|
|
|
|
|
|
Re: المنبر بقى زي الرادي بتاع روسيا (Re: بلدى يا حبوب)
|
الأخ الطيب،
الناس البتكتب عن محمــود دى هل عنـدهـا الحـريـة فى الكتابـة واللا لا؟
والناس التانيـة هل هى مجبـورة على فتح البوستات دى، والله ممنـوعـة من فتـح بوستات جـديـدة؟ وإذا كانت ممنـوعـة، فكيف فتحت أنت هـذا البوست.. وكيف فتـح الكثيـرون قبلك بوستات مختلفـة، بما فيها تلك التى لا علاقـة لها بمحمــود، وتلك التى كالت الشتـائم لـه؟
وشكــرا
| |
|
|
|
|
|
|
|
|
|
Re: المنبر بقى زي الرادي بتاع روسيا (Re: Abureesh)
|
أبو الريش
أنا إحتججت على تخصيص أسبوع بحالو لمحمود مما {خستك} بتنوع البورد أما إستراتيجية لو مستعجل أركب تكسي دي فلا معنى لها
من حقك أن تحتفل بمن تشاء و لكن أسبوع تماااااام؟
Quote: وتلك التى كالت الشتـائم لـه؟
|
إنت بتستنكر الشتائم؟
| |
|
|
|
|
|
|
|
|
|
Re: المنبر بقى زي الرادي بتاع روسيا (Re: الطيب بشير)
|
تبلدينا
سلم لي علي الأبيض من حي المطار لحدي الله كريم
و برااانا نرفع الفراش رايك شنو؟
تماضر
ما غلطان الشافع الدخل صالون فكري عشان {يلعب} غلطان الفتح ليهو الباب
رجاء
صورتك رجعت تاني
لووووووول
ملاسي
كسب الجمهوريون بكري
لا أعني تسجيله في التيم فهذا لا يعنيني لكن {إقناعه} بأن محمودآ أهم من وطيء أرض السودان و إلا فقل لي هل تم إنزال راية البورد من قبل لسواه؟
بلدي يا حبوب
قول لي نسوي شنو؟ حكم القوي
حبيب الكل
غني
و لا يهمك الفيلم الهندي دة في نهايتو
| |
|
|
|
|
|
|
|
|
|
Re: المنبر بقى زي الرادي بتاع روسيا (Re: abuguta)
|
من خيرات الأسبوع علي
أنني ظللت {أتهم} الجمهوريين بالمثالية و قرأت مقال د/ حيدر بدوي صادق القيادي الجمهوري المعروف و هو يسيء إلى عبداللطيف القيادي الأكبر حاليآ_بحسب حيدر ذاته_ و لا أذكر عدد الإساءات و التجريح الشخصي الذي أورده لمنه كان كافيآ لأراهم حزب سياسي تلوح فيه جماعة {الإصلاح و التجديد} مثله مثل سواه
و لا تعليق على قصة أبي الريش
| |
|
|
|
|
|
|
|
|
|
Re: المنبر بقى زي الرادي بتاع روسيا (Re: الجندرية)
|
الجندرية
حبااااابك
و حباب الكلام الهادي و النفس البارد
أنا فقط أتساءل
هل أفرد المنبر أسبوعآ قبلآ لغير محمود؟
و بالتالي لماذا محمود؟
و برضو التكرار و الإحتكار _برأيي_ يضران ب{الفكرة} المحتفى بها ذاتها من جهة و يطفشان البورداب من الجهة التانية فلماذا؟
| |
|
|
|
|
|
|
| |
الطيب بشير
bayan
Tumadir
Raja
Hussein Mallasi
بلدى يا حبوب
7abib_alkul
مهيرة
Abureesh
الجندرية
abuguta
فيس بوك
تويتر
انستقرام
يوتيوب
بنتيريست