|
دعواتكم لزميلنا المفكر د.الباقر العفيف بالشفاء العاجل
|
|
 Re: الطـبيبة .. نص شعري .. (Re: الطيب بشير)
|
لوووووووووووووووووول ياالطيب
عاد استعد
ازواج الطبيبات وحبايبن وخطابن
بياكلوك حي بسنونهم
انت عياااااااااااااااان مجندل
وبعد جا تبلحق لي في القسمات والاعطاف والارداف
وتتكرف في الروايح كمان
اركز يا اخو البنات
وتاني لوووووووووووووووووووووول
| |
 
|
|
|
|
|
|
|
 Re: الطـبيبة .. نص شعري .. (Re: الجندرية)
|
الجندرية بت طابت
تسلمي و ليك الهنا
تعرفي ممكن أزوغ من أزواج الطبيبات و حبايبهم كيف؟
أقول ليهم المعنى غير مباشر
يا بتنا شوفي كتابات أستاذنا الواثق و نهجه في هجاء المدن
قال شعر مقاومة قال
طيب أنا المعنى الدايرو هنا دعم للجندرية
كيف ما طلعت من الدقة؟
التحية ليك
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
أذكر هذا النص جيدا
أيامذاك يا طيب
إنه هنا يكسب التواصل حتما
لكنه يخسر انجذابك فيه أثناء الإنشاد
إذا كان يكفيك الآن أن أقول لك أنت ( حلو )
فأنت كما يقول الحبيب فاضلابي ( باسطه) عديل كده
سلمت يا ألق
| |
|
|
|
|
|
|
|
|
|
Re: الطـبيبة .. نص شعري .. (Re: Remo)
|
Remo
ود أمنا
لقد كنت أكتب الشعر لنفسي و لا أجرؤ على قراءته للغير
ربما لآن الشعر في طابت ليس خبرآ فكلهم شعراء
و التقيتكم في المنتدى و سمعتكم و أسمعتكم
و كلامك {حلو} و {باسطة} و {ألق} دفعني للأمام كثيرآ
تحياتي و نرجو أن يتم تغيير إفادات البروفايل بتاعك بمعلومة واحدة؟
ربنا يتمم بخير
| |
|
|
|
|
|
|
|
|
|
Re: الطـبيبة .. نص شعري .. (Re: MUNA OBIED)
|
MUNA OBIED
لوووووووول رد من طبيبة
دة يا الجندرية البجيب العكاكيز ذاتو
أنا مبسوط إنو القصيدة أعجبتك لكن الزول المعاك دة بعاين لي كدة مالو؟ يا زول قول بسم الله دة شعر مقاومة على قول الواثق
| |
|
|
|
|
|
|
|
|
|
Re: الطـبيبة .. نص شعري .. (Re: Khatim)
|
أستاذنا المتفرد بعطائه المتجدد
الخاتم عدلان
وهل يجد الشاعر حظآ أفضل من قاريء؟ و أي قاريء؟
الخاتم عدلان
لا أدري هل أعجبتني القصيدة بعد قراءتك المختلفة لخباياها أم أن علاقتك الواعية بالتاريخ أضاءت ما حولي فذهبت بنور الطبيبة تحت وهج الإدراك فوق الراقي لمفردات نبضت بالحياة في مرحلة القراءة الثانية
كان الإطراء فوق مقدرتي على الإحتمال و أعجبني تعليق زوجتي بأن تعليق الخاتم عدلان على عملك { ح يطلعك في راسنا}
قل لي أين تبحث فتجد مثل هذا الكلام؟
قل لي أنت لماذا إخترت الطريق الصعب بل و كيف هزمت فكرة أن يكون القائد نصف إله و بعيد عن العمق و طفقت تأكل الطعام و تمشي بين البوستات تتجشم وعثاء الرد على شاعر نصف نكرة لا يستر إسمه سوى فضل بكري و بعض لطف الأصدقاء’ و في خاطري حديثك السابق عن أنك لا تحب أن تعامل كواحد من {الكبار}
و قولك لو اكتفيت بهذا وحده لخصصتك باحتفال هذا المساء
نحن يا خاتم جيل الغبن و الغفلة لم يخصص لنا يومآ أو بعض يوم في عمرنا المهدر بين إنتظار نتاج الثورة و إنتظار عودة الزعيم و إعادة إنتاج الإنتظار
لم يخصص أحد يومآ إحتفالآ لي حتى عرسي تدخل عساكر الحفلات و أنزلوا أبا عركي البخيت من المسرح لأنه غنى { ح ينكسر سور الموانع } و ذكرهم بالناس و الشوارع فكان أن ضاع الأمس مني
الحمد للطبيبة و بكري أن جعلا تواصلنا ممكنأ و لا أريد أن أفسد حلو كلامك بمباشرة تؤذي الخافي
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
الاستاذ الطيب:
الكم الهائل من (الكسير) الذي تضج به القصيده اثبت ان كسيرنا اتعلمناه منكم ومن عاشر قوما.....
كنت قد جهزت مداخله حول موضوعك الجيد عن الامثال السودانيه ولكن روعه وجمال الطبيبه والحيويه التى بها حتمت علي ابداء الاعجاب بها ..
ولكن اعمل حسابك ماتصل القصيده لطرف ام بشير ولن يشفع لك تاريخ القصيده,,,
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
أخى الطيب...
وعلى ورود كلمة ود البلد يا هو ودالبلد (سيد الإسم فى البورد) زاتو معاكم يلتهم من هذا البوست الدسم.
لست بشاعر أو متشاعر أو حتى شعرور, لكن القصيدة أخذتنى على أمواجها الرقراقة, وهكذا هم الشعراء يفرشون لنا الورد فى زمن المستحيل ويحملونا على أجنحة الفراشات كى نغيب ولو للحظات من تعاسة هذه الحياة.
وتسلم أخى.
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
اخى الطيب
.................
ماالذي يجعل هذا العمل جميلا جدا؟لماذا يجذبك فتغرق في كلماته حتى النهاية؟؟هل لانه يحكى مشهد متكامل...هل لانه بسيط وواضح.....هل هو سحر الصياغة .....
............................
اخجل والله ان ادخل علي بوستك هذا ....بايدى ساكت....اهلنا علمونا مانخش علي ناس وايدينا فاضية...هذا ما يجعلنى قليل التعليق الا في جليل الاعمال مثل عملك هذا....ولهذا ساكتب مشاركة بسيطة
لمحاولة ولست بشاعر او متشاعر بل هو شئ احسسته وقتها
...................................
اصبت بوعكة صحية قاسية في واشنطن الاسبوع الاول من ديسمبر لهذا العام ....وبحكم سكنى وحيدا قرب الجامعة في غرفة ذات اربع حوائط بلغ منى المرض مبلغا عظيما ....وتذكرت امدرمان وامى مابين المرض بجوارهما وبعيدا عنهما فكتبت الاتى:
....................
وقت الحمة ضاقت بي
هناك في الغربة بين اربع
وبين غبي وبين فتيح
طريتك يمة
........................
وحيد الحال
وضايق البال
وصداعا شديد بالحيل
وبردا جوه في ضلوعى
طريتك يمة
......................
طريت ايامى وياك يمة
طريت....
قعادك جنبى وقت الليل وقت امرض
وقت الحمة تزداد كيل
وختت ايدى في ايديك
وقطعة قماشة مبلولة موسدة في جبهة البيه
اي بيه... وليه مابيه
اكان امى واقفة علي بتخدمنى
بتسهر فينى ليل ونهار
هجرتى النوم ياامى
ورجيتى معاي نومى القل
........................
هزة خفيفة صحتنى
ميعاد الحبةاصبح حى
لقيتك يمة واقفة حداى
سندتينى وسند ضهري
بلعت الحبة من ايديك
واستلقيت
دعيتى علي المرض يمة
دعيتى علي البعوض والعين...عين الناس
قريتى من القران ايتين
تحصنى بيهم نور العين
لمحت الدمعة في عينيك
وخفت من المرض يمة
...................
في كل صباح بصبح بالسؤال اياه
كيفنك وكيف اصبحت
بلهفة حنينة راجية جواب
يبشر بي قدوم العافية
تمام يمة...بحمد الله...في يوم رديت
وشفت الفرحة في عينيها ...وانفك الحزن عنها
.........................
وكل ماتذكر نعيمى معاك يمه
بفكر ...كيفن يكون معاهو جزاك
صعب يمة العملتى كتير
ومابنقدر عليهو معاك
وبسأل ربي في دنياى
ارد منو...قدر حبك
قدر صبرك
قدر المك
قدر تعبك
وبسأل ربي في اخراك
يغفر ليك ...وتخلدى
فى جنان رضوان
.....................
shereef
| |
|
|
|
|
|
|
|
|
 Re: الطـبيبة .. نص شعري .. (Re: omdurmani)
|
العزيز الطيب بشير
وتنظم الشعر...
أعجبني منذ أن قرأت لك إختيارك للكلمات
وقرأت القصيدة كذا مرة وقمت بإضافة اللغة العربية حتي أستطيع الرد
وكل منانا ما تبخل علينا ...
كل سنة وإنت طيب يا طيب
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
عزيزي الطيب بشير
سلام كتييييييييييير
كنت حاسي لي بي شوية آلام ولمن شفت العنوان (الطبيبة) قلت أقابلها وصدقني بعد قراءتها وجدت الطبيب هو أنت الطيب البشير أو (الطبيب البشير) فحروفها وأنفاسها هي التي أزالتي سقمي
سر وعين الله ترعاك
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
رجاء العباسي {بتنا} أول عنصر نسائي في البوست بعد حصار خناس
كلك ذوق أنا كان عندي هبوط في الضغط لكن أظني طلعت من غرفة الكشف بي مرض حامد
ود البلد
معليش سطونا على إسمك للباشمهندس خالد الطيب و كلكم أولاد بلد و أخجلت تواضعنا برأيك في النص
شريف الأمدرماني
كفارة و سلامتك و ألف عزيز كرامتك و لا بأس عليك و خلي الجماعة يغنوا ليك في غفلة رقيبي
خالد الحاج
و الله ليك وحشة
تعرف حكاية لندن و إسمك الجديد و ردودك بالإنجليزي غيروا شوية في التواصل معاك عشان كدة أسعدتني رؤيتك {بالعربي} و لك أسمى آيات الود و سنة حلوة
العزيز بدرالدين {حلا}
أنا سعيد إنك في البورد و مبسوط إنو الطبيبة أعجبتك و إن شاء الله نتلاقى في المسرح و نفطر فتة عدس من خالد و نخمس سيجارة من منير عبدالوهاب في مكتب صباح النعمة سراج النور في البيزمنت
إيمان أحمد
الطبيبة فاتنة يا إيمان و أنا لن أراجع عملها وراءها فهذه مهمة المدير مثلآ لكن نحن معشر المتاوقاتية نسعد بالنظرة فلا تحسبوها علينا بفهم حسي فقط
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
الظريف الطيب
دا أظنو مرض حامد ساااكت؟؟؟؟
غايتو ما عارف القصيدة دي خليتني احس كأنني أنا العيان
وفي ( زول ) بعالج فيني!!!!!
لا يمكن أن أضيف واقول اكثر مما قاله الأخوة والأخوات هنا
ولكن فقط اسمح لي .. فقط ( ضممتها) الي أرشيفي الخاصة والذي انتقيه عادة بعنياة من جملة ما يرد بالبورد ..
بس فقط .. نرجو أن ( تنكت ) المستخبي
تحياتي
رحمابي
| |
|
|
|
|
|
|
|
|
|
Re: الطـبيبة .. نص شعري .. (Re: الطيب بشير)
|
يا الطيب ودبشير
يا اخي ما كان تشيل حبوبك وتمش
انا رااااااااااااااااكز
علّ
اموت في القصّر عينو وتنقذني الطبيبة
يا الجندرية...
انا وانت متفقين
وبعيدا عن الهذيان يا الطيب
قصيدتك تعجب العدو اللهو انا
اختيار لكلمات انيقة في ثوب لوحة تشكيلية كلما مررت عليها صباحا
تسكعت حول خط او لون يوديك السما السابع.... والعجيبة ساعة المغربية.. البيقراها بتمسكو ام برد... شايف كيف القصيدة بتلعب بي اعصابنا..
لك العافية يا انيق
| |
|
|
|
|
|
|
|
|
|
Re: الطـبيبة .. نص شعري .. (Re: nazar hussien)
|
nazar hussien
عاجباك القصيدة و لا الطبيبة أفرز؟
أنا في منتهى السعادة إنو مساءاتك الحالمة أفردت خطوطآ شكلتها الطبيبة و جميل إنو الزمن وقف شوية و أهدى ليك فرح بعد طول نداء
تسلم يا راقي
| |
|
|
|
|
|
|
|
|
 Re: الطـبيبة .. نص شعري .. (Re: الطيب بشير)
|
أخي الطيب بشير يا لروعة الكلمات ونظم القصيد
جميلة جميلة جميلة جداًً
قراءتها مرات ومرات لا أمل
لا اكاد انتهي من قراءتها حتى أعيدها مرة اخرى
لقد اتخمتني اليوم فلك لك كل الشكر وأجزل التحية
| |
|
|
|
|
|
|
| |
الطيب بشير
Mahadi
الجندرية
nazar hussien
Remo
دورنقاس
Khatim
Ehab Eltayeb
Tumadir
Raja
WadalBalad
بدرالدين شنا
إيمان أحمد
AlRa7mabi
waleedi399
فيس بوك
تويتر
انستقرام
يوتيوب
بنتيريست